|
|
 |
 |
 |
 |
 |
 |
 |
 |
|
|
|
7th August 2008, 02:34 AM
|
||||
|
||||
فضيحة وزارة التعليم العالي..
اني طبعاً وحده من اللي سجلوا السنة لبعثات الدول العربية اللي هي البحرين ومصر والاردن..وكان التسجيل مافي الا بالرياض يعني مافي تسجيل الكتروني..ولمن رحت هناك منعونا من التسجيل في برنامج خادم الحرمين الشريفين والتسجيل في البرنامج الموحد اللي بالرياض.. دون باقي التهديدات قالو لينا انه اللي تحصل قبول بالبعثه ماليها قبول في الجامعات السعودية..وكان كلامهم متناقض إلى ابعد الحدود يعني لمن نسأل من جهة الاولاد يجاوبو انه اللي يحصل قبول في البعثات ماينقبل في السعودية..على عكس الكلام في القسم النسائي.. المهم..اني فوت علي التسجيل في جامعة الملك سعود وبرنامج خادم الحرمين الشريفين على أمل انه يقبلوني بعثة في البحرين..ولمن طلعت نتايج البحرين حطو في موقع الوزارة ارقام السجلات المدنية للمقبولين..وللأسف مالقيت اسمي.. قلت خلني اشوف اللي قبلوهم احسن مني في ويش؟؟..ودخلت موقع القياس وقعدت اشوف نتايج المقبولين.. وانصدمت لمن لقيت ناس اقل مني بوايد..وبعضهم حتى الشروط مو مستوفيه فيهم اصلاً طبعاً الواسطات وماتسوي..يعني ظلم إلى ابعد حدود..والمشكلة انه لما رحنا عشان نسجل ونتايج القياس بعدها ماتطلع ..مللونا وهم يعيدون بكلامهم اللي الشروط مو مستوفيه فيها ماراح نسجلها ولانرفع اوراقها وملفاتها..وأعرف ناس وايد انحرمو من التسجيل فيها عشان درجاتهم.. والمشكلة انه في ناس من اللي انقبلو درجاتهم اقل وخلوهم يسجلون وقبلوهم.. المهم خليكم تشوفوا شروط الابتعاث بالاول: شروط الابتعاث 1- ألا تقل نسبة الثانوية العامة عن 90% في قسم (العلوم الطبيعية) أو ما يعادلها. 2- أداء اختبار القدرات العامة على ألا تقل الدرجة عن 70%. 3- أداء الاختبار التحصيلي، على ألا تقل درجة الاختبار التحصيلي عن 77%. 4- ألا يكون قد مضى على حصوله على شهادة الثانوية العامة أكثر من ثلاث سنوات بدءاً من العام الدراسي 1425- 1426هـ. 5- يتم حساب الدرجة الموزونة بناءاً على ما يأتي: 40% للاختبار التحصيلي، 30% لاختبار القدرات، 30% لمعدل الثانوية العامة. وهي موجوده في موقع الوزارة.. المهم لمن رحنا ليهم الرياض مرة ثانية..طبعنا درجات المقبولين اللي طايحة في الارض..وسألناهم في القسم النسائي ليش قابلينهم والشروط مو مستوفيه فيهم..تقول لينا الموظفة عشان يصير توازن مو معقولة بس نقبل بنات المنطقة الشرقيه.. يعني واضح الواسطات عامله عمايلها..فجأة يقولو لينا سوو لجنة عالمناطق.. وبعدين دامهم سوو لجان ليش يقبلون ناس مو مستوفية الشروط..يعني احنا احق منهم بالقبول.. وطبعا لمن ابوي راح قسم الاولاد قالو له انه المسؤول عن البعثات واللي اسمه هشام العمار اخذ اله اجازة وانحاش.. شوفوا التناقض في الكلام يقولون التوزيع على أساس جغرافي ومايبغون يكثقون من بنات الشرقية ولكن اغلب اللي درجاتهم زفت ومقبولين هم بنات الشرقية من مدارس الدمام والخبر وطبعاً القطيف مالهم الا رب العالمين .. ______________________________ المهم اني بااحط ليكم ارقام السجلات المدنية للبنات اللي درجاتهم نزيلة واقل مني..او اللي غير مستوفيين للشروط واللي حطوهم بموقع الوزارة..وقبلوهم وهالبنات كلهم درجاتهم أقل مني في القدرات والتحصيلي وأغلبهم بالنسب بعد....يعني 20 بنت مايستحقون ينبعثو على حساب الوزارة..ويمكن اكثر بعد..حرام على وزارة التحطيم العالي هالظلم.. وإذا تبغون تتأكدو من درجاتهم القدرات والتحصيلي ماعليكم الا تدخلو الرابط :نتائج اختبار القبول - طالبات وتحطون على البحث برقم السجل المدني وتالي تحطو الرقم وتضغطو على عرض النتيجة.. واني بس شفت درجات البنات..يعني يمكن يكونو الاولاد اعظم والواسطات عندهم اكثر..يعني وين مانسجل مسكرينها في وجهنا..سجلت في الفيصل وماقبلوني ليش انه الفرق بين نسبتي والنسبة اللي يبغوها بوينتات قليلة لاغير.. بالآخر اتمنى منكم تدعولي بالتوفيق واني احصل على قبول..واهم شي انه تتوقف هالمهازل والواسطات اللي خذو مكاناتنا ومقاعدنا.. وياليت تنشرون الموضوع..لعل وعسى توقف المهازل ذي.. التعديل الأخير تم بواسطة : أمَـل بتاريخ 11th August 2008 الساعة 04:41 AM. السبب: ارجو عدم ذكر تجربتك في ارقام السجل المدني (f) 
|
|
7th August 2008, 02:37 AM
|
|||||
|
|||||
|
رد: فضيحة وزارة التعليم العالي..
 أتذكر على سنتي ( قبل عامين ) رأيت نسب اناس نسبهم في الثمانين قبلوا للبعثة !! مع أن من نسبته في الثمانين لا حق له أصلاً للترشح فما بالك بالقبول النهائي !!! المثير للقهر الحقيقة هو أن الوزارة تعرض هذه النسب على موقعها صراحة عياناً للناس !! الله المستعان 
|
|
7th August 2008, 03:13 AM
|
||||
|
||||
|
رد: فضيحة وزارة التعليم العالي..
افضل لك تسجلين في جامعة الملك سعود الترم الثاني ،
وإن شاء الله القبول بيكون مضمون ، لأن عدد المتقدمين بيكون أقل ، لكن حاولي تسجلين بوقت مبكر قبل الزحمة ، الترم الأول خليه إجازة من تعب 12 سنة دراسة ،
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| تقييم هذا الموضوع | |
|
|
