|
|
|
|
|
|
|||||||
|
|
 |
|
|
LinkBack | أدوات الموضوع | إبحث في الموضوع | تقييم الموضوع |
21st June 2008, 06:53 PM
|
||||
|
||||
|
د. ريما الجرف
كيفكم يأحلى صبايا ؟؟؟  بنات العنقليزي ابغاكم بكملمة راس << اخلصي بلا هذر بنااااااات والله ضايق صدري العالم مبسوطين بالأجازه وانا ودي أصيح لين تخلص دموعي  ماسأتي تكمن بالدكتوره ريما الجرف أنا حملت الماده عندها وزي ماانتم عارفين كثير يحمل عندها طيب انا خايفه احملها مره ثانيه واقعد طول عمري احمل عندها القهر اني حاذفه الترم عشانها لاني اول شي خذت درجة زفت فقلت يابنت احذفي وتعالي الترم الثاني وشدي حيلك عشان ماتحملين عندها وحذفت وراح علي ترم على الفاضي وهذا ني حامله عندها والله حييييييييييل ضايق خلقي والي يزيد الطين بله ان صديقاتي حاملين عندها مرتين وشكلهم هذي المره الثالثه وبعضهم هذي المره الثانيه فأنا خايفه احمل عندها السنه الجايه فماأدري وش اسوي ؟؟؟؟ مفكره أحول اروح أدب أنجليزي او انجليزي الامام شرايك يابنات شورو علي ؟؟؟؟؟؟؟؟؟؟؟ 
|
|
21st June 2008, 07:53 PM
|
|||||
|
|||||
|
رد: ريما الجرف وماادراك ماريمى الجرف
أول شي استهدي بالله وخذي نفس... كاس مويه لاهنتو... ثاني شي welcomeبالمنتدى... ثالث شي ...ريما الجرف بروفيسور مخه أمريكي... ماتظلم بالدرجات..بالعكس تشجع الطالبات انهم ينجزون أكثر.. أنا أخذت معها vocab1وكانت مره كويسه...هي فقط يحتاج لها تعامل خاص.. اسمعيها مني ...لا تتركين القسم عشانها بس ..في أستاذات ودكتورات مره كويسات في الـsemesters الجايه..وان كنتي داخلته برغبتك خلاص اعرفي انه لك ولاتحذفين اترام عشان ماده.. واسمعي كلامي اللي بقوله..اذا كانت ريما بتعطيك اي ماده الـlevelالجاي الصقي عندها..ما أقولك تمصلحي...هي ماتحب اللي يتذللها لا...تحب البنت المجتهده اللي توريها انها مهتمه بالـenglish نفسه مو في ريما وبس....وروحي اسأليها في أشياء كثيره....تستفيدين والله ...سوي مثلي..روحي عندها واستعيري منها كتب...وبتستفيدين من الكتب وهي بتعطيك نصائح عن كتب وعن أشياء كثيره.. فعلا هي طريقتها فيها كبرياء وثقه بالنفس...من حقها بروفيسور...لذلك انتي تعاملي معها برضو بثقة بالنفس وشاركي معها دايما بالكلاس وسويلها الـasignmentsاللي تطلبها بالموقع الالكتروني وردي على مدوناتها واكتبيلها اي شي حلو بالانجليزي شعر مثلا وراح تفرح مره وتحتفظ فيه كتذكار.. صدقيني والله أنا ارحمها من العذاب اللي عاشته وهي صغيره يعني مانلومها اذا صارت بروف بعد كل الأنجازات اللي سوتها.... وانتي بكره اذا صرتي بروف شوفي كيف بتصيرين.. وان كانت تظلم في حق الطالبات -وهذا اللي ما اعتقده- فالله حسيب عليها.. وان كنتي تبين تحولين فللإمام ترجمة أفضل لك... هذا والله أعلم وصلى الله على نبينا محمد وعلى آله وصحبه أجمعين...
|
|
21st June 2008, 09:12 PM
|
|||||
|
|||||
|
رد: د. ريما الجرف
لا تضيعين فرصة انك تدرسين معها وربي تستفيدين كثير لو انتبهتي معها وانا اعرفها وربي ما تظلمك ... انسانة ما عندها اي تحيز او محاباة لاي احد.. اللي تستاهل تنجح كثير تمنيت ادرس عندها مواد ثانية لثقتي اني راح اخذ اللي استحقه __________________ اضغط هنا لرؤية التوقيع
|
|
22nd June 2008, 01:18 AM
|
|||||
|
|||||
|
رد: د. ريما الجرف
اختي انتبهي تحولين القسم ,,
صحيح قسمنا 5 سنوات ,, ودراسته صعبه بس له مستقبل ,, وراح تشوفين بعد التخرج ,, اذا انتي داخله هالقسم برغبتكـ ,, لا تحولين بمجرد شعوركـ بالفشل لانكـ حملتي عند ريما ,, انا اخذت معها قرمر 1 وحملته مرتين ,, والمره الثالثه اخذته مع لطفيه ونجحت بقريد عالي ,, اذا تحسين انك ما تقدرين تاخذين عندها لمجرد انك حملتي عندها ,, غيري الشعبه ,, روحي لشعبه ما تدرسها ريما ,, وقبل ما تسوين اي شي ,, استخيري ,, ما تدرين الخيره وين ,, والله يوفقكـ
|
|
22nd June 2008, 04:15 AM
|
|||||
|
|||||
|
رد: د. ريما الجرف
انتبهي تعتذرين عن تيرم علشان ماده وحده معقدتك والا على كذا بتقضينها اعتذارات وشوفي انتي اعتذرتي وفالاخير على غير فايده انتي اذا حملتي ماده اهم شي لاتتعقدين بالعكس شدي حيلك وحطي في بالك انك اول مره تدرسينها وبإذن الله راح تنجحين وربي مايضيع تعب احد اهم شي ذاكري كويس وشدي حيلك وربي يعوضك لالفضل ان شاءالله وترى لاحظت في قسمنا ان اغلب الاستاذات يحبون يحسون ان الطالبه مجتهده وتحب الدراسه والواجبات وحتى لو ماكنتي صدق كذا بس اهم شي اذا عطتك واجب عطيها في الوقت المحدد ولو كان كثير عادي ولو حددت وقت لاتروحين تقولين لها عندنا ضغط وخففي علينا اذا حددت امتحان لاتتأففين وتقولين كثير وقللي الشابترز هذا اللي لاحظته في الاستاذات وربي يوفقك ان شاء الله وتنجحين في كل المواااااااااااااااااااد __________________ اضغط هنا لرؤية التوقيع
|
|
22nd June 2008, 04:22 AM
|
|||||
|
|||||
|
رد: د. ريما الجرف
لاتهمك ولاتغيرين قسمك عشانها حملتك الماده اهم شي بهالعطله طوري لغتك وشدي حيلك الترم الجاي وانشالله ربي بيوفقك على فكره كابوس ال F مستمر في كليتنا الجميله ومعظم بنات القسم يعانون منه فأنتي منتي اول وحده ولا اخر وحده ,, موفقه
|
|
22nd June 2008, 09:20 AM
|
||||
|
||||
|
رد: د. ريما الجرف
ياحياتي معتذره عشان ماده  عالعموم اللي راح راح بس انتبهي تعتذرين عشان ماده !! كذا بيروج عمرك وانتي ماتخرجتي وبالنسبة لريما ياهي مسببه ازمة نفسية للبنات  يعني معليش هي ماتنفع في المستويات الأولى أبداًً أبداً بس الظاهر انهم حاطينها عشان تسوي تصفية للبنات تخيلي هذي الأستاذه حاست ابو جدولي !!! والا كان امشي صح حملت معها قرامر اربع مرات وربي اني اذاكر وفي البيت فاهمه المنهج فهم ولو تبين الفت لك كتاب وكمان ايبة مدرسة واول مره في تاريخي اجيب مدرسة خصوصي لأني مااحبهم  احب اذاكر بنفسي المهم اجي الامتحان للأسف احل وانا ماادري اذا هو صح والا لا وفي النهاية نجحت لما غيروها  !! بس تدرين انا غلطانه اني سكت مفروض اني سويت حاجه لأنه اربع مرات قوية والله !!المهم حبيبتي وسعي صدرك وتفائلي خير وان شاء الله تجدينه وحاولي انك تتحاشين تكونين بشعبتها قد ماتقدرين واذا حصل وكنتي معها سوي مثل ماقالو البنات شدي حيلك وتمصلحي وكذا ! شوفي ترا الأزمات دائماً تكون في الأترام الأولى بس صدقيني اذا خلصتي السكيلز بترتاحييين ويجيك ليفل 5 مره رائع وبعده 6 اروع و7 اروع واروع يعني بتمشين حبه حبه وان شاء الله تتسهل عليك مثل ماتسهلت علينا اهم شي وسعي صدرك وخليك واثقه من نفسك وقدراتك ومو مشكلة اذا حملتي بس اهم شي تكفيين لاتسوين مثلي حاولي قد ماتقدرين تضيفين ساعات اكثر في الترم يعني لاتقبلين بأقل من 17 او 18 ساعه عشان تعوضين المواد اللي حملتيها ولاتأثر في جدولك ومسيرتك في الدراسة الله يوفقك وينجحك ان شاء الله والجمييييييييع
|
|
22nd June 2008, 04:51 PM
|
|||||
|
|||||
|
رد: د. ريما الجرف
هيـــونه
إذا تحبيـــن الترجمــة لا تحـــولين القســم فيــه دكتورات رائعات وأنا بدأت أستمتع فيــه ومعدلاتي صــارت عاليه من لفل فور وفعــلا إذا خلصتي السكيلز راح ترتاحين وراح يبدأ معدلك يرتفع إنتي شدي حيلك وقد ماتقدرين اقرأي قصص وكتب بالإنقلش إبدأي بالقصص حقت المبتدئين وشوي شوي خذي المستويات الأعلى انتي تقدرين تطورين نفسك بنفسك ودكتوره ريما أنا أخذت معاها قرامر وكانت كويسة بس انتي شدي حيلك ولا تغيبين عندها أبدا عشان ماتفوتك ولا محاضرة وتستفيدين من كل الدروس وادخلي على الويب سايت تبعها في أشياء كثير ممكن تفيدك بالتوفيـــق __________________ اضغط هنا لرؤية التوقيع
|
|
22nd June 2008, 09:37 PM
|
|||||
|
|||||
|
رد: د. ريما الجرف
المسالة تعتمد على الطالبة نفسها في الإمام يدرسون مواد تربية وعلم نفس وسلم وتوحيد وفرنسي ويحفظون قرآن أجزاء معينة وفي الترم الواحد حوالي 24 ساعة ... وعندهم أدب وترجمة ولغويات .. وفيه تطبيق وأظن مشروع لو ماني غلطانة بنات الإمام كثير ودهم يحولون الملك سعود لغات وترجمة وبعض بنات الترجمة عندنا يبون الامام.. ادخلي موقع الإمام وشوفي المواد عندهم، ادخلي منتداهم اسالي البنات عن رأيهم واستاذاتهم... وقارني بينها وبين الملك سعود. لو حسيتي نفسك فضلتي الإمام استخيري وتوكلي على الله. لو حسيتي إنك تبين الملك سعود لكن فقط عشان د.ريما الجرف تحولين، فالأفضل تراجعين نفسك، لأن ممكن في الإمام تواجهين أستاذات شديدات مثل ريما الجرف... شدي حيلك في الدراسة وخذي لك دورات انجليزي مكثفة تساعدك أكيد واقرأي كثير وتابعي معها ايش المطلوب تحديدا، أسأليها وبيني لها فعلا إنك مهتمة بالمادة، احضري ولاتتأخرين أبدا، أجلس في الصف الأول وشاركي وكوني واثقة من نفسك، وحاطة هدف في بالك واسعي بكل جهدك لتحقيقه، سواء مع أ.ريما أو غيرها، المهارات الدراسية والأسلوب مع أ.ريما الجرف أشوف نتائجه إيجابية، تبقى على الطالبات الجادات، وتخلي الي ماعندهم استعداد كافي، أو غير جادات كفاية يحولون لتخصصات أو جامعات أخرى .... أنا نفسي لو كنت انجليزي بس عشان أدرس مع أ.ريما الجرف لأن فعلا تدريسها قوي وياليت كل الاستاذات مثلها. هذا التعليم الي ينفع ويرسخ أتمنى لك التوفيق __________________ اضغط هنا لرؤية التوقيع
|
|
22nd June 2008, 10:46 PM
|
||||||||||||||||||||||||
|
||||||||||||||||||||||||
|
رد: د. ريما الجرف
لا فض فــــــــــــــــــــــــ ــــــوك أختي من كتبت أعــــــــــــــــــــلاه 000 نعم كل كلمة قلتيها صحيحة في جامعة الإمام يعني الحال مثل مثل 00 وإذا كان عندكم د0 ريما الجرف فنحن من لدينا فــــــــــــريال مجننة بنات المسلمين في جامعةالإمام الله يهديها ويسخرها لنا يا كريم 000 عزيزتي إذا حابة تستفسرين عن أي شيء بالإمام أنا حاضرة 000 بس نصيحتي أدرسي عند ناس متعلمة صح و حابة تطورك حتى لو كانوا صعبين شوي لأنك بعد ما تتخرجين إن شاء الله راح تذكرينهم بالخير لأن تعليمهم عالي ويبونك تصرين مثلهم بالمستقبل 00 |
