|
|
 |
 |
 |
 |
 |
 |
 |
 |
|
|
|
|
|||||||
|
|
|
|
|
|
|
|
|
|
|
LinkBack | أدوات الموضوع | إبحث في الموضوع | تقييم الموضوع |
5th May 2008, 03:59 PM
|
|||||
|
|||||
رد: أنا أقوى منكم ومخزن الحقائب والقطار*مذكراتي في بريطانيا*
اقتباس:
المشاركة الأصلية كتبت بواسطة ولـد الجـيـران
سبحان الله .. نفس الكلام ..
 الظاهر الأمهات كلامهم واحـد ..  متابع ..   قلب الأم وحنانها  عسى الله لا يحرمنا منهم ومتابعتك تشرفني  وبصراحة أفكر جديا في نقل الموضوع لقسم اخر لأنه قُتل هنا انت وزوايا روح على رأسي من فوق ولكن مادخل للموضوع غيركم والموضوع يستاهل اهتمام أكبر في البداية خمنت أن هذا القسم صحيح ومناسب 100% للموضوع ولكن اختلف الأمر الآن بانتظار رأي المشرفين
|
|
5th May 2008, 04:00 PM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
من كان الشخص الثالث؟ وايش سويت بالتسجيل ؟ وايش كانت المدينه؟ ومين نصب علي؟ (الحلقه الثالثه) طبعا عندنا الشخص الثالث مازال مجهول وانتوا تعرفون حديث الرسول (((عن عبد الله بن عمرو رضي الله عنهما أن رسول الله صلى الله عليه وسلم قال (الراكب شيطان والراكبان شيطانان والثلاثة ركب)رواه مالك (1764) وأحمد (6748) وأبو داود (2607) والنسائي في الكبرى (8849) والحاكم 2/212 ولفظه: أن رجلا قدم من سفر فقال له رسول الله صلى الله عليه وسلم (مَن صحبت)؟ فقال: ما صحبت أحدا. فقال رسول الله صلى الله عليه وسلم: (الراكب شيطان والراكبان شيطانان والثلاثة ركب).))) وتبعا لذلك فكرت في ثالثنا من سيكون وحددت نقاط لازم تكون فيه مثل: حريص , عنده امكانيه, نشيط , متفتح, راقي , لغته طيبه نوعا ما , وطبعا قبل كل شي حريص على دينه وتبعا لهذا وجدت انه واحد ماغيره ابو الحس أو على قول المصريين سحس وانا اللي اشيل التلفون واتصل عليه في التو واللحظه سلطان: ألو سحس: هلا سلطان: ازيك يا سحس سحس: تمام انت ازيك ياباشا سلطان: تمام اسمع يالحبيب من غير طول هرج تخاوينا بريطانيا بالصيف? سحس: تم بس من انتوا ؟ سلطان: سلطان واخوه وانت وبس سحس: لمدة ؟ سلطان:3شهور او شهرين ونص سحس:تم ظبط كل شئ وعلمني كم يطلع علي؟ سلطان:براسك معهد مدينة شي ... سحس: لا انت ظبط كل شي سلطان:تم ياسحس باشا طبعا انتوا ملاحظين اني فجأة صرت منسق الرحلات للشيوخ الثنين واني تكفلت بكل شئ<<طبعا ترتيبات أما فلوس بدري عليهم كلمت ولد عمي وسألته انا الحين ابي اسجل وشلون؟ هو طبعا كان مبتعث عن طريق عمله فكل اللي سواه انه اختار المدينه والمعهد والفترة وهم ظبطوها له بالتعاون مع المجلس الثقاي البريطاني فكانت اول كلمه قالها لي روح المجلس الثقافي البريطاني بحي السفارات وبسم الله استعنا على الشقى بالله وانقز لهم لقيت لبناني وسوداني قاعدين على المكتب اللبناني عنده واحد والسوداني فاضي سلمت عليه وسحبت كرسي وجلست فدامه واطق له السالفه احنا ثلاثه اشخاص نبي نروح بالصيف لبريطانيا عندنا المعهد والمدينه ولكن باقي الترتيبات معاكم التسجيل والسفارة والشغلات هذي السوداني قاعد يتبسم لي كل شوي ويهز راسه اخر شي قال هذي ماعندي عند الاخ هنا بس انتظر الين يخلص وانا اللي اتحطم موقف السيارة بعيد وجاي امشي بالحر وطلعت لهم درج ونفسي مقطوع واخر شي بعد كل هالكلام ماهي عنده قلت اجل انت وش عندك قال انا امن بشوف الكاميرا وبافتح الباب بس لكين خذ الكتاب هذا ضيع وقتك فيه كان كتاب المعاهد المعتمدة في بريطانيا المهم اخذت الكتاب وجلست اناظر فيه لين جا دوري سألني عن اعمارنا وضحت له سألني عن المعهد اخترت ولا لا قلت ايه اخترنا معهد hla بهاروقيت سألني انت سافرت بريطانيا قبل؟ انا : لا هو : معلوماتك محدده انا هنا استانست قلت الحين اللي مابيلعبون بذيلهم معاي قال اوك كم الفترة اللي بتجلسونها كنت حسبتها عشان بعض الارتبطات اللي بالصيف و قررت انها 9 اسابيع دراسه فقط عشان يكون عندنا وقت قبل وبعد الكورس للفرفره قال: اوك بس بدي خبرك انا بناخد على الشخص 600 ريال رسوم واتعاب قلت : وايش تشمل الاتعاب؟ هو: ترتيب التسجيل بالمعهد ومراسلتهم وترتيب السكن حسب شروطكم واذا بدكم بنرتب لاستقبال بالمطار وتوصيل للمنزل مباشرة وهاي سعرها اضافي وبنجهز لك كل اوراق السفارة مايبقى عليك غير كشف الحساب وصور أنا وان جيتوا للصراحه حسيت انها شوي ال600 للشخص على هالشغل ولكن للأسف هنا "الدلاخه" اكتشفت ان كل شئ سهل لا مراسلة المعهد ولا اختيار السكن اللي يقوم به المعهد أصلا ولا اوراق السفارة لكن الله ماكتب اني أفتح وقتها وكانت التجربه الاولى فلذلك يجب من وقوع اخطاء طقيتهم ب 1800 وصور الجوازات وقلت جهز كل شئ متى ارجع لكم؟ قال: يوم الثلاثاء الجاي انا : اوك وهذي هي للأسف اللي قاهرتني صح انها شوي ماتستاهل مع اللي ذقته بنصبة الأسهم لكن انقهرت يوم دريت انها زي شرب المويه حسبنا طلع عالواحد منا 18500 ريال وهي تشمل المعهد لمدة 9 أسابيع كورس لغه انجليزية عام والسكن لمدة 9 أسابيع مع عوائل بشرط عدم وجود كلب أو بزران واجد وبحسبه بسيطه المعهد كاننت تكلفته 200باوند الاسبوع ووقتها كان الباوند 6,86+- 0,03 والسكن كانت تكلفته 100باوند الاسبوع المجموع ل9 اسابيع2700 باوند وكانت التذكرة للشخص 4000 ريال على السعوديه ومصروف لهذي الفترة حوالي 7000ريال للشخص يعني صفت على 600 + 18500 + 4000 + 7000 = 30100 ريال تقريبا للشخص الواحد قابلت أبوي في الليل وانا متميلح الحساب طلع 18500 للمعهد و600 للمكتب و4000 تذاكر وصرفيه حوالي7000 تكفي يعني 60200 الاثنين ابوي : توكلنا على الله متى تبيها أنا اهم شئ الحين حق المعهد أبوي انا مسافر الاسبوع الجاي سفرة طويله ولكن عطني مواعيد المعهد ومتى تبغون تروحون وانا اجهز لكم الحجز أنا : تم بعد كم يوم كان يوم اثنين اتصل فيني قبل الظهر أبوي: وش عندك الحين انا: بريك الى الساعه 2 أبوي : تقدر تجيني المكتب انا : ايه أبوي: تعال انا : ok وانطلقت للوالد حفظة الله لقيته مجهز لي 70,000 حاطها بظرفين لأنه كان مسافر في عمل وراح تستمر سفرته حوالي شهر ونص وكانت رحلته بكرة اخذت الفلوس وتوجهت للجامعة عشان المحاضرة وانا ناسي منها يوم نزلت وقفلت الباب تذكرت الفلوس  نبيه بسم الله علي  المشكله المحاضرة مهمه جدا لأنها كانت قبل اختبار وهو قال راح احدد لكم معالم الاختبار بالمحاضرة امشي اقعد امشي اقعد اخيرا قلت ادخل يا ولد وماحد طاير فيك المهم صار لي موقف يرفع الظغط في الكلية ولكن مابأقوله وش صار من وقتها حتى الطيارة نكمل الحلقه القادمه *****ملاحظة***** انا أوردت كل التفاصيل اللي أذكرها للفائدة العامة لأني وبصراحة أكتب هاالتقرير -القصة ليكون شامل عن جميع الخطوات والأحداث التي يواجهها الطلاب في مثل حالتي ولتكون مرجعا لهم وعلى فكرة ترى ابي تفاعل محمس عشان نكمل باقي ورانا مشوار طويل |
|
6th May 2008, 01:33 AM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
اقتباس:
(((عن عبد الله بن عمرو رضي الله عنهما أن رسول الله صلى الله عليه وسلم قال (الراكب شيطان والراكبان شيطانان والثلاثة ركب)رواه مالك (1764) وأحمد (6748) وأبو داود (2607) والنسائي في الكبرى (8849) والحاكم 2/212 ولفظه: أن رجلا قدم من سفر فقال له رسول الله صلى الله عليه وسلم (مَن صحبت)؟ فقال: ما صحبت أحدا. فقال رسول الله صلى الله عليه وسلم: (الراكب شيطان والراكبان شيطانان والثلاثة ركب).)))
 اقتباس:
سلطان: تمام اسمع يالحبيب من غير طول هرج تخاوينا بريطانيا بالصيف?سحس: تم بس من انتوا ؟ ماخذين الموضوع بالساهل ماشاء الله عليكم ..  اقتباس:
وهذي هي للأسف اللي قاهرتني صح انها شوي ماتستاهل مع اللي ذقته بنصبة الأسهم لكن انقهرت يوم دريت انها زي شرب المويه
من وين أضبط وضعي مع السكن والمعهد وغيره !!  // عندي بعد كم سؤال .. هل الـ 30000 كفتكم بالراحه ؟! أو إنه شويه !! أو تقدر تقول عنها إنها الحد الأدنى !!  ثانيا .. كيف تعامل السفارة البريطانيه ؟! وكيف مواعيدهم ؟! هل هي مثل السفارة الأمريكيه  أو أحسن !!ثالثا .. كم إستغرق إستعدادك للرحله ؟! و هل ممكن إني أجهز أوراقي في شهر أو شهر ونص ؟! رابعا .. وش معنى بريطانيا ؟! وش فيها كندا .. أو نيوزلندا مثلا ؟! // أدري ثقلت عليك .. بس نبي نستفيد من تجربتك .. ولك الأجر إن شاء الله ..
|
|
6th May 2008, 04:00 PM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
بالنسبة للحديث<<أبشرحه مثل مافهمته يعني من راسي في السفر حينما يكون المسافر لوحده يوسوس له الشيطان بشغلات كثيرة وكذلك يتعرض لشغلات مايقدر يحلها لوحده وان كانوا اثنين نفس الشي ممكن يتفقون على شي غلط أو تصير بينهم مشكلة لكن الثلاثة لازم يكون واحد في المنتصف ويكون فيه حل وسط للأمور اقتباس:
كيف زي شربة المويه ؟! من وين أضبط وضعي مع السكن والمعهد وغيره !! اقتباس:
ثانيا .. كيف تعامل السفارة البريطانيه ؟! وكيف مواعيدهم ؟!هل هي مثل السفارة الأمريكيه أو أحسن !! ثالثا .. كم إستغرق إستعدادك للرحله ؟! و هل ممكن إني أجهز أوراقي في شهر أو شهر ونص ؟! تراسل المعهد بالايميل تستفر عن اللي تبي تستفر عنه وتطلب منهم القبول في المعهد وتطلب السكن بعد وتشترط مثلا يكون قريب غرفة وحمام خاص بالغرفة <صعبه جدا بس ممكن تظبط معاك انترنت< ضروري مايكون عندهم بزران كثير ومن هالنوعية بعدها يرسلون لك فاتورة عالإيميل وفيها معلومات حسابهم تروح لأقرب مركز حوالات مثل western union تحول لهم الدراهم وتاخذ الايصال منهم ترسل صورة من الإيصال بالإيميل وراح يردون عليك بإرسال القبول هنا تنتهي مهمة المكتب وإنت تكمل الباقي بنفسك تاخذ القبول وتاخذ كشف حساب من البنك لمدة 6 شهور لك أو لوالدك وإذا أحد ثاني غير والدك يعطيك البنك خطاب باسم الشخص هذا وإنه راح يتحمل مصاريفك كامله وتسوي حجز بس عن طريق أي وكالة أو عن طريق الخطوط السعودية وتضيف البرنت تبع الحجز وبسم الله تروح السفارة<<الحين تغير نظامهم صار فيه شركة بس ماذكر محلها وين راح أجيب معلوماتها لك وبالكثير 48 ساعه وفيزتك بايدك والسفارة البريطانية ممتازين جدا ومنظمين جدا أنا سلمتهم الجواز الصبح وأخذته الظهر لكن الشركة اللي مستلمتها ألحين ماعرف تعاملهم بصراحة وبالنسبة لكم يستغرق الإعداد للرحلة إذا جهزت وأوراقك كاملة وحددت المعهد ممكن تاخذ اسبوعين وكل شي جاهز المهم هنا هو اختيار المعهد وتجهيز الاوراق ومهم جدا إنك ما تتأخر لو تبي تروح بالصيف إبدأ من الآن اقتباس:
رابعا .. وش معنى بريطانيا ؟! وش فيها كندا .. أو نيوزلندا مثلا ؟! هي الأقرب للسعودية ثانيا سهولة اجراءاتها ثالثا بالنسبة لي عندي رغبة قوية بإكمال الدراسة في بريطانيا بعد التخرج فكانت تجربة استكشافية كندا صعبة الفيزا كما اعرف وفيها تعقيدات نيوزلندا مليانة سعوديين ومعاهدها أقل بكثير من معاهد بريطانيا ومافيه رحلات مباشرة لها وبالنسبة لل 30000 كانت كافية ألحين زاد الباوند 0.45 هلله تقريبا نص ريال وللعلم أنا جلست 10 أسابيع تقريبا |
|
7th May 2008, 05:30 PM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
يعطيك العافيه .. واصل ..
|
|
7th May 2008, 06:16 PM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
يسمعك و يتبسم واخرتهااا ما عنده ما عند ماي قريند موذور 
|
|
8th May 2008, 02:23 AM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
متعة القصة ومتعة الفائدة ياليت ما تطول بسرد باقي الأحداث وفيه كم سؤال إذا ما أثقل عليك ياليت تجاوبهم علي: أنا إن شاء الله ناوية أقدم بعثة السنة هذي وأخوي الله يجزاه خير ويشفيه لأن فيه جلطة دعواتكم له قال لي : قدمي و أنا معك أتعالج وأدرس إذا تيسر له ولي إن شاء الله على خير ولكن تنصحني أروح بريطانيا ولا أستراليا؟؟ وإذا تيسرت لي الروحة لبريطانيا إن شاء الله مستقبلا كيف ترى الدراسة للبنات ؟؟ وأنا لغتي الحمد لله متوسطة المستوى لكن كم المدة اللي تشوفها إني راح أكتسب فيها اللغة وشكرا لك أكرر لا تطول علينا بباقي التجربة |
|
10th May 2008, 12:27 PM
|
|||||
|
|||||
|
رد: أنا أقوى منكم ومخزن الحقائب والقطار*مذكراتي في بريطانيا*
الله يعافيك زوايا روح من جد رفع ظغطي هنو السعودية الله يسمع منك ويجزاك خير ولي رجعة لردك بمشيئة الخالق |
Who's a Dietitians and nutritionists 
