|
|
 |
 |
 |
 |
 |
 |
 |
 |
|
|
|
|
|||||||
|
|
|
|
|
|
||
|
|
|
|
|
|
 |
|
|
LinkBack | أدوات الموضوع | إبحث في الموضوع | تقييم الموضوع |
21st September 2007, 11:41 AM
|
||||
|
||||
كم رواتب الأطباء بالعادة ؟؟ تفرق من تخصص لتخصص ؟؟
لكن ما سالت الا لما استغربت من شي انا احد اقاربي دكتور استشاري اطفال في مدينة الملك فهد الطبية بالرياض صار له طبيب قرابة 12 او 13 سنة قاللي ان راتبة 12000 ريال فقط معقولة .. استشاري ... 12 سنة عمل .. وفي الاخير على 12000 ريال لكن الادهى والامر اخو صديق لي جراح مخ واعصاب ما اعرف كم صار له بالضبط لكن حول 5 سنوات من تخرج ويشغلل برضو مدينة الملك فهد الطبية لكن هذا اول ما اشتغل كان راتبة 14000 والآن صار راتبة 18000 معقوووولة !!!!!!!!!!!!! ممكن تفسير هالشي هل الراتب يفرق من تخصص لتخصص ؟؟ 
|
|
21st September 2007, 12:39 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
انا احد اقاربي دكتور استشاري اطفال في مدينة الملك فهد الطبية بالرياض صار له طبيب قرابة 12 او 13 سنة قاللي ان راتبة 12000 ريال فقط معقولة .. استشاري ... 12 سنة عمل .. وفي الاخير على 12000 ريال 12000 هذا الراتب الاساسي غير البدلات مع البدلات بيوصل راتبه لـ 25 ألأف تقريبا ... وتلقاه اصلا يشتغل في القطاع الخاص زيادة مثل اغلب دكاترة وزارة الصحة .. اللي على نظام التشغيل الذاتي الاستشاري يستلم حول 35 الى 50 ألأف او اكثر .. اقتباس:
لكن الادهى والامر اخو صديق لي جراح مخ واعصاب ما اعرف كم صار له بالضبط لكن حول 5 سنوات من تخرج ويشغلل برضو مدينة الملك فهد الطبية لكن هذا اول ما اشتغل كان راتبة 14000 والآن صار راتبة 18000 معقوووولة !!!!!!!!!!!!! سبق وبينت الرواتب للاطباء في موضوع قبل كذا ... عموما ابعيدها لك ... اول ما تتخرج اسمك يكون طبيب مقيم وتقدر تشتغل في اي تخصص تبيه ( راجع موضوع تفكر في الطب ؟ ودك تسأل عن نظام دراسته ) وفيه كل المعلومات ... المهم راتبك اول ما تتخرج يختلف على حسب المكان او المستشفى وما يعتمد على التخصص لأن كلهم نفس الشي ( بالنسبة للطبيب المقيم ) والرواتب تتراوح من : وزارة الصحة : تبدا براتب 12 ألأف تقريبا وعلاوة سنوية حوالي 380 ريال تقريبا وفيه اخبار شبه مؤكدة ان شا الله انهم راح يرفعون الراتب الى 14 ألأف تقريبا ... مستشفى الملك خالد الجامعي : الراتب للطبيب المقيم حوالي 12500 ألأف ... والمعيد ياخذ حول 10500 ألأف مدري اذا رفعوه شوي والا لا بس يعتبر الاقل .. مستشفى قوى الامن : راتب الطبيب المقيم حوالي 15 ألف بس ما عندي فكرة عن العلاوات والبونس .. مدينه الملك فهد الطبية : راتب الطبيب المقيم حوالي 15500 ألأف ريال شهريا غير العلاوات والبونسس مستشفى الحرس الوطني : راتب الطبيب المقيم حوالي 16 ألأف ريال غير العلاوة والبونس .. مستشفى التخصصي : راتب الطبيب المقيم حوالي 17 ألأف تقريبا غير البونس والعلاوة ( البونس حقهم تاخذ راتب شهر اساسي كل سنه حوالي 12 ألأف سنويا ) مستشفى العسكري . فيه نظامين اولا نظام MSD وراتبه مثل وزارة الصحة وعلى نفس سلم الرواتب .. نظام RKH .وراتب الطبيب المقيم حوالي 18 ألأف مع علاوة سنوية 1000 ريال ( يعني كل سنه يزود راتبه ألف ريال ) وبونس حوالي 14 ألأف ريال سنويا .. مدينه الامير سلطان الانسانية .. راتب الطبيب المقيم حوالي 20 ألأف ريال شهريا .. المركز الصحي بحي النخيل ( تابع للاستخبارات ) راتب الطبيب المقيم حوالي 20 أللف .. وهو المكان الوحيد اللي يطلب معدل جيد جدا للتوظيف ( علشان كذا ما تلقى عندهم احد ) لان ما عندهم برنامج تخصص واذا تبيهم يبتعثونك لازم تشتغل عندهم سنتين وما عندهم الا تخصص طب اسرة ومجتمع .. واولا واخيرا ما شا الله ح3 ملاحظة .. الرواتب اللي ذكرتها تقريبية قد تزيد شوي او تنقص شوي .. الرواتب اللي ذكرتها هي الراتب النهائي مضافه له البدلات .. وطبعا كل ما حصلت على مسمى ( اخصائي - اخصائي اول - استشاري - استشاري اول ) يزيد راتبك بشكل قوي .. والاعتماد الاساسي في الدخل القوي بعد الله يكون في القطاع الخاص بشكل عام .. وفيه بدل اسمه بدل تخصص نادر ممكن يعطى لبعض التخصصات للاستشاري والاخصائي بس ما ينعطى للطبيب المقيم ..
|
| هؤلاء الأعضاء 3 يشكرون ㍈㌠㋡Dr.DeaTH㋡㌙㍌ على مشاركته | ||
|
21st September 2007, 03:58 PM
|
||||
|
||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
تصدق اول مره اعرف ان رواتب الاطباء عاليه بالشكل هذا انا كنت احسب الاستشاري ان تقطع تقطع وخبرة وحالته حاله 20ألف اقتباس:
اللي على نظام التشغيل الذاتي الاستشاري يستلم حول 35 الى 50 ألأف او اكثر ..
وكيف اتحول من طبيب مقيم الى اخصائي او استشاري وسؤال آخر ويا سلام لو تجاوبوني عليه انا ودي اتخصص جراحة عامة لكن عشان اسير اخصائي او استشاري هل لازم احدد تخصص معين مثل أخصائي جراحة عظام او استشاري جراحة مخ واعصاب او ممكن تكون اخصائي جراحة عامة او استشاري جراحة عامة طيب انت وضحت رواتب المقيمين شخبار رواتب الاخصائيين والاستشاريين لا تعطيني قائمة وتتعب معي لكن اعطيني المتوسط وقد ايش تزيد تقريبا
|
|
21st September 2007, 07:10 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
وش تقصد بالتشغيل الذاتي
يعني بالعربي هالشركة مهمتها تدير المستشفى وهي اللي تولى كل الامور المالية .. وبهالطريقة تقل السرقات عل حد ما .. يعني تجي الدولة وتقول لهالشركة خذي هذا عشرطعش مليون وحركوا لنا المستشفى والشركة تسوي الباقي .. اقتباس:
وكيف اتحول من طبيب مقيم الى اخصائي او استشاري
 اقتباس:
وسؤال آخر ويا سلام لو تجاوبوني عليهانا ودي اتخصص جراحة عامة لكن عشان اسير اخصائي او استشاري هل لازم احدد تخصص معين مثل أخصائي جراحة عظام او استشاري جراحة مخ واعصاب او ممكن تكون اخصائي جراحة عامة او استشاري جراحة عامة بعد ما تخلص برنامج التخصص تختبر اختبار البورد واذا نجحت تحصل على البورد السعودي ويصير اسمك اخصائي ... وبعدها تدخل في الزمالة وهي عبارة عن تخصص دقيق في التخصص اللي انت اخترته .. مثلا في الجراحة العامة تقدر تدخل جراحة غدد مثلا او جراحة كبد وجهاز مراري واذا خلصت الزمالة يصير اسمك استشاري .. طبعا بيحوسونك الهيئة السعودية لين يخلونك استشاري الا اذا كنت جايب البورد والزمالة من امريكا او كندا تصير استشاري على طول بعد ما تنهي الزمالة غصب عن خشومهم .. (ملاحظة : خلال فترة برنامج التخصص راح تكون تشتغل عادي مثل اي طبيب متخصص في هالمجال يعني في الجراحة راح تسوي عمليات عادي مثلك مثل اي اخصائي جراحة بس راح يكون الاخصائي هو رئيسك في العمل وهو اللي يشرف عليك وعلى تدريبك والاستشاري يشرف عليكم كلكم وراح يكون فيه تققيمات لك خلال هالفترة واختبارات مع نهاية كل سنه علشان تنجح للسنه اللي بعدها يعني موب الدعوة محاضرات وشغل جامعه ... والزمالة شبيهه بالبورد شوي ) اقتباس:
طيب انت وضحت رواتب المقيمين شخبار رواتب الاخصائيين والاستشاريين لا تعطيني قائمة وتتعب معي لكن اعطيني المتوسط وقد ايش تزيد تقريبا  .. رواتب الاخصائيين اعلى طبعا اتوقع ان كان الطبيب المقيم في مستشفى يستلم 15 ألأف مثلا الاخصائي راح يستلم في حدود 25 أللف والاستشاري في نفس المستشفى راح يستلم في حدود الـ 40 ألف على الاقل في نفس هالمستشفى ...عموما هالارقام قليلة بالنسبة للي يدخله الطبيب الاخصائي والاستشاري في القطاع الخاص ... في القطاع الخاص تقدر تدخل في الشهر في حدود الـ 200 ألأف بسهولة ويمكن اكثر انا اعرف استشاري نساء وولادة يدخل في اليوم في حدود 25 ألف الى 30 ألأف ( في اليوم موب الشهر ) في القطاع الخاص بكثر ما تشتغل بكثر ما تدخل فلوس .. علشان كذا الواحد لازم ينته قبل يدخل تخصص ويتورط فيه... وعموما احسن التخصصات من ناحية الدخل المادي ( حسب اللي اشوفه ) طبعا الواحد لازم يشوف اللي يناسب رغبته قبل كل شي وقبل الفلوس لأنه بعدين بتقول ( ليتني اشتريت راحتي بهالفلوس الزايدة ) النساء وولادة - الجلدية - جراحة التجميل - طب وجراحة العيون مع العلم ان القبول في طب الجلدية ( 4 سنوات)شبه مستحيل وصعب مرة وكل سنه يقبلون خمس اطباء فقط وحوالي 3 منهم يدخلون البرنامج لأن اكثرهم يتورط ولا يلقى مكان في اي مستشفى ( وغلبهم من اصحاب المعدلات العالية ) ... وجراحة التجميل تقبل مثل هالعدد بعد ومدة البرنامج في جراحة التجميل حوالي 6 سنوات .. وطب وجراحة العيون ( 4 سنوات )يقبل عدد اكبر شوي بس ولو يعتبر قليل ويطلبون معدلات عالية ويقبل حوالي 10 اطباء شباب و3 بنات تقريبا .. النساء والولادة يقبل بالهبل ح3 واغلب التخصصات الباقية تقبل اعداد كبيرة نوعا ما ما عدا بعض التخصصات اللي تعتبر فرعية نوعا ما .. وفي الاخير نقول ما شا الله ح3 وموفقين .. دكتور اكس + بلو اي = الله يعطيكم العافية 
|
|
21st September 2007, 07:24 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
ماشاء الله عليك كفيت ووفيت يالغالي وبصراحة كلامك اللي يقراه يشجعه بالذات اذا تكلمت بالرواتب هههه <<< امزح مو تقول ذا مادي لو مادي دخلت ادارة اعمال ..
|
|
21st September 2007, 07:47 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
رواتب الاخصائيين اعلى طبعا اتوقع ان كان الطبيب المقيم في مستشفى يستلم 15 ألأف مثلا الاخصائي راح يستلم في حدود 25 أللف والاستشاري في نفس المستشفى راح يستلم في حدود الـ 40 ألف على الاقل في نفس هالمستشفى ...
اقتباس:
. في القطاع الخاص تقدر تدخل في الشهر في حدود الـ 200 ألأف بسهولة ويمكن اكثر انا اعرف استشاري نساء وولادة يدخل في اليوم في حدود 25 ألف الى 30 ألأف ( في اليوم موب الشهر ) في القطاع الخاص بكثر ما تشتغل بكثر ما تدخل فلوس ..
 ايه الكلام دا !!!  اجل ليش كل الي اعرفهم يقولون الطب مايوكل عيش.. الين وصلت لقناعة وقلت الحمد لله ان عندي مكافأة الحين  جد جد !! آخرهم د.ايمن عبده.. قال بالحرف الواحد.. الي داخل طب عشان فلوس ,, ترى مافيه فلوس وانت قاعد تصدمني بالأرقام هذي,,, وضح لي الصورة ,,,
|
|
21st September 2007, 08:10 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
المشاركة الأصلية كتبت بواسطة Cooperative
ايه الكلام دا !!! اجل ليش كل الي اعرفهم يقولون الطب مايوكل عيش.. الين وصلت لقناعة وقلت الحمد لله ان عندي مكافأة الحين جد جد !! آخرهم د.ايمن عبده.. قال بالحرف الواحد.. الي داخل طب عشان فلوس ,, ترى مافيه فلوس وانت قاعد تصدمني بالأرقام هذي,,, وضح لي الصورة ,,, هين الارقام ماخوذه من واحد ثقة .... د.ايمن عبده => ما حولك احد ... ( قال هالكلام يقال له ما نبي اطباء اكبر همهم الفلوس = هياط ) شلون ما فيه فلوس طول عمرنا نروح لاطباء ونفحص في القطاع الخاص ونشوف كم يستلمون على كل ( راس ) عملية الليزك شوفي اسعارها شوفي المراكز الطبية كم تدخل ومراكز الجلدية والجراحة التجميلية كم تدخل اكيد ما فيه بنت الا وراحت لمركز طبي حق جلدية وشافت الاسعار بنفسها في ديرما يشوفون كل مريض الظاهر بـ 300 ريال وعليك الحساب كم مريض ينشاف في اليوم... والطبيب ياخذ نسبة بالاضافة الى الراتب .. جلسة الميزوثيرابي في اوباجي بحدود 3 ألأاف ريال تقريبا غير جلسات الليزر .. د.ايمن عبده تخصصه جهاز هضمي .. والجهاز الهضمي يشفطون فلوس بالاندوسكوبي حقهم وهالشي معروف عند الجميع والارقام حقت الاسعار في القطاع تثبت هالشي بدون ما نسأل الاطباء .. وخاصة اعضاء هيئة الدريس في الجامعي اغلبهم يشتغل في مركز الدكتور سليمان الحبيب الطبي ومعروف ان هالمركز يعطي مبالغ معقولة وحلوة .... ( اسألي ايمن عبده وين يشتغل في القطاع الخاص وبكم يسوون الاندوسكوبي وبكم يشوف المريض وكم نسبته على المريض خل يثبت لنا انه ما يستلم مبلغ وقدره ) انا اعرف استشاري يسولف علي يقول : والله يا د.ديث ان القطاع الخاص فيه فلوس خيالية وتقدر تطلع 200 ألأف في الشهر بسهولة بس بشوي مجهود بس انا ما ابي اروح للقطاع الخاص لأني مهتم اكثر بالابحاث .. الى هنا انتهى كلامه  بالعربي والخلاصة ...فيه تخصصات كثيرة تدخل فلوس وخاصة في قطاع البنوك والاستشارات المالية ... ولكن ما ننكر ان الطب يدخل فلوس .. واللي ينكر هالحقيقة .. فهو يغالط نفسه ... انا مرة كنت رايح للكلية ولقيت في المواقف شيك طايح لدكتور في الجامعي كان المبلغ في الشيك ( 30000 ألف ريال )... اعرف اشخاص يشتغلون في الادارة في اكثر من مستشفى وتجيهم كشوفات الرواتب كلها لكل الاطباء وبعض الاطباء راتبه يوصل لـ 100 ألف ريال .. غير اللي ياخذون ( لوكم ) كم شهر علشان يشفطون فلوس من استشاريين المستشفى الجامعي في المدينه الطبية ... وهم ياخذون اجازة ويروحون ياخذون لوكم في المدينه علشان شفط الفلوس ... ومنهم اطباء استشاريين اذا اخذ التفرغ العلمي حقه ومدته حوالي سنه تلقاه مرتز في المدينه الطبية ... غير عن بعض اطباء الجلدية ( وشفت واحد منهم في الجامعي وكنت حاضر وقتها ) وهو يشوف مريضة وبعدين يقول لها تعالي عندي في المركز الخاص اللي اشتغل فيه واسوي لك جلسة ليزر بسعر خاص لك ابعطيك الجلسة الوحده بـ 1000 ريال ..( صارت الدعوة تجارة  )ولو تروحين لأكب المراكز الطبية في الرياض وتشيكين على اسماء الدكاترة لا تستغربين انك تشوفين اسماء الاطباء الاستشاريين في الجامعي لأنهم موجودين بكثرة .. ح3
|
