 |
 |
 |
 |
 |
 |
 |
 |
|
|
||||||||
|
|||||||||
|
|
|||||||||
|
|||||||
|
|
|
|
|
 |
|
|
LinkBack | أدوات الموضوع | إبحث في الموضوع | تقييم الموضوع |
24th September 2007, 08:02 AM
|
|||||
|
|||||
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
تعرف بعض اسامي المستشفيات اللي على نظام التشغيل الذاتي باساميها ؟؟ عندنا هنا في الرياض
بس عندك العسكري وعندك مدينه الملك فهد الطبية .. وما ادري مين بعد .. بس موب شي مهم .. اعتقد اغلب المستشفيات عنها .. اقتباس:
طبعا هذا في مستشفى خاص بس ما اعرف هل في المستشفى الحكومي الجراح ياخذ مكافئة على العممليات اللي يسويها بس او يكون عنده راتب شهري محدد او الثنتين مع بعض ( راتب شهري ومكافئة على العمليات ) بعدين 4000 ريال على العملية خير ونعمه يعني لو سوا 10 عمليات شهريا يطلعله 40000 ريال عاد الواحد لا يكون طماع لهالدرجه ابعطيك مثال .. في طب العيون في مستشفى كبير في الرياض ومن المستشفيات المهمه عندهم شي اسمه دي كيس وهي عمليات اليوم الواحد ويسوون فيها عمليات مشكله واغلبها موية بيضا المهم يجمعون تقريبا حوالي 6 حالات ويخلونها يوم الخميس وكل اسبوع لطبيب استشاري يسويها وياخذ عليها فلوس .. تدري كم ياخذ ؟؟؟ ياخذ 1000 ريال على كل يوم ( موب على كل حالة )  ... المستشفيات الكبيرة ممكن تعطيك راتب زين بس فوائد ثانية قليلة مرة والفرق في الراتب بين الجراح وغيره موب شي تقريبا ياخذون نفس الراتب ..ثانيا تقول 4000 ريال زين ولو سوا 10 عمليات في الشهر .. عندك جراح العيون العملية ما تاخذ معه 10 دقايق (ليزك) ويسوي 6 عمليات في اليوم وياخذ على العملية الوحده 6000 الاف ريال على الاقل واعرف واحد ياخذ عليها 8000 ريال وعليك الحساب اذا فرضنا ان عنده في الاسبوع 3 ايام عمليات او يومين عمليات خل نقول يومين عمليات يعني ياخذ في الاسبوع الواحد 8 + 8 = 16 ألأف في اسبوع وبأقل مجهود هذا اذا فرضنا انه يسوي عملية وحده كل يوم وهالشي مستحيل اقلها بيسوي 4 - 6 عمليات يعني اضرب 16 × 4 = 64 ألف في اسبوع !!... الواحد يدور التخصص اللي فيه عمليات مصغرة او بروسيجرز صغيرة ما تاخذ وقت وتدخل كثير .. موب يسوي عملية وحده كل اسبوع وباقي الاسبوع يكتف يديه وهالعملية تاخذ معه 8 ساعات ينكسر ظهره في غرفة العمليات .... اذا انت تدور على الربح القوي دور التخصصات الصغيرة ( وصعب تلقى فيها قبول لأن كل الناس يبونها فتطلب معدلات عالية ) يعني عندك الجلدية وجراحة التجميل مستحيل تلقى قبول في كندا او امريكا .. اقتباس:
بالنسبة للزمالة انا سمعت ان فيه مستشفيات تبتعث اطبائها لأمريكا وكندا للحصول على الزمالة صحيح ؟؟وكم مدة الزمالة على الجراحة زمالة الجراحة تعتمد على التخصص واعتقد اقل شي 3 سنوات ( ما عدا جراحة العيوم فيه زمالة سه وحده وفيه سنتين ).. ومدة البروقرام حق التخصص ( البورد ) = 5 سنوات .. غير جراحة التجميل والحروق = 6 سنوات وجراحة المخ والاعصاب = 6 سنوات .. اقتباس:
وسؤال مهم مرة مرة مرة نسيت اسالة الرواتب اللي انت ذكرتها في اول رد لك في المستشفيات ( الحرس ومدينة الملك فهد الطبية وغيرها ) هل راتب الطبيب المقيم اعلى او راتب المتخصص اعلى ( جراح او باطني او جلدية .. الخ) الطبيب المقيم هذا اول ما تبدا شغل في المستشفى بعد الامتياز والمتخصص هذا واحد مشتغل 4 او 5 سنوات ومخلص البورد ومختبر وحاصل على شهادة البورد فطبيعي يكون اعلى بكثير ... وهالكلام في كل المستشفيات في العالم وشي بديهي .. 
|
|
24th September 2007, 08:08 AM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
1/ الحين ماشاء الله تبارك الله كيف تجمع بين الدوام والكتابة وزي كذا ( يا ليت تكتب موضوع عن حياة الطبيب)
اقتباس:
2/ وش الأفضل المستشفيات الحكومية ولا الخاصة ولماذا ؟
الشغل في القطاع الخاص كرف ويخلونك تحلل الراتب ويكرفونك كرف ..بس المكسب المادي زين .. بس صدقوني فيه شي مهم .. تقدر تدخل فلوس في اي تخصص تبيه ... واللي يبي الربح السريح يروح للتجارة ... اهم شي في شغلك هو الراحة النفسية ... وانك تستمتع باللي قاعد تسويه .. بعيد عن البرستيج وبعيد عن التسميات ... انا جربت هالشي اشتغلت في مكان الراتب فيه عالي والتخصص محد يقدر يدخله الا بصعوبة واخر دلع .. بس ما ارتحت نفسيتي تعبت وابروح لمكان اقل راتب بس مرتاح له نفسيا ... اشتريت راحتي النفسية بفرق الراتب جاني كلام من بعض اللي اعرفهم قالوا شلون تترك هالمستشفى اللي انت فيه ممتاز وتروح للمستشفى الثاني موب زين .. لا يهمك كلام احد انت اعرف بمصلحتك هذي اهم قاعدة اذا كنت عارف وش قاعد تسوي .. وموفقين ح3 التعديل الأخير تم بواسطة : ㍈㌠㋡Dr.DeaTH㋡㌙㍌ بتاريخ 24th September 2007 الساعة 08:42 AM.
|
|
24th September 2007, 10:07 AM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
انت كذا ح3ح3 ما قصرت كفيت ووفيت في اجاباتك الي تدل على معرفتك واطلاعك بهذي الامور ,, وما ابالغ لو قلت انك مثال حسن يقتدى به  انا طالب بالبرنامج الموحد ,, بس عندي سؤال لحضرتك : فرضا ,, انا تخرجت من كلية الطب ( بإذن الله ) طبيب عام ( طبيب مقيم ) ,, بعد التخرج ابغى اكمل الدراسة باخذ - البورد - و -الزمالة - ,, سؤالي هو : ما هو البورد ؟ وما هي الزمالة ؟ هل البورد اعلى من الزمالة أم العكس ؟ كم سنة لابد اني ادرسها لكي اصبح استشاري أول ,, في تخصص جراحة العيون ؟ ( يعني بعد تخرجي طبيب عام - ان شاء الله - ,, ما راح اشتغل اريد ان اكمل دراستي على طول - وطبعا راح تكون الدراسة بكندا ان شاء الله - ,,) كم سنة تستغرق من بعد التخرج ؟؟ طولت عليك بالاسئلة ,, بس السموحة ,, ولك كل الشكر والتقدير ,, 
|
|
24th September 2007, 07:59 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
وما ابالغ لو قلت انك مثال حسن يقتدى به
اقتباس:
ما هو البورد ؟ وما هي الزمالة ؟ هل البورد اعلى من الزمالة أم العكس ؟
وهذا الرابط .. تفكر بالطب..؟ طيب ودك تسأل عن نظام دراسته هنا؟ اقتباس:
كم سنة لابد اني ادرسها لكي اصبح استشاري أول ,, في تخصص جراحة العيون ؟ ( يعني بعد تخرجي طبيب عام - ان شاء الله - ,, ما راح اشتغل اريد ان اكمل دراستي على طول - وطبعا راح تكون الدراسة بكندا ان شاء الله - ,,) كم سنة تستغرق من بعد التخرج ؟؟
مدة البروقرام ( البورد ) في طب وجراحة العيون 4 سنوات .. والهيئة ما تقبل كل سنه الا حوالي 10 اطباء شباب و 3 بنات ... والمتقدمين كل سنه للعيون من الشباب حوالي 70 طبيب او اكثر ... وعلشان تدخلها لازم تجيب معدل زين وتنجح في الاختبار اللي تسويه الهيئة للقبول وتجتاز المقابلة الشخصية ( وطبعا اذا معدلك زين ممكن تنقبل والا موب مرة زين حتى اذا اجتزت الامتحان احتمال تنكرش في المقابلة ) مدة الزمالة تختلف على اختلاف التخصص بس فيه تخصصات سنه وحده وفيه تخصصات سنتين ... اذا خلصت البورد والزمالة تستحق لقب استشاري ( اذا كنت جاي من كندا او امريكا تستحق اللقب على طول غصب عن الهيئة السعودية واذا اخذته من السعودية بيبهذلونك شوي لين تلقى وظيفة استشاري فاضية يحطونك فيها ولين تشجتمع الهيئة علشان يخلونك استشاري يمكن تضيع عليك سنه وانا اعرف اخصائي عيون مخلص البورد والزمالة من سنه 1999 والى الان ما خلوه استشاري يصرفونه المستشفى الل يهو فيه يقولون ما فيه وظيفة استشاري فاضية ..) بالنسبة للاستشاري الاول لازم تكون عندك خبرة ( على ما اعتقد ) بس موب مهم اهم شي توصل استشاري وخلاص لأنه اهم شخص في الفريق الطبي ..
|
|
24th September 2007, 09:23 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اجاباتك كافية ووافية ,, الله يوفقك ويوفقنا ,, تحيتي لك ^_^ ,,
|
|
25th September 2007, 03:30 PM
|
||||
|
||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
على العموم تخصص جراحة العيون تخصص حلو ومربح ماديا ( مع ان هاذي المفروض ما تكون رغبه اولى ) لكن احس ان فيه خطورة ومسؤولية زيه زي جراحة القلب وجراحة المخ والأعصاب غلطتها كبيرة يعني الغلطه ممكن تروح عليه عينه وسؤال الحين جراح العيون ( او جراح عظام او مخ واعصاب الخ .. ) يكون عنده مناوبة ويكون كأنه طبيب عام يعالج غير العيون او ما عنده غير تخصصه و اذا كان في مناوبة مثلا وجاته حالة طوارئ مثلا زايده او طلقة رصاصة او طعنة سكين او حادث يقدر يسوي العملية ؟؟ يعني هل هو دارس جراحه عامه من الاساس ؟؟ زيه زي الجراح العام ؟؟ وممكن المستشفى يعطونه مثلا اي جراحة عادية غير العيون ( في حاله غير طارئة )
|
|
25th September 2007, 05:06 PM
|
|||||
|
|||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
اقتباس:
على العموم تخصص جراحة العيون تخصص حلو ومربح ماديا ( مع ان هاذي المفروض ما تكون رغبه اولى )
اقتباس:
لكن احس ان فيه خطورة ومسؤولية زيه زي جراحة القلب وجراحة المخ والأعصاب غلطتها كبيرةيعني الغلطه ممكن تروح عليه عينه اقتباس:
وسؤال الحين جراح العيون ( او جراح عظام او مخ واعصاب الخ .. ) يكون عنده مناوبة ويكون كأنه طبيب عام يعالج غير العيون او ما عنده غير تخصصه و اذا كان في مناوبة مثلا وجاته حالة طوارئ مثلا زايده او طلقة رصاصة او طعنة سكين او حادث يقدر يسوي العملية ؟؟ تخصص العيون تخصص مستقل بذاته وهو اكثر واحد فاهم في العيون والباقين ما يدرون وش السالفة في العيون ما عدا الباطني يعرف في كل تخصص تقريبا بس ما يتعمق في العيون ( امراض العيون والالتهابات).. في كل يوم يكون فيه 3 اطباء مناوبين في كل تخصص في المستشفى ( طبيب مقيم - طبيب اخصائي طبيب استشاري) بعض التخصصات تناوب في البيت اذا دقوا عليك الطواريء تجي ( اذا حولوا لك حالة ) يعني ما فيه شي اسمه جت حالة طارئة ونجيب اي جراح يسويها .. كل واحد مختص في شي معين .. اقتباس:
يعني هل هو دارس جراحه عامه من الاساس ؟؟ زيه زي الجراح العام ؟؟وممكن المستشفى يعطونه مثلا اي جراحة عادية غير العيون ( في حاله غير طارئة ) الجراحة العامة لهم عملياتهم ( مع انهم مروا على التخصصات الفرعية الجراحية كلها تقريبا ) بالعربي .. خلال بروقرام التخصص ( البورد ) احيانا تمر على تخصصات فرعية وتشتغل فيها فترة معينه مثلا في تخصص الانف والاذن والحنجرة لازم تمر على تخصص الجراحة وتشتغل فيه في اول سنه في التخصص لمدة اعتقد ست شهور تقريبا .. بس العيون ما فيها تقعد اربع سنين في العيون بس تشتغل فترات معينه في مستشفيات مختلفة ويطلب منك عدد معين من العمليات لازم تسويها كلها قبل ما تخلص فترة البروقرام ( 4 سنوات ) اعتقد حول 70 عملية او 100 عملية ... مثلا تخصص جراحة المسالك البولية لازم تقعد في الجراحة العامة اعتقد اول سنه كلها ..( على فكرة تخصص جراحة المسالك البولية من اكثر التخصصات طلب وصعب مرة تلقى مكان فيه ) عندك بروقرام الجلدية لازم تشتغل في الباطني فترة اعتقد 6 شهور او اكثر .. تخصص اطب الاسرة والمجتمع ( الطبيب العام او طبيب الاسرة ) يمر على كل التخصصات تقريبا ويقعد في كل واحد فترة بسيطة وياخذ فكرة عامة لأنه بيشتغل في عيادات الرعاية الاولية ويعالج الحالات العادية واذا جته حالة معقدة يحولها على التخصص المناسب ( ويسمونه في العامية طبيب عام ) وكذا عاد تقيس عليها باقي التخصصات بهالطريقة .. عموما حاولت اعطيك نبذة مبسطة عن الوضع اللي صاير ولا تستعجل الامور بتفهم كل شي مع الوقت وخل كل شي في وقته ولا تفكر في الفلوس من الحين الرزق بيد الله سبحانه ..ومن هنا لين 7 سنين يحلها حلال ..ح3
|
|
25th September 2007, 10:53 PM
|
||||
|
||||
|
رد: كم رواتب الأطباء بالعادة ؟؟ تفرق من تخصص لتخصص ؟؟
ما قصرت وانا اخوك اقتباس:
بالعكس فيه ناس رغبتهم الاولى طب وجراحة عيون لأنهم يحبون التخصص في الدرجة الاولى .. واصلا لو ما تحطه رغبة اولى في التقديم للهيئة ( ما راح تنقبل )
انا عادتي اذا فكرت بأي كلية لازم اسال عن دراستها وعن وظايفها وتقريبا كل شي عنها هذا يعطيني فكرة عامه عن الكلية اللي انا فيها ووظايفها وطريقة الحياه معاها عشان وانا ادرس اعرف وش ادرس ووش راح ادرس وكيف راح اشتغل ما احب يكون الطريق اللي قدامي مظلم.. يا انه يكون قدامي جدار واصصصك فيه يا أنه يكون طريق منور انا فكرت قبل كذا في الهندسه وجننت مهندسين جامعة البترول بالأسئله .. والله طلعت عيونهم  وكنت متحمس حماس مو طبيعي .. متى اتخرج من الثانوي واروح البترول واصير مهندس بعد ما تعمقت في التخصص ووظايفه وطريقة الحياه معاه لقيت قدامي عقبات صعب علي ( أنا ) اتجاوزها يعني تخيل لو دخلت هندسه وانا ما اعرف العقبات اللي قدامي !!! كان تورطت ... وتعال فكني من هالورطه بس في الاخير شوي شوي اسئل عن الطب من اللي حولي مثل ما قلت لك من نسيبي واخو صاحبي وحبيت التخصص ومواده ( مبدئيا ) مع اني كنت ما احبه من كثر ما الناس يسبون هالتخصص ويقولون صعب ومتعب وعلى فكرة ترا نسيبي اخذ الزمالة من مدينة الملك فهد الطبية قعد فيها سنتين او ثلاث اظن لكنه على حسب معرفتي هو استشاري اطفال من قبل ما ياخذ الزماله .. كيف لا تسالني ؟؟ يعطيك العافية دكتور ديث انا كذا خلصت .. وصدقني ما بنسى جميل ابدا والله يوفقك ويعينك شكرا لك .......
|
