مشكلة مو قادر افتك منهاااااااااا > الفزعه الفزعه..) - منتديات تجمّع طلاب و طالبات جامعة الملك سعود

ROBO COP · #2 (**permalink**) 1st July 2007, 02:12 PM

و عليكم السلام ورحمة الله و بركاته,,,
حياك الله اخوي
والله وانا اخوك المجتمع من جد ما يفكر قبل ما يتكلم و لا يدري وش السالفة و اسهل ما عليه انه يعطي احكام ..... اعطيك امثلة..
تقولهم انا صيدلي .... يقولون زيه زي راعي البقالة يبيع ادوية
تقول لهم مهندس ميكانيكي .... يقولون يصلح سيارات
تقول لهم طبيب اسرة و مجتمع ... يقولون يعطي بنادول

فالفكرة انهم والله جهلة ولا احد يدري عن الدنيا بشي ...
لكن صدقني اذا حصلت احترام زملائك و الوسط اللي انت تشتغل فيه (المستشفى) و هذولا غالبا ناس عاقلين وفاهمين... بالاضافة الى تفهم اهلك القريبين (ابوك وامك واخوانك) خلاص والله بحريقة بقية العالم

و المشكلة انه اكثر اللي يتفلسفون هم ناس ما لهم بالعلم و لا يدرون وش سالفته ... يا تلقاه عسكري يا موظف اداري له الف سنة في مكتب و اسهل ما عليه يحتقر العالم

لكن الجيل الجديد بدا يفهم شوي و يقدر الناس و يفهم دورهم في المجتمع , و ياليتك تشوف في اوروبا و امريكا كيف نظرتهم للممرض ..... لكن الفرق انهم ناس التعليم عندهم بادي من فوق 400 سنة اما عندنا التعليم ما يزيد عن 40 سنة ... يعني الشغلة محتاجة وقت

الزبدة ... شد حيلك و اذا تخرجت على خير ان شاء الله كمل دراسات عليا و الله يوفقك
و السلام عليكم

zynah · #12 (**permalink**) 18th July 2007, 11:23 PM

أخي مجنون تمريض المجتمع تعود على التمريض الاجنبي وطبعا التغيير في المجتمع يقابله تأييد ورفض أنا مثلا تجربتي لمن جيت أسجل تمريض في الحرس الوطني كل الاهل عارضوني مو لأنو اختلاط لكن من مبدأ التمريض مهنه متواضعه لا تشرف وأول من عارضني أختي الكبرى وهي طبيبه أصلا ونظرتها للتمريض جدا مهينه لدرجة أنها أثرت على أمي وجلست ورايه أمي إلين ما سحبت من الكليه سامحهم الله وانا الحين ندمانه ندم وأتمنى يرجع الزمن لورا وياليتني ماسمعت لأحد ولا أتأثرت بكلام وتعليقات الغير بس نصيب وترى مايعرف قيمة الممرض إلا المريض وترى محد يعرف عن التمريض إلا تغيير الشراشف وتنظيف المريض محد يعرف أي شي عن المواد اللي تندرس وكمان زي ما قالو الأخوه الناس لو بيدهم يدخلو أولادهم ماكانو قصرو بس التحطيم شي طبيعي في مجتمعنا ولا تسمع لأحد فقط أنصط للصوت الداخلي الذي ينبع منك
وشكرا