 |
 |
 |
 |
 |
 |
 |
 |
|
|
||||||||
|
|||||||||
|
|
|||||||||
|
|||||||
|
|
|
|
 |
|
|
LinkBack | أدوات الموضوع | إبحث في الموضوع | تقييم الموضوع |
11th November 2005, 05:20 AM
|
|||||
|
|||||
[إسْتِفْسَار] سؤاااااااااال يا طلاب العلاج الطبيعي
السلام عليكم ورحمة الله وبركاته
أنا طالب\طالبة مستجد في الكلية سمعت طراطيش كلام as088 عن قسم العلاج الطبيعي . الطلاب من ذوي الاوزان الثقيلة والتخصص محتاج قوة وبنشيل مرضى ........وأنه أصعب تخصص في الكلية (الله يعين) هل تساعدون بعض في الشغلات اللي يبغالها قوة أو في أحد يساعدكم؟؟؟؟ الامور هذه تؤرقني وتوقظني من مضجعيas057 بلييييز......... طمنوني.لا تطنشوني :confused: في انتظار ردودكم تقبلوا فائق احترامي وتقديري جيم 
|
|
11th November 2005, 08:21 AM
|
|||||
|
|||||
|
مشاركة: سؤاااااااااال يا طلاب العلاج الطبيعي
هلا أخي/تي جيم ما فهمت هاذي النقطة..؟؟؟ القسم فعلا يبي له شغل ومذاكرة وكرف حيل حيل حيل حيل ومذاكرة اول بأول والا بتجي على نهاية السمستر وانت مو مجمع اي شي... يعني اللي يبي يدخله لازم يحط في باله انه مو زي اي قسم ثاني بالكلية وفعلا هو قسم صعب اذا راكمت المعلومات وما ركزت يعني اذا ذاكرت انشاء الله بتجيب الا بعض الدكاترة يظلمون بس اذا انت تحب القسم وتحب نوعية الشغل فاعتقد انك بتتحمل وتحاول وتبذل كل جهدك طبعا انت بتتعامل مع جميع الحالات بغض النظر عن الوزن تشيلهم شيل... ما توصل لهذه الدرجة بس في حالات مرضى القلب تحتاج انك تسند المريض وانت تمشيه حتى لا يطيح على الارض لانهم غالبا ما يكونون ضعيفين هذا ما لدي وارجو ان اكون قد افدتك بالتوفيق والاهم ان تكون انت مقتنع بالقسم تحياتي اختك [/align]
|
|
11th November 2005, 01:30 PM
|
|||||
|
|||||
|
مشاركة: سؤاااااااااال يا طلاب العلاج الطبيعي
اولا الدراسة من جد من جنبها يعني لا دكاترة صح ولا كتب ولا هم ولا يحزنون كل ترم ويعطونك معلومة تخالف المعلومة السابقة ثانيا الدكاترة مافيهم احد يعطيك الكلام الصحيح ................. صم احفظ المااااااااادة صم وخلق مثل الي بتحفيظ القران يحفظون بس مايفهمون وش يقروون ................ يعني ياتحفظ ولا تفهم تنجح او تفهم ولا تحفظ ترسب  ثالثا المعدل المعدل وانا اخوووووووووووووك صعب انك ترفعه من عندنا قسم العلاج الطبيعي نهائيا اقولها لك بكل اسف مثل المستوى الرابع الي هوو اول مستوى في العلاج الطبيعي الدكتور عادل رشاد ( هذا مايعترف بb ) ابدا يعني من C الى F حتى لو انك حافظ المنهج من اوله لاخر شي حفظا تاااااااااااااااااما لازم يطلع خطاء بالغصب ماراح تاخذ درجة كاملة عندي فأذا كان الدكتور عادل ماسك مادتين من اصل خمس مواد وعدد الساعات 6 من اصل 15 ساعه ومادة التمارين الحركية ساعتين او ثلاث ماني متذكر الصراحة يعني 6 + 2= 8 ساعات من 15 ............... يعني تخيل انك ماخذ D او C في الثمن ساعات فتتوقع كم بينزل معدلك هذا من غير المستويات المتقدمة والي كنت اظنها اقول ان شاء الله المستوى الجاي اهون شوي لكن صعبة لاخر درجه فنصيحة من اخو مجرب نصيحة لوجه الله لا تقرب العلاج الطبيعي والله بتندم ندم غير طبيعي ومعليش البنات ماشاء الله عليهن حفيظات اما من ناحية العملي فهن ميح اتذكر الصيفي الي راح في العسكري سألوا العياال كم سؤال في اساسيات العلاج الطبيعي او معلومات عامه طبية فأغلب الاجابات كانت العيال لانهم يفهمون مايحفظون وهذا موهب كلامي انا كلام الدكتور البنات يحفظوا بس مايفهموش الله يوفقك وان شاء الله ماضيقت صدرك ابد بس هذي الحقيقة وانا اخوك 
|
|
11th November 2005, 03:34 PM
|
|||||
|
|||||
|
مشاركة: سؤاااااااااال يا طلاب العلاج الطبيعي
بصراحة اتفق مع أخي substantia في بعض النقاط ولكن اختلف معه في البعض الاخر صحيح احنا البنات نكرف بس مو كلنا حفيظات ... في بنات لازم يفهمون المادة قبل ما يحفظوها بس البعض الاخر ما يقدرون الا يحفظوها ما في شيء عام تماماً وحتى احنا دكتوراتنا >>> اللهم يا حافظ مو الكل طبعاً بس الغالبية العظمة من هالنوع ... المحبط والمحطم للمعنويات بس اذا بلّدت حسك .. بتقدر تمشّي انشاء الله ...لول ومثل ما قلت لك اهم شيء اذا كانت رغبتك انك تدخل علاج طبيعي وانت تحبه ... لازم تتحمل وتكون قدها بس انا من ناحيتي ما دخلته حباً فيه للأسف لذلك انا مو متحمسة له حتى وانا الآن على ابواب التخرج انشاء الله وبامكانك دخول موقع الجمعية السعودية للعلاج الطبيعي ففيها الكثير من الاخصائيين والاخصائيات وسيفيدونك في التعرف على طبيعة المهنة اكثر >>>>>>> هنا<<<<<<< تحياتي[/align]
|
|
13th November 2005, 03:27 AM
|
||||
|
||||
|
مشاركة: [إسْتِفْسَار] سؤاااااااااال يا طلاب العلاج الطبيعي
ومعليش البنات ماشاء الله عليهن حفيظات اما من ناحية العملي فهن ميح
خير خير خير ياطيييييييييييييييييير اقول اسكت substantia والنفس عليك راضيه احلى يامقطعين المذاكر ليه في العملي مانفهم شئ ؟؟؟؟؟؟؟؟؟؟؟؟؟ اكثر من في المستشفيات متميزات في عملهم ومتقناته هم البنات ولا انكر تميز بعض من اخوتنا الاخصائيين بس وبعدين....... فيه نقطه ابياناقشك فيها دامكم انتم فاهمين ليه ما تجيبون درجات..........لا تقولي ما نحفظ لانه الفهم لشئ وانت تطرح هذا الشئ في ورقه الامتحان بطريقتك ما يحتاج على شان تجاوب انك تكون حفيظ. وانا اوفقك اختي avicenna في كل ما طرحتيه ولكن صدقيني لايظلم الدكتور الذي لا تطرح الجامعه عليهم انظمه لرفع مستواهم الاكاديمي وبالتالي رفع مستوى المعلومات التي يقدمونها..........واما بالنسبة للظلم فأيضا ليس بسببهم بل بسبب من ينتقد وجود اعداد كبيره من المتفوقين في مادة معينه (اظنك فهمتي قصدي)......هم مساكين جايين من غربه ويبون يحافظون على لقمة عيشهم. الله يعين بس يااااااااااااااارب وهذا ىخر ترم ونفتك
|
|
13th November 2005, 03:44 AM
|
||||
|
||||
|
مشاركة: [إسْتِفْسَار] سؤاااااااااال يا طلاب العلاج الطبيعي
substantia خييييييييييييييير ومعليش البنات ماشاء الله عليهن حفيظات اما من ناحية العملي فهن ميح[u]
اقول اسكت والنفس عليك راضيه اما عاد انتم اللي مقطعين المذاكره والله لو انكم فاهمين لكان جبتوا درجات واتميزتوا كمان صح من هو حفيظ ماراح يفهم ويشتغل لكن من هو فهيم فراح يجاوب ويحفظ ويشتغل زين كمان وصدقني اغلب البنات اللي يشتغلون بالمستشفيات متميزات في عملهم وناجحات و في very active في جميع الانشطه واللجان العلميه. وانا اوفقك اختي aviccenaفي اللي قلتيه لكن صدقيني لايمكن لأنسان ان يظلم ومو كل الدكاتره ظلمه ؟؟؟؟؟ومحبطين لنا .... لكن هم من احبطوا بفضل ؟؟؟؟؟؟؟ (اظنك فهمتي قصدي) اللي مايرضون ويتضايقون من المعدلات المرتفعه في الشعب......ولا يتفضلون مشكورين برفع مسوى الطالب العلمي او خلق اجواء المنافسه بين اعضاء هيئة التدريس وتكريم الدكتور المميز ........ وكل ذلك يصب في مصلحه الطالب. وانت اخوي اللي سائل ما عليك من شبوسه....... بس والله العلاج الطبيعي متعه وعلم واسع ويمديك تبدع فيه صدقني اتوكل على وادخله واما العمي فهو مو ذاك الشيل اللي بتحمل المريض فقظ قد تحتاج رفع رجل اويد ومو دايم تتعب اذا حافظت على وضعك الجيد وانت تعالج المريض فلن تتأثر او تتعب. التعديل الأخير تم بواسطة : substantia nigra بتاريخ 13th November 2005 الساعة 06:47 PM.
|
|
13th November 2005, 07:20 PM
|
|||||
|
|||||
|
مشاركة: [إسْتِفْسَار] سؤاااااااااال يا طلاب العلاج الطبيعي
انا ماقلت ماتفهمون انا قلت مايقارنون بالعيال في العملي وبعدين موهب كلامي انا لا والله كلام اغلب الدكاترة الي عندنا وبعدين تذكرين قصة الي سألوكم في السيرجري في المستشفى من كان يرد او يجاوب وبعدين انا في الترم الصيفي كمان وربي ان وحنا طلاب تونا مو في الامتياز احسن منهم معليش تقبلوا النقد يابنات العلاج الطبيعي الصراحة ماعرف عنكم في المستشفيات لكن عقب الملك خالد غسلت يدي منك . قلت لي لييييييييييييش .... اجاوبك على سؤالك اولا الدكاترة معليش مايعطونك حقك ابدا ابدا ............ فمثلا الدكتور عادل رشاد لو تكتبين المذكرة كلها وهذا الي حصل معاي ايام الثيرابيوتك كتابت ام المذكرة كاملة + الكلام الموجود في الكتاب المقرر علينا وانا متأكد طالع من الاختبار مليون بالمية فل مارك لكن حتى النصف ماجبناها ليش ؟؟؟؟؟؟؟؟ العلم عند الله ... ولا تنسين الدكتور ليث الفلاحي والدكتووووووووووووووووووو وووووور فتحي الشاذلي والدكتور المبجل كمال الالوسي ثانيا الدكاترة الي عندنا امثال الدكتور علي السيد والدكتور علاء عبدالسلام يبون تجيبون الكلام الموجود بالمذكرة نصا لا زيادة ( اقصد زيادة معلومات صحيحه ) ولا نقصا ( اذا سقط سهوا) ولا الاخطاء الاملائية الي حتى اهل اللغة نفسهم يغلطون ثالثا اسألك بالله يعني لو اسألك عن الاورثو في بعض النقاط .................... وابيك تشرحين لي ليش نستخدم كذا او ليش مانستخدم كذا بتقولين انا فاهمه كذا ........... طيب اشرحي لي فهميها لي ....... بتقولوين انا دارسة كذا ........... طيب النيورولوجي كمان هل فيه متخصص شرح لنا شي صح .......... ابدا ابدا ابدا ..... واتذكر في الاورثو سألني المعيد علي النهدي وقال لي انت ليش سويت هالحركة هذي.. قلت انا هي غلط ... قال لا بس انا ابي افهم ليش سويتها ... طيب هذا الي درسنا عادل رشاد ......... قال بكره اذا طلعت وكملت دراستك بتقول الدكتور عادل رشاد درسني كذا خلاصة الكلام والحقيقة تقااااااااااااااااااااااا اااااااال معاملات الدكاترة معكم تختلف بشكل نهااااااااااااااااااااااا ااااااااااااااااائي عن معاملة وهذي الحقيقة للاسف الشديد والله صحيح انه الكلام موهب موجه لي بس كأني عرفت الدكتور اذا كان هو male اتوقع انه الحين في منصب انسى انا وانتي نوصل اليه وومعليش على الصراحة واهم شي لا تزعلون علينا تحياتي لكم
|
|
14th November 2005, 12:24 AM
|
|||||
|
|||||
|
مشاركة: [إسْتِفْسَار] سؤاااااااااال يا طلاب العلاج الطبيعي
السلام عليكم
خير ياشباب ليه طالعه أصواتكم أنا بس أستفسر وجزيتو خيرا بعض الاسئلة جاوبتوا عليها لو أدري أن الموضوع راح ينقلب مشادة وكل واحد ينصر حزبه ما كتبته ملاحظة بسيطة:أخ substantia كلامك متناقض كيف الواحد يشتغل زين اذا كان الاساس مش زين ....كيف تفسرها؟؟ شاكر\ة لكم ردودكم وتفاعلكم تقبلوا فائق احترامي وتقديري
|
|
14th November 2005, 12:50 AM
|
|||||
|
|||||
|
مشاركة: [إسْتِفْسَار] سؤاااااااااال يا طلاب العلاج الطبيعي
لاننا نقرا من كتب موهب من مذكراتهم البايخه الي لا تسمن ولا تغني من جوع والكتب ايضا ليست متوفرة في السعودية كود تطلب من برا ويالله اجلس 15 يوم او شهر علشان تجيك وهذا اذا سمحوا الجمارك بمرورها
|
