و عليكم السلام و رحمة الله وبركاته

امم شوي معلوماتي قديمه بخصوص اول مادتين
بس يمكن اللي اذكره يفيدكم حتى لو قديم شوي

Data Base #2

اخذتها الترم قبل الماضي
الماده حلوه و خفيفه خاصه اذا بتدرسكم د.شروق الخليفه
ما ادري اذا تغير حاجه الحين بس بذكر لكم كيف احنا درسناها
الكتاب هو نفسه تبع DB1

وطبعا الماده تعتمد ع السلايدات و الكتاب بشكل اكثر : )

بدايه المنهج بيكون مشابه لـ DB1
بعدها المنهج بيتغير كلياً بيكون اخف بكثير و ممتع بعد

طبعا فيه شيتات و لازم لازم تحلينها لأنه بتفيدك كثير بالاختبار لأنها مثل الرياضيات فيها اشياء تحتاج
انتي تحلينها عشان تعرفين خطأك و تتحاشينه

اختبارات الماده كانت حليوه فيها افكار تاخذ وقت كثير من الاختبار
و طبعا فيها جانب نظري و اغلبه يكون من الكتاب لـ ذلك نصيحه ارجعوا للكتاب
وبعد مسموح انه ندخل ورقتين نكتب فيها الامور اللي ما تنحفظ

هنا نموذج لـ اختبار هالماده لقيته عندي

كان فيه مشروع لهالماده كل بنتين مع بعض و نعمل برنامج بسيط مررره يحاكي الجوريثم راح تاخذونه
وبرضه تلخيص لبيبر بالنت عن موضوعين اخذناهم


Software Engineering

برضه اخذتها الترم قبل الماضي
يعني كلامي يعتبر شوي قديم
لأني سمعت فيه تغيير كثير بهالماده

هالماده ممله و اكرهها لأنه للأسف اخذتها مع أ.فاطمه
مجرد كلام و كلام وكلام و انتي احفظي
طبعا مو كلها حفظ فيها اشياء شوي فهم

و برضه الماده سلايدات و كتاب



امم السلايدات ما لها فائده ابدا لأنها تكرار للكتاب

الاختبار ما اذكر كيف كان بس طبعا نظري و اذكر كان فيه اشياء قاهرتني بالاختبار

برضه هنا نموذج لكويزات

فيه برضه شيتات لهالماده و مو مهم حلها لأنها ما لها فائده الشيتات بوادي واللي ناخذه بوادي
ما ادري اذا تغير شي

كان فيها مشروع اعتقد انه 7 بنات مع بعض
اعطونا 3 انظمه نختار واحد و نعمل له اناليسس
يشبه مشروع السيستم اناليسس بس فيه هنا كم خطوه زياده


Network Operating System Managment



هالماده تجنن الترم اللي فات خلصت منها
اعتقد اغلب البنات اخذوا فيها a+ او a

درستني فيها أ.بدور الريس جدا متعاونه مع البنات

امم الماده تعتمد ع الكتاب فقط : )



المنهج كله عن windows server 2003 بتحتاجون يكون عندكم هالنظام
اما كـ virtual او تحملينه كامل ع جهازك ع بارتشن ثاني : )

اختبارات هالماده حلوه و سهله مره و غير عن هذا ان طريقه أ.بدور حلوه بالاسئله
تكثر الاسئله بحيث كل فقره عليها بالكثير 1\2 او 1\4 احيانا
امم اذا بتدرسكم أ.بدور او بتدرس اي شعبه غيركم فـ نصيحه شوفوا نماذج لها لأنه تكرر بـ أسئلتها

لقيت نموذج عندي هنا
طبعا فيه شيتات و اغلبها انه نحل اسئله الكتاب واللي منتشر حله بين البنات
وهنا المودل انسر تبع الكتاب

و فيه بروجكت مقسم لـ 3 خطوات او بالاصح 3 بروجكتات و كل 4 بنات مع بعض
اول واحد انه تعملون انستاليشن لـ windows server 2003 كـ virtual ع الجهاز
و تعملون نيتوورك بينكم

الثاني كان بعد ما عملنا النيتوورك نطبق امور اخذناها بيكون اغلبها موجود بالكتاب وبالخطوات كيف ينعمل : )

الثالث كان برنامج server & client جاهز واحنا عدلنا عليه شوي

طبعا كل خطوه بتسلمون فيها ريبورت بخطواتكم كامله
و برضه بيكون بعدها تقييم يعني تسألكم المعيده كم سؤال
لذلك اختاروا يوم ما تكونون اول ناس لأن الاسئله تتكرر فـ حاولوا يكون فيه ناس قبلكم
الا اذا حابين تكونون دايما بالواجهه

فيه ميزه بهالماده هو كثره البونس يعني ممكن قبل الفاينل يكون مجموع درجاتك 62 من 60

ان شاء الله ما نسيت شي
و عموما موادكم حليوه ربي يوفقكم يارب و يسهلها لكم