اقتباس السلام عليكم ورحمه الله وبركاته

وعليكم السلام ورحمة الله وبركاته ..

اقتباس كل عام وانتم بالف خير وصحه وسالمه ومن العايدين الفايزين انشالله واعذروني انها جايه متاخره

وانت بخير .. ..

اقتباس اخواني الكرام حبيت استفسر منكم عن مواد ناوي انزلها في الترم الجاي باذن الله الي مابقى عليه الا ايام قليله

الله يعين .. عليه .. ..

اقتباس حبيت استفيد من خبراتكم ونصائحكم اتمنى تفيدوني ان شاء الله

ان شاء الله بفيدك باللي اعرفه ..

اقتباس اولا: المقررات الي انهيتها :- 107عال-112عال-102نجم-101سلم-101ريض-101عرب-113عال-104نجم-104فيز

الله يوفقك في باقي المواد ..

اقتباس ثانيا: المقررات الي ناوي انزلها الترم الجاي هي :- 1- 102 ريض ( حامل الماده للاسف)

2-

والله الماده مهيب بسيطه .. وبما انك حاملها .. اكيد بتكون فاهمها .. وبتحتاج منك مجهود بسيط .. وان شاء الله تعديها بمعدل ..

اقتباس 200 نال

الماده هذي الله يسلمك .. يسمونها .. 200 نوووووووووم .. ..

اذا انت فاهم انجليزي .. بتعديها .. بــ A+ .. واذا منتب مضبوط في الانجليزي .. ذاااااكر اسئلة اختبارات السنوات الماااضيه .. تراها تجي نسخه منها .. بس اهم شيء .. لاتعتمد على الاسئله .. يمكن هالسنه يتغير والا شيء .. وان شاء الله بتجيب بالقليل .. A .. .. واذا عديت الماده وانت ماتدري هي وشيله .. عاااااادي .. لاتتروع .. لان ثلاثة ارباع الطلاب .. مايدرون وشيء الماده .. يدربون هالروووس في القاعه ..

اقتباس 3-110نجم

هذي اذا طحت في الدكتور .. ما ادري وش اسمه القحطاني .. فحلوووووووو .. لانه حبيب .. وبتطلع الماده كنها سلم .. بسيطه مررره .. وبتجيب فيها معدل حلووو .. (( بس لازم تشد حيلك شوي .. ))

اقتباس 4-324 احص

هالماده .. ياطويل العمرررررر .. لاتلعب عليك في البديه .. بتحس انها بسيطه وسهله .. .. لكن انتبه .. ان ماذاكرتها اول بأول .. وحظرت التمارين .. وركزت في قوانينها .. بترسب فيها زي السلام عليكم ..

يعني ركز اول بأول .. وحل تمارين عليها ..

اقتباس 5-101 حسب

هالماده ممتعه .. بس اهم شيء خذها عند النفجان .. وركز معه .. واكتب معه .. وبيعطيكم .. اوراق .. احتفظ بها .. ولا تشتري ملخصات .. ولا كتاب لها .. شرحه يكفي .. بس اهم شيء احظر تمارينها .. لان التمارين .. بتثبت معلوماتك ..

اقتباس 6-102سلم

بسيطه جداً .. وادلتها .. سهله .. حفظناها .. من ايام الابتدائي والمتوسط .. ودروووس متكرره .. مو معناته اني اقول هالكلام يعني ماتذاكر الا قبل الاختبار .. لااا .. كل شيء ذاكره اول بأول .. عشان ترتاح .. ..

انا اقولك هالكلام .. كل شوي اللي هو ذاكر اول بأول مع اني ما اطبقه .. بس .. شف معدلي طااايح .. والا لو اني شاد حيلي شوي .. كان يمكن .. ضبط .. .. انت خل عزيمتك اقوى مني ..
..



ثالثا: اسباب اختياري للمقررات الي ناوي انزلها:-
بسبب اني معدلي طياح مره وناوي ارفعه بأي شكل وبأي طريقه على شان كذا اخترت المواد الي اشوفها ومثل ماسمعت انها متسوطه الصعوبه باستثناء ا02 الي حاملها يعني ان شالله بعدي فيها باذن الله
ف ياليت تفيدوني هل الاختيار كان مناسب؟ وماهي الملاحظات على المقررات المذكوره وهل من وجه نظركم الجدول يحتاج تعديل او تبديل ؟ واخيرا والمهم هل تتوقعون ان استطيع ان احصل على هذه المقررات بدون اي تعارض ؟

جدولك حلووو .. بس شد حيلك ..

الله يوفقك يارب .. وان شاء الله تقدر تجيب فيها كلها .. A+ .. ويرتفع معدلك ..