 |
 |
 |
 |
 |
 |
 |
 |
|
|
||||||||
|
|||||||||
|
|
|||||||||
25th September 2008, 05:40 AM
|
|||||
|
|||||
[ مستوى ثالث ] ... عـيـديـه لـ 428
< هذا العضو حس إنه متورط في المقدمة  ، ، ،قبل فترة شفت اسئلة الطلاب كثيرة عن المواد ويبون يعرفون تفاصيل اكثرعنها .. اول شي عجبني حماسهم  ..وثاني شي قلت لازم نعطيهم شوي من الخبرة  ، ، ، طبعا وقبل كل شي بتكلم عن بعض الطلاب اللي دخلوا الصيدلة ((غصب عنهم  ))احب اقولهم اغلب دفعتنا اللي بتكلم عنها هي 427 كانوا حاطين الصيدلة رغبة ثالثة ,,, يمكن 3 او 4 حاطينها الرغبة الاولىاو الثانية ,,, وفي ظرف اسبوعين في الدراسة لقيت الكل حاب الصيدلة  ,,,والله ما اخفيكم انه كثير من الطلاب يقول الحمدلله اني اُجبرت على الصيدلة,,, لو رحت الطب يمكن ماكنت راح اعطي مثل عطائي في الصيدلة  ,,,وألحين لو تجي لأغلب الطلاب تقولهم راح نحولكم طب الرد راح يكون لأ ,,,يعني دخولك الصيدلة وانت لك رغبة بغيرها يمكن يكون خيرة لك ,,واذا اصرارك انك تبي طب ترا فيه كليات تدرس طب بفلوس بس لا يجي يوم وتوصل لمستوى عاشر وتذم تخصصك وتلعن اليوم اللي دخلته  ^ ^ الكلام اللي فوق مو للكل ترا ، ، ، المهم مثل ما انتم عارفين الكلية راحت طبق الخطة الجديدة الترم الجاي... طبعا هذا على كلامهم ... وانا بمشي على كلامهم وبعطيكم نبذة عن مواد مستوى ثالث حسب الخطة الجديدة ، ، ، ... مواد من كلية الصيدلة ...  Biochemistry-I ... ( كيمياء حيوية -1 ) مادة عسل + دكتور قشطه = من أمتع المواد اللي درستها ...المادة نظري فقط ملخص المادة: الاحماض الامينية .. البروتينات .. كيفية تكوين الحمض النووي ... و كيفية توليد الطاقة (electron transport chain ) يعني هذي هي بوجه عام وراح تتكرر عليكم اشياء كثيرة من اللي درستوه بـ 106 حين ● محتوى المادة : Amino Acids● Proteins● Ribosome● Metabolism of nucleotides● Biological Oxidation● ● دكاترة المادة : المادة هذي راح يدرسها لكم دكتورين الدكتور محمود منصور : راح يدرس لكم أغلب المنهج , الدكتور محمود ناجي : راح يدرس جزء Biological Oxidation الدكتور محمود منصور .. . من أروع الدكاترة اللي شفتهم بالجامعة لو انتبهت معه غصب عنك تفهم طريقة شرحه على السبورة" طباشير " متمكن من المادة بقوة . الدكتور محمود ناجي ... انصحكم تكتبون معه اذا قال شي مو موجود بالمذكرة ،،، طريقة شرحه على البروجكتور القديم ... يدخل ويطفي النور ويشرح واغلب القاعة يا بلوتوث ولا نايمين  ● درجة الصعوبة : المادة تعتمد تقريبا على الفهم وصراحة أنا ما أشوف في المادة هذي أي صعوبة يعني أشوف انه أي طالب وبجهد متوسط راح يجيب فيها قريد ممتاز طبعا كل دكتور له مذكرة خاصة فيه والمذكراات شاملة لكل شي ،،، والاختبارات ما تطلع منها الا كم سؤال من جزء الدكتور محمود ناجي يطلع من المذكرة عشان كذا اقول اكتبوامعه ..● وقت المحاضرة : مرتين بالاسبوع ومدة المحاضرة ساعة فقط . والقاعات اغلب الاحيان تكون بقسم علم الادوية ● طريقة الإختبار : اختبار شهري أول .. راح يختبركم فيه الدكتور محمود منصور ويكون الاختبار كله MCQ ( اختيارات ) 30 سؤال عليه 30 درجة واغلب الطلاب جابوا فل مارك واللي جابوا اقل من25 ينعدون على الاصابع .اختبار شهري ثاني .. حتى الشهري الثاني راح يختبركم فيه الدكتور محمود منصور وكله MCQ 30 سؤال عليه 30 درجة الشهري الثاني كان اصعب من الاول بقليل وكانت الدرجات عموما كويسه النهائي .. جزء الدكتور محمود منصور عليه 30 درجة وجزء الدكتور محمود ناجي عليه 10 درجات جزء الدكتور منصور كان تقريبا 60 سؤال كلها MCQ وكل سؤال عليه نص درجة وجزء الكتور ناجي كان تقريبا 25 سؤال كلها MCQ الاختبار النهائي ... كان صعب شوي بس لو انت مذاكر تمام وتكتب مع الدكتور محمود ناجي وتركز على الاشياء اللي قال عليها الدكتور محمود منصور صدقني راح تحل كل الاسئلة (( الجزء اللي اختبرتوا فيه الشهري الاول والشهري الثاني مو داخل بالاختبارالنهائي ))الخلاصة : مادة تحتاج انك تركز بالمحاضرة لانه فيه اشياء كثيرة فهم موحفظ أي شي مو مكتوب بالمذكرة وقاله الدكتور حاول انك تكتبه نصيحة : حاول انك تستمتع بالمادة ..  الكيمياء العضوية ...Pharmaceutical Organic Chemistry ( الكيمياء العضوية ) هذي المادة كانت 4 ساعات السنة الماضية لكن بالخطة الجديدة صارت 3 ساعات ... المادة نظري + عملي .. كان يدرسها الدكتورين طارق ابو الفضل والدكتور العبيد كل دكتور كان له جزء معين بالمادة تتشابة المادة بشكل كبير مع 105 كيم التي تطرقتوا لها في الفصل الثاني من البرنامج الموحد .. محتوى المادة : A. Classes and mechanisms of organic reactions B. Chemistry of the functional groups C. Stereochemistry D. Medicinally important heterocycles بداية تتكلم المادة عن نوعية التفاعلات.. وشرح لتفاصيل ميكانيكيات التفاعل بين الموادالعضوية... وتفصيل كامل لعملية التفاعل العضوي وشرحها في بداية المقرر .. بعد ذلك.. تتواصل المجموعات الوظيفية والمواد العضوية .. و راح تدرسون بعد تسمية المركبات العضوية والصيدلانية بشكل خاص .. وتفصيل التسمية في المركبات المعقدة .. الدكاترة : النظريــ ... البروفيسور طارق ابو الفضل ( مصري ) يدرسكمـ ... A. Classes and mechanisms of organic reactions B. Chemistry of the functional groups C. Stereochemistry متمكن من المادة وبشكل كبير و طريقة شرحه تكون بالبروجكتور وشرائح البوربوينت ملتزم بمواعيده ودائما يحضر للقاعة قبل الطلاب الدكتور العبيد راح يدرسكم جزء ... D. Medicinally important heterocycles يشرح اشياء بسيطة على السبورة ومعه ملخصات لمنهجه مصورها من كتاب ويوزعها عليكم ### الدكتورين يقدسون شي اسمه الحظووووريعني نصيحه لا تغيب عندهم ولامحاظره ###العمليــ ... انا اخذت العملي عند الدكتور عادل رووعه في تعامله مع طلابهــ .. صح انه يزعل ويعصب كثير بس يرووق بسرعه ويحرص انك تفهم المحاضره درجة الصعوبة : النظريــ ... بداية المادة راح تحس نفسك مشتت بين دكتور ودكتور وكل دكتور يتكلم بشي بعيد عن الثاني يعني راح تحس انها مو مادة وحدة ،،، بس مع الوقت راح تتعود انا ما كنت أحب المادة بس يوم بدت الاختبارات وبديت اذااكرها والله العظيم حبيتها عندكم الدكتور طارق راح يقولكم حملوا شرائح العرض من موقعي واطبعوها او اشتروها من المهندس وانت بدورك احضر معه بالمذكرات اللي طبعتها وهو راح يشرح وانت ما عليك الا تسجل اي ملاحظه مو موجودة بالمذكرة اما الدكتور العبيد راح يوزع عليكم الملخصات وانتبه تفوت محاظره عنده لانه يقول اشياء كثيرة بالمحاظرة خارج الملخصات يعني لازم تحظر وتكتب معه . العمليــ ... العملي كله من بداية اول اسبوع الى نهايته فقط تكشفون على مواد عضوية والمجموعات الوظيفية بس (الأغوال والحموضالكربوكسيلية والاسترات والايثرات والالدهيدات والكيتونات ) العملي سهل جدا جدا .. وكل محاضرة عملي لازم تكتب تقرير عن اللي سويته وهو راح يشرح لكم كيف تكتبون التقارير . وقت المحاضرة : سبت واثنين واربعاء نظري و واحد من ايام الاسبوع راح يكون العملي طبعا هالكلام يوم كانت المادة اربع ساعات لكن الحين فيه شي انحذف يعني المحاضرات راح تقل توزيع الدرجات : 15 درجة اختبار شهري اول 15 درجة اختبار شهري ثاني 5 درجات حظور < قايلكم يقدسون الحظور 25 درجة على العملي ( اختبار اول عليه 10 واختبارثاني عليه 10 و الحظور والريبورتات عليها 5 ) 40 درجة اختبار نهائي . الاختبارات : الشهري الاول والشهري الثاني والنهائي الدكتور طارق ابوالفضل كل اختباراته MCQ والدكتور العبيد فيهااختيارات وفيها تعرف على المركب الفلاني وصحح اسم المركب واكتب معادلات طبعا شرائح العرض للدكتور طارق تكفيك كليا للاختبار واسئلة الدكتور العبيد لو تكتب معه الكلام اللي يقول اكتبوه + الملخصات حقته ماراح يطلع الاختبار منها بالنسبه العمليــ ... اختبارين وكل واحد اسهل من الثاني.. االاختبار الاول يعطيك عينتين ويقول تعرف عليهم طبعا الاختبار تدخل فيه بالمذكرة اوالريبورتات اللي كتبتها يعني فقط تطبيق للي اخذتوه بالمحاضرات وسجلته انت بالريبورتات الاختبار الثاني نفس الاول بس راح يعطيكم اختبار نظري عليه درجات قليله وسهل الخلاصة : يوم ركزنا على المادة ما تعبنا فيها صراحه وكانت 4 ساعات،،، فـ كيف وهي3 ساعات ودرجات العملي حرام تضيع عليكم درجة وحدة فيه وصدقوني لو تعبتوا فيها شوي راح تجيبون قريدات عالية في المادة  Pharmaceutical Analytical Chemistry( الكيمياء التحليلية ) بالنسبه للمادة هذي يقول الدكتور عدنان قاضي ( في الشؤون الاكاديمية ) انها عبارة عن ( ثلاث ارباع مادة 261 كمص + ربع مادة 262 كمص ) انا راح اتكلم عن 261 كمص والربع الباقي بكتشفه معكم لأني باقي ما اخذت 262 261 كمص : تتكلم المادة بشكل عام عن المعايرات الكيميائية .. وهي الكشف الكمي عن المواد الكيميائية .. هذي المادة حبيتها وحبتني  من المواد اللي استمتع وقت الشرح و تنتهي المحاضرة وانا ما حسيت بالوقت درسني فيها الدكتور ابراهيم درويش ((من ارووووووووع الدكاترةاللي قابلتهم والله لو مدحت فيه الى بكره ما عطيته حقه ))محتويات المادة : Acid-base titrations Non-aqueous titrations Precipitation titrations Complexometric titrations Oxidation-reduction titrations دكتور المادة : النظريــ ... الدكتور ابراهيم درويش ... اسلوبه في الشرح ( يشرح على السبورة وانت لازم تكتب وراه )ومتمكن من المادة بشكل مو طبيعي ولو انتبهت معه صدقني راح توصلك المعلومة من دون جهد منك العمليــ ... الدكتور جبر قاسم ( مصري ) كبير بالسن بس شباب بروحه ،،، راح ترتاحون معه بشكل كبير درجة الصعوبة : النظريــ ... صراحه مافيه شي صعب حاولت ادور اي صعوبة واجهتها بالمادة بس مالقيت العمليــ ... عملي 261 كمص كان اسهل بكثيييرمن عملي العضوية يعني ما راح تتعبون فيه هو تطبيق كامل لكل ماتم التطرق له في الجانب النظري بحيث يتم شرح طريقة التفاعل والاسلوب الكيميائي له في الجزء النظري ويتم تطبيق التجربة في المعمل وحساب الكمية المجهولة .. توزيع الدرجات : 15 شهري اول 15 شهري ثاني 30 عملي 40 نهائي الاختبارات : اسئلة الدكتور ابراهيم بالشهري تختلف عن النهائي يعني الشهري يعطيك 10 صح وخطأ و5 فقرات عدد اواُذكر اما النهائي فيها صح وخطأ واختيارات وعدد واكمل المعادلات وبالنسبة للأسئلة .. مافيه سؤال يطلع من اللي يكتبه على السبورة وهو راح يقولكم هالكلام العمليــ ... اختبار اول : يختبركم نظري عن رموزالمواد وشحناتها ( سهل ) + تعرف ( يعطيكم عينتين ويقول اكشف عن العينتين ) اختبار ثاني : titrations بتقولون وشو الـ titrations اقولكم راح تدرسونه بس لا تستعجلون وهذا مقطع للـ titrations والعملي سهل لأبعد الحدود الخلاصة : اللي ياخذها عند الدكتور ابراهيم درويش وما يجيب على الاقل A بذبحه  ...مواد من كلية الطب البشري ...  Anatomy ...( علم التشريح ) ● المادة تبع كلية الطب البشري ويدرسها دكاترة من كلية الطب وتنقسم المادة لقسمين Morphology ● Histology ● ( Histology ) هذا العلم يهتم بالتركيب الدقيق للخلية وانواع الخلايا الدقيقة في انحاء جسم الإنسان .. وأشكالها المختلفة .. وكل محاضرة يتم التطرق الى جهاز معين من الاجهزة الحيوية في جسم الإنسان ويتم مشاهدة الخلايا والعلامات المميزة لها فعلى سبيل المثال : تختلف خلايا العضلات عن الخلايا العصبية وخلايا الغضاريف عن الخلايا الطلائية .. ويتم دراسة جميع اجهزة جسم الانسان .. الهضمي بجميع اعضاءه وشكل الخلايا الدقيق لها والجهاز العضلي والعصبي والتناسلي والبولي والجهاز الدوري وكلها تحتوي على مجموعات مختلفة من الخلايا الدقيقة مختلفة التركيب ( Morphology ) وهذا يهتم بالاعضاء الكبيرة و المشاهدة بالعين وتمييزها ويتم التطرق لنفس الاجهزة الحيوية التي في علم الانسجة .. ولكن الاختلاف هنا في معرفة المكان والشكل والوظيفة لكل عضو من الاعضاء .. حيث يحتوي كل جهاز حيوي على مجموعة كبيرة من الاعضاء يتطلب منك معرفة مكانها والوظيفة منها وتمييزها في جسم الانسان .. ● محتويات المادة مواضيع الـ Morphology : Skeletal System● Appendicular Skeleton ● Muscular System● Nervous System● Cardiovascular system● Respiratory system● Digestive system● Urinary system ● Male & Female reproductive system● مواضيع الـ Histology The cell● Epithelium● Connective tissue (C.T.) proper● Muscular tissue● Nervous tissue● Vascular system● Lymphoid tissue● Respiratory system● Digestive system● Urinary system● ● الدكاترة : يتغيرون اسبوعيا تقريبا يعني كل اسبوع يجيكم دكتور لكن أغلب اللي يتكررون بأكثر من اسبوع د. خالد الكريدا + د. علي محمد للـ Histology كلهم يشرحون على البروجكتور وشرحهم شامل يعني ما يتركون شي الا وشرحوه د. سعيد أبو المكارم + د. محمد سعيد وهرا للـMorphology من أفضل الدكاترة في التعامل مع الطلاب و في إلقاء المحاضرة ● درجة الصعوبة : لو تبي قريد ممتاز في هالمادة ما لك الاالكتاب اغلب الطلاب اعتمدنا على سلايدات البوربوينت اللي يعرضونها الدكاترة في المحاضرة وكنا مفكرين انها تكفي للإختبار بس في الاخير فيه أسئلة تجي بالاختبار من برا السلايدات يعني فيه اشياء يشرحها الدكتور بالمحاضرة مو موجودة بالسلايدات موجودة بس بالكتاب للمورفولوجي كان مطلوب كتاب Essentials of Human Anatomy & Physiology EIGHTH EDITION By Elaine N.Marieb  انا موجود عندي كتاب المورفولوجي واشوفه منظم ومرتب ومقسم بشكل حلو كتابالهستولوجي Color Atlas of Histology Fourth Edition By Hiatt, Gartner  ● وقت المحاضرة : هي عندك مرة وحدة بالاسبوع يقسمون الدفعة قروبين قروب كان يوم الاثنين وقروب كان يوم الاربعاء من 11-12 محاضرة histology من 1-2 محاضرة morphology من 2 - 4 العملي النظريــ ... محاضرات النظري تكون بكلية الصيدلة يجيكم الدكتور ومعه اللاب توب ويشرح لكم على البروجكتور العمليــ ... تنتقلون لقسم الاناتومي بكلية الطب البشري هو تقريبا راح يشرحلكم اللي اخذتوه بالنظري على مجسم بلاستيك موجود بالمعمل فقط . ● طريقة الإختبار : اختبار شهري أول .. تختبرون بالجزء النظري فقط وعليه 20 درجة 10 درجات للمورفولوجي و10 درجات للهستولوجي والاسئلة عبارة عن MCQ اختبار شهري ثاني .. تختبرون بالنظري والعملي وعليه 40 درجة 20 للمورفولوجي ( 10 نظري و 10 عملي ) و20 للهستولوجي ( 10 نظري و 10 عملي ) النظري كله MCQ العمليــ ... يجيبون بروجكتور ويعرضون لك 20 صورة لازم تتعرف عليها من جزء العملي اللي اخذته النهائيـ... نفس الشهري الثاني بالضبط وعليه 40 درجة ( درجات العملي واللي هي 40 درجة المفروض تكون بجيبك لانها سهله مره قبل أي اختبار يحددون لكم الصور اللي بتجي وانتم بس ما عليكم الا تحفظون وتدخلون الاختبار يعني لو نقصت درجة بجزء العملي لا تلوم الا نفسك  )... الاختبارات تكون كلها بكلية الصيدلة ... ● الخلاصة : مادة مرة بالاسبوع بسه يعني لو فضيت اربعاء او خميس وراجعت من الكتاب اللي اخذته بالمحاضرة صدقني ماراح تقل عن ممتاز في هالمادة  Physiology ... ( علم وظائف الأعضاء ) ● الفسيولوجي مقرر تبع كلية الطب البشري ودكاترة المادة من كلية الطب بعد الفسيولوجي يتكلم بوجه عام عن كيفية عمل الاعضاء وتوظيفها ( كيفية عمل العضلات من الانقباض والانبساط / كيفية انتقال النبضات العصبية / الدورة الدموية ) ● محتويات المادة : Cell Physiology● Blood Physiology● Nerve & Muscle Physiology● Autonomic Nervous System● Heart & Circulation● Respiratory System● الدكاترة : كل اسبوع دكتور تقريبا بس اغلب المحاضرات يعطيها لكم الدكتور شاهد والدكتور شهاب ( من باكستان) الدكتور شاهد متعاااااون لأبعد حد مع الطلاب ويساعدهم بشكل كبير وشرحه على البروجكتور والبوربوينتوالدكتور شهاب يشرح على السبورة وشرحه تمام بس اذا رحت له المكتب يكلمك ويجاوبك وتحس انه مغصوب وما وده  ● درجة الصعوبة : صعوبتها أقل من الأناتومي ومنهجها أقل من الأناتومي اغلب الدكاترة يعتمدون على شرح البروجكتور الا بعضهم يشرح على السبورة ومثلها مثل الأناتومي ( لا تعتمد على شرائح العرض اللي يعرضها لكم الدكتور ) لأنه في الاختبار راح تجيكم اسئلة كثيرة من الكتاب يعني لازم ترجع للكتاب الكتاب ... Human Physiology Stuart Ira Fox 10th Edition  ● وقت المحاضرة : النظريــ ... مرتين بالاسبوع و تكون المحاضرة ساعة فقط العمليــ ... مرة بالاسبوع وتكون المحاضرة ثلاث ساعات محاضرات لنظريــ ... تكون بكلية الصيدلة الا كم محاضرة تكون بقسم الفسيولوجي بكلية الطب البشري محاضرات العمليــ ... تكون بقسم الفسيولوجي بكلية الطبا لبشري وعملي الفسيولوجي يكون فيه شغل مو مثل عملي الاناتومي يعني مثلا تقيسون فيه الضغط وسرعة الـ Bleeding والـ Clotting time يعني تحسون انه عملي ● طريقة الإختبار : اختبار شهري أول .. 20 درجة ( الاسئلة MCQ ) اختبار شهري ثاني .. 20 درجة ( الاسئلة MCQ ) العمليــ ... 15درجة ( الاختبار يكون قبل الاختبار النهائي بأسبوعين تقريبا ويحدد لكم الدكتور شهاب 45 صفحه تقريبا راح يختبركم فيها ) الاختبار اسئلة نظري وكلها MCQ النهائي: 40 درجة ( الأسئلة MCQ ) يبقى 5 درجات هذي الدرجات الخمسه ( اربع درجات على برزنتيشن يطلبه منكم الدكتور شهاب + درجه على واجب ) ● الخلاصة : مادة متوسطة الصعوبة ومنهجها موطويلوركزوا عليها عشان ترفع معدلاتكم ... مادة من كليةالعلوم...  Mathematics for Pharmacy ... ( الرياضيات لطلاب الصيدلة ) المادة تتكلم بشكل عام عن ( الاعداد الحقيقية والدوال والنهايات والاتصال والاشتقاق وتطبيقاته والتكاملات ) يعني اغلب مواضيعهااخذتها بثالث ثانوي انا راح اقولكم الصراحه عشان ما تنصدمون في الترم وماودي اخوفكم منها بعد بس مثل مافيه طلاب حملوا المادة فيه طلاب جابوا A+ وعشان المادة 3 ساعات يعني تلعب في المعدل وعشان فيها صعوبة لازم تشدون حيلكم فيها انا كنت اقول انه المادة هذي مالها دخل بتخصصي لو اركز على مواد ثانية من تخصصي مثل البايو والفسيولوجي احسن من اني اركز على الريض وبالاخير كنت راح احمل المادة لو مادفني الدكتور هي ثلاث حاجات لوقدرت توفرها راح تجيب قريد عالي دكتور يصحح بضمير + معيد يشرح من قلبه في التمارين + مرجع ترتاح له عشان تذاكر منه النهائي ● الدكاترة : هم ثلاث دكاترة للنظري والمعيدين اتوقع 3 للتمارين الدكاترة هم : حسين السدراوي ( تونسي ) + رضوان (اتوقع هندي) + محفوظ ( هندي ) المعيدين : مالك ( سوري) + اثنين ما اعرفهم طبعا الدكاترة ممنوع يتكلمون بالعربي النظريـ .. انا درسني الدكتور حسين السدراوي ويوم شاف الطلاب الاغلبيه مو مجمعين على الانقلش صار يشرح اغلب المحاضرة بالعربي ( عربي مكسر ) |
