 |
 |
 |
 |
 |
 |
 |
 |
|
|
||||||||
|
|||||||||
|
|
|||||||||
4th September 2008, 06:22 AM
|
|||||
|
|||||
::: Australia ::: تقـــرير مصـٌـور
شخباركم عساكم بخير شهــر مبارك علينا وعليكم يارب << بدري بهذا الموضوع راح اكتب تجربتي باستراليا لها الصيف ... تجربة كانت رائعه وان شاء الله بحاول انقل اكبر جزء منها بها الموضوع . وبحاول اكتب بعض النصائح على شان اللي يفكر يسافر ماتصير له بعض الشغلات الظريفة اللي صارت لي  0بداية اختيار استراليا كان طبعا شطحة من شطحاتي  قبل الاختبارات النهائية كنت اقول لخوياي " ابي اروح ماليزيا ابي اروح ماليزيا " لاني سمعت ناس كثير مدحوها وانا للاسف ماقد طبيتها . انتهت الاختبارات وبدت الاجازة ولا لقيت اي كائن حي من خوياي له الرغبة بزيارة ماليزيا وتوهقت وقررت اغير مسار الرحلة .بعد ماناقزت بالمواقع حقت السفر لقيت اكثر دولة تناسبني هي استراليا . دورت لي على خويي ولقيت صديقي مشعل مؤيدني على السفرة  بدينا رحلة البحث على حجز وبعد المطامر ورى مكاتب السفر والسياحة لقينا حجز بتاريخ 18 جولاي الخطوط : اتحــاد الإمارات  سعر التذكرة كان 8600 ريال  طبعا اسعار التذاكر هالصيفية مثل مانتم عارفين صارت خيالية .. خصوصا تركيا ربعنا رايحين تركيا يحسبون مهند ولميس ينتظرونهم بالمطار خخخخخخخخخخخخخ المهم نصيحة لأي كائن حي لايتهاون بمسالة الحجز .. احجز بدري على شان ماتاكل تبن مثل ماصار لي وتوهقت 0 طبعا كانت البلدة اللي اخترنا نقضي فيها بداية سفرتنا باستراليا هي الــ Gold Coast هذي صورتها بالخريطة  كان خط سير رحلتنا كالتالي الريـاض _ أبو ظبي " ترانزيت ساعه ونص " _ سنغفاورة " ساعه " _ برزبن كانت الرحلة كاملة تقريبا حوالي ال 16 ساعه هذي صور صورتها من الطيارة قبل الهبوط   // وصلنا برزبن ومن هناك اخذنا قطار على القولد كوست طبعا خويي اللي يدرس طب هناك الله يجزاه خير ماقصر دبر لنا سكن وحجز لنا المعهد حق الانجليزي .. يعني كل شي تقريبا كان جاهز هذي مجموعة صور للسكن اللي سكنا فيه + الجامعه اللي درسنا فيها   هذي صورة للقطوة البثرة حقت راعي البيت  الحي اللي كنا ساكنين فيه اسمه " روبينا "  هذي صور للجــامعة اللي كنا ندرس فيها اسم الجـامعه : Bond university     طبعا انا درست بمعهد انجليزي تبع الجامعه وهذي كانت نصيحة خويي يقول انه اقوى وافضل .. المهم ان جملت ابوي دايم قبل لا اسافر " انت مافلحت وحضرت بجامعتك تبي تحضر هناك .. اي هين " << كيف التحطيم بالله ؟  وبصراحة ابوي كان صادق  اول يوم جيت ماجبت لادفتر ولا قلم << المدرس ماقفلت معه ابد بس سلكها اول يوم ثاني يوم جبت قلم .. بس ماجبت الدفتر ثالث يوم كنت كويس ولله الحمد جبت الدفتر والقلم .. بس نسيت الواجب المهم اني زحفت الكلاس كله صارو الزقرت مايحلون الواجب الا الصبح قبل مايبدأ اول درس << حركات ربعنا خخخخخخخخخخخخخخخخخخ هذي صورة للكلاس كـنا بـ party << احلى يابارتي  بالويك اند الاول لنا بالقولد كوست خليناه جولة تفقديه لانحاء المكان ... كان عادي جدا ومارحنا فيه اي مكان باستثناء حي معروف فيه كثرة العرب " اسمه الـ Surfers paradise المعذرة طبعا ماخذت فيه صور كثير " خبركم ربعنا ان شافو عربي طلع كاميرة جتهم حساسية على شان كذا اخذت بعض الصور من الانترنت       مع ان السيرفرس كان حي كبير جدا .. الا اننا حفظناه من كثر مانروحله .. تقريبا نروحله بشكل يوميا خصوصا ايام الاسبوع لاننا نطلع من الجامعه الساعه 3 .. ناخذ الباص ونروح للسيرفرس نتغدى ونجلس ندور فيه لين المغرب ولاقربت تغرب الشمس رحنا للشاطيء اللي هناك وجلسنا فيه . هذي بعض الصور للشاطيء      طبعا شواطيء القولد كوست تصنف على انها من احلى شواطيء العالم أول اسبوع لنا مثل مانتو شايفين كان خفيف جدا وكنا حريصين على اننا نعرف البلد كويس قبل لانبدأ نحط لنا برنامج لكل ويك اند . يتــبع ... 
|
|
4th September 2008, 06:36 AM
|
|||||
|
|||||
|
رد: ::: Australia ::: تقـــرير مصـٌـور
كنت انتظر الويك اند يجي على شان اطلع كل طاقاتي المكبوتة ... نصحنا خويي اللي يدرس باستراليا اننا نروح للحي اللي فيه مجموعة من مدن الملاهي قررنا نروح مدينة ملاهي كان فيه اكثر من وحدة لكن قررنا زيارة الــ Dream World هــذا موقع الدريم Dreamworld Theme Park - Gold Coast - Australia وهذي مجموعة صور للدريم   طبعا الالعاب الحلوة والخطيرة كانت سته بس والباقية مابين العاب عادية والعاب مبزرة والعاب فيها نوع من السماجة .. قررنا نروح اول لعبة وكان خويي دايم يقولي اركبها ترى بتنبسط << انا من ابتسامته وانا حاس ان فيه شيGiant Drop معلومات عن اللعبة HEIGHT The tallest, free-falling ride in the world at 120metres (39 storeys) high. STRUCTURAL The Giant Drop shares the tower that supports the Tower of Terror. A sophisticated magnetic braking system stops the gondolas metres from the ground. EXTREME FACTOR Free fall time is 5 seconds. The cruise to the top takes approximately 90 seconds. Falling 120 metres is the equivalent of falling from a 39-storey building. HEIGHT RESTRICTION Min 120cm, max 200cm بعض الصور من اللعبة حاولت اصور من أكثر من مكان   طبعا يوم ركبنا العامود حسيت السالفة سهلة ومافيها شي .. اول ماشتغل وطلع فينا فوق وشفت المنظر من فوق جتني الغلقة وحسيت بكئابة المنظر  والمصيبة انه مايقولك متى بينزل يعني فجاه ينزل فيك وبسرعه تروع انا انادي العيال اقولهم ياعيال شسالفة متى بينزل .. جيت اقولها مرة ثانية مامداني اكملها ولا هو نازل فينا من سرعته ماصارخت الا يوم وصلنا << توه يستوعب طبعا نزلت وانا عندي خلل في التوازن وصورنا كانت مأساوية كل واحد شكله يضحك اكثر من الثاني " طبعا بكل لعبة خطيرة يحطون كاميرة بمكان بحيث انك اول ماتوصل فيه ياخذون لك صورة وانت تصارخ " هذي صورة مقرب زومت الكاميرة لين قنصت ضحايا هالعامود المخيس  هذا مقطع فيديو  اضـغط هــنا طلعنا من اللعبة هذي انا وهشام دايخين وحالتنا حالة خخخخخخخ ومروان ومشعل يناظرونا ويضحكون ويقولون يالله خلنا نكمل دامنا دايخين دايخين نركب ثاني اخطر وحدة << فاهمين غلط ركبنا ثاني لعبة واللي كانت عبارة عن مركبة تنطلق زي الصاروخ << كيف الوصف اسم اللعبة : tower of terror معلومات عن اللعبة SPEED 160 kph in seven seconds - propelled by electro-magnetic forces. HEIGHT 38 storeys high. TRACK The ‘L’-shaped track stretches 330 metres horizontally - or the equivalent of three football fields. EXTREME FACTOR 100 metre vertical free-fall backward. Experience 6.5 seconds of weightlessness. HEIGHT RESTRICTION Min 120cm, max 200cm هذي صورة للعبة من الموقع حق الدريم  وكالعادة طلعنا من اللعبة حالتنا صعبة ورحنا نشوف صورنا وكالـــعادة  انا وهشام كنا نكتة الالبوم .. اللي جنبي رافعين ايديهم ويناظرون الكاميرة مبتسمين وانا فاتح فمي على اخر شي واصاااااااارخ خخخخخخخخخخخ اما هشام متعفط وجهه من سرعه اللعبة  // بعدها انا وهشام رحنا اخذنا جولة حول الملاهي ورحنا لحديقة الحيوان اللي هناك هذي صور لبعض الحيوانات اللي بالدريم    هالكائن حياته كلها اكل ونوم  هذا المخلوق يحب الاستهبال   هذي صورة مخلبية اترك لكم التعليق     // بعد ماخذنا استراحة وركبنا بس لعبة وحدة وكان الوقت تأخر ورجعنا لذلك قررنا نجي الملاهي مرة ثانية بيوم من ايام الاسبوع ونسحب على يوم دراسي <<= قالك ابوك مب وجه دراسةكانت الملاهي فاضية اخذنا راحتنا بالالعاب .. وخوينا المهبول مروان ركب العامود المخيس هذاك مرتين ورى بعض << وش يحس فيه مدري اول مرة ركبها قلنا شكله راح وطي .. ننتظره ينزل مع الناس اللي كانو يلعبون مالقيناه شوي لقينا العامود طلع ومروان راكب مع الدفعة الثانية يقول Again Again خخخخخخخخخخخخخخخخ خبل هالادمي بالزيـــارة الثانية قررنا نزور الملاهي المائيه المتصلة بالدريم .. هي تبع الدريم لكن مفصولة ببوابة ولها رسوم دخول .. قررنا ندخلها لاننا خلصنا كل العاب الدريم والوقت كان بدري مع ان الجو كان بااااارد .. بس ماعاقت معنا هذي مجموعة صور لـ Dream World + white water worldr World     احلى لعبة لعبتها بها الملاهي كانت هذي " الصورة اخذتها من موقعهم "  وهذي مجموعة صور اخذتها بعد ماخلصنا من الملاهي      يتـــبع ...
|
|
4th September 2008, 06:52 AM
|
|||||
|
|||||
|
رد: ::: Australia ::: تقـــرير مصـٌـور
نواف تقرير أكثر من رائع ..أمتعتنا بالصور والوصف .. يعطيك ألف عافية .. ومتابعين للقادم .. 
|
|
4th September 2008, 06:57 AM
|
|||||
|
|||||
|
رد: ::: Australia ::: تقـــرير مصـٌـور
اقتباس:
المشاركة الأصلية كتبت بواسطة Dr.Nefo
المعذرة طبعا ماخذت فيه صور كثير " خبركم ربعنا ان شافو عربي طلع كاميرة جتهم حساسية  مغامرات نواف المخلبيه  الله يعطيك العافيه تقريرك حلوو وبانتظار الباقي 
|
|
4th September 2008, 07:00 AM
|
|||||
|
|||||
|
رد: ::: Australia ::: تقـــرير مصـٌـور
استمتعت وانا اقرأ كمل نواف ، تراني متابع 
|
|
4th September 2008, 07:04 AM
|
|||||
|
|||||
|
رد: ::: Australia ::: تقـــرير مصـٌـور
..وش اخبار المعهد؟؟؟ ماكذب ابوك 
|
|
4th September 2008, 07:23 AM
|
|||||
|
|||||
|
رد: ::: Australia ::: تقـــرير مصـٌـور
اعرف شباب هناك يقولون اذا ذاق صدرنا رحنا القولدن بيش  الصيفية الجاية انصحك تروح كندا و تحديدا فانكوفر هذي المدينة صنفت افضل مدينة عام 2004 انصحك تروح لها او روح تورنتو
|
|
4th September 2008, 07:59 AM
|
|||||
|
|||||
|
رد: ::: Australia ::: تقـــرير مصـٌـور
<< ما تحمست و فطست ضحك ابد لو من أبوك ارسلت معك مراقب
|
