صفحة 1 من 2 12 الأخيرةالأخيرة
النتائج 1 إلى 15 من 17
  1. #1
    تاريخ التسجيل
    Jan 2006
    المشاركات
    188
    الجنس
    ذكر

    آليات القص لــــ رواية ( موسم الهجرة إلى الشمال )




    بسم الله الرحمن الرحيم


    السلام عليكم ورحمة الله

    نطرح لكم رواية ( موسم الهجرة إلى الشمال ) للطيب صالح


    ونناقش فيها آليات القص :

    1- الراوي : هل هو ضمير متكلم أو غائب

    2- وجهة نظر الراوي

    3- المكان والزمان لأحداث الرواية

    4- اللغة الروائية : هل هي عامية أو بالفصحى

    5- أخيراً : ذكر شواهد من الرواية للنقاط السابقة إن أمكن



    أنا قرأت الرواية الصرااحة جداً جميلة واستمتعت بقراءتها حول الأحداث التي جرت فيها

    واللي ما قراها يحاول يقتنيها ولا يخسرها راح يستمتع بقراءتها ,, هذا رايي

    يــــ الله نشوف ردودكم حول الآليات وكل واحد ووجهة نظره حول ما قرأ وما فهم منها


    --------------------------------------------


    يـــ الله أبدأ أنا أولكم

    ( المكان والزمان )


    مصطفى سعيد , مسقط رأسه كان بـــ الخرطوم , تعلم الدراسة في مدرسة بالقاهرة فبعدها بعث إلى إنجلترا لمواصلة تعليمه , فاستوعب مصطفى حضارة الغرب , فبعد الأحداث التي جرت عاد إلى قريته النائية في شمال السودان وانتهت حياته غرقاً في النيل .
    والراوي لم تعاوده لحظات الماضي لأنه استطاع أن يطور علاقته بالماضي كامتداد للحاضر, لأنه لم يفتقد الماضي لكي تنقطع صلته بها, والتغير الزمني هو تغير من الخارج في طيف مصطفى العائد من أوروبا ونهج تعامله مع بيأته كرافض لها .


    البقية بعد التفاعل

  2. #2
    تاريخ التسجيل
    Jul 2007
    المشاركات
    2,372
    الجنس
    أنثى

    رد: آليات القص لــــ رواية ( موسم الهجرة إلى الشمال )

    شيء جميل
    آليات القص، جديد علي هذا المصطلح .

    سعيدة بالتعلم، سأزور هذا المكان غداً لدرس جديد .

    ما أجمل لغتنا

  3. #3
    تاريخ التسجيل
    Apr 2005
    المشاركات
    658
    الجنس
    ذكر

    رد: آليات القص لــــ رواية ( موسم الهجرة إلى الشمال )

    وعليكم السلام

    يخوي اللي عددتها ذي [ سِمات الرواية ] .. الآليات حاجة أقرب إلى الأدوات .. إلا إذا الدكتور يسميها آليات هذا شي ثاني f14 ..

    يقولون محد جاب باختباراته فوق الثمانية بنثر واحد.. وسبعة ونص بنثر اثنين f14 .. إذا هالكلام صدز .. فمعناته التقصير من التكتور .. لازم يشرح للطلاب ويطبّق لهم عملي :': ..


    بشوف وش أقدر أساعدك فيه وأرجع .. بس سالفة إني أقرأ الرواية انسسسسى ff12 .. ياخي وربي أكره الروايات القديمة .. تلقى الراوي يجمع كل القصايد والأساطير والمعلومات اللي حافظها و [ يدحجها ] بالنص دحجججج .. حتى لو ماكان لها مكان .. يعنني مثقف :': ..

    وعلى طاري الثقافة واللي يعننه مثقف .. أكثر شي يقهرني لما يجي دكتور ويسأل الطلاب .. هاه قريتوا روايات قبل ؟ معقولة محد قرى ؟ يوم كنت في عمركم كل يوم أقرأ رواية :': ..

    روّقنا بس .. ترى مافيه مثقف غيرك بالدنيا :ihi: ..


    سوري ياطالب مثالي .. أحسني لفيت بالموضوع خخخ :dl]:

    سن كيو .. آي ول باتس سون :m: :m:

  4. #4
    تاريخ التسجيل
    Jun 2005
    المشاركات
    2,398
    الجنس
    أنثى

    رد: آليات القص لــــ رواية ( موسم الهجرة إلى الشمال )

    الاسم مار علي
    شكلها للطيب صالح مدري انا قاريتها او لا ! بس اذكر مرة حليت سؤال منهو مؤلفها في السفارة السودانية وعطوتي توستر حقت التوست هع في الملاهي وكنت ألعب سيارات ودقت على الجوال تقول انتي عرفتي الحل وفزتي معانا خخخخخخخخخخخخخ
    يمكن من الزمن الغابر هع اتوقع جريدة الرياض وزعتها مجانا كتاب في جريدة بس مااذكر شيء فيها بس واحد يتزوج وحدة أجنبية ان ماكنت مشبكة الخطوط خخخخخخخخخخخ >> قولي قسم
    ماتذكرتها يمكن ما أعجبتني فما ركزت قريتها أي كلام
    عجزت أتذكر

    كيف محد جاب فوق الثمانية من عشرين معقولة ؟ هو أمين بالتصحيح
    لايكون الدكتور غير اسلوبه خشية أن الطلاب يتساهلون في مادته عقب مامدحوه الطلاب هنا !

  5. #5
    تاريخ التسجيل
    Jan 2006
    المشاركات
    188
    الجنس
    ذكر

    رد: آليات القص لــــ رواية ( موسم الهجرة إلى الشمال )

    اقتباس المشاركة الأصلية كتبت بواسطة زينـة مشاهدة المشاركة
    شيء جميل
    آليات القص، جديد علي هذا المصطلح .

    سعيدة بالتعلم، سأزور هذا المكان غداً لدرس جديد .

    ما أجمل لغتنا


    الجميل مرورك زينة
    ولا تبخلي علينا بــ النقاش إن أمكن

    وشاكر لك

  6. #6
    تاريخ التسجيل
    Jan 2006
    المشاركات
    188
    الجنس
    ذكر

    رد: آليات القص لــــ رواية ( موسم الهجرة إلى الشمال )

    اقتباس المشاركة الأصلية كتبت بواسطة نائب فاعل مشاهدة المشاركة
    وعليكم السلام

    يخوي اللي عددتها ذي [ سِمات الرواية ] .. الآليات حاجة أقرب إلى الأدوات .. إلا إذا الدكتور يسميها آليات هذا شي ثاني f14 ..

    يقولون محد جاب باختباراته فوق الثمانية بنثر واحد.. وسبعة ونص بنثر اثنين f14 .. إذا هالكلام صدز .. فمعناته التقصير من التكتور .. لازم يشرح للطلاب ويطبّق لهم عملي :': ..


    بشوف وش أقدر أساعدك فيه وأرجع .. بس سالفة إني أقرأ الرواية انسسسسى ff12 .. ياخي وربي أكره الروايات القديمة .. تلقى الراوي يجمع كل القصايد والأساطير والمعلومات اللي حافظها و [ يدحجها ] بالنص دحجججج .. حتى لو ماكان لها مكان .. يعنني مثقف :': ..

    وعلى طاري الثقافة واللي يعننه مثقف .. أكثر شي يقهرني لما يجي دكتور ويسأل الطلاب .. هاه قريتوا روايات قبل ؟ معقولة محد قرى ؟ يوم كنت في عمركم كل يوم أقرأ رواية :': ..

    روّقنا بس .. ترى مافيه مثقف غيرك بالدنيا :ihi: ..


    سوري ياطالب مثالي .. أحسني لفيت بالموضوع خخخ :dl]:

    سن كيو .. آي ول باتس سون :m: :m:


    هلا بك أخوي
    إيه الدكتور يسميها آليات
    إي ما في إلا اثنين بس جابوا 8 , والباقي كلهم 5 درجات بس
    والله قمنا نخاف ونشك إنه بيحملنا المادة وكله من راس الآليات

    وننتظر منك المناقشة
    وشااااااكر لك على المرور

  7. #7
    تاريخ التسجيل
    Jan 2006
    المشاركات
    188
    الجنس
    ذكر

    رد: آليات القص لــــ رواية ( موسم الهجرة إلى الشمال )

    الحياة ترى الرواية جميلة حيل
    والدرجات من 10 مو من 20

    والله يستر من النهائي ومن آلياته

    دمتي بود

  8. #8
    تاريخ التسجيل
    Aug 2008
    المشاركات
    1
    الجنس
    ذكر

    رد: آليات القص لــــ رواية ( موسم الهجرة إلى الشمال )

    انا ادرس نثر1 والاختبار الاربعاء القام


    وش يبي الدكتور بالضبط والله انا تايهين !!!!!!!!


    نذاكر سواء ونكتب نفس الاجابات وتتفاوت درجاتنا !!!

    هل يدقق على الاملاء ؟؟

  9. #9
    تاريخ التسجيل
    Apr 2005
    المشاركات
    658
    الجنس
    ذكر

    رد: آليات القص لــــ رواية ( موسم الهجرة إلى الشمال )

    8
    8
    8
    ياخي أنت ماتستحي على وجهك ؟

    طالب لغة عربية وتغلط بالإملاء ؟ .. والله إذا كان هذا السبب في خفس درجاتكم تستاهلون .. أهم شي الكتابة الصحيحة .. لطلاب العربي وغيرهم .. لكن العربي لازم يشدون عليهم بزيادة ..

    لكن ماأظن هذا السبب في الدرجات التعبانة .. أعرف مجموعة يدرسون عنده .. يكتبون صح .. لغتهم سلمية .. والنحو والإملاء ميّة بالمية .. وماخذين على ستة وسبعة .. أتوقع والله أعلم .. أنه بيحسسكم أنكم مهما سويتوا ماراح توصلون للدرجة الكاملة .. لأن الدرجة الكاملة تعني أنك سيم سيم الدكتور .. وهذا شي مايرضاه على نفسه ..

    الترم اللي طاف كان يدرّس البنات .. ماأدري كيف الدرجات عنده ؟ < سؤال بريء ff12

  10. #10
    تاريخ التسجيل
    Nov 2008
    المشاركات
    47
    الجنس
    ذكر

    رد: آليات القص لــــ رواية ( موسم الهجرة إلى الشمال )

    الدكتور يبي ملخص صفحة واحدة فقط للرواية .


    هل هو يبي ملخص للقصة أو ملخص للشخصيات أو ملخص للراوي أو الأسلوب ..

    اللي عنده خلفية يفيدنا الله لايهينه . شكرا .

  11. #11
    تاريخ التسجيل
    Jun 2005
    المشاركات
    2,398
    الجنس
    أنثى

    رد: آليات القص لــــ رواية ( موسم الهجرة إلى الشمال )

    ^
    ^
    طيب اسأله !
    الغالب في ظني ان الشخصيات والرواي هذولي يبيلها تحليل بس الملخص الاقرب انه يبي ملخص قصة . مااعرف طريقته بالنثر تأكد من الدكتور نفسه

  12. #12
    تاريخ التسجيل
    Apr 2005
    المشاركات
    658
    الجنس
    ذكر

    رد: آليات القص لــــ رواية ( موسم الهجرة إلى الشمال )

    أثري كنت وقح وأنا صغيّر .. << يقصد يوم أنه طالب مثلكم يالمبزرة :dl]: ..

    أتراجع عن ردودي السابقة .. الدكتور معجب العدواني لحيتن غانمة .. درست عنده مادتين منيب قايل وش اسمها .. << مهيب نثر 1 و 2 ff8 ..

    يابطل يامغوار .. عندك كلمتين .. حاول تركز فيهن زين .. إذا قال تقرير يعني يبي ملخص للرواية .. وإذا قال تحليل .. يعني يبي تكتب له آليات القص .. والآليات هذي ياطويل العمر تحتاج تعليل .. يعني لما تتكلم عن الزمن في الرواية وتقول أنه متكسر .. متقطّع .. متداخل .. بدأ من النهاية .. بدأ من النص .. لازم تعلل .. ليش الراوي يرجع لورى ؟ أو ليش نقز لقدام ؟

    هذي الأسئلة مالها إجابة ثابتة .. خاضعة للتأويل .. مايقدر يقول لك .. لا .. إجابة خاطئة .. يعني اكتب مايمليه عليك مخّك الفاضي .. بس حاول تبهره بالإجابة وتتكلم عن حاجات محد تطرّق لها .. لاتقلّد أحد .. ولاتسرق من كلامه بالمحاضرة وتحطه له في الورقة ..

    لما كان يقرأ لنا إجابات الطلاب في أحد الاختبارات .. كانت الإجابات متباينة ماهي حول بعض .. واحد يتكلم بالشرق والثاني بالغرب .. ومع ذلك يقول لهم كويّس ويعطيهم درجات حلوة .. لأنهم أبهروه .. أيضاً ابتعد عن الكلمات العامة والأحكام الذوقية :م: .. جميل .. رائع .. سيء .. جيّد .. هذي الكلمات مايبيها .. أنت مشروع ناقد .. عندك أدوات نقدية تفرق بينك وبين الإنسان العادي ..

    إذا لك قراءات ثانية .. ممكن تقارن بينها وبين الرواية اللي بين يديك .. وإذا قاري لنفس المؤلف رواية ثانية بعد تقدر تقارن .. الأمور تساهيل ..

    وإذا كنت داج بالحيل .. وحالتك صعبة .. وتحليلك بايخ .. بس واضح أنك قاري الرواية صدق .. بيعديك بدرجة حلوة .. لأن 90 بالمية من الطلاب مايقرون الرواية ويدخل قاري تلخيص من ورقة وحدة ويحلل بناءاً عليه .. عشان كذا أنت بتكون مميز بينهم .. من قدّك قاري 300 صفحة خخخ :dl]: ..

    سلملم :m: ..
    التعديل الأخير تم بواسطة نائب فاعل ; 10th April 2009 الساعة 10:47 AM سبب آخر: نسيت أقول سلملم .. هع

  13. #13
    تاريخ التسجيل
    Jun 2005
    المشاركات
    2,398
    الجنس
    أنثى

    رد: آليات القص لــــ رواية ( موسم الهجرة إلى الشمال )

    ^
    ^
    تخرجتا ؟ تف تف ماشاء الله
    أنا نص خريجة 3 مواد واخلص بس

    البطل المغوار نصيحة رح لمكتبه واسأله وبالعادة مارح تلقاه غالبا مسافر
    فاذهب الى السكرتارية وأسالهم متى يرجع وخذ رقم مكتبه وساعاته المكتبية ودق عليه
    هذا مستقبلك يابني
    إن قدرت تعطيني عناوين الروايات اللي مقررها عليكم اكون شاكرة ؟

  14. #14
    تاريخ التسجيل
    Feb 2008
    المشاركات
    1,964
    الجنس
    ذكر

    رد: آليات القص لــــ رواية ( موسم الهجرة إلى الشمال )



    رواية "موسم الهجرة" تصور الفروقات بين الحضارة الغربية واللي هي الجنة ممثلة بالبنيات البريطانيات اللي خربها معهم الزول وخلاهن كلهن ينتحرن والأخيرة ذبحها ..

    وممثلة بأبو البنت الأخيرة واللي قعد يدافع عن القاتل ..

    وبرضو المحاكمة العادلة ..

    وبين حنا وحضارتنا الشرقية بصورة الأنذال الجهلة ويمثلنا الزول بطل الرواية ..

    هذا أصغر كلف نوتس تقدرون تحصلونه






    مبروك التخرج يابو فاعل وفي انتظار الحلاوة
    التعديل الأخير تم بواسطة عَبدُالله ; 10th April 2009 الساعة 05:30 PM

  15. #15
    تاريخ التسجيل
    Jun 2005
    المشاركات
    2,398
    الجنس
    أنثى

    رد: آليات القص لــــ رواية ( موسم الهجرة إلى الشمال )

    ^
    ^
    قسم بالله قاريتها ايام المراهقة وناسية سالفتها كلها
    اذكر فيها طاري الشرق والغرب وواحد يتزوج وحدة خخخخ
    يمكن لان المؤلف سوداني ماتحمست وركزت
    حتى وزعوها مجانا مع جريدة الرياض كتاب في جريدة


    هالحين ياطلاب تسألون وتطلعون طيب واحد منكم يسوي خير ولما تخلصون الدرس تعالوا سولفوا لنا عن الرواية كذا كويس لك ولنا لك عشان ترسخ المعلومة ولنا عشان نشوف تسوى من يقراها والا لا نستفيد يعني تصير العملية أخذ وعطا

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •