استفسار عن كلية الرياض الأهلية لطب الأسنان .

[Mi!ss-Etecate]

السلام عليكم ...

تكفون ابي منكم مساعدهـ ..
انا توني متخرجهـ وابي تخصص طب اسنان ..
ابي معلومات عن جامعه الرياض الأهليه لطب الأسنان لأن للحين ماني فاهمه شي
ماشيه على عمآآآآي ..

دراسه طب الأسنان كم سنه ؟
وهل اول سنه ادرسها انجليزي وبعدها ابدأ ادرس التخصص ؟
وماهي مصاعب هذا التخصص ؟

واكون شاكره لكم والله

[Yasmine Al-Awaji]

ياهلا فيك أختي ..حياك ..

تم تغيير العنوان ليوضح استفسارك بالنسبة للأعضاء (: ..

أول شي بأقولك عليه ياليت توضحين استفسارك عن عدد السنين وعن التخصص هل ودك تسألين عن كلية

الرياض أيضا ولا يشمل كلية الأسنان التابعه لجامعة الملك سعود .. ؟؟

انتظر جوابك ..وان شالله الأخوة اللي هنا يفيدونك ..ولي عودهـ باذن الله لأجيب على اللي بقدر عليه ..

تحياتي ...

[Mi!ss-Etecate]

^
^
هلا اختي .. يعطيك العافية
والله انا على اساس اقدم على جامعه الملك سعود لكن حصلت لي مشكله يوم سجلت
وراح علي التسجيل وعشان كذا ماراح اسأل عنها

فقلت مالي غير جامعه الرياض الأهلية وسؤالي عنها ..
اللي بسأل عنه المعروف طب الأسنان كم سنه تاخذ دراستهـ ؟؟
وهل السنه الأولى ماتدخل من ضمن سنوات التخصص ؟؟


ان شاء الله يكون سؤالي واضح

[Grayish]

حيك الله أختي

اللي بسأل عنه المعروف طب الأسنان كم سنه تاخذ دراستهـ ؟؟

وهل السنه الأولى ماتدخل من ضمن سنوات التخصص ؟؟

سبع سنوات مقسمة كالتالي :

سنة تحضيرية

خمس سنوات في كلية طب الأسنان

سنة امتياز

بعد التخرج يكون المسمى طبيب أسنان عام

وتحصلين على التخصص عن طريق البورد أو الدراسات العليا

عمومازوري هالرابط يمكن يفيدك

http://www.cksu.com/vb/t27931/


بالتوفيق

[Mi!ss-Etecate]

^
الف شكر لك اخوي ماقصرت والله
يعآفيكـ ربيـ

[al.sul6an]

وعليكم السلام ورحمة الله
مشرفينا جي في بلاك و سفوري ماقصروا ..



ولـ أي استفسار ماهو موجود في رابط الموضوع الذي تم وضعه من قبل سفوري

أنا هنا حاضر للرد عليه ..



بالتوفيق للجميع

[Mi!ss-Etecate]

^
الله يعطيك العآفيه اخوي

بس حبيت اسأل .. سمعت ان السنه الأولى اذا جبت معدل عالي
يسترد الرسوم و باقي السنوات دون رسوم .. المعلومه صحيحهـ ؟؟!!
وشكرا

[al.sul6an]

الله يعافيك ..

بخصوص المعلومة ..
أنتي أكيد تقصدين نظام المنح الحكومية .. لكن هالنظام طريقته غير الطريقة الي أنتي فاهمتها ..
طيب كيف طريقته ؟



أول شي لازم تستوفي فيك هالشروط ..
1- أن يكون سعودي الجنسية.
2-أن يكون حسن السيرة والسلوك.
3-أن تكون الدراسة في التخصصات المحددة.
4-أن يحصل الطالب على المعدل المحدد للمنحة .

( النقاط الـ 3 واضحة ومفهومة .. لكن بالنسبة للنقطة رقم 4 ..
لازم تدرسين المستوى الاول على حسابك وتدفعين الرسوم كاملة وبعدها اذا جبتي معدل 3.75 وأكثر من 5

راح تدخلين المنحة على طول .. طبعا المنحة تتجدد كل سنة .. يعني لمن تخلصين المستوى الثالث يشوفون معدلك نزل عن 3.75... اذا نزل تروح عليكي المنحة .. وكل سنة تتجدد الى التخرج )



ولمعلومات أكثر عن برنامج المنح الحكومية
هذا موقعهم
برنامج المنح الدراسية الحكومية للكليات والجامعات الأهلية

[حزن طفلة]

انا تحطمت