صفحة 1 من 2 12 الأخيرةالأخيرة
النتائج 1 إلى 15 من 28
  1. #1
    تاريخ التسجيل
    Jun 2006
    المشاركات
    157
    الجنس
    ذكر

    كل ما يخص سنة خامسة طب

    بسم الله الرحمن الرحيم
    وبه نستعين ونصلي ونسلم على رسوله الآمين

    الكلام اللي بكتبه مو شي منزل احتمال الاخطاء وارد جدا
    دوري راح اكتب عن دورة الجراحة والباقي على اللي خلص الدورات الثانية

    ------------------------------------------------
    دورة الجراحة
    المدة 12 اسبوع
    مدة الدراسة 10 اسابيع
    آخر اسبوعين للاختبار النهائي
    عدد الاختبارات 3
    الاول نظري في الاسبوع السادس وكان يوم السبت بالنسبة لنا وعليه 20 درجة
    الثاني نظري في الاسبوع الحادي عشر وكان يوم الاربعاء وعليه 20 درجة
    الثالث اوسكي في الاسبوع الثاني عشر وكان يوم السبت وعليه 60 درجة

    الخطة الدراسية :
    النظري :
    عبارة عن 45 محاضرة معظمها يلقيها الطلاب في الساعات الاخيرة من كل يوم من 3-4.30مساء
    24 محاضرة الاولى يختبر في النظري الاول الا في حالة ان محاضرة اجلت
    20 محاضرة الثانية + المأجلة يختبر في النظري الثاني
    باقي محاضرة خاصة بالعملي Surgical insruments & X-rays
    بعض المواضيع يلقيها الدكاترة خاصة اطباء التخدير والدكتور فودة

    المواضيع هي
    management of patient with breast lump and nipple discharge=****
    management of patients of lung lesions=***
    post op assesment,management and complication=*
    blood Transfusion=***
    Burn=**
    pain management=*
    lower urinary track symptoms=*
    neonatal intestinal OBS and respiratory distress=**
    hematemasis=**
    surgical infection=*
    LUQ pain and mass=**
    bleeding per rectum=**
    fluid therapy & electolyte=*
    head injury=***
    dysphagia=**
    ischemic leg & ulcer=**** وماهي العادة بس اظنه عقاب للطلاب عشان ما عرفوا Angiogram
    lateral neck mass=**
    hernies=**
    RLQ pain and mass=***** مفاجاة الدورة
    ICU=*
    spinal lesion=**
    skin infection=* الله يطول بعمره شرح وعطا الزبدة وما طلع ولا حرف
    epigastric pain=*
    CAD=*****
    scrotal swelling=*
    jaundice=*
    central abd pain mass and distention=*
    renal colic=*
    varicose viens=*
    adrenal=*
    chest injury=*
    intracranial tumer and infection=***
    LLQ pain and mass=*
    truma=*
    pedia urology=* روعة الشرح روعة العيادة روعة الاسئلة الله يطول بعمره
    ER=* المثل
    Obesity=***
    anal pain and discharge=*********** الشرح قمة
    plastic=* كفا ووفا
    thyroid & parathyroid=** ناسي والله
    hematuria and renal mass=***
    nutritional support=***
    pre op assessment =**
    RUQ pain and mass=*

    المعذرة في عدم التعليق على باقي الدكاترة لان الطلاب كان هم اللي يلقون وكانت في بعض المساندة منهم طول الله باعمارهم ليغطي النواقص 10% والباقي كان الله في عون الطالب

    والحكمة هذا اليوم
    على قد النجوم على قد ما ساءت العلوم

    -------------------------------------------------------

    العملي :
    ينقسم الى قسمين :
    جراحة عامة = نص الطلاب مدة خمس اسابيع من الصباح الى الساعة 3
    جراحة متخصصة = النص الآخر نفس الكلام

    الجراحة التخصصية هي :
    1=طب التخدير
    2=جراحة اطفال (سبت واثنين وثلاثاء) وجراحة الصدر (أحد واربعاء)
    3=جراحة القلب (سبت واثنين وصبح الاربعاء) والاوعية الدموية ( احد وثلاثاء وظهر الاربعاء)
    4=جراحة الاعصاب(سبت وثلاثاء) والجراحة التجميلية والحروق (باقي الايام)
    5=جراحة المسالك البولية

    الاستفادة كبيرة لو حضر الدكتور وهي نفسها الاوسكي وكلام ما يتعدى نص ساعة وكلها اوسكي
    يعني جهز الورقة والقلم ولو ما ذاكرت الا اهي على الاختبار اللي جانا 60من60 باذن الله طبعا في حالة انك ما نسيت ولا نقطة من الكلام اللي ينقال وبما ان الضغط النفسي عالي فالدرجة 50
    انا غلطت وماكنت اكتب واكلت علقة او علقتين ونص في الامتحان.

    -------------------------------------------------------------------------

    المصادر (النظري ):
    1. لورانس ( صفقني يا شيخ )
    2.مونت ريد= ياليت اللي قراها يعطيني رايه من مجموعتنا د.امتياز يقول اللي يقراها يطلع استشاري
    3.recall مشهور وسمعة ويفهم ويخليك تحفظ بكل يسر وسهولة الاختبار الاول=20%،الثاني=60-80%
    4.مذكرات ( لا تغني ولا تسمن من جوع ) 40%
    5.lecture notes=كتاب جيد يغنيك عن المذكرات ومرتب ومريح وواضح وللطالب فقط
    6.مذكرات السنوات الماضية = ما اقدر افتي فيها ناس قالوا هي المهمة ونفسهم يقولوا في الاختبار ماراح يجي منها يعني وشلون مهمة ما ادري
    7.أخرى لا اعرفها

    المصادر (العملي):
    1-كتاب القحطاني الاصفر من مكتبة المريخ مشهور من سنة ثالث ما اظن احد يجهله
    غطى بس الجراحة العامة وجراحة الاوعية الدموية
    يعني لو سالك الدكتور investigation & management
    وش راح تسوي ؟؟ بس مفيد في الهستري والفحص =90%
    2-براوز = للناس اللي عندهم وقت لان نفس اللي كتاب القحطاني بتعمق اكثر لكل مرض
    ممكن اهمها اللي يتعلق بالجراحة التجميلية =skin lesion+palate+burns
    -----------------
    احلاهم
    3-مذكرة القطاني (جراحة عامة) ومذكرة تيسير العلي ( تخصصية )
    4-مذكرة د.أحلام الله يطول بعمرها جراحة عامة وتخصصية
    بالنسبة للمذكرة الاخيرة صحيح المواضيع ما طلعت منها بنسبة 90% زي ما قالت بس فيها بعض النقص اللي المفروض من اخذها يغطي النقص من المواضيع النظرية التابعة لها
    + جراحة القلب ما كتبت عنها اي شي
    على فكرة المذكرة نفسها تبع تيسير العلي اذا ما خاب ظني بس تاكدوا اذا فيه اختلاف
    انا تصفحت الاثنين بسرعة ولقيتها نفسها بس تاكدوا
    ترى النقص مو كبير ممكن سؤال او سؤالين او فحص او اختبار معين
    يعني لو ذاكرتها لحالها 50درجة في الاوسكي باذن الله
    --------------------------------------------------

    خالد أنت وش ذاكرت ؟
    النظري:
    recall=جميع المواضيع
    المذكرات=المواضيع اللي ماهي موجودة في recall
    العملي:
    مذكرة د:احلام بشكل رئيسي
    كتاب القحطاني حاجة مساندة

    السؤال المهم انت كم راح تجيب ؟
    المتوقع C+
    الدرجة ما طلعت لحد الان
    وكم المفروض اجيبه لو مشيت على دربك ؟
    المتوقع B+
    ليه ماحصلتها طيب ؟
    غياب في المحاضرة ، غياب في العملي ،
    ما كنت اكتب في الاثنين الاشياء اللي يقولها الدكتور في المحاضرة او العملي واللي حتى كان يكتبها الدكتور يقولك يا (........) ترى هذي اللي بتجيك في الاختبار الاوسكي
    يعني كانت درجة الاوسكي المفروض الواحد يجيب درجة كاملة او ينقص الشي البسيط

    ------------------------------------------------

    الزبدة :

    النظري :
    مصادر غير موثوقة
    الاسباب :
    كسل الطلاب ما يكتبون الا من مصدر واحد او يكتبون الاسهل يعني يلقي ويخلص
    دكاترة تحضر عشان تقيم الالقاء الطلابي وتادب الطلاب لو حصل من طالب او طالبين الغلط
    دكاترة تشرح وتشرح وتشرح والشرح قمة بس الاسئلة ولا حاجة من اللي جابه
    بل يتعدى ذلك الا انه لو طلب منه يعيد لك هالنقطة ما يعيد
    دكاترة تشرح المختصر المفيد وفي الامتحان يجي المفيد والغير المفيد واللي فوق المستوى
    ودكاترة حطها على الجرح يبرا ما يطلع عن المحاضرة او ما يطلع من شرحه في السلايد او الكلام اللي قاله بل تعدى ذلك بانه وقف ساعة كاملة يقول هذا المهم مني ونطق ثم نطق وجاء الاختبار بما نطق به فقط.
    يعني توكل على الله ودبر نفسك ولا تحزن بما اصابك فلا يدل على مستوى انما هو .......

    العملي :
    قمة قمة قمة والدرجة فيها روعة سهل تاخذ درجة كاملة
    احضر اكتب كل شي انا اللي اتوقعه لو كتبت ما راح يتعدى خمس الى عشر صفحات عن مذكرة د:احلام
    النقص الواضح كان في جراحة القلب

    -------------------------------------------------------

    العملي وضمناه باذن الله النظري وش تقترح؟
    بما ان كل طالب او طالبين او حتى ثلاثة راح يلقون مرة وحدة في الدورة
    يعني حرام لو ما تعبوا نفسهم حبتين ويكتبوا من مصادر مختلفة
    الغرض منها يكون شامل والطالب يعتمد على هذا والطلاب السنوات الجاية
    يكون من السبعة المصادر كلها ومصدر ثامن ينصح فيها الدكتور
    صعبة باقولك لا والف لا عندك مدة طويلة تقدر تسوي هذا كله وتكتب بلغة بسيطة في الوورد
    ملخصة شاملة على شكل نقاط راح يدعي لك اجيال من بعدك
    دور الليدر يوصل هالمعلومة ويشوف الموافق من المعارض ثم تجمع في مذكرة واحدة في نهاية الدورة
    القروب راح يتقسم الى عشر قروبات كل قروب عليه تقريبا اربعة الى خمس مواضيع عنده من بداية الدورة الى الاسبوع الثالث بالنسبة لمواضيع الاختبار الاول **
    والى الاسبوع الثامن بالنسبة لمواضيع الاختبار الثاني

    ** حتى لو ما خلص يكمل معروفه للدورات اللي بعده وللسنوات الجاية
    ---------------------------------------


    في حال عدم الانصات للاقتراح الاول وهذا الوارد فاتبع الخطوات التالي:

    ذاكر العملي .اول اسبوع يكفي ثلاث ايام وانا قلت اسبوع يعني ست ايام ويوم اجازة حتى
    ذاكر ريكول بالكامل من الغلاف الى الغلاف وراح اكتب المواضيع الغير مطلوبة من الكتاب
    في الاسبوعين الثاني والثالث من السبت الى الاربعاء كل يوم خمسين صفحة (سهل)
    يبقى الخميس والجمعة من كل اسبوع راحة يعني دلع
    مبروك عليك C باذن الله
    الاسبوع الرابع طنش تعش تنتعش وراجع العملي وانت تشوف Prison break
    الخامس ذاكر من ريكول المواضيع حقت الاختبار الاول والخميس والجمعة المذكرات اللي مواضيعها ماهي موجودة في ريكول
    المثل في الاسابيع الخمسة التالية والله يوفقك

    --------------------------------------------------------------

    المواضيع الغير مطلوبة في ريكول :
    Section I
    كلها غير مطلوبة ما عدا المواضيع اللي كتبتها فوق بس صدقوني لو قريتوها راح تفيدكم في اشياء كثيرة حيل حيل حيل
    بس الاشياء اللي مافيها فايدة
    الموضوع الاول:المقدمة من 1 الى 18 لا تتعب نفسك فيها
    الموضوع الخامس:التاريخ الجراحي
    الموضوع السادس : الادوات الجراحية في حالة ان الدكتور اكد عليكم انه ماراح يجيبها في الاختبار
    الموضوع الرابع عشر : العمليات

    بشكل عام القسم هذا اغلبه يفيدك عملي وملخص للي جاي والمواضيع روعة
    المواضيع المهمة هي
    18-19-22-25-27

    Section II:
    الاغلبية مطلوبة والغير مطلوبة ما اظن فيه مانع انك تقراها

    Section III:
    الغير مطلوبة
    70-73-74-77
    بالنسبة للبلاستيك والهاند سيرجري (68-69) للاوسكي لو جابوا مناقشة فيه وكان حظكم سيء
    غير كذا ماهي مطلوبة في النظري بس العملي يمكن ويمكن

    ---------------------------------------------

    اسئلة الاوسكي
    1-صورة لرجل ابيض اللون يشتغل مزارع في تقرحات في وجهه
    DDX-Risk factor-TTT-post op scar
    2-dysphagia
    Full Hx related to the symptom, DDx, othe Presention e.g:metastasis
    maybe he will ask about management
    3-CT of the brain show epidural hematoma
    describe the ct :name date type and finding , DDx, management
    4-neonate full term Hx of cynosis and ARDS
    DDx: diaphragmatic hernia, sign ,Chist X-ray findings 3:bowel in the chest ,shift of the heart and no gases in the abdomen
    5-mechanical valves
    types -indection - precaution -other valves (biological)-sourse -advantage and disadvantage
    or when we use this and that- C/I to use mechanical
    6-CVP
    define-indiction - routes -complication
    7-renal stone
    KUB and IVP
    finding , other modality(CT),management
    8-pic of diabetic foot
    describe it -type of gangrane--management (don't forget to say the investigation first
    like US -angiogram-ABI-ECG-maybe echo- CBC-Coagulation profile
    then say the management include control of DM
    9-Hx of Obesity
    10-Examine the ulcer
    it was Ischemic ulcer so do not forget to any things
    like vasculer (pulse)-neuromascular-LN-special test camparing with normal
    and other two things I don't know what is it
    11-direct hernia
    complate exam
    12-breast exam
    كانت مجسم طبعا فلا تسوي نفسك عاقل ولا تقدم نفسك للمجسم وتستاذن منه وتساله اذا فيه مكان يوجعه قبل ما تلمسه وتقوله ارفع يديك لفوق وحط يدك على خصرك والوضعية والكشف من وين لوين يعني تفاصيل مملة على مجسم وكانك بتسويها على ادمية
    13-take full Hx
    طبعا هذا كان ابسط حاجة واسوأها في نفس الوقت المريض كان طالب في اولى ثانوي وما عنده الى الم في بطنه فقط وباقي الهيستري سلبي وما عنده اي شي الا التاريخ الدوائي ولما سالته ليش تاخذها قال عشان عندي كرونز
    نقص من الهستري تنومت قبل كذا وش سووا لك ونسيت لاقدم نفسي
    لان كان الاستيشن مو تاخذ الهستري باعتقادي كان سلوكياتك مع المريض
    يعني قدم نفسك وخلك ريلاكس لاني شفت الدكتور ما حط اي صح لاي شي قلته في الهستري الا في النقاط المعروفة يعني مشيت على الخطوات بالترتيب والا لا وما يحتاج اكتبها لانها سنة ثالث
    بس لاكمال القصة
    عرف عن نفسك
    استاذن منه
    المعلومات الشخصية الين ما تنتهي الى systemic review
    تمر عليها كلها


    هذا وصلى الله على نبينا محمد وعلى آله وصحبه اجمعين

  2. #2
    تاريخ التسجيل
    Jun 2006
    المشاركات
    666
    الجنس
    أنثى

    رد: كل ما يخص سنة خامسة طب

    السلام عليكم ورحمة الله وبركاته
    رغم اني سنه اولى طب لكن ماشاء الله شرحك وافي وكافي واعطانا فكره عن سنه خامس الله يجزاك خير ويوفقك
    الله يسهل لنا ويوفقنا امين

  3. #3
    تاريخ التسجيل
    Nov 2007
    المشاركات
    18
    الجنس
    أنثى

    رد: كل ما يخص سنة خامسة طب

    بارك الله فيك اخي صقر الرياض علي مساعدتك القيمه لاخوانك
    ونشكرك علي هذا المجهود الرائع الذي بلا شك قد اخذ منك مجهود كبير

    ولكن عذرا هل ممكن تجيب عن سؤال لي بالنسبه لماده الباطنه
    وما الفرق بين باطنه سنه ثالث وسنه خامس

    هل يوجد فرق في مذاكره النظري
    اي هل يوجد زيادات معينه علي المنهج تدرسونها نظري في السنه الخامسه

    وبالنسبه للسنه الثالثه هل مثلا لانركز علي
    investigations &treatment
    لانني سمعت انها لا يتم التركيز عليها في امتحان الصف الثالث والمطلوب فقط هو الخطوط الرئيسيه للعلاج عناوين مختصره
    وهل في اختبار العملي هل يتم الاسئله بالتفصيل علي clinical signs في السنه الثالثه

    اتمني معرفه نصيحتك بخصوص مذاكره طرق العلاج بالتفصيل هل تتم في سنه ثالث
    وافضل الكتب للسنه الثالثه في الميدسن والتي اكتشفتوا انه ياتي الامتحان منها

    وهل مذكره الامتحانات للسنه الثالثه هي نفسها للسنه الخامسه ام انهم مختلفين
    وهل للسنه الخامسه منتدي علمي معين تجتمعون فيه اتمني معرفته

    وجزاك الله خيرا كثيرا
    التعديل الأخير تم بواسطة مسلمه لله ; 10th December 2007 الساعة 11:11 PM

  4. #4
    تاريخ التسجيل
    Jun 2006
    المشاركات
    157
    الجنس
    ذكر

    رد: كل ما يخص سنة خامسة طب

    Dr.Rin
    وعليكم السلام والرحمة والبركات
    فرحني كثير ردك واطلاعك على السنوات المقبلة والله يوفقك دنيا واخرة
    تحياتي لك

    مسلمه لله
    اجاوبك باختصار ( لا أعلم )

    لسبين الاولى : ما اخذت الدورة وهذا دور البنات يكتبون وش علوم الباطنية وش تفرق
    رغم اني اتمنى اني اعرف واجاوبك بنفسي بس ما ابي اتفلسف واقول شي يدعون علي من بعده

    الثاني : انه في سنة ثالث حصل للدفعة مقلب جدا بايخ من القسم وحصلت مناقشات حادة وسوالف كبيرة مشهورة في الدفعة كلها وما نبي نعيد ذكراها لما حصل فيها من منازعات ما لها لزمة

    باقي الكلام كتبته ومسحته
    لو بكتب باضر ماراح افيد فيه

    بس سمعنا الدفعة اللي بعدنا كانت دورتهم فيها معقولة والدرجات تفرق عننا المفروض يتوجه السؤال لهم
    واتمنى انهم يجاوبوننا عليها

    بس اللي جانا قبل سنتين يعني ماراح ينطبق عليكم باذن الله
    النظري جانا كل شي حتى
    investigations &treatment
    في الاختبار النهائي وكمان جانا اغلبها المواضيع اللي اخذناها في النصف الاول
    بس طبعا كمية العلاج وكم مرة وتفاصيل العلاج ما جتنا
    يعني تعطيه الدواء الفلاني والفلاني اذا ما نجحت نحوله للجراحة يسون كذا وكذا نقاط
    بالنسبة للمختبرات الفرق بين الطبيعي والغير طبيعي ماهي مطلوبة بس فيه شي مشهور مثلا ولازم نعرفه
    وخصوصا اللي في الدم والهيموجلوبين الموضوع اللي يتعلق في فقر الدم هذا اكيد تحفظ بارقامها
    غيره مجرد ذكر ونقاط
    وعشان ما انسى المفروض نعرفه ليه نطلب هالفحوصات المخبرية على الاقل

    بالنسبة للعملي
    بالاضافة للتاريخ المرضي والفحص السريري ممكن يسألوا وش راح تسوي له
    المفروض ما يسالوا بس بعض الاحيان يسالوا مثل LFT هذا جاني وتهزأت فيه وقال المفروض انك تعرفه
    اي اختبار اخر مثل RFT TFT PFT
    بس في بداية الدورة صرح دكتور ما انه اللي عليك فقط فقط فقط فقط كيف تاخذ التاريخ المرضي والفحص السريري بل صرح وقتها انه لو اخذت تاريخ مرضي كامل وممتاز كفاك عن الفحص وابشر بالنجاح
    وصرح بانه هالاثنين عليهم 90% الى 95% والباقي الاشياء اللي ذكرته وقال لا تهتمون فيها اهتموا بهالاثنين فقط

    خلوني اختصرها من جديد
    تذاكر من وين ؟ ما اقدر اقولك
    لو ذاكرت كومار وش اركز فيه ؟ كل شي ما عدا تفاصيل المختبرات والتحاليل وطريقة العلاج التفصيلية بس لازم تعرف الاشياء اللي تتعلق بالمختبر والادوية على الاقل اللي لها علاقة بالمرض الفلاني والخيارات الاخرى ( الجراحية ) بعض الاحيان ممكن يسالوا وش الادوية اللي المفروض انك تبتعد عنها في هذا المريض المثال المشهور
    B-blocker is C/I in asthmatic patients
    يكتب اسامي الادوية طبعا
    العملي : ركز كيف تكتب تاريخ مرضي كامل شامل ما تنسى التفاصيل وكيف تكون مرتبة وتكون فاهم وش انت كاتب لانه في النهاية راح تختصر اللي انت كتبته ويمكن تقول الاختصار لهم في البداية
    الفحص عليك تسوي فحص شامل في عشر دقايق يشمل الجسم ككل والمنظقة اللي يشتكي منها المريض
    هنا مو لازم تكتب الا الاشياء الاجابية في المريض ويمكن حتى مو شرط تكتبها خلها في دماغك اذا ما كان فيه وقت والسؤال المشهور يكون
    وش حصلت في المريض لما فحصته تقول حصلت كذا وكذا او ما حصلت شي بيقولك وش سويت تقوله وش فحصت بالملي وهنا لو تقعد ساعة على كل شي اهم شي تبين انك فاهم
    بالنسبة للعشر دقايق فحص سريع بيخليك في دقيقة تفحصه ويبقى تسع دقايق تسوي الفحص الخاص بالمنطقة المرضية
    وشلون تقدر تخليها تسع دقايق تفحص قبل الاختبار لو مريض واحد يوميا الين ما يجيك الاختبار راح تشوف ان التسع دقايق كانت كثيرة حتى

    الله يوفقنا ويوفقكم في الدنيا والاخرة
    واسف ان كلامي طويل على غير فايدة
    زي ما قلت الفايدة راح تجي من طالبات السنة خامسة وطلاب سنة رابعة حاليا لان معلوماتهم بتكون اصح وابلغ وكانت حالتهم اهون مننا بكثير

    تحياتي للجميع

  5. #5
    تاريخ التسجيل
    Jul 2006
    المشاركات
    1,772
    الجنس
    ذكر

    رد: كل ما يخص سنة خامسة طب

    يعطيك العافية صقر على الشرح الوافي ..


    - الموضوع مثبت -


    بالنسبة للاخت مسلمة لله ..
    بالنسبة للنظري بين سنه خامس وسنه ثالث في مادة الباطني تقريبا نفس الشي ما تفرق ...
    بالنسبة للكلينيكال .. في سنه ثالث يركزون على الهستوري اكثر شي مع الفحص بس ما يركزون على الفايندينقز اهم شي التكنيك في الفحص .. وفي الدسكشن حق الامتحان الكلينيكال راح يحاول الدكتور يبتعد عن الانفيستيقيشنز والتريتمنت ..
    في سنه خامس مطلوب كل شي ..


    ملاحظة : في دكاترة يختبرون سنه ثالث مثل خامس وما يفرقون اصلا فيسألهم عن كل شي خلال المناقشة في الاختبار الاكلينيكي .. ويطالبهم بالهستوري والفحص والفاينينقز وكل شي ..

    طبعا كل واحد وحظه في الاختبار العملي ( على حسب الدكتور اللي راح يختبره )

  6. #6
    تاريخ التسجيل
    Nov 2007
    المشاركات
    18
    الجنس
    أنثى

    رد: كل ما يخص سنة خامسة طب

    جزاكم الله خيرا
    اخي صقر الرياض وdr death
    , والف مبروك علي التثبيت

    ولكن لم تخبروني هل يوجد منتدي خاص بطلبه السنه الخامسه مثل منتدي كليه الطب الثاني

  7. #7
    تاريخ التسجيل
    Oct 2005
    المشاركات
    202
    الجنس
    أنثى

    رد: كل ما يخص سنة خامسة طب

    السلام عليكم
    مشكوور صقر عالمووضوع

    بس احس نفسي دخت اعذرني توني طالعه من امتحان الـ***

    المهم الله يعينكم عالمدسن وانتبهوا تغلطون غلطتنا
    والا الاوسكي يجي مثل حقنا

    ان شاء الله وحده من البنات تكتب عن سايكل المدسن
    انا مستحيل اكتب ,, اولا اخلاقي الحين مقفله واخاف اتهوور بالكلام

    مااقول غير الله يستر من الدرجات
    وان شاء الله نتخرج بمعدلات حلوة

  8. #8
    تاريخ التسجيل
    Nov 2005
    المشاركات
    6
    الجنس

    رد: كل ما يخص سنة خامسة طب

    السلام عليكم...
    مشكور اخوي صقرالرياض على التفصيل في السيرجري ماقصرت..

    بالنسبه للميديسن.....مادري ابدأ من وين

    اولا السايكل طبعا 12 اسبوع...
    راح يقسمونكم مجموعتين....مجموعه تبدأ اول 6 اسابيع في خالد...والمجموعه الثانيه تتوزع على باقي المستشفيات طبعا كل مجموعه تكون بواحد من المستشفيات لمدة 6اسابيع(العسكري-قوى الامن-الشميسي)
    وفي نهاية الست اسابيع الاولى يصير التبادل...اللي برا يرجعون خالد والعكس

    كل يوم اربعاء بعد الظهر كل الدفعه يجتمعون عشان المحاضرات من 1 الى 3 ونص(المحاضرات مهمه)
    وللمجموعات اللي في خالد كل ثلاثاء الساعه 10 سيشن نيورو (اسبوع لونق كايس واسبوع شورت)


    في مستشفى خالد برضو راح تنقسمون الى مجموعات صغيره تقريبا 4 او 5 وكل مجموعه تختار تخصص معين (GI-resp.-nephro-rheuma-....etc)
    وفي المستشفيات الثانيه حسب النظام....بعضها تسوي جدول كل اسبوع تكونون مع تيم وبعضها مادري كيف النظام حقهم...

    الدوام يكون عباره عن مورنينق ميتينق+حضور الراوند+اذا فيه عيادات ممكن تفيدك (المهم التيم حقك يعرفونك..وبصراحه في راوندات مفيده عشان تتعودون على اسماء الادويه وخلافها<--متعقده منها)
    طبعا السيشنات مهمه انتو تنسقونها مع اي احد تنشبون فيه خصوصا مواضيع الاوسكي

    طبعا المهم في هذي التقسيمات عشان الايفاليويشن....في خالد وبرا خالد راح يقيمونكم (مادري على اي اساس لان بعض الاقسام مايعرفون لا اسمك ولاشكلك!!) مجموع التقييم عليه 10 علامات...

    بالنسبه لتوزيع العلامات::
    اللونق كايس 15 علامه بيكون في الاسبوع 8 وقسمونا مجموعات في خالد والشميسي اسبوع كامل تتنزل اسماءكم قبل الاختباربكم يوم
    نظري 35 علامه وبيكون اخر اسبوع يعني الاسبوع 12 وكان يوم السبت
    الاوسكي 40 علامه نفس اسبوع النظري وقسمونا احد وثلاثاء (اللي اختبرو لونق كايس اول يومين اسمائهم تصير الثلاثاء والعكس...واللي اختبرو برا اللونق يختبرون بخالد ومجموعه من اللي اختبرو بخالد راحوا مدينة الملك فهد)
    التقييم 10 علامات

    بالنسبه للمراجع.........
    الاغلب كانو من كومار البوكيت + 250كايسز +تالي للعملي (هذي الكتب اللي نصحونا فيه الانتيرنز كمان)
    فيه مجموعه ذاكرو النظري من دانش..انا شخصيا استفدت منه كثير
    فيه مذكرات عن investigation اذا كان فيه وقت تفتحونها ترتب لكم طريقه التفكير
    وفيه نوتز للطلاب والطالبات السابقين كثيرمنها مفيد مثل مذكرات Dr.abadi ود.احلام
    مره مهم تقرون emergencies boxes في Kumar قبل الاوسكي

    مره مره مره مهم تبدون المذاكره من بدري لان لازم تمرون على كل كل شي في الكتاب...خصوصا اذا كنتو برا خالد...لان بعض التخصصات بخالد مايعطونك مجال ترجع البيت ويعاملونك مثل الانتيرن!!

    الحضور مهم جدا جدا جدا للمورنينق ميتينق بدون محد يحضر لاحد (هذا اللي سبب لنا مشكله واخذنا عليها تهزيئ وتهديد واكلناها في الاوسكي)
    واحترمووووووا فيـتـا...سكرتيرة القسم!!

    طبعافيه بعض التخصصات في خالد يطلبون تقديم برزنتيشنات ماعليها علامات بس مجرد تعرف بنفسك عشان التقييم

    بخلاف سنه ثالث....مهم مره تعرف investigation & management
    مثل ECG_LFT_ABG_CXR_CBC_MSU_FLUID analysis....etc

    اللونق كايس يسالون عن كل شي مو مثل ثالث (انا اختبرت في الشميسي اعطوني ساعه ونص وقت لكن سالوني عن اشياء كثيره بالنظري مادققو على الفحص ) كانت العلامات حلوه لكنها ماتأثر حتى لو اخذتو F الاهم ثم الاهم ثم الاهم الاوسكي....
    اختبار النظري كان احسن من اختبار النظري بثالث يعني فيه اسئله معقوله بس مادري انا لاحظت انهم مكثرين اسئله من الهيماتولوجي !!

    الاوسكي كان رووووووووعه(مو بالمعنى المتعارف عليه لروعه!!)......

    انا من اللي اختبرو الثلاثاء....(اللي في خالد واللي برا نفس الستيشن)
    .وزعونا مجموعتين ناس بدأو الساعه تقريبا 9 واحنا بدينا 11 مع انهم طالبين الحضور من 7 ونص ومحتجزيننا في غرفه!!

    كانت 8 ستشن + 2 ريست
    *3 منها فحص (Lower limb neuro ex."motor only"_abdominal ex._cardio "auscultation only")ولما تطلع الفايندق يسالون عن كل شي من العلاج والتشخيص وغيره...بالنسبه للكارديو المفروض تعرفون manuver of the murmur
    *وحده كانت CT للرئه تقراالسي تي وبعدين ديسكشن عليها (Dx_inv._Rx)كانت bronchiactasis+pneumothorax
    *ستشين نيفرو!!!!!! كانت سي بي سي تقراها .. وعليهاسؤال كان بدددعه (name 6 drugs cuz interstitial nephritis)
    *سيشن ER اهم حاجه تعرفون الاي بي سي ....(hematemesis & melena)
    *ستيشن ماعرف كيف اشرحها بس كانت عن diabetis insipidis
    *ستيشن ECG كانت supraventricular tachycardia

    اللي اختبرو الاحد حسب مااتذكر
    *3 كانت فحص مثلنا بس الاختلاف جابو ريماتولوجي لليد بس
    *ستيشن ER (fever & drowsy(
    *ستيشن CT of brain abscess
    *ستيشن عن SIADH syndrome
    هذا اللي اتذكره من البنات .. كانت اصعب من اختبارنا..

    سوري احس الكلام مو مرتب بس للحين مو مستوعبين اننا عدينا منهم!!
    العلامات كانت مو كويسه
    اغلبها دي وسي واعلى شي بي بلس ..طبعا احنا محرومين حتى من الكيرف او اننا نندف بربع علامه

    ماقول الا الله يوفقكم ويعينكم ويخلصكم من الميديسن بسلام!!

    واسفه مره ثانيه لوماكان الكلام واضح...اي اسئله احنا بالخدمه (ماعندنا ميديسن)

  9. #9
    تاريخ التسجيل
    Nov 2006
    المشاركات
    29
    الجنس
    أنثى

    رد: كل ما يخص سنة خامسة طب


    الـــــــــــــــــــــــ ــلــــــــــــــــــــــ ـه يعــــــــــــــــــطيـــ ــــــــــــــــــــك العــــــــــــــــــــــ ـافيه

    الله يعوضني خير بالسيرجيري...

  10. #10
    تاريخ التسجيل
    Jun 2008
    المشاركات
    6
    الجنس
    ذكر

    رد: كل ما يخص سنة خامسة طب

    يعطيك ربي الف عافية ...
    ونتمنى من بقية الاخوان والاخوات في السنة الخامسة
    يمدونا بتجاربهم وخبراتهم حتى نستفيد منها ..
    خاصة في دورة طب الاطفال !

  11. #11
    تاريخ التسجيل
    Jul 2007
    المشاركات
    2,827
    الجنس
    أنثى

    رد: كل ما يخص سنة خامسة طب

    فعلا تغطيه موفقه..
    في انتظار البقيه

  12. #12
    تاريخ التسجيل
    Jun 2006
    المشاركات
    157
    الجنس
    ذكر

    رد: كل ما يخص سنة خامسة طب

    مشكورة اختي Dr.MoHy

    انا كنت متردد اكتب في المدسن لان مو من حقي اكتب شي وانا عارف وش سويت
    غير ان الدرجة لسه ما طلعت بس اتوقع دي واستاهل الصراحة واخوياي يدرون ^^

    المهم الدكتورة ما قصرت كتبت كل الاشياء تقريبا .
    هذي مجرد نصائح لا اكثر ولا اقل

    Long Case =15
    MCQ =35
    OSCE =40
    Evalutaion =10

    يبين لك هنا اخي الكريم واختي الكريمة ان العملي ماخذ الحصة الاعلى في الدرجات.
    لكن في الاختبار العملي يكثر فيه الاسئلة النظري وزي ما قالت الدكتورة قل ما يدققوا في الفحص
    الا اذا شكوا فيك انك ما سويته شي او يحاولوا يدفونك لو حست بالدنيا في المناقشة

    امور حصلت لي :

    1- رحت للعسكري في ست الاسابيع الاولى : الله اعلم عن التقييم بس زميلي يقول 2.5
    الصراحة ما كنا نسوي شي وهم على حسب ما سمعت يبونا نشتغل ونمسك الحالات يعني انتيرن الا شوي
    يعني اهم شي يعرفونكم الدكاترة عشان التقييم وتكون سمعتكم بشكل مجمل طيبة.

    2- في الجامعي كنت في قسم النيفرو وكان المطلوب علينا :
    نعمل 3 كليركينق يعني نمسك حالة ونكتب عنها ونتابعها يوم يومين الى ثلاثة ايام ونسلم الاوراق لمكتب البروف
    نحضر المورنينق ميتينق حق قسم النيفرو من الساعة 8.30 الى الساعة 9.30
    نسوي بريزنتيشن على مواضيع خارج النيفرو يوم الاربعاء
    كم أخذت : الله اعلم بس طيبين يمكن اخذت 4 اذا ما كانت 5

    Long Case:

    جتني حالة في الغدد الصماء وكان الدكاترة روعة بس للحق انا ماذاكرت العملي ولا النظري
    واعتمدت على خبرة السيرجري وقدمت الحالة على انها سيرجري وفعلا بعد الامتحان حولوه هههههههه
    المهم قدمت فيه :
    only Hx of presenting illness
    signs of goiter
    وبعدها انقلب مناقشة حادة وجبت العيد لاني ما ذاكرت
    اخذوني للمريض وقالوا افحص
    visual field
    knee effusion
    كم جبت : 65% يعني 10 تقريبا من 15

    الحين الكلام اللي يجمد على الشارب الكلام المهم

    النصائح
    أ : للدوافير فقط
    تشتري اكس فورد من الحين وتقرا عشر صفحات في اليوم لين ما تبدا الدراسة
    اكس فورد شامل نظري ، عملي ، طوارئ ، تحاليل ، اشعة ، جراحة ، والمتلازمات
    لا تقول انك تبي تخلصه لما تبدا الدورة صدقني ما تقدر الكتاب وش حليله بس خطه جدا صغير
    ويبي لك نفس عميق عشان تخلص صفحة وحدة وجلسة محترمة
    بس اذا قريته في العطلة 10 صفحات براحتك ساعة او ساعتين مروق بتدعي لي
    لما تبدا الدورة ركز على المذكرات اللي بقولها لك :

    - Investigation للدكتور عبدالملك (عبادي ) وسلمان
    او مذكرة الدكتورة احلام : الصراحة ما قريتها بس يمدحونها
    الناقص من مذكرة عبادي :
    synovial fluid and something else i forget what is it

    -tables for investigation and treatment of common medical issues

    -CVS-Resp-GIT-Rhema&CNS EXAM & comonly asked question

    -antibiotic للدكتور حيدر

    كل مذكرة تقدر تخلصها في اسبوع وانت مروق او تقدر تخلصها كلها في اسبوع او اسبوعين بس شد حيلك

    الحين تراجع اكس فورد لين ما يبدا معك Long case
    وكل اللي ابيك تسويه تفحص وتمسك حالات لا تقل عن ثلاث حالات في الاسبوع
    ويا انك تاخذ اكسترا ستيشن مع الاقسام الثانية او تستفيد من خبرة زميل لك في القسم اللي انت ضعيف فيه

    في MCQ
    Case Cenario
    حالة ويكتب بعدها سؤالين الى ثلاثة ويمكن توصل الى اربع عن نفس الحالة
    مثال : بس مو اكيد لاني ناسي

    old man 75 yrs old know case of IHD , HTN , DM admited with Hx of productive cough and night sweating and wieght lose
    physical examination Vital signs was
    الصراحة نسيت بس كانت تدل على شي اللي اخترته
    المهم كانت الاسئلة
    1- وش التشخيص : زملائي يقولون واضحة TB
    انا قلت pulmonary edema كنت مروق وقلت ان المريض نصاب واعتمدت على الفحص وطلعت بها النتيجة المهم بناء عليها
    2- وش العلاج : لو درن بتختار ادوية الدرن ولو كنت تتفلسف زيي بتختار مدر للبول
    نسيت اذا فيه سؤال ثالث
    بس لو فيه بيكون وش راح تطلب من الفحوصات وكذا

    بكذا وباختصار شديد انت ما راح تستفيد من الكتاب لو حفظته
    بتستفيد منه لو قريته وفهمته واستوعبته كطبيب
    اكس فورد حاط كل مرض في صفحة ومرتب لك العلامات والفحوصات وكل شي يخص المرض
    يعني بعد ما تخلص المرض تسال نفسك

    dry cough , dyspnea with exertion and wieght lose
    with sign of cynosis clubing and basal creptiation

    -----> pulm fibrosis

    وش راح تطلب له وكيف بتعالجه واسئلة ثانية تلقاها في اكس فورد

    العملي جانا في يوم الاثنين في الشميسي

    X-ray

    ABG----->احترنا فيه اتوقع MIX type الحالة تقول انه COPD
    وجانا بالطريقة هذي
    PH=7.4
    CO2=65
    O2=35
    HCO3=41
    لما تقرون مذكرة عبادي ارجعوا لها المسالة

    UMNL$

    spleenomegaly$ --> فرقه عن الكلية وش اسباب تضخمها الهائل

    examine the back of the chest --->
    reduce air intiry on the left side
    and vocal resonant what is it ? I do not know

    ECG----> V fib :5Q like what is the first management:
    i said CPR and prepare for DC

    patient with Hx of dysphagia and weight lose smoke and otherthings that
    you make sure he have GERD for long time
    DX: oesophegial CA
    risk factor :3
    i forget the other Q

    last station was :
    exam his pulse
    what i felt was :
    HR:60
    irregualer irregualer
    weak and there is radioradial delay

    mention 3 DDX
    AF, atrial flutter and complete heart block

    when you will give him warfarin
    CHADS2

    how can you follow this patient
    INR

    تاكدوا من الاجابات بس طلعت والدكتور طلعني وكان مبسوط مني
    الصراحة هذي الاستيشن اللي حسيت اني افلحت فيه

    باقي الاستيشن وخصوصا اللي فيها فحص جبت العيد

    فتلاحظون بعد ما تخلصون قراءة الكتاب انه ما فيه ولا شي للحفظ يفيدكم
    وان المفروض تمسكون حالات لا تقل عن ثلاثة في الاسبوع عشان تزيد من مهاراتك في الفحص وتكون صاحب خبرة في الموضوع وما ينخاف عليك


    الصراحة ان قريت اكس فورد قراءة ثلاث مواضيع فقط
    كملت من كومار لاني ندمت وما كان فيه وقت لاني لعاب
    اهتميت بالمذكرات وحضور محاضرات يوم الاربعاء وجاوبت بناء عليهم

    يعني الخطة للي يبي ينجح وبس وعساه بعد
    كومار اقسم بانك تقدر تخلصه في اسبوعين
    تقدر تخلص المذكرات في اسبوع او اسبوعين
    تقرا العملي وتطبقه على اخوانك والا مخده ----------> قوية
    او تاخذ اكسترا سيشن مع الاقسام الثانية وانصح بانك تمسك حالات وتفحصه فحص شامل

    يعني العملي عليك لو تقرا الامثلة كان اهم شي عندهم الطريقة وانك تطلع الفايندينق
    وربي وانا افحص في الاوسكي كانت اعينهم في الورقة ولا هم مهتمين لين ما تقول وش لقيت في الفحص
    بعدها تبدا الاسئلة يعني لا تاخذ وقتك في الفحص

    تنبــــــــــــــــــــــ ــــــــــــــــــــــه
    لا تاخذ وقتك في الفحص في الاوسكي طلع الفايندينق وتجهز للاسئلة
    سرعتك في الفحص يعتمد على خبرتك عشان كذا لا تسحب مثلي وامسك لك حالات يابعدي


    كثرت هرج والا

    المهم الله يوفقكم وينجحكم

    ولا تعتمدوا على كلامي وتدعون علي هذي مجرد اجتهادات اردت به خيرا
    يتغير النظام يتغير الدكاترة يتغير شي يغير الموضوع كله
    صح والا انا غلطان

    تحياتي

  13. #13
    تاريخ التسجيل
    Jun 2008
    المشاركات
    6
    الجنس
    ذكر

    رد: كل ما يخص سنة خامسة طب

    جزاك الله خير ( صقر الرياض ) ... على التفاعل السريع
    بس ما قلت لنا وش أخبار البيديا !!
    لأننا سامعين كلام ما يسر عنها

    ويا ليت البقية من الزملاء اللي خلصوا السنة الخامسة
    يضيفوا تعليقاتهم حتى نستفيد احنا طلاب السنة الرابعة ...

  14. #14
    تاريخ التسجيل
    Jun 2008
    المشاركات
    7
    الجنس
    ذكر

    رد: كل ما يخص سنة خامسة طب

    جزاك الله خير أخوي أبو تركي
    مع إني في الثانوي بس أحب و أعشق سواليف الطب
    تحياتي

  15. #15
    تاريخ التسجيل
    Jun 2006
    المشاركات
    157
    الجنس
    ذكر

    طب الاطفال

    بسم الله الرحمن الرحيم

    طب الأطفال
    رغم الكلام الكبير اللي حصل فيه بس كانت من أحسن الدورات اللي مرت علي

    دورة منظمة جدا ودوامها ولا اروع يعني مالك عذر ما تذاكر وتصم الكتاب

    والعذر والسموحة على تأخري كنت مفكر ان الاخوان كتبوا عنها
    الحين بحاول قدر الامكان تذكر اللي اقدر عليه
    واذا اخطيت سامحونا

    المعلومات العامة :
    12 اسبوع
    ينقسم الطلاب او الطالبات إلى مجموعتين
    مجموعة في الجامعي ومجموعة في مدينة الملك فهد الطبية

    اول اسبوع في الجامعي كله محاضرات
    ثاني اسبوع الصبح محاضرات الظهر جزء من العملي
    خمس اسابيع الاولى في مستشفى
    اربع الاسابيع الثانية في مستشفى اخر
    واسبوع اختبار نهائي

    تقسم الدرجات

    الحضور = 5
    تقديم حالة ( يعني تاخذ تاريخ مرضي وتفحص ) مرتين على الاقل = 4
    تسوي كليركنق Clerking هذي ياطويل العمر = 6

    اختبار الاول نظري = 25
    اختبار نهائي نظري = 40
    اختبار الاوسكي = 20

    بالنسبة للحضور
    - التقرير الصباحي
    - التوتوريال
    - العملي
    - المحاضرات وهي اهم شي
    كل غياب في خصم الين ما تروح الخمسة وحرام تروح ( لا يوجد عذر الا اذا كنت ميت قانون البيديا )

    بالنسبة لتقديم حالة مرضية هذا يعتمد على توفيق الله لك ( لا تعليق )

    بالنسبة للكليركنق
    هذا مثل انك تقدم الحالة بس بشكل مطور
    بتعيش تجربة كونك في الامتياز
    المطلوب ثلاث حالات تسوي له كليركنق
    وهي تكتب ما يلي :
    -انك تاخذ التاريخ المرضي
    -انك تفحصه
    -وكان المريض داخل لاول مرة
    -تسوي لها ملخص
    -تشخيص مبدئي
    -تكتب وش الفحوصات اللي سووها في الطوارئ والنتائج
    -تعليقاتك على الفحصوات هذي
    -التشخيصات المحتملة
    -تقييمك للحالة
    -الخطة العلاجية للحالة
    -الفحوصات المطلوبة مستقبلا ( بتسال ليش لو كانت بايخة ) واللي تعتبر من الخطة
    ساعات يطلبون الدكاترة الكبار فحوصات مالها لزمة فاكتبها وقل انا ماني موافق عليها من وجهة نظري
    بيقول الدكتور المسؤول عنك : كان سألته ، فجهز نفسك واسال لا تتفلس الا وانت واثق من جوابك
    -تجي اليوم الثاني وتتابع الحالة لمدة يومين على الاقل
    كيف تتابعها

    -تساله او اهله عن الاشياء اللي انت خايف منها وهي تعتمد على الحالة
    ( فمثلا تساله جت له حرارة البارح ، استفرغ ، جت له اسهال ، كم مرة جاله صرع البارح ....)
    يعني تساله من بعد ما طلعت منه البارح الين ما جيت له اليوم
    العادة يقولوا الحمدلله احسن بس حبذا تبين في كتابتك انك سالت الاشياء اللي انت خايف منها

    -تفحصه بشكل سريع مركز على منطقة المرض بس طبعا ما تنسى الاعضاء المهمة زي القلب والرئة والبطن
    ( شي على السريع ما يحتاج فحص كامل كل مرة )
    يعني لو كانت الحالة عنده التهاب في المفاصل تركيزك بيكون على المفاصل بشكل عام وفحص سريع انه ما انتقلت لاي مفصل جديد وتركز على المفصل الملتهب وتمر على السريع على القلب والرئة والبطن جملة سريعة تقول للدكتور ان الامور طيبة ومستقرة من يومك ما تركت المريض البارح لين ما جيته اليوم الثاني
    طبعا ما تنسى
    vital sign
    Spo2 لوكان عنده حالة تسدعي
    Growth parameter لو كان ينمو وصغير بالسن
    يعني فيه اشياء تتراقب لان الحالة تستدعي هذه المراقبة
    اذا ما كان لها لزمة ما يحتاج وتجيب الكلام على نفسك لان اي شي زائد بيقول الدكتور ليش

    -تكتب نتائج الفحوصات الجديدة
    -وش تفسيرك لها النتائج
    -تقييمك للحالة
    -الخطط الجديدة العلاجية

    وهكذا في اليوم الثالث والرابع

    --------------------------------------

    نوصل للاوسكي :
    الاوسكي يعتمد بشكل كبير على النظري
    فاهم نظري امورك باذن الله سهلة
    سويت كليركنق مضبوط ما نقشتها من الملف امورك طيبة
    والله مهتم انك تقدم الحالة حق ام اربع درجات بنفسك وتسويها اكثر من مرة هم احسن واحسن
    يعني النظري ثم النظري ثم النظري ثم شوية مهارات عملية
    والمهارات العملية لو سويتها مضبوط كفت
    الشي المهم في الاوسكي
    neonatal juandice + developmental
    بالاضافة الى الحالة الطارئة الخمسة
    الربو ، السكر ، الصرع ، نسيت الباقي بس بتلقى جداول في الكتاب احفظها وخلك طبيب
    ما ادري عن الحروف بس انشاء الله اكون كاتبها صح
    ودائما سهل وبسهولة تاخذ العشرين باذن الله
    طبعا توفيق الله ثم اقول لكل مجتهد نصيب

    ------------------------------------

    نجي للزبدة الحين

    تذاكر سلمك الله كتاب واحد لاغير
    كتاب اسمه
    Illustrated Textbook of Paediatrics
    الملقب بابو وردة
    يوجد تحديد في زيروكس سواها احد الطلاب الله يجزاه خير ويوفقه يارب

    1-Cahpter uou have to read completely
    -Neonatalogy
    -Growth & Puberty
    -GI
    -Infection -except immunization from al-hawasy
    -Allergy & Immunity
    -Respiratory
    -CVS
    -Kidney
    -Liver
    -Hematolog +what u wrote with Dr.Ba hakeem
    -skin + MCQ of Dr.ALayed
    -endorcrine + metabolic
    -Neurology

    2- read only about
    -developmental Only Pictures
    -Developemental Disorder : only CP
    -ER : memorize the normal Value of Bp , pulse temp RR ,electrolytes , blood
    -read about shock ,febrile child , sepsis , status epiepticus ==VERY CAREFULLY
    -enviroment + poisoning + burn
    -Notes Tx of sepsis , Tx of poison , Antidotss
    -Gentic : down,edward patua's, turner, klinefelter, mendelien inheritance, fragile X, wilaaiams & praderu
    -Perinatal : congental infection ,apgar score, normal abnormal birth, vit K deficiency
    -nutrition: failure to thrive . malnutrition
    -feeding: types of formula &breast feeding (alhawasy) breast feeding advance and disadvance(table). reckets
    -oncolgy : chemotherapy , leukemia , lymphoma , wilm's VS neurobla
    -Bones &joints: DDH, slipped upper femoral epiphysis, osteomyelitis, arthritis reactive, septic arthritis, JIA dermatomyositis , HSP , achondroplasia

    -------------------------------------

    بالنسبة لي من اول الدورة
    امسك قلم وخطط واقرا من اول الكتاب لين نهايتها
    بتلاحظ ان تحديد الدكتور سعود ماشي معاك وبتشوفها اهي المهمة
    باقي تحديد له ما كتبتها حرام اخسر زيروكس ريال من كل طالب

    -------------------------------------

    الناس ليش تخاف من البيديا
    اقولك يا سيدي ليش
    الاولى اسئلتهم ماهي اسئلة مباشرة زي اللي متعودين عليها في السنوات الماضية
    اسئلة تبين اللي فاهم من اللي حافظ وقرا قبل الاختبار
    اسئلة بحق للدكاترة
    فيعطونك حالة مرضية
    مثلا مريض جاك بعلامات ( كذا وكذا ) يعني عنده التهاب السحايا لازم تستنج انت هذا الشي
    السؤال بيكون وش بتعطي اهله دواء عشان توقيهم ( الجواب موجود في الكتاب )
    الدكاترة هم اللي يكتبون الاسئلة يعني ماهي من بنك الاسئلة او السكرتيرة ( لحد علمي )
    يعني بتجيك طازة ، يمكن حتى تتكنسل اسئلة الدكتور لو ما القى محاضرته والغياب ما يعتبر لو اجل المحاضرة
    يعني مو شديدين على الطالب بس حتى على الدكتور يعني حقك محفوظ

    المهم لا تقرا MCQ وتقول بتجي في الامتحان
    ابيك تقراها عشان تفهم طريقة الاسئلة ويفضل MCQ اللي فيها شرح وشلون اختار هالجواب وليش
    عشان تفكر بنفسك التفكير في الامتحان

    اسئلة باحكيم سهل ممتنع
    فنان في كتاب الاسئلة لدرجة يخليك تشك في الجواب خل روحك طبيب وفكر بتفكيره
    وانتبه لكل كلمة يقولها في محاضرته الاضافية
    وعش روح التحدي معاه

    اذا ما خاب ظني جانا سؤال في قرائته عسل
    بس لما تلقى الاختيارات تستغرب انها كلها صح
    بس المطلوب وش اول اختبار بتطلبه للحالة
    وش اهم اختبار تشخص الحالة most dignostic investigation

    تستغرب ان فيه بعض الاجابات يكون جوابها CBC

    تذكرت سؤال يقولك مريض جاك وسويت له تحليل دم لقيته انه واضح ان عنده فقر دم بس كان ما يشتكي من اي عرض مرضي وحياته احسن منك
    وكان من الاجوبة
    - بتخليه يروح
    - بتعطيه حديد
    - بتطلب له فحص الحديد
    - بتسوي له electrophresis to exclude >>>>>>>

    بالاول وربي ناسي بس هذا بعد عصر المخ واتوقع انه جانا مثل هالسؤال او اني ركبت سؤالين في سؤال
    بس انشاء اني كتبته صح وكان نفسه السؤال اللي جانا

    الحل : .......................... فكر فيه

    الله يوفقكم

    شفتوا اسئلة البيديا كيف
    وين التركيز فيه ( يعني لا تهمل الفحوصات وش تعني ومتى تطلبها وش الي تشخص )
    ما ننسى العلاج بعد

    يعني نصيحة اقرا الكتاب وخطط وافهمها واقراها مرة ومرتين وثلاثة
    كل مرة بتخلصها في وقت اسرع

    دمتم بخير

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •