النتائج 1 إلى 10 من 10
  1. #1
    تاريخ التسجيل
    Jul 2006
    المشاركات
    231
    الجنس
    أنثى

    Roadblock اورثو ميتا بارا :| ؟

    السلام عليكم
    عندي سؤال يجدع نفسه بعنف :

    الاوثو والميتا والبارا هل يتعلقون فقط بمواقع المركب ؟ يعني مالهم علاقه بالمركب نفسه ؟
    اذا ايه اجل الجدول اللي موجود بصفحه 141 في كتاب اليمنتس اوف اورقانيك كمستري لهنري
    وش قصته ؟ علما بأن الدكتوره قالت احفظوه (دكتوره أماني)

    واصلا الجدول ما المقصود منه ؟ ان المركبات هذي لا تأتي الا على شكل بارا وميتا او اورثو ؟

    طيب متى استخدم الاورثو والميتا والبارا في التسميه ومتى ما استخدمهم ؟

    ونشكر لكم حسن تعاونكم واستماعكم وعذرا عل الصجه وصعوبة توصيل المعلومه

  2. رد: اورثو ميتا بارا :| ؟


    السلام عليكم ..

    الاسم == الترقيم

    اورثو = 1,2

    ميتا = 1.3

    بارا = 1,4




    يعني ..

    اورثو يكون المركبين المتفرعين متجاورين

    الميتا يكون بينهم كربون غير متفرع

    البارا يكونا المركبين المتفرعين متقابلين


    وملاحظة .. الاورثو والميتا والبارا توجد بشرط وجود مركبين متفرعين على المركب الاوروماتي ..

    اما اذا كان مركب واحد فلا يوجد .. لا اورثو ولا ميتا ولا بارا ..


    اتمنى اني اكون اوفيت بحل السؤال ..

    و اذا هناك اي مشكلة جاهزين

  3. #3
    تاريخ التسجيل
    Jun 2006
    المشاركات
    3,487
    الجنس
    أنثى

    رد: اورثو ميتا بارا :| ؟

    طيب أنا عندي سؤال إذا مافي مانع ..

    conjugated
    هذي وش يقصدون فيها (4n+n) باي

    مافهمت هذا الشي.. يعني نحدد منه المركب كونجوكايتيد ولا لأ ؟ بس كيف الطريقة ؟؟ وإيش معناه ؟ ؟


    شاكرة لكم ..

  4. #4

    رد: اورثو ميتا بارا :| ؟

    وعليكم السلام ورحمه لله وبركاته

    في التسميه يتعلقون بالمركبات المتفرعه من الحلقه الاروماتيه >> مثل ما شرح لك د.مقص وشاشه

    وفي التفاعل
    على حسب المركب المتفرع من الحلقه الاروماتيه >> اذا كان فيه مركب طبعا
    لانك بتضيفين مركب بالتفاعل وعند مركب متفرع من الاساس
    بالنسبه للجدول انا ما عندي الكتاب بس اذا هو نفسه الجدول اللي ص 138 من كتاب ميد ايزي

    هذا يبين لك المركبات اللي تعطي الوضع اورثو وبارا
    والمركبات اللي تعطي ميتا في التفاعلات
    مثال
    اذا عندك حلقه اروماتيه فيها cooh
    اذا تفاعلت باي من تفاعلات الحلقه الاروماتيه سلفنه واسيله وهلجنه
    راح تعطيك الوضع ميتا

    واذا عندك حلقه اروماتيه فيها NH2
    راح تعطيك الوضع اورثو وبارا

    هذا اللي اعرفه ان شا الله اكون افدتك
    واذا الجدول غير هذا قولي لنا عليه
    وموفقين ان شا الله

  5. #5

    رد: اورثو ميتا بارا :| ؟

    أهلين أختي
    مافي مانع بس ادعي لنا

    شوفي القاعده هذي عندنا بالمركبات العطريه
    كيف تتحددين ان المركب هذا عطري ولا

    اول شرط انه تنطبق عليه قاعده هوكل
    4n+2 حيث n عدد صحيح 012344566
    طبعا عوضي بالصفر راح يطلع لك الناتج 2
    عوضي ب 1 راح يطلع لك الناتج 6 واذا عوضتي ب 2 راح يطلع الناتج 10

    اذا جاك مركب وبتشوفين هو عطري ولالا
    عدي عدد ذرات الكربون اذا تنطبق عليه قاعده هوكل مثل (( 2 و 6 و10))
    يكون اروماتي عطري
    اذا ما تنطبق عليه مثل (( 7 و 8 و4 واي رقم اذا عوضتي القاعده بعدد صحيح وما طلع لك ))

    مثال
    اذا عندك مركب عدد ذرات الكربون فيه 4
    طبقي عليه القاعده
    4n+2
    اذا تقدري تحطي عدد صحيح بدال n ويطلع لك 4 معناه ان المركب عطري واذا ما تقدري معناه مو عطري
    طبعا اذا عوضتي ب 1 يطلع 6 واذا ب 0 يطلع اثنين يعني 4 مستحيل
    على شان كذا تقولي المركب غير عطري لانه ما تنطبق عليه القاعده

    طبعا اذا عندك بالمركب
    (( - )) اشاره سالب تحسبينها 2 زياده على القاعده
    (( + )) ما تحسبين شي
    (( N )) تحسبينها مثل ذره الكربون يعني واحد
    مثال
    اذا عندك مركب مركب فيه خمس ذرات كربون وعلى اي ذره اشاره سالب ((-))
    عدد الذرات 4 >> ما تحسبين اللي عليها موجب او سالب
    طبعا 4 ما ينطبق على هوكل اللي هي 2 او 6 او 10
    بس لانه فيه اشاره سالبه تصير 4 + 2 = 6
    طبعا 6 ينطبق عليها قاعده هوكل ويكون المركب عطري

    هذا اللي اعرفه واذا في اي خطا يا ليت تعدلونه
    وموفقين ان شالله

  6. #6
    تاريخ التسجيل
    Jun 2006
    المشاركات
    3,487
    الجنس
    أنثى

    رد: اورثو ميتا بارا :| ؟

    يعني أجيب
    4n+2= عدد ذرات الكربون ؟؟

    طيب
    اذا عندك مركب مركب فيه خمس ذرات كربون وعلى اي ذره اشاره سالب ((-))
    عدد الذرات 4 >> ما تحسبين اللي عليها موجب او سالب
    ليه مانحسب السالب والموجب ؟؟

    (( - )) اشاره سالب تحسبينها 2 زياده على القاعده
    يعني تصير 4n+4 ولا لأ ؟

    بس لانه فيه اشاره سالبه تصير 4 + 2 = 6
    طيب هذي كيف جت ؟؟

    .
    .
    .

    شكرا الله يجزاك خير يارب .. ويوفقك دنيا وآخره

  7. #7

    رد: اورثو ميتا بارا :| ؟

    أهلين أختي


    السؤال الثاني ما ادري
    بس راح يسالوك بس ايش المركب عطري ولا لا اما ليه السالب ما تنحسب ما اادري

    لا ما تصير 4n+4
    خليها نفس القاعده
    مثال عندك مركب فيه 5 ذرات كربون ووحده من الذرات عليها سالب
    >> احنا قلنا ذره الكربون اللي عليها سالب ما تحسبينها ب هوكل
    تطبقين القاعده
    طبعا في القاعده تحسبين 4 ذرات وزياده 2 حقت السالب صاروا 6
    يعني بعد ما تحسبين هوكل تزيدينها
    عموما اسف هذي انا لخبطتك فيها هو مو تزيدينها على القاعده
    تزيدنها على ذرات الكربون اللي عندك وبعدين تشوفين اذا تنطبق عليها هوكل ولالا

    مثال ثاني
    اذا عندك حلقه ثلاثيه عليها وحده من الذرات عليها موجب

    نحسب عدد ذرات الكربون >> طبعا اللي عليها موجب وسالب لا
    تطلع عندنا 2 >> والاخيره عليها اشاره ما نحسبها
    طبعا 2 لو ان الاشاره سالبه نزيد 2 عليها ما تنطبق على هوكل

    بس لانه موجب ما نزيد
    2 تنطبق على هوكل اذا عوضنا القاعده با 2

    وموفقه ان شاالله
    واسفين على الخطا بس كنت مستعجل وما راجعت

  8. رد: اورثو ميتا بارا :| ؟

    باختصار


    القاعده اللي يجب ان يكون المجموع فيها 2 او 6 او 10 ... وطالع ( بزيادة 4 ) ..

    تحدد فقط التأرجح ( الطنين ) ..

    يعني نستطيع تطبيق القاعدة على المركبات الغير اروماتيه ..


    لكن من شروط الاروماتيه انها يجب ان تكون ( طنين ) ..


    اما الاشارات ..

    السالب تساوي الكترونين ..

    الموجب يساوي (صفر ) الكترونات ..

    والرابطتين تساوي الكترونين ..

    واجمعي الالكترونات وشوفي كم تساوي .. ( حسب القاعدة 2 او 6 ..... )


    اذا مو واضح ,,

    اشرحها بطريقة افضل ..

  9. #9
    تاريخ التسجيل
    Jul 2006
    المشاركات
    75
    الجنس
    ذكر

    رد: اورثو ميتا بارا :| ؟

    بالنسبه لأخت وقودي أمل اقري هذا النقاط وان شاء الله على طول تعرفين اروماتي والا لا طبعا مع باقي الشروط اللي هي تناوب ويكون حلقي والتهجين sp2
    1- كل رابطه ثنائيه تحسب بـ 2e .
    2- كل اشاره سالبة خارج الحلقه تحسب بـ 2e .
    3- كل زوج الكتروني دااااااخل الحلقه يحسب بـ 2e . هذا بالنسبه لهوكل

    وبالنسبه اذا تبين تعرفين التنااااااوب فقط :
    1- كل اشاره موجبه هي رابطه ثنائيه .
    2- كل اشاره سالبه خارج الحلقه هي رابطه ثنائيه .
    3- كل زوج الكتروني داخل الحلقه هو رابطه ثنائيه .
    جربي امثله وشوفي .... ومعليش على الاطاله .

  10. #10
    تاريخ التسجيل
    Jun 2006
    المشاركات
    3,487
    الجنس
    أنثى

    رد: اورثو ميتا بارا :| ؟

    dolphin
    مقص وشاشه
    أبوعتيق
    .
    .
    .

    الله يوفقكم دنيا وآخره .. ماقصرتوا يعطيكم العافية وأجركم على الله
    تحياتي ..

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •