صفحة 1 من 4 1234 الأخيرةالأخيرة
النتائج 1 إلى 15 من 60
  1. #1
    تاريخ التسجيل
    Sep 2011
    المشاركات
    5,121
    الجنس
    ذكر

    [ فعـالية تجربتي مع السنـة التحضيريـة ]








    المشاركات بالترتيب :
    1- aNthrax
    2- il padrino
    3- صوت الإبداع
    4- ماريه
    5- مزمز مريندآ
    6- w.s.o
    7- Dr.Coincidence
    8- M.S.M.T
    9- Ớ ẃ ń é Ŕ
    10- ~Khalid~
    11- nice student
    12- Dr.R7aldubai
    13- aroooj
    14- dr.kyan
    15- هيونة
    16- hmoos
    17- أبو مساعد
    18- نازلان
    19- k e m o
    20- شموخ اسطوره
    21- بسمة ضياء
    22- ام & امز
    23- جامعيّة

    التعديل الأخير تم بواسطة smile sh ; 12th June 2012 الساعة 05:09 PM

  2. #2
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة aNthrax طالبة كلية العلوم الطبية التطبيقية سنة أولى .



    الـسلامُ عليكُم ورحمةُ الله ..


    تجربتي بالسنة التحضيريّة تجربة عريقة ! < يوميات

    كوني من دفعة 431 !

    -
    أكيد فيه مشاركات تحكي تجارب أبطآل كافحوآ وأعطوآ في المسارات اللي يحبُوها
    واختاروها لانفسُهم ..

    لكن تجربتي خاصة بفئة ثانيّة .. اللي تخبطوآ باختيار المسار بالبداية واستدركوآ ب النهاية !

    الاسلوب يميل للـ شخصنة لانو هرمون الـ أنـآ مرتفع حبتين ذا اليومين !


    لا احد يقرأها الا اللي خبطوا بالمسار
    اللي وضعهم تمآم يقرآوا التجارب الـ 16 اللي تحت

    -
    قبل ابدأ بتجربتي بالتحضيريّة ..
    اخترت المسار مُرغمة وهذا خطأ كبير !
    لـ أنو اكره اناقش بشيء يخصني
    فـ قالوآ اهلي .. حاسب يعني حاسسب !
    كنت وقتها زي المصدومة .. اهلي بحياتهم م تكلموآ عن تخصصي
    وكنت أنسج احلامي لوحدي , وفجأة لما طلعت نتيجتي ...
    بُنيت الاحلام كلها عليّ .. الشخصة الوحيدة اللي تخصصها علمي ..
    وبالتالي تنوع التخصصات ششاسع ..
    ميولي تقول : صحيّة ()
    مامي تقول :حااسسب ..
    بابا اعطاني الحريّة .. لكنه سافر للخارج وقت صدور النتيجة ومارجع الا بعد التخصيص بمدة
    ولانه مشغول جداً بمؤسسته تواصله معانا نادر !

    فـ رضخت لامي .. أحقق حلمها ..ولو كنت كارهة
    وللاسسف بدون اي نقاشش !

    يكفيني استخرت وحددت التخصص - مسار علمي - بأحب الجامعات عندي !

    م اخفيكم .. لما طلعت النتيجة بكييييييت كثير

    يمكن لانو مو هو التخصص اللي ارتضيته لنفسي
    لكن كانت دموع يوم !
    وكملت بعدها المسيرة ()

    -

    اللقاء التعريفي :
    م كان شكل الجامعة مخيف بالنسبة لي .. لانو سبق ودخلت جامعات
    لاسباب ( دورات - مؤتمرات - .....إلخ ) ..
    لكن المرة هذه دخلتها كطالبة .. ترك الموقف في نفسي شويّة هيبة

    -
    الشهر الأول :
    م كنت متأقلمة ع الاجواء كثير - فيه ناس اجتماعية - لكن بصعوبة تدخل
    وتآخذ جوّ مع اللي حولهآ .. وانا من النوع هذآ ..
    اوقات البريك كنت افرغ طاقتي بالاندية .. ولأول مرة الحالة النفسية
    السيئة تنفع !
    شكراً للنفسيات اللي دخلتني الاندية رغماً عني ..

    -
    الفصل الدراسي الأول :
    كان لطيف جداً .. 4 مقررات ممتعة .. لكن الوقت طويل ..والطلبات كثيرة !
    وكنت وقتها انسانة حوسة م احب ارتب جدول ..
    أو ارتب جدول وماامشي عليه !
    -
    جدولي اليومي :
    - أصحى بكيّر .. تقريباً ع 5 الفجر .. أزبط اموري وكيذآ
    لحدّ يجي السسوآق ع 6.15 بما انو البيت بعيد ومعاي كم بنوتة ..
    بالطريق قدامي ساعة الا ربع .. افرفش مع البنات في الربع ساعة الأولى
    والنصف ساعة افتح كتابي أحضّر المحاضرة الجديدة اللي بنآخذها اليوم ..

    - اليوم الدراسي يمر عادي من ( 7.30-3.30)

    طريق الرجعة سواليف
    أوصل ع 5 العصر تقريباً .. آخذ لي غفوة صغنونة واصحى مع المغرب ..

    - المغرب : اذاكر المحاضرة السابقة اللي اخذناها قبل +ارتب الشنطة +اجهز لبسي ..

    - العشاء : مخصص للمذاكرة (كويزز ,ميد تيرم ) - البحوث - الواجبات ..
    انط شوي ع النت ..
    وبكذا ينتهي يوميّ ..

    فيه بريكات أكيد لكن اذا فيه اختبار م احصل وقت ..

    -
    الفصل الثاني :
    كان ترميم للاخطاء اللي ارتكبتها الفصل الأول
    بحكم انو عرفت التحضيرية وجربتها مدة كافية ..


    المسار العلمي لطيف وجميل جداً .. الا انو كنت اكره بعض الموادّ ..
    المواد اللي م احبها كنت اكسبها تحدّي ..
    وآذاكر ع اني بنتقم منها
    حتى لما اذاكرها بالاختبارات كنت احط شعارات تحدّي !

    وبالعكس اشوف درجاتي واستمتاعي أكثر بالمواد الـ غير لطيفة !

    شيء جميل نكسب الاشياء الصعبة ()

    -

    ع نهاية السنة ..
    كانت فعالية ارشدني , لقاء الوكيلات ..
    حاولت احب الحاسب .. بس مو راكب ببالي !
    كانت القوة لكلية العلوم - كيمياء حيوية
    وكانت أوول رغبة : ) !
    وقبلت بالتخصص ()
    -

    مرت سنة كاملة فيها صعوبات وتحديات ..
    مواقف جميلة , وصحبة أجمل ..
    لكن مع التنظيم والانجاز بنمشي حبّة حبّة لفوووق !
    -
    بعد سنة كاملة .. طُلب مني تدريب لـ طالبات جمعية انسان لرعاية الايتام
    في السنة التحضيرية بالصيف .. برمجة روبوت NXT - Lego !

    حضرت ورشة لُهم وكانوا اشخاص لُطفاء جداً ..
    بعد الورشة قابلت شخصة عزيزة عليّ .. كانت معي في
    ( أول فريق طبي سعودي يستخلص الـ DNA من طالبات التعليم العام )
    فـ كانت متعايششه معي لحظات حبي للمختبر ,, الدم ,, حبي للحوسة والطقطقة المختبرية !
    سألتني عن تخصصي وبلغتها ..
    : كيمياء حيوية ..
    هي : جمميل جداً .. لكن بعد 3 سنوات بتكوني فنيّة مُختبر !
    أنــآ :
    هي: لو تبغي نصيحتي حولي صحي ومنها كملي مختبرات اكلينيكية !
    أنــآ : طيب وسنوات عمري ,, امم كيف ,, لا لا تحويل !
    هي : تدرسي ترم - لمعادلة المقررات - ولا تدخلي تخصص وبإمكانك الوصول لاعلى منه
    وبيظل معاك العُمر كله !

    طبعاً لاني احوب ذا الشخصة ,, غسلت مخي بدقائق !
    بنفس اليوم استخرت وعبيت نموذج التحويل عند موظفة العمادة بالتحضيريّة ..
    انتهت دورتي مع بنات انسان ع نهاية شعبان


    نسيت التحويل برمضان ,, ودعيت الله يكتب لي الخير ..

    بعد العيد .. نزلت الجدوال .. وشفت جدول الكيمياء الحيوية بالبوابة ()
    ساعات بسيطة واتصلت صاحبتي تطلب مني جدولي حتى نشوف اذا احنا بنفس الشعب
    او لآ ..
    فتحت البوابة م حصلت الجدول !
    مكتوب بالتخصص : السنة التحضيرية - كليات صحيّة !

    فرحت كثيرر .. رغم اني فرحت بالكيمياء الحيوية كمان أكثر
    الا انها تجربة وتحدي جديد ..

    يعني : ح ادرس التحضيرية من جديد !
    ان صح التعبير يكون معدل تحضيريتي سنة وترم !
    سنة علمي .. ترم صحي ..
    وبدأت التحضيرية مرة ثانية

    مواد كلية العلوم جميلة ولئيمة وثقيلة دم ولطيفة وخفيفة دم برضو !
    فيها تناقض .. لكنها سهلة وتقدروآ عليها بالراحة ()
    اختتمت السمستر ع خير .. وبالكلية الجميلة اللي ببالي ..

    والحمد لله أولا وأخيراً ..

    رحلة الكفاح والتخبيصات هذه .. فقط للي دخلوا مسار مو مقتنعين فيه
    ويبغوآ يحولوآ
    تعايشوآ مع المسار الجديد حبوه واعطوه .. أكسبوه تحدي وصدقوني بيرضخ لكُم ..
    قدموا تحويل بعد الاستخارة ..
    وتذكروآ زيادة ترم للتحويل افضل من انو تبقوآ طول العمر بتخصص مالكم رغبة فيه !

    مو تعييب بالمسار العلمي مطلقاً .. فيه كثير كانوا صحي وحولوآ علمي ..
    المسألة ميول فقط !
    ---
    اشياء استفدتها من التحضيرية :

    1- الوقت المخبوص م فيه بركة , الترتيب والترتيب والترتيب !
    السمستر الاول كنت حوسة والثاني تعدلت كثير ..

    2- اكسبوا المقررات كمهارة .. خصوصا النجم ..
    تعايشوآ معاه بكل شيء .. حولوآ الاجهزة انجلش ..تابعوا القناة السعودية 2 < لا تصدقون
    لانو هي اللي بتصفى لكم وبتطور .. بترتاحون كثير بعد التخصيص ..
    اخذوها مهارة مو مقرر وح تبدعوآ !

    3- اي مقرر م تحبوه .. أكسبوه تحدي .. عيشوآ معاه منافسة
    بتحسوا بحمماس كبير وانتم تذاكرون ..

    4- استغلوا وقتكم .. كنت اذاكر بالطريق وانا طالعة للجامعة .. التحضير جدا مهم ..
    يساعدك ع ثبات المعلومة اكثر واكثر !

    5- اطبعوآ تقويم جامعي .. حتى تتابعوا فيه الاحداث ..
    اذكر انو سجلت تسليم الواجب بورقة خارجية ولما بقى ع موعد التسليم يوم نبهتني صاحبتي
    م انتبهت لليوم مطلقا لانو كل ورقة بجهة

    6- نصيحة أخوية : اذا كنتِ ليدر بمقرر .. لا تصيري ليدر بالكل
    بنات كلاسي كانوا للاسف فيهم صفة لئيمة وهي انهم : اتكاليات !
    وكنت ليدر بكذا مقرر ! فـ ماقدرت اعطي لكل المقررات كويس !

    7- اشتركوآ بقروب عمل جميل , معطاء , غير اتكالي , تعيشوآ لحظات التعب
    سوا , وترتاحوا سوآ , وتستحقوآ الدرجة العالية سوآ ..

    8- انا ضد من يشارك بكل الاندية < بتاع كولوآ , وضد اللي م يشارك ابد
    الاندية تصنع مهارة لا صفيّة جيدة .. تعلمت منها كثيرر ..
    أقلها تعملت روح العطاء فيهآ .. صدقاً كانت تخلق لي جو ابدآع اكثر من اجواء الكلاسات
    بكثير ! < نادي واحد يكفي كمان تكسبك خبرة
    وشهادات تستفيد منها بـ C.V بعديين ()
    والجامعة في صدد تطبيق خطة تلزم الطالب بتسليم السجل المهاري..
    بمعنى : عطنا سجل مهاراتكك ,, نسلمك السجل الأكاديمي ..


    9- الغيابات قللوآ منها .. اذا جاك ظرف سيء توقع الاسوأ منه !
    كنت اخزن غياباتي لـ ايام م قبل الفاينل ..
    اذكر سألنا الموظفة عن غياباتنا قبل الفاينل بأسبوع ..
    قالت لي بس غبتي 7 ساعاات من اصل 45 ساعة في مقرر النجم !
    وهذا معناه انو ماله داعي ابدأ احضر الاسبوع الاخير
    صاحبتي كان عدد غيابتها 43 ساعة !!
    ونصها لعب .. تتمشى بعليشة <فضحتها
    تخيلوآ داومت لـ آخر يوم !
    وكانت ندمانة كثيرر ع كذآ ..

    10- لا تنسوآ تحطوآ نوت صغير ع الدرج او التسريحة / خليفة الجوآل
    فيه : كلمات لطيفة تنعش صباحكم ..

    11- كان عندي نوت صغير اسجل فيه غياباتي لكل مقرر
    حتى اقدر اتابع ساعات الغياب .. لئلا اقع في مأزق !


    12 - علمتني التحضيرية معنى ( لا تؤجل عمل اليوم الى الغد ) ..
    وكانت سياستي معاها : أقسم الشغل لجزئيات صغيرة ع ايام ..
    مثلا : عندي عرض 20 سلايد .. والتسليم بعد اسبوع ..
    اسجل سيناريو العرض واجمع المصادر باليوم الأول ..
    الثاني والثالث والرابع والخامس : كل يوم 5 شرائح بس !
    حتى لو كنت فاضية وبامكاني اعمل اكثر .. أتعمد أتوقف حتى م اتعب واطفش
    السادس مراجعة وتدريب ع العرض - بكذا خلصت قبل الموعد بوقت كافي
    ونفسية جميلة خصوصا وانو العرض غالبا يكون متزآمن مع اكثر من شغلة وواجب
    وبحوث !

    13 - م فيه شيء يتقدم ع دراستك .. خصوصا السنة التحضيرية ..
    لان المعدل بالبوينت يفررق !
    لا صديقات , ولاعليشة , ولاسوق الطالبات
    ولا حتى أندية .. فِ البريك نطي براحتك !

    14- اعرف كثير يستهينوآ بالمقررات ذات الساعات القليلة !
    بحكم انو جهدهم يتكرس ع المقررات ام ساعات اكبر
    وأكرر البوينت يفرق بالتخصيص .. وكمان انقهر لما اشوف بنات
    بيدخلوآ مثلا علوم طبية ! ويقولوآ لزميلاتهم عادي بدون شدة حيل !
    نقدر لهآ .. طيب حتى لو كنتِ ضامنه المقعد .. حلو تتخرجي وتتوظفي ع معدل عالي !

    15 - لا تسمعوآ كلام الناسسس !! كثير يتكلموآ ويضيعوآ .. والاشاعات كثيرة خصوصا بالتحضيرية!
    ف الجامعة شؤون وجهات وحقوق مكفولة للطالب / ـة ..
    ضروري تعرفوآ ايش اللي لكم ؟ كيف تقدروآتأخذوا حقكم ؟ تتواصلوا مع الجهات ؟
    العميد ؟ رؤساء الاقسام !
    الحقوق ثقافة للاسف فيه ناس تجهلها !
    وتنهضم حقوقهم .. وينطوآ هينا يشتكوآ ويكتشفوآ انو فيه اشياء تكفل حقهم كامل !

    16- الضغط النفسي ,, والروح الايجابية لازم تكون عالية جداً
    خلال التحضيرية فقط !
    رفهوآ عن انفسكم .. الضغط مو زين
    طلعوا الكبت اللي جوآتكم ..
    م فكرت اشتري لي نافورة الا بالتحضيرية !
    صفطها جنب السرير واشغلها قبل انوم .. واصحى ع خرير الموية الجمميل ()
    عندكم زواج او مسيار ايام الاجازة وتقدروآ تروحوآ اطلعوا له
    < مشروع خراب
    لا تراكموا كثير لانو بتجيكم حالة جنون . التوازن شيء كويس
    -

    في النهاية ..
    السنة التحضيرية سنة تخليك مرنننن بالمااارة !
    الآن في تخصصي الجميل

    م احصل صعوبات مطلقاً .. لانو تعودت ع الدوام الطويل
    والضغوط ..

    فـ التحضيرية تشكر ع كذآ !


    ادخلوآ التخصصات اللي تميلوآ لها انتم ..
    تحتضن ابدعكم وتحتضنوه ..

    ونحصلكم نجُوم في سسمآءِ الوطن ()* !
    التعديل الأخير تم بواسطة aNthrax ; 10th June 2012 الساعة 02:25 PM سبب آخر: تدقيق إملائي ()*!

  3. #3
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة il padrino - سنة تحضيرية - مسار صحي



    بسم الله الرحمن الرحيم ..

    في هذا الرد سأتحدث عن تجربتي في السنة التحضيرية ، لتكون مشاركة بسيطة مني لكم يا دفعة 433 ..!

    سـ اُقسِم الرد لعدة جزئيات ..!



    أولاً / المبنى .



    هو مبنى خاص بـ عمادة السنة التحضيرية والواقع على شارع تركي الأول - مخرج 2 للدائري الشمالي .

    صمم مبني السنة التحضيرية ليتناسب والتطلعات الطموحة للجامعة للحصول على أعلى مستوى من
    الأداء لدى الطالب لينافس أقرانه في جميع أنحاء العالم في ظل توفر أعلى الإمكانات والوسائل التعليمية الحديثة، ويعد مبنى السنة التحضيرية مبناً متميزاً من الناحية التصميمية والتقنية ويطلق عليه اسم مبنى المعرفة (Knowledge Building ) لإحتوائه على تقنيات عالية تساعد على تطوير العملية التعليمية .

    لنعرض بعض التقنيات المتطورة من خلال الصور:











    وأيضاً لنعرض التقنيات المستخدمة داخل القاعات الدراسية :

    - منصة العرض الالكترونية (E-PODIUM)



    وهي عبارة عن جهاز يتحكم بكل مكونات القاعة الصفية من خلال وحدة تحكم داخلية بالاضافة لبرمجيات خاصة لإدارة عملية التحكم

    - السبورة التفاعلية



    تعتبر السبورة التفاعلية من أهم مكونات الفصل الذكي وهي أحد ركائز التفاعل داخل
    القاعة، حيث تقوم بعرض المادة العلمية المجهزة بواسطة الأستاذ، وعند قيامه بكتابة
    أي ملاحظات على السبورة فإنها تنتقل مباشرة إلى جهاز الحاسب الآلي ويتم تخزينها آلياً. كما
    تمنح السبورة المحاضر القدرة على الكتابة بألوان متعددة واستخدام أدوات شرح وتوضيح
    عالية القدرات.

    - جهاز العرض عالي الدقة



    يستخدم جهاز العرض للقيام بدورين رئيسين أولهما نقل المادة العلمية والعروض التقديمية للسبورة والثاني في الاتصال المرئي حيث تنقل الصورة إلى السبورة عن طريق جهاز العرض. وتتميز أجهزة العرض بأنها تدعم الصورة عالية الجودة.

    - جهاز التحضير الإلكتروني




    ينقسم مبنى السنة التحضيرية الى قسمين : قسم لطلاب المسار العلمي والصحي وقسم آخر لطلاب المسار الإنساني .

    طبعاً مبنى/قسم المسار العلمي والصحي يتكون من 3 أدوار ،

    الدور الأرضي يتكون من : ممر المعرفة + المصاعد والأدراج + مخارج الطوارئ + قاعات الدراسة (خصوصاً قاعات مقرر تقن 140) + مدرج رئيسي (لعقد بعض المحاضرات المهمه والتي تكون للعميد أو لرؤساء الأقسام أو حتى لضيوف زائرين من خارج الجامعه) + صالة رياضية لمقرر صحة 140 + قاعة متعددة الأغراض (تستخدم لتوزيع بطاقات الصراف الآلي ولأمور أخرى أيضاً) + مكتبة شعاع + إذاعة خاصه بالتحضيرية .

    الدور الأول يتكون من : قاعات دراسية بالطبع + مطاعم ومقاهي + مصلى + أماكن بيع الكتب + مدرج فرعي .

    الدور الثاني يتكون من : مكتب سعادة العميد + مكاتب وكلاء العمادة ورؤساء الأقسام والمحاضرين (وهذا بالطبع لجميع المقررات) .

    هناك أيضاً البهو (وهو المكان اللي يفصل بين قسم المسار العملي والصحي وبين المسار الإنساني) ، ويوجد في هذا البهو مطاعم ومقاهي + مقاعد سواء للآكل أو للدراسه + مدرج صغير .


    صورة لممر المعرفة :



    صورة للمدرج الرئيسي داخل مبنى السنة التحضيرية :



    صورة أحد قاعات الدراسية :



    صورتين لبعض المطاعم والمقاهي في الدور الأول :




    صورة لأحد معامل الحاسب الآلي (مقرر تقن 140) :



    أخيراً وليس آخرا فيما يخص المبنى ..

    - خريطة ثنائية الأبعاد لمبنى السنة التحضيرية (المسار الصحي والعلمي) : هنا
    - خريطة ثنائية الأبعاد لمبنى السنة التحضيرية (المسار الإنساني) : هنا
    - الخريطة التفاعلية : هنا



    ثانياً / الفرق بين التعليم العام (المدرسة) والتعليم العالي (الجامعة) .

    طبعاً الكل يعرف ماهو الفرقن بين المدرسة والجامعة ، ولكن خلوني أسرد بعض النقاط الواضحة للتفريق بين هالمرحلتين المهمه في مسيرة الطالب الأكاديمي ، في الجامعة فيه حرية أكبر وتحس إن الطالب مسؤول عن نفسه (بمعنى) انه يكون المسؤول الأول والأخير عن حضوره للجامعه ومن عدمها ، بالإضافة الى ان كسر الروتين الممل اللي كان في المدرسة (فصل واحد لجميع المواد) !! لا لا في السنة التحضيرية راح تكون لكل مقرر (قاعة مختلفة) يعني راح تغير جو على الاقل من خلال تنقلك داخل المبنى ، لا ننسى ان فيه بريك (فسحه ) موحد لجميع طلاب جامعة الملك سعود ، يعني هالبريك بيكون للكل سؤاء لك كطالب في السنه التحضيريه او طالب اخر بكلية الهندسه مثلاً ، والوقت هو من 12 الى 1 . بأنتقل الآن الى طرق المذاكرة ! طبعاً في السنة التحضيرية انت بتكون في مجال تنافس ، يعني ان لازم تكون متابع أول بـ أول لكل المواد اللي عليك واحرص كل الحرص على الحضور وكذلك تسليم الواجبات والمشاريع المطلوبة منك في وقتها المحدد ، لأن عدم تسليمها او التهاون فيها راح تكلفك نقص في الدرجات وهذا أكيد ما راح يكون في مصلحتك .



    ثالثاً / تقسيم الدرجات الجامعية .



    و أيضاً ..
    ح محروم من المقرر .
    ع معتذر عن المقرر .
    ت الدرجة لم ترصّد .
    ل غير مكتمل .
    م مستمر .



    رابعاً / البرنامج التعريفي .



    آآه يا البرنامج التعريفي طبعاً هذا برنامج حطوه لكم العمادة علشان تتعرفون أكثر على أنظمة وقوانين السنة التحضيرية ، طبعاً هالأسبوع بـ يكون قبل الدراسة الطبيعية بـ إسبوع كامل !! يتخلله :

    [ إختبار تحديد اللغة الإنجليزية ] << طبعاً هنا أنا أنضح جميع الطلاب انهم يحلون اللي يعرفونه بنسبة 100% ، أما اللي تعرفه بنسبة 99% خله فاضي ! النصيحة هذي بتساعدك كثير علشان تطور لغتك الإنجليزية ، لأن من أهم أسباب وضع هالسنة هو تطوير اللغة لدى الطالب المنتقل حديثاً للتعليم العالي .

    [ مشاهدة الفيديو التعريفي الخاص بالعمادة ] << نصف ساعه راح تشوفون هالمقطع الجميل : http://www.youtube.com/watch?v=WFeYAg6_c&feature=plcp ومن ثم تطرحون أية إستفسارات في بالكم على المحاضر اللي راح يكون معكم .

    [ إصدار البطاقة الجامعية ] << إصدار البطاقة اللي راح تكون معك طول دراستك الجامعية ، يعني لازم تجي للتصوير وانت في كامل كشختك .

    [ محاضرة إرشادات النجاح ] << محاضرة عامة عن طرق النجاح وبيتطرقون قليلاً لأنظمة السنة التحضيرية وشرح المقررات الموضوعه لكم في هذه السنة .

    [ فعاليات وأنشطه عامه ] << فيها قسائم شرائية لتخفيض أسعار بعض الكتب (نصيحة اشتركوا وخذوا هالقسائم ، تفك أزمة صدقوني ) لكن للي ما يبي يحضر فـ هالفعالية مافيها تحضير (يعني إسحبوا ) .

    وبعد هالإسبوع ، راح يفتحون لكم [ حجز المواقف ] << هالرابط يوضح كل شيء بخصوص هالشيء : هنا

    وفي نفس إسبوع حجز المواقف ، راح يحددون لكم 3 ايام تقريباً لإستلام بطاقات الـ$$ ! وراح تكون في صالة الأغراض المتعددة . نصيحتي لكم لا تجون الا في آخر يوم (ما فيه زحمه إطلاقاً) < وهذا لأن البعض يسحب على محاضراته في اليوم الأول علشان يستلم البطاقه !! طبعاً راح ينزلون لكم مكافأة شهر ونص (1500 ريال) تقريباً .



    خامساً / الجدول الدراسي .

    هذا صورة لجدولي في السمستر الأول :





    سادساً / نصائح هامة للمستجدين

    1- لازم يكون عندك يقين بأنك بمجرد دخولك لهذا المبنى ، فـ انت ستكون من بين القلة المتميزة المقبولين في هذه السنه .
    2- السنه التحضيريه هي الأرض الخصبه لنمو الإشاعات ، إنتبه ثم إنتبه منها ! لابد أن يكون لك مصدر مرجعي أو رسمي سواءً الموقع الرسمي للعمادة أو بريدك الإلكتروني فقط ، أما شغلة " فلان قال " و " علان سوا " فـ صدقني لو بتسمعلها فـ راح تتعب كثير خلال هالسنه .
    3- انتبه من المثبطين أو المحبطين ، تراهم راح يأثرون عليك بدون ما تحس ! وإحرص على المتميزين " الصاحب ساحب "
    4- الغياب ، يمكن بالسنه التحضيريه ما راح يأثر عليك !! ولكن في الكليات بعدين بيكون له الأثر العظيم .. لأن الدكاتره ممكن يخصمون عليك بعض الدرجات بمجرد تأخرك أو غيابك عن محاضره وحده ، ولكن تطمنوا ! بالتحضيريه لا يوجد هذا النظام ! لأن المحاضر ما بيده الا تقديم اللي عنده من مادته العلميه والدرجات بتكون مراقبه عليه من القسم ، والغياب من حقك أكيد (15% أو 25%) .
    5- إحررص كل الحرص على ارتفاع معدلك بالفصل الأول (خصوصاً لطلاب المسار الصحي) وهذا لأن الفصل الثاني راح يكون أدسم بكثير وفرص فقدان الدرجات وارده أكثر من الفصل الأول " السهل نسبياً " .
    6- نصيحتي هذي للفطين ، فيه يوم من ايام الاسبوع ما راح يكون عندك الا انجلش فقط ، يعني ما راح تداول الا 4 ساعات < هذا اليوم مميز للي ناوي يستفيد منه من خلال مراجعه دروس الأسبوع او الانتهاء من بعض المشاريع والواجبات الإلكترونيه .
    7- الانجليزي يا اخوان ، لازم تركزون عليه ! عليه 8 ساعات من المعدل (أكثر من النصف) .





    سابعاً / مواقف حصلت لي في السنة التحضيرية .

    [ اليوم الأول لي في السنة التحضيرية ]

    هو بصراحه ما أتذكره كثير ، ولكن اللي أذكره اني كنت مرتبك ههههههه أول محاضره كانت عندنا هي لـ مادة (علم 140) . كان فيه هدوء عظيم ! مرت هالساعتين دون أي ملاحظات تذكر وبعدها كان عندنا محاضرة (ريض 140) وبصراحه ما أذكر فيه شيء ! ثم كان فيه بريك ساعه (من 12 الى 1) وكان الوضع زحمه زحمه زحمه ! لدرجة ان الممرات إمتلت ! (هذا الشيء راح يصادفكم السنه الجايه أول شهر كذا ، وبعدها راح يخفون أكثر ! وفي الفصل الثاني التحضيريه بتكون شبه مهجوره) ، وبعدها كان عندنا محاضرة (نجم 140) ، في هالمحاضره جانا دكتور أقل ما يقال عنه إنه [ حبييييب ] ، وكملنا المحاضره الى إن إنتهى الدوام . وبكذا خلص اليوم الأول لي بهالتحضيريه .

    [ صدمة ليفل اللغة الإنجليزية ]

    بصراحه كانت صدمه دخلت في أول السنه بـ ليفل 2 ! طبعاً أنا بصراحه كنت متوقع إني أكون يا بـ ليفل 4 أو 3 (نظراً لـ كوني متخرج من مدرسة أهلية ومهتمه من ناحية اللغة) . ولكن أكيد تقبلت هالشيء ، واللي حببني بالليفل نفسه هو إن اللي معي بالكلاس ! وبدون ما أحلف إن مستواهم المفروض يكون ليفل 4 بالقليل (كلاس G432 ) .

    [ أول إسبوعين لي بالتحضيريه ]

    كانت فتره عصيبه بالنسبه لي ، يعني لا من طول دوام (أخلص على الساعه 5 والإثنين أخلص على الساعه 6) ، ولا من ناحية زحمة الخروج من المبنى (كنت وقتها أشيل همه بشكل عظيم) ، ولا من ناحية زحمة المطاعم داخل المبنى (بعض الأحيان ما آكل شيء طول اليوم ) ، بس ما أنكر إني كنت أستانس داخل الكلاس (دخلنا جو مع بعض بـ وقت سريع بصراحه) .

    [ فترة التعود على السنه التحضيريه ]

    طبعاً في ثالث إسبوع تقريباً دخلت جو التحضيريه وبدينا نتعود على حياة الظغط ، وبدأت في هالفتره "المشاريع" خاصه مشاريع مادة (علم 140) سواءاً من العمل التطوعي أو إنتاج الفيلم . < هالفعاليتين ساهمت وبشكل كبير في إننا عرفنا بعض ، وأذكر في العمل التطوعي قعدنا 5 ساعات ! والمفروض نقعد 3 ساعات بس ! وكان العمل التطوعي في جمعية تحفيظ القرآن .




    في الختام ، وبعد كتابة هذه المشاركة الصغيره مني ! أود أن أقول [ ما كان فيه من صواب فمن الله وحده وما كان فيه من خطأ فمني ومن الشيطان ] .

    مع تمنياتي القلبيه لكم بالنجاح والتوفيق والسداد .
    التعديل الأخير تم بواسطة smile sh ; 10th June 2012 الساعة 05:22 PM

  4. #4
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشـاركة صوت الإبداع - سنة تحضيرية - مسار علمي




    السنة التحضيرية,, سنة جميلة عدت بحلوها ومرها لكن كانت وحدة من أريح السنوات اللي مرت علي..
    صحيح اني كنت أنضغط واتعب في بعض الأحيان لكن كنت أشعر بالسعادة فيها

    راح اذكر تجربتي فيها وأحاول أرتب أقسامها تجنبا للتشتيت ,,, راح أطول في الكلام لكن إن شاء الله تكون تجربتي مفيدة لكم..

    أول ما بدأت السنة التحضيرية ونزلوا لنا جداول البرنامج التعريفي كانت فرحتي لا توصف
    وأخيرا طلعنا من المدارس وبتصير لنا مكافئات ونفتك من نظام كلم أبوك لما تجي تطلع وكذا



    أتذكر أيام البرنامج التعريفي وكان مفيد الصراحة بحيث انه يعطيك خلفية عامة عن الجامعة..
    ضروري تحضره من هذي الناحية ومن ناحية ثانية جدولك الدراسي راح يتأخر نزوله إلى ما تكمل فعاليات هذا الأسبوع..
    احتمال كبير جدا ان البوابة الالكترونية راح تعلق بسبب ضغط الطلاب عليها لكن ما عندك مشكلة مر عليهم وبمجرد انك تعطيهم رقمك الجامعي بيطبعون لك جدولك فلا تشيل هم

    أول يوم كان الأهم وكان فيه اختبار تحديد المستوى للغة الانجليزية ومقدمة بسيطة عن أنظمة التحضيرية عشان تعرفهم خلفية عن لوائحهم وأهم الأنظمة اللي يمشون عليها..

    في اختبار تحديد المستوى ضروري جدا انك تحل اللي تعرفه فقط وتترك الباقي عشان تدخل المستوى المناسب لك

    حلولك مالها علاقة بدرجاتك أو أي شي لكن بعض الطلاب الله يصلحهم إلا يسوي نفسه فاهم ويحل كل الأسئلة فلا تورط نفسك وحتى لو طلب منك المراقب تسوي هذا الشي فارفض عشان ترتاح أفضل من انك تدخل مع طلاب أعلى منك في المستوى وتتعب..

    كل المستويات نفس الشيء في تقسيم الدرجات مافي ميزة لطلاب المستويات العالية إلا ان الفاينل موحد فبعض الطلاب يتعمد انه يدخل مستوى ضعيف عشان يرتاح في الميدتيرمات لأنها تجي على نفس صعوبة المستوى اللي أنت فيه ثم لما تجي نهاية السنة ينصدم بمستوى الاختبار النهائي ويقول انه صعب لكن الحقيقة انه ما طور من نفسه..
    المستوى الثاني والثالث ممتازة جدا كبداية على حسب مستواك

    اليوم اللي بعده كان فيه محاضرة في أحد المدارج عرفونا فيها على المواد اللي راح ندرسها وعن طريقة تقسيم الدرجات في مقرراتهم وجاوبوا على اسئلتنا برضه كانت مفيدة لنا..

    اليوم اللي بعده كان عندنا استخراج للبطاقات الجامعية والصراحة صار عليهم ضغط وحوسة فاضطروا انهم يأجلون مجموعة من الطلاب أنا كنت منهم لكن ما قصروا أعطونا موعد بديل والتزموا فيه..

    آخر يوم كان مجرد مضيعة للوقت ولا كان فيه تحضير ,, سووا مسابقات وفعاليات لكن الصراحة ما كنت في جوهم الشيء الوحيد اللي ممكن تستفيده من هذا اليوم هو إن عندهم فعالية تعريف بنوادي السنة التحضيرية لو كنت مهتم بالتسجيل في واحد منها..



    من بعدها بدأت دراستنا في التحضيرية والصراحة كانت سهلة جدا مقارنة بالثانوي اللهم انك راح تنضغط في الوقت..
    أول ما بدأت السنة التحضيرية كنت حاط في بالي اني أجيب معدل 4.6 وكان مثل الحلم في بالي لكن اكتشفت انها تحتاج فقط للقليل من شدة الحيل وتجيب درجات عالية جدا..

    راح يكون معاك مساحة كبيرة للغياب..
    لكن نصيحتي لكن انك توفرها ولا تغتر بعددها صدقني راح تحتاجها بعدين بتجيك ميدتيرمات وظروف خارجة عن ارادتك فوفرها وريح نفسك من الاحراج والبحث عن أعذار وعلى نهاية الترم تغيب على راحتك وتستعد للاختبارات برواقة

    المبنى راااقي جدا ويفتح النفس للدراسة
    ووحدة من أفضل الأشياء في نظري هي المطاعم اللي جنبهم
    بريكاتكم في الجامعة حوالي ساعة كاملة والوقت كافي جدا انك تطلع وتتغدى فيها راح ياخذ الغدا منك وانت رايح رجلية حوالي 40 دقيقة والباقي تصلي فيه وتروح كلاسك بدري أو تسوي اللي يعجبك..
    أهم شي ما تقلبونها كشته وتضيعون الوقت

    مطاعم التحضيرية معقولة جدا جدا وميزتها انها تختصر وقتك لكن بعض الأحيان تلقاها مزحوووومة وخصوصا في الترم الأول فريح نفسك وخذلك غدا في أي مطعم يعجبك..



    بعدها بحوالي 2 -3 أسابيع جاء اليوم الموعود

    يوم توزيع بطاقات الصراف
    بيكون فيها حوالي 1500 ريال لكن لا تفسق فيها المكافئة اللي بعدها بتتأخر فانتبه..

    راح ينزلون رابط تستعلم فيه عن مسارك..
    توزيع البطاقات بيكون في نفس مبناكم في قاعة كبيرة في الدور الأرضي وبتكون مقسمة لمسارات عشان التنظيم..

    طبعا أول 3 أيام بتكون زححححححححححمة زحمة زحمة شي فوق ما تتخيل
    اليوم الرابع بيكون رايق أما آخر يوم بيكون فااااضي تمشي لحالك فرح في هذا اليوم ولا تتأخر بعدها بتتعب شوي لما يعطونك بطاقتك..

    الأسبوع اللي بعده بيفتحون فيه حجز المواقف..
    المواقف اللي بدون ظل بتكون مجانية ولا عليها حجز أما مواقف الأدوار والمظللة بكون عليها رسوم وحجز..
    ضروري تدخل من اول ما يفتحون المجال للحجز بسبب ان المواقف تخلص بسرعة
    حاول ما تحجز موقف قريب من البوابة لأن نسبة كبيرة من الطلاب الله يهديهم ما يحترمون النظام وبتتعب معهم فخذلك موقف مهو بعيد ولا قريب يعني شي معقول..

    بعدها بيومين بيفتحون المجال انك تسدد وتاخذ الاستكر وكالعادة بيكون زحمة
    فانتظر شوي وطلعها على راحتك أذكر اني دخلت عليهم وما كان في القاعة غيري أنا واثنين معي

    ويا شباب طلبتكم طلبة لوجه الله وقفوا المآسي اللي تصير كل سنة
    نسبة كبيرة من الطلاب الله يصلحهم يوقف سيارته على الطرف الثاني من تركي الأول ويعرض نفسه لخطر قطع هذا الشارع والمشكلة ان المواقف متوفرة لكن يعتقد انه بهذي الطريقة راح يوفر وقته..

    المرور حاول معاهم وصار يخالف كل واحد يوقف على الشارع لكنهم صاروا يروحون يوفقون بعيييد داخل الحارة <<< يرحم أمك وقف بمواقف التحضيرية..
    وللأسف السنة الماضية صار اللي كنا خايفين منه وتوفي علينا طالب بسبب هذا الطريق



    من بعد هذي الفترة راح تبدؤون تحسون بضغط المشاريع والأعمال التطوعية فنصيحتي لكم انكم تبدؤون من بدري وتخلصونها عشان ترتاحون

    يمديك تخلصها على رواقة لكن كل ما تأخرت كل ما صعبت عليك فخلص شغلك أول بأول وارتاح..
    أهم شيء في السنة التحضيرية هو تنظيم الوقت إذا نظمته فراح تحس انك في سنة تسلية لا أكثر ولا أقل..

    بعد عن شغل المكتبات منها انك ترضي ربك ومنها ان شغلهم تصير فيه نكبات..
    أقوى نكبة كانت بمادة الحاسب,, مجموعة من الطلاب مروا على مكتبة وحدة وصمم لهم المشاريع بنفس الشكل فلما جا وقت تقديم المشاريع انكشف واحد منهم
    هذا غير انه راح يسألك في شغلك فابدى اشتغل عليه من البداية وريح نفسك من صداع الراس واستغلال المكتبات..
    نقطة ثانية راح تكون في صالحك وهي إن تقييم المشاريع بيد المدرس فكل ما شافك مهتم وتعدل كل ما ضبطك في الدرجة

    نسبة كبيرة من مشاريع الطلاب تاخذ الفل مارك إذا تعبوا عليها فلا تحدون عمركم على غيركم

    الأعمال التطوعية يمديكم تسوونها قبل ما تجي الميدتيرمات الأولى عشان ترتاحون من ضغط الوقت..
    راح يكون فيها فلة وسعة صدر ومنها انك تغير جوك فلا تاخذها على انها تكليف تفتك منه وتمشي



    إلى هنا تكون أهم الأشياء في تجربتي انتهت وراح أتكلم عن نقاط متفرقة:

    *لا تتعب نفسك في الهجولة بين الأقسام لما تجي تستفسر عن موضوع يمديك تستخدم الايميل الجامعي في التواصل وراح يجيك في أغلب الأحيان رد شافي لاستفسارك ,,,, الايميل وسيلة رسمية للتواصل وعضو هيئة التدريس ملزم بالرد على استفساراتك
    لو كنت تشوف إن الموضوع عاجل وما يحتمل التأخير فوقتها بكيفك لكن مالها داعي تتعب نفسك وتتعب غيرك في الاستفسار عن كل صغيرة وكبيرة..


    *الساعات المكتبية مفيدة جدا وبيني وبينكم الدكاترة وخصوصا قسم الريض ينتظرون أحد يمرهم فيها فراح تفيدك كثير ويمديك تسأل عن أي شي تبغاه..


    *حاول ما تتأخر عن المحاضرات عشان ما تعطي انطباع سيء عنك وتتعب في فهم الدروس وكل ما تعودت على الحضور بالموعد كل ما ارتحت وصار الوضع عادي عندك..


    *مواقف الأدوار تهرب جزء من موية المطر وينزل معها مواد بناء فتأثر في بوية السيارة وتعدمها
    عندك حل لهذي المشكلة وهو انك تجيب عصير ليمون وتمسح فيه البقعة راح يفككها ويشيلها بس خلك صبور احتمال تخلص نص علبة عصير <<< السالفة تضحك بس مجربها بنفسي


    *لا تتحطم لو نزلت لك درجة سيييئة في ميدتيرم الأهم انك تحاول مرة ثانية وتستفيد من غلطتك اعتبرها محفز لك ولا تحط براسك كلام اللي استسلموا وقالوا عنها تعجيزية..


    *تنظيم الوقت أهم شي في السنة التحضيرية
    كل ما نظمت وقتك كل ما ارتحت وافتكيت من الضغوط ,,, لو كنت من النوع اللي طلعاته كثيرة فخفف منها تراها سنة وحدة وبعدها يتحدد المسار اللي بتمشي فيه..
    لا يهمك كلام الناس عن مصطفى وما مصطفى في نهاية السنة أنت اللي بيتخصص وأنت اللي بيحصد نتيجة عمله
    خل عندك نوع من الاتزان..
    لا تقطع طلعاتك تماما مع أصحابك وفي نفس الوقت لا تكون من النوع اللي كل يوم يروح ويقابلهم أنت أحوج لوقتك


    *تجربتي مع اختبار الآيلتس للغة الانجليزية كانت وحدة من أمتع التجارب اللي مرت علي في هذي السنة
    هذا الاختبار ميزته انه يعفيك من دخول الاختبار النهائي لمادة اللغة الانجليزية لو حصلت على درجة 5 من 9 ...
    الجامعة ما رضيت تختبرني بحكم ان مستواي أقل من المستوى المطلوب لدخول الاختبار لكن حجزت موعد خارج الجامعة في حي السفارات والحمدلله ضبطت معي وجبت نسبة فوق اللي يبغونها <<<< كبر راسي وجلست أستهبل على أصحابي اللي دخلوا مستويات أعلى وجابوا أقل مني
    جرب حظك معاه لو كنت تحس ان انجليزيتك ممتازة..



    حاليا أتوقع إني قلت كل اللي أبغى أقوله ومالي غير إني أدعي لكم بالتوفيق والله ييسر لكم دراستكم
    إن شاء الله راح نكون موجودين في المنتدى عشان نساعدكم في الأشياء اللي تصعب عليكم



  5. #5
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة ماريه - سنة تحضيرية - مسار علمي



    تجربتي مع السنة التحضيرية
    ـــــــــــــــــــــــــ

    الترم الأول
    البداية والصعوبات اللي واجهتني :


    أول يوم كنت متحمسة مره للجامعة وحاطه في بالي اني ماراح انزل عن معدل 5 ان شاء الله ، دخلت من ليفل 1 انجليزيتي كانت صفر وخفت مره يوم قالولي الاختبار النهائي موحد ، بس توكلت على الله وقلت بشد حيلي ، بدت الدراسة وبدت المشاريع تتراكم وبدت همتي تضعف وصرت احس اني آلة ، تعبت نفسيتي لدرجة اني فكرت اسحب ملفي من الجامعة الدوام كان طويل ومرهق خصوصا اني اجي مع باصات الجامعة كنت أقوم من 5 الفجر وارجع البيت الساعة 2 وربع او 2 ونص تقريبا وعندي يوم في الأسبوع ارجع الساعة 5 الشي الثاني امتحانات يوم الخميس كانت مسببتلي ازمة صراحة احيانا ماالاقي أحد يوديني الجامعة ماكنت عارفه افكر بالمواصلات ولا افكر بالامتحان حقي والحمد لله عدت على خير
    متطلبات كل ماده كانت كثيره وماكنت عارفه كيف اقسم وقتي ولا أبدا بأي مادة وماكنت حابه عمل المجموعات كنت أحسه يقيدني ومايعطي كل طالبه حقها ، طبعا اهملت المذاكره وجاني تبلد فكرت اني مستحيل آخذ درجة كاملة في أي مادة في الجامعة فما صرت أذاكر الا اذا قالوا بكره امتحان وطبعا كنت أروح مواصلة وحالتي حاله في كل امتحان ، بس الحمد لله في النهاية جبت معدل فوق ال 4

    التيتشرات وتعاملهم :
    درسوني في الانجلش تيتشرتين وحده أمريكيه ووحده بريطانيه كانوا مره متعاونات ويشجعون البنات انهم يطورون لغتهم ،في النهج درستنا تيتشر سعوديه مره أخلاق وحريصة انها ترفع من مستوى طالباتها ودايما تشجعنا اننا نطور من مهاراتنا بس هبلت فينا في البحث كل شوي ترسلنا تقولنا عدلوا كان ترسلي بريد الساعه ثنتين بالليل عشان أعدل على البحث حقي أذكر اني كنت فاتحه المسن انا وصديقتي واتراسل معاها عشان نعدل البحث مع بعض وقعدنا الين الفجرنعدل ، تيتشر الصحة درستنا وحده مصريه شرحها رهيب وحريصة جدا على طالباتها ، تيتشر الريض كانت سوريه صراحة شرحها ماكنت أستوعب منه مره فما صرت اتعب نفسي واحاول افهم في القاعه كنت اكتب كل الملاحظات اللي تقولها وارجع افهم نفسي بعدين اذا جيت أذاكر





    الترم الثاني :

    الترم هذا قلت بجهزله جدول ماراح يصير زي الترم الأول وراح أشد حيلي معدلي الترم الأول ماعجبني وحسيت اني كنت مهمله ، دوامي هالترم خرب علي ماكنت عارفه اني راح ارجع يوميا الساعه 5 ماعدا يوم في الأسبوع أرجع الساعة 2 وربع ، طبعا ماكان يمديني أسوي شي حتى أهلي ماعاد صرت أقعد معهم ، المادة الوحيدة اللي كنت مخليه يوم في الأسبوع أذاكر محاضرات الأسبوع كلها فيه هي الريض وهالشي ريحني كثييييير في امتحانات الريض حسيت بسلاسة وانا اذاكر المادة ، الترم هذا كان أخف ضغط من الترم الأول لغتي الانجليزية تحسنت كثيييير عن أول الحمد لله ، عرفت كيف أذاكر المواد ، حبيت العمل الجماعي مجموعتي اللي كانت معي في المشروع مره متعاونة الله يوفقهم وين ماراحوا اللي تعبنا هو اختيار موضوع البحث وبالأخير حولنا على فيلم وبصعوبة بعد لقينا موضوع ، المتطلبات كانت أخف من الترم الأول شوي ماعدا السلف ليرننق حق التقن رفعلي ضغطي عرض الباوربوينت عدته مرتين و التقويم عدته مره ثانيه عقب ماخلصته ونسقته وسويت كل شي طبعا مشروعي كان عباره عن باكج التيتشر ماوضحتلنا بالضبط وش نسوي طلبت منها نموذج لتقرير الباكج عطتني نموذج للويب سايت زهقتنا مره لين خلصنا من المشروع، الفكره اللي كانت عندي عن اني مااقدر اجيب درجة كامله في أي مادة في الجامعة راحت وجبت درجات كاملة في بعض المواد الحمد لله ، ندمت على معدلي حق الترم الأول اكتشفت اني كنت أقدر أجيب معدل أعلى بكثير من معدلي هذا لو اني شديت حيلي شوي وقسمت وقتي صح ، والحمد لله في النهاية معدلي صار فوق ال 4 ونص
    التحضيرية طورت لغتي الانجليزية بشكل كبير وخلتني اتعرف على صديقات اعتبرهم خوات لي اكثر من انهم صديقات وبنفس الوقت خلتني اعرف مين الناس اللي يصادقون لمصلحة ومين الناس اللي فعلا يستحقون الصداقة .


  6. #6
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة مزمز مريندآ ,, - سنة تحضيرية - مسار إنساني


    ,, ,,





    قبلْ 10 شهورْ بآلضبطْ وآلتمآمْ ، كنت هذيكْـ آلبنت آللي خآيفهْ وأحسْ أن آلتحضيريةْ حربْ عآلميهْ عآشره مو سنة درآسيه

    كنتْ خآيفه حيلْ ، ولو مآ صديقتيْ آلعزيزة كآنت معيْ ونروح ونجيْ سوآ ، كآن يمكن ضعت بين أروقة آلجآمعه < متعوب على أروقه
    رغم أن تحضيرية آلشرق [ مدرسة مكبّره ] ؛ صح أنهآ أصغر من عليشه بسْ أعتبرهآ مدرسة لأنهآ ملمومه على بعضْ وكلْ آلبنآت يعرفون بعضْ ومآ نضيعْ فيهآ وكلْ شيْء جميلْ
    بسْ تعتبر كبيرهْ و تجربة جديدهْ لطآلبة توهآ طلعت من مدرسة ثآنوية صغيره وبسيطهْ


    ’,



    كنت متحمسسهْ وفرحت لمآ عرفتْ أنيْ أنقبلتْ بجآمعة آلملكْ سعود وأرسلتْ أورآقيْ وسويتْ كلْ شيْء
    ودخلت آلنت أشوفْ يمكن ألقى صديقآتْ جميلآت وحبوبآتْ بنفسْ وضعيْ ونصيرْ سوآ ونتبآدلْ همومْ بعضْ ونتشآركْ حمآسنآ آلمتفجّرْ
    وأقبلتْ هنآ في [ تجمعنآ ] مع أولْ مشآركه ليْ في 1 رمضآن 1432
    ولقيتْ آلبنآت آللي كنت أدورهم
    ومشينآ سوآ بدربْ تحضيريتنآ



    ’,



    ونزلت لنآ جدآولْ آلبرنآمج آلتعريفيْ ، وقمنآ نسألْ بعضْ : مينْ آليوم آلفلآنيْ مين آلوقت آلفلآنيْ مين بتحضرْ معيْ !! < من يومنآ متحمسينْ مآ شآءْ آلله علينآ
    وحضرنآ آلبرنآمج آلتعريفيْ آللي كآنْ أكثرْ شيْء مهم بآلتحضيريةْ ومآ أنصح أحد يغره آلكسلْ ويخليهْ < نصيحه

    صحْ أنهم قآلوآ فيه تحضيرْ وهو مآ فيهْ تحضيرْ بسْ رحنآ وعرفنآ آلنظآمْ وأختبرنآ تحديدْ آلمستوى للغة الإنجليزيةْ
    [ وأذكرْ كآنت آلقآعه آلليْ أختبرتْ فيهآ مثلّجهْ وبرد مو طبيعيْ ] < وأولْ مآ رجعتْ قلتْ لبنتْ خآلتيْ ألبسيْ جآكيتْ وآنآ أختسْ

    تمشينآ وشفنآ آلقآعآت وأخذنآ لمحه على المكآن آللي بنخوضْ فيه تجربتنآ إبتداءً مـِـنْ
    الأسبوع القادِمْ . . . < أحسْ أنيْ عشتْ جو كأنيْ جآلسه أعيشْ هالأيآمْ آلحينْ



    ,’ ’,





    وجآءْ آلجمعه
    ونزلت جدآولنآ آللي كنآ نتظرهآ من يومينْ
    وبعضنآ جتْ آلسآعه 1 بآلليلْ وهم مآ نزلت جدآولهمْ بسْ آلشكوى لله < وحده من آلليْ سهروآ
    وطبعنآهآ وأخذنآهآ
    وأنطلقنآ مع زقزقة عصآفير آلفجرْ في أولْ يوم جآمعيْ لنآ < مره كنت متحمسه ذآكْـ آليومْ


    وحضرتْ فيْ ذآكْ آلسبتْ أطولْ يوم درآسيْ شفته بحيآتيْ
    [ كنت طآلبة مسآئية ] لذلكْـ كآن دوآميْ من 7:30 آلصبحْ إلى 3:15 آلعصرْ


    ورجعت بيتنآ متكسرهْ تمآماً
    ونمت على طولْ ، أهليْ رحمونيْ ولآ قومونيْ ولآ صحيتْ إلآ 11 بآلليلْ < جسميْ أرتآع مآ تعود إلآ على طلعة آلحصة آلسآبعه
    ودخلت آلتجمع على طولْ وأنصدمت أن فيه بنآتْ كثيرْ يبغون ينسحبونْ كآنوآ منزعجينْ أن آلدوآم طويلْ وأنهم مآ يقدرون على كذآ
    بسْ كلْ ردود أفعآلْ طلآبْ آلدفعه آلسآبقه كآنت أنهم كلهم مروآ بهالمرحله وأن خلآصْ هيْ مجردْ أسبوع أو أثنينْ بآلكثيرْ وبتتعودونْ


    وأذكر وحده من صديقآتيْ قآلت بأنسحبْ وبأروح لكلية آلمجتمعْ
    أنصدمت من آلدوآم ومن أولْ محآضرة لأن كآن عندهآ [ تقن = قرق هنديْ مدبلج إنجلشْ ]
    وفعلاً كآنتْ صدمه بآلنسبه لهآ بسْ آلكلْ وقف معهآ أمهآ وأبوهآ وآنآ وأقنعنآهآ أنهآ مآ رآح تخسرْ شيْء وآلحمد لله كملت وخلصت معنآ وجآبت معدلْ حلو




    [ آلطلآبْ وآلطآلبآتْ آللي بيآخذون آلتقن آلترم الأولْ هم بتكون عليهم آلصدمه أقوى لأنهم بيتفآجأون من آلتيتشرز و آللغة وآللهجهْ علشآنْ كذآ لآزم يضآعفون همتهم وتحملهم لأنهآ مجرد وقت ، أسبوع فقطْ وبتتعودونْ على كلْ شيْء ]




    * ملآحظة :
    أولْ أسبوع بآلتحضيريْ رآح يكون أطولْ أسبوع وبتظنون أن آلتحضيريْ تعبْ وكرف ووقتْ طويلْ بسْ صدقونيْ مجردْ أسبوعْ ، بعدهآ بتتعودون على كلْ شيْء . .






    ’,




    أولْ ترمْ كنتْ مسآئيْ ، ودخلتْ [ Level 3 ] وأخذت آلفصلْ الأطولْ [ صحه + إحص + نجم + نهج + عربْ ] بسْ كآن جميلْ وسهلْ ومقآربْ للثآنويْ أو أسهلْ بعد
    أشتركتْ مع صديقآتْ لي بآلشعبهْ علشآن نسويْ آلبحوثْ وآلمشآريعْ و من يومهآ مآ أحبْ آلبحوثْ وآلعملْ آلجمآعيْ آلمحيوسْ لأن دآيم يتركز فيهآ آلشغل على اثنينْ أو ثلاثْ وآلبآقي يسوون شغلْ أي كلآم
    أو أعتمد على أحد ويخرب عليْ آلموضوعْ ولآ يآخذه بجديهْ ، علشآن كذآ كنت أفضلْ أقوم بآلشغل لحآليْ وأتعب فيهْ أحسن من أننآ نكونْ كثيرْ وآلشغل مو تمآمْ
    وآحد من بحوثنآ قلنآ بنكلفْ فيه مكتبه ونتفرغ للبحوثْ آلثآنيةْ وخربْ علينآ آلبحثْ وكآن أفشلْ بحث ْ شفته بسْ تدآركنآ آلوضع وسوينآ بحثنآ وسلمنآه أخيراً
    وتوقعنآ أن آلوقت يكفيْ بسْ للأسفْ سلمنآ بحثنآ بآخرْ أسبوعْ ولآ كآن فيهْ وقت ترآجعه لنآ آلدكتورة وتقول لنآ أخطآئنآ علشآن نعدلهآ . .

    الوآجبآتْ كآنت أخف شيْء عليّ ، لأنهآ كلهآ آنآ بأسويهآ وشغلْ منفرد وأضمن درجآتيْ فيه و يكون شغلي مرتب وعلى نسق وآحدْ وأفرح بآللي سويتهْ بآلنهآيهْ . .




    *ملاحظة :

    - لآ تشتغل جمآعيْ مع أحد إلآ إذآ تأكدت من أنه قد آلشغل ومآ رآح يتسآهلْ ويتهآونْ ، يعنيْ أخترْ آلنآسْ آلصحْ علشآنْ مآ ينكبونكْ بآلأخيرْ . .
    - لآ تعطيْ مكتبة بحثْ وتقولْ سووه ليْ ، أنت تفرغْ وسوْ بحثكْ بنفسكْـ وريحْ ضميركْـ وأضمن درجآتكْـ . .
    - آلوآجبآتْ والأشيآءْ آلليْ تحسْ أنهآ سهلْ وبآلرآحه تجيبْ آلفلْ مآركْـ فيهآ أتعبْ فيهآ وجبْ آلفلْ مآركْ ، وخلْ آلنقصْ للظروف آلقآهرهْ . .
    - من تعرف أن عليك بحثْ أو وآجبْ قوم أركضْ وجهزه وخلصه ، وقدمه قبل آلموعد آلمحدد بأسآبيع علشآن يمديكْـ تشوفْ أخطآئك وتصححهآ قبلْ ينضغط آلوقت بآلواجبآتْ والإختبآرآت وغيرهآْ . .





    ’,



    كنت تبعْ بآصْ خآصْ ، أقوم من آلسآعه 5 آلفجرْ وأجهز وأمشيْ للجآمعهْ
    إذآ وصلتْ بدريْ وصلتْ 6:45 وإذآ متأخر 7:20 . .
    وأرجع بيتنآ آلسآعه 4 كلْ يوم . .

    آلبآصآت كآنت تنظم وقتيْ كثيرْ ، لأني أجيْ بوقت محدد وأرجع بوقت محدد كلْ يوم ونتظم وقتيْ أكثر كذآ

    و كآن جميلْ أن نظآميْ تعدلْ وصرت أوآصلْ لمآ أرجع وأجلسْ آذآكرْ أو أسويْ أيْ شيْء و 10 بآلكثيرْ آشطبْ أموريْ وآنآمْ بسلآم



    درسنآ شهرينْ تقريباً ، وجت الميد تيرم و أختبرنآ نحمدو كلْ شيْء صآر أوكيْ

    * آلإنجليزيْ أنتقلنآ لـ level 4 وبدينآ مرحله جديدهْ ومنهج جديدْ فيه . .
    * آلصحهْ كآنت ليْ قصةْ معآه ، تشآبه عليْ أسمْ محآضرتينْ [ غيبوبة آلسكرْ ، دآءْ آلسكريْ ] وطوفت عليْ محآضرة دآءْ آلسكريْ مآ ذآكرتهآ مع أنهآ كآنتْ أطولْ محآَضرةْ ، وطبعاً أكلت هوآ بآلميد تيرمْ وقررت مره ثآنيهْ أشوفْ آلجدولْ زينْ < أحسن . .
    * آلنهج آلحمد لله خلصنآه [ سوينآ عملْ تطوعيْ جمميلْ جداً وكآن أحلى يوم صرآحهْ " أشكرْ كلْ بنت شآركتنآ ذآك آليوم " ] . .
    * آلعربْ كآن جنآنْ [ أبد قوآعدْ رآبع إبتدآئيْ + إملآءْ + تعبيرْ ] < بآقيْ خطّ بسْ . .
    * الإحصْ حظيْ معآه مو جميلْ ، كآنت حآسبتيْ تشتغلْ أوكيْ وإذآ جآ يوم الإمتحآنْ توقفْ < للحينْ منقهره على هالحركه
    بسْ آلحمد لله خلصنآه على خيرْ [ رغم أنه كآن أسهلْ من آلريضْ من وجهة نظريْ ] . .



    وبعد شهريْن ثآنيةْ أختبرنآ آلفآينلْ وشفنآ معدلآتنآ لأولْ مرهْ ، وكآنت حلوه ولله آلحمد وعرفت أخطآئيْ وحآولت أتجنبهآ وأتلآفى أيْ خطأ مره ثآنيةْ . .

    < قصدهآ تشوفْ آلجدولْ زينْ






    ,’ ’,







    آلفصلْ آلثآنيْ






    رجعنآ لجآمعتنآ من جديدْ وبديتْ بهالفصلْ Level 5 بآلنجمْ وكآن شيْء جديدْ علينآ ، لأن كتبْ آلتوتشْ ستون تغيرتْ
    وأخذنآ كتبْ آلسكيلز للرآيتينقْ وآلسبيكينقْ وآلليسنينقْ وآلريدينقْ
    كآنت أحلى من آلتوتشْ ستون وحسيتْ فيهآ أنيْ أدرسْ صدقْ ،وصرتْ أعرف آلمطلوبْ إيشْ من آلكتآبْ ، بعكسْ آلتوتشْ ستونْ . .
    بسْ آللي مآ كآنْ جديدْ أنيْ بقيتْ [ مسآئيْ ] < كنت متوقعهْ أصيرْ صبآحيْ وبغيتْ أهآوشهم بسْ دريتْ أنيْ بأرجع وكأنكـ يآبو زيد مآ غزيتْ



    آلتقنْ كنت مستغربه أن آلكلْ كآن يذمه مع أن أغلبْ آلطلآبْ كآنوآ جآيبينْ فيه A+ بآلنهآيه علشآن كذآ قلت يلآ يآ شآطره جيبيْ فيه A+ عيآلْ آلنآسْ مبْ أحسنْ منكْ

    دخلته مع أولْ محآضرة ليْ وحسيتْ بشويْ صعوبه ، أولْ مره أشوفْ هنديه تتكلمْ أنجليزيْ < لآ وآكسنت بريطآنيْ بعد آلله يخلفْ علي
    بسْ كآنت طيبهْ ، درستنيْ تيتشرْ [ مآنآوآرْ ] وكآنت قمةْ صرآحه ، تحملت بثآرتنآ وإزعآجنآ وشطحآتنآ خآصة وقت إختبآرآتْ آلمودلْ
    كآن مودلْ [ All about computer ] هو أصعبْ مودلْ وأكثرهم مللاً ، بسْ آلحمد لله خلصنآه وبدينآ بآلوورد وآلبآور بوينتْ والأكسلْ ، وكلهم كآنوآ أكثر متعه وحمآسْ وونآسه ، كنت إذآ سويتْ ملفْ وورد وشفته شلون مرتبْ أستآنسْ أحسْ أنيْ شيْء < مع نفسسْ

    كنت بإختبآرآتْ آلمودلْ مآ أدريْ وشْ آذآكرْ وإيرآ كنت أحسه سخيفْ ومآ أفهم منه كثيرْ ، فقررت أنتبه مع آلمرآجعآت آللي تسويهآ قبل آلإمتحآن + أدرسْ آلمذكرآت وآلمذكرآت آللي ترسلهآ لنآ آلتيتشرْ عآلبريدْ وبسْ ، وآلحمد لله كآنت درجآتيْ فيه حلوه وممتآزه

    مشروع آلتقن كآن عبآره عن كويز بإستخدآم قوقلْ ، لكنْ فيه طآلبآتْ آلفصلْ الأولْ وطآلبآتْ آلعلميْ كآنوآ يسوون موقع إلكترونيْ
    آنآ سويتْ آلكويز مع عرضْ بآوربوينتْ بطريقة آلعملْ + تقريرْ بآلوورد عن آلمشروع نفسهْ
    بسْ كنّت مره متهآونه ولآ بديتْ إلآ بالأخيرْ وكنت مره مضغوطه لكنْ آلحمد لله جت آلعوآقبْ سليمهْ

    بسْ أحلى شيْء بآلتقن أنه مآ فيْ نهآئيْ أختبآرآتْ مستمره وبسْ



    آلعلمْ كآن ألطفْ مآده درستهآ بآلتحضيريْ ، علم نفسْ على حللْ شخصيتكْ على ... مدريْ وشلون بسْ آلمهم آنه أحلى شيْء بيدرسونه طلآبْ الإنسآنيْ
    وآلكلْ بيجيبْ فيه آلــ A+ بآلرآحه إن شآءْ آلله
    بسْ هنآ كآنت تجربتيْ غيرْ
    كنسلنآ موضوعْ [ آلبحثْ ] وقلنآ بنسويْ فلمْ و آنصحْ آلجميع بآلفلمْ ، أسهل وأمتع وأكثر تعآون وإنجآزْ من آلبحثْ [ نصيحة سوو أفلآم لآ تسوون ْ بحوثْ ]
    وغيرنآ سآلفة [ آلعملْ آلتطوعيْ ] وسوينآ بدآله عرضْ بآوربوينتْ عرضنآه قدآم آلطآلبآتْ بآلكلآسْ [ وبعد آلعروضْ أسهلْ تكآليفْ وسرعه من آلعملْ آلتطوعيْ إذآ أنتوآ جريئينْ بآلتقديمْ ] . .


    آلريضْ صآبتنيْ فيهْ مصآيبْ الإحصْ [ شكلْ مخيْ عنده عقده مع الأرقآمْ ] مع أنيْ أحبْ آلريآضيآتْ وأستمتع فيهْ بسْ موآقفيْ معه مآ تشرفْ
    ليلةْ آلميد تيرم الأولْ جآنيْ رعآفْ شديدْ وسهرت آلليلْ كلهْ ودآومت ثآنيْ يومْ موآصله ومرت على خيرْ . .
    في يوم آلميد تيرم آلثآنيْ رحتْ أختبرْ وكنت مذآكره أوكيْ وآلحمد لله قلت بأجيبْ آلفلْ مآرك هآلمره وأعوض آلميد الأولْ
    وتفآجأت بدرجتيْ بعدينْ ولمآ رحت أشوف ورقتيْ أتأكد ... كآنتْ آلصدمه ...

    أسئلة الإختيآريْ :
    أحلْ المسأله جنبْ آلسؤآلْ صحْ بآلرصآصْ بسْ أختآرْ من آلخيآرآتْ غلطْ [ وبالأزرقْ أختآرْ بعدْ ] < لآ تعليقْ
    ومآ وآفقتْ تعتمد حلوليْ للمسأله وأخذت الإختيآرآتْ بسْ
    ورآح عليْ كثيرْ للأسفْ


    < أبويْ يقولْ خلهآ تروح دفآعة بلآ وآنآ أبوتسْ < يآ حبيْ لكـ بسْ


    وبعدهآ حددنآ رغبآتنآ ورتبنآهآ
    وجت أيآم آلمرآجعه



    وأختبرنآ آلفآينلْ




    وودعنآ ذيكْـ الأيآمْ آلحلوهْ
    وصديقآتيْ آلليْ عرفتهم وتعلقتْ فيهم في سنةْ جمعتنآ بكلْ آلظروفْ
    سوآْءْ تعمقت معهم أو كنآ سطحيينْ
    كلهم حبيتهم
    ومآ زلت وبأبقى أتوآصلْ معآهمْ


    [ فديتهم ]


    وآلحمد لله طلعت نتآيجنآ وفرحنآ بتعبْ هآلسنه وآلله مآ يضيعْ تعبْ أحد
    وإنْ شآءْ آلله نتخصصْ بآلليْ نحبْ وآلليْ نبيهْ وآلليْ فيه آلخيرْ لنآ أولاً وأخيراً




    أدريْ طولت عليكمْ ، مع أنيْ أحسنيْ مآ قلت شيْ < بآللهيْ



    بسْ نصيحه لكلْ طآلبْ تحضيريْ
    من أولْ يوم [ أسسستمتعوآ بتحضيريتكمْ ] ترى ـآ مآ تتكرر هآلسنة ومسستحيلْ تعيشونهآ مرتينْ




    وشكراً لمن نكبنيْ <




    الإمضآءْ :
    مزمز مريندآ <




    ,, ,,
    التعديل الأخير تم بواسطة smile sh ; 11th June 2012 الساعة 04:15 PM

  7. #7
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة w.s.o - سنة تحضيرية - مسار صحي

    بسسم الله الرحمن الرحيم
    السلام عليكم ورحمة الله وبركاته
    مسيرتي في هذه السنة الأجمل والأروع في حياتي
    ولله الحمد

    (مرحلة القبول والتسجيل )


    أنا أشوف إن أفضل مقدمة للموضوع تجدونها في هذا الرابط

    http://www.cksu.com/vb/showthread.php?t=300240&highlight=
    هذا كآآن أول موضوع لي في التجمع <لحد يضحك على أحد
    بعدها بيومين كان عندي مقابلة شخصية وكنت قآآمط أقوى شيء
    رحت المقابلة طقطقوا علي الدكاترة شوي لكن الحمد لله عدت بدوون أعياد وآآضحة
    بعدها مدري وش جآني صابني يأس قلت مآآراح يقبلوني
    لإني شفت في يوم المقابلة ناآآس وجيه درآآسة صدق<مو مثلي
    قررت أقدم على كلية الضباط ومجهز أوراق <وضامن الدخول بعد
    جآآتني رسالة للحين محتفظ فيها يقولون إنك قبلت في الجامعةةة
    وجيييت طآآآير من الفرحةةةة

    (الترم الأول)
    كآآن ترم سيء جداً بالنسبة لي
    مع إني من سكان الرياض ومتخرج منها إلا إني سكنت بالسكن الجامعي على أساس أنظم وقتي وأتفرغ وكذا
    وكل هذاآآ مآآ حصل
    بدآآيتي كانت بلفل 1 بالإنجلش <ويخب علي
    كنت برحة قصدي جنط 16 مدري وين الله حاطني بالإنجليزي
    لكن بعد التحضيرية صرت بريطاني إلا ربع <
    صرآآحة مآآعرفت أنظم وقتي
    كنت مسنتر على المنتدى كل يوم
    إنكبت كثيير في الميد الترم الأول لجميع المواد بإستثاء الإنجلش
    <صآآر لها سالفة مآآ أقدر أقولها مايعرفها إلا طلاب G 193
    بعد الميد ترمزز ضغطت على نفسي وحآآولت أتدارك الموقف وطلعت بنتيجة
    حمد لله إلا بالتقن الله لا يوفقهم جبت فيها معدل موو ذآآك الزود
    طلعت من الترم الأول وأنا أقول وش الكرف ذآآ المواد صعبة ووتعجيز ومدري إيش
    أثريهآآ مآآ تسوى شيء مع كلية العلووم
    وأخيراً طلعت بمعدل كآن يعتبر متوسط على مستوى الطلاب في الفصل الأول

    (فصل الإنتفآآضة العظيمة)
    الترم هذا كآآن أكثر ترم تعبت وكرفت وفرحت فيه لكن الله يتممها على خير
    مع قبل أبدأ الترم وفقني الله وتعرفت على شخصين كانوا المرشدين لي والناصحين
    الله يوفقهم في الدنيا والأخرة
    (d z e k o )

    (Dr. E7saas )

    كآآن لهم الفضضل بعد الله في تجاوز هذا الترم بأفضل مما كنت أتوقع
    ولله الحمد وأنا مدين لهم كثييير جداً جداً مرة مرة مرة
    ولكن بإذن الله مآآ راح أصر لهم بالدعاء فهذا أفضل مآآيمكن أسمية رد الجميل
    كلية العلوم سمعنا عنها كلام كثيير (مقبرة الجامعة ) يكفي هذا اللقب المروع
    دخلت وكنت متوكل على الله ثم نصائح الشباب
    صحيح إني أخطيت لإني مآآ ذاكرت أول بأول وهذا المطلوب في كلية العلوم
    وهذا سبب لي ضغط رهيب في الإختبارات خصوصاً النهائي إلا درجة إني صآر بيني وبين النوم تتش<إحتكاك
    عديت هذا الترم وكانت درجاتي مرضية إلى حدٍ كبير ولله الحمد إلى مآآ قبل الفيز <إنتظآآر
    لكن إنصدمت في الكيمياء لإني داخل النهائي بمجموع عالي ونزلت قريدين
    لكن الحمد لله على كل حال
    عدينا هـ السنة التحضيرية وطموحاتنا معلقة على نتائج التخصصات
    الله يكتب لنا اللي فيه الخيره


    (نصائح مجرب وطبيب إن شاء الله )
    أولاً لطلاب دفعتنا "
    1_ إعلم أخي أن الله يقدر حياتك ومآآ سوف يحدث لك في الدنيا من قبل أن تطأ أرضها
    فإن كانت رغبتك الأولى مكتوبة لك سوف تدخل لا محالة إن شاء الله.
    2_قبول في رغبات لا تعتبر الأولى أو حتى الثانية في هذا المجال لا يعني إستنقاص لنفسك
    فهذا مجهودك ومستواك بين مجموعة من الطلاب و وجودك في تخصص تبدع فيه أفضل من تخصص تجيب العيد فيه .
    أتمنى لكم التوفيق في حياتكم

    ثانياً لطلاب السنة الجاية إن شاء الله :
    1_خروجك من الثانوي يعني خروجك من الثانوي <مشكلة اللي يواصل <
    أقصد نظام الجامعة غييير لكن أجمل
    2_ المذاكرة أول بأول حتى لو حسيت أن المادة سهلة.
    3_ طور نفسك في الإنجليزي قد ما تقدر هذا رآآبط لأفضل موضوع شفته في حياتي
    إدخل صدقني راح تستفيد
    http://www.cksu.com/vb/showthread.php?t=301520&page=1
    الله يوفقهم الشباب مآآ قصروا

    4_حط في بالك إنك لازم تضحي بحآآجات كثير وتنظم وقتك كل هذا عشان توصل لطموحك
    فكل من له طموح لابد أن يتوكل على الله أولاً ثم يبذل الأسباب ولن يخيب الله رجآآئك وتعبك
    أخيراً أعدكم بإسم دفعة 4321
    أننا لن نقصر بالنصائح لتتفادوا أخطأ لم نستطيع تفاديها



    ( المذاكرة )
    أنا إنسان لي طقوس خاصة في المذاكرة يعني لازم تتوفر شروط معينة عشان أبدأ أذاكر


    وهي كالتالي"


    1_ مكان هاديء لا يوجد فيه إلا أنفاسي العطرة


    وهذا اللي خلاني أسكن بالسكن الجامعي مع إني من سكان الرياض ومتخرج منها بعد


    2_ مآيكون حول أي شيء من التقنية الحديثة مثل الجوال واللآب إلا إذا كنت محتاج ترجمة أو أذاكر منه.


    وغير كذا أنا عكس كثير من الطلاب اللي يحظرون الإختبار من بدري عشان يتأقلم ويروق وكذآآ


    أنآآ دايم أجي القاعة أخر واحد ممكن هذا شيء موو كويس لكن تعودت عليه


    بسس هذي أهم الأمور








    وعلى طاري المذاكرة والكرف وكذآآ


    دايم تصير لي مواقف مع مادة الأحياء ومنها"


    في الإختبار الميد الأول قآآعد أذكر ثلاث أيام لين خلصت 7 فصول ونمت ليلة الإختبار مرتاح


    ومن سوء حظي ذاك اليوم قمت متأخر وكان إختبارنا يوم الخميس الساعة 8 الصباح قمت الساعة 7 وإكتشفت إن باقي لي فصل كآمل مآفتحته وكان عن الإنزيمات


    قلت مآلي إلا إني أقراه بإسترسال وهدوء وإن شاء الله يمديني وقعدت أقرأ وإنسجمت مع الدرس


    طالعت الساعة لقيتها 8:10


    وأخمش <أي ألتقط <


    أقرب ثوب وركض لكلية العلوم اللي كانت جنب السكن


    والحمد لله جبت درجة بطلة وكآآنت أعلى درجة بالشعبة


    ...


    (مجازفة الفاينل)


    في إختبار الأحياء كان مطلوب معنا 24 محاظرة منها 8 محاظرات مآآ إختبرنا فيها بالميدات


    وآنا ماني من النوع اللي يذاكر أول بأول


    وكان معنا 3 أيام بسس


    قلت لازم أشوف لي حل سريع ولا بتروح علي ..."


    جاتني فكرة شروحات اليوتيوب وكآن صاحب الفكرة العضو


    وأخونا الدكتور ..Xavi6 ..
    الله يجزاه عني خير الجزاء



    وبحثت في اليوتيوب عن الدروس اللي ما أخذذناها وحصلت هذي القناة "


    http://www.youtube.com/playlist?list=PL7A750281106CD067&feature=plcp


    صدقوني هذا الإنسان اللي يشرح أفضل من جميع دكاترة كلية العلوم أو على الأقل دكتورنا اللي كان يدرسنا


    وغير كذا لغته سهلة وسلسلة <على فكرة ترى أنا في لفل 3 يعني ماعندك أحد بالإنجلش


    والحمد لله من فضل ربي حليت بالفاينل ولانزلت ولا قريد يعني درجتي اللي قبل الفاينل كمآآ هي


    ممكن فيه أخطأ بسس أكيد إنها أقل من 8 أخطأ








    ( أصعب أيامي في التحضيرية )


    في السنة الطويلة هذي مرت علي أيام بغيت أترك التحضيرية وأنسحب


    هذي الأيام كانت بعد نزول درجات الميد ترم للفصل الأول للمواد "


    ريض 140 _علم 140 وتقن مقطوعة الطاري


    وبالتحديد بعد درجة التقن لإني أخذت أقل درجة بالكلاس


    والسبب لإني مآآ ذاكرت زين وكآآن عندنا دكتور نكبنا الله ينكبه


    وكآآنت ذيك الأيام أصعب أيآآمي في التحضيرية


    ولكن بعد أسبوع من الهم والتنفيس"


    نزلت درجات الإنجلش


    وردت لي رووحي لإنها كانت غير متوقعةة ..


    ومن فضل ربي حآآفظت على درجاتي في جميع المواد حتى النهائي


    إلا التقن نقصت فيها زيآآدة وكانت أسوء مادة عندي الفصل الأول للإسف


    لإني مآآ عرفت أتعامل معها....



    (مواقف قميلةة في هذي السنة )



    أجمل الأيام في حياتي موو بس في التحضيرية كانت في الفصل الأول وبالتحديد في كلاس


    G 193


    اللي لا يمكن أنسآآه في حياتي لإننآآ كنا قروب مثل الإخوان


    وأتحدى أي واحد بدأ من لفل 1 وكان مسائي ومآآ يعرف طلاب


    G 193 <<


    تبون تعرفون السر إسألوا الطلاب اللي كانوا يدرسون حولنا <


    .......


    "


    في محاضرة الريض كآآن عندنا دكتور أردني حبييب وكويس


    وكالعادة بعد الربع ساعة الأول لازم أفهي


    وبعد دقايق أرجع بسؤال صآآروخي وغالباً مايكون من النقاط اللي شرحها الدكتور وأنا مفهي <


    إلا مرة كنت مفهي وإنبرشت على الدكتور بذآآك السؤال اللي مآآله علاقة بالدرس لآآ وأزيدكم من الشعر بيت كان سؤالي ينقض ثابت من ثوابت الرياضيات والله مايحظرني الحين الموووهيم رد على الدكتور رد سكتني 5 محاضرات وراى بعض


    قالي " ي وليد إنته كفرت بالرياضياآآت يلزمك إتوووب "









    في كل سنة حصآد وأتمنى من الله العلي العظيم أن يرزقني الحصاد الذي حلمت به من صغير وحتى الآن.


    ختآماً أعتذر على الإطالة وأتمنى أنني إستطعت أن أصف هذي السنة الأجمل والأروع في حياتي


    في عدة سطور






  8. #8
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة Dr.Coincidence - سنة تحضيرية - مسار صحي






    مع اقتراب بداية الدراسة في جامعة الملك سعود قلت للاهلي خلينا نروح المكان ونتعرف على موقعه < ما شاء الله علي حريصة وبعد الكثير من الحوسة والهجولة لقينا المكان

    و بعد ما رجعنا جتني رسالة عشان أشيك على الموقع على قولتهم انه في شيء اسمه " اللقاء التعريفي "
    زيكم ما ادري وش السالفة في ذاك الوقت ... وانا الذكية لمن شفت جدولي قريت التاريخ بالمقلوب تماما وقلت شكله بعيد < والله ما اعرف في الميلادي شيء

    نمت نومة طويلة استانست لعبت الناس راحت للقاء التعريفي وانا فاغرة ما أعرف وش السالفة بعد أيام من ادراكي للوضع الي أنا فيه أرسلوا لي رسالة انه فاتني اللقاء التعريفي وطلبوا مني اني أشيك في الموقع مرة ثانية .. شيكت ولقيت وقت جديد للقاء التعريفي حقي < من فوق خشمهم

    رحت و انا والله ما فيني حيل < تبي تفوته مرة ثانية > رحت شفت اللقاء التعريفي طبعا كنت أعرف اننا راح نحتاج اللغة الانجليزية وانا بصراحة بين قوسين " صفر في الانجليزي " < أقولها بفخر وبدون أدنى خجل
    يقولون التحضيرية تسوي لك اعادة تأهيل متكاملة
    بصراحة طلعت من اللقاء التعريفي وانا ما أذكر شيء أغلب الوقت كنت نايمة و اتذكرت شيء من كثر ما تكرر

    التحضيرية انضباااط

    اليوم الثاني جيت ببلوزة سوداء وتنورة طويلة وجدا واسعة < تأثرت كان عن تحديد مستوى اللغة الانجليزية
    يعني يشوفون انت أي مستوى من 1 الى 6 أتوقع

    المهم جلسنا ومرة تدخل علينا استاذة وتقول مهم انكم تجاوبون كل شيء وبعدها جت وحده تقول اذا ما عرفتم شيء اتركوه ولا تخمنون عشان نعرف مستواكم الحقيق <

    حضرتي سويت الكلام الاول أحب الاختصار على نفسي والمكان الفاضي يقهرني لانه فاضي

    بعد كل ذا النكد رموني في لفل 3 الحمد لله مش بطال صح مشكورين بس لو أرفع شوي



    بداية الدراسة والجد .. شعبتي الجميلة كنا صحي مسائي عشان كذا كان علينا أول حصة ريض < ياله صباح خير > طبعا كنت متأخره ما شاء الله علي ولقيت الاستاذة تشرح والبنات يكتبون والوضع كان حماس حماس حماس وما تسمع غير صوت القلم في القاعة وقلبت الاوراق < تفووو يا الدفرات وانا والله لا عندي قلم ولا ورقة ولا شيء قلت أرقع نفسي أضحك عليها انها دافورة دبرت لي قلم وورقة وقاعدة أكتب والله من جنبها < بعد ما خلصنا رميت الورقة كانت حوسة

    طبعا ما كنت أعرف أحد مع حلول المساء < ترى عادي مساء وتحضيرية لازم نتأقلم > كان عندنا حصة انجليوز قالت لنا التيتشر تعرفوا على بعض < صرفتنا
    أشكال البنات كانت عدة أوضاع ضحكت عليهم فيها الاول والثاني والثالث واهم شيء الجوال شيء أساسي بس أنا كنت عكس شخصيتي مرة في حالي وما أكلم أحد
    كنت هاجدة مرت الايام والاسابيع وانا على هذي الحالة < مصدومة
    لازم أصحى 5:40 ص عشان باص الجامعة وبعدها أرجع الساعة 5:20 ويروح يومي كله في النوم مرات أحس اني في كل يوم أعدم ومرات أحس اني مرح أقدر أكمل .. و الحمد لله دعم أمي كان له سبب بعد الله سبحانه عشان أرجع لعزيمتي
    وأكون أكثر نشاط ضغوط التحضيرية كثيرة ودراسة ونكد وملل لكن الحمد لله كانت الشعبة حقتي متعاونة في كل شيء ما شاء الله لمن دخلت التحضيرية كنت أحس الجو راح يكون تنافسX تنافس لكن في شعبتي ما كان الموضوع بس دراسة كانت الشعبة جدا فاهية وطول وقتنا ضحك وسعة صدر سواليف العالم كلها موجودة عندنا طبعا أنا القائدة كنت أدج بالدنيا صدق



    كانت الدراسة وذي الامور تهمنا لكن كنا نعرف انه وقتنا لازم يصير متعة مع ذي الدراسة ..

    الترم الثاني نفس الشيء بس الشعبة فيها عاقلة شوي و الحمد لله انه ربي أنعم علي بشعبة نفس الاولى حتى الحقد مب بينها والحمد لله تنافس بصمت حنا مع بعض جيش واحد نحارب التحضيرية فلا تخافون كلنا في الهواء سوا يعني لا حسب انك انت الوحيد الي تعاني او انه قدراتك لا تقاس مثلا بــ 1000 شخص موجود يعني تنافس مع البقية بشرف وبحب



    أول شيء الانجليزي بصراحة توقعت أول ما دخلت التحضيرية انه اذا كنت من لفل 1 الى 3 مستحيل تجيبين 5/5
    أعرف التفكير هذا هبالة بس ما ألوم نفسي فيه كثير بنات بصراحة مب شرط يكونون من شعبتك يكسبونك أفكار وأوهام ممكن أحيانا تصيبك بالعجز عشان كذا خلي شعارك في التحضيرية الايجابية لو انت من النوع الي يعطي كلام الناس وجه زايد راح تشوفينهم ينجزون وانت وراهم فمن الحين خلي في اذنك سماعة ووخري الكلام الي ينرفز وكسري روس الي تتكلم وتقول لفل 1 ما يمشي

    ثاني صدمة جتني كانت التقن الله يعيد أيامه بخير بصراحة التيتشر تتكلم كذا " نالءبؤازلامللانةلا تايلستبنمرلاكىممنبيتابتتل انمىكلابيمسشنتسايبرللاانى م " ايش تقول ما ادري والبنات يكتبون وفيه بنت تسأل والاستاذة تعيد وتجاوب والبنت الثانية تقول لها حاجة بعدين طلعت بشنطتها !! < طيب وش قالت > حماس وحماس وحماس والتيتشر تمشي بالاسلايدات والبنات يحركون روسهم التيتشر تنط والكل ينط معها أقول لكم أنا ضغطي بدأ يرتفع

    ايش يقولون وايش يكتبون .. والحمد لله ذي الاسئلة والاوهام الي كانت فيني راحت طلع السالفة يبيلها فقط صبر طلعت في النهاية من التحضيرية و الانجليزي في جيبي

    الايام الاولى مع المواد الي هي تقن وريض والانجليزي عموما كلها يبيلها صبر والحمد لله الترم الاول عديته بمعدل جدا عالي < ما شاء الله بس لا تفكرون في الانتحار أسمع البنات يفكرون فيه بصوت عالي

    طبعا بيمرون كثيرين من المدرسين فيهم الكفؤ والغير كفؤ يعني لا يغركم جامعة الملك سعود العريقة العالمية انه ما فيها عيوب أحس عيوبها بتغطي البحر كله لو نشرناها

    التحضيرية انسانة غثيثة ايوا غثيثة ودي أشوتها لكن والله انها أفضل سنة دراسية عشتها الى الان كل الاشياء الي فيها صدق تغيرك والحمد لله التغيير كان للافضل
    لدرجة حياتكم راح تصير في الجامعة وليس في البيت اناس في التحضيرية بمختلف الطبائع راح تتعاملون معهم
    لو كان في كلامي بعض التشاؤم فهذا طبيعي في التحضيرية لكن اذا كان من باب الفضفضة حلو بس لا تعتمدون انه عذر عشان ما تدرسون

    ونصيحة :/

    اهم شيء ياااا من ستخلفون مقاعدنا في التحضيرية المجلس الاستشاري ثم المجلس الاستشاري ما نوصيكم فيه أيا من كنت لا تقعد/ين على هذا المنصب اذا ما تستاهل/ين قبل ما يرشحكم أحد شوفوا اذا انتم مستعدين تشيلون مسؤولية طلاب او طالبات قبل كل شيء لا يغركم الناس الي تناديكم وتفرح لكم ..
    لانه الموضوع أكبر من كذا كانت معاناتنا لانه ما في أحد يوصل مشاكلنا و الامور الي تصير لنا .. قبل ما تصيرون في المجلس الاستشاري اعرفوا وش هي قصته من أوله لاخر ..

    وتذكروا أهم شيء في بداية التحضيرية كلها " والله انهم من جنب الانضباط كله

    التحضيرية انضبااط






    ,,






    ,,
    التعديل الأخير تم بواسطة smile sh ; 10th June 2012 الساعة 05:58 PM

  9. #9
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة M.S.M.T - سنة تحضيرية - مسار علمي



    يومن من الايام في قديم الزمان كان فيه واحد أسمه محمد دخل التحضيرية على النية ولاكان يدري وش قصتها أو وش وضعها ما كان يعرف شيء أبد دخل الاسبوع التعريفي (طبعآ بشورت ) وطلع منه أول أوحضره يوم بيومه ورسمنا بهالتصوير وطلعت كأني (يآبوويّه ) عدت الامور على خير الحمدلله ..
    بدآية أول يوم كان علي تقن (مهارات الحاسب) وجانا ذا الهندي وقعد يبربر هالاردو انا الصدز ضاق صدري شلون بنفهم الحين وش يبي ذا ما في أمل نغيره لكن الحمدلله بعدين أكتشفت أن الهنود للتقن فقط
    آلزبده أول ما دخلت سلمت وقعدت بالمكان الفاضي الوحيد كالعاده أجي متأخر طاحت عيني على واحد سبحان الله أرتحت له لدرجة أول ماجآ البريك نشبت له والله ألف حمد لله طلع رجال وتفكيره نفس تفكيري ونعم الرجل والله إلا الان وانا اعرفه الحمدلله
    قعدنا مع بعض تقريبا أسبوعين في البريك وفي أغلب الاشياء مع بعض بالبداية كنت شاد حيلي لكن تعرفت على أكثر الكلاس وصرنا نطلع كثير وأخوياي اللي بالثانوية أطلع معهم وسط الاسبوع وضاعت الطاسة
    وأبوحميد قعد يقشر بصل بهالميد تيرم جا رصتن وحده تقن+علم+ريض+نجم وما قدرت ألحق ألا على الانقلش الحمدلله ما كان يبيله شيء بس الباقي كله دمار هينا أكتشفت إن المذاكرة أول بأول هي أهم شي ومع ذلك ما صرت اذاكر أول بأول
    نرجع على بدآيات الاسابيع والدراسة يوم من الايام على لخبطة الجدول وما عرفت له بحكم إني أول مره يمر علي لخبطت بين كلاسي وكلاس ثاني المهم دخلته إلا مب العيال اللي كنت معهم واطلع بسسرعه واشوف الجدول ثانية نفس الشيء وارجع أسوي نفسي أطالع من بعيد
    قلت على الله أبدخل يمكن حولوني المهم دخلت كلاس علم (مهارات الاتصال ) وأقعد سلمكم الله وأفخي بذاك الكرسي ساعتين وأشارك أسوي نفسي كويس عند الدختور المصري وشفت واحد أعرفه من المتوسطة سلمت عليه بوسط الكلاس ويهوش ذاك الدختور ومير أقمط وأقعد
    المهم بالاخير طلعت ملخبط الايام ما شاء الله علي وداخل كلاس غيري بس كويس تجربة
    نرجع لموضوعنآ بعد الميد تيرم والنتايج اللي ما تبيض الوجه حاولت أشد حيلي لكن الطلعات والوناسة تغري صرت أطلع كل يوم ولآ اذاكر ولا احل واجبات ولا أخلص مشاريع أو بحوث وتراكم علي كل شيء
    المفروض من البداية أسوي كل شيء (أذاكر+أراجع +أحل واجبات +ما أغيب ) لكن الحمدلله سويت هالشيء في الترم الثاني (ترم الدفره )
    الشيء الكويس الوحيد اللي كنت أسويه اني كنت أشارك بس مهنا فايده ولا عليه درجات كثيرة
    واللي ضيعني نومي في كلاس الريض 140
    نرجع لسالفت الكلاس عيال الكلاس الله يهيدهم من النوع اللي ما يخليك تركز خاصة في تقن ونجم (الانقلش) ماخذينها لعب واستهبال الله يصلحهم
    جت الاختبارات النهائية وكنت أكثر شيء شايل همه الرياضيات مع أنه مقدمات الرياضيات بس أنا كل الكلاسات تقريبا نايم ولا مفهي معه
    حتى ولا اختبار ميد تيرم جبت أكثر من 10 طبعا الاختبار من 15 كنت داج جدآ وطلعت بنتيجة D (مقبول) يوم شفت النتيجة ضاق صدري اسبوع ولآتهنيت بالاجازة لكن الباقي وسط ما عدا الانقلش A
    الحمدلله عدآ الترم الاول وكله أخطاء وأبي أصحح أغلاطي بديت ما أطلع وسط الاسبوع وانام بدري (مب كل الايام )
    ضبطت نفسي الترم الثاني
    بسس السبت والاحد والاثنين كان عندنا بريك ساعتين وبعض الايام تصير 3 ساعات يعني أنواع الطفش لاأقدر اروح البيت ولا أتقدر تسوي شيء
    من ناحية الدراسة شديت حيلي لكن ما ذاكرت أول بأول
    الحمدلله مرت الميد تيرم على خير ماعدا الريض 150 كالعاده ما اتعدى ا0 على اني مذاكرة اسبوعين
    الشكوى لله أخذت C
    خلصت السنة التحضيرية والحمدلله الترم الثاني شديت بكل اللي أقدر عليه وتمنيت أني شاد الترم الاول لكن الحياة تجارب
    اللي من الثانوي حبيت أقوله أنتبه اذا تبي هندسة لـ 3 أشياء
    1- القدرات والتحصيلي
    2-درجات الريض
    3-حضورك في الكلاسات لاتستحقره حتى لو كانت الساعات كثيرة أنتبه !!
    4-سجل في المنتدى قبل ما تقعد بكرسي الكلاس
    بالاخير الحمدلله سنة جميلة راحت بحلوها ومرها عرفنا نقاط ضعفنا وعرفنا كيف ننظم وقتنا تعلم من أخطاءك وحاول تصححها المره الجاية ..


  10. #10
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة Ớ ẃ ń é Ŕ - سنة تحضيرية - مسار علمي



    بسم الله الرحمن الرحيم


    تجربتي مع السنة التحضيرية.. ليست بجديدة
    فيها كان الألم الكثير و لكن كما يقال ( من رحم الفشل يولد النجاح )
    و سوف اختصر تجربتي مع السنة التحضيرية في جامعة الملك سعود



    البداية تتطلب تحديد الهدف #


    عندما بدأ التسجيل كانت اعيوني ناصبة حول الهدف المنشود
    و الذي جعلني استبعد الكليات الصحية , لأجعل الرغبة الأولى
    المسار العلمي الهندسي و الحمدلله تم قبولي و خطوت اولى الخطوات
    نحو هدفي .



    الانطلاقة تتطلب منا أن ندرك إمكانياتنا والتحديات المطروحة أمامنا #

    تم اعلان النتائج , حظرت الاسبوع التعريفي , اختبار تحديد المستوى للغة الأنجليزية
    دخلت الاختبار و قررت ان احل الأسئلة المتأكد منها فقط
    دخلت في المستوى الثاني ( كنت اتمنى الثالث ) ولكن حمدت الله و قلت
    الخيرة فيما اختاره الله و بالفعل حققت لي افضل الدرجات المرجوة مع
    تطور لغتي خاصة في مهارة الكتابة التي كانت نقطة ضعفي في المادة



    المثابرة..ليست سباقا طويلا, وانما هي مجموعه من السباقات القصيره #

    السنة التحضيرية كانت تشعرني بالمل احيانا بكثرة الاختبارات
    و ضيق الوقت للمشاريع , لكن سرعان ما تنقضي الايام حتى وصلنا الى نهاية سباقنا الاول
    التحضيرية .



    من خلال تجربتي .....

    أجزمت وإقتنعت أن كان هناك اعاقة او عائق فهي في طريقة تفكيرنا

    التعديل الأخير تم بواسطة smile sh ; 11th June 2012 الساعة 02:13 PM

  11. #11
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة ~Khalid~ - سنة تحضيرية - مسار صحي



    أولا السلام عليكم ورحمه الله وبركاته

    انا اسمي خالد طالب في المسار الصحي ,, طموحي طب بشري

    في بداية الاجازة الصيفية الماضية صراحه كنت محتار بين الملك سعود والملك خالد بابها بحكم انهم قبلوني طب لاكن بعد الاستخارهـ كنسلت فكرهـ ابها وعزمت على جامعة الملك سعود ولو اني عارف ان بتواجهني صعوبات

    قبلت بعدها في العلوم الطبية والصيدلة بجامعة الحرس وصراحه لو عطوني وقت افكر ممكن لانهم علموني المغرب وقالوا تعال الصبح وانا كنت خايف يختمون على الشهاده الاصلية ولو ختموا ما تنقبل بسعود الا لين تسوي اخلاء طرف منهم وهذي يبيلها وقت وسعود يبون الملف واخاف تروح علي ولاكن قلت ببالي لو انا مثلا دجيت بسعود بادخل علوم طبية والامور نفسها وباجرب بسعود يمكن اقدر للطب والحمد لله رحت للمقابلة الشخصية وكانت بكلية الصيدلة والمهم خالي كان معيد هناك ورحت بدري شوي ابي استبثر عليه ومنها دخلت القاعات والمعامل واعجبتني الكلية والله ,, المهم دخلت للمقابلة الشخصية وكنت صراحه خايف !! المهم لما دخلت كان هناك 3 دكاتره واحد والله يحسسك بالراحه والثاني يخليك تكره نفسك والثالث شخص عادي ويبدا واحد منهم بالسؤال والباقين يعطونك نظرات المهم اسئلتهم كانت اشياء عامة كالهوايات ورغبتك وليه سعود بالذات وهكذا

    بشروني بخبر القبول وبعدها ارسال الملفات وارسلتها باول يوم وارتحت منها وبديت اجازتي




    اول يوم دراسي لي بالجامعة


    صراحه ما نمت قبلها ورحت بدددري مره وكان اختبار تحديد مستوى والحمد لله ذاك اليوم عدى على خير والاسبوع الاول كان تعريفي وقروشه

    بعدها اول اسبوع دراسي كان اسبوع برضوه حوسه ولا اتذكر احد شرح ما عدا الريض اتذكره من ثاني محاضرة شرح لنا والاسبوع الاول كان خفيف ولا فيه شي

    من بدينا الاسبوع الثاني وبدينا دراسه و ما انسا يوم كنا نحضر بالبطاقات نلعب على نفسنا وهي محطوطة تسليك

    استمرينا بالدراسه وجات الامتحانات الشهريه والحمد لله عدت على خير ولو اني خبصت بتقن ونجم لاكن خيرهـ وعدلت وضعي بعدها

    كملنا للين جاء يوم الفرح لنا كطلاب ويوم المظاهره والحمد لله من بعد المظاهره تغيرت التحضيرية 180 درجة عن اول والله اصبحت احسن بكثير وربي على ما اقول شهيد

    وخلصنا الترم الاول ولله الحمد



    باتكلم عن الترم الاول بايجاز :
    1- حاول تقوي لغتك الانجليزية وتجيب +أ لان اهم ماده هي والترم الاول الانجلش اصعب من الثاني لانهم حذفوا الانجلش الطبي لنا
    2- لا تقول ما اقدر واللله تقدر انا كنت اقول شكلي بادخل علوم طبية والحين انا باذن الله ان شاء الله طب بشري
    3- حاول تخاوي الناس الحركة واللي تساعدك بمشاريع علم او تقن او حتى نجم
    4- اي شخص يحاول يحطمك دبر له اي تصريفه وخله يولي عنك والله يضيعك
    5- خل ثقتك بربك اكبر من اي شي وتاكد انك مجرد ما تعطي الشي حقه راح تجني الثمر
    6- هالترم تراه ترم المعدلات يعني لا تنزل عن 4.8 او 4.7 باقل الاحوال ولو اني اشوف الامر سهل تجيب فوق 4.8




    الترم الثاني وكلية العلوم



    هنا تبدا صراعك مع الدراسه صراحه وهنا يبان طالب الطب
    مابي اخوفكم بس هالترم شدوا حيلكم اكثر وابذبوا جهد

    ماودي ادخل في تفاصيل المواد لان هذي الفعالية غير مطلوب فيها تفاصيل المواد

    لاكن هالترم لو ما فهمت شي لا تبخل على نفسك بالخصوصي وانتم الحين تشوفون المنتدى وحاله السقوط فيه

    هالترم ذي بديناه وكلنا خايفين منه واللي نسمعه من كلام عنه وصراحه الدكاتره لا تعتمد عليهم ابد والله قليل اللي ينفع والباقين منظر وصوره 4*6

    الترم ذا مابي استرسل بالكلام فيه واتوقع بوقته راح تنزل فعالية عنه وعن مواده ووقتها باوضحها اكثر

    لاكن عندي نصائح لهذا الترم

    1- الخصوصي اذا ما عرفت شي وانصحك بالخصوصي المشهورين وراح ابينهم وقتها
    2- كل يوم بيومه والا تتورط >>> ما تعبني الا اني راكمت على نفسي
    3- اللله اللله بالصحبة الطيبة اللي تعين وتعاون
    4- لا تحاول تتقادح مع الدكتور وخلك بعيد حبك يزيد
    5- لا تغيب كثير لان الفيزياء والاحصاء فيها درجات مشاركه واغلب الدكاترة يخصم على الغياب
    6- حاول تستفيد من درجات العملي

    وبالاخير اتمنى لكم التوفيق وتحقيق رغباتكم

    اخووكم : خالد


  12. #12
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة nice student - سنة تحضيرية - مسار علمي



    تَجْرُبَتِي مَعَ السَنَهِـ التَحْضِيْرِيَهِـ ..

    بَعْدَ إكْمَالِي التَعْلِيم العَام بِالمَسَارِ الطَبِيْعِي ، أخذتُ شَهَادَةَ الثَانَوِيَةِ العَامَةِ مَعَ شَهَادَتَيْ القُدُرَاتِ وَالتَحْصِيْلي وَقَدَمْتُ فِي

    جَامِعَتَيْنِ ..

    وتمَّ القبولُ الأول فِي جَامِعَةِ المَلِكِ سُعُود ، فَرِحْتُ بَهَذَا كَثِيْرًا ، إلا أنْ كَلمَةَ " السَنَةُ التَحَضِيريَةُ " اسْتِوقَفَتْنِي .. ! كُنتُ مُحْتَارّا

    بَعْضَ الشَئِ ، هَلْ يَجِبُ عَليَّ أنْ أُكمِلَ وَأدْرُسَ التَحْضِيريَة ؟ .. أمْ أذْهَبُ إِلَى الخَارِجِ بَعِيْدّا عَنْ الأهْلِ وَالأحْبَابِ ؟.. اسْتَخَرْتُ

    رَبِيَ عَزَ وَجَلْ ، وَوَفَقَنِيَ اللهُ لَلدِرَاسَةِ فِي جَامِعَةِ المَلَكِ سُعُود .



    كَانَ الوَضْعُ غَرِيبّا بِالنِسْبَةِ لِي فِي الأسْبُوعِ الأوَلِ ، كُنْتُ أَشعُرُ بِالغُرْبَةِ بَيْنَ الطُلاب !

    لَكِنْ وبِمُرُورِ الوَقْتِ ، تَعَرَفْتُ عَلَى صُحْبَةٍ رَائٍعَةٍ ، كَانَ لَها الأثَرُ الكَبِيرَ فِي رَفْعِ الَمْعَنِويَاتِ بَعْدَ اللهِ عَزَّ وَجَلْ .

    كَانَ الدَوَامُ مَسَائِيًا فِي كِلا الفُصْليْنِ ، كَانَ الدَوَامُ مُمُتِعٌا فِي فَصْلٍ " العَلَمٍ والتِقَنِ " وَكَانَ مُمِلاً بَعْضَ الشَئِ فِي فَصْلِ " الصِّحَةِ

    وَالليَاقَةِ وَالنَهْجِ
    "..



    قَابَلتُ فِي هَذِهِ السَنَةِ ،أشْكَالاً وَأطْيَافًا مِنْ البَشَرِ ، مِنَ الجِنْسِيَاتِ وَالأدْيَانِ وَاللُغَاتِ .

    فَتَرَى ذَاكَ يَتَكَلَمُ العَرَبِيَّةَ وَذاكَ الإفْرِيقِيِّةَ وَذاكَ الأِنجليزِّيَة .

    كَانَ شَيْئًا مُمْتِعًا بِالنِسْبَةِ لِي ، لأنَّ مِنْ هِوَاياتِي أنْ أتَحَدَثَ اللغَات وأتعَلمَ بَعْضَ الكَلِمَات .



    إنْ قِيلَ لِي قيَّم أدائك ونَجَاحُكَ في السَنَةِ التَحْضِيريَةِ ، فَسَأقُولُ بِلا مُبَالغَةٍ : 100%

    لَمْ أكُنْ مُبَالِغًا كَمَا أسْلَفْت، إنمَا وَبِرَأيي الشَخْصِي ، أنِّي أَرَى أن السَنةَ التَحْضِيريَةَ تحتاجُ إِلَى الصَبْرِ وَالمُكَافَحةِ وَالعَنَاءِ لِكَي

    تَجْتَازَهَا بِتَفَوُقٍ وَنَجَاحٍ ..

    ولَمْ أَتَفَوَقْ إلا بِالصَبْرِ والمُكَافَحَةِ ..!

    فِي الفَصْلِ الدِرَاسِيِّ الأوَلِ ، كَانَ بَيْنِي وَبَيْنَ دَرَجَةِ التَفَوْقِ فِي مَادَةِ الـ 140 رِيض " +A " دَرَجَةٌ وَاحِدَةٌ فَقَطْ ، فأقْسٍمْتُ يَمِيْنًا

    أنْ أجْتَازَ هَذهِ المَادَة بالتَفَوقِ ، وَذَلِكَ لِسُهُولَةِ المَادَةِ ، ضَغَطْتُ عَلَى نَفْسِي ، وَكُنْتُ أسْهَرُ الليَالِيَ بُغْيَةَ التَفَوْقِ بِجَدَارَةٍ ،

    وعند مجيئ موعد الاختبار ؛ جَاءَنَا اخْتِبَارٌ سَهْلٌ لِلغَايَةِ ، وَبِتِقَتِي بِرَبِي ثُمَّ بِنَفْسِي ؛ اجْتَزْتُ هَذِهِ المَادَة بتَفَوق ، وَكَانَتْ

    النَتِيْجَةُ ..>>




    شِعَارُنَا فِي التَحْضِيرِية .. " لاتَسْتَسْـــــــلِمْ لِلفَشَــــــلِ "

    وكَمْ هِيَ مِنْ عَثَرَاتٍ وَاجَهَتْنِي فِي السَنَةِ التَحْضِيرِيَّةِ ..

    فِيْ مَادَةِ الُلغَةِ الإِنْجِلِيزِيةِ ، كُنْتُ لا أُفَضِلُهَا إلى آخِرِ لَحْظَةٍ ، لا لأنَهَا لُغَةً ، بل لأنْي لَسْتُ مُتَفَوِقًا فِيهَا ، كُنْتُ فِي المُسْتَوى

    الأوَل level 1 ، فِي الفَصْلِ الدِرَاسِيِّ الأوِلِ ، وَقَفْتُ مُسْتـسُلِمًا لَها ، وَقَبِلْتُ بِأيِّ نَتِيْجَةٍ لِمَادةِ الُّلغَةِ الإنْجِلِيزِيَّةِ ، وَفِي نِهَايَةِ

    الأَمْرِ .. >> +B

    فِي الفَصْلِ الدِرَاسِيِّ الثَانِي ، كُنْتُ أنْوي أنْ أُكَرِرَ تَجْرُبَةَ الفَصْل الدِرَاسِي الأول ، مَعْ عَدَمِ إقْتِنَاعِي الشَدِيد بِنَتِيجَة الفَصْلِ الأوَلِ

    ؛ وَلَكِنْ ..!

    كُنْتُ صَبَاحَ يَوْمٍ مُشْرِقٍ جَمِيلٍ ، أتَصَفَحُ إِحْدَى المَجَلاتِ فَاسْتَوقَفَنِي هَذَا البَيْتُ مِنْ الشِعْرِ ..

    وَلَمْ أر فِي عُيُوبِ النَاسِ عَيْبًا *** كَنَقْصِ القَادِرِينَ عَلى التَمَامِ

    فَقُلتُ : لِلهِ دَرُّكَ أيَا المُتَنَبِي ما أصْدَقَكْ ، مِنْ بَعْدِ قِرَائَتِي لِهَذَا البَيّْتِ تَأَكَدتُ أنِّي لَسْتُ فَاشِلاً ؛ إنَّمَا هُوَ الإهْمَالُ وَالكَسَلُ

    وَالإحْبَاطُ ..

    حَزَمْتُ أمرِي مَعَ نَفْسِي وَدَرَسْتُ مِنْ العَدِيْدِ مِنَ المَوَاقِعِ ، وفِي نِهَايَةِ المَطَافِ ..>>



    وَللهِ الحَمْد

    بَعْدَ أنْ رَأيتُ هَذِهِ النَتِيجَة ، تَأكَدْتُ أنِّي إنْسَانٌ عَظِيمٌ ، إنْسَانٌ نَاجِحٌ ، لأنِّي رَأيتُ نَتِيجَةَ تَعَبِي أمَامَ عَيْنِيَ مُفْرِحَةً ، مُرضِيَةً ،

    مُثْلِجَةً لِلصَدْرِ ، وَلِلهِ الحَمْدُ مِنْ قَبْلُ وَمِنْ بَعْدْ ..



    كَانَ اليَأسُ يَتَسَرَبُ إلَى نَفْسِي فِي بَعْضِ الأَحْيَانِ ، لَكِني وَبِمجردِ أَنْ اَطْلِقَ العَنَانَ في التَفْكِيرَ بمَنْصِبِي بَعْدَ التَخَرُجِ ،

    اسْتَجْمِعُ قُوَايَ ، واسْتَهْدِ بِاللهِ وأَعْدِلَ عَنِ التَفْكِيرِ باليَأسِ ..

    كانَتْ سَنَةً رَائِعَةَ بِكُلِ ماتَعْنِيهِ الكَلِمَةُ مِنْ مَعَانٍ لِلرَوْعَةِ ، فقَدْ ضَحِكْنَا سَوِيًا وَبَكِيْنَا سَوِيًا وَوَقَفْنَا سَوِيًا إِلى جَانِبِ بَعْضِنَا ،

    ومَارَسْنَا نَشَاطَاتٍ كَالرِيَاضَةِ وغَيْرُهَا مَعَ بَعْضِنَا البَعْضِ..



    إنْ قِيْلَ لِي : تَحَدَثْ عَنْ أعْضَاءِ هَيْئَةِ التَدْرِيْسِ ، فَسَأقُوْلُ :

    كَانُوا مُتَعَاوِنُونَ لِلغَايَةِ ، وَإِنْ لَمْ يَكُنْ مُتَعَاوِنًا ، فَلَكَ الحَقُ أنْ تَتَعَامَلَ مَعَ مَنْ هُوَ أكْبَرُ مِنْهُ فِي المَنْصِبِ لِكَي يُسَاعِدَكَ وَيَقِفُ إلَى

    جَانِبِكَ..

    بِالنِسْبَةِ لِتَجْرُبَتِي مَعْ عَمِيدِنا د . عَبْدُالمَجِيْد البِنيان ، فَلمْ ألْقَ مِنْهُ إلا كُلَّ خَيرٍ وَتَعَاوُنٍ ..

    حَيثُ أَرْسَلْتُ لَهُ يَومًا أشْكُوهُ تَظَلُّمًا حَدَثَ لِي مِنْ قِبَلِ أحَدُ مُشْرِفِي قِسْم مَهَاراتِ تَطْويرِ الذَاتِ ، فَلَم ألَقَ مِنْهُ إلا كُلَّ سِعَةِ

    صَدْرٍ وَتَرْحِيبٍ ..

    أرْفَعُ لَهُ القُبَعَةَ وَأُحَييهِ وَأشْكُرَهُ عَلى إخْلَاصِهِ فِي عَمَلِهِ ..



    إنْ قِيلَ لِي : أعْطِ نَصِيحَةً قَدْ تُفِيْدُ مَنْ خَلْفِكَ مِنَ الأُمَمِ مِنَ الطَلَبَةِ المُمَيَزِين ..

    سَأقُولُ وَبِكُلِ صِدْقٍ : لَاتَلْتَفِتْ إلى المُحَبِطِين ، فَهُم كَثِيرُونَ فِي السَنَةِ التَحْضِيرِيَةِ ، وَلا تَعْطِ لَهُم أدْنَى إعُتِبَار، وَلتَجْعَلَهُم صِفْرًا

    عَلَى اليَسَارِ ..

    بعض المحبطين قد يكون من اعضاء هيئة التدريس ! << كَيفَ هَذَا ؟

    سَأضْرِبُ لَكُم مِثَالاً لِكَي تَتَّضِحُ الصُوْرَة ؛ قُبَيلَ اخْتِبَارِ مَادَةِ الـ 150 ريض بِدَقَائِق ؛ دَخَلَ عَلَيْنَا إلَى القَاعَةِ أحَدُ أعْضَاءِ هَيْئَةِ

    التَدْرِيسِ الذِي يُدَرِّسُ هَذِهِ المَادَةِ ، وَقَالَ لِي وَلِمَنْ مَعِيَ مِنْ الزُمَلاءِ : لَنْ تَخْرُجُوا مِنُ الإمْتِحُان قَبْلَ إنْتِهاءِ الوَقْتِ الكَامِل وَهْوُ

    إلى السَاعَةِ 11 تَمَامًا " أي 3 سَاعَاتٍ "، الإسْتِدْلَالُ مِنْ كَلَامِهِ عَلى أنَّ الإخْتِبَارَ صَعْبٌ بَعْضَ الشَئِ ! بَعْضٌ الزُمَلاءِ أصَابَهُم

    التَوَتُرُ وَحُقَّ لَهُمْ ، أمَّا أنا فَتَوَكَلّْتُ عَلى اللهِ وَتَيَقّْنَتُ بِأنِّي دَرَستُ جَيِّدًا ، الإخْتِبَارُ كَانَ سَهْلاً لِلغَايَةِ ، لَكِنْ يَحْتَاجُ إلى حَلٍ طَوِيلٍ

    ، خُلَاصَةُ المَوْقِفِ : لَاتَلْتَفِتْ الَى المُحَبِطِين ..



    سِرُ النَجَاحِ فِي السَنَةِ التَحْضِيريَةِ هُوَ التَفَاؤُل ، والهِمَةِ العَالِيَةِ ..

    لا أُخْفِيكُم إنَّ هِمَتِي كَانَتُ تُنَاطِحُ سَحَابَ السَمَاءِ ، وَكَانَ المُدَرِّبُ ما أنْ يَدْخُلُ عَلَينا وَيَسْأل : مَنْ تَتَوَقَعُونَ حَصَلَ عَلى الدَرَجَةِ الكَامِلَةِ ؟
    كَانَتْ لِسَانِي تَنْطِقُ : انا ..

    لَيسَ غُرُورًا ، إنَّما الثِقَةُ فِي اللهِ ، ثُمًّ بِالنَفسِ ، ثُمَّ بِالتَعَبِ وَالمَجْهُودِ الجَبًّارِ الذِي أبْذُلُهُ فِي سَبِيْلِ إرْضَاءِ نَفْسِي ..



    لَنْ أكُونَ كَاذِبًا وَلا مُخَادِعًا إنْ قُلْتُ أنَّ " تَجَمُعً طُلاب وَطَالبَات جَامِعَة المَلِكِ سُعُود " كَانَ لَهُ أثرٌ كَبِيرٌ فِي مُسَاعَدَتِي فِي أغْلَبِ

    المَوَاد ، خُصُوصًا مَوَاد الفَصْلِ الدِرَاسِيِّ الثَانِي ..

    اعْتَبِرُهُ جَامِعَتِي الثَانِيَة ، شُكْرًا لِمًنْ قَامَ عَلَيهِ مِنْ طُلابٍ وَمُشْرِفِين وإدَارِيين .




    وَالدِي الفَاضِل .. مَنْ كَانَ يَدُّبُ رُوحَ التَفَاؤُل فِي نَفْسٍي كُلَّ صَبَاحٍ قَبْلَ أَنْ أرْحَلَ إلى الجَامِعَةِ ، فَقَدْ كَانَ يَشْعُرُ بِوَلَدِهِ ؛ أكْثَرُ مِنْ

    شُعُور وَلَدِهِ بِنَفْسِهِ ؛

    فَلِلوَالِدَانِ الدَوْرُ الأكْبَرُ فِي تَوفٍيرٍ الجًوِ فِي المَنْزِلِ لِلرَاحَةِ الجَسَدِيَةِ وَالنَفْسِيَةِ ، شَكْرًا لَكُما وَالدَايَ الغَالِيَانِ ..



    اخْتِصَارًا لِمَا قُلْت : السَنَةُ التَحْضِيرِيَةُ غَيَرَتْ حَيَاتِي مِنَ الأسْؤا إلَى الأَفْضَل ..

    وعَلَمَتْنِي الإعْتِمَادَ علَى النْفْسِ ، والعَمَلَ بِرُوْحِ الفَرِيْقِ ، وَالتَوَكُلُ عَلَى اللهِ وَحْدَهُ .




    أخِيرًا .. كَلِمَةُ شُكْرٍ وَتَقْدِيرٍ ..

    شُكْرًا إلَهِيَ عَلى نِعَمِكَ الغَامِرَةِ ، شَكْرًا وَالِدَايَ عَلى إخْلاصكُما فِي تَرْبِيَةِ الأجْيَالِ ، شُكْرًا تَحْضِيرِيَتِي عَلَى الإِنْضِبَاطِ ، شُكْرًا

    أيَا مُتَعَاوِنًا ، شُكْرًا لِكُلِ طَالِبٍ مُجْتَهِدٍ ، شُكْرًا لِنَفْسِي التِي أتْعَبْتُهَا كَثِيرًا فِي سَبِيْلِ نَيْلِ الدَرَجَاتِ العُليا ، شُكْرًا لِكُلِ صَادِقٍ

    مَعَ نَفْسِهِ وَمَعَ غَيْرِهِ ..

    كَلِمَةُ صِدْقٍ : مَهْمَا قُلْتُ وَمَهْمَا عَبَّرْتُ ؛ فَلن تُوْفِ بِضْعَ كَلِمَاتٍ وَعِبَارَاتٍ عَنِ التَعْبِيرِ عَنْ حَيَاتِي فِي السَنَةِ التَحْضِيرِيَةِ .

    شُكْرًا لِكُلِ مَنْ قَرَأ تَجْرُبَتِي ..

    أسْألُ اللهَ أنْ يُحَقِقَ الأمَانِيَّ .. وَمَا أجْمَلَهَا مِنْ أَمَانِي !!

    اخوكم : nice student


  13. #13
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة Dr.R7aldubai - سنة تحضيرية - مسار صحي




    بسم الله الرحمن الرحيم

    بأقسم مسيرتي مع تحضيريتي الى 3 اقسام :

    مرحلة التسجيل والتقديم :

    بعد اختبارات القدرات و بعد اتمامنا للثانوية العامة و مرورا بالمرحلة الثانوية بعد عناء لمدة 12 عام بما فيه من كسل وخمول و شدت حيل اتت لحضة اختبار التحصيلي وهو اللي عليه النسبة الاكثر في القبول في جامعة الملك سعود و الحمد لله عدينا الاختبار ، فتحت الجامعات التسجيل و قدمت على جامعة الملك فهد للبترول والمعادن وجامعة الملك سعود و وعدة جامعات اخرى و كان اول تقديم تقدمت به للخطوط الجوية السعودية <<< كانت امنتي ان اكون طياراً
    والحمد لله قبلوني في الخطوط الجوية في البرنامج التدريبي اللي يخرج طيارين وفي نفس الاسبوع طلع قبولي في جامعة الملك فهد للبترول في هذه اللحظة كنت في حيرة اروح لمين وباقي جامعة الملك سعود ما طلعت النتائج وارسال ملفاتها وأنا بصرااحه ابي سعود ولكن حسمت امري وقلت ما راح ارسل ملفي الا لجامعة سعود بس وهذا اللي صار وطلعت النتائج يوم 22/8 <<< شعور لا يوصف
    ~~~

    مرحلة قبولي بالسنة التحضيرية :
    و تم قبولي في السنة التحضيرية جامعة الملك سعود المسار الصحي ... ما تدرون وش الفرحة اللي جتني و كنا نتحرى بشوق بداية الدراسة في التحضيرية
    " بحكم اني جيتها كم مرة وانا في الثانوي ودايم امر من عندها صار بيني وبينها علاقة قوية " <<< انقلع بس
    و نزلوا لنا تقريبا قبل الدراسة بأسبوعين جدول فعاليات البرنامج التعريفي اللي بيكون يوم الاحد 6/10 قبل الدارسة باسبوع وكان الحضور اجباري للكل ...

    والله وحضرنا البرنامج التعريفي و تعرفنا على انظمة التحضيرية و كيف الحياة فيها
    بصراحة الكل كان متحمس في اول يوم و الوجيه كانت منوره <<< دفعة دفرة من جد

    ~~~
    مرحلة البداية الدراسية الجدية الكرفية :
    يوم السبت 12/10/1432هـ اول يوم بدينا فيه الدراسة وبصراااحة هاليوم يعني لي الكثير
    قضيت اول اسبوع افرفر في المبنى نكتشف و نتعرف على المكان <<< لازم ياخي
    تعرفت على طلاب في شعبتي بصراحة قليله في حقهم كلمة اخوان
    صار فيه تغيير في الدكاترة في اول 3 اسابيع وقروشونا بصراااحة وانا دخلت Level 1 ولكن كان عندنا مدرس كان يسولف معي وقفطني قال مستواك Level 3 <<< هنا انا رحت فيها هههههههههه
    والله والرجال ما قصر رفع اسمي وقال غيروه وفعلاً نقلوني Level 3 المهم صار مزاجي متعكر هذيك الايام ورحت اشتكي وكلن يسلك لي وما يعطيني وجه و كلمت العميد لأني أبي اقابله " قال يحلمووون اللي فيني يفكروون " <<< طبعا الكلام ذا زمان هاه
    فلقاني واحد اكن له كل احترام وكنت اذا اشكل علي شيء اروح له ، المرشد الدكتور : محود اسماعيل ربي ييسر امره وما يقصر معي والله لدرجة صارت بيني وبينه عزميات على الغداء هههههههه صار أخ اكبر لي والله
    وقالي حلك شيء واحد ، قلت تكفى وشو ... قال تروح لوكيل الشؤون الأكاديمية الدكتور : عبدالمجيد البنيان
    والله وتمت السنتره عنده يومين ، السكرتير حقه يقول بيجي بعد شوي وهو بالمكتب كان هذا نظام التحضيرية قبل المظاهرات هههههههه ورحت ورجعت وتكيت عندهم غصب وشوي الا ويدخل واحد مرسم ويكلم بالجوال ووراه طلابين يكلمونه و الرد البسيط منه " ارسلت ايميل ..؟؟ " قالوا لا ولا نعرف... قال هذا نظام التحضيرية ارسلوا ايميل بالاول وبنرد عليكم وامسكوا الدائري .. وتم تصريفهم ودخل الرجال مكتبه الخاص فقلطت معه انا داخل المكتب ... فتعجب الرجل قال وش قوة الوجه ذي <<< لاني بصراااحة اتشت من تصريفهم لي فهذا الموقف اللي عرفني بالدكتور عبدالمجيد موقف لا ينسى من كلا الطرفين وبصراحة انا اشتغلت مع الدكتور عبدالمجيد " في المجلس الاستشاري" ونعم الرجل والله ، تبدع وتلاقي احد يسمعك ويهتم باللي تسويه ...
    وتم الحمد لله ارجاعي من Level 3 الى Level 1 ولكن جنب شعبتي اللي كنت فيها بعد ما نشبت لهم ...
    وبعد فترة تعرفت على الشعبه الجديدة وبصرااحة لقيت كم شخص لو خرجت من التحضيرية بهم لكفاني
    طبعا الدوام كان مرهق شوي كان من 9 الصبح الى 6 المغرب كنا بعض الاحيان نصلي المغرب والعشاء في التحضيرية "دوامي الفصل الاول كان مسائي " <<< افضل دوااام صراااحة و فله
    جت فترة يقولون بيكون فيه مجلس استشاري للطلاب وهو اللي بيوصل اصواتكم للعميد مباشرة
    فقدمت وقبلوني وسوو مقابلات شخصية لنا والحمد لله اجتزناها و كانت تكلم واشرح وقل ليش ترشحت في 30 ثانية ...
    فكان السبب الوحيد لي : انو ما أبي اللي صار معي في الانجليزي وما ادري وين اروح ولا ألاقي احد يجاوبني
    و اسبوع تقريبا و بدأت الاختبارات الشهرية و عدينا الاختبار الاول على خير لكل المسارات ..
    وكان فيه طلاب متعثرين في مادة النهج للمسار العلمي ... و ثم اختبرنا الاختبارت الشهرية الثانية وكلينا هواء في الرياضيات ومواد اخرى وهي الشرارة اللي سببت " الربيع الجامعي للتحضيرية " وخيرها لازال وسيجني ثمارها طلاب دفعة 33
    وتم نفظ التحضيرية من عينات الشيبان والعينات الحجرية اللي كانت مسببة ازمة لنا
    و طلنا شوي من الثمار في الاختبارات النهائية " أسئلة معيارية وهي ذاكر 70 سؤال وبتجيك في الاختبار بالنص "
    وانتهينا من الفصل الاول ... اسبوع وبدأنا الجد والكرف في كلية العلوم
    كلية العلوم : "بإختصار"
    لا تعليق بصرااحة لا دكاتره او حتى مواد ياخي يكفيك المبنى يجيب الهم الله لا يرده ويعين شباب الصيفي عليه ... بصرااحة ما فيه شيء يذكر او شيء جميل في هالفصل للأسف
    و بدأت الاختبارات النهائية بعد الاختبارات الفصلية مباشرة وحيلنا مهدود بصرااحة ما فيه وقت وخاصة للي ما يذاكر اول بأول
    14/7/1433 هذا التاريخ لن أنساه ،
    الحمد لله الذي تتم به الصالحات انتهينا وطوينا صفحة التحضيرية بما فيها من ايام ممتعة وما تتكرر وبأيام الله لا يعيدها .

    ~~~
    وهانحن الآن ننتظر التخصيص وعسى الله يكتب لكل شخص الرغبة الاولى ويعطيه على قد نيته



  14. #14
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة aroooj - سنة تحضيرية - مسار علمي


    السلام عليكم ..
    اخباركم شنو مسوين ..!!!
    المهم الصراحه ترددت كثير انو اكتب ولا لا ..
    بس قلت في نفسي نكتب ليش لا ..
    المهم نبدا ..



    ماقبل التحضيري :

    كنت كثييييير خايفه وحاله وتوتر وقررت
    انو اقرا عنها واخذ معلومات من هنا وهناك وطبعا كنت مسنتره فيذا..ولله الحمد
    جمعت حصيله كافيه عنها صح كانت تمر علي معلومات سلبيه
    بس مايهم الايجابي يطغى ..



    البرنامج التعريفي :

    البداية كانت ايام البرنامج التعريفي صح رفعوا ضغطي
    لانو كان سادس ايام العيد مداومين قبل الناس ..بس كان يومين
    يوم تعريف عن السنه التحضيريه عرضوا لنا فلم وحركات
    واليوم الثاني كان اختبار تحديد مستوى ،،
    طبعا حلّوا كويس منشان تدخلون الليفل المناسب لكم مو تحوسون
    >وانصحكم انو هالصيفيه تأخذون دورات في الانجليش
    او ادخلوا مواقع مفيده ..



    وصلنا للتحضيري:

    كانت بداياتي ليفل 3 وكان جدولي مسائي
    < ع طاري الجداول تر عادي تتأخر اتذكر نزل جدولي الجمعه الساعه
    10 بالليل..
    نرجع لمحور حديثنا المهم وبدينا دراسه وكانت مواد جميله
    صح شوي بالبدايه تكون غثيثه بس بعدين راح تحبونها،،
    متى هالشي اذا اخذتوا المواد كـ متطلبات حياتيه انو تستخدمها
    في تطوير ذاتك وصقل مواهبك وهيك
    السمستر الاول اربع مواد والثاني مثله ..بس اسمعوا
    لا تنصدمون بطريقة الاسئله وانو درجاتكم تطير ،،
    مثلنا السمستر الاول دخلناها ع اساس الاسئله تكون مثل
    ايام المدارس وهيك بس اتضح لنا مع اول كبوة جواد انو فيه اختلاف
    لا تخافون مو صعبه بس يبي لها تركيز وفهم مو حفظ ومش حالك
    ماابي اتكلم عن المواد بشكل متعمق لان راح يكون لها موضوع مستقل ..
    المهم درسنا السمستر الاول وكانت تمر علينا ايام حلوه وايام مش ولابد
    بس كنا نتجاوزها ونصبر بعضنا ..

    <بقولكم شي خاص بيني وبينكم الناس في بداية التحضيري
    تنحف الا انا سمنت كانو البنات يستغربون مني بس بعدين
    نحفت >




    وانتهى هالسمستر وبدا الثاني واختلفت المواد والجدول صار صباحي
    وتتغير الشعب يعني شي طبعي ماتلاقون احد معاكم من شعبتكم الي قبل ،،
    (صح راح تعانون من تغير الجدول بالبدايه بس بعدين راح تتقبلونه
    اساسا غصب تتقبلونه ولا ماراح تمشون)
    وبدينا ليفل جديد صح انهم غيروا الكتب وجددوها
    وعطونا كتب ع اساس الليفل الاساسي بس احنا مقررين اننا ليفل 5
    كلاسات الانجليش كانت جميله بس محدثتكم كانت ماتهتم فيها كثير
    من الفلاحه الي براسها بس ماعليه المهم اننا تطورنا ..



    نوصل للاهم بعد هالكلام كله:

    هالسنه ممتعه اذا حبيتوها وتقبلتوها واخذتوها ع اساس انها
    دوره تدريبيه لكم للجامعه الام
    صح راح تعانون مع طول الدوام <هذا اكثر شي ازعج الطلبه
    بس لازم تتحملون ،،
    وشي ثاني التحضيري اغلب مشاريعها تتطلب قروبات
    فاختاروا قروب متعاون وحاولوا تخلصون اشغالكم
    بوقتها او قبل اذا تبون ترتاحون وكلش خلوه بوقته منشان
    ماتنضغطون ..< الحمدالله مااتذكر انو قد انضغطنا بشي


  15. #15
    تاريخ التسجيل
    Sep 2011
    المشاركات
    5,121
    الجنس
    ذكر

    رد: [ فعـالية تجربتي مع السنـة التحضيريـة ]

    مشاركة dr.kyan - سنة تحضيرية - مسار علمي



    بسم الله الرحمن الرحيم ,,



    مشاعر متضاربة ما بين
    خوف من القادم ,
    فرح لاستقبال مجمتع جديد ..
    غربة عن الاهل و الآحباب ,,
    توتر و ترقب لمبنى مختلف جذريا عن ماكنت العام الماضي فيه ,

    هذه مشاعري في أول يوم ددراسي ,
    في منتهى الروعة حينما اتذكر أيام و ليالي لن تكرر ,,

    الساعة السابعة تماما يوم السبت
    كنت ألهث بحثا عن قاعتي الدراسية (GA05)
    لالا ,
    بل كنت ممسكة بهاتفي المحمول أجري اتصال بـ(ميس بيش )
    لانها كانت رفيقتي في اول يوم ,
    هي من أزالت عني جو التوتر ,
    منذ دخلت من البوابة الرئيسية وهاتفي في أذني كنت أحاول الاتصال بها ,

    أعتقد استغرقنا عشر دقائق لنبحث عن بعض ,
    لا أعلم ربما التوتر أضاعنا كنت أبحث عنها ,و اكتملت فرحتي حينما وجدتها
    حينها تبادلنا التحايا
    و استئذنت كل منا للذهاب إلى قاعتها ,
    كان هذا حالنا اعتقد لمدة اسبوعين حتى تعرفنا و تكيفنا على الزميلات,,
    وخفينا بثارةة و تلزق ف بعض
    كنت في قمة النششاط و الحماااس ,
    كان أول يوم لي طوويل جدا يعني دوام كامل خ
    نجم صباحي , اي تي ريض
    كنت طوال العام نجم صباحي
    هذي صورة الجدول <<<




    ***


    و مرت الأيام بأيامها و حلوها ,,
    موقف لن انساه موقف
    لما طلعنا من بعد اول مودل اي تي
    بكيت لما قلت بس !()
    اول مرة ف حياتي اطلع من امتحان و انا كيذا
    كنت مذاكرة الديمو فقط !
    سالتني التيتشر :ايش عملتي .؟
    و انا اللي مير ينقلب وجهي الوان
    بعدها لما تشوفني لو اعفط وجهي تقول لي :
    dont worry kyan !!
    كان قرصة أذن لي ما أعتمد على الديمو



    *****

    و موقف رائع
    لما تراكم بحث العلم بدينا فيه بعد اجازة عيد الاضحى >>مشكلة اللي ما ينظم وقتهه !
    ونبي نسلم البحث و نشارك في الملتقى العلمي الثاني !
    (ملاحظة//مفروض بما إن كان عندنا علم ما نطالب بالبحث ما عندنا منهج و ستبز نمشي عليهن)
    و لما كننا نسمي البحث نحفظه على اللاب باسم(بحث المسابقة العالمية/بحث الفائز/كرف*كرف>>انا الاخير )
    و كننا متفائلين
    الساعة 9مساء الجمعة __إلى الساعة 5 فجرا
    كنت انا و صاحبتي مواصلين على البحث
    نكتب فقرة فقرة ,
    لما صديقتي سالت عن التوثيق>ي اني كرهته
    إلا و أدخل التجمع ,
    و افتح موضوع استفسارات البحث !
    و ألاقي الموعد تأجل للإربعاء
    يعني حيكون بعد خمسسة ايام!
    إلا و انجلط أكلم صاحبتي
    تأجل التسليم
    و سكرنا اللاب
    وانسبطنا , ولبسنا وذهبنا للتحضيرية ,
    رحت لاستاذه سعاد الفريان الساعة (8 إلا ثلث)
    أخبرها عن الخبر الجميل ,
    يا بعد عمري كانت شايلة همنا ,
    و أوريها صورة الخبر من جوالي
    إلا و خطفت الجوال تسال لي ,
    وقالت ببلغكم بعد ربع ساعه ,
    بأتأكد لكم ,
    و صار الخبر صحيح ,
    و عرفنا إن الله حق ,
    وخلصنا بحثنا
    وشاءت الاقدار بعد كم يوم إلا صديقتي تبشريني باتصال,
    صاحبتي:كيان وصلنتي رسالة على الايميل !()
    انا : مين مين ؟؟
    صاحبتي:الملتقى العلمي !!ترشح بحثنا ,,
    أنا:
    سبحان الله ما ترشحت بحوث شعبتي إلا اللي بدوا آخر الناس
    بحثنا و بحث صاحباتي الثانيات
    وناقشنا و لكن لم نترشح
    لآنه ما كان بحث بحث ,
    فقط حصل لنا شرف الترشيح !


    ***

    موقف آخر //
    لما كنت استعد للبرزنتيشن اللي تبع كن إيجابيا وفاة الامير سلطان -الله يرحمه في المدرج
    كنت انا و صاحبتي
    إلا و سوينا حركة قريتها العام بالتجمع
    نلعب بالمايكات انا و هي
    كنا مرتزين من الساعه 10 ,,
    لانو كل شوي يأجلون متى الموعد ,
    مرة قالت لنا المسؤولة الهنوف ,,الساعة 10
    بعدين أجلوه إلى الساعه 12
    و طبعا الحمدلله انو ما فيهأحد كان حاضر ,
    لآنو جبت أم العيد ,,
    لآني غلطت غلطة فادحة كلما أتذكرها نسيتها,
    نشبنا ما لقينا احد يشتغل على العرض ,
    وجت( بيتي بيوت )
    وحلت المشكلةة ,
    و بس ,
    و ف النهاية شكرتنا الوكيلةة


    ***


    و الرعب اللي عشناه بالنسبة لدرجات كتيب الصحة و العمل التطوعي , و الحمد لله كانت شعبتي كلها فل مارك)




    ***



    أشياء استغربتها من نفسسي *
    انو التقن ما عمري غبت و لا عن محاضرةة !()
    وريض 140 كذلك,
    والعلم بعد ما غبت إلا محاضرة
    عاد السمستر الثاني
    ذليت نفسسي عشان النهج ,
    كنت على وشك الحرمان ,
    و كنت ادوام ,
    و حملتنا الصحةة من جد كانت متعبة
    ,و لاب الاي تي تبع السينمنار ي إني حقدت عليك ,
    فرمتت شغلي و تعبتني وصيحتني و كل شيء ما كان وقتك ,
    و خسسارة كانت عندي صور بس تفرمت جوالي مرتين !
    فيه ذكريات+صور تجنن
    و كنت أبي أحول صحي عشن أنحاش من النهج !
    شايلتن همه قبل أدخله ,
    و صار لي خيرة حولوا البنات و أنا ما أدري عن الموعد , و أصلا معدلي ما يسمح , خيرة لي طلعت بـA+





    ***





    و الحمدلله ما طلعت من التحضيري إلآ انجزت >>امحق إنجازات
    (1/قدمت المسابقات على الستيج في اليوم الوطني>>كنت خايفةة كان العدد هائل,
    2/قدمت بزرنتيشن عن وفاة الامير سلطان -الله يرحمه-تبع كن إيجابيا>>بعدها كرهت الإلقاء ,
    3/كنت ف الكورنز تبع القراءة السريعة اللي كان يوم نادي النهج,
    و فزت في مسابقة القراءة السريعة بالمركز الأول لكن بدون شهادات,
    4/كنت ليدر تبع الصحة "آخر مرة أكون ليدر")


    ***


    أشياء رائعة ,,
    التجمع
    كان شيء حلوو ,
    كننا مثل خلية النحل ,
    شكر جزيل لمن أعطانا من وقته ,
    و ابتغى في ذلك الأجر ,
    GC02>>عششق مو طبيعي
    انو بنات كلاسي للسمسترين كننا ما تغيرنا
    لما كننا نعمل حلقة مذاكرة عند كلاس الاي تي في السشكن الاصفر ,أيام الاي تي
    ولما نكتشف أي شيء جديد ف تصوير عليشة لازم كل بنت من الكلاس تاخذ لها نسخة ,,

    لما حصلت لوكر السمستر الثاني !
    نسسبة الغياب لما زادوها لنا >>بس م انعطى وجه ف اخر الترم كنت احضر عشان لا شيء لان ساعاتي لا تسمح


    ***




    نصيحة نصيحةة !!
    انتبهي للليفل !
    هذا طبعا لدفعة 433
    مو تدخلين نازل عشان تجيبين معدل !
    هذا انا سويته و ضيعني ,
    ما كان فيه شيء فعلي ف كلاسات الانقلش الترم الاول !
    كنت ما احضرر انا و صاحبتي ,
    بعدين ف اخر الترم الاول اكتشفنا حركة نحضر انفسنا و نطلعّ
    مس/هالة ما تفوت شيء
    درت عني و عن صاحبتي ,م2
    فصارت تحضر مرتين الساعه الاولى و الساعة الثانية ,
    ولا استفدت شيء صرت ما اذذاكر للميد !
    و انصدمت من درجتي 19 من 25
    اللي ضيعني الرايتنق ,
    كان اللي جاينا موضوع تافه,
    من صديقتك ؟ اوصفيها ,؟ فقط !
    انا الملقوفة
    رحت اوصفها و اوصف اول يوم شفتها و طموحاتها ما خليت شيء !
    السمستر ذا عقلت ف الرايتنق خليت الفلسفةة , و خذت 4و75 ما ادري وين طارت الربع
    بس الحمدلله على كل حال !


    **



    *كنت داخلة و حماس الدنيا فيني
    و سجلت ف نادي الروبوتكس و الاختراع و سحبت عليهن


    السمستر الأول المواقف كثيررة ,,
    كان مفعم بالحماس و النشاط.

    <<أتذكر لما وريت صاحبتي صورة كلية المجتمع ,,
    قلت هذا انا و انتي مكاننا السنة الجاية لانو ما كننا جديين
    و الحمدلله نجونا منها >>,
    ما أدري وش صار فيني
    السمستر الثاني !
    كرهته كرهته
    صرت كووومة كسسل
    ما أدري لاني انصدمت من المعدل
    صرت لازم اغيب ف الاسبوع يوم او يومين ,
    لان جدولنا كان يجنن ,خطتنا نهج و صحةة,
    كان صباحي
    والاثنين و الاربعاء نجم بس !
    بس ما عمري غبت الاربعاء ,
    لدرجةة خفت يصكني حرمان ,



    ***




    و تشرفت بالتعرف ع أخواتي من التجمع :


    aNthrax
    (عاد سمجتها معتس ^^كل ما نروح مكان ألاقيتس ,أول شخصة لما دخلت التحضيري بعد إجازة الربيع تشوفيني قاصة شعري)


    و بقي سناابل
    ما شفتس و أكثر من أخت إن شاء الله , عسى بس مبنى الحدق جنب الكيم !

    Miss Bish
    كنتي أختي و كل شيء ,,

    H.A.W
    <<كانت صديقتي من الاسبوع التعريفي و حتى اللآن, لآني جاية ما أعرف ششيء عن التحضيري و دخلتني إلى كلاسي , و ي صبرها علي , كل ما نقصت ف درجةة إشتكيت لها ,و كا نت منظمة الملز في أرشدني

    ندى القيسي

    أروووج>>
    طيحنا الميانة مررة,و صارت المفاجأة إن أنا و إنتي ب نفس سكشن الأخضر تبع الإنقلش

    Bity Byot

    2<< و ياملحتس مع اني ما تيخلتس انتي اللي ف المدرج ,

    كيجا

    صاحبة ملزمة الصحةة الله يوفقك بكل صفحة افتحها منها

    المحمدي1

    >> حنونة قد الدنيا ,معرفة سابقة من منتدى ...

    مارية >


    شموخ السعيد


    وفاء المالكي >>


    وقصة تعارف غريبة




    **



    شكر عميق عميق ,,



    لسنابل

    لولا الله ثم جهودها و دعمها المعنوي لي ,
    كان ما كنت خريجة من التحضيري
    كنت ما راح اكمل بعد اول درجة الاي تي
    كانت تعطيني دفعات معنوية ,
    لما كنت اقولها فيه أحد يجيب معدل 4 قالت ايه..
    الحمدلله 4والكسر يفشل
    لما قلت لها ابي واجب الماث140 تبع اول محاضرة !
    قالت :عندي , بس مراح اعطيك إلا لين تحلين و تحاولين ,



    ****




    وبس هذي كانت تجربتي ,
    (طوولت ,بس ما حسيتني إلا و انا اكتب و اكتب )
    كانت متعبة لي ,
    الانتقال كان صعب جدا !!
    لم أفهم مفهوم الانتقال , إلا حينما ودعت التحضيري اخر يوم
    التحضيري
    يا من كانت محتوانا لمدة عشرة اشهر ,
    مرت بسرعة كبيرة ,
    أحس اني لازلت كيان التي كانت في مثل هذه الايام للتو منتمية لأسرة التجمع,
    و يا ما أقسى و أمرّ لحظات الفراق
    حينما ودعت صديقاتي و اخواتي للأبد ,
    تقاسمنا مشاعرنا معا ,
    بكينا سويا , ضحكنا سويا ,,
    إستقبلنا بعض في )GA05وودعنا بعض أمام فاست فود (
    كان أروع كلاس ,,
    "",و سمية الله يرضى عليك يارب ,
    وتدخلين اللي ف بالك يارب
    كانت ترسل لنا اي شيء على الايميل لجميع المواد,""
    تفرقنا و كل لها طموحها و آمالها ,
    يارب حقق أمالنا و طموحاتنا ,
    واجمعنا ف جنان خلدك,
    واجعلنا من المتحابين فيك ,



    لما ودعت التحضيري **


    ()



    كانت حافظة فيها الواجبات و الملفات اللي آخذها من التجمع


    تمت ,,

    (كان من 4:55ص و حتى 6:23ص "الجمعة")


    (أحس إنكم تدعون علي من طولها)

    التعديل الأخير تم بواسطة smile sh ; 11th June 2012 الساعة 01:32 PM

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •