صفحة 1 من 2 12 الأخيرةالأخيرة
النتائج 1 إلى 15 من 26
  1. #1
    تاريخ التسجيل
    Jan 2011
    المشاركات
    30
    الجنس
    أنثى

    سنة الامتياز

    السلام عليكم ..
    انا الحمد لله متخرجة و انقبلت امتياز بمستشفي الملك فيصل التخصصي تونا اول اسبوع
    حبيت افتح موضوع عشان اقدر افيدكم بالي عندي و اقولكم كل شي عن الانتيرن و بذات مستشفي التخصصي و اي استفسار انا حاضرة ..

    طبعا فيه مواضيع من قبل عن السنوات اللي قبل وانا ان شاء الله افيدكم لان من سنه لسنه تتغير الاوضاع ..

  2. #2
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    قبل الامتياز الكليه راح يحددون يومين لكم تحضرون وفيها محاضرة تعريفيه عن الامتياز مع مسئولة الامتياز في الكليه استاذة سهام اليوسف
    وراح يعرفونكم علي الامتياز وش لك ووش عليك و تقدرين تطرحين اي استفسار عن اي شي تبغين تعرفينه و دكتورة نازك و دكتورة عزيزه ماراح يقصرون وراح يفيدونكم و كل الدكتورات تقريبا يحضرون و مره انا استفدت وعرفت اختار المستشفي المناسب لي ..

  3. #3
    تاريخ التسجيل
    Jan 2010
    المشاركات
    942
    الجنس
    أنثى

    رد: سنة الامتياز

    آهلين تغريد

    الله يعطيك العافيه ويوفقك

    بسألك هل التخصصي فيه شفت ليلي ؟

    ثاني حآجه كلمينا عن الانترفيو ؟ كانت كلها آنقلش وآيش الاسئله ؟

    مشكوره مقدمآ

  4. #4
    تاريخ التسجيل
    Apr 2011
    المشاركات
    85
    الجنس
    ذكر

    رد: سنة الامتياز

    الف مبروك أخت تغريد على القبول

    أتمناء منك كتابه خطوات القبول بمستشفى التخصصي

    علشان إلي بيقدم عليه يكون عنده علم





    تحيتي ،،

  5. #5
    تاريخ التسجيل
    Dec 2010
    المشاركات
    1,304
    الجنس
    ذكر

    رد: سنة الامتياز

    الف الف الف مبروك اختي تغريد


    الله يوفقك ويسهل لك تدريبك


    وأتمنى الكل يستفيد من الموضوع


    ودي لك

  6. #6
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    اول شي احب اقوله المعدل ماله دخل في القبووول اذا كان فوق 3 هذا المهم و اهم شي يركزون عليه المقابلة و اختبار الانقلش كم مستواك ماعداا قوي الامن بس هم اللي يركزون على المعدل
    التخصصي
    فيه اوراق تاخذونها من الكليه مرسلينها التخصصي مثل بياناتك و منها اوراق تحاليل اللي راح تسونها في الجامعي عند نفس الدكتورة تعطونها الاوراق الخاصه في التخصصي تعبيها لك و فيه تاخذين من 3 دكتورات توصيه منها عن اخلاقك و منها عن العملي و موافقه ولي الامر موقع عليها و سيرة ذاتيه .
    الحرس اختبار انقلش تحديد مستوي و مقابلة بس التقديم مو من الكلية كل واحد من نفسه يروح يقدم
    مدينة الملك فهد
    اختبار تحديد مستوي و مقابلة بس مره سهل القبول فيه بالنسبة للتخصصي و الحرس و فيه اوراق تعبونها ولازم تحليل تسوينه في نفس المستشفي بس بعد القبول انا انصح فيه و بقووة لان القبول فيه سهل و كورس الانقلش حقهم روووعه
    قوي الامن
    مقابله
    و بااقي المستشفيات قبول عاادي

  7. #7
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    التخصصي اول شي قبل المقابلة
    يعطونك ورقة فيها اسئلة تجاوبون عليها
    كيف تكون صحي برايك و وش دور الممرضه وش اقسام التمريض اللي تحبها و ليش اخترتي التخصصي >> طبعا بالانقلش و الغرض منها يشوفون تعرف تكتب ولا لا
    و بعدين المقابلة نص ساعه اول سؤال تكلم عن نفسك
    انا فلان و فلانه و تكلموو و حااولو تطولون
    و بعدين ليش اخترتي التخصصي
    و يسالون عاادي تداوومون باليل و اربعاء وخميس وجمعه >> هو مافيه دوام ليلي بس يبغون يشوفون ردت فعلك
    و بااقي المقابلة هو فيه من الاوراق اللي يعطونك التخصصي اذا قدمت سؤال وش الاقسام الممتعه لك
    تكتب 2 maternity , psychiatric
    يبدون فيهم ليش تحبه ووش الامراض و يقولون حاله وتقول دور الممرض
    اللي بيكتب سيكاتريك محظوظ لان القسم مو عندهم و ماعندهم خلفيه مره عنه pedia بيتورط بالامراض لان اغلب اللي يسونون المقابله بيديا و متيرناتي تخصصهم اكتب شي انتم عارفينه او شي سهل مثل غسيل الكلي و احفظو دور الممرض و اقرو عنه اسهل لكم ..
    ان شاء الله اكون سهلت عليكم المقابلة و فهمتو علي

  8. #8
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    و اختبار الانقلش اول شي سماعي و تجاوب علي الخيارات و بعدها قطعه و تجاوب علي الخيارات و قواعد و اخر شي كتابه عن العطله الصيفيه و بس و انتبهو فيه من بين الخيارات يكون السوال الاجابة اكثر من خيار ..

  9. #9
    تاريخ التسجيل
    Mar 2011
    المشاركات
    117
    الجنس
    أنثى

    رد: سنة الامتياز

    اول شي عالبركه تغريد واتمنى لك التوفيق يارب ويحقق لك امانيك
    ثانيا متاكده من ناحية المعدل ان التخصص مايعتمدوا المعدل لانك والله اثلجتي صدري وربي
    واكيد كلامك مفهوم حبيبتي وواضح
    الله يعطيك العافيه يارب

  10. #10
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    ايه اهم شي فوق 3 و اللغه و المقابلة والله ييسر لكم ..

  11. #11
    تاريخ التسجيل
    Jul 2010
    المشاركات
    272
    الجنس
    ذكر

    رد: سنة الامتياز

    طيب سؤال اذا ممكن

    وش فرق مستشفى التخصصي والحرس عن باقي المستشفيات بالنسبة للامتياز

    يعني هل فيه مميزات ... او انها مجرد مايشوفونك مبدعه بمجالك يتعاقدون معك ؟؟

    واتوقع الرواتب الحين توحدت والا انا غلطان ؟؟

  12. #12
    تاريخ التسجيل
    Jan 2010
    المشاركات
    35
    الجنس
    أنثى

    رد: سنة الامتياز

    مره جميل موضوعك والاهم انو من 2012

    مررره راح نستفيد في موازين اعمالك يارب

    و معليش شوية اسئلة
    يمكن خارج شوي بس مهم بلنسبة لي

    ايام ماكنتي سنة اولى تمريض متى بدا التطبيق لك فلمستشفى
    ومتى اول مره بديتو تروحون وايش الاشياء اللي دربو كم عليها
    <--واذا ودك بلتفصيل لاني ودي بتمريض فياليت
    كنتو ايش تلبسو لمن كنتو تروحون تطبقون ايام الدراسه
    هل صحيح انو تنورة كحلي وبلوزة بيضاء والسكراب ممنوع لكم ؟
    ايش الفرق عن اخصائئ علوم طبيه واخصائي تمريض ؟<-- بكالوريس
    اقصد من الناحية الوظيفيه والرتب ومستقبل الدراسات العليا والرتب بعد الدراسات العليا ؟؟؟؟

    وكيف شغل الممرضة من الناحية الوظيفيه داخل مستشفى
    و كم ساعه دوامكم و سنة الامتياز تنامون بلمستشفى زي اطباء الامتياز
    واسئلة ثانيه
    قليله الوظايف لتمريض في مستشفيات كبيره زي العسكري ؟
    طيب ليش فيه بنات يتوظفون بمراكز صحية تبع الحي مثلا
    هل فيه تفريق بين المركز الصحي و المستشفى الكبير
    من ناحية الرواتب والشهادات ؟
    اذا توظفتي بلمستشفى ينحصر شغلك على قسم معين ؟ ولا تكونين كل فتره ينقلوك ل قسم
    مثلا لو انتي ممرضه في قسم الولاده تقعدين طول الوقت ممرضه في نفس القسم هذا ولا كل مره تتغيرين ؟

    فيه كلام مهم على الجرح و بكلللل صراحه وواقعية
    عندي صديقة تشتغل في قسم المواعيد في قوى الامن
    تقولي ابعدي عن التمريض
    هو حلو وخدمة انسانيه والاحلا انو حركي كثير وهذا ميزته
    بس فيه عيب تقول انا وانا مواعيد هبلو فيني المرضى
    يتهاوشون معك وتجيك كم كلمة تجرح وسب وويتأمرو عليك خصوصا لو كانو يعني شسمه هذا يشتكو عليك بعدين

    + متابعين لك
    والله يسهل لك دروبك ويكتبلك اللي فيه الخير

  13. #13
    تاريخ التسجيل
    Mar 2009
    المشاركات
    74
    الجنس
    أنثى

    رد: سنة الامتياز

    يوم الخميس ان شاء الله حيكون في مستشفى خالد الجامعي جميع الكليات الصحيه التابعه للجامعه وتعريف بالتخصصات لطالبات الثانوي

    احضري و اسألي كل اسألتك و قارني بالتخصصات

    هذا الاعلان


    http://im14.gulfup.com/2012-04-28/133561995431.jpg

    وهنا التسجيل


    https://docs.google.com/spreadsheet/...NUlCN1piUEE6MQ

    و الله يكتب لك الخير

  14. #14
    تاريخ التسجيل
    Apr 2009
    المشاركات
    254
    الجنس
    أنثى

    رد: سنة الامتياز

    مساااااااااااء الخير
    الف مبروك تغريد ...الله يوفقك
    بسألك بالحرس مافيه فرق بالتعامل بين طالبات جامعة الملك سعود وطالباتهم اللي تبع كليتهم
    شكرااااااااااااا

  15. #15
    تاريخ التسجيل
    Jan 2011
    المشاركات
    30
    الجنس
    أنثى

    رد: سنة الامتياز

    اسفة اني اتاخر بالرد بس ظرووف الانتيرن
    وبالنسبه لمميزات التخصصي عن باقي المستشفيات اكيد افضل بكثير من اي مكان ثاني اولا فيه برامج و دورات لطالبات و طلاب الانتيرن من ضمن الدورات bls تاخذين الشهاده و فيه كورس انقلش كامل 8 مستويات و عادة يقبلون اللي مستواهم 4 و يكملون عندهم الي المستوي 8 وش افضل من كذااا و كل شهر فيه LEARNINIG DAY تدرسين كل شهر شي معين يبدون SKIN و بعدها CARDIO و كل اجهزة الجسم كل شهر جهاز من الى ودور الممرضه و امراضه و اعراض الامراض كامله التخصصي فرصه ماتتفوت انصح فيه وبقوه تخيلي حتي HAND WASHING و PHYSICAL ASSESSMENT راجعوها لنا و شرحولنا كل شي من اول يوم و لقاء تعريفي يعني كل اللي درستيه بالجامعه راح يثبت ان شاء الله خلال هالسنه بالاضافه الا تحسن كبير في اللغه الانجليزيه ..
    بس الحرس والله ماعندي فكرة بس اسمع الناس يمدحونه و يقولون فيه شفت باليل حتي لو كنتي انتيرن ..
    و مدينه الملك فهد مشابهه للتخصصي مره من ناحيه البرامج بس التخصصي افضل و باقي المستشفيات راح تستفيدون من ناحيه العملي و بالاول و الاخير يعتمد علي الطالب نفسه ممكن طالب في طالب ماخذ انتيرن في اي مستشفي افضل بكثير من طالب بالتخصصي و الله يوفق الجميع ..

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •