ماهي خطوات اخذ رخصه مزاوله المهنه من الهيئه السعوديه للتخصصات الصحيه ؟

[غاليه]

السلام عليكم ورحمه الله وبركاته ..
الله يعافيكم ابغى احد يفيدني كيف طلعتوا رخصكم ؟؟

ماهي خطوات اخذ رخصه مزاوله المهنه من الهيئه السعوديه للتخصصات الصحيه بعد اخذ وثيقة البكالوريوس وشهادة BLS ؟


شاكره مقدما

[dr.reverse]

هلا اختي



بالنسبة لل ( basic life support ) هذي شهادة الزامية لكل المتخصصين ف المجال الصحي ~ ممكن تاخذينها من


مستشفى الملك خالد الجامعي ( القسم التدريبي او التعليمي اللي يقدم الدورات الصحية )


لكن بالنسبة للشروط لاخذ الرخصة ,,, هذا ملف تابع لهيئة التخصصات الصحية ممكن يفيدك








Professional_Registration_Classification_Manual_vr.5.pdf

[رشـة عطــر]

وعليكم السلاام ورحمه الله وبركاته

الله يعطيك العافيه اخوي dr.reverse..

ماتقصر متميز بتواجدك والردود ع الاستفسارات ا

حياك الله غاليه
دعواتك

بالنسبه للرخصه هذي الخطوات

طبعا اذا خلصتي اختبار BLS خذيها بالعسكري اريح ويوم واحد

هذي الخطوات الشرح ( واشكر اخوي الغالي ابراهيم المفرج اللي شرحها لنا ):

1
اول شي لزم يكون معك شهادة BLS

2

ومعك الوثيقه

من الجامعه
3

وشهادة الامتياز

ومعك 1100 ريال في صرافتك حسابك - مايقبلون نقدي لازم سحب من بطاقتك وياخذوا الايصال -( اذا بتخليها 5 سنوات اذا اقل بيكون بسعر اقل بس ناسي كم بالضبط ))

تجي الصباح و تاخذ رقم اذا سالوك قولي اخصائي واول مرا - لأن ارقام الاطباء غير لهم موظفين غير- 4

تكون مجهز معك :

1
صورتين شخصيه
2
صورتين لبطاقه احوالك الشخصيه
3
صوره مصدقه من وثيقتك مع الاصل للمطابقه
4
صوره مصدقه من شهادة الامتياز مع الاصل
5
صوره من التدريب الصيف ان كنت تدربت مع الاصل للمطابقه
6
صوره مع الاصل للمطابقه لشهادات المؤتمرات الي حضرتهن مؤخرا - بما انك مطلعها اول مرا يمكن مايطلبوها بس جيبها احتياطا
7
صوره من شهادة البي ال اس


الحين اول ما تدخل عليهم بتلاقي سكرتي يوزع ارقام خذ رقم
واطلب منه الفورم وعبه لهم وبعد ما تعبيه ارفق معه الاوراق السابقه
الحين انتضر رقمك لين يجي وعطه الاوراق وبيكملون الاجراءات و
وبيقولن روح و تعال الساعه 1 واستلم اوراقك وبطاقتك

الحين انتهينا من شهادة التصنيف


وصف الموقع
http://a6.sphotos.ak.fbcdn.net/hphot...83706236_n.jpg

[dr.reverse]

الله يعافيك

[غاليه]

شكرا
dr.revers ماقصرت ..
شكرا رشة عطر لك ولابراهيم .. الله يعطيكم العافيه ويجزاكم خير على هالشرح الواضح ..

[Mr. Sulan Alenazy]

الي فهمتَه أنو مآفيَه أختبار هيئه تخصصآت لنا ك أخصأئييَن !

[^loosh]

[عبدالله!]

الي فهمتَه أنو مآفيَه أختبار هيئه تخصصآت لنا ك أخصأئييَن !

+1
؟؟؟؟؟

[هاجوووس]

^^^^
No

[غاليه]

انا اذكر اني رديت بش شكله ماكان فيه اتصال ولا وصل الرد ..
مشكووووووور جزاك الله خير على الرد الوافي ماقصرت ..

[غاليه]

الحمدالله طلعت الرخصه .. وحبيت افيدكم بمعلومه ..
الرسوم حقت استخراج الرخصه 500 ريال لمدة سنتين
واذا تبيها 3 سنين 860 ريال
واذا تبيها 5 سنين ب 1100 ريال . .
انا كنت باخذ حق خمس سنين بس الموظفه قالت لي ماراح نحسب لك الا سنتين بما انك ما تشتغلين الى الان !! ومافهمت كلامها زين حسبت مافيه الا ابو 3 سنين وابو خمسه فاخذت حق 3 سنين بس ماراح استفيد منه كاتبين لي على بطاقتي الانتهاء بعد سنتين !! فانتبهوا لما تروحون ادفعوا بس 500 وخذوا حق سنتين .. بالتوفيق