درست عند الأستاذ الفلآني؟؟عطنا رأيك فيه[موضوع لتتعرف على دكتورك]!~

[AZIZ 10]

شباب وش سالفة مدرس الريد ( المكسيكي ) ناسي اسمه بس يلبس دايم شنطته
كل ما سألت احد قال الله يعينك عليه

وهل فيه امكانيه نغيره واحد جرب ؟

المشكلة انه يدرسني هالتيرم وباين عليه من اسلوبه انه نشبة وغثيث
الله يعين بس

[صمتيے حگآيہ]

نجم

الياس شآه هذا مدري وش جابه يدرس انجليزي اصوله باكستانيه و معه شهادة ماستر حاسب حتى الحاسب بعد من جنبها


شرح لا تآمل انك تفهم منه و درجات بالقطاره بس اسلوبه حلو معك و بعض الايام اذا تآخرت نص ساعه يعطيك تآخير بس بس


كيث اليكساندر امريكي من نيويورك هالمدرس بثر بثر جداً يشرحلك قرامر يقعد عليه نص ساعه ويا صبورته اللي يسحبها من كلاس الى كلاس


بس هذا المدرس عجيب يوصلك المعلومه غصب حتى لو انك مو مهتم للمحاظره انسى انه راح يطلعكم في وقت انتهاء المحاظره راح تطلعون غالباً بعد 5 دقائق


علم


يحي محمد او يحي مصطفى على ماظن دكتور مصري رهيب مره و الله انه ياكان محترم جداً ومتعاون اغلب المحاظرات يونسك فيها و من ناحية الدرجات


راح تشوف اخر السنه يعطيك حقك مع زياده طفيفه بس اللي ازعجني فيه ان الواجب يرجعه لي اكثر من مره و تحصلها على نص درجه الفرق




ريض


حازم بشآيره صراحه هذا الدكتور شرحه مره ضعيف جداً و ماعنده خلفيه في شي اول سنه له في التحضيرية


بس انه طيب و العشر درجات راح يعطيك اياه بالراحه


تقن


افضل دكتوربالنسبه لي اسمه كمران طيب و حبوب ويهتم لمصلحة الطلاب اذكر آخر الترم عطانا اربع محاظرات من عنده


عن البوربوينت و قبل كل اختبار للمودل يشرحلنا وش اللي بيجي

[Abdullah-Tj]

يا شباب ابي اسالكم عن بعض الدرسين
ريض : اسلام راشد
نهج : هاني المومني
ريد : خالد عبدالرحمن < الظاهر اسمه كذا
نجم : عامر ابو زهرية
فريد..
اللي عنده خبره يفيدنا

الله يعينكم على عامر شديد مررره بالتتأخير والغياب بعض الاحيان اذا تأخرت 7 دقايق يصفقك غياب واذا جيت بعد بداية المحاضره بدقيقه او دقيقتين يحطك تأخير
من ناحية الدرجات انسى يعطيك زياده عن حقك وبالنسبه انتبهوا واحد منكم يشطح بكلام والا اي شي لانه يعرف عربيه فصحى وعامي وخصوصا الكلمات السيئه هذي يقفطك عليها وتاكلها بس بالنسبه للشرح جيد والدرجات يعطيك حقك فقط مايزود عليه

[مرحبابك]

انا درسوني هالمدرسين


نجم 140 : ايرون هذا مدرس يهودي بس فلللللللللللله لايدرس ولا شي كان يجينا من 10 الى 11 ونص كنا يوميا ندوام الانقلش من 8 الى 9 ونص بس يحظظرنا ومظبطنا درجات ماخبر احد عطاه غياب

نهج 140 : احمد محاور عبدالفهيم هالانسان منافق درجة اولى مصري يحب مصلحته وانتم بكرامه اشبهه بالنعال وكثر طلبات وممل والمحاضرة باليالله تمشي عنده الله لايوفقه دنيا واخره اكثر واحد اخذ عنده د+

عرب 140 : عدنان الشريم استاذ يحب السواليف وكثير ينق دايم متذمر مسوي نفسه كاش واحيانا ينفس عليك ماهو راعي طلبات بس مشكلته نفسيه جدا ويعطيك حقك

صحة 150 : محمد جمال استاذ نفسية ووسخ ويغيبك فجأة انصح اللي عنده ينقولنه ولا يسوون معه حل

احص 140 : الدكتور الكبير الاستاذ المهندس العلامة الشيخ الكنق الدكتور وليد عبيدات يالبببببببببببببببببببببي ه اخيييييييييييييه يحب مصلحة الطالب اكثر من ابوك والله العظيم

[roocky-9]

يا شباب د- مصطفى امين في الريض 150

كيف ؟؟؟؟؟؟؟؟؟؟؟؟؟؟

أنا درست عندهـ الترم الأول ريض 140 .. أفشل وأسوء واحد يشرح .!!! مع إنه ساعدنا بالدرجات اللي بيدهـ ..,

[آرسطو]

شبااب باسألكم تكفون عن استاذ ريض : اسامه العايد

وش رايكم فيه للي جرب تدريسه ؟

تعامله محترم جدا مع الطلاب ويعطيك اكثر من حقك في اعمال السنه"تقريبا كل شعبتنا معطيهم فل مارك" اهم شي عنده جوالك يكون صامت+ماتتأخر على المحاضره

كـ شرح هو مجتهد ويرحب بأي سؤال لاكن مايعرف يوصل المعلومه ..ما اعتبره سيئ يعني نقول مقبول نوعا ما..انا ماكنت افهم معه اي شي وفيه ناس في شعبتنا يعتبرونه يمشي الحال..يعني مع مراجعه يوميه للي درسوه يمديهم يفهمون معظم الدرس

نصيييييحه اذا حسيت انك ضايع ومافهمت لاتكابر زيي وخذ لك متابعه عند مدرس خصوصي...انا متندم اني ما لحقت على عمري الا بعد ما انخفست في الميدين

[الحمـ 511 ـادي]

ياشباب وش رايكم في الاستاذ معاذ متروك
(( يدرس ريض ١٥٠ ))
اردني مطوع ( ماينطق الحروف زين خاصة الراء )
كيفه من ناحية الشرح والدرجات ( الواجبات والكويزات )

ويعطيكم العافية

[amigos]

ريض


حازم بشآيره صراحه هذا الدكتور شرحه مره ضعيف جداً و ماعنده خلفيه في شي اول سنه له في التحضيرية


بس انه طيب و العشر درجات راح يعطيك اياه بالراحه

اخوي معليش على هذه النقطة
انا حازم بشايرة منقصني درجين بالمشاركة الترم الماضي وكذلك بعض شعبتي
مع اني احضر بدري واكتب معاه ولا قد تمشكلت معاه
رحتله وقلتله ليش منقصني قال هذا السيستم عندي ناس انقصهم درجة وناس درجتين وناس اعطيهم كامل

حسبي الله عليه

[ألكس]

سلام شباب


اللي درسوني بالترم الأول

النهج : جهاد القديميات.. افضل مدرس للنهج في التحضيريه ...اخلاق ويساعد ويحضر الطلاب كللهم ومبتسم داايم وكثير يعطينا نصاييح ....الله يذكره بالخير ....محظوووظ اللي بيدرس عنده

الريد : المكسيكي هيكتور ... الدكتور هذا اذا مشيت معه بنظاام راااح يعطيك درجااات بالهبل ... صحيح انه كرفناا بس والله عطانا اللي نستحق واكثر بسس انتظم معه ^_^

ريض 140 : فراس عساف ... اخلاق ومحترم ومرررات يحضرك اذا تاخرت بسس مو كل مره ^_^ ...لكويزات والمشاركه مضمونه عنده ... اعطانا كوزين فقط واللي عليه خطا يصحح له والمشاركه كل الشعبه فلل مااارك ... مشكلته الوحيده في الشرح ...شرحه عااادي جدااا


.................................................. .................................................. .................................................. ....................



ابسألكم عن :


التقن : دكتور برواز

علم : دكتور علام الصعيدي


وشككككككرن ^_^

[amigos]

بسألكم
هيكتور يدرسكم ساعتين كاملات ؟ ولا ساعة وحدة والثانية يطلعكم؟

[طآلب سعود]

عندنا مدرسين متخوف منهم

انس الحاج لـ 150 ريض

محمد وصي بسيط تقن

اللي عنده خلفية لا يبخل

[abo 6lal]

آفااااااااااااااا

يعني مصطفى أمين سيء ؟؟؟؟

والله اول محاضرتين كان كويس فيها بس انه مايكتب كثير بس .

بالله عطونا معلومات اكثر عنه ؟

وايضا عن فراس عزام ( او العزام ) في علم ؟؟

وايضا احمد بشير غني في التقن ؟؟؟

up

[د.رائد]

الفصل الأول :

نجم 140 :
- هايمي فارجاس ، أمريكي من أصل جواتيمالي .. كان يفلها معانا وبصراحة مع إننا ليفل 5 بس ما كان يدرس ولا شي ، هالسمستر خلوه في قسم السيلف ليرننج يعني ما صار يدرس
- شاه نواز ، ممكن أفضل مدرس درسني في التحضيرية ! هو بريطاني مسلم يتكلم عربي فصيح أحسن مننا . بصراحة رجل متفهم وأتذكر آخر الأيام كان يقول لا تحضرون أصلا عندكم آيلتس ! شرحه رهيب .
- محبوب تشوداري ، اسمه الرسمي محبوب ، يقول نادوني حميد ، وايميله أبو حذيفة ! بريطاني مسلم أيضا وحق مارتشال آرتس ( فنون قتالية ) . شرحه كان جميل ويهتم بالطالب أيضا .

ريض 140:
- أستاذ هشام حوامدة ، بصراحة كتدريس كان جميل . يعطيك الزبدة والتمارين أهم شي ما يجلس يطول بالشرح وغالبا بتفهم . بس مشكلته يشطح عن الشعر واللغة العربية .

تقن :
- خان نور الزمان ، أستاذ ممتاز ويهتم فينا . يعني متواضع وحتى لبسه وتعامله مع الطلاب بتواضع والله تحترمه وتحسه كأنه أخوك الكبير . طبعا المشكلة اللي مع كل مدرسين تقن هي اللهجة لك عليها
- ياسين ، درسنا بعد خان . تدريسه شوي لك عليه ولكن جيد بشكل عام . تعامله مع الطلاب بعد ممتاز

علم 140 :
- حارص عمار ، طبعا اسمه بالصاد . الله يستر عليه لأنه أظنه راح بس من الحين لو ما راح وكنت عنده فحاول بأي طريقة تحول الشعبة .


الفصل الثاني ( ممكن حكمي ما يكون ممتاز لأننا أول اسبوع قعدنا بس )

نجم 150 :
- مدرس واحد اسمه جون ويليامسون ، ايرلندري من أصل اسكتلندي . تعامله جد مع الطلاب وتدريسه جدا جدا ممتاز ! خصوصا إنه يركز على نقاط ضعف كل طالب ويعرف حدوده والأشياء اللي يتكلم عنها . هذا غير إنه يحب يلطف الجو أحيانا

ريض 150 :
- مدرس سوري اسمه مهند . مشكلته إنه يشرح كل شي بزيادة تعقيد وصوته ينوم ، يعني التمارين عنده قليلة بس يجلس يطول بالشرح ( وبيصير شي ينوم لنا خصوصا إنه كل محاضراتنا من 3-5 )

نهج :
- أردني اسمه فؤاد وأظن عائلته مقداد . تدريسه جميل وتفاعله مع الطلاب رائع . بصراحة بعد كرهي لعلم بسبب مدرسها أتوقع إن النهج الحين بحبها لأنه تارك لنا حرية في أشياء احنا نحتاج فيها هالشي .

ريد :
- مدرس كندي مسلم اسمه حسن أو حسان ، تعامله طيب ويمزح مع الطلاب وشرحه جيد . ما يعيب عليه هو طريقته اللي شوي تملل

صحة :
- محمد رضوان ، هو الشخص اللي يظهر كمراقب وقت إختبارات النهج أو العلم . توقعته شخصية عصبية بس جد احترمته بعد أول محاضرة .

محمد رضوان أكوس مدرس

باللياقة مدعس لأغلب الطلاب بالدرجات وحبيب وحتى بالبحوث مانقص إلا على 3 طلاب درجة وحدة
لأنهم أخطأوا بالبحث

ومن ناحية التحضير
أنا تأخرت عنده وجيت عنده بعد ماطلعوا الطلاب >>يعني انتهت المحاضرة

وحضرني

وفيه طلاب منسحبين ومحرومين عنده

يوم جا بآخر يوم قال لنا خلهم يجون عندي عشان اعدل غياباتهم

[Ah-92]

ياعيال بسألكم عن واحد اسمه مهران يدرس لياقة ... هل هو متساهل ولا كيف؟؟

[صمتيے حگآيہ]

اخوي معليش على هذه النقطة
انا حازم بشايرة منقصني درجين بالمشاركة الترم الماضي وكذلك بعض شعبتي
مع اني احضر بدري واكتب معاه ولا قد تمشكلت معاه
رحتله وقلتله ليش منقصني قال هذا السيستم عندي ناس انقصهم درجة وناس درجتين وناس اعطيهم كامل

حسبي الله عليه

شعبتنا مانقص عليهم و لا درجه الا امكن اثنين او ثلاثه من الكويزطبعاً لنا ماحلو زين بس