صفحة 2 من 3 الأولىالأولى 123 الأخيرةالأخيرة
النتائج 16 إلى 30 من 37
  1. #16
    تاريخ التسجيل
    Apr 2009
    المشاركات
    692
    الجنس
    ذكر

    رد: سلم الرواتب الجديد للوظائف الصحية

    شكرا اخوي عاشق العشق

    ترى فيه انواع البدلات

    بيوصل فوق العشره بالراحه

  2. #17
    تاريخ التسجيل
    Jul 2006
    المشاركات
    4,541
    الجنس
    أنثى

    رد: سلم الرواتب الجديد للوظائف الصحية

    من زمان ودي أصلح كم معلومة هنا


    بعطيكم مثال على الصيادلة وانتو تخيلوه عليكم



    اللي بالأزرق هذي الدرجة الأكاديمية :
    بكلريوس ( أخصائي )
    ماجستير ( أخصائي أول )
    مافوق البكلريوس ( أخصائي إستشاري )

    اللي بالأحمـر هذي الدرجة الوظيفية :
    يعني خريج البكلريوس أول مايتوظف يصير : أخصائي مستوى أول درجة أولى

    كل مستوى عبارة عن أربع درجات ( مقسمة على أربع سنوات ) .. بعد ماتخلص السنة ترتفع للدرجة اللي بعدها
    يفترض إن تقييمك السنوي حلو أو زين

    بس لما تخلص الأربع سنوات الأولى ( مستوى أول ) وتجي تنتقل للمستوى الثاني تحتاج إن يكون تقييمك في السنتين الأخيرتين جيد جداً ومافوق
    لو صار أقل في وحدة منهم راح تتأخر لين مايجيك تقييمين زينين ورى بعض

    البدلات ثابتة للحكوميين ..
    وعشان لاتتعبو نفسكم تحسبوها شوفو راتب التشغيل الذاتي في مستشفى حكومي .. بيكون نفس مجموع راتب الموظف الدائم ( حكومي ) بالبدلات زيادة عليه ألف ريال تقريباً

    سالفة إن التخصصي راتبهم 16 ألف مو صحيحة
    وسالفة إن الحرس أعلى , بعد مو صحيحة
    لاتسألو موظف من مدري كم سنة , وألا موظف حصلت له تغييرات ومدري ايش

    بالنسبة لبدل الندرة .. تم تطبيقه من شهر رجب للي خلص أوراقه طبعاً

    بالتوفيق





  3. #18
    تاريخ التسجيل
    Feb 2010
    المشاركات
    72
    الجنس
    ذكر

    رد: سلم الرواتب الجديد للوظائف الصحية

    سالفة إن التخصصي راتبهم 16 ألف مو صحيحة


    طيب فيه دكتور عندنا في الكلية ((كان يشتغل في التخصصي)) ونصحني سنة الامتياز اخذها في التخصصي
    وقال لي اول راتب لك 16 الف وش تبغى اكثر من كذا
    طبعا هذا غير الخبرة اللي بتاخذها

  4. #19
    تاريخ التسجيل
    Jul 2006
    المشاركات
    3,568
    الجنس
    ذكر

    رد: سلم الرواتب الجديد للوظائف الصحية

    اقتباس المشاركة الأصلية كتبت بواسطة jo0od مشاهدة المشاركة
    من زمان ودي أصلح كم معلومة هنا


    بعطيكم مثال على الصيادلة وانتو تخيلوه عليكم



    اللي بالأزرق هذي الدرجة الأكاديمية :
    بكلريوس ( أخصائي )
    ماجستير ( أخصائي أول )
    مافوق البكلريوس ( أخصائي إستشاري )

    اللي بالأحمـر هذي الدرجة الوظيفية :
    يعني خريج البكلريوس أول مايتوظف يصير : أخصائي مستوى أول درجة أولى

    كل مستوى عبارة عن أربع درجات ( مقسمة على أربع سنوات ) .. بعد ماتخلص السنة ترتفع للدرجة اللي بعدها
    يفترض إن تقييمك السنوي حلو أو زين

    بس لما تخلص الأربع سنوات الأولى ( مستوى أول ) وتجي تنتقل للمستوى الثاني تحتاج إن يكون تقييمك في السنتين الأخيرتين جيد جداً ومافوق
    لو صار أقل في وحدة منهم راح تتأخر لين مايجيك تقييمين زينين ورى بعض

    البدلات ثابتة للحكوميين ..
    وعشان لاتتعبو نفسكم تحسبوها شوفو راتب التشغيل الذاتي في مستشفى حكومي .. بيكون نفس مجموع راتب الموظف الدائم ( حكومي ) بالبدلات زيادة عليه ألف ريال تقريباً

    سالفة إن التخصصي راتبهم 16 ألف مو صحيحة
    وسالفة إن الحرس أعلى , بعد مو صحيحة
    لاتسألو موظف من مدري كم سنة , وألا موظف حصلت له تغييرات ومدري ايش

    بالنسبة لبدل الندرة .. تم تطبيقه من شهر رجب للي خلص أوراقه طبعاً

    بالتوفيق





    الله يعطيك العافيه

    بما انك عدلتي علينا بنعدل عليك حنا علشان نستفيد وتستفيدين

    اول حاجه بالنسبه للمستوى الاول الدرجه الاولى خطاء

    حنا التمريض نبدا على الدرجه الثانيه المستوى الاول وانا قريت خطاب تعين اخوياي قبل فتره بسيطه فلذلك ياليت تتاكدين من كلامك

    وثاني شي بالنسبه لان التخصص يفرق بالبدلات سوري غلطانه

    شوفي صح ان السلم حق التشغيل الذاتي الجديد والي المفروض ينطبق بس ماتطبق الى الان تنزل رواتب التشغيل الذاتي وتم توحيد السلم لجميع مستشفيات التشغيل الذاتي
    وبطعا نزلت الى 10300 تقريبا مع البدلات يعني نزله قويه بس الي يومك هذا ماتم التطبيق والقرار نازل وان شاءلله مايتطبق لانه فيه ظلم

    واخيرا بالنسبه للبدل الندره الى الان اعرف جميع الاخصائيين الي معاي بالمستشفي مانزل لهم ورفضو يوقعون اوراقهم والسبب غير معلوم

    اتمنى اذا عندك تعقيب نشوفه واتمنى اني افدتك

  5. #20
    تاريخ التسجيل
    Oct 2009
    المشاركات
    604
    الجنس
    ذكر

    رد: سلم الرواتب الجديد للوظائف الصحية

    والله اني دخت هههههههه

    الحين الراتب اول ما اتوضف كم ؟

  6. #21
    تاريخ التسجيل
    Jul 2006
    المشاركات
    3,568
    الجنس
    ذكر

    رد: سلم الرواتب الجديد للوظائف الصحية

    9750 مع بدل الندره
    وبدون بدل الندره 9000 ريال

    طبعا اتكلم عن وزاره الصحه

  7. #22
    تاريخ التسجيل
    Sep 2009
    المشاركات
    10,289
    الجنس
    أنثى

    رد: سلم الرواتب الجديد للوظائف الصحية

    طبعا مو كأنه ظلم ، اتخرج كـ فني في تخصص من التمريض نادر و مطلوب ..!!.

    اداوم من 7:30 و اطلع 3 او 4 العصر

    وراتبي يكون 4670

    و بدل مدري وش 360

    عساني ما شتغلت ..

  8. #23
    تاريخ التسجيل
    Jun 2011
    المشاركات
    45
    الجنس
    ذكر

    رد: سلم الرواتب الجديد للوظائف الصحية

    طيب الدبلوم اول ما يتوظف يستلم 8000 تقريبا

    يعني فرقنا عنه 800 ريال

  9. #24
    تاريخ التسجيل
    Jul 2006
    المشاركات
    4,541
    الجنس
    أنثى

    رد: سلم الرواتب الجديد للوظائف الصحية

    أوكي عندي تعقيب لحظة خل أرتب كلامي

  10. #25
    تاريخ التسجيل
    Jul 2006
    المشاركات
    4,541
    الجنس
    أنثى

    رد: سلم الرواتب الجديد للوظائف الصحية

    أوكي عندي تعقيب لحظة خل أرتب كلامي
    طيب فيه دكتور عندنا في الكلية ((كان يشتغل في التخصصي)) ونصحني سنة الامتياز اخذها في التخصصي
    وقال لي اول راتب لك 16 الف وش تبغى اكثر من كذا
    طبعا هذا غير الخبرة اللي بتاخذها
    ايه مو صحيحة
    أول شي أول غير عن الحين .. كثير مستشفيات خفضت رواتبها
    الشي الثاني .. التخصصي مو حكومي يعني سلم الرواتب ماينطبق عليه وعادة المستشفيات اللي ماتتبع للقطاع الحكومي تتفاوت رواتبها لكن إنك توصل 16 ألف في التخصصي من أول مرة لا مو صحيحة ( طبعاً نتكلم عن السعوديين )
    الصيدلي راتبه أعلى من الممرض .. ومع ذلك مايوصل 16 !

    عبد العزيــز
    توحيد سلم رواتب التشغيل الذاتي مطبق : )
    أنا حكومي , وصديقاتي تشغيل ذاتي .. كلنا نفس الراتب
    بس فيه ناس تلخبط وعلى بالها يقصدو بالتوحيد إنهم يوحدو جميع القطاعات ومن ضمنها الخاص والعسكري وهذا خطأ

    المقصود بالتوحيـد هم للموظفين داخل المستشفى الحكومي ( التابع لوزارة الصحة أو وزارة التعليم العالي فقط )
    انت يمكن تكون موظف حكومي وزميلك تشغيل ذاتي وإثنينكم في نفس المستشفى اللي هو حكومي أصلاً
    التوحيد يشمل فقط المستشفيات التابعة لوزارة الصحة ووزارة التعليم العالي ( يعني المركزية , الجامعية .. ) أما الخاص والعسكري وقوى الأمن والحرس وو هذول مو من ضمنهم

    حنا التمريض نبدا على الدرجه الثانيه المستوى الاول وانا قريت خطاب تعين اخوياي قبل فتره بسيطه فلذلك ياليت تتاكدين من كلامك
    لأ
    تتعين على درجة أولى مستوى أول
    لكن إنت وحظك ,, لو توظفت قبل بداية السنة فإنت بتلحق على السنة الجديدة فعلى طول بتنتقل لمستوى الثاني بمجرد يجي الشهر
    أنا مثلاً توظفت صفر صرت درجة أولى ,, زملائي اللي توظفو قبل محرم بكم يوم صارو درجة ثانية ( من المستوى الول )

    بالنسبة لبدل الندرة
    أنا توني مستلمته : )
    خلصت أوراقي من كم شهر وتوه نزل لي هالراتب , ولي الحق بالمطالبة باللي ماأخذته من شهر محرم مدري ذو الحجة << ماأهتميت أتأكد أي شهر بالضبط لني توظفت صفر
    المستشفيات اللي مانفذته هذا تلاعب منها مو لأن القرار لم يتم تطبيقه

    هذا سلم الرواتب حق التشغيل الذاتي
    أنا مشخبطة فيهم من قبل ماعليك من شخابيطي



    أنا عارفة إنك بتقرى فوق كلمة تخصصي وبتتلخبط , بس مو كل تخصصي يكون حكومي
    التخصصي الجامعي ايه حكومي أما مثلاً التخصصي اللي بالدمام هذا مو حكومي


    وهذا حق الموظف الدائم ( الحكومي )



    زي ماقلت لك بالنهاية بيكون المجموع نفسه بعد إضافة البدلات للموظف الحكومي
    هذرت واجد


  11. #26
    تاريخ التسجيل
    Aug 2008
    المشاركات
    412
    الجنس
    أنثى

    Rose رد: سلم الرواتب الجديد للوظائف الصحية


    مرحبا

    اتذكر بالتخصصي كان فيه موظف جديد بـ OR
    تحت التدريب وقالي ان اول راتب نزل له ١٥٠٠٠ ريال

    والعسكري بعد البنات اجتمع فيهم دكتور وقالهم رواتبنا تبدا من ١٨٠٠٠

    من نصدق !!

  12. #27
    تاريخ التسجيل
    Jun 2011
    المشاركات
    45
    الجنس
    ذكر

    رد: سلم الرواتب الجديد للوظائف الصحية

    سالت واحد بوزاره الصحه وقال لي

    المستوى الاول الدرجة الاولى
    واذا كنت خريج كلية العلوم الطبيه
    يكون المستوى الاول الدرجة الثانية

    ويقول الراتب 8614.3

  13. #28
    تاريخ التسجيل
    May 2009
    المشاركات
    72
    الجنس
    ذكر

    رد: سلم الرواتب الجديد للوظائف الصحية

    التخصصي تبدأ الرواتب فيه من 13 وفوق على حسب مكان عملك وبعد سنه يوقعوا معك عقد ويتعدل الراتب ويوصل الى 16 هذا في التخصصي فقط
    اما العسكري تتراوح بين 10 الآف و12 الف

    وهذا زبدة الكلام وماعليكم من اللي يقول غير كذا

  14. #29
    تاريخ التسجيل
    Jul 2006
    المشاركات
    3,568
    الجنس
    ذكر

    رد: سلم الرواتب الجديد للوظائف الصحية

    اقتباس المشاركة الأصلية كتبت بواسطة jo0od مشاهدة المشاركة
    عبد العزيــز
    توحيد سلم رواتب التشغيل الذاتي مطبق : )
    أنا حكومي , وصديقاتي تشغيل ذاتي .. كلنا نفس الراتب
    بس فيه ناس تلخبط وعلى بالها يقصدو بالتوحيد إنهم يوحدو جميع القطاعات ومن ضمنها الخاص والعسكري وهذا خطأ

    المقصود بالتوحيـد هم للموظفين داخل المستشفى الحكومي ( التابع لوزارة الصحة أو وزارة التعليم العالي فقط )
    انت يمكن تكون موظف حكومي وزميلك تشغيل ذاتي وإثنينكم في نفس المستشفى اللي هو حكومي أصلاً
    التوحيد يشمل فقط المستشفيات التابعة لوزارة الصحة ووزارة التعليم العالي ( يعني المركزية , الجامعية .. ) أما الخاص والعسكري وقوى الأمن والحرس وو هذول مو من ضمنهم

    هلا جود اسف بس الى الان انا اختلف معاك
    وطبعا الاختلاف ان شاءلله باقنعك واخليك تتفقين معاي

    انتي الان تقولين انتي وزميلتك بمستشفي حكومي وانتي رسميه وهي تشغيل ذاتي
    حلو هذا الكلام مفهوم ومعروف وموجود بعد

    طيب اذا انتي وهي نفس الراتب اجل ليه ينزلون سلم رواتب لهم وسلم رواتب لكم يالرسميين

    ولو رجعنا للسلم الي فوق الي انتي حاطته بتشوفين اختلاف الرواتب

    فلذلك انا ودي انك تركزين شويه بس وراح تتاكدين انك غلطانه

    شوفي هذا
    http://www.alriyadh.com/net/article/652069
    وأبان معاليه أنه سبق أن صدر في إطار هذه الرؤية السامية الكادر الصحي الجديد ليشمل العاملين بلائحة الوظائف الصحية حيث تم توحيد سلم الرواتب للعاملين في المستشفيات الحكومية والمتخصصة التي تدار وفق برامج التشغيل بما في ذلك مستشفيات الحرس الوطني ووزارة الدفاع والطيران ووزارة الداخلية ووزارة الصحة ومؤسسة مستشفى الملك فيصل التخصصي ومركز الأبحاث.. وأشار الربيعة في نفس السياق إلى صدور برقية المقام السامي الكريم رقم 2911/م ب وتاريخ 15-6-1432هـ القاضية بضرورة الالتزام بتطبيق قرار مجلس الوزراء في هذا الصدد والالتزام بعدم منح أي مميزات مالية إضافية لم ترد به.


    حلو انا داري انك قريته وشفت ردودك بموضوع عنه بس الي فهمته انك مو مقتنعه انهم يقصدون المستشفيات هذي بس انا راح اخليك تتاكدين
    شوفي وش مكتوب
    حيث تم توحيد سلم الرواتب للعاملين في المستشفيات الحكومية والمتخصصة التي تدار وفق برامج التشغيل بما في ذلك مستشفيات الحرس الوطني ووزارة الدفاع والطيران ووزارة الداخلية ووزارة الصحة ومؤسسة مستشفى الملك فيصل التخصصي ومركز الأبحاث

    المفهوم من الكلام انهم يقصدون التشغيل الذاتي الي بالمستشفيات الحكوميه نفس زميلتك وركزي على كلمة بما في ذلك معناها انها كملت معاها الحرس والتخصص والخ

    اتمنى وصلتك الفكره

    لأ
    تتعين على درجة أولى مستوى أول
    لكن إنت وحظك ,, لو توظفت قبل بداية السنة فإنت بتلحق على السنة الجديدة فعلى طول بتنتقل لمستوى الثاني بمجرد يجي الشهر
    أنا مثلاً توظفت صفر صرت درجة أولى ,, زملائي اللي توظفو قبل محرم بكم يوم صارو درجة ثانية ( من المستوى الول )

    طيب انا اقولك انا قريت الخطاب بنفسي على المستوى الاول الدرجه الثانيه ومعاي بالمستشفى 4 اخصائيين كلهم كذا
    اتمنى انك توافقيني الراي هع


    بالنسبة لبدل الندرة
    أنا توني مستلمته : )
    خلصت أوراقي من كم شهر وتوه نزل لي هالراتب , ولي الحق بالمطالبة باللي ماأخذته من شهر محرم مدري ذو الحجة << ماأهتميت أتأكد أي شهر بالضبط لني توظفت صفر
    المستشفيات اللي مانفذته هذا تلاعب منها مو لأن القرار لم يتم تطبيقه

    هذا سلم الرواتب حق التشغيل الذاتي
    أنا مشخبطة فيهم من قبل ماعليك من شخابيطي



    أنا عارفة إنك بتقرى فوق كلمة تخصصي وبتتلخبط , بس مو كل تخصصي يكون حكومي
    التخصصي الجامعي ايه حكومي أما مثلاً التخصصي اللي بالدمام هذا مو حكومي


    وهذا حق الموظف الدائم ( الحكومي )



    زي ماقلت لك بالنهاية بيكون المجموع نفسه بعد إضافة البدلات للموظف الحكومي
    هذرت واجد


    انا هذرت برضو واجد هههههههه

    بس ابيك تقنعني غصب والا طيب تراا بابلشك لين تقولين خلاص اقتنعت هع

  15. #30
    تاريخ التسجيل
    Jul 2006
    المشاركات
    4,541
    الجنس
    أنثى

    رد: سلم الرواتب الجديد للوظائف الصحية

    .
    .

    يوه شفيك ياعبد العزيـز لاتحوس السالفة
    خل أفهمك بس بشويش أوكي
    الحين وش عندنا مستشفيات حكومية ؟ بتكلم عن الشرقية أوكي لني ماعرف اللي في الرياض
    وبقول اللي أذكره بس

    الدمام المركزي , الملك فهد الجامعي بالخبر , القطيف المركزي , الملك فهد الجامعي بالهفوف , الجبيل العام ... الخ
    طيب

    الحين أنا جيت بقدم على وظيفة فيهم .. عندي خيارين :
    1. أقـدم عن طريق المديرية للشؤون الصحية ( والتقديم موحد لكل منطقة مديريتها ) : وفي هالحالة لو انقبلت راح أصير موظفة تشغيل ذاتي << أول كان كل مستشفى بروحه
    2. أقدم عن طريق ديوان الخدمة المدنية .. ( مفاضلة أو توظيف مباشـر ) : وفي هالحالة بصير موظفة حكومية

    الحكومية تنقسم إلى قسمين :
    وزارة الصحة ( ويتبع لها المركزي والعام .. )
    وزارة التعليم العالي ( ويتبع لها المستشفيات الجامعية )

    قبل ثلاث سنين تقريباً كان موظف التشغيل الذاتي يستلم راتب مختلف على إنه يشتغل نفس عدد الساعات للموظف الحكومي
    فأعترضو وجا القرار بتوحيد رواتبهم مع الموظفين الحكوميين - الكلام عن المستشفيات الحكومية فقط وفقط -

    العسكري والخاص وإخوانهم هذول قطاع بروحهم مو قطاع حكومي


    طيب أساساً هو فيه فرق بين التشغيل الذاتي وبين الحكومي .. وش هالفرق ؟

    أحمــد ..
    صيدلاني اشتغل عن طريق ديوان الخدمة , يعني موظف حكومي
    راتبه الأساسي 7420 من غير البدلات << في السلم ماراح تلقاهم حاطين البدلات
    كون أحمد حكومي فله ميزات واللي هي : عنده راتب تقاعد ,, عنده إجازة مدتها 36 يوم في السنة ,, وبعد إجازة العيد طويلة نوعاً ما
    وأيضاً عنده بدلات ( سكن , مواصلات , غلاء معيشة , تقرغ ) وبإضافة هالبدلات راح يصير راتبه كمجموع 10 آلاف وشي

    عبد العزيز ..
    صيدلاني توظف عن طريق المديرية ,, يعني تشغيل ذاتي
    راتبه الأساسي 9 آلاف وشي
    الفرق إن عبد العزيز لنه تشغيل ذاتي ماعنده بدلات زي اللي عند أحمـد
    عنده بدل واحد نسيت هو المواصلات أتوقع .. وبالتالي صار يستلم كمجموع 10 آلاف وشي << نفس راتب أحمـد بعد ماضافو له البدلات
    عبد العزيز مضطر إنه يراقب رخصة الهيئة حقت مزاولة المهنة لو انتهت فهو مهدد بإن عقد عمله يلتغي ( في الحقيقة محد يلغيه )
    إجازته أقل , وماعنده راتب تقاعد

    هـذا الكـلام كله عن المستشفيات الحكومية فقـــــط

    .
    .

    الحين لما طلعو القرار الجديد حق بدل التفرغ وقالو كلمة ( أسوة بالحرس وو ) صح ؟
    طيب وش يقصدو ؟؟
    يقصدو إنهم بيوحدو لهم سلـم
    بيسوو لهم سلم ثابت حالهم من حال الحكومي
    زي ماهذيلاك عندهم سلم رواتب ثابت يعرفو كيف يمشو فيه , هم بعد بيسوو لهم سلم رواتب ثابت - يعني بيوحدو لهم مو بيوحدوهم معنا -

    .
    .

    عشان الدرجة الأولى أو الثانية
    راجع كلامي فوق وشوف وش قلت لك ؟
    قلت لك يعتمد على متى توظفت
    لن الإنتقال من مستوى إلى آخـر والعلاوات السنوية والتقييم يصير بداية كل سنة جديدة بالهجري

    وبالتالي الشخص اللي بيتوظف مع بداية السنة على طول بيحطوه درجة ثانية
    لكن لو إنه توظف بعدها بشهر .. فخلاص راحت عليه

    لاحظ إني موظـفة

صفحة 2 من 3 الأولىالأولى 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •