[استفسار] أستفسار عن نسب دخول كلية الحاسب الألي بـ جامعة الملك سعود < طآلب توجيهي

[خالد الفلاح]

السلام عليكم ورحمة الله وبركاتهْ
صباحكم خيرْ ومسكْ ألخ
حبيت أستفسر عن النسبه المركبه لهذا العام لدخول قسم الحاسب الألي ومتى بتنزل
لان بصراحه شايل هم دخول القسم وأحس نسبتي ماراح تساعدني لأنها بـ ال 80 وقدراتي 75 وتحصيلي بآقي
ولمآ بحثت في النت حصلت إن النسبه المركبه السنه اللي راحت كانت تقريباً 69 , فهل تتوقعون السنه هذي
تكون نفسها أو قريبه منها ,
وأبي أنطباعكم عن الكليهْ بشكل عامْ
أتمنىْ ألقى أستفساري عندكم

[نصراوي وبس]

خلص التحضيرية بعدين يصير خير

[فكتر]

و عليكم السلام ورحمه الله وبركاته

الخطوة الاولى لـ الدخول للجامعة
هي السنة التحضيرية ، ثم بعد كذا تحدد تخصصك من بين الكليات
بناءاً على معايير معينــة ..

ممكن هالرابط يفيدك
http://www.cksu.com/vb/showthread.php?t=273726&page=1

[خالد الفلاح]

خلص التحضيرية بعدين يصير خير

حيآك ربي آخوي نصرآوي ,
أولاً شكراُ لك ع الردْ
وثانياً : أنا طالب توجيهي وهالشئ موضح بعنوان الموضوع ي بعديْ
والمقصد من الموضوعْ , هل نسبتي تدخلني قسم الحاسب ولا لا ,
وشكراُ لك وأسعدني ردك حبيبي

[خالد الفلاح]

و عليكم السلام ورحمه الله وبركاته

الخطوة الاولى لـ الدخول للجامعة
هي السنة التحضيرية ، ثم بعد كذا تحدد تخصصك من بين الكليات
بناءاً على معايير معينــة ..

ممكن هالرابط يفيدك
http://www.cksu.com/vb/showthread.php?t=273726&page=1

أهلا فيك أخوي فكترْ
عارف بعدي والله يجزاك خير على ردكْ ,
لكن مقصدي كانْ عن نسبة دخول الجامعه وهكذا ,
وردي على أخوي نصراوي موضحْ وش أبغا فيه ..
الله يسعدك حبيبي على ردكْ ..

[منبع الاصالة]

شف ذا الرد
http://www.cksu.com/vb/showthread.ph...18#post3975918
وعلى فكرة لا تتحمس
خلص التحضيرية
بعدين فكر بالحاسب

[Mr.GOAL]

نسبتك بالثانوي ما توكل عيش

دخول الحاسب يتطلب معدل مكون من اربع اشياء

25 % تحصلي
25 % قياس
25 % ريض 140 + ريض 150 < تاخذها بالسنه التحضيريه
25 % معدلك الكآمل بالتحضيريه


وعلى حسب الدفعه الي معك اذا كانت ممتآزه بيرفعون المعدل المطلوب
يعني الترم الي رآح قبلوآ على معدل 3.65 على مآ آظن !


اهم شي فكر بالتحضيريه حاليا


وشي اخر مهم مهم اي رد لـ العضو " مبرمج فلته " اسحب عليه

[منبع الاصالة]

نسبتك بالثانوي ما توكل عيش

دخول الحاسب يتطلب معدل مكون من اربع اشياء

25 % تحصلي
25 % قياس
25 % ريض 140 + ريض 150 < تاخذها بالسنه التحضيريه
25 % معدلك الكآمل بالتحضيريه


وعلى حسب الدفعه الي معك اذا كانت ممتآزه بيرفعون المعدل المطلوب
يعني الترم الي رآح قبلوآ على معدل 3.65 على مآ آظن !


اهم شي فكر بالتحضيريه حاليا


وشي اخر مهم مهم اي رد لـ العضو " مبرمج فلته " اسحب عليه

انت ايدك تحكك ما كتبت عن شي
فكني
وش تبي فيني

[خالد الفلاح]

شف ذا الرد
http://www.cksu.com/vb/showthread.ph...18#post3975918
وعلى فكرة لا تتحمس
خلص التحضيرية
بعدين فكر بالحاسب

هلابك أخوي مبرمجْ ,
الله يعطيك العافيه على الرد ,
بصراحه أتضحت لي معلومه أول مره أعرف عنها
أن نسبة الثانويه ماتهم في دخول الجامعه أو لا , لأن الأهم السنه التحضيريه
خلاص مشا حالك فيها مع القدرات والتحصيلي تدخل صح ولا لا ؟
, وسؤال . . .
الحين الحآسبْ لما أخلص السنه التحضيرية على حسب معدلي أدخل التخصص ؟
يعني معدلي تمام اختار اللي ابي , ومعدلي زفت , حولوني عشوائي ,
وسؤال اخير , هل لو معدلي كان ضعيف يحولوني لغير كلية الحاسب ؟
ويعطيك العافيه اخوي مبرمج
ويرحم آمك لاتقول على فكرة لاتتحمس لأن هالكلمه تحطم

[منبع الاصالة]

اول شي ادخل السنة التحضيرية
وبعدين يصير خير
وعدها بمعدل زين وبعدين فكر بالتخصص

[خالد الفلاح]

نسبتك بالثانوي ما توكل عيش

ماتوكل عيش شلون وضح ؟ يعني ماحتاجها بدخول الحاسب ولا كيف ؟؟

دخول الحاسب يتطلب معدل مكون من اربع اشياء

25 % تحصلي
25 % قياس
25 % ريض 140 + ريض 150 < تاخذها بالسنه التحضيريه
25 % معدلك الكآمل بالتحضيريه

أفهم من كلامك فوق أن نسبة الثانوي ماتهم أبد أخوي ؟

وعلى حسب الدفعه الي معك اذا كانت ممتآزه بيرفعون المعدل المطلوب
يعني الترم الي رآح قبلوآ على معدل 3.65 على مآ آظن !

طيب والنسبة المركبه اللي يقولون عنها وش سالفتها ؟
لاني حسب درجاتي على أقل تقدير طلعت نسبتي المركبه تقريبا الـ 72 , والسنه اللي راحت مقفلين على 68,90 آتوقع قول 69

اهم شي فكر بالتحضيريه حاليا

قصدك ثآلث ثآنوي موب تحضيريه

وشي اخر مهم مهم اي رد لـ العضو " مبرمج فلته " اسحب عليه

وآلله الرجآل حطمني يوم قآل لآتتحمسْ بس يستآهل كل خير حبيب ألبي مَ قصر يكفي رده بس ق1

[abdulaziz_3]

الله يوفقك أخوي خالد

[خالد الفلاح]

الله يوفقك أخوي خالد

ويآك آخ عبدالعزيز وكل مسلم ,
بإنتظار باقي أخواني ..

[Ya_B6L]

شوف يالغالي ..
نسبتك بالثنوي تدخل الجامعه اللي تبيها ..
شد حيلك عشان تنقبل بسعود و هي سهله ان شاء الله ..
و الشي الثاني .. الإجازه الصيفيه أدخل معهد لغه انجليزيه .. حتى لو أظطرت انك تتسسلف ..
لانه ببساطه معدلك بالتحضيريه هو معدلك بمادة اللغه ..شد حيلك بالتوفيق ..و بالنسبه للتخصص بكلية الحاسب فأمرها هين و انا أخوك اهم شي عد التحضيريه و خذ الـ IELTS و هو اختبار انقليزي بالتحضيريه

[Mr.GOAL]

ماتوكل عيش شلون وضح ؟ يعني ماحتاجها بدخول الحاسب ولا كيف ؟؟

أفهم من كلامك فوق أن نسبة الثانوي ماتهم أبد أخوي ؟

طيب والنسبة المركبه اللي يقولون عنها وش سالفتها ؟
لاني حسب درجاتي على أقل تقدير طلعت نسبتي المركبه تقريبا الـ 72 , والسنه اللي راحت مقفلين على 68,90 آتوقع قول 69

قصدك ثآلث ثآنوي موب تحضيريه

يمكن ما وضحت قصدي زين

شفني حبيبي

التحضيريه لها ثلاث مسارات

- مسار صحي
- مسار علمي وهندسي
- مسار انساني


المسار الصحي " للكليات الصحيه مثل الطب والصيدله والمختبرات و ... الخ "

المسار العلمي والهندسي " للكيات العلميه مثلا الهندسه والحاسب والعلوم والزراعه و... الخ "

المسار الانساني " للكيات الانسانيه مثل الادآب والتربيه وكليه المعلمين والمجتمع و ... الخ "


عندما تدخل السنه التحضيريه تحدد مسارك واذا انت تبي ( حاسب ) تحدد مسار الكليات العمليه والهندسيه
وتدرس بالسنه التحضيريه لمده سنه كامله ، واذا انتهت السنه التحضيريه تحدد ( الكليه الي تبيهآ )
على حسب اربع اشياء :

25 % تحصيلي
25 % قياس
25 % ريض 150 + ريض 140 < تاخذها بالسنه التحضيريه
25 % معدلك الكآمل بالتحضيريه

ومن هالاربع بيصير نسبه مركبه مثل 69 او 71 ... وكل كليه تحدد نسبه مركبه خاصه فيها
وترتب رغباتك بالكليات بالترتيب .
يعني ما تقدر تحط نفسك بالحاسب وانت ما درست تحضيريه ؟!

معدلك التحضيري حاول قدر الامكان تخليه مرتفع لآن السنه التحضيريه سنه سهله ويجب ان تستغل فيها
معدل مضبوط علشان يرفعك اذا تخصصت بكليتك :"

نسبتك الثانويه تساعدك فقط لـ دخولك للسنه التحضيريه
يعني اذا نسبتك الثانويه مش ولآبد ما رآح تدخل المسار الي انت تبيه "
وأظن فيه نسبه مركبه بين التحصيلي والشهاده الثانويه والقياس هي الي تحدد دخولك التحضيريه

بالعربي اذا دخلت التحضيريه - نسبتك الثانويه ما توكل عيش -
الي بيساعدك لـ دخول الحاسب اربع اشياء كما اسلفت سابقا :
(تحصيلي) -( قياس) -(ريض 140 + ريض 150 )- (معدلك الكامل بالتحضيريه)

موفق يا بطل