النتائج 1 إلى 6 من 6
  1. #1
    تاريخ التسجيل
    Oct 2010
    المشاركات
    345
    الجنس
    أنثى

    طريقة الحجز لاستخراج البطاقة الوطنية

    بسم الله الرحمن الرحيم

    السلام عليكم ورحمة الله وبركاته

    الكل يعرف باهميه اختبار الايلتس واغلب البنات يبون ياخذونه

    وطبعا عشان تسجلين فيه لازم يكون عندك اثبات

    اما بطاقة الاحوال ( البطاقة الوطنية ) او جواز سفر

    وفيه كثير بنات ماعندهم لا بطاقه ولا جواز

    فحبيت اساعدكم للي حابة تطلع بطاقة الاحوال

    بداية النظام تغير عن اول وصار فيه تنظيم يعني ماتروحين على طول للاحوال

    لا اولا تحجزين موعد بالنت وتطبعين استمارة وتعبينها وتروحين الاستديو تصورين لك صورة

    انا راح اشرح لكم كل شيء بالتفصيل وماراح اقصر معكم ان شاء الله

    للحجز في الاحوال المدنية تدخلين هذا الرابط https://eservices.moi.gov.sa/ES/LogInPages/Loginar.aspx

    وتروحين مستخدمون غير مسجلون وتدخلين رقمك السجل المدني والارقام الي ظاهره لك

    وبعدها روحي على اليمين مكتوب حجز وعرض مواعيد

    راح يطلب منك تاريخ ميلادك بالعربي وبعدها حجز موعد

    وبعدها بتطلعك صفحة فيها خانات وانتي تختارين من القوائم المنسدله الي فيها

    اولا القطاع == تختارين الاحوال المدنية

    ثانيا المنطقة == الرياض

    ثالثا المدينة == الرياض

    رابعا المكتب == عندك خيارين اما الي في المروج او الثاني وهذا بيكون في الوشم الي عند

    الكوبري تختارين واحد منهم على حسب الي يناسبك

    خامسا الخدمة == خدمات الهوية الوطنية للنساء

    والفترات مافيه الا الفتره الاولى فقط

    وبعدها اضغطي على عرض المواعيد وراح تنعرض لك المواعيد اختاري الموعد الي يناسبك

    واضغطي حجز

    وعلى فكره راح يكون هناك 40 شخص في ساعة وحده يعني مو كل وحده لها ساعة كامله

    وبعدين راح تطلع لك تذكرة المراجعة هذي تطبعينها وتاخذينها معك مع الاوراق الباقية المطلوبة

    وهذا المطلوب منك :

    يتطلب اصدار بطاقة هوية وطنية جديدة للمرأة ما يلي
    1: أن يكون عمر المتقدمة (18) عاما فما فوق، وفي حال الحاجة يمكن اصدارها لمن أكملت (15) عاما
    2. احضار صورة شخصية حديثة وملونة مقاس 4 × 6 سم، غير محسنة وأمامية و مظهرة لجميع معالم الوجه، و خالية من الزينة مع تغطية العنق وشعر الرأس، ودون نظارات أو عدسات
    3. احضار صورة سجل الأسرة (دفتر العائلة) المضافة به صاحبة الطلب
    4. احضار أصل حفيظة النفوس لمن سبق لها الحصول عليها
    5. احضار أي مستند يثبت المهنة
    6. احضار أصل شهادة الميلاد مع صورة منها اذا كانت تحمل شهادة ميلاد.
    7:تعبئة النموذج رقم (2/56) و الخاص بذلك من موقع البوابة الالكترونية لوزارة الداخلية
    8: التعريف بالمرأة والتثبت من شخصيتها من خلال احدى وسائل التعريف التالية
    أ- حضور ولي الأمر أو أحد المحارم الى قسم الرجال، مع احضار أصل بطاقة الهوية الوطنية الخاصة به وصورة منها
    ب- أو حضور امرأة سعودية واحدة الى القسم النسوي تحمل بطاقة الهوية الوطنية وتربطها بصاحبة الطلب صلة قرابة، على أن تحضر معها أصل بطاقة الهوية الوطنية وصورة منها
    ج- أو حضور امرأتين سعوديتين الى القسم النسوي تحملان بطاقة الهوية الوطنية، اذا كانتا من غير أقارب صاحبة الطلب، على أن تكونا تعرفانها معرفة حقيقية، وتحضر كل منهما أصل بطاقة الهوية الوطنية الخاصة بها وصورة منها
    د- أو حضور المرأة صاحبة الطلب الى القسم النسوي مصطحبة جواز سفرها السعودي وصورة منه، على أن يكون خاليا من الكشط أوالتعديل أو الاضافة

    بالنسبة للنموذج رقم (2/56) هذا الرابط http://www.moi.gov.sa/wps/wcm/connec...d8d5bed7ca8368

    الي عليك انك تطبعينه بس وتعبين المطلوب منك تعبئته فقط وبخط يدك يعني مو باللاب

    بالنسبة للصورة لازم تصورين عند استديو ماراح ياخذ وقت وعلى طول يسلمون لك الصورة في

    لحظتها يعني ماراح تاخذ كثير

    هذي للملف عندهم والصورة الي في البطاقة هم راح يصورونك عندهم

    الي راح يكون معرف لها ولي امرها لازم يروح لقسم الرجال ويسوي كل شيء من عندهم

    وبعدها راح يعطونه ورقه للتصوير انتي تاخذينها وتروحين عند النساء وتقدمينها للاستقبال ويعطونك

    رقم وراح يقولون لك وش الواجب عليك انك تسوينه وطبعا راح ياخذون لك بصمة بالبصامه وبصمة

    لاصابعك كلها بجهاز عندهم وبعد ماتخلصين راح يقولون لك متى تجين تاخذين البطاقة يعني اقصى

    مده اسبوعين فقط ولازم تجين ومعك صورة من دفتر العائلة

    ملاحظة مهمة جدا :::

    الصور ماراح يشوفها اي رجال لانه اولا راح يسون الاوراق وبعدها راح يعطون ولي امرك ظرف

    يحط فيه الاوراق والصور بنفسه وهو الي يسكره ومحد يفتحه غير قسم النساء

    حبيت انبه عن هذي الملاحظه لانه ناس كثير متخوفين من هذي السالفه فحبيت اطمنهم فقط

    وبس

    اي وحده عندها اي استفسار تسدحة هنا وانا بحاول قد مااقدر اني ادخل عشان ارد على

    استفساراتكم ودعواتكم لي بالتوفيق

  2. #2
    تاريخ التسجيل
    Jul 2010
    المشاركات
    528
    الجنس
    أنثى

    رد: طريقة الحجز لاستخراج البطاقة الوطنية

    يعطيك الف عاااافية حبيبتي

    وماااقصرتي

    شرح كآآفي ووآآفي



    الحمد لله انا طلعت بطاقتي الاحوال من زمان

  3. #3
    تاريخ التسجيل
    Jul 2010
    المشاركات
    2,248
    الجنس
    أنثى

    رد: طريقة الحجز لاستخراج البطاقة الوطنية

    الله يجزاك ألف خير

    كأنك حاسه فيني

    الفكرة تروح وتجي على بالي من زمااااااااااااااااااااان

    بس متى افضى


  4. #4
    تاريخ التسجيل
    Oct 2010
    المشاركات
    345
    الجنس
    أنثى

    رد: طريقة الحجز لاستخراج البطاقة الوطنية

    تسلمين قلبو لمو

    قرين ابل من الافضل انك تستعجلين عشان لاتروح عليك المقاعد لاختبار الايلتس

  5. #5
    تاريخ التسجيل
    Jul 2010
    المشاركات
    2,248
    الجنس
    أنثى

    رد: طريقة الحجز لاستخراج البطاقة الوطنية

    packardbell

    عندي استفسار صغير

    بالنسبه للمعرف لازم يكون الوالد ولا مو مشكلة

    اذا كان أخوي أو عمي أو خالي



  6. #6
    تاريخ التسجيل
    Oct 2010
    المشاركات
    345
    الجنس
    أنثى

    رد: طريقة الحجز لاستخراج البطاقة الوطنية

    يصير اخوك او عمك لكن خالك ماادري والله

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •