توضيح الفرق بين العلاج الطبيعي والعلاج الوظيفي ,, مهم لكل طالبات ليفيل 3

[Dr.Tofi san]

السلام عليكم ورحمة الله وبركاته


اليــوم موضوعي غير ,,,,


يمـكن يكون توضيح للبس صار اليوم في البرنامج التعريفي لليفيل 3 ,,, ويمكــن هو عباره عن توضح الفرق بين تخصصين ,,, يمكن الاغلب اعتقده بعكس ما هو في الحقيقه

راح اتكلــم اليوم عن ( العلاج الوظيفي & العلاج الطبيعي )

صحيح ان اليوم عرفوا بالاقسام لكــن ,,,, حابــه اتكلم عن القسمين على وجه الخصوص ,,, علشان صار فيه لبس بالبرنامج التعريفي


العلاج الوظيفي :-

هو عباره عن تأهيل ومساعده الأشخاص ذوي الإعاقات الجسديه _ الفكريه _ الحسيه _ او حتى الإجتماعيه على التكيف مع إعاقتهم

يعني المعالج ,, يساعد هؤلاء الاشخاص على تنميه قدراتهم وإعادة تأهيل مهاراتهم علشان يقدرون يتكيفون مع اعاقتهم

فالمعالج يكون اكثر تواصل مع عائلة الشخص ذو الاعاقه ويكون هناك توجيه على اساليب وطرق وقائيه معينه

وكذلك المعالج يحاول يبني الثقة في نفس الشخص المعني ويساعده على اعادة وتصميم بناء مستقبله

ويعالج كافة الفئات ( الاطفال _ البالغين _ المسنين ) ,,, وكمان له مجالات عديده :-

o الحروق
o أمراض العظم والمفاصل
o أمراض الأطفال
o أمراض الجهاز العصبي
o الاعاقات الحسية
o الصعوبات والاعاقات الفكرية التطورية والتعلمية
o الأمراض النفسية والعقلية
o أمراض الشيخوخة
o أمراض الجهاز التنفسي والقلب والشرايين
o تقويم الأعضاء

وهذا فيديو يوضح دور العلاج الوظيفي ,,,



هذي فكره بسيطه عن العلاج الوظيفي


نجــي ألحــين للعلاج الطبيعي ,,,, واعتقد ان أخذ حقه في التعريف ,,, لكـــن بسبب الفهم الخطأ اللي أعتقدوه بنات ليفيل 3 حبيت اوضح عدة اشياء :-

العلاج الطبيعي ليس متخصص فقط في معالجة الـ Lower limp ( مثل ما قيل اليوم في التعريف بالاقسام ) بينما العلاج الوظيفي متخصص في الـ Upper limb *** هذي المعلومه خاطئه ,,,

العلاج الطبيعي :- إعادة تأهيل مع علاج ,,,,

بمعنى لو يجي شخص عنده injury in nerve ولا يقدر يحرك الجزء اللي يغذيه الـ nerve ,,, فاحنا دورنا كعلاج طبيعي نخلي الشخص يقدر يحرك الجزء هذا بعد جلسات مكثفة من العلاج الطبيعي

العلاج الطبيعي موب شئ نأخذه بالكليه ونجي نطبقه على المريض وبس !!!!

لا

العلاج الطبيعي شئ مغاير تمام ,,,, يرتبط بذكاء المعالج اكثر من انه مجرد يطبق اللي تعلمه وبس

فمثلا في حالات كثيره زي الآم الظهر نأخذ مثال على الـ ( Disc ) ,, الديسك يكون ضاغط على الـ nerve في الظهر لذلك هذا هو الشعور اللي يحسس المريض بالالم الشديد

فتكون فيه حالتين للعلاج :- إمـــا الجراحه ,,, او ,,,, العلاج الطبيعي

وغالبا لا ينصح بالجراحه ,,,, فالحل الآخر هو الآمن والأفضل للمريض ونتائجه جدااا مضمونه

لذلك الفكره اللي اخذوها الطالبات عن العلاج الطبيعي انه يعالج فقط الـ Lower limb طبعا هذي فكره غلط

لأن بإختصار ,,,, العلاج الطبيعي يكون علاج لحالات كثيره يمكن يعجز الدكتور انه يعالجها

والمعالج يحتاج لذكـــاء لكيفيه دراسة الحاله اللي قدامه ويشخصها وكيف يعطيها العلاج المناسب علشان يكون بمقدور المريض على انه يستعيد قوة الجزء المصاب مثل قبل ما يصاب بالـ injury

أما العلاج الوظيفي ,, هو مساعده على التكيف مع الاعاقه مثل ما شرحت قبل

وهذا فيديو يوضح دور العلاج الطبيعي



وهذا فيديو يوضح لنا كيف يعالج الطفل اللي عنده شلل دماغي ,,,,



يوسف طفل وُلِد بالشلل الدماغي ,,,, ما يقدر يتكلم ,,, ما يقدر يأكل ,,, ما يقدر يجلس ,,,, مع جلسات العلاج الطبيعي ,,, تحسن يوسف بشكل ملحوظ جدااا ,,, خصوصا انه مصاب بشلل دماغي



في النهايه ,,, هذا كان فقط توضيح لأي لبس حصل اليوم ,,, وشفت ردود بعض البنات عن العلاج الطبيعي وهذا اللي حزني ,,,, لأنهم كانوا فاهمين غلط عن قسمنا

أتمنى اني اكون وضحت الفكره ,,, صحيح اني اليوم ما كنت بالبرنامج التعريفي مع ان المفروض اتواجد لكــن ,,, لظروف ما قدرت اكون في التعريف بالاقسام ,,,

( البنات اللي كانوا اليوم بالبرنامج التعريفي ما قصروا ,, وفوا وكفوا ,,, وفعلا أثبتوا لنا ان طالبات العلوم الطبيه اروع وابدع طالبات )

لذلك حبيت اوضح عن طريق المنتدى علشان المعلومه تكون اكثر دقه

كل التوفيق لكم ليفيل 3 في اختيار تخصصاتكم

[جالكسي والعالم عكسي]

موضوع رائع ووضحلي الكثير من الفروق بين التخصصين لان صراحه اكثر الطلاب ماخذين فكره خاطئه عن التخصصين العلاج الطبيعي lower limb العلاج الوظيفي upper limb شكرا على التوضيح

[nodame_san]

مشكوووووووووووووووووووووو رة مررة ..د.توفي ساان ..

من جد كنا ماخدين فكرة غلط ..... سلمت اناملك ..

[مس فوووشيا]

توفي البطلة

الله يجزاكِ خير ع التوضيح
والموضوع المهم

[ريما ريما]

ايوة صح عليك
انا علاج و ظيفي و مررة انصحكم تدخلونه
و انشالله يفتح لكم

[Stethoscope]

موضوع مره مفيد

وفقك الله

[ETERNAL TEAR]

يعطيك الف عافيه على المجهود الرائع

[..Tito..]

يعطيك العافيه توفي ..

لكن معلومه ان العلاج الوظيفي للاطراف العلويه والعلاج الطبيعي للاطراف السفليه ،، للأسف هي منتشره عند كثير من المتخصصين وهي أراء مختلفه و وجهات نظر مختلفه .. مانقدر نحدد ونقول هو كذا او لا ،،هل هي صح او خطأ
لكن من واقع العمل وبروتوكول المستشفيات المختلفه و كيفية منح المستشفي للصلاحيات
سواء لأخصائي العلاج الطبيعي او أخصائي العلاج الوظيفي ،، يتبين لك الوظيفي وش يسوي والطبيعي وش يسوي ..
فيه مستشفيات تقول لما يجي الريفيرال من الفيزيشن انو بما ان الاصابه بالاطراف العلويه و بالحركات الدقيقه "fine motor" اخلي الوظيفي يمسك الحاله .. لكن لما تجيني حاله الاصابه فيها بالاطراف السفليه ومسويه امبيرمنت ل "gross motor" اخلي الفزيو يمسكها
لذلك نجد الفزيو والاوتي يعملون سوا بنفس المكان ،، لكن كل واحد ماسك له جزء بالمريض
ويظهر دور العلاج الوظيفي اكثر في الاصابات العصبيه اللي صار فيها فقدان للوظيفه الدقيقه ،، مثل ان المريض مايقدر يعد فلوسه ،، مايقدر يكد شعره ،، مايقدر يلبس هدومه ،، وممكن بعد مايقدر يلبس شرابه او حتى جزمته وانتو بكرامه ،، فنشوف الحين ان اخصائي العلاج الوظيفي في هذه الحالات يشتغل مع الأبر واللور بعد ،،
لكن يظهر دور العلاج الطبيعي في الاشيا الكبيره ،، مثلا المريض مب قادر يمشي لحاله ،، المريض عنده مشاكل في الجوينتز ،، مشاكل بالعضلات ضعف او غيره ،، اصابات في الاعصاب مأديه لعدم توافق حسي حركي .. الخ
لذلك انا اشوف ان القسمين متداخلين حتى في المستشفيات ،، وفي بعض الاحيان ومن تجربه نلحظ وجود "تتش" بين اخصائي العلاج الوظيفي وأخصائي العلاج الطبيعي .. مع الاسف وهذا طبعا غلط ،، لكنه موجود
لانو زي ماقلنا تفرق من مستشفى لآخر .. وكيف برتوكول القسم ومن الانشارج عن المريض هذا ومن اللي يعطي الديسيجن
بس ع العموم ما اتوقع ان اللي بيسأل اهل التخصص بيتوه ويصير عنده كنفيوز ،،
ومستغرب انك ياتوفي تقولين ان الطالبات خربطو من بعد الحفل التعريفي ؟؟
ليه وش صار بالحفل عشان يتخربطون الطالبات ؟

يعطيك العافيه ياوخيه وانتي افضل من يتكلم عن الفزيو بالحماس حقك
شكرا

[مجد الأجداد]

اهئ اهئ اهئ

يوووسف ما شاء الله عليه يدننننننننننننن الله يشفيه يااااااااااااارب

والحمد لله على كل حال

فعلا ربي كبيييييييييييييير سبحااانه ... الله يخلي له اهله ويخليه لهم

حبيته هالولد يارب يعطيه طولة العمر بطااعته

لو ادخل قسم علاج طبيعي والله بس عشان عيونه

ياليت بس اوصل له

[مجد الأجداد]

اييه صح مشكووووووووووووووووووره توفيتي على توضيح الفكره

والله فعلا انا كنت فاهمه غلط

جزاك الله خير من جد ما قصرتي عزيزتي

مرره حلوين القسمين

ومشكور tito على التوضيح بعد .. الله يعطيك العافيه

[Ɛrrδr]

يعطيك العافيه اختي

واحنا طالبات العلاج الوظيفي نوعد بنات ليفيل 3 بنبذة تعريفية عن القسم قريباا ان شاء الله

بعد ما ناخذ فكره عامه وشامله من المختصين عن القسم ونقدر نرد على الاسئله الي راح تجينا ,,

[Mshari Al-Dhuwailaa]

مجهود تشكرين عليه ,,

و لكن آللبس حآصل لآ محآله ,, من وجهة نظري

[LoLo-1]

occupational therapy is related to the activites of the daily living (ADL) , such as dressing bathing and eating . but physical therapy is usually related to the muscle strengh , ROM and pain relieve

[Dr.Tofi san]

كتبت رد طويل عريض وطار

لي عوده للرد بإذن الله

[العالمة]

الله يجزاكي الفردوس الأعلى
نورتيني الله ينورك
شكرررا مررررة توفي.