النتائج 1 إلى 10 من 10
  1. #1
    تاريخ التسجيل
    Feb 2009
    المشاركات
    3,497
    الجنس
    أنثى

    التحضيرية .. و بداية النجاح !


    بسم الله الرحمن الرحيم

    السلام عليكم ورحمة الله وبركاته ،





    حياكم الله تحضيريات 431 ..

    اول شي مبـــارك التخرج ..
    عديتوا مرحله مهمه من حياتكم ..

    و ثانيا مبــــارك القبول ..
    دخلتوا مرحله اهم ..



    خلاص انتو الحين حطيتو رجلكم على أول عتبه =) ..

    واتباعا لهدي النبي الكريم : [ إن الله في عون العبد مادام العبد في عون أخيه ] ..

    حبينا نقدم لكم دليل يفيدكم بالمواد وطبيعتها ،
    و أشياء كثيرة بتساعدكم ببداية حياتكم الجامعية ..

    أكيد أغلبكم الحين متخوفين ..جامعة!
    وكيف .. ونظام جديد وناس ما اعرفهم .. نبدى معكم خطوه خطوه !



    الموضوع بيشمل على 8 أقســام :
    - اضغطي ع الصورة لـ تنقلك إلى الجُزيئة مُباشره ^^ -

















    :

    .
    التعديل الأخير تم بواسطة سارا ~ ; 16th September 2010 الساعة 08:46 PM

  2. #2
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !


    :









    - كبداية أرقامكم الجامعية وصلتكمـ بمسجات ..
    الرقم الجامعي هو الرقم اللي يمثلك في النظام الالكتروني للجامعة "مثل السجل المدني "..
    واللي ما وصلها مسج ، أو صار شي و أنحذف المسج .. هنا لازم تراسلين عمادة القبول والتسجيل تزودينهم بمعلوماتك وتشرحين ايش اللي صار معك !
    ( ايميل عمادة القبول والتسجيل Dar@ksu.edu.sa ) ..
    عادة الرقم الجامعي لكل دفعه يبدأ بسنه دخول الدفعة للجامعة يعني احنا أرقامنا تبدى بـ 430 و انتم بتبدى بـ 431 ..

    - بعدها خطوة استخراج البطاقة الجامعية .. ( البطاقة أهميتها تكمن في الدخول والخروج من الجامعة وفي الامتحانات كتعريف لك ) ..
    بيطلبون منكم تراجعون عمادة القبول والتسجيل ..في عليشه بوابه 9 .. ( يأخذون لكم صور إنما ايه .. روعه !! )..

    - الخطوة الثالثة .. تسجيل الدخول للبوابة الالكترونية + الايميل الجامعي
    " الايميلات الجامعية هي الايميلات اللي ترسل لك الجامعة عليها أخر الأخبار واللي تمكنك من مراسلة العميد ,رئيسات الأقسام و الدكتورات ..
    لو ارسلتي من غير هالايميل مارح تصلك أي استجابة

    "



    طيب .. الآن في شي ابي اقولكم اياه .. تعاملكم مع الجامعة وكادرها .. بيكون بشكل الكتروني غالبا .. يعني ما في خطابات وراجعي هنا وروحي هناك !

    أهم 3 روابط المفروض تزورونها يوميا وبعد بداية الدراسة مره بالأسبوع عالاقل :



    - موقع السنة التحضيرية
    Preparatory Year - الصفحة الرئيسية
    التحديثات ، الإعلانات ، مواعيد الامتحانات و أشياء كثيرة .

    ،



    - البوابة الالكترونية
    https://edugate.ksu.edu.sa/ksu/init
    الدرجات ،تقييم المحاضرين ، الجداول ، إدخال رغبات التخصيص ،المعدلات و المكافآت
    - اسم المستخدم هو رقمك الجامعي وكلمة المرور هي رقم سجلك المدني -

    ،



    - بريد الطالب الجامعي
    جامعة الملك سعود < خدمة بريدي للطلاب عمادة التعاملات الإلكترونية والاتصالات KSU -
    أخبار الإجازات ، التعديل في أوقات المحاضرات و فعاليات و أنشطة الجامعة بشكل عام من محاضرات وغيره ..
    - أيضا اسم المستخدم هو رقمك الجامعي وكلمة المرور هي رقم سجلك المدني -

    بالنسبة لشرح تسجيل الدخول للبوابة والبريد الالكتروني
    http://www.cksu.com/vb/post2326969-8/



    الآن .. صرتي طالبة جامعيه ، معك أوراقك و اثباتاتك ..
    تبدين في البرنامج التحضيري .. وبتمرين بعدة مراحل قبل بداية الدوام الرسمي :


    1.البرنامج التعريفي :
    بيكون قبل بداية الدراسة بأسبوع ، بيعرفونكم بالأقسام الأكاديمية الموجودة ( لكل ماده قسم ..تراجعينه للاستفسارات الشكاوى ، وللنتائج ) ..
    سيتم تعريفكم على النوادي الطلابية ، و بعض تجارب خريجات السنة التحضيرية ..
    مهم إنكم تحضرون لأنه بيكون فيه تحضير ورصد للمتواجدات ،
    اللي تحضر تتأكد أنها سجلت حضورها ..



    2.امتحان تحديد المستوى :
    لا تخافوا ما عليه علامات .. هو امتحان باللغة الانجليزية لتحديد مستواكم فيها =) ،
    ينقسم لقسمين شفهي وكتابي ..

    بعده بتقسمون لمستويات من 1 إلى 6 ..
    اكرر ما له علاقة بالعلامات إذا كنتي بالمستوى الأول أو السادس كل مستوى له توزيع درجات ومنهج خاص فيه ..



    3. مكان الدراسه :
    في مركز الدراسات الجامعية بعليشة بوابه 6 ،
    بالنسبة لأول أسبوع بيكون فيه شرح وتحضير ..
    دوامكم نوعا ما طويل ، لا تخافون كم أسبوع وتتعودون عليه ..





    4. الجداول :
    ما فيه إمكانيه انك تعدلين جدولك .. جدولك باليوم الواحد بينقسم لقسمين :
    - قسم لغة انجليزية وقسم للمواد الأخرى .. جداولكم تنزل عادة قبل الدراسة بكم يوم ..
    وممكن تطبعونها من البوابة الالكترونية ،
    التعديل في الجداول يكون من عند الشؤون الطلابية .. هذا نموذج :



    مواضيع مُفيدة :

    موضوع جدا بيفيدكم بمعرفة بالقاعات و حساب المعدل و أقسام الجامعة و الإجراءات الأكاديمية
    http://www.cksu.com/vb/post2326967-6/
    http://www.cksu.com/vb/post2326969-8/

    هذا ايضا موضوع فيه شرح حلو للجداول,,
    http://www.cksu.com/vb/t167742/#post2477867

    وتقدروا تشوفوا هالموضوع كان لدفعة 430,,
    وفيه استسفسارات واجوبة تم الاجابة عليها واكيد بتفيدكم,,
    http://www.cksu.com/vb/t165615/



    5. التعلم الذاتي ( SELF LEARNING) :

    هو عبارة عن متطلب أساسي لكل مادة من المواد ماعدا مواد كلية العلوم اللي يأخذونها بنات الصحية الترم الثاني "فيزياء ،كيمياء ، أحياء ، إحصاء " ..10
    درجات لكل ماده ممكن تحصلينها عن طريق :
    • لما تشاركي مع النوادي الطلابيه " نادي الفنون ، الادب ، الاختراع .... إلخ"
    • تسوين بحث
    • تسوين نشاط دكتورتك موافقه عليه ..
    • بالنسبه للغة الانجليزيه لايقبل كتعلم ذاتي الا المشاريع .. بمعايير تزودون بها لاحقا .
    • الانديه الطلابيه تحتسب كتعلم ذاتي لمادتي الرياضيات وعلم الاتصال .



    6. الزي :
    في بداية السنه حيحددوا لكمـ ألوان مُعينه ، يُفضل تلتزموا فيها

    بشكل عام نظام السنه التحضيريه .. مو من الانظمه المتشددة ,,
    الا في بعض النقاط ، مثل انكم تروحون لباقي اقسام عليشه ..
    التشديد على الحضور ، جدا جدا متشددين ..
    المبنى مهيأ باحسن الامكانيات ، يعتبر من افضل مباني مركز الدراسات الجامعية بعليشه ..
    فيه مرافق ترفيه مناسبه لوقت الفراغ زي البلياردو و التنس ..
    بالاضافه فيه شبكة واير لس .. صاله هادئه للقراءة و المذاكره ..


    في كثير فعاليات وانشطه تُقام في البهو حلو تستفيدوا منها ..



    :

    .
    التعديل الأخير تم بواسطة سارا ~ ; 16th September 2010 الساعة 06:38 PM

  3. #3
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !


    :








    مواد مُشتركه بين المسار العلمي + المسار الصحي

    ( نجم 140 * ، ريض 140 ، تقن 140 ، علم 140)







    الـ نجمـ *

    بالنسبة للانجلش بشكل عام فيه ثلاث مسارات :
    • المسار الأول : مسار ليفل 5 و 6 إلي راح ياخذون آيلتس الترم الأول
    • المسار الثاني : مسار ليفل 4 إلي راح ياخذون آيلتس الترم الثاني
    • المسار الثالث : مسار ليفل 1 ، 2 و 3 الي ماراح ياخذون آيلتس أبدا

    بعد ما تختبرون اختبار تحديد المستوى ،
    بـ إذن الله حتوصلك رسالة توضح انتي أي ليفل من 1 إلى 6
    بعدها لما تبدأ الدراسة راح تتقسمون في شعب على أساس الليفلات ..

    المسار الأول [ ليفل 5 و 6 ] ..

    الترمـ الأول :
    راح يدرسون كتب آيلتس تجهزهم لاختبار الآيلتس مثل objective Ielts + IELTS Grammar
    طبعا التيتشرز راح يعلمونكم كل شي عنه لكن راح اتكلم عنه هنا باختصار للتوضيح =)

    اختبار الايلتس هو اختبار يقيس قدرتك في اللغة الانجليزية من ناحية :

    الاستيعاب المقروء (Reading):
    عبارة عن 3 أجزاء
    كل جزء فيه قطعة طويلة وعليها أسئلة تستنتجينها من فهمك للقطعة
    الأسئلة تكون اختيارات ، صلي ، ونادرا تكون كتابية ، و ضعي عنوان للقطعة أو عنوان لمقاطع من القطعة

    الكتابة (Writing) :
    عبارة عن جزئين :
    1- كتابة تقرير عن رسم بياني أو جدول ،تحويل رسم توضيحي إلى كلام مكتوب ،
    مثلا يجيبون لك دورة الماء في الحياة على شكل صورة بعدين انتي توصفين دورة الماء الي موضحة بالصورة على شكل كلام أو جدول..

    2- يجيبون لك سؤال عام وتكتبين عنه بإسهاب و السؤال ممكن يكون عن أي شي _التعليم ، التقنية ، الطبيعة ...الخ

    المحادثة (Speaking) :
    الي هو غالبا اسهل جزء تدخلين على وحدة لغتها الأساسية انجليزية ،
    تسألك أسئلة تجاوبين عليها ( هنا ما تختبر صحة معلوماتك =) ! ، لكن تختبر قدرتك على صياغة جملة والكلام بطلاقة ) ..

    السبيكنق عبارة عن 3 أجزاء:
    • الجزء الأول يكون عن نفسك (صفات فيك ، عائلتك ، موقف حصل لك .. الخ)
    • والجزء الثاني يكون عن شيء محلي (احتفالات وطنية ، التعليم في دولتك .. الخ )
    • و الجزء الثالث يكون عن شي عالمي ( الاحتباس الحراري انقراض الحيوانات ، وسائل المواصلات في العالم ...الخ)

    الاستماع (Listening) :
    وهو من 4 اجزاء تتدرج في الصعوبة ..
    يشغلون لك محادثة وعليها أسئلة تكون اختيارات او توصيل او فراغات .. إلخ ،
    المحادثة ممكن تكون مكالمة هاتفية او جزء من رحلة سياحية او دعاية تلفزيونية أو أي شي آخر ..

    وراح تظلون طول السمستر الأول تستعدون لهالاختبار و التيتشرز راح يعطونكم تمارين و واجبات مكثفة راح تتعبون ، ويمكن تطفشون
    لكن الصدق الصدق انكم قد ما تذاكرون وتشدون حيلكم قد ماراح تحمدون ربي انكم ذاكرتوا وشديتوا حيلكم لما تخلصون الامتحان
    حيكون فيه اختبار ميد و ما فيه فاينال لأنكم راح تختبرون آيلتس

    في البداية عدد الساعات 4 يوميا ، وبعد اختبار الآيلتس تتقلص إلى ساعتين فقط
    ( ليفل 5 بيصيرون ليفل6 وليفل6 بيصيرون ليفل7 )
    بعد الآيلتس حتدرسوا عن تخصصاتكمـ =)

    الترم الثاني :

    زي ما ذكرنا ، حتتقلص الساعات إلى 2 ، و كل قسمـ يدرس عن تخصصه ..
    حيكون فيه اختبار واحد فقط بين الميد و الفاينال ( يعني بعد ما يختبرون باقي المسارات ميد بس يكون قبل الفاينال

    المسار الثاني [ ليفل 4 ] ..
    الترمـ الأول :
    الدراسه من كتاب interchange 3 الكتاب جدا بسيط وفيه معلومات عامة عبارة عن وحدات كل وحدة تتكلم عن موضوع معين ( الصداقة ، التكنولوجيا ، الموضة ..الخ) ..
    وراح تدرسون في كل وحدة قرامر وريدنق ورايتنق وحتتعلمون فوكاب جديدة تتعلق بالوحدة نفسها ،
    الكتاب سهل جدا و واضح وممتع الي يحط باله كويس أكيــد حيستفيد منه في حياته

    الميد تختبرون فيه من الكتاب (حنا اختبرنا في 12 وحدة من الكتاب) الاختبار كان ( ستايل كت ) يعني مو اختبار كت صدقي ، لكن نفس الاسلوب

    بعد الميد راح تكونون ترقيتوا ليفل يعني صرتوا ليفل 5 ،
    و حتدرسوا من كتابين واحد كله ريدنق Strtegic reading تتعلمون كيف تقرؤون وتجاوبون عن الأسئلة ،
    والثاني كله رايتنق Writing from within تتعلمون كيف تكتبون القطع بأنواعها و الرسائل ..الخ)
    بعدها يجي اختبار فاينل عام يعني ماراح تدرسين من كتاب محدد و لكن تحاولين انك تلمين بالقرامرز الاساسية و الفوكاب المهمة و كذا
    و الاختبار لجميع الليفلات من 2 إلى 5

    الترمـ الثاني :
    حتستعدوا للآيلتس 3 شهور وسبق وتطرقت لنفس الكلام في المسار الي قبل

    بعدين فيه اختبار ميد بعد حوالي شهرين ونص من بداية الدراسة ،
    الاختبار كان جدا جدا سهل يصلح لليفلات أقل ،
    بعد اختبار الميد تصيرون ليفل 6 وبعد اختبار الايلتس راح تصيرون ليفل 7 ،

    بعدها الكل درس عن قسمه ،
    ولكن فيه اختلاف بسيط عن الي اختبروا ايلتس الترم الاول ،
    الي هو انو البنات بعد ما خلصوا آيلتس ما قللوا عدد الساعات عندهم ولكن ظلت على ماهي 4 ساعات ..

    المسار الثالث [ ليفل 1 + 2 + 3 ] ..

    الترمـ الأول :
    درسوا من مجموعة اسمها touchstone ،
    وكل ليفل درست كتاب من هالمجموعة وفي الميد كان الاختبار من عدد من الوحدات من الكتاب ،
    وبعد الميد كل ليفل ارتقت لليفل الي بعدها ..
    بعدها درسوا من كتب ثانية من نفس المجموعة لكنها أعلى مستوى
    وفي الفاينال كان الاختبار العام الي تكلمت عنه في المسار الثاني

    الترمـ الثاني :
    بنات ليفل 1 صاروا 3 ، بنات ليفل 2 صاروا 4 وبنات ليفل 3 صاروا 5 ،
    درسوا كتاب Strategic reading + Writing from within
    وقالوا لهم راح تجي أسئلة الميد منه ..
    جاهم اختبار ميد قالوا عنه صعب انه اعلى من مستواهم ..

    بعد الميد درسوا من كتاب Technology 2 + Academic Encounters
    واختبار الفاينل جا موحد لليفلات من 3 إلى 5

    هذي طريقة وحدة من البنات (Swayer) في المذاكرة :
    حاولوا تقروا الكتب حتى لو ماكانت معكم بالاختبار لانها جدا مفيدة في الحياة العامة وحتفيدكم كمان في زيادة مصطلحاتكم
    طريقة مذاكرتي أفادتني مرة كثير في تطور لغتي وهي كالتالي:
    1- حاولي ما تتركي ولا نقطة في أي كتاب من كتبك حتى لو ماكان لها داعي في الاختبار أو دراستكي انتي.
    1- حاولي يكون معك أقلام هايلايت كل ما مرت عليكي أي كلمة جديدة في أي كتاب تظلليها بالقلم الهايلات وتدوري معناها وتستخدميها في عدة جمل , القاموس الانجليزي – انجليزي راح يفيدك في هالنقطة.
    3- احذري أن تترجمي معنى أي كلمة إلى العربي, وإن اضطريتي فحاولي بعد ما تستنفذي كل الطرق في ترجمتها للانجليزي, هذا فوق كذا حيطوركي جدا في الانجليزي, وكمان ترجمتها من انجليز لانجليزي حيكون أدق فهما لنو أحيانا الكلمة يكون معناها غير من جملة لجملة وحتى في الكلام في اللغة الانجليزية, في البداية ممكن يكون شوي صعب لكن جدا حيساعدك وفي النهاية حيكون لك أسهل.
    4- حاولي في أي وقت فراغ تسمعي لأي شي بالانجلش وفيه مواقع كثيرة في النت ممكن تقدري تنزلي منها على آيبودك وتسمعيها على طول وحاولي انك تكتبي في أي فراغ عندك الشي اللي بتسمعيه, هالنقطة راح تساعدك برضو في زيادة مصطلحاتك وفي النطق كمان.

    الاختبارات:
    لازم تعرفي من دحين انو الامتحانات ما تعتمد على الكتب أبدن أبدا, راح يعتمد على فهمك وقد إيش انتي استفدتي عموما بس لازم تكوني ما تدخلي الامتحان إلا وانتي عارفة الطرق اللي تساعدكي في الإجابة, منها:
    في قسم الرايتنق لازم تعرفي كيف طريقة الكتابة وهذا بيعتمد على الطريقة اللي درستيها في كتاب الرايتنق.
    في قسم الريدنق لازم تطوري نفسك فيم مهارة فهم معنى الكلمة من سياق الكلام, وفهم عما تتكلم عنو القطعة بالرغم انك ما تعرفي كل كلمة ايش معناها .
    في القرامر لازم تطوري نفسك في القواعد الأساسية ومن ثم الثانوية في الانجلش
    في اللسننق بكثرة الاستماع والتدريب على الحل من خلال مواقع متوفرة في النت
    في السبيكنق حاولي قد ما تقدري تتكلمي مع أي احد متمكن في الانجليزية – مو شرط متمكن متمكن بس لازم يكون أحسن من مستواك عشان تعرفي إذا انتي قاعدة تتعلمي صح وإلا لا- خارج الجامعة وفي الجامعة بالانجلش وتتاكدي من إذا الكلام اللي انتي بتقوليه مزبوط وإلا لا من خلال سؤاله عما شكيتي فيه .

    خلال السنة:
    - لا تستحي في إنك تتكلمي انجليزي أبدن حتى لو كلامك غلط أهم شي تتكلمي ومع الوقت بتتعلمي, أنا في الترم الأول كنت ما أتكلم في البداية يعني كنت طرمة في الانجليزي  واستحي مرة مرة مرة مرة لكن اكتشفت اني قاعدة احطم نفسي فقررت اتكلم بما يطلع على لساني مهما كنت اسمع من حولي من ضحكات وتريقة لكن والله هو ذا اللي افادني لا ضحك غيري ولاا همساتهم.
    - حاولي ان رحتي مكان عام انك تتكلمي انجليزي مع المضيفين مثلا في المطاعم بيساعدك كثيرة, وكل ما أهملتي التدريب على الكلام كل ما قد بعدتي أكثر من اللغة الانجليزية وقل مستواك.
    هذي نصائح أفادتني كثير في السنة التحضيرية أتمنى من المبتدئين الاستفادة منها.

    التقويم المستمر :
    راح يكون فيه تقويم مستمر لجميع المسارات في الانجلش ،
    عبارة عن اختبارات صغيرة في الريدنق والسبيكنق واللسننق و الرايتنق تعطيك اياها التيتشر كل فترة ..

    السيلف ليرننق :
    لجميع المسارات نفس السيلف ليرننق =)
    وهو عبارة عن مشروع بحث ،
    تتناولين فيه احد المشكلات الموجودة في بلدك وتبحثين عن اسبابها وحلولها ..
    ممكن تصلحينه بشكل فردي ، أو تشتركين مع وحدة من زميلاتك ..
    تقومي بالبحث بشكل ورقي يسلم للتيتشر في ملف ،
    و الكتروني يرسل على إيميل التيتشر ..

    وتصلحين عليه عرض بور بوينت تعرضينه في الكلاس
    و شي مرفق مع البحث يعني مثلا مطوية أو منشورة أو بطاقة تتكلم عن نفس موضوع بحثك ..

    ملفات مُفيده :
    بتلقوا نماذج لامتحان الكيت للي بيمتحنوه بالترم اول + ملفات للانجلش عامة بتفيدكم في جرمر,,
    نجم 140.zip - 4shared.com - online file sharing and storage - download

    فوكاب الكتب
    Interchange Arcade - Cambridge University Press
    اضغطوا ع اسم كتابكم من الـ 4 وحملوا ملف ..
    اذا اخترتوا صورة كتابكم من عاليسار ، اخترتي يونت حيطلعلك تحته كذا خيار ..
    اختاري اكتفتي اللي انتي حابة تدربي عليه =)

    للي بيمتحنوا ايلتس سوا كان بالترم الاول او الثاني ,,

    مواضيع مفيدة ,,
    http://www.cksu.com/vb/t133931/
    http://www.cksu.com/vb/t128131/

    هالرابط فيه ملفات جدا مفيدة للايلتس
    IELTS.zip - 4shared.com - online file sharing and storage - download

    وهنا تلقوا ملف يجمع روابط تفهمكم ايش هو ايلتس ،
    وكيف تتدربوا عليه من جميع نواحي وفيه نماذج للايلتس وروابط للفوكاب ايلتس وغيره,,
    IElts.pdf - 4shared.com - document sharing - download

    في هذا الكتاب جدا مفيد سواءا اخذتوا ايلتس او لا ..
    Grammer for IELTS



    توزيع الدرجات :
    ميد: 30
    فاينال : 50
    سيلف ليرننق: 10
    تقويم مستمر: 10
    المجموع: 100


    مواضيع مُفيده :

    http://www.cksu.com/vb/t210149/
    http://www.cksu.com/vb/t190480/
    http://www.cksu.com/vb/t217650/
    http://www.cksu.com/vb/t210151/


    *بيني و بينكمـ ، للأسف قسمـ النجمـ كل يومين له قرار =(
    فـ تهيأوا نفسياً لأي مُفاجأة ، ولعل السنه هذه تكون خاليه من مفاجآتهمـ =)




    الـ تقن

    هذه الماده ممتعه جداً
    يدرسونكمـ اياها تيتشرات من الجنسية الهنديه =)
    متعاونات جداً ، لو تروحوا لهمـ بـ أي وقت يعيدوا الشرح

    المنهج :
    الماده عباره عن شهادة الرخصة الدولية لـ قبادة الحاسب الآلي ..
    تنقسم لـ7 أجزاء ، تمتحنون بالمعامل بعد كل جزئيه وتاخذون كويز تحريري بسيط ..
    لما تخلصونها تاخذون شهادة ICDL

    اول كتاب موديل 1 حيكون أشياء نظرية عن الحاسب كنتم ماخذينها بالثانوي رام روم مذر بورد ... إلخ
    هذا المودل تذاكروا له ملف فيه 180 سؤال =)

    ثاني كتاب عن ويندوز اكس بي ، وهالموديل سهل
    كيف تسوي مجلد كيف تعملي نسخ لصق حفظ أشياء بسيطة واظن الكل يعرفها

    الثالث عن وورد وهذا امتحانهم حيكون عملي وفيه اشياء بسيطة نظرية ..
    العملي مثلا ، يطلب منك تغيير لون نص ، ادراج جدول ... إلخ

    الرابع بوربينت ونفس نظام الوورد =) ..
    الخامس الاكسيل .. السادس اكسيس .. السابع الانترنت و الايميل ,,

    اشياء حلوة تعمليها عشان تعملي كويس بالامتحان اعملوا study group قبل الامتحان بساعة ساعتين او اليوم اللي قبله ،
    حلّو الفولدرز مع بعض مثلا بنت ماعرفت طريقة حل سؤال فلاني بنت ثانية تعلمها وكمان ترسخ معلومات عندكم طبعا الامتحان النجاح فيه من %75

    المرجع :
    الفولدرات شامله بشكل عام اما الكتب ممكن ترجعون لها لو مافهمتوا شي..
    بالإضافة في برنامج بيعطونكم إياه التيتشرات اسمه ATS فيه نماذج للاختبارات ..

    توزيع الدرجات :
    80% على الامتحانات اللي بعد كل مودل،10% على الكوزات اللي بعد بعد كل مودل ،10% على عرض تسوونه ..
    التقن عليه بالمعدل 3 ساعات

    وممكن تستفيدوا من سلسة مواضيع التقن اللي كانت موجوده السنه الماضيه =)
    - جاري تعديل روابط التحميل -

    http://www.cksu.com/vb/t190676/
    http://www.cksu.com/vb/t202603/
    http://www.cksu.com/vb/t184164/
    http://www.cksu.com/vb/t188518/
    http://www.cksu.com/vb/t195748/
    http://www.cksu.com/vb/t190670/
    http://www.cksu.com/vb/t204771/

    و بـ إذن الله هـ السنه حنتابع معكمـ بنفس النظامـ - إذا ودكمـ ^^ -



    الـ ريض :

    مادة حلوة وسهلة بس لازم تذاكروها اول باول وتحلوا هوم ووركس
    يعني كتمارين محتوياتها معادلات درجة اولى ثانية ..
    الدالة اللوغارتمية الاسية المصفوفات و كمان جا وجتا..
    قسم الرياضيات قسم جدا متعاون ..الدكتورات طيوبات ..
    الماده عليها ساعتين بـ المعدل ..


    المرجع :
    بس الكتاب , وبعض نماذج لامتحانات سابقه تلقونها بمكتبه المهندس ..

    توزيع الدرجات :
    15 علامة للميد الأول , 15 علامة للميد الثاني ، 10 اختبارات قصيرة ، 10 تعلم ذاتي، 50 فاينل

    ملفات مُفيدة :

    ملف لشرح شابتر6 و دوال :
    math 140.zip - 4shared.com - online file sharing and storage - download

    هنا حتلقوا كتاب ع شكل ملفات PDF
    math 140 pdf.zip - 4shared.com - online file sharing and storage - download

    هذي اسئلة اولاد فيرست ميد لعام 429
    http://www.cksu.com/vb/t115662/

    هذا امتحان فاينل لجامعة تبوك لعام 429
    - همـ كمان عندهمـ تحضيرية -
    http://www.cksu.com/vb/t125579/

    مواضيع حلوة وبتفيدكم ان شاء الله عملها احد الطلاب العام - أي 430 -
    فيها ملفات حملوها
    http://www.cksu.com/vb/t192410/
    http://www.cksu.com/vb/t186664/

    جدول بطل فيه ترجمه لـ بعض المصطلحات من إعداد ツsmĭle»To Me



    المصدر : http://www.cksu.com/vb/showthread.php?t=176757&page=3



    العلمـ [ مهارات الاتصال ] :
    مادة حلوة خصوصا للي يحبون الفلسفة
    المواضيع كانت عن ذكاء وجداني عن كتابة تقارير سيرة ذاتية مقابلة شخصية .. إلخ
    في ناس كان يحسوا اختباراته غبيه شوي هي مو صعبة ابدا ابدا بس لما تذاكروا افهموا الشئ اللي تذاكروه
    زي مثلا عن نمط شخصيات شخص عصبي كيف تتعاملي معاه ،
    يجيك مثلا بالامتحان امثلة ايش نوع هالشخص كيف المفروض نتصرف ..
    بشكل عام بنهاية هالمقرر كل طالبه بتكون متمكنه من الالقاء امام جمهور كبير ,
    التعامل مع شخصيات مضطربه نوعا ما و التعامل مع المسوؤلين و اصحاب القرار .

    توزيع الدرجات :
    تتقسمون لمجموعات وتسوون مشروع عن موضوع معين تقريبا عليه 20 درجة ،ميد 10 ، ملف للواجبات 20 ،10 تعلم ذاتي ، 40 فاينل.
    العلم عليه بالمعدل ساعتين

    ملفات مُفيدة :
    علم.zip - 4shared.com - online file sharing and storage - download



    ملاحظة
    مع هـ المواد عندكم فرصه جدا قويه انكم تجيبون معدل (5) يعني كااامل !..
    في كثير ما شاء الله جابوها =) ,,
    فشدوا حيلكم ولا تضيعوا الفرصة عليكم,,
    استغلوا هالمواد واعطوها حقها ولاتستهتروا ,,
    بالعكس شدوا حيلكم وخلوا هدفكم دايم التفوق والـ أ+ ,,
    ويارب يرزقكم ع قد تعبكم ويارب اعلى المعدلات للكل =)



    * لن يتم التحدث عن النجمـ مع مواد الترمـ الثاني ،
    لأننا تكلمنا عنها بـ التفصيل =)



    :

    .
    التعديل الأخير تم بواسطة سارا ~ ; 5th October 2010 الساعة 07:58 PM

  4. #4
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !


    :









    بقية مواد المسار العلمي :
    ( 150 ريض ، 140 نهج ، 140 صحه ، 150 نجمـ * )






    الـ ريض :

    المادة جدا جميلة و ممتعة
    عبارة عن نسخ ولصق لرياضيات ثالث ثانوي ،
    عن النهايات والاتصال و الاشتقاق ورسم الدوال ..
    الفرق الوحيد انها بالانقلش =) ،
    فـ كل المصطلحات حتتحول إلى نظيراتها بالانجلش ، مثلا :
    بدال ما نقول نقطة انقلاب نقول :turning point

    المرجع :
    كتاب اسمه: Calculus Early Transcendental Functions custom Edition
    المؤلف: Smith & Minton
    عبارة عن تشابترز أو وحدات ، وكل وحدة مقسمة إلى فصول ..
    ما درسنا كل التشابترز الموجودة في الكتاب
    ولكن درسنا التالي :

    Chapter 1:
    1.1, 1.2, 1.3, 1.4, 1.5, 1.6

    Chapter 2:
    2.2, 2.3, 2.4, 2.5, 2.6, 2.7, 2.8, 2.9

    Chapter 3:
    3.2, 3.3, 3.4, 3.5, 3.6, 3.7.

    التشابتر1 يعني الوحدة الأولى و الأرقام الي بعده هي الفصول الي داخل الوحدة
    - يعني الوحدة الاولى الفصل الأول ، الوحدة الاولى الفصل الثاني .. وهكذا -

    مو شرط تدرسوا نفس اللي درسناه !
    ممكن هذا الشي يتغير ، قد يضيفون أو يحذفون فصول
    هنا يجي دور موقع السنة التحضيرية

    روحي لأيقونة الأقسام ،
    واختاري قسم مهارات الرياضيات =)

    لما تفتحينه راح تلاقين التالي:
    التعريف بالقسم:
    فيه رسالة و أهداف و أنظمة القسم

    مقرر 140 ريض :
    يحتوي على : الكتاب المقرر ، الخطة الدراسية للمقرر ، تقييم الطلاب ..

    مقرر 150 ريض :
    يحتوي على: الكتاب المقرر ، الخطة الدراسية للمقرر - أهمـ رابط ، لأنه يحتوي على المنهج الي حتدرسونه ، تعريف بكل تشابتر يتكلم عن ايش -
    لما تنزلين تحت زيادة بتلقين جدول فيه كل تشابتر إيش الأمثلة الي معكم ،
    وإيش التمارين الي تشرحها لكم التيتشر في الكلاس و إيش التمارين الي تاخذونها واجب ..

    والجدول الي بعده يشرح الخطة بالتفصيل
    يعني كل اسبوع ايش الدروس الي بتاخذونها في الكلاس << للشطورات الي يبون يحضرون

    الاختبارات :
    اختبارين ميد واختبار فاينال وكوزات على طول الترم =)

    بالنسبه للكوزات :
    راح تكون تقريبا بعد كل وحدة كوز بسيط سؤالين أو بالكثير ثلاثة على الوحدة الي درستوها
    ويكون عليه 5 درجات ..

    اختبار الميد و الفاينل:
    الأسئلة تجي متنوعة مابين الاختياري و المسائل و الرسم ،
    أحيانا تجي إثباتات أو تجي أسئلة بفكرة جديدة ماتطرقتوا لها كثير في المنهج
    لذلك احرصي على انك تمرين على كل الافكار الي موجودة في الكتاب ،
    لأن الاختبار ما حيطلع عنها =)
    أهم شي تحطين بالك مع التيتشر من أول السنة وتركزين معها

    ونصييييحة شي تمنيت أسويه أنا نفسي لكن << ما انتبهت الا نهاية السنة
    قبل كل محاضرة فقط اقرأي الأشياء الي اخذتيها المحاضرة الي فاتت ،
    لأن ميزة هالمادة انها مو زي الترم الأول مواضيع متعددة ومختلفة !
    هي مواضيع متعددة لكنها كلها مرتبطة ببعض ،
    يعني اذا مافهمتي المحاضرة الي راحت راح يصعب عليك تفهمين المحاضرة الجاية وهكذا ..

    في الاختبار ذاكري بتركيز و حلي تمارين كثيرة و بأفكار مختلفة حتى يكون عندك إلمام بالمادة
    في الاختبار النهائي ابدئي المذاكرة من بدري حتى تكون نفسيتك مرتاحة ويمديك تمرين على كل الدروس بالراحة ..
    و ابدئي المذاكرة من أول باب إلى آخر بآب لأنه متسلسل ،
    و الباب الآخير تقدرين تقولين تلخيص للأبواب الي قبله ..
    يعني كل القوانين والاشياء الي مرت عليك الابواب السابقة لها سؤال واحد في الباب الأخير الي هو الرسم =)


    السيلف ليرننق:
    السيلف ليرننق في الريض عبارة عن الماث زون ،
    عبارة عن موقع يكون لكل شعبة رمز دخول يدخلون منه على الموقع ،
    و الاستاذة تدخل معكم بعد
    يحتوي على أسئلة من نفس الوحدات الي تدرسونها ،
    كل فترة ينزل لك عليه أسئلة تحلينها خلال فترة معينة يصححها لك النظام ..
    وتدخل الاستاذة وتشوف كم عدد الأسئلة الي حليتها وتسجل درجاتك
    الأسئلة الي تجي غالبا سهلة و واضحة ..

    نصيحه :
    لا تخلين الأسئلة تتراكم عليك وحليها أول بأول ..

    مواضيع مُفيدة :

    http://www.cksu.com/vb/t218697/
    http://www.cksu.com/vb/t206221/

    توزيع الدرجات :
    الميد الأول: 15
    الميد الثاني: 15
    كوزات : 10
    سيلف ليرننق : 10
    الفاينال : 50
    المجموع : 100



    مقرر الصحة و اللياقة ( صحة ) :
    مقرر خفيف ممتع و مفيد جداً ,,
    يتكلم عن الاسعافات الأولية و بعض الأمراض الشائعة و المنتشرة المزمنة منها و المعدية مثل :
    التسمم الغذائي , السكري , الأمراض التي تصيب العيون و غيرها سنوردها بتفصيل أكثر ..

    طبعاً المحاضرات نحصل عليها من موقع السنة التحضيرية :
    Preparatory Year - الصفحة الرئيسية

    كل أسبوع تنزل محاضرة عبارة عن فيديو ( الأغلب) ,,
    وأستاذة صفاء لبد منسقة المقرر تعرض الفيديو خلال وقت المحاضرة ،
    و تستقبل الأسئلة و الاستفسارات و إذا ما فهمتي شي ..

    نبدأ بالاسعافات الأولية ,,
    جداً جداً ممتعة و جميلة ,,
    تحتاج منك تركيز خلال مشاهدة الفيديو و تتبع خطوات الاسعاف ..
    غالباً ننصح بالتركيز على مشاهدة الفيديو أكثر من مرة
    لأنها خطوات عملية و رح تتثبت اكثر بالمشاهدة ,, و لكل طريقته ...
    تتكلم في حوادث شائعة غالباً ما يتعرض لها اللي حولينا :
    النزف , الغرق , الكسور و الرضوض , الحروق , فقدان الوعي , التسمم , حوادث السير ,,

    أو في أمراض كثير تحصل حولنا ( نسأل الله السلامة ) مثل :
    الأزمات القلبية و السكتة الدماغية و نوبات الربو و الصرع و غيبوبات السكر و الاختناق .
    المواضيع الأخرى ,,

    نجد في الفيديوهات مقابلات مع أطباء متخصصين يتحدون عن أمراض مزمنة , معدية ,,
    أمراض مثل السكري و الضغط و الكولسترول و انفلونزا الخنازير ( أحد أمتع المواضيع ) ,,
    و أمراض تصيب العيون و الدماغ ..
    أيضاً عن سلوكيات صحية نمارسها مثل :
    سوء التغذية و قلة النشاط البدني و التدخين و كيف تأثر على حياتنا ,,

    مع المقابلة تنعرض سلايدات فيها أبرز النقاط اللي تكلم عنها الدكتور .. مهمة بالمرة !!
    أحد أجمل المواضيع الضغوط النفسية ,, رح تحبوها بالمرة ,,
    خصوصاً و إن كلام الدكتور فيها مرة يريح ..

    بـ النسبة لي :
    كنت أذاكرهم بأني أشوف الفيديو مرة و أقرأ الملزمة و أنا أسمع كلام الدكتور مرة ثانية ,,
    بعدين إذا تحتاج مني أكثر ذاكرت الباقي من ملزمة,,
    (فيما عدا الاسعافات الاولية اللي اعتدمت أكبر اعتماد على الفيديو ) ..

    ضروري ما نعتمد على الملازم دون الفيديوهات لأن الملازم احيانا تكون ناقصة او فيها معلومات تختلف عن الي في الفيديو ، وطبعا الاستاذة راح تطالبك بالمعلومات الي في الفيديو ,,
    و كمان أستاذة صفاء تعطي ملاحظات وقت المحاضرة ضروري تتسجل ,,

    و ضروري تفتحوا الفيديوهات اول بأول عشان ما تتراكم و تكونو مرتاحين و إنتو تذاكروا
    ( كثير بنات توهقوا لأنهم اجلوا كل الفيديوهات لقبل الاختبار بيوم ! 15 موضوع تحت كل موضوع اقل شي فيديوهين ! )

    الاختبارات :
    شهري وفاينال ..
    عبارة عن multiple choices اختيارات متعددة ,,
    ما هي معقدة لكن تحتاج تركيز لما نقرأ السؤال ,,
    و هي تختبر فهمك للمادة و ليس الحفظ ..

    يعني لما تذاكرين لازم تفهمين المادة وتلمين فيها المام تام ،
    لأن الاجابة راح تكون خلاصة فهمك ..
    في الشهري تختبرون تقريبا بنص المنهج ،
    وفي الفاينال تختبرون بالمنهج كله لكن معظم الاسئلة تكون من الجزء الي ما اختبرتوا منه ميد ،
    لأنه على قولة الاستاذة الجزئية الاولى خلاص اختبرتوا فيها فما تجيب لك الا اشياء بسيطة منها =)

    السيلف ليرننق:
    عبارة عن مشروع بحث أو كتيب ،
    تختارين أي موضوع تحبين تتكلمين عنه يخص الصحة مثلا :
    تاخذين أحد الأمراض وتتكلمين عنها أعراضها علاجها الوقاية من الاصابة لها .. الخ
    او تتكلمين عن أي شي له علاقة بالصحة مو شرط امراض ،
    فيه بنات تكلموا عن صحة المراهقين بشكل عام وفيه بنات تكلموا عن تغذية المرأة حامل ،، وهكذا

    بعد ما تختارين الموضوع يكون عندك خيارين للتقديم:
    إما على شكل بحث
    أو على شكل كتيب

    البحث :
    يكون بحث عادي تتبعين فيه خطوات البحث وتتعمقين في الموضوع الي اخترتيه ،
    وتكتبينه بخط يدك عشان يضمنون انك ما نسختي بحث احد ثاني ..

    الكتيب :
    يكون مطبوع بالكمبيوتر و طريقة تقديمه تكون اما على شكل مطوية أو دفتر صغير ،
    أو انتي و ابداعك المجال مفتوح و الاستاذة تحب البنات يبدعون في التقديم ..

    وفيه شي اسمه ملحق البحث ،
    لما تقدمين المشروع (بحث او كتيب)
    تلخصين مشروعك هذا في ملحق يحتوي على أبرز و أهم الأشياء الي يتكلم عنها بحثك ،
    ولك الحرية في تقديم الملحق اما يكون بطاقات او فاصل كتب او زي ما ذكرت انتي و ابداعك
    لكـ مطلق العنان

    و تراعي الاستاذة في المشروع الأشياء التالية:
    الموضوع (مهم انك ماتبدئين تبحثين في الموضوع قبل ما توافق الاستاذة عليه حتى مايكون فيه تكرار)
    المصادر (تكون موثوقة مو منتديات او ايميلات، ومتنوعة ماتكتفين بمصدر او مصدرين)
    الاخراج ( الشكل النهائي للمشروع)
    التنسيق (الخط يكون واضح مو كبير مرة ولا صغير مرة)
    الغلاف (يحتوي على الأشياء الرئيسية: عنوان المشروع ، اسم المشاركات ، الرقم الجامعي، رقم الشعبة ، التخصص، شعار السنة التحضيرية ، السنة ، )
    يكون المشروع مابين 15-30 صفحة

    تقدرون تدخلون على قسم مهارات تطوير الذات من موقع السنة التحضيرية
    الأقسام> مهارات تطوير الذات >
    وحيطلع لكم عنوان الصحة واللياقة ،
    تحته أهداف المقرر: اهداف مقرر الصحة
    وصف المقرر: وصف لمقرر الصحة و اللياقة ومجال إعداد البحوث
    تقييم الطلبة: توزيع الدرجات للمقرر
    ومن القائمة على اليسار اذا اخترتوا الصحة واللياقة (الصحة)
    حتطلع لكم شروط إعداد مشروع الصحة ،
    تقدرين ترجعين لها متى ما بغيتي حتى تتأكدين انك ماشية على الطريق الصحيح : )

    توزيع الدرجات :
    الاختبار الفصلي: 20 درجة.
    البحث: 30 درجة.
    المشاركة والحضور: 10 درجات.
    الاختبار النهائي: 40 درجة.
    المجموع النهائي: 100 درجة



    مهارات التعلم و التفكير و البحث ( نهج 140 ) :
    تتكلم المادة عن البحث العلمي و خطوات عمله ,,
    و مهارات في الحياة مثل تحقيق التوازن و تحديد الأهداف ،
    و مهارات أخرى في التفكير و حل المشكلات ,,
    ايضاً مهارات في التعلم و التذكر مثل المشاركة الصفية والقراءة السريعة و الناقدة و الخرائط الذهنية ...
    مادة ممتعة و بسيطة و تحتاج تفاعل و تطبيق و بكذا رح تستفيدي منها مــــرة =) ...

    للتعرف على خطة النهج ادخلي على موقع السنة التحضيرية > مهارات تطوير الذات >التعلم و التفكير و البحث > مقرر 140 نهج
    تطلع لك قائمة بكل ما يتعلق بالمادة من أنظمة وخطة وغيره ،
    ادخلي على خطة دراسة المقرر و راح يطلع لك جدول بالدروس الي حتدرسونها كل اسبوع ..

    المشروع :
    تتقسمون إلى مجموعات كل مجموعة 5-6 طالبات ،
    تختارون موضوع تتفقون عليه حتى يكون عنوان بحثكم ..
    يكون بحثكم عن طريق نادي الأدب أو نادي التفكير يعني الموضوع الي تختارونه لازم يتعلق باحد الناديين [ هذا ف وقتنا ، ممكن يتغير النظامـ هـ السنه =) ] ..

    مثال على بحث قدموه بنات عن طريق نادي الادب :
    أثر الاعلانات على جذب الطالبات لنشاطات الأندية ..

    مثال على بحث قدموه بنات عن طريق نادي التفكير :
    أثر نادي التفكير على النشاط الذهني لطالبات السنة التحضيرية

    تشتغلوا على البحث مدة 9 أسابيع الى ما تطلعوت بنتيجة من بحثكم هذا ،
    العامـ رُشحت البحوث المميز للمشاركة في مؤتمر الابحاث في الشارقة =) ..

    نصائح مهمة في البحث :
    اول شي و أهم شي احسني اختيار اعضاء مجموعتك ..
    تأكدي ان العمل موزع بين الجميع بالتساوي بحيث مايكون فيه ضغط على ناس و ناس مرتاحة ،
    اشتغلي على موضوعك من بداية الترم ولا تأجلين البحث عليه ابدا ..
    ضعي خطة من اول يوم عن كيف ستكون مراحل اعداد البحث و ما الذي سينجز من البحث في كل اسبوع ،
    واعرضي خطتك على الدكتورة حتى تساعدك وتعدل ع الخطة اذا احتاجت تعديل =)

    السيلف ليرننق :
    عبارة عن عرضين يقدمونه مجموعة من 3 بنات ..
    واحد من داخل الحقيبة - اجباري -
    (أحد مواضيع كتاب النهج تختارينه و تصلحينه على شكل عرض تقديمي ) ..

    والثاني من خارج الحقيبة ،
    ( تعرض عليكم الدكتورة مواضيع كثيرة وكل مجموعة تختار موضوع وتبحث عنه وتقدمه على شكل عرض )..
    اختياري و اذا ماصلحتيه لكـ أشياء معينة تصلحينها بداله ،
    تخبرك عنها الدكتورة راح تكون غالبا نشاط معين تصلحينه في احد النوادي وبعد ما تصلحينه تطلبين من النادي استمارة بالنشاط الي صلحتيه وتعطينها الدكتورة تسجل لك الدرجة ..

    كذا كان السيلف ليرننق السنة الماضية ، وكل شي قابل للتغيير على حسب الأنظمة =)

    الكتاب ممتع جداً ,, و للمذاكرة نحتاج تركيز و فهم أكثر من مجرد الحفظ ,, كيف ؟
    في الاختبارات يجي السؤال على شكل قصة أو موقف و الاجابة هي أحد أربع خيارات ,,

    بالتالي المطلوب منا:
    ( فهم + تركيز = معلومة ثابتة ) نوصل للشي هذا إذا قرأنا كل شي ،
    ( و نركز على كل شي ) بتمعن + تركيز ,, بعدين نعيد على المعلومات إذا احتاجت أكثر ..
    الشي الوحيد الي يحتاج حفظ هو النقاط و التعداد ..

    الاختبار :
    الميد: 20 اختياري كل اختيار عليه نص درجة
    الفاينل : 40 اختياري كل اختيار عليه درجة

    ملف التكاليف :
    ملف يكون فيه التكاليف الي تعطيك اياها الدكتورة ،
    عبارة عن 3 تكاليف طول الترم .. كل كم اسبوع تعطيك تكليف من التكاليف الموجودة في الكتاب تقدمينه بطريقة معينة ،
    يُطبع على ورقة خارجية ،
    موجود فيه اسمك ورقمك الجامعي ورقم التكليف واسمه ..
    يكون منسق ومرتب ويفضل انه يكون ملون و فرايحي

    بعض الدكتورات ، يجمعوا التكاليف أول بـ أول بدون لا يطلبوا هـ الملف ..

    ملف الانجاز :
    ملف تحتفظين فيه بكللللل شي تطلبه منك الدكتورة ..
    جميع الواجبات الي تطلبها منك ،
    تقريبا في كل اسبوع راح تعطيك واجب (يختلف عن التكليف) ..
    أحيانا تطلب الدكتورة من احد البنات - بشكل عشوائي - ،
    ان تبحث بشكل مبسط عن معنى كلمة معينة او شيء زي كذا ..
    أي شي ممكن تقولك الدكتورة صلحيه وحطيه بملف الانجاز ،
    طبعا ملف الانجاز لازم يكون ملون ومنسق ومرتب ومطبوع بالكمبيوتر ..

    مواضيع مُفيدة :

    http://www.cksu.com/vb/t219739/

    توزيع الدرجات :
    المشروع: 15
    الواجبات: 15
    التعلم الذاتي: 10
    المشاركة الصفية: 10
    الميد: 10
    الفاينال: 40
    المجموع: 100




    * كل ما يتعلق بـ النجمـ ، تمـ ذكره في الرد السابق =)



    نفس الملاحظة السابقة
    مع هـ المواد عندكم فرصه جدا قويه انكم تجيبون معدل (5) يعني كااامل !..
    في كثير ما شاء الله جابوها =) ,,
    فشدوا حيلكم ولا تضيعوا الفرصة عليكم,,
    استغلوا هالمواد واعطوها حقها ولاتستهتروا ,,
    بالعكس شدوا حيلكم وخلوا هدفكم دايم التفوق والـ أ+ ,,
    ويارب يرزقكم ع قد تعبكم ويارب اعلى المعدلات للكل =)



    التعديل الأخير تم بواسطة سارا ~ ; 21st September 2010 الساعة 11:18 AM

  5. #5
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !


    :









    بقية مواد المسار الصحي :

    ( فيز 145 , كيم 145 , حين 145 , احص 145 , نجم 145 * )







    الـ فيز :



    وزن المادة: 3 ساعات
    اسم الكتاب:
    PHYSICS BY KANE & STERNHEIM (3rd EDITION)

    الكتاب تلقونه بجرير او بالكتاب المستعمل ،
    ممكن تلقون كتب نظيفه باسعار اقل ..لان اغلب كتب جرير والعبيكان تخلص تنتظرين الدفعه الثانيه..

    قبل كل شيء، ابيكم تنسوووون كل الكلام اللي سمعتوه عن هالمادة
    عشان ماينقلب هالشيء ضدكم ..
    المادة سهلة، إي نعم سهلة لكن تحتاج جهد، ونتيجة الجهد مضموونة بإذن الله ..!

    أغلب محتويات المادة درستوها بالثانوي،
    أول شيء راح تدرسون عن الحركة الخطية السرعة والمسافة والزمن وكذا،
    وبعدين عن المتجهات << هذا حق بزران ،وبعدين قوانين نيوتن في الحركة،
    وعن القوة وقوة الاحتكاك وهالاشياء، بعدين راح تدخلون في الشغل والطاقة وكمية الحركة،
    وبعدها في الموائع زي اللي كانت بثالث بس قليل الجزء النظري اللي فيها،
    بعدين عن الكهرباء الساكنة والمتحركة نفس اللي بثالث برضه بس مرررررة أسسهل وأقل قوانين وأقل بالحفظ وكل شيء،
    اذكر كهرباء ثالث كانت تجيب الصرع بس هذي مرررة أخف ومن أسهل الابواب،
    بعدين المرايا والعدسات زي اللي بثاني بس برضه مرة أخف ومافيه رسم زي ثاني،
    الباب كله على بعضه 3 قوانين قصيرة،
    وبعدين عن الضوء والفوتونات والأنوية وكذا زي باب الفيزياء النسبية اللي بثالث بس مررة اسهل بعد،
    وآخر باب هو اللي شوي جديد عليكم اللي هو باب الاشعاعات،
    بس انه بسيط وكله على بعضه مايتعدا 6 قوانين بالكثيير ..!

    مثل ماشفتوا .. أغلبه دارسينه، لكن الفرق ان هنا مخففينه عليكم مو زي ثالث،
    هنا النظري أقل بكثييير يكاد ينعدم، لكن المسائل وأفكارها أكثر من الثانوي،
    تحتاج لتدريب ودراسة أول بأول ضروري بالمحاضرة تركزون وتكتبون، اكتبوا شرح نوتات أي شيء،
    أغلب الاستاذات والدكتورات يشرحون على عرض بوربوينت وينزلونه بمواقعهم،
    فـ لو نزلت العرض قبل المحاضرة اطبعوه واجلسوا اكتبوا الشرح عليه ونوتات وكذا،
    ولو مانزلتها خلوا معاكم دفتر دائماً اكتبوا فيه ملاحظاتكم، جداً جداً مهم شرح الاستاذة احياناً يكون بالعرض شرح،
    لكنه ابد مو مثل اللي تكتبينه، وغالباً الشرح اللي يكون بالعرض مو شرح الاستاذة،
    يكون منسوخ من كتاب أو شيء، فالأفضل دائماً ان انتي تكتبين لنفسك بالطريقة اللي تريحك وتفهمك ..

    طبعاً العروض فيها مسائل، لكنها ابد ماتكفي، هي مجرد شرح بسيط للقانون، بالاختبار ماراح يجيبونها زي كذا،
    راح يجيبون افكار جديدة لكن لنفس القانون، فـ لازم تستعينون بالكتاب، وبرضوا ملزمة "الضياء" جداً جداً رااائعة،
    فيها مسائل وأفكار كثييير محلولة ومشروحة، وفيها نماذج اسئلة وملخصات للقوانين ملزمة الضياء من المهندس ..
    عشان تنجحين بهالمادة بتقدير عالي، أولاً الدراسة أول بأوول!
    بعد كل محاضرة لازم تدرسين! وثانياً التدريب ثم التدريب ثم التدريب على حل المسائل،
    كل ماتدربتي كل مافهمتي أكثر وصرتي متمكنة من المادة وقدرتي تحلين أي مسئلة تجيك بالاختبار

    طريقتي بالدراسة كانت على النحو التالي :
    بنفس اليوم اللي ناخذ فيه المحاضرة أرجع للبيت وافتح دفتري واجلس اشوف القوانين أفهمها واحفظها،
    واقرا نوتاتي والشرح اللي انا كاتبته لنفسي وقت المحاضرة، بعدها ابدا أحلالمسائل الموجودة بالعرض،
    هذا كله على بعضه ياخذ بالكثير 10 دقايق لأن عادةً الدرس يكون قصير ومايكون فيه الا مسئلة مسئلتين،
    بعدين افتح الكتاب واقرا الكلام النظري اللي فيه وأحل الأمثلة، وبعدها افتح ملزمة الضياء واجلس احل المسائل اللي فيها،
    ونفس الطريقة كنت اتّبعها بالاختبارات، أول شيء الدفتر وشرحي بعدين الكتاب بعدين الضياء
    وحلو بعد انه كل ماتخلصون تشابتر تدرسونه،
    لأن عادةً الدرس مايثبت من أول مرة، أنا عن نفسي ماكنت أفهم الدرس صح الا بعد ما ادرسه 3 مرات وهذا شيء طبيعي،
    عشان كذا لا تفزعون أول الترم اذا مافهمتوا أول درس مثل ماسويت وحست نفسي

    راح تدرسون فيزياء 3 ساعات بالاسبوع، يا إما تكون المحاضرة على 3 ايام كل يوم ساعة،
    أو انها تكون على يومين واحد ساعتين وواحد ساعة، الجزئية اللي تندرس بساعة تكون قصيرة جداً،
    مثل ماقلتلكم كلها مسئلة مسئلتين بالكثير، فـ اتوقع ماراح يضر لو اندرست هالمسئلتين بيومها
    راح اذكر الصعوبات اللي ممكن تواجهونها عشان ماتفزعون
    لأنكم بعدين راح تدركون انها تافهة والخوف والفزع ماكان له داعي أول شيء الدرس مو بالضرورة يدخل الراس من أول مرة !
    مثل ماقلت لكم انا ما افهم الدرس صح الا لمن ادرسه للمرة الثالثة لكن هذا لا يعني انكم ماتنتبهون بالمحاضرة،
    لازم تنتبهون وتكتبون شرح، وراح تفهمون لكن بشكل جزئي عشان كذا ضروري ضروري تدرسون الدرس بنفس اليوم اللي اخذتوه فيه! عشان يثبت صح

    الشيء الثاني، بالبداية راح تحسون المنهج طويل وتقولون كيف بندرس كل هذا و و و ..لا تقلقون عند هالشيء،
    لأن الدروس تكرر بعضها، والأبواب الأولى هي الطويلة، لكن بعدها تبدا الأبواب تسهل وتقصر،
    والقوانين تكرر، والطرق تتكرر، الشيء اللي كنتوا خايفين منه بالبداية راح يصير شيء جداً تافه،
    والشيء اللي مافهمتوه بالبداية راح يكون جداً بسيط وبديهي، بس الصبر الصبر،
    كل ماواجهتكم صعوبة اصبروا وخلكم واثقين انها راح تنحل، لأنها بإذن الله راح تنحل! صدقوني!
    من الصعوبات اللي كنت اشوفها على البنات، انها تنسى القوانين، واذا جتها مسئلة ماتعرف تحلها بأي قانون،
    وايام الاختبارات النصفية تحس المنهج طويل وتتعب مررة وهي تدرس، وبالنهاية لمن يجي الاختبار تنسى كل شيء وماتعرف كيف تحل المسائل لانها مررة تلخبطت القوانين عندها،

    اللي صار لها هذا نتيجة شيئين: أولاً عدم المذاكرة أول بأول، وثانياً ماتدربت وجربت تحل مسائل من قبل ممكن ..
    بعد تحسون ان الاستاذة تمشي بسرعة بالشرح، وانه مايمديكم تكتبون، اذا حسيتوا بهالشيء عادي، قولوا لها ممكن تعيدين،
    ترا مايقولون لا، ومايعصبون، بالعكس جداً جداً متعاونات الاستاذات معانا، ومستعدين يعيدون الشرح مليون مرة،
    وتقدرون تسألون قد ماتحتاجون، بس لا تترددون ولا تخافون، أهم شيء مصلحتكم =)
    وبرضوا فيه مسائل مو محلولة بالضياء، لو جربتوا تحلونها وماعرفتوا عاادي روحوا لم استاذتكم بساعاتها المكتبة وهي تشرح لكم كل شيء بالتفصيل ..

    ادري تعبتوا من كثر ماقلت لكم هالشيء، بس اهم شيء بهالمادة التدريب وتشغيل اليد،
    وبرضه الدراسة أول بأول مهمة جداً جداً جداً للفيزياء وكل المواد الثانية طبعاً في واجبات وكويزات،
    الواجبات كل استاذة لها طريقتها، بعضهم يحبون ان الواجبات تتسلم نهاية كل تشابتر كل بنت لحالها،
    وبعضهم يحبون البنات يسوونها بقروبات الكويزات تكون نهاية كل تشابتر، وعليها درجات،
    غالباً الكويز يكون مسئلة وحدة فقط وله خمس أو عشر دقايق،
    ومو شرط كل تشابتر يصلحون له كويز حنا شعبتنا ماصلحت الا كويزين بس :اب

    طريقة توزيع الدرجات للمادة:
    اختبار فصلي أول 15+ 20 اختبار فصلي ثاني + 5 كويزات وواجبات وحضور + 60 اختبار نهائي = 100 درجة ( ما أعرف اذا توزيعكم غيرنا أو لا ) ..

    توزيع الدرجات بالاختبارات غالباً يكون درجة وحدة على كل سؤال، والاسئلة تكون كلها اختياري،
    في الاختبار النصفي الثاني جابوا لنا 19 سؤال لكن واحد من الاسئلة كان عليه درجتين ،
    عشان المجموع يصير 20 درجة بس كان يتضمن الحل باليد لكن كان جداً سهل وتطبيق مباشر للقانون،

    اختلفت طريقتهم بالاختبار النهائي شوي، كانت اسئلة الاختياري الواحد عليه 1.5، وكان فيه ورقة كاملة اسئلة صح وخطأ الواحد عليه درجة،
    وكان فيه مسئلة بالنهاية حل باليد عليها 5 درجات، في النهائي كان فيه نظري أكثر من الاختبارات النصفية اللي كانت تعتمد على المسائل والحل أكثر،
    النظري كان كللللله من حكي الكتاب، عشان كذا مهم لو تقرون الكتاب قراية، مو شرط تحفظونه المهم قراية بتركيز ..
    وبعد كانوا حاطين لنا اسئلة بونس بالاختبارات النصفية وبالنهائي بعد،
    لو ماحليتوها ماتنقصون بس اذا حليتوها تجيكم درجات زيادة،
    وكانت سهلة جداً جداً ومافيه احد ماحلها، كانت سؤالين الاختبار النصفي الأول وسؤالين الاختبار النصفي الثاني و 4 الاختبار النهائي،
    يعني كان المجموع 8 درجات بونس

    ولو حليتوا بالاختبار النصفي الأول أو الثاني وجبتوا أكثر من الفل مارك عادي تبقى لكم الدرجات الزايدة للنهائي

    بالفعل المادة سهلة والقسم جداً متعاون مع الطالبات،
    فقط يتطلب من الطالبة انها تشد حيلها وتبذل جهد وراح تلقى نتيجة تعبها وأكثر بعد


    بالنسبة لمواعيد الاختبارات والتشابترات اللي داخلة معاكم والواجبات،
    الاستاذات ينزلون كل هذا بمواقعهم ويفكونكم من عناء البحث
    الحين نجي للاستاذات اللي درسونا واحتمال انهم يدرسونكم،
    كل وحدة موقعها تحت اسمها ..

    1) أ.وفاء مجممي Home - وفاء موسى على مجممى
    2) أ.نورة المنيف Home - نوره على محمد المنيف
    3) أ.لطيفه الخضر Home - لطيفه محمد صالح الخضر
    4) أ.ريم الردادي Home - ريم عائض الردادي

    والحين نجي للهرج الصدقي

    نماذج اختبارات
    145 phys - sample papers.rar - 4shared.com - online file sharing and storage - download

    فيه اسئلتنا الاختبارات النصفية، النهائي ماقدرت احصله للبنات لكن موجود حق العيال،
    وبعد فيه اختبارات دفعة 429 فيه بنات راحوا لم مدرّسات خصوصيات، انا لا اؤيد هذي الفكرة،
    لان المدرّسة راح تشرح لك كل شيء من أول وجديد، يعني كأن المحاضرة مالها داعي،
    بصراحة أحسه تضييع وقت، أحسن تعتمدين على نفسك وتكتبين بنفسك وتدربين نفسك،
    صح فيه بنات راحوا مدرّسات خصوصيات وجابوا درجات حلوة، بس أغلب البنات اللي درجاتهم عالية وجايبين A+ كانوا مدربين أنفسهم وماراحوا لمدرّسات،
    لأن توفّر لهم وقت أكثر ولأنهم اعتمدوا على انفسهم ولأنهم يعرفون انفسهم ويعرفون الاستاذة ايش تبي،
    فـ نصيحة خلوا عنكم المدرّسات الخصوصيات ووفروا وقتكم واعتمدوا على انفسهم أحسن لكم

    هذا كل شيء للفيزياء

    نصيحة:
    لا تسمعون كلام البنات ابداً ابداً، راح تسمعون تذمر واشياء سلبية كثيييييير،
    بس ماعليكم من أحد، لا تسمحون لهالشيء يأثر عليكم بشكل سلبي،
    وترا الفل مارك مب مستحيلة ابداً ابداً،
    وترا كثيييير بنات جايبين أ+ بالفيزياء,,لايغركم كلام بنات ابداا,



    علم الأحياء [ 145 حين ] :
    وزن المادة: 3 ساعات
    اسم الكتاب:
    Biology by Campbell & reece





    أو


    نفس الكتاب بس الاصدارات مختلفة المطلوب هو الإصدار السابع،
    ماعندي فكرة وين ينباع لأني ماشريته
    بس اتوقع قد سمعت انه موجود بالمكتبة اللي بسوق الطالبات بعليشه ..
    الاحياء ماله مرجع محدد سلايدات , الكتاب , يوتيوب ,, أي شي ممكن يوصل لك المعلومه..
    لان الغرض مو الحفظ اللي بتحفظ مارح تحل الغرض انك تفهمين المعلومه.
    المادة تنقسم لنظري وعملي،
    مناهجهم مختلفة شوي،
    كأنهم مادتين منفصلات لكن بالنهاية درجاتهم تحسب كـ مادة وحدة،
    العملي عليه 30 درجة، والنظري عليه 70 درجة،
    راح اذكر توزيع الدرجات بالتفصيل لاحقاً ان شاء الله

    أول شيء راح ابدا بالجزء النظري لأن عليه الدرجات الأكثر
    محتوياته شبيهة بالثانوي، لكن الفرق انها بالانجليزي، يمكن هالمادة أكثر شيء بتعانون فيها من ناحية الانجليزي،
    فالأفضل انكم تدرسون أول بأول عشان الترجمة،
    لأن لو أجلتوا كل شيء للاختبارات النصفية الترجمة بتاخذ كل وقتكم وماراح يبقى لكم وقت تدرسون والمادة يبغى لها حفظ

    أول تشابتر عن الكربوهيدرات والبروتينات والدهون وكذا، وعن بدائيات النواة وحقيقية النواة وهالاشياء،
    وبعدها عن البكتيريا والفيروسات، وثاني تشابتر راح تدخلون بالخلية وتتعمقون فيها شوي،
    يعني راح تدرسون العضيّات اللي بالخلية ووظائفها، أول تشابترين هم أطول تشابترين، راح تنزعجون بالبداية وتقولون وش هالمادة ووش هالمصطلحات وبتحسبون المادة طويلة،
    بس تطمنوا ترا أول تشابترين هم الطويلات وبعدها التشابترات تبدا تقصر شيئاً فشيئاً ،
    ومن ناحية المصطلحات،
    بالبداية راح تكون غريبة وراح تنسونها لكن بتكرر عليكم لحد ماتحفظونها وتصير كلمات جداً عادية ، التشابتر الثالث راح يتكلم عن غشاء الخلية ووظائفه،
    واللي بعده عن الانزيمات << اقصر باب وامتع باب ،
    بعدين راح تدخلون بالتنفس الخلوي، صح أخذناه بالثانوي لكن هذا متعمق شوي،
    وبعدين تدخلون بالوراثة والـ DNA والـ RNA وصناعة البروتين وهالاشياء، وبعدين انقسامات الخلية،
    وبعدها صديقنا مندل وتجاربه ، تماماً مثل مادرسناها بالثانوي لكن أخف شوي،
    وآخر تشابتر عن الهرمونات ووظائفها والغدد اللي تفرز هالهرمونات

    بهالمادة الشيء الأساسي الحفظ ثم الحفظ ثم الحفظ ثم التكرار ،
    فعلاً تحتاج دراسة أول بأول لأن لو مادرستوا أول بأول راح تنحاسووووون مررة المحاضرة النظري محاضرة وحدة بالاسبوع عبارة عن ساعتين،
    لكن تاخذون فيها جزئية طويلة شوي، فـ لازم تدرسينها بنفس اليوم اللي اخذتوه فيها،
    الجزئية الوحدة كانت تاخذ مني ساعتين دراسة بالبيت اذا درستها بنفس اليوم اللي ناخذه فيها،
    لكن لو أجلتها للويكند كانت تاخذ مني 4 ساعات وليتها على سنع بعد
    انا بالبداية أهملت أول تشابترين، لكن ماتصدقون قد ايش راح كثيير من وقتي عشان أعووض هالاهمال،
    فـ نصيحة ادرسوا بنفس اليوم دام الدرس تووه مشروح والمعلومات ماطارت
    الانتباه وقت المحاضرة جداً مهم، كل الدكتورات يشرحون على عرض بوربوينت والعرض نفسه لكل الدكتورات،
    راح تلقون عروض المنهج كامل مطبوعة على هيئة ملزمة بمكتبة المهندس،
    وبرضه فيه سي دي بسوق الطالبات بعليشه موجود فيه جزئية النظري وجزئية العملي،
    اشتروا الملزمة من بداية الترم، واجلسوا اكتبوا الشرح والملاحظات وقت الدرس،
    صح المادة حفظ لكن برضه تحتاج لفهم، بجد ماراح تقدرون تحفظون الا وانتم فاهمين،
    واسئلة الاختبارات مركزة على الفهم أكثر من الحفظ

    ( الفرق بين الملزمة والسي دي، السي دي يحتوي نفس العروض لكن تقدرون تطبعونها متى ماتبون وملوّن لكن الملزمة أبيض وأسود، وبعد السي دي فيه جزئية العملي وراح تحتاجونها )

    مهم بهالمادة الحفظ مع الفهم والربط، الملزمة شوي حوسة وكلامها على بعضه،
    فـ تحتاجون انتم ترتبون على اوراق خارجية، تسوون جداول للوظائف والتعاريف،
    تسوون خرايط ذهنية وكذا، عاد كلن ابخص بمخه ،
    بس بجد المادة تحتاج لربط لأن الاسئلة تجي شوي دقيقة واللي مب حافظ زين راح يتلخبط ..!

    أنا عن نفسي ماشريت الكتاب كنت احسب ان الملزمة راح تكفي،
    بس اكتشفت انها ماتكفي بجد تمنيت لو اني شارية الكتاب، صح فيه كلام زيادة بس ممكن كان يثبّت المعلومات ويعزز الفهم أكثر،
    عالعموم انا ماجربته بس هذي الفكرة كانت تدور براسي طول ما انا اذاكر للاختبار النهائي

    عن نفسي ماحبيت الملزمة ابد وحسيتها حوسة،
    وفعلاً أول تشابترين على اني جلست وقت طويل وانا ادرسهم الا اني حسيت اني طلعت بـ ولا شيء،
    فتذكرت نصيحة قد قريتها بكتاب، وهي عمل الملخصات، ماكانت عاجبتني الفكرة وكنت حاسة انها راح تاخذ مني وقت طويل،
    بس قلت بجرب مالي غير هالطريقة، وفعلاً أخذت مني وقت طويل لكن النتيجة ماكنت متوقعتها ابد!
    حسيت الملخصات جدددداً نظمت معلوماتي وساعدتني على الحفظ،
    وصرت أصلح لكل تشابتر ملخصات هذا شيء اجباري بهالمادة، وبالاختبارات ماكنت ادرس الا من ملخصاتي
    ولحد الحين عندي اعتقاد ان لو اني كنت ادرس من الملزمة كان ماجبت درجات
    راح احط ملخصاتي بالنهاية ان شاء الله بس تراها بخط اليد لحد يضحك على خطي وشخاميطي

    أول الصعوبات اللي ممكن تواجهكم انكم راح تحسون المادة طويلة ومصطلحاتها خرافية،
    لكن صدقوني اللي تنتبه بالمحاضرة وترجع تدرسها بنفس اليوم ماراح تواجه هالصعوبة،
    كثير بنات تعبوا من هالمادة وكانوا يدرسون بس مايحلون، المشكلة اللي عندهم كانت انهم ماينتبهون بالمحاضرة وكانوا يقولون الاحياء حفظ مانحتاج نفهم،
    وهذي أكبر غلطة! لأن بجد الاحياء يحتاج فهم وشرح، والاسئلة دايم تجي على حسب الفهم ومايحلها الا اللي مذاكر أول بأول

    بالنسبة للانجليزي والمصلطحات،
    انا كان عندي نوته اكتب فيها كللل الكلمات الجديدة علي ومعناها بالعربي،
    كنت مسويتها عشان كان وراي اختبار آيلتس بس استفدت منها جداً بشكل عااام لكل المواد ولحياتي بعد،
    كنت اقرا الكلمات بالسيارة الصباح، حتى ماكنت اقراها كل يوم
    بس لمن اقرا كنت اقرا النوته من البداية مو لمن آخر شيء وقفت عنده،
    فـ كنت تكررت علي الكلمات مليووون مرة لحد ماحفظتها عن ظهر قلب
    فأنصكم تسوون هالنوته وتحطون فيها كل الكلمات الجديدة لكل المواد مو بس الاحياء،
    وصدقوني راح تفيييدكم جداً جداً بالاحياء والانجليزي وبحياتكم اللادراسية

    الاختبارات :
    تجي اختياري، وجدول صلي، بالنصفي الأول خلونا نوصّل الشيء مع وظيفته،
    وبالنصفي الثاني خلونا نوصل الشيء مع تعريفه، أما النهائي كان كله اختياري،
    ماكان فيه بونس الا بالنصفي الثاني، جابوا لنا رسمة ونعبي البيانات عليها،
    كانوا 12 بيان وعليها 3 درجات يعني كل واحد عليه ربع،
    أما باقي الاسئلة كل سؤال عليه نص حتى بالنصفي الأول والنهائي

    الاسئلة أحياناً تجي شوي تلخبط، ومثل ماقلت لكم ما يحل الا الفاهم والحافظ زيين،
    عشان كذا تحتاجون الحفظ مع الفهم مع الربط،
    والدراسة أول بأول عشان المعلومات ماتتداخل ببعض لأن زي ماقلت لكم الاسئلة دقيقة

    توزيع الدرجات للنظري :
    15 الاختبار النصفي الأول + 15 الاختبار النصفي الثاني + 40 الاختبار النهائي = 70 درجة

    اللي يدرسون النظري يختلفون عن العملي، هذولي اسمائهم ومواقعهم:

    1/ د. منال فرهود Home - منال فرهود
    2/ د.برومي فيرك Home - Promy Virk
    3/ د. ناديه العيسى Home - ناديه عبدالعزيز سعود العيسى
    4/ د. علا الهابط Home - علاحسن محمد الهابط
    5/ د.تهاني عيّاد Home - تهانى حسن حسن احمد عياد
    6/ د. انتصار السحيباني Home - انتصار سليمان على السحيبانى
    د.انتصار هالانسانه ما اقدر اوفيها حقها .. رائعه بكل ما تحمله الكلمه من معنى... لما يكون عندكم بيركات نصيحه روحو احضروا لها كلاس حتى لو ماخذينه مع دكتورتكم
    7/ د. منار سليم Home - منار عفت سليم

    منهج دفعة 429 كان أكبر من منهجنا، فـ الاشياء اللي راح تحملونها يمكن تلاقون فيها اشياء مو داخلة في المنهج فـ لا تخافون
    فيه اسئلة كانت موجودة بسي دي الكتاب طموحي الجنون جابتها لنا العام
    (يختلف عن السي دي الموجود بسوق الطالبات)،
    اللي بسي دي الكتاب راح تلاقون فيها اشياء مو معاكم،
    لكن بباقي نماذج الاسئلة انا رتبتها على حسب التشابترات وشلت الاشياء اللي مو داخلة معاكم، ماعدا ملفات الـ PDF ماقدرت اعدل عليها

    هذا سي دي الكتاب:
    145 zoo - book.rar - 4shared.com - online file sharing and storage - download

    وهذي نماذج الاسئلة المرتبة:
    145 zoo - sample papers.rar - 4shared.com - online file sharing and storage - download

    وهذي ملخصاتي:
    145 zoo - summaries.rar - 4shared.com - online file sharing and storage - download

    الحين نجي للعملي
    مثل ماقلت لكم مختلف شوي عن النظري،
    لكنه جداً ممتع وبرضه سهل جداً وتحصلون درجاته بسهوولة محاضرة وحدة بالاسبوع،
    مثل النظري ساعتين، لكن دايم يخلصونكم بدري ويخلونكم تطلعون بدري

    أول محاضرة راح يدرسونكم فصائل الدم A, B, AB, O وكيف تعرفون وش فصيلة الدم،
    وراح يدرسونكم شيء عن الصفات الوراثية زي التحام شحمة الاذن وكذا ويعلمونكم عن كل صفة هي متنحية ولا سائدة،
    بعدها راح تبدون تشرحون راح تشرحون فار، بس ترا مب شيء فظيع
    بالعكس مرررة راح تنبسطون وانتم تشرحون، التشريح تقريباً ياخذ 3 محاضرات أو محاضرتين،
    كل محاضرة الاستاذة تشرّح وانتم تجلسون تتفرجون عليها وتكتبون معها،
    بعدها تخليكم قروبات كل قروب 3 أو 4 بنات تمسكون فار وتشرحون وتشوفون بأنفسكم
    وبرضه مسموح انكم تاخذون فار لبيوتكم

    هذي أول جزئية، بعد ماتخلصونها راح يخلون محاضرة مراجعة،
    والاسبوع اللي بعده اختبار فيها عليه 10 درجات،
    وهالاختبار نهائي يعني بعد ماتختبرون بهالجزئية ماراح تدخل معاكم بالاختبار الثاني

    فيه ملزمة راح تدرسون منها للعملي،
    ما اذكر بالضبط من وين بس اتوقع مركز التصوير بعليشه
    بس عادي لا تقلقون هم راح يقولون لكم من وين

    الاختبار الأول راح يجيبون لك فيران مشرحينها ومأشرين على اجزاء فيها،
    انتم تكتبون اسم العضو اللي مأشرين عليه، وراح يجيبون لكم عينة دم وانتم تكتبون الفصيلة،
    وبرضه راح يجيبون لكم صفة انتم تكتبون اسمها واذا هي متنحية ولا سائدة،
    وبالنهاية راح يجيبون لكم فار شايلين منه كل شيء ماعدا الجزئية اللي يبون ترسمونها،
    يعني الجهاز الهضمي ولا التناسلي وكذا، ان شاء الله فهمتوا

    نجي للجزئية الثانية، راح تكون كلها عن علم الأنسجة،
    يعني تشوفون نسيج تحت المجهر وتعرفون من وين ماخذينه ووش مميزاته ووظائفه،
    لكن بالبداية راح يدرسونكم عن المجهر واسماء اجزائه ووظائفهم،بعدها راح تدخلون بالانسجة وكذا،
    كل محاضرة راح تشرح الاستاذة على العرض وتحكي عن الانسجة اللي بتاخذونها ووظائفها واماكنها وكل المعلومات عنها،
    بعدها راح تبدا بالرسم وانتم ترسمون معها مع وضع البيانات، لأن بالاختبار راح يكون فيه رسم،
    بعدين راح توريكم الصور مرة ثانية كـ مراجعة يعني،
    وبعدها راح يخلونكم تمرون على المجاهر تشوفون الانسجة وتتعرفون عليها بانفسكم وتكتبون شرح لأنفسكم ورسم مبسط لأنفسكم مو للاختبار،
    ممكن بعض الانسجة يكون لها رسمتين غير، مرة قطاع طولي ومرة قطاع عرضي، أو تكون قوة التكبير تختلف،
    بعد ماتخلصون هالجزئية راح يكون فيه محاضرة مراجعة، وبعدها الاختبار، طبعاً الجزئية الأولى مو داخلة بالاختبار الثاني

    الاختبار الثاني راح يمررونكم على مجاهر،
    تشوفون وش اللي فيها وتكتبون بالورق كل مجهر ووش النسيج اللي فيه، وراح يكون فيه سؤال بسيط لكل نسيج بعد،
    يعني وش وظيفة النسيج ولا اذكري ميزة بهذا النسيج ولا وش مكوناته وكذا،
    وبعدين راح يكون فيه مجهر حاطينه على نسيج ويطلبون منكم ترسمون النسيج،
    طبعاً رسمكم يكون نفس رسم الاستاذة بوقت المحاضرة،
    واذكر جابوا لنا سؤال بونس عليه نص درجة

    مثل ماقلت جزئية العملي جداً سهلة وقصيرة،
    بس برضه تحتاج دراسة أول بأول خصوصاً الجزئية الثانية،
    مو شرط تدرسون كل محاضرة بوقتها، ادرسوا مثلاً كل محاضرتين بويكند،
    بس المهم لا تأجلونها للاختبار لانكم بتحوسون وحرام تضيعون درجات على العملي لأنه جداً سهل

    استاذات العملي مررة طيوبات وحليلات ومتعاونات،
    وراح يساعدونكم قد مايقدرون، بس انتبهوا معهم واضمن لكم انكم تحلون الاختبار،
    اسئلتهم وااااضحة جداً
    بس التزموا بأوقات المحاضرات ولا تعصبونهم
    لأن وحدة من الشعب عصبوهم وحذفوا منهم سؤال البونس

    هذولي بعض من استاذات العملي ومواقعهم:
    1/ غاده البشر home1
    2/ جواهر الزهراني Home - جواهر احمد محمد الزهرانى
    ما أعرف باقي الاستاذات
    بس على الأغلب ماراح تحتاجون مواقعهم لأنهم راح يعطونكم كل شيء بإذن الله

    ملفات مُفيدة :
    هذي عروض الجزئية الأولى اللي هي تشريح الفار اللي مسوينها الاستاذات:
    145 zoo - the rat.rar - 4shared.com - online file sharing and storage - download

    وهذي الجزئية الثانية انا كنت راسمة لنفسي اشكال الأنسجة تحت الشرايح عشان أقدر أتعرف عليها، والاستاذات أعطونا عروض ندرس منها بعد:
    145 zoo - Histology.rar - 4shared.com - online file sharing and storage - download

    وهذي نماذج اسئلة دفعة 429، مثل ماقلت منهجهم أطول من منهجنا فـ راح تلاقون اشياء مو معاكم، والترتيب يختلف لأن هم أخذوا التشريح آخر شيء عكسنا يعني:
    145 zoo - sample papers practical.rar - 4shared.com - online file sharing and storage - download

    http://www.cksu.com/vb/t204216/
    http://www.cksu.com/vb/t216450/





    مقدمة في الكيمياء العضوية [ 145 كيم]
    وزن المادة: ساعتين
    اسم الكتاب:
    Elements of organic chemistry by Isaak Zimmerman and Henry Zimmerman, 2nd edition.
    مالقيت له صورة
    بس تلقونه بمكتبة الخريجي

    145 كيم نفسس باب الكيمياء العضوية اللي درستوه في ثالث،
    لكن فيه شوية اضافات وفيه اشياء مو موجودة ، سهلة مرة وكلها معيودة وماخذينها من قبل في ثالث،
    حتى المصلطحات اللي بالانجليزي تشبه اللي بالعربي،
    راح تاخذون أول شيء الألكانات والألكينات والألكاينات وتكملون المسيرة

    كل دكتورة لها عروضها الخاصة فيها، تنزلها بالموقع حقها،
    فـ قبل المحاضرة لازم تطبعونها وتجيبونها معاكم بالمحاضرة وتجلسون تكتبون نوتات وشرح وكذا،
    لأنكم راح تحتاجون الشرح بالمعادلات، كمية المعادلات اللي فيها أكثر من الكمية اللي أخذتوها بثالث،
    لكن ماراح تتعبكم لأنكم بتتبعون قواعد محددة بالتفاعلات،
    وبرضه هنا مركزين على العوامل المحفزة يعني لازم تحفظون ايش للاختزال وايش للأكسدة وزي كذا، الشيء الوناسة انه مب لازم توزنون المعادلة
    والنواتج ماتكتبونها كلها بس تكتبون الناتج العضوي ، وبرضه لازم ترتبون أفكاركم دايماً وتسوون خرايط ذهنية وكل شيء،
    عشان ماتنسون أو تتلخبطون بالمعادلات

    الدراسة الأساسية تكون من العروض حقت الدكتورة،
    يعني طريقة التسمية وكذا، لكن العروض مافيها أمثلة تكفي، لازم ترجعون للكتاب،
    والكتاب تمارينه وأمثلته جدددداً خقق فيه أمثلة وتمارين كثييييير مرررة تساعد على الفهم،
    واذا فيه اشياء ماعرفتوا تحلونها بالكتاب عادي تقدرون تروحون للدكتورة بساعاتها المكتبية وهي تفهمكم

    الصعوبات اللي ممكن تواجهونها هي المعادلات، فيه كثييير بنات مايعرفون كيف يحلون المعادلات،
    عشان كذا قلت لكم لازم تعرفون العوامل المحفزة عشان تقدرون تعرفون النواتج،
    وبرضه شيء مهم انكم تدرسون كل يوم بيومه، هي أصلاً محاضرة وحدة بالاسبوع مدتها ساعتين،
    لكن لازم تدرسون أول بأول عشان مايتراكم عليكم لأنها تقريباً متشابهة،

    بالبداية راح تحسون المعادلات كثيرة، بس على النهاية خلاص بتحسون انها بدت تتكرر وصارت بديهية،
    انا اجمع معادلات كل تشابتر بورقة، راح انزلها لكم ان شاء الله،
    بس ضروري تنتبهون بالمحاضرة وتكتبون شرح ونوتات،
    لأن فيه اسئلة مستحيييييل تنحل بدون ماتكونون سامعين شرح الدكتورة فيه واجبات بس مو كثيرة وعلى حسب الدكتورة بعد،
    وفيه كويزات بعد بس برضه على حسب الدكتورة،
    الكويزات تكون حل باليد كتابة يعني، وبالعادة عددها ثلاثة،
    بس ياخذون درجة واحد بس اللي هو الأفضل، لكن الاختبارات النصفية والنهائية كللللها اختياري،
    وكل سؤال عليه درجة، بالنصفي الأول عطونا سؤالين بونس ونفس الشيء للنصفي الثاني،
    لكن النهائي ماعطونا شيء

    توزيع الدرجات :
    الاختبار النصفي الأول + 20 الاختبار النصفي الثاني
    + 10 مشاركة وكويزات وواجبات + 50 الاختبار النهائي = 100 درجة 20

    الدكتورات ومواقعهم:
    1) د. سهام لحساسني Home - siham lahsasni سلايداتها مختصره جدا
    2) د.نهى النجدي Home - Noha Elnagdi تعتبر احسن دكتوره بها القسم.. عروضها مرتبه شامله و مفيده مررره
    3) د. ناهد السيد Home - ناهد ناصر عيد السيد

    ملفات مُفيدة :
    هذي نماذج اسئلة:
    145 chem - sample papers.rar - 4shared.com - online file sharing and storage - download

    وهذي الأوراق اللي كنت اجمّع فيها المعادلات
    : 145 chem - summaries.rar - 4shared.com - online file sharing and storage - download



    الإحصاء الحيوي [145 احص]
    وزن المادة: ساعتين
    اسم الكتاب:
    Basic Concepts and Methodology for Health Sciences



    راح تلقونه بالمكتبة اللي بمبنى السنة التحضيرية
    الاحصاء أسسسهل مادة ، كله جمع وطرح وضرب وقسمة وانتهى مرة مرة مايحتاج شيء،
    محاضرة وحدة بالاسبوع، مدتها ساعتين، وغالباً تخلصون بدري بعد أول محاضرة راح تكون نظري،
    راح تدرسون فيها تشابتر كامل، لكن هالتشابتر جداً قصير وسهل بعده تبدا المسائل والحل وكذا، جداً جداً سهلة بشكل ماتتصورونه،
    خصوصاً جزئية الاختبار النصفي الأول، قد اخذنا بالرياضيات في ثاني ثنوي احصاء، هذا شبيه له،
    تجيبون المتوسط والمنوال وهالأشياء، حتى مو كل القوانين لازم تحفظونها لأنهم بيعلمونكم كيف الآلة تحسب لكم

    صحيح ان المادة سهلة جداً، بس لا تستهينون فيها، تحتاج منكم مذاكرة كل يوم بيومه،
    واصلاً المحاضرة مرة بالاسبوع فـ ماراح يكون صعب عليكم انكم تدرسون كل يوم بيومه ومهم بعد انكم تنتبهون وقت المحاضرة،
    لأن المادة تعتمد على الفهم الدكتورات راح يشرحون على عروض بوربوينت، وهالعروض موحدة لهم كلهم،
    راح تلقونها مطبوعة ومصلّحة على هيئة ملزمة بمكتبة المهندس، الكتاب تحتاجونه عشان التمارين اللي فيه،
    لأن الملزمة مايكون فيها الا تمرين واحد فقط وهذا مايكفي، وبعد راح يعطونكم واجبات،
    وعليها درجات، وبالواجبات ماتكتبون الحل النهائي بس،
    لازم تكتبون خطوات الحل كااااااملة ولا راح ينقصونكم راح تعيّن الدكتورة قائدة للشعبة،
    تاخذ ايميلها، وتصير تتواصل مع الدكتورة حول الواجبات والكويزات،
    والقائدة يكون معها ايميلات بنات الشعبة كلهم عشان ترسل لهم الواجبات وكل شيء ترسله لها الدكتورة
    ماراح تواجهون صعوبات مع هالمادة بإذن الله، لأنها جداً سَلِسَة،
    البنات اللي واجهوا صعوبات كانت بسبب انهم ماينتبهون بالمحاضرة + ماكان يدرسون كل يوم بيومه،
    حتى الاختبار النهائي كنا نقدر ندرسه بيومين بس فيه بنات درسوا بيوم واحد،
    صح أمداهم يخلصون المنهج لكن ماجابوا علامات زينة
    وبصراحة خسارة على هالمادة تنقصون لأنها جداً سهلة والمفروض تكون فرصة انكم ترفعون فيها معدلاتكم

    الكوزات :
    الكويزات ماراح تكون كثيرة، بين فترة وفترة يكون فيه كويز، وسهلة مررة
    المذاكرة أغلب شيء من الملزمة، والكتاب تدربوا على المسائل اللي فيه،
    أنا كنت ادرس من الملزمة بس كنت أحاول اني أجمع قوانين كل جزئية عشان ما أنحاس،
    لأن مع الوقت القوانين راح تكثر وبتصيرون ماتقدرون تفرقون بينها الا لمن تكونون دارسين أول بأول،
    لكن عموماً المادة جداً سهلة ودرجات البنات مرتفعة فيها،
    بعد ماتخلصون دارسين للاختبارات النصفية افتحوا نماذج الاسئلة واجلسوا حلوا،
    راح تخليكم تعرفون كيف تجي اسئلة النظري على شكل خيارات الاختبارات كلها اختياري،
    مافيه حل باليد أبد، والاختبارات جددداً سهلة، اصلاً المنهج مو طويل، وكل سؤال يكون عليه درجة،
    ماكان فيه اسئلة بونس بالاختبارات النصفية،
    بس انهم أعطونا 3 درجات بونس كذا من عندهم بدون اسئلة وبدون شيء وقالوا لنا ماراح نعطيكم غيرها،
    بس بيوم الاختبار النهائي قبل ندخل القاعات قالوا ترا فيه 3 اسئلة بونس لكم بالاختبار

    توزيع الدرجات:
    الاختبار النصفي الأول + 25 الاختبار النصفي الثاني + 50 الاختبار النهائي = 100 درجة 25

    الدكتورات ومواقعهم:
    1/ د. سناء أبو نصره Home - Sana Abunasrah هي المشرفه على المقرر,, والاكثر تمكنا .. اعتبرها الاكفأ
    2/ د.لمياء صبري جاد دياب Home - لمياء صبري جاد دياب

    كل شيء راح تلقونه بموقع الدكتورة سناء أبو نصره، حتى الدكتورات دايم يقولون لنا ادخلوا موقع سناء أبو نصره..

    ملفات مُفيدة :
    هذي نماذج اسئلة، (اذا لقيتوا شيء غريب مرة مرة اعرفوا انه مو بمنهجكم )
    145 stat - sample papers.rar - 4shared.com - online file sharing and storage - download -

    وهذي ملخصاتي:
    145 stat - summaries.rar - 4shared.com - online file sharing and storage - download



    ملاحظة:
    الترم الثاني حيكون اصعب نوعا ما .. موعشان شيء ..بس لزيادة عدد المواد وضغط الجداول,,
    رتبوا وقتكم كويس,,خلوا اهدافكم امامكم عشان تقدروا تتحملوا الصعوبات اللي يمكن تواجهكم,,
    هالترم هو غالبا اللي يحدد معدل,, لان ترم الاول اسهل والاغلبية بيجبوا فيه معدلات عالية مرة الم تكن كاملة ,,
    خليكم متمسكين بطموحاتكم,, لاتتكاسلوا,,اجتهدوا,,
    كل ماتعبتوا واجتهدتوا كانت نتايجكم احلى وأكثر روعة ,,
    اذا حبيتوا تقروا اكثر عن مواد ترم 2 ونصايح لدراستها هالموضوع بيفدكم ,,

    http://www.cksu.com/vb/t195305/

    بس حطوا في بالكم انه مكتوب من دفعة 429 فالانظمة وتقسيم درجات اختلفت بس طريقة دراسة والاجتهاد والسعي للتفوق واحد



    http://www.cksu.com/vb/t206995/

    * كل ما يتعلق بـ النجمـ ، تمـ ذكره في الرد السابق =)



    :

    .
    التعديل الأخير تم بواسطة سارا ~ ; 21st September 2010 الساعة 11:24 AM

  6. #6
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !


    :










    تخصيص طالبات المسار الصحي =)





    خلصتوا ترم الاول من تحضيرية ,, خلصتوا ترم الثاني من التحضيرية,, نزلت معدلاتكم,,
    ايش يبقى؟؟!
    نتائج التخصص !!!
    بدفعة 430 نزلت تخصصات تقريبا بعد اسبوع من نزول معدلات بالبوابة,,
    وعمادة القبول والتسجيل بنزلون لكم موضوع ان شاء الله زي هذا يقول لكم,,
    انه تخصصات قريبة
    http://www.cksu.com/vb/t223140/

    وجاء اليوم اللي نزلوها وكانت كذا نتيجة معدلات اللي وقفت عليها كل كلية
    http://www.cksu.com/vb/t224384/

    ونزلت معدلات على موقع القبول,, وبعدها نزلت لكل وحدة ب بوابتها
    جامعة الملك سعود < التخصيص-كليات صحية عمادة القبول والتسجيل KSU -



    طيب لحظة؟؟!
    ايش هي رغبات وايش الكليات اللي من ضمن الصحية,,
    متى احط رغباتي=/ ,, لازم كل كلية توقف ع نفس معدل العام ولاكيف =/
    الكليات اللي ضمن صحية كانوا 4 وصاروا ع دفعتكم خمسة زي ماهو موضح هنا,,
    http://w2.rgu-admit.net/PreparatoryYear/majors.htm

    طب اسنان, طب بشري,علوم طبية,صيدلة,تمريض,
    ع نص الترم الثاني تقريبا بنزلون موقع عمادة القبول ان فتح رغبات بدأ فتدخلوا بوابتكم وتدخلوا رغباتكم بالترتيب اللي تبوا,,
    طبعا ماننسى انه لازم تقروا عن الاقسام وتشاوروا اهلكم وتستخيروا قبل لاتقرروا,,

    طبعا كل سنة تختلف معدلات عن السنة اللي فاتت على حسب شطارة بنات وعلى حسب رغبتهم,,
    بس الاقوى طبعا هو شطارة,,
    يعني مثلا لو كل دفعة فجأة جاها حب بقسم الصيدلة معناته ان معدل اللي بوقف عليه الصيدلة بكون عالي,,

    لوبتشوفوا نسب اللي وقف عليها قبول بدفعة 429 تختلف عن 430,,

    يعني كطالبات .. اسنان وقف ايام 429 على 4.72
    دفعة 430 وقف على 4.78
    البشري 429 وقف على 4.59
    430 وقف على 4.72
    الصيدلة 429 وقف على 4.30
    430 وقفت 4.12

    علوم طبية كل دفعتين وقف على 3 لان هذا اقل معدل مسموح فيه بقوانين تحضيرية,,
    وزي ماشفتوا ان دفعة 430 وقفت معدلاتهم اعلى من معدلات 429 ,,
    فشدوا حيلكم,, لانكم ماتدرون,,يمكن تصير دفعتكم اكثر دفرة
    وشطارة من 430

    بالنسبة لعدد مقاعد متاحة لكل قسم,,
    بشري 100
    اسنان 40
    صيدلة 100 او 150 مو متاكدة

    علوم طبية تقبل بأعداد كبيرة بتعدد مجالاتها =)
    والتمريض ماكان موجود بالموحد فمانعرف كم عدد مقاعد متاحة فيه ..

    شوفوا هذا الشئ
    http://www.cksu.com/vb/post2808326-17/
    بتلقوا فيه روابط لمواضيع عن كليات عشان تقروا عنها قبل لاتحطوا رغباتكم,,
    اسعوا لاحلامك ولاتيأسوا ,, بس تذكروا بالاخير ان اللي كاتبه ربي هو الاحسن لكم=)

    و هذه روابط ثانيه :

    http://www.cksu.com/vb/t226010/

    http://www.cksu.com/vb/t226009/

    http://www.cksu.com/vb/t226011/

    http://www.cksu.com/vb/t226012/

    و اذا عندكمـ اي استفسار بخصوص اي كليه ،
    بـ امكانكمـ تطروحوه بـ القسمـ المنُاسب ، و الأعضائ ما حيقصروا بـ إذن الله =)



    :

    .
    التعديل الأخير تم بواسطة سارا ~ ; 21st September 2010 الساعة 11:03 AM

  7. #7
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !












    تجارب ونصايح تحضيريات سابقات =)





    ( 1 )

    Ḏг.Są∂๏

    بنات 431.. اللي توهم متخرجين من الثانوي ترى اسمكم بيصير كذا 431
    صدقوني هالسنه بتكون اطول واقصر سنه مرت بحياتكم ..

    على المستوى الشخصي .. بتتعلمون اشياء كثير ..
    كيف تكون ساعتك هي عينك الثالثه .. كيف الخمس دقايق = ساعه.. كيف ان الحياه توازن ..
    وان اللي يبي القمه مايوصل لها بدون تعب ..
    انا اقول لك بالتحضيري تبين تعدين لازم تتعبين مافيها خيار ..

    على المستوى الاجتماعي .. بتتغيرون ..
    كثير خصوصا بسالفه الطلعه والدجه الترم الاول ممكن تعدي لكن الثاني انسي انسي انسي ..
    انا مو قاعده اصعب عليكم انا قاعده اقول لك ترى معدلك بكل ترم يفرق بطريقه ما تتخليلنها ..
    للي يبون البشري ترى التخصص بعدين والمستشفى اللي بتكملين فيه بعد دراستك بيعتمد عليه معدل تخرجك .. والتحضيري فرصتك ! ..
    اغلبكم بيقول خلني اتخصص ولاحقه .. لا هذا اهم درس بتتعلمينه ..
    الا وهو .. النظره للمدى البعيد .. سواءا بتحصيلك الجامعي او باتفه الاشياء ..
    مثلا طلعة يوم خميس بالترم الثاني قبل الميد تيرمات = تاخير يوم كامل بالمذاكره قبل الامتحان ..
    بنات هذا مو تخويف بس انقل لكم تجربتي بامانه عشان بكرا محد بيجي ويعدي لك ..
    او يقول هاذي طالبتي وانا ادري انها فاهمه بس غلطت !

    ترى مو شي مستحيل ..
    شخصيا كنت ادرس اول باول الى الميد الاول بعدها معد درست الا قبل الميدات وقبل الفاينل ..جدولي كان مضغوط مرره ..
    وتوهقت بقوه على الفاينل .. مر علي اسبوع كامل ما انام الا 3 او 4 ساعات باليوم ..
    تعلمت انو هاذي نتجية تفريطي .. عدت على خير وجبت معدل 4.84 اغلبكم بيقول حلو ..
    لكن لما تكون اسهل سنه بتمر عليك خلال دراستك كذا كان المفترض تستغل بشكل افضل ..

    بالنسبه للبنات .. اول شي بيصير لكم بتتقسمون لشعب بناءا على مستوى اللغه ..
    والشي اللي ما كنت متوقعته انو نفس مستوى اللغه = شخصيات متقاربه نوعا ما ..
    بالترم الاول كل المستويات بيكون عندهم 4 ساعات انقلش يتخللهم بريك ..
    صاحباتك بالانقلش بيصرون خوااتك شي جدا روعه فرق فرق عن الثانوي ..
    بتلقين اللي بتكون معك على الصعب والسهل..

    وبنفس الوقت بتلقين اللي تحبطك .. وانا ما يمدي اذاكر .. وانا تعبت ..
    وانا بحول..هاذي ابعدي عنها والاحسن تهجين لان العامل النفسي بياثر كثير ..

    بالمشاريع بيكون عندكم فرصه ..تبدعون لاتقولون بنسوي المطلوب وخلاص..
    لا انتجوا باللي تقدرون واتقنوا.. لانه مافي احلا من الـ A+ لما تجي من تعب ..
    احنا لما اخذنا المصطلحات الطبيه بالترم الثاني كان مطلوب مننا مشاريع عن مواضيع طبيه ..
    اخترنا المواضيع سوينا استبيانات رحنا للجامعي وزعناها على الطلاب والطالبات ..
    وثقنا شغلنا بمراجع صدق .. تعبنا فيه ..
    بس في النهايه طلعت من التحضيري وانا عندي معلومات عن 27 مرض او موضوع طبي=27 مشروع لطالبات شعبتي..

    انتم بتكونون طبيبات او ممارسات في مجال طبي بعدين ..
    التعاون +روح الفريق+المثابره+ الاجتهاد من اهم الاشياء اللي بتتحلون فيها ..عشان تنجزون
    بشكل عام التحضيري تجربه جدا روعه .. بناء شخصيه .. بناء علاقات ..بناء مهارات ..
    بناء مستقبل.. ولاول مره بتذوقون لذة الراحه بعد التعب والضغط..استمتعوا فيـها ..قد ما تقدرون ..



    ( 2 )

    Doc Roby

    ابدأي عامك بتفاؤل و طموح كبير ، تفائلي بالخير تجديه
    استذكري دروسك أول بأول ، و لا تؤجلي عمل اليوم للغد حاولي اكمال عملك من كل نواحيه ،
    " انّ الله يحب اذا عمل أحدكم عملاً أن يتقنه"
    و هذا ح يعطيك راحة بإنجازك ، و دافع لإكمالك مشوارك بمهارة لا تصدقي أي شئ يقال ،
    خلّي الأستاذة مرجعك الوحيد اذا أشكل عليك شئ
    لا تشوفي أحوال غيرك و تضعف همتك ،
    فـ الهموم بقدر الهمم خلي هدفك من المذاكرة الفل مارك ،
    و لا ترضي بأي درجة أقل <-- هذا الشئ نزّل التقدير عند البعض
    الوقت ، الوقت ، الوقت ..! استثمريه بأكبر قدر ممكن !
    و تعلمي فن إدارة الوقت بالتخطيط و جدولة المهمام كل يوم
    نوعي من مصادر التعلم عندك ، يعني لا تعتمدي على شئ واحد تذاكرين منه ..
    لأن الأسئلة ، الإمتحانات ، .. غالبا تكون بعيدة عن أفكار المنهج ،
    يعني افهمي المعلومات و غطي عليها ، فيلزمك توسعي اتجاهات المذاكرة عندك.
    المثابرة ، و الهمّة العالية <-- خليهم سلاحك

    المواد جميلة و غالبية المنهج مدروس في الثانوي ، الإنجلش هو الفيصل ! ..
    و مدى كفاءتك فيه !
    السنة التحضيرية بشكل عام ، هي دورة انجليزي مكثفة .. و هي جميلة و حلوة ..
    إذا اجتهدتي ، و سويتي اللي عليك ..

    السنة التحضيرية كانت سنة تعلّمنا مهارات حياتية عملية أكثر من انها سنة للتحصيل العلمي !
    يعني كل متخرجة - و أنا متأكدة- أخذت حقنات مناعة و جرعات كافية انها تتوب و ما تقصّر في دراستها مررة ثاني ..
    و مَـن سـار على الدرب ... وصــل !
    أرجو إفادتكم و كلّ الخريجات .. لا تخافوا .. السنة التحضيرية ..
    سنة تغييــر نوعا ما .. لا أكثر !
    موفقات بعون الله ~



    ( 3 )

    [ ~ ] طآلبه مستجده في كليه الطب

    التحضيريه ومآ أدرآك مآ التحضيريه
    ما أبي اقول لكم إنهآ شئ مرعب ولا إنهآ سهله مرآآ ..
    هي عنق الزجاجه اللي تمرين فيه عشان توصلين لحلمك ..انا بصراحه الاجازه الصيفيه اللي فاتت كنت متحمسه بس ابي ادرس بالجامعه...
    لما بدت الدراسه كان شئ جميل كنت اقول اذا اول الايام كذا حلوه اجل الباقي تمام..
    مع الوقت بديت اعد الايام اللي تنتهي فيها التحضيريه
    بس اللحين اكتشتف انها النقطه المهمه .. كيف انتي تتكيفين مع وضعك !
    وكيف تتعاملين مع الضغط اللي عليك !
    الخوف والرعب والهلع من اكبر اسباب الفشل والنجاح كيف ما انتي تمشين الموضوع يسير..
    مع انه الترم الاول اسهل الا انه الترم الثاني تتعودين اكثر ع الدوام النقطه الاساسيه
    اللي لازم تحطونها في بالكم انه التحضيريه مو تعجيزيه

    نصآئحي لكم :
    * توكلي على ربك هو اللي معك بكل وقت
    * صفي نيتك وتمني الخير لك وللي حولك وخلي منافستك شريفه
    * التعآون بينكم انتم يا بنات اي شئ مفيد تنشرونه و تصورنه والمنتدى من اسهل الوسآئل
    * تنظيم الوقت وبكل سهوله كل يوم بيومه ارجعي اقري اللي اخذتيه راجعيه عندك اي سؤآل اسألي دكتورتك او استاذتك و راح تلقين تجاوب كبير
    * لا تتضايقون انتم ذاكرو و ادعو ربكم وانتم كذا تكونون سويتو الجزء اللي عليكم
    * الجامعه غير المدرسه لا تفكرون بينهم بنفس الطريقه او تقارنين بينهم
    * لا تغيبون كثير على شان ما يفوتكم شئ
    أتمنى لكم كل التوفيق واحنا ان شاء الله معكم..زي ما كانو معنا دفعه 429
    أخر شئ التحضيريه شئ ممكن يغير حياتك و يحدد مستقبلك وتعتبرينه انجاز كبير ..
    من اول يوم انتي تحددين وش تبين تكون عوآئد هالعام عليك
    حاجاتين لا تنسوها
    انه الصبر مفتاح الفرج
    وانه لكل مجتهد نصيب



    ( 4 )

    طموحي الجنون

    يمكن تجربتي تكون عتيقة بالنسبة لكم,, يعني تحضيرية صارلي عنها سنتين =)
    بس التحضيرية تترك بصمة بحياة كل من يمر فيها,,يكفي انها اول بداية مشواره الجامعي,,
    تنطلقون لعالم جديد,,عالم منفتح تتعرفون على بنات من كل المناطق والافكار,,
    بداية الشئ دايم تكون صعبة,,عشان كذا خليكم اقوى من هالصعوبة,,وخليكم قد التحدي,,
    مهما تعبتم,,مهما حسيتم انكم مارح تقدروا نكملوا,,
    لا وقفوا مرة ثانية وقولوا حنا ماوصلنا لهالمرحلة الا وحنا قدها,,
    وهالمرحلة ماهي مستحيلة والدليل الكثير تخطاها ووصل لهدفها,,
    كل ماتعبتوا ويأستوا تذكروا هذا الشئ,,
    ضاقت فلما استحكمت حلقاتها .... فرجت وكنت أظنها لاتفرج ,,
    كلكم تقدرون,, مفتاح نجاحكم وانجازاتكم بيدكم,,تمسكوا فيه لاخر يوم بالتحضيرية,,
    بتنعلمون منها كثير,, كيف تنظموا وقتكم,,كيف تكونوا صداقات وكيف تختاروهم,,بتتعلموا كيف تتعاملوا مع ناس جديدة ومجتمع جديد ودكاترة من دول ثانية,,
    توكلوا على الله في كل شئ تعملوه واحتسبوا الاجر فيه,, وصدقوني الامور بتتيسر بس انتو لاتعقدوها على نفسكم =)

    نصايحي ونصايح B!do كتبناها ل 430 ونفسها بنقولها لكم
    http://www.cksu.com/vb/post2808284-15/
    http://www.cksu.com/vb/post2808308-16/




    :

    .
    التعديل الأخير تم بواسطة سارا ~ ; 16th September 2010 الساعة 07:15 PM

  8. #8
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !









    ختاماً ..

    نسأل الله العظيم,, ان يوفقكم لما فيه الخير والصلاح بالدنيا والاخرة,,
    وان تكون لكم هذه السنة,, سنة مليئة باللحظات السعيدة والانجازات وتحقيق الطموحات,,
    آمل ان نكون قد وفقنا بالطرح ,, وانكم استفتدوا من هذا العمل,,

    يمكنكم تحميل الموضوع كااامل كـ pdf

    جاري اضافة الرابط الجديد =)



    ملاحظة =)

    كتبنا الموضوع بناءاً على تجربتنا في السنوات الماضية ..
    و هـ السنة صارت مجموعه من التغييرات في الأنظمه =)
    - بـ إذن الله انها للأفضل -
    فـ لابد من متابعة موقع السنة التحضيرية لمعرفتها ..

    موفع السنة التحضيرية - طالبات



    فريق العمل :
    طموحي الجنون
    Ḏг.Są∂๏
    Lelo~
    [ ~ ] طآلبه مستجده في كليه الطب
    ~ P i t y
    Doc Roby
    colourful girl
    Bido
    Swayer
    Rihan
    سارا ~

    -
    في حال نسيت اسمـ أحد ،
    ياليت تراسلوني ع الخاص

    -

    التعديل الأخير تم بواسطة سارا ~ ; 19th September 2010 الساعة 06:46 AM

  9. #9
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !

    :







    الكلامـ اللي فوق مو كله كلامي =)
    هذا كلامـ البنات اللي اشتغلوا ع الموضوع من قبل رمضان ..!
    - الله يجزاهمـ الجنّة -
    و كان تــأخير طرحه بـ سببي ، فـ عُذرا

    ،

    شكراً لكمـ ، ولا تفي ..!

    طموحي الجنون



    ،

    Ḏг.Są∂๏



    ،

    Lelo~



    ،

    [ ~ ] طآلبه مستجده في كليه الطب



    ،

    ~ P i t y



    ،

    Doc Roby



    ،

    colourful girl



    ،

    Bido



    ،

    Swayer



    ،

    Rihan



    ،

    شكر خاص لـ مصممتنا Caffeine
    - ايش شعورك ، وانتي مصممه البطاقه و عليها اسمك -





    :

    .
    التعديل الأخير تم بواسطة سارا ~ ; 17th September 2010 الساعة 12:45 AM

  10. #10
    تاريخ التسجيل
    Feb 2009
    المشاركات
    3,497
    الجنس
    أنثى

    رد: التحضيرية .. و بداية النجاح !



    للاستفسارات ، حياكمـ الله في :

    للكليات العلميه :

    http://www.cksu.com/vb/t236825/

    ،

    للكليات الصحيه :

    http://www.cksu.com/vb/t236828/

    =)



    :

    .

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •