صفحة 1 من 2 12 الأخيرةالأخيرة
النتائج 1 إلى 15 من 18
  1. #1

    بخوص " اعتراض على مخالفه مروريه "

    السلام عليكم ورحمه الله وبركاته
    شخبار كل واحد فيكم ؟ ان شاء الله انكم بافضل حال
    عندي استفسار بسيط يا اخوان ؟
    وين اقدر اعترض على مخالفه مروريه ؟ وكيف الاعتراض وطريقته ؟
    مع العلم ان المخالفه سرعه !

    وتفاصيل المخالفه *
    راجع من كليتنا الموقره الساعه 12 الظهر بعد انتهاء محاظراتي
    وطريق العوده هو الدائري ( المعلق ) وعند مخرج المدينه المنوره
    شاهدت امامي ( سياره مرور سري ) وقبل ان اتجاوزها عرفتها عن
    طريق ( الانتل الي في نص الشنطه ) ماعلينا انا كنت امشي تقريبا
    120 تجاوزته وانا على هاذي السرعه !
    وتفاجات بعد تجاوزه ببضع ثواني انه شغل ( السفتي ) وقام باستيقافي
    وقفت على جنب ولم احرك ساكن ، لبس الجندي بريهته ونزل بدفتر القسايم
    وطلب ( الرخصه والاستماره والاثبات ) وسالته ليه وش مخالفتي ؟
    قال سرعه ، انا اذكر ان الدائري السرعه فيه 115 او 120 المهم ماجادلته
    بعدها كتب في المخالفه ( سرعه 143 ) انا انصدمت قلت ياخوك
    انا مامشيت هاذي السرعه ؟ قال الا ماشيها وال رادار مايكذب :S وحلفت
    له ان ( سيارتي طبلونها الكتروني واني شايفه قبل ما اتجاوزه ان سرعتي كانت 120 )
    قال لاتصجني ! عندك شي اعترض على المخالفه ؟ وقال تبي تعترض قلت له ايه
    قام سجل اسمه في المخالفه ورقم هويته وعطاني المخالفه !

    وبس

    الزبده الحين اجرات الاعتراض كيف ؟ وهل فيه امكانيه اني اطعن بـ المخالفه
    او لا ؟

  2. #2
    تاريخ التسجيل
    Aug 2009
    المشاركات
    387
    الجنس
    ذكر

    رد: بخوص " اعتراض على مخالفه مروريه "

    الله يعينك تبي تعترض رح لجنة الفصل في المخالفات في الناصريه
    انا رحت لهم معطيني مخالفه وانا مدري من وين جت قياده قبل حمل رخصه وانا معي رخصه وثلاث ايام وانا عندهم بيحاولون يطفشونك وصاخة عسكر وفي الاخير طلبو الورقه الصفرا المخالفه قلت مااستلمتها ولاقد وقفني احد وخالفني وفي الاخير طلعت على واحد ثاني والعسكري الزاحف محرف في ارقام بطاقة الاحوال وحطها علي وفي الاخير شالوها الله يشلهم

  3. #3
    تاريخ التسجيل
    Aug 2009
    المشاركات
    237
    الجنس
    ذكر

    رد: بخوص " اعتراض على مخالفه مروريه "

    والله يا اخوي مالك الا تدعي عليه ان كانه ظالمك والحساب يوم الحساب بإذن واحد احد
    مالك في الحوسة ووجع الراس

  4. #4
    تاريخ التسجيل
    Oct 2009
    المشاركات
    4,090
    الجنس
    ذكر

    رد: بخوص " اعتراض على مخالفه مروريه "

    ادخل موقع نظام ساهر

  5. #5

    رد: بخوص " اعتراض على مخالفه مروريه "



    الله يعين اجل " حوسه في حوسه "
    بس دامنا ندرس قانون وتطبيقه ، وباذن الله نكون يوم من الايام محامين
    لابد ان نتعلم او ان تكون هاذي الخطوه الاولى للـ تعلم عشان كيذا شكلي
    باطلع لهم واشوف وش الوضع ! او وش نظامهم .

  6. #6

    رد: بخوص " اعتراض على مخالفه مروريه "

    يا رجال ما حولك أحد ..

    ملاحظة : الله يعين على عالمبزره الي متعينين جدد بالمرور .

    تصدق أني مآخذ 3 مخالفات من مكان واحد خلال هالشهرين الي فاتوا ..

    أشارة تقاطع الأمام محمد بن سعود ( 9 ) مع شارع تركي ( البوابة الجنوبية ) طبعا دوامي يوم الثلاثاء مسائي .. وكل ثلاثاء مخالفة ,,

    المشكله أني أجيهم مالي خلق وناسيهم .. وما اذكرهم الا اذا وشفت الجندي يطلب وراقي .. الله يغثهم .. لا وبعد ما تجيه الا وهو مسجل المخالفة ,





    كان فيك شدة أعترض .. في الناصرية .. بس الأفضل تسدد 300 قبل تتضاعف موب مثلي مخالفتين تضاعفوا صاروا الحين 1000 ووحدة باقي ما نزلت ,, ( نصابين ما ينزلونها الا مدبلة )

  7. #7

    رد: بخوص " اعتراض على مخالفه مروريه "

    ادخل موقع ساهر و بتلقى اول شي على اليمين شي اسمه....الية الاعتراض على المخالفه و ادخل و الله يوفقك

  8. #8

    رد: بخوص " اعتراض على مخالفه مروريه "

    ^

    تسلم والله
    -)

  9. #9
    تاريخ التسجيل
    Jun 2006
    المشاركات
    578
    الجنس
    ذكر

    رد: بخوص " اعتراض على مخالفه مروريه "

    على خبرية من واحد من العيال
    ان السريات فيها ردادات تلقطك قبل ماتوصل لها

  10. #10

    رد: بخوص " اعتراض على مخالفه مروريه "

    ^

    ياخوك والله اني ماجبت 125 من اول ماطلعت من الكليه
    لين وصلت لـ بيت امي ( لحظه نحط قلوب عشان امي )

    *

    الزبده " تم كتابه اعتراض عن طريق موقع ساهر " ونشوف
    وش بيصير علينا / اهم شي يتم الفصل وفق محاكمه عادله
    ولا وش له حاطين " فصل في المخالفات "

    وشكرا بـ حجم السماء وبعدد زخات المطر
    لكل من سجل رد في هاذا الموضوع ، ولكل
    شخص افادني واطلعني على " موقع ساهر "
    او سجل حظور اسمه في متصفحي .

  11. #11
    تاريخ التسجيل
    Oct 2009
    المشاركات
    11
    الجنس
    ذكر

    رد: بخوص " اعتراض على مخالفه مروريه "

    على فكره الرادار يصيدك قبل بكيلو أو أكثر بعد

    وبالنسبة للإعتراض عند لجنة الفصل بالمخالفات اللي وظيفتهم يطفشون الآدمي اللي يراجعهم

    وبالأخير يستدعون العسكري ويقولون انت ظلمته ؟ ويقول لا وتسدد انت المخالفة

    نصيحه سدد قبل لا تدبل عليك مثلي وعسى الله يعين

  12. #12

    رد: بخوص " اعتراض على مخالفه مروريه "

    ^

    ياخوي تعرف الله ؟ مستعد احلف لك بـه
    اني قبله بـ 10 كيلو ماتعديت 125 / واذا استعبطو
    وحملونا مالا طاقه لنا به " حركنا الروس الكبار " الـ وٌ
    يورونهم شغلهم ؟ < كيف الهياطٌ بس .

  13. #13
    تاريخ التسجيل
    Oct 2009
    المشاركات
    2,085
    الجنس
    ذكر

    رد: بخوص " اعتراض على مخالفه مروريه "

    والله الصدق جاني نظام ساهر وانا لا ماعي اثبات ولا رخصه ولا شيء ناسيهم في البيت
    يوم شفته جاي لي لفيت يمين وتركته الله يسترررررر بس من اللوحه لا يسجلها

  14. #14
    تاريخ التسجيل
    Jul 2009
    المشاركات
    658
    الجنس
    ذكر

    رد: بخوص " اعتراض على مخالفه مروريه "

    دام أنه قالك تبي تعترض وبكل أريحيه سجل إعتراضك
    يعني هو واثق 100% أنك ما بتاخذ حقك ولا أحد بيعبرك
    يا كثر اللي ذممهم واسعه في المخالفات
    يسجل على الخلق بكيفه
    يعطيك مخالفه انت ما سويتها
    يسجل عليك مخالفه سقطها من واحد ثاني يعرفه ( شغل واسطات )
    ريح وانا اخوك نصيحه
    وانتبه من نظام ساهر

    وإذا أنت ناوي تشتكي
    اشتكي لربك وحقك بتاخذه والله ما يضيع

  15. #15

    رد: بخوص " اعتراض على مخالفه مروريه "



    اذا طلبه القانون ( مابياخذون حقكم ) اجل من الي بياخذ حقه ؟
    باكر ياشباب بنصير محاميين ومستشارين تخيلو يجيكم احد وش تقولون
    له ؟ توكل على الله وادعى عليهم حقك منتب ماخذه ؟.. الخ الخ الخ



صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •