ماهي أجراءت التسجيل لأختبار القدرات

[طموح ورده]

السلام عليكم ورحمة الله وبركاته
أنا ناويه اسجل في أختبار القدرات اللي في 22 من هالشهر لكن لدي سؤال
هل لازم يكون عندي بطاقة شخصية ؟ ولا يكفي دفتر العايلة
والشيء الثاني هل لازم أروح أسوي بطاقة بطاقة البصمة الذكيه اللي عندهم ولا شلون

[عاليا.]

لازم اي اثبات فيه صورتك بطاقة الجامعه او الجواز او الاحوال

اذا ماعندك صوري وخذي صورتك يوم الامتحان

وتحتاجين بطاقة العائلة عشان رقم السجل المدني
وبالتوفيق

[جود الوجود]

وعليكم السلام ورحمة الله وبركاته ،
حبيت أفيدك بإني وياك نتابع الموقع ونقرا عن الاجراءات الى الان وانا افكر أحضر أو لا

من هنا

المركز الوطني للقياس والتقويم في التعليم


وهنا موجود بإعلان أسفل الموقع بعرض عن طريقة التسجيل

http://www.qiyas.org/Qiyas/Flashs/RegSteps.ppt


الله يوفق ويكتب لنا الثبات ويسخرنا لما كتبه لنا.

[طموح ورده]

مشكورين جزاكم الله خير يعني بس يكفي صورتي ودفتر العايله وأدخل الأمتحان ما أحتاج بطاقة البصمة
الله يوفقكم يارب ويسعدكم

[(Ro0o7)]

طيب عندي سؤال لازم كل الي مقدمين على الماجستير يمتحنون قدرااات
واكون شاكره ومقدره لكم

[جود الوجود]

مشكورين جزاكم الله خير يعني بس يكفي صورتي ودفتر العايله وأدخل الأمتحان ما أحتاج بطاقة البصمة
الله يوفقكم يارب ويسعدكم

ويجزاك ضعفه ،
أنا سجلت جدا ( سهل ) وماحصل أي عوائق ولله الحمد ، [ سبحان الله لقيت نفسي أسجل ] وماكان في بالي بس على سخرة الله ..
المهم :
بعد ماسجلت صار لي ملف بيانات وحساب وكشف كامل بالبيانات ، وبيكون فيه ملاحظات وتنبيهات
من ضمنها هاللي استفسرتي عنه المطلوب : حسب ماهو مكتوب /
نرجو ملاحظة :
انه لن تتمكني من دخول الاختبار الا بأحد الاثباتات المعتده لدى المركز وهي كالتالي:
1- اصل بطاقة الهوية الوطنية.
2- أصل جواز السفر وصورة دفتر العائلة.
3- اصل البطاقة الجامعية [ اذا كان عليها الصورة الشخصية للطالبة ] بالاضافة الى دفتر العائلة .
4- البطاقة الذكية ( بطاقة البصمة ) التي يصدرها مركز قياس.
5- في حالة عدم توفر أي من الاثباتات أعلاه يجب على الطالبة إحضار صورة شخصية حديثة ( واحدة فقط ) لإصدار بطاقة دخول الاختبار، علما بأن اصدار وتسليم البطاقة للطالبة في يوم الاختبار .

ملاحظة هامة !
لن يسمح لأي طالبة بدخول الاختبار بدون أحد المتطلبات الخمسة الموضحة أعلاه وإن كان تسجيلها مؤكداً.


----!! تعليق بسيط مني !
استغراااب !!
ماهذه المتطلبات ؟ وماهو الهدف منها ؟
بطاقة العائلة أو بطاقة الاثبات ماتكفي ؟

ثم ، اترك لك الراي بناءً على هذا ؟؟

وأطلب الله يصبّحني على خيره ، لأني بتصل عليهم واستفسر عن الباقي من هذي المتطلبات ماعجبتني بصراحه ! وما اتوقع بقدر على التصوير وتقديم المتطلبات هذي لأني بكون جايه من برا الرياض . يعني للامتحان مباشرة ً .


- علميني اذا سجلتي وحبيتي ممكن نلتقي ونتواصل ونقدر نفيد البقية بعد مانختبر !
أول تجربة لي في هذا الاختبار ، وكل هالدنيا تجارب والله المستعاان !
وعلميني اذا عندك استفسار ثاني اقدر افيدك عن تسجيلي
أو اذا تحبين استفسر لك عن شيء ثاني ،
بكرة بتصل عليهم واسأل عن استفسارك بنفس الوقت واقدر افيدك


ربي أسألك خير مافي هذا اليوم وخير مابعده .

[جود الوجود]

طيب عندي سؤال لازم كل الي مقدمين على الماجستير يمتحنون قدرااات
واكون شاكره ومقدره لكم

في جريدة الرياض والجزيرة قبل يومين قرأت بلسان الأستاذ الكتور ابا الخيل عميد جامعة الامام محمد بن سعود الاسلامية ، أنه يقر هذا الاختبار وأنه مطلوب من قبل المتقدمين على الدراسات العليا كافة ً .

ممكن تبحث في هذا العنوان [ اشتراط أو اعتماد اختبار القياس للمتقدمين على الدراسات العليا ]
أو [ د. ابا الخيل يشترط اختبارالقدرات والقياس للمتقدمين على دراسة مرحلة الماجستير والدكتوراة] .

ما أدري كيف بيكون مستقبل الطلاب والطالبات الذين ظهرت اسمائهم لدراسة المرحلة المقبله من الدراسات العليا ، علما ً بأنهم لم يختبروا قدرات ولم يكن لديهم هذا الشرط اثناء التقديم.
يمكن يطلبون منهم بعد ماتظهر اسمائهم بشكل نهائي ؟
وبعدها يتم اعلان عن اسماء أخرى ! وتأهيلها لتقديم اختبار القدرات ومن ثم دخول اختبار الدراسة والمقابلة من جديد ؟؟؟؟ وياطير ياللي !

يمكن يتغاضون عنه هذي السنه ومن حظهم يكملون بدونه ؟

الله يوفق الجميـع .

[جود الوجود]

- اضافة ملاحظة /
استاذة طموح لاحظي انك لازم تدفعين مبلغ وقدره 200 ريال لشحن رصيدك في الموقع ومن ثم دفع 100 ريال لاختبار القدرات الذي سيقام في 23-2-1431هـ المقبل باذن الله.
وانك تستطيعين الاستفادة من المبلغ هذا لمدة خمس سنوات مقبله. أو تحويل المبلغ لحساب طالب/ـه أخرى في نفس الموقع .
المهم الدفع . بكرة بدفع عن طريق الصراف الآلي. ب بطاقة الراجحي.

و َ [ حسبنا الله ! سيؤتينا الله من فضلـه إنا إلى ربنا راغبـون ]

اللهم صلي وسلم وزد وبارك على محمد وعلى آله وصحبه.

[جود الوجود]

لازم اي اثبات فيه صورتك بطاقة الجامعه او الجواز او الاحوال

اذا ماعندك صوري وخذي صورتك يوم الامتحان

وتحتاجين بطاقة العائلة عشان رقم السجل المدني
وبالتوفيق

لاتقوولين

> بعييييد علي أصووّر
قولي مب لازم بليز ْ
بكره بتصل عليهم بقول ماعندي صورة وما أٌقدر أصور وبدخل الاختبار ببطاقة بابا

[عسله]

مرحبا
انا اليوم رحت للبنك وسويت ايداع 100 لامتحان القياس
لكن حسيت اني توهقت وهقه كبيره وان فيه حاجه غلط
لما قريت كلام الاخت جود الوجود
- اضافة ملاحظة /
استاذة طموح لاحظي انك لازم تدفعين مبلغ وقدره 200 ريال لشحن رصيدك في الموقع ومن ثم دفع 100 ريال لاختبار القدرات الذي سيقام في 23-2-1431هـ المقبل باذن الله.

ممكن احد يوضح لي كيف اشحن رصيدي بـ 200
الله يوفقكم جميعا وتنقبلون سواء حالفني الحظ معكم والا لا ~_~

[جود الوجود]

رجعت ، ما سددت طبعا ووصلتني رسالة توضيح بالغاء الاختبار ، وبفكر ادخله بشهر 5 باذن الله ، مخي تعبان هذا الشهر ومافيني حيل أأدي أي اختبار سواء سهل او صعب او عام او خاص.
وماكتبه ربي وماكتب اني اسدد راح الوقت علي نوم


---

بالنسبة للأستاذة عسله :

مرحبا
انا اليوم رحت للبنك وسويت ايداع 100 لامتحان القياس
لكن حسيت اني توهقت وهقه كبيره وان فيه حاجه غلط
لما قريت كلام الاخت جود الوجود
- اضافة ملاحظة /
استاذة طموح لاحظي انك لازم تدفعين مبلغ وقدره 200 ريال لشحن رصيدك في الموقع ومن ثم دفع 100 ريال لاختبار القدرات الذي سيقام في 23-2-1431هـ المقبل باذن الله.

ممكن احد يوضح لي كيف اشحن رصيدي بـ 200
الله يوفقكم جميعا وتنقبلون سواء حالفني الحظ معكم والا لا ~_~

ياهلا ، اللي كتبته حسب ماهو مكتوب في الموقع ، انك تدفعين 200 ( شحن رصيد )
يختلف عن ( سعر الاختبار )
100 فهي (قيمة الاختبار الواحد ).
يعني مافعلتيه صحيح ، المهم تم التأكد من تحويلك للمبلغ وتسجيلك في الموقع وفتح ملف و الاجراءات الاخرى . وموعد الاختبار موجود بالموقع بنهاية الشهر هذا 2 /.
مادري الله يعافيك اذا ممكن ترجعين لي هنا تكتبين عن الاختبار وطبيعته .. لاني قريت عنه يحوي بعض من الصعوية. قريت نماذج له من الموقع وحصلت على بروشورات من المعرض .
مادري هو صعب أو مخي تعبان مب متحمله أي نوع من الأسئلة الثقافية العامه .

الله يوفقك . والأسئلة محتاجة ( تفكير دقيق ، ووقت وومزاج فاايـق ) محتاج منك تحليل السؤال قبل الاجابة عليه
أحب التحليل والتفسير بس مادري ليه مافي مخي حاليا اني أأدي مثل كذا.
محتاجه وقت ارتاح شوي واتهيأ من جديد

لاتنسي إني بانتظارك بعد ما تأدي الاختبار على خير يارب

[روبن شوق]

انا شحنت 200 وطلع لي تسجيل مؤكــــــــــــــد

وشلون تقولون 100 قيمة الاختبار الواحد ؟؟؟؟؟؟؟

وما ارسلو لي على الجوال انو تم التسجيل وش السالفة ....

[طموحي الماستر]

اخت جود ودي اسالك ليه فيه اختبار القدرات بشهر 5 لانو انا سجلت ومااقدر اختبر في شهر 2 وماتوقع فيه بشهر 5 انتي متاكدة ولا

[ريتا]

لازم تسجلون قبل 17/2

وهل رقم الاشتراك يختلف عن رقم الإيصال(ايصال الراجحي) ضروري جدااااااااااااااا يكون رقم الاشتراك والايصال معكم يوم الامتحان

+
انا اول مرة اختبر الله يسهل عليكم وعلي

[فلتة زماني]

مرحبا بنات

والله محتاسه بقولكم وش صار معي وياليت تفيدوني

شحنت رصيدي بميه100 ولما سجلت انكتب قدام الميه اشارة سالب

وماقدرت اكمل وش السالفه مع انه مكتوب الاختبار بميه


والله دخت الفين دوخه