النتائج 1 إلى 5 من 5
  1. #1
    تاريخ التسجيل
    Sep 2006
    المشاركات
    272
    الجنس
    أنثى

    استفسار اسئلة متفرقة عن سحب العصب ,,

    السلام عليكم ,,

    عندي استفسار بشأن سحب الاعصاب ,,

    قبل فترة انكسر السن الخلفي بالنص (اليسار على جهة اللسان ) قبل لا ينكسر و وقت ما انكسر وبعد ما انكسر ما كان فيه الالام ابداً ,, رحت لدكتوره وقالت شيء اختلفنا عليه انا وابوي
    انا الي فهمته (بتحط حشوه مؤقته لكن قبل لا تحطه لازم تسوي سحب عصب )

    والي فهمه ابوي (بتنظف المكان وتحط حشوه مؤقته لكن بعد كذا لازم اسوي سحب عصب لما افك الحشوه )

    (مع العلم بعد ما حطت لي الحشوه اصابني الم لمدة 4 ايام ونهايته طلع خراج وانتوا بكرامه)

    بعدها بفترة رحت لطبيب متخصص بالحشوات ,, شاف الاشعه و اسناني مافيها مشكله الا المكسور قال هذا مو تخصصي ,, هذا تخصص اعصاب ..

    بس فيه نقطه ما اتذكرها وهي هل سألني الدكتور اذا مسوين لي سحب عصب ؟؟ او بس يخبرني انهم بيسوون لي سحب عصب << لانه كان يكتب لي ورقة تحويل لاطباء تخصص اعصاب >>

    وبعد ما رجعت منه ,, رجعنا انا وابوي لنفس الحاله
    مين قال لك ان العصب مسحوب ؟؟ اذا العصب مسحوب لازم بنج وكل الي سوته الدكتورة تنظيف وحشوة ,, من وين انسحبت الاعصاب ؟؟
    انا كل الي قدرت ارد عليه ان الدكتور افهم مننا ويمكن هو شاف الاشعه وعرف ان العصب مسحوب انا وش يدريني ,, او يمكن قال يبيلك سحب اعصاب ,, الصراحه ابوي شككني بعمري لدرجه لحد الحين ما اتذكر الدكتور ايش قال لي



    رحت لأخصائية اعصاب

    وأول ما شفتها سألتها كيف اعرف ان العصب مسحوب او لا
    والمشكله ما ردت علي رد مقنع ,, لانها قالت لي الحين اوريك شلون تعرفين بعد ما اشيل الحشوه المؤقته بتشوفين ,, وما راح تحسين بالم (اكيد ما راح احس بالالم لان مبنج السن )

    المهم الدكتورة ما قصرت ,, كل شيء تسويه بسني كانت تعلمني ..
    الدكتورة : (انا الحين قاعدة اشيل الحشوة )
    الدكتورة : (انا الحين قاعدة انظف بقايا التسوس الي بالسن)
    الدكتورة : (الحين تمام نظفنا التسوس)
    .. سوت 3 ثقوب ,, وقالت لي ليش بس ما اتذكر ..
    .
    .
    .
    .
    .. سمعتني الدكتورة صوت وقالت لي سمعتيه ؟؟ هذا الصوت معناته ان الثقب نظيف الان وجاهز للحشو ..
    .
    .
    .

    .. اووبس انكسرت الحشوة ,, راح نرجع نشتغل من جديد ..
    .
    .
    .

    باقي لنا كذا وكذا وكذا ...

    الخ من السواليف



    تقريباً الي سوته لي نفس الي بالفلاش هنــا


    ويوم رجعت للبيت ,, قابلت ابوي بوجه منتصر
    "طلعت اعصابي مسحوبه "
    " زين اجل ما ودوك مستشفى مجانين ,, وبعدين اذا العصب مسحوب وش سويتي يوم رحتي لاخصائيه العصب تلعبون ؟؟ "


    يمكن كلام ابوي صح ,, وانا مجرد اعاند علشان كذا اسمع (اخصائي الحشوات + اخصائية الاعصاب) يقولون ان العصب مسحوب !!
    بس بصراحة انا اول ما شفت الفلاش بديت اصدق كلام ابوي ,, لان الي مكتوب عند الفلاش "سحب عصب" << وهذا الشي هو الي سوته لي اخصائية الاعصاب !!

    خلاصة موضوعي عبارة عن عدة اسئلة وطلب واحد


    سؤال [1] ,, هل من الممكن بالاشعه معرفة اذا العصب مسحوب او لا ؟؟ او بمجرد ما يشوف الدكتور الحشوه المؤقته وخصوصاً ان السن مكسور بالنص (جهة اللسان مافيه سن) بيعرف ان العصب مسحوب ؟

    سؤال [2] ,, يعني ايش بالضبط سحب عصب ؟؟ هل معناته يشيلون العصب خارج السن ويرمونه برا ؟ ولا معناته اي عصب موجود داخل الاسنان بس ميت ؟
    بمعنى هل "سحب عصب" اسم علمي فقط والمراد فيه ان العصب ميت ,, ولا صدق يسحبونه ؟؟

    سؤال [3] ,, كيف يموت العصب بدون تدخل الاطباء ؟؟ يعني هل من الممكن العصب يموت بسبب التسوس ؟ او الضغط على السن اثناء التنظيف قبل الحشوة ؟

    سؤال [4] ,,



    اذا قلنا سحب عصب معناته ان كل الي بالازرق بالصورة ينشال ,, صح ؟
    طيب وين مكان القنوات الي يفتحها الدكتور وينظفها ؟؟

    سؤال [5] ,,

    بمقطع الفلاش كان فيه ضوء ازرق اتوقع "ليزر" يوجهونه على السن ,, ايش وظيفة هذا الضوء ؟ مكتوب بالفلاش وضع الحشوة البيضاء ,, صدق ؟


    اخيراً طلب بسيطه جداً جداً ,,
    يقولون يا دكتور خل علاقتك مع مريضك سطحيه ,, اوكي ما قلنا شيء ,,
    لكن حلو لو كنت بكل شغله تسويها تخبر مريضك انت ايش قاعد تسوي
    هالشيء بيريح بال مريضك + بيكون واثق ومتأكد انك تعرف انت ايش قاعد تسوي بالضبط ..
    على الاقل تسأل المرضى قبل لا تبدأ الشغل- ولو ان مو كل مريض يتقبل هالشيء ولا كل طبيب يحب يتكلم وهو يشتغل -
    هل تقبل اقول لك الاحداث الي بتصير او الي بنسويها,, لان فشله لو قلت للدكتور لو سمحت قول كل شيء تسويه باسناني - احس تشكيك بقدراته - ,, علشان كذا لو تجي منه احسن

    امممممممم بس
    معليش ثقلت عليكم , بس والله اللقافه ذابحتني وودي اعرف كل شيء
    وودي اعرف مين الصح انا ولا ابوي

    شكراً مقدماً

  2. #2
    تاريخ التسجيل
    Dec 2006
    المشاركات
    1,273
    الجنس
    ذكر

    رد: اسئلة متفرقة عن سحب العصب ,,

    سؤال [1] ,, هل من الممكن بالاشعه معرفة اذا العصب مسحوب او لا ؟؟ او بمجرد ما يشوف الدكتور الحشوه المؤقته وخصوصاً ان السن مكسور بالنص (جهة اللسان مافيه سن) بيعرف ان العصب مسحوب ؟
    الأشعة هي الي تخلينا نشوف حالة العصب ..

    سؤال [2] ,, يعني ايش بالضبط سحب عصب ؟؟ هل معناته يشيلون العصب خارج السن ويرمونه برا ؟ ولا معناته اي عصب موجود داخل الاسنان بس ميت ؟
    بمعنى هل "سحب عصب" اسم علمي فقط والمراد فيه ان العصب ميت ,, ولا صدق يسحبونه ؟؟
    أنا اختلف مع الدكاترة الي يقولون لـ مرضاهم راح ( نسحب عصبك )
    الي نسوية في العيادة أسمة ( علاج عصب )
    يعني بختصار نفتح السن ونسوي تنظيف للعصب وبعدها نحشي العصب ..


    سؤال [3] ,, كيف يموت العصب بدون تدخل الاطباء ؟؟ يعني هل من الممكن العصب يموت بسبب التسوس ؟ او الضغط على السن اثناء التنظيف قبل الحشوة ؟
    أيوه ممكن يتموت العصب بدون تدخل أطباء ..
    وصول التسوس للعصب يموته ..
    وعلاجه هو ( علاج عصب ) وهو حاجة جدا جدا طبيعية ..


    اذا قلنا سحب عصب معناته ان كل الي بالازرق بالصورة ينشال ,, صح ؟
    طيب وين مكان القنوات الي يفتحها الدكتور وينظفها ؟؟
    ينشال الي بالازرق الي بالقناة بس وينحط مكانه حشوة عصب

    شوفي الشي الابيض الموجود بعصب هالسن



    كذا راح يكون شكل السن بعد العلاج

    سؤال [5] ,,

    بمقطع الفلاش كان فيه ضوء ازرق اتوقع "ليزر" يوجهونه على السن ,, ايش وظيفة هذا الضوء ؟ مكتوب بالفلاش وضع الحشوة البيضاء ,, صدق ؟
    هذا نستخدمة بعد مانحط الحشوة البيضاء الدائمة
    وظيفته بختصار يخلي الحشوة تمسك ببعضها وتمسك بنفس السن


    اخيراً طلب بسيطه جداً جداً ,,
    يقولون يا دكتور خل علاقتك مع مريضك سطحيه ,, اوكي ما قلنا شيء ,,
    لكن حلو لو كنت بكل شغله تسويها تخبر مريضك انت ايش قاعد تسوي
    هالشيء بيريح بال مريضك + بيكون واثق ومتأكد انك تعرف انت ايش قاعد تسوي بالضبط ..
    على الاقل تسأل المرضى قبل لا تبدأ الشغل- ولو ان مو كل مريض يتقبل هالشيء ولا كل طبيب يحب يتكلم وهو يشتغل -
    هل تقبل اقول لك الاحداث الي بتصير او الي بنسويها,, لان فشله لو قلت للدكتور لو سمحت قول كل شيء تسويه باسناني - احس تشكيك بقدراته - ,, علشان كذا لو تجي منه احسن

    ماعندي مانع .. حتى لو اشرح له قصة حياتي .. المهم أعطيه كل الخيارات وكل وحدة وش يميزها وايش يعيبها وسعرها وكل كل كل تفاصيلها




    اي اسئلة ثانية .. انا والموجودين هنا راح نتشرف بالرد عليك
    ومنورة قسم طب الاسنان

  3. #3
    تاريخ التسجيل
    Mar 2005
    المشاركات
    2,128
    الجنس
    ذكر

    رد: اسئلة متفرقة عن سحب العصب ,,

    أهلاً ..
    في الحقيقة أعترف بأن هناك أزمة مصطلحات بالإضافة إلى أزمة تواصل
    أحدهم مثلا بدأ يوصف لي مكان السن فقال /
    السن اللي يوجعني هذا اللي فيه حفريّه !
    فقلت له : أيوا شفته ..
    رجع قالي : دكتور تبغى تحط علييه صبّـه ؟!
    فقلت له : لا .. نبغى نسوي الرصيييف أوّل

    الشاهد ان هناك أزمه حقيقية في المصطلحات والذنب مشترك ..
    عموما تعليقي على مسألة علاج العصب حتى أن البعض يقول بأنه " مداواة قنوات الأعصاب "
    أريد فقط أن أوضح فكرة علاج العصب .
    لنبدأ من تركيبة السن ..
    طبقة المينا : الطبقة الخارجية البيضاء ولا يوجد بها نهايات عصبية ، لهذا فإن التسوس الذي يكون محصور في هذه الطبقة .. لا يسبب آلام .. لكنه يكون واضح على سطح السن غالبا، ويتم علاجه بالحشوات بعد إزالة التسوس .

    طبقة العاج : وهي الطبقة التالية لطبقة المينا، ويوجد بها نهايات عصبية ، لهذا فإن التسوس إذا امتد إليها .. يشعر المريض ببعض الآلام مع الحرارة مثلا والبرودة والحلويات ، وهذا يكون واضح في الأشعة وبالعين . ويتم علاجه بالحشوات أيضا ..

    اللب : وهو الطبقة التالية للعاج ، ويسموه بالعصب .. لأنه غزير بالنهايات العصبية هو عبارة عن أنسجة . واللب يكون على شكل قنوات على حسب موقع السن ، مثلا القواطع .. كل سن فيه قناة واحده غالبا مثل ما هو موضح في الفلاش مثلا .. هذه القناة مليئة باللب .
    وبالتالي .. المبدأ في الحشوات التي تبدأ بسيطة في طبقة المينا والعاج .. حتى نمنع التسوس من الوصول إلى لب السن ..
    وبما أن التسوس عبارة عن التهاب ، فإن وصوله للب السن يؤدي إلى التهاب اللب ، وبالتالي يجب علينا إزالته وتنظيف القنوات التي يتواجد فيها .
    فالفكرة كلها هي عملية تنظيف قنوات اللب " العصب " ، حتى نتاكد من إزاله كل الأنسجة الملتهبة وطبعا هنا يجب أن نكون دقيقين في أخذ قراءات أطوال القنوات .. لأن بعد مرحلة التنظيف .. يتم حشو هذه القنوات .. وقد تأخذ هذه المرحلة أكثر من زيارة ربما ..
    بعد حشو القنوات .. يتم التعامل الآن مع حجم السن المتبقي ..
    إذا كان هناك كمية كبيرة متبقية من السن مثلا .. يمكن وضع حشوة دائمة مباشرة
    المهم هنا ، يجب إخبار المريض بتفاصيل تعويض الجزء المفقود من السن
    لأنه مثلا في الأسنان الخلفية بعد علاج العصب ، قد نضع حشوة دائمة ، ولكن ليست نهائية .. لأنه غالبا نغطي السن بتلبيسة كاملة .
    طبعا تختلف الاحتمالات هنا حسب الحالة .

    عموما . هذه أضافتي التي أتعامل بها مع مرضاي .
    سلام

  4. #4
    تاريخ التسجيل
    Jan 2010
    المشاركات
    60
    الجنس
    أنثى

    رد: اسئلة متفرقة عن سحب العصب ,,

    توني راجعة من عند طبيب أسنان .. وأبي أعرف هل هو جيد أو لا..

    أول شي هو بدا يسحب عصب لـلـ first molar لان المشكلة كانت فيه ألم شديد .. اتضح ان فيه تسوس .. المهم انه بدا يشتغل وعلى قولته لقى قناتين وعجز يلقى الثالثة ! وطلب مني أجي بعد 3 ايام عشان يكمل ..

    سؤالي هو .. هل هذا شي طبيعي؟ والا يدل على إنه مو كويس؟ لانه كل شوي كان يقول " غريبة " .. " غريبة " وبعدين قال لي انه ما لقى القناة الثالثة.. بس لما رجع يسوي لي الاشعة لقى فيها 3 قنوات..


    هل هذا طبيعي؟ والا العيب فيه؟

  5. #5
    تاريخ التسجيل
    Sep 2007
    المشاركات
    352
    الجنس
    ذكر

    رد: اسئلة متفرقة عن سحب العصب ,,

    اقتباس المشاركة الأصلية كتبت بواسطة Layla H مشاهدة المشاركة
    توني راجعة من عند طبيب أسنان .. وأبي أعرف هل هو جيد أو لا..

    أول شي هو بدا يسحب عصب لـلـ first molar لان المشكلة كانت فيه ألم شديد .. اتضح ان فيه تسوس .. المهم انه بدا يشتغل وعلى قولته لقى قناتين وعجز يلقى الثالثة ! وطلب مني أجي بعد 3 ايام عشان يكمل ..

    سؤالي هو .. هل هذا شي طبيعي؟ والا يدل على إنه مو كويس؟ لانه كل شوي كان يقول " غريبة " .. " غريبة " وبعدين قال لي انه ما لقى القناة الثالثة.. بس لما رجع يسوي لي الاشعة لقى فيها 3 قنوات..


    هل هذا طبيعي؟ والا العيب فيه؟


    اولا هل هذا الدكتور اخصائي اعصاب اسنان او طبيب اسنان عام ؟؟

    لانو في حالات يصعب فيها ايجاد احدى القنوات ..خصوصا غير الاخصائيين في الاعصاب ..
    فبعض الدكاتره خصوصا قليلين الخبره يكمل ويعمل علاج عصب للقنوات اللي يلاقيها ويترك الصعبه اللي عجز عنها ..

    المفروض ما يكمل علاج العصب الا لمن يتاكد انوحصل جميع القنوات ويعالجها علاج مثالي ويتاكد انو مافي اي اعرض قبل انو يواصل الحشوة النهائيه للسن ..

    لانو اذا تركت احدى القنوات بدون علاج لصعوبة ايجادها ..فهذا سوف يؤدي الي فشل في علاج العصب ممكن ينتج عنه اعراض فيما بعد ..

    انت لازم تتأكد انو لقى القنوات كلها وعالجها علاج كامل ومثالي قبل لا يحط لك التركيبه النهائيه ..
    وشكرا

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •