صفحة 1 من 2 12 الأخيرةالأخيرة
النتائج 1 إلى 15 من 18
  1. #1
    تاريخ التسجيل
    Oct 2008
    المشاركات
    145
    الجنس
    أنثى

    كلية العلوم الطبية التطبيقية في جامعة الملك عبدالعزيز بجدة

    السلام عليكم ورحمة الله وبركاته




    هذه كليتي وهذه دراستي ...

    في البداية أشكر أخوي اشعاعي متهور ...

    بسم الله ... الله يعينكم ع القراءة بس حماس انه تعرفوا كيف الكلية عندنا ...

    *****
    مقدمة عن الكلية :

    أنشأت كلية العلوم الطبية التطبيقية في شهر شعبان من عام 1424هـ بالتوجيه السامي الكريم
    من مقام خادم الحرمين الشريفين بتحويل برامج العلوم الطبية المساعدة بكلية الطب والعلوم
    الطبية إلى كلية مستقلة لتكون إحدى الكليات الصحية الأربعة بالمركز الطبي بجامعة الملك
    عبد العزيز بجدة .


    وقد تم إنشاؤها بهدف الوفاء بحاجة المجتمع من الكوادر الصحية المؤهلة في شتى المجالات
    العلاجية والوقائية والتأهيلية لتواكب في تأهيلها مستوى الخدمة الصحية المطورة وترقى
    الى مستوى التقدم العلمي والتقني في المجالات الصحية عامة .



    تتكون كلية العلوم الطبية التطبيقية من :
     قسم تقنية المختبرات الطبية.
     قسم تقنية الأشعة التشخيصية .
     قسم العلاج الطبيعي .
     قسم التغذية الإكلينيكية .


    وقد تم إنشاء برنامج تقنية المختبرات الطبية " طلاب " عام 1400/ 1401هـ وتم لاحقاً قبول
    أول دفعة للطالبات بقسم تقنية المختبرات الطبية عام 1422/1423هـ .


    *****
    مدة الدراسة بالكلية :
    وتكون مدة الدراسة بالكلية لكل تخصص أربع سنوات ويتبعها سنة تدريبية تسمى فترة الامتياز تقضى في المستشفى الجامعي او المستشفيات التعليمية الاخرى مقسمة ع 12 شهرا.

    *****
    متطلبات الجامعة :
    دراسة أربعة مقرارت ثقافة اسلامية ومقررين في اللغة العربية وفي الفترة الاخيرة خلال العام الماضي وهالسنة وجدة مادة اخرى اسمها مهارات الاتصال .. ويجب ان ينتهي الطالب من هالمواد خلال سنوات دراسته ولا يمنح درجة بكالوريوس او البدء بسنة الامتياز الا بعد انهاء هذه المتطلبات بنجاح..

    *****
    برنامج الدراسة بالكلية:
    تدرس في السنة الأولى لجميع التخصصات بالكلية مواد اساسية وهي الكيمياء والفيزياء والاحياء واللغة الانجليزية وحاسب الي واضافة اليها فاونديشن (( عبارة عن مقدمة لكل مادة كاانتومي وفارماكولجي وفسيولوجي وبيوكمستري ومهارات )) وبعد انهاء السنة الأولى والنجاح منها واجتيازها يتم الالتحاق باحدى التخصصات التالية (( تقنية مختبرات طبية – أشعة تشخيصية – علاج طبيعي – تغذية اكلينيكية )) بناء ع معايير خاصة تقرها لجنة الشئون الأكاديمية بالكلية .

    *****

    الرجاء عدم الرد إلى ان انتهي من الموضوع

    *****

  2. #2
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    في البداية اتكلم عن قسم قسم وبعدين عن قسمي (( أشعة )) بالتفصيل ..
    1-قسم تقنية المختبرات الطبية:
    يتدرب طلاب قسم تقنية المختبرات الطبية على القيام بالتحاليل الدقيقة والسريعة للعينات الحيوية والمرضية المتعلقة بالحالة الصحية وتعتبر المعلومات المتحصل عليها من المختبرات التشخيصية الاكلينيكية من أوائل المؤشرات في تعيين الحالة المرضية للمريض وتستخدم في كثير من الأحيان كأساس في تحديد أسلوب علاج الحالة المرضية ... (( وهالقسم اول قسم افتتح عام 1424 للبنات اما بالنسبة للبنين فقد كان مفتوحا من زمان وان جميع رؤساء القسم والوكيل للكلية كلهم مختبر )) الله يوفق الجميع يارب وقد تخرجت حوالي الى الان 3 دفع بنات والبقية في الطريق ان شاء الله ...

    *****
    2-قسم العلاج الطبيعي:
    يؤهل قسم العلاج الطبيعي الطلبة ع استخدام الخواص العلاجية للتمرين والحرارة والبرودة والماء والكهرباء والذبذبات فوق الصوتية والحركة لتحسين الدورة الدموية وتقوية العضلات وتشجيع المريض على استعادة الحركة وتدريبه للقيام بأنشطة الحياة اليومية. ويلعب المعالج الطبيعي دورا في تحسين المستوى الصحي بالوقاية من الأمراض والإصابات..
    (( وللعلم اول دفعة امتياز بنات و أولاد هالسنة أول سنة تطبيق امتياز يعني لما يخلصوا 12 شهر حقهم يكون اتخرج اول دفعة علاج طبيعي للبنات والأولاد ))


    *****
    3-قسم التغذية الإكلينيكية : (( قسم للبنات فقط))
    يقدم المتخصصون في التغذية خدمات متنوعة كالإرشاد الغذائي وتنظيم المحتويات الغذائية والتخطيط لبرامج التثقيف الغذائي والهدف الأساسي لأخصائية التغذية هو العمل على أن يحصل الأفراد على صحة جيدة عن طريق التعود ع التغذية السليمة أو التغذية العلاجية ..
    (( وللعلم أول دفعة امتياز بنات هالسنة أول سنة تطبيق امتياز لهم يعني لما يخلصوا 12 شهر حقهم يكون اتخرجت اول دفعة تغذية بنات ))


    *****
    4-الأشعة التشخيصية : (( وبما أنه قسمي ودراستي الله يعينكم حتكلم عنه كثير ))
    الهدف من القسم إعداد طلبة بالاسس العلمية العامة والخلفية التعليمية والمهارات اللازمة للممارسة بنجاح في مجال العلوم الإشعاعية وتدريبهم بصفة خاصة في التصوير الإشعاعي التشخيصي وإلمامهم بأساليب الطب النووي والذبذبات الفوق صوتية وتمكينهم من العمل مع الاطباء المتخصصين في فحص الأورام والقرح والتغيرات المرضية والكسور وعطل أعضاء الجسم المختلفة ..

    (( وللعلم ايضا أول دفعة امتياز بنات و أولاد هالسنة أول سنة تطبيق امتياز يعني لما يخلصوا 12 شهر حيكونا تخرج اول دفعة اشعة تشخيصية للبنات و الأولاد يعني انا لما اتخرج اكون من ثالث دفعة اتخرجت من جامعة الملك عبدالعزيز وبالتوفيق للجميع يارب ))

    *****

    الخطة الدراسية للقسم ::

    سنة أولى وكانت عامة قبل التخصص

    الترم الأول :
    انقلش وكان بـ6 ساعات ..
    بس كان عبارة عن مواد كثيرة وهي (( ردينق ... قرامر .. شابنر ... رايتنق .. لستننق وسبيكنق ... وكان عندنا شيء اسمه ديكتوقلس مختص بانه تسمع قطعة وتكتبها باختصار الحمد لله نجحنا الترم الاول بس بطلوع الروح ))

    **
    فيزكس وكان بـ3 ساعات ..
    كان حلو فيزياء عامة ع موجات وع دراسة قوى وع دراسة العدسات وجزء نووي قليل .. والحمد لله كانت حلوة وتعتمد ع الكتاب الاخضر حق الفزكس مع المخلصات وغالبا ع الملخصات بس حق المحاضرات الي نكتبها..وكان اللاب حقه يتعب صح بس كان وناسة وتحسب ومدري ايش الحمد لله يارب .. وحصل رسوب في الفزكس بس كان السبب التقصير دراسيا وبس..


    **
    كمبيوتر بـ3 ساعات ..
    كان مكونات الحاسب الالي والزحمة دي كلها والورد والبوربوينت والخ.. وكنا ندرسه بالانقلش لكن جات الدفعة الي بعدنا واتغير لهم وصار بالعربي زي باقي اقسام الكلية .. كان له كتاب بس طبيعي مااشتريناه واعتمدنا ع الشيتات بس ..

    **
    عربي بـ3 ساعات ...
    عربي مستوى اول حلو الجملة والاسم والزحمة حق النحو وشوية املاء وهمزات ومدري ايش بس مو لازم يناخذ الترم الاول حسب كل دفعة ومتى نزلها بجدولها ويختلف من كل دفعة لدفعة وقريبا سمعت انه تغير منهج العربي وزاد فيه بلاغة وادب الحمد لله خلصت وعديت انا .. له كتاب طبعا بس مايحتاج تشتريه وتعتمد ع كتابة المحاضرة وفهمها كاملا..

    **
    ثقافة اسلامية بساعتين..
    مستوى اول اكيد الكل يعرفه لانه من كتابة الثقافة المستوى اول حلو ولابأس وعدينا منه خلاص وبرضه زي العربي كل دفعة حسب جدولها ومتى ينزل لها .. من الكتابة طبعا..


    *****
    الترم الثاني :

    تكملة انقلش بس كان بـ4 ساعات ..
    وكان تكملة للكتاب الاولى وكان أفضل وأسهل لانه تعودنا ع دراسة كل شيء بالانقلش ..


    ***
    كمستري بـ 4ساعات ..
    كيمياء حلوة للي يفهمها بس خصوصا العضوية منها اما الجنرل منها فكان حلو وتفاهم تقريبا منهج ثالث ثانوي بس انقلش وتعتمد ع الكتاب الي عليه وردة مع الملخصات الي نكتبها بالمحاضرة .. وكان احلى شيء الاب حقه ممتع ومسلي..

    ***
    بيولوجي بـ4 ساعات ..
    مادة حلوة ودسمة خصوصا الاب تبعها يجيب المرض عدت المادة الحمد لله بالطول بالعرض ع انه حصل رسوب فيها كثير والأغلب عدا الحمد لله .. تعتمر ع شيتات المحاضرات مع تصفح قليل في الكتاب الكبير الي عليه ضفضع اعتقد بما اني استعرت كتاب قريبي ولا اشرتيت كتاب فما فتحت الكتاب بس خليته عندي للإطمئنان ماعدا الشباتر الاخيرة احتجنا الكتاب الحمد لله اما الاب حقه كان لاب يجيب المرض خصوصا الارانب والحمد لله اختبرنا من الاب وعندنا كتاب له وخلصنا وعدينا ع خير يارب..

    ***
    ثقافة اسلامية بساعيتن ..
    درسنا ثقافة مستوى ثاني كان احلى من مستوى اول وكان حلو والحمد لله يارب..


    ***
    فاونديشن (( على مايقولوا أساس ))وكانت ساعات...
    مادة عبارة عن اساس كثير من الموارد يعني اخذنا نبذة عن فسيلوجي وانتومي وبيوكمستري وفارما كولجي وهستولوجي ومااعتقد ان شاء الله اني نسيت شيء .. وزيادة عليهم كان في مهارات ومحاضرات للفائدة والمتعبة يعني مو علمية كيف تذاكر وكيف تقرا وكيف تنظم وقتك كانت احلى محاضرات صح ممل بس ممتع ... كانت هالمادة نحن اول دفعة تنطبق عليهم هالمادة وتجرب فيهم كان فيها لاب بس سهل وحلو زي مااخذنا في البيو كمستري والهستولوجي كان الاب صور واكتب الاسماء بس .. الكل الحمد لله نجح فيها وعدا ومن سنتنا نزلت كمادة اساسية واتطبقت علينا وع الفدعة الي بعدنا ..

    *****
    المشكلة أنه بعد ماخلصنا سنة أولى واتخصصنا دحين نزل النظام الجديد انه مافي أولى الإ سنة تحضيرية بالجامعة وصح يدرسوا بالانقلش بس ينقصهم اشياء درسناها هم مادرسوها وهم ماحيرجعوا يدخلوا ولى تقنية زينا على طول حيطلعو ثانية ع التخصصات ومدري كيف حيسوى الله يعين الجميع يارب..

    *****

    الرجاء عدم الرد


    *****

  3. #3
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اتكلم عن قسمي ودراسته والعقدة النفسية الي فيه ..

    سنة ثانية ::

    الترم الأول ..

    رياضيات 101 .. بـ 3ساعات ..
    رياضيات هبلة وتافهة عبارة عن تفاضلات وتكاملات وزحمة وبس وكانت انقلش طبعا وعبارة عن ايش تكتب مع الدكتور واختبرنا فيها وجمبنا درجات الحمد لله ..


    **
    عربي 201 بـ3 ساعات ..
    عربي مستوى ثاني وكان حلو الحمد لله .. واخر مستوى عربي ...

    **
    مهارات اتصال بـ3ساعات ..
    من اسم المادة واضح انها تتكلم عن ايش مادة من متطلبات الجامعة زي العربي والثقافة وحلوة والكل يجيب فيها درجات الحمد لله ..

    **
    PHYT 201 (( Anatomy & physiology)) 4 Hours
    فسيولجي وانتومي مايحتاج اتكلم عنها كان عندنا لها كتاب كانت مادة صحيح طويلة بس ممتعة ودكتورها احلى واقض شيء ماشاء الله وجبنا اغلبنا درجات فيها الحمد لله يارب
    اسم الكتاب :: ((anatomy & physiology in health & illness By : ross and wilson 10 edition ))


    **
    Rad 204 ((Medical Ethics And patient care)) 2 hours :
    من اسمها اخلاقيات الطبيب وكيف العناية بالمريض طبعا ندرسها بالانقلش كانت مادة مملكة بس كانت تعطينا اياها نفس دكتورة الفسيولوجي والانتومي وكان الاختبار كله خيارات وجبنا درجات الحمد لله ونجحنا اهم شيء فيها وماكان لها كتاب محدد الا انه شيتات بالانقلش محددة تعطى لها اخذناها ودرسناها ونفس الشيتات الي بالانقلش موجودة نسخة طبق الاصل بالعربي الي يدرسوه طب بشري رابع ..

    **
    Rad 202 ((Computer & imaging modalities))3 hours ::
    هذي مادة اعجوبة القسم المادة كان يعطينا اياها دكتور الله يوفقه يارب وكان اخر دفعة درسها نحن ونرجع لدياره مكة خلاص ماادري ليش ماحيدرسها ثاني كانت المادة عادي اختباراتها ميد وفاينل وطبعا في عرض برزنتيشين والحمد لله كان رينج الدرجات من 88 الى 64 والجميع عدا ونجح فيها الحمد لله بس كانت اعجوبة كان لها شيتات وامكن تقريبا حوالي 150 صفحة وكلها بالورد مكتوبة وابو الهرج الي فيها بس عدينا الحمد لله كان اغلب اختبارنا بالحظ كنا نعد كم باقي لنا وننجح ..

    **
    Rad 201 (( X-ray physics And Equipment)) 3 hours::
    لاتسالو عن هالمادة كانت ايضا اعجوبة بس صح كان لها كتاب بس بدون اسم يعني اجزاء من كتاب مجمعينها وحاطينها في ملزمةواعطونا اياها وكان عندنا لها برضوا شيتات وكانت مادة صح مو حلوة ولا صعبة بس كانت اسئلة الاختبار تجي عجب اختبرنا فيها كويزات وميد وفاينل وكان عندنا عرض برزنتيشن وفي النهاية الي كان مجمع درجات جاب درجة حلوة وغير كذا الله يوفق يارب بس الحمد لله نجحنا والسلام اما بالنسبة ليا مدري كانت اعجوبة او شنو كانت اعلى مادة في المواد كلها بعد الرياضيات وكيف لاتسالوو .. سبحان الله اخبص فيها واطلع فيها بأحسن الدرجات الحمدلله يارب.

    **
    Rad203 (( Radiobiology And Radiation protection)) 3 hours::هالمادة تنقسم قسمين القسم الأول كان كله مسائل وزحمة بس كان حلو الحمد لله اما الجزء الثاني كان جزء العلاج بالاشعاج ومدري ايش وجزء الوقاية من الاشعاع كان جزء ممل وشوي يحتاج له كمية تركيز هائلة بس الحمد لله الجميع جاب في هالمادة درجات حلوة لان الجميع فهمها الحمد لله ..

    *****ا

    لترم الثاني ::

    Rad 205 (( Radiographic Anatomy And physiology )) 4 hours ::
    مادة عبارة عن صور صح عدد ساعاتها كثير بس كانت مادة حلوة واعطتنا اياها نفس دكتورة الانتومي في الترم الاول فكان حماس وكان لها كتاب مااعتقد انه في احد مايعرف اسم الكتاب اللي هوا
    (( Imaging Atlas of human anatomy 3 edition ))


    **
    Rad 206 (( nuclear medicine physics & Equipment)) 3 hours ::مادة من اسمها واضحة اعطانا اياها دكتور ماشاء الله كانت المادة ممتعة وجميلة صح صعبة ومعقدة بس كل شيء يسهل لو الواحد فهمه كان لها شيتات وطبعا النوتات الي تكتبها بالمحاظرة والحمد لله كانت حلوة وسهلة ..

    **
    Rad207 (( radiographic Technique 1 )) 3 hours::
    مادة مالها كتاب تسمى تكنيك مستوى اول كان عبارة عن الابرلمب بس وكان لها شيتات ولازم تكتب خلال الشرح في المحاضرة لانه غالبا كل الاسئلة من الشرح كنا عشان نتعلم طريقة المادة نختبر اوبن بوك ونعرف من خلالها الاسئلة وتعطينا اياها دكتورة بريطانية بس طيبة ومسلمة ورئيسة الي يشتغلو في الاشعة في المستشفى تقريبا وماشاء الله تفقهم بس يحتاج صبر لمحاضارتها لانها اغلبها تسمع للسي دي وهي تعلق بالنص بس تعليقاتها اغلب اسألة الاختبار منها ..

    **
    Rad 208 (( radiographic Technique 2 )) 3 hours::
    مادة مالها كتاب تسمى تكنيك مستوى ثاني كان عبارة عن اللورلمب بس وكان لها شيتات ولازم تكتب خلال الشرح في المحاضرة لانه غالبا كل الاسئلة من الشرح كنا عشان نتعلم طريقة المادة نختبر اوبن بوك ونعرف من خلالها الاسئلة وتعطينا اياها دكتورة بريطانية بس طيبة ومسلمة ورئيسة الي يشتغلو في الاشعة في المستشفى تقريبا وماشاء الله تفقهم بس يحتاج صبر لمحاضارتها لانها اغلبها تسمع للسي دي وهي تعلق بالنص بس تعليقاتها اغلب اسألة الاختبار منها ..

    **
    Rad 209 (( Image recording & Quality control)) 3 hours::المادة هذي اعجوبة الترم الثاني الجزء الاول منها اعطانا اياها دكتور باكستاني المهم الدكتور يشرح ويتعب ونحنا ولا نعبر الله يهدينا يارب وكان عبارة عن شيتات اعطانا اياها واختبرنا كمان اخر السنة فيها لاب اورل ... اما الجزء الي بالنسبة للكوالتي كان حلو برضه واعطانا اياها تقريبا نائب رئيس القسم وبرضه اختبرنا بالنهائي لاب بس كان اورل والحمد لله الكل على انها مادة عبيطة بس نجح وجاب درجات فيها الحمد لله ...

    *****
    وزي ماتعرفوا الترم الثاني كله دراستنا كانت بالمستشفى ابدا ماكنا نروح الجامعة كنا يوميا بالمستشفى ندرس وكان عندنا يوم خااااااااص وكامل بس كلنكل بس بما انه نحنا سنة ثانية ماكان الكلنكل عليه درجات ولا اختبار بس كان للتعليم والتدريب وكان طبعا معانا جهاز الـTLD
    *****

    سنة ثالثة :: السنة الي دحين انا بدأت ادرس فيها ...

    الترم الأول ..

    RAd 301 (( Radiography clinical practice1)) 3 hours::
    العام كان عندنا يوم تدريب صح بس كان بدون أي شيء اما هالسنة معانا لو قبوك كل ماسوينا أي حالة لازم نكتب فيه ويستمر هالدفتر معنا الى الامتياز ان شاء الله وبرضه هالتدريب له يوم مخصص ومقسمين ع الاقسام طبعا كل اسبوع تروح مكان بس مازلنا في الجنرل وكمان IVP .... وعلى هالمادة الكلنكل اختبار كلنكل اخر السنة مع الدكتور الباكستاني الله يعيننا عليه يارب وان شاء الله سهالة يارب دعواتكم لنا وللجميع يارب ..

    **
    Rad 302 (( Radiographic Technique 3)) 3 hours::
    مادة مالها كتاب تسمى تكنيك مستوى ثالث عبارة عن السكل بس ولها شيتات ولازم تكتب خلال الشرح في المحاضرة لانه غالبا كل الاسئلة من الشرح وتعطينا اياها نفس الدكتورة البريطانية حق أول ..وللحين الحمد لله ماشين معها عدل وان شاء الله سهالة يارب ..

    **
    Rad 303 (( Radiographic Technique 4)) 3 hours::
    مادة عبارة عن تكتيك كمان بس مستوى رابع وهنا تتكلم بما انه خلصنا كل الجسم تتكلم عن الفلوروسكوبي والتكنيك حقه وهي مقسمة لجزأين الجزء الأول مع نائب رئيس القسم نفس الي اعطانا لكوالتي سنة ثانية دحين نحنا بدانا الدراسة فيه وهو عبارة عن جهاز الفلوروسكوبي وايش فيه وزحمته العظيمة والجزء الثاني منه حيكون مع الدكتورة البريطانية ان شاء الله وحيكون عبارة عن التكنيك انه كيف تصور بالفلورو وان شاء الله سهل يارب دعواتكم للجميع يارب ...

    **
    Rad 304 (( Ultra sound Physics And Equipment)) 3 hours::
    هاذي مادة عبارة عن الموجات الفوق صوتية لها ملزمة من كتاب وشيتات كمان تدرسنا ايها دكتورة من قسم الفيزياء وبما انه نحن طلوع الاسبوع في المستشفى ماعدا السبت في الجامعة وفي كليتنا تحديدا عشان ناخذ هالمادة وناخذ مادة اخرى وبس وان شاء الله سهلة يارب للحين مااختبرنا فيها بعد اسبوع عندنا اختبار فيها ... ان شاء الله ..

    **
    ثقافة اسلامية .. بساعتين ::
    زي ماتعرفوا درسنا مستويين وباقي مستويين هالترم من سنة ثالث بندرس المستوى الثالث من الثقافة الكل يقول انه حلو وسهل واسهل مستوى ان شاء الله وبدانا فيه وطبعا بس يوم السبت ناخذ ثقافة لانه اليوم الوحيد الي نجي في الكلية وهو نفس اليوم الي ندرس فيه موجات فوق صوتية وان شاء الله سهالة يارب ..

    **
    Rad 305 ((Nuclear Medicine Technique 1)) 3 hours::
    مادة ماتعرف ايش تبغى بالحياة لها لاب ومحاضرات للحين حضرنا لاب واحد لانه عندنا في الاسبوع مرة وحدة الاب ولابها خطير وبس متعرض لااكسبوز وبما انه التي ا لدي ماحيرجع لنا الا بعد يومين ان شاء الله فما حنبدا فيه لابها وندخله تمام الا ع الاسبوع الجاي ان شاء الله اما غير كذا جالسين نتعلم نظري بس وهالمادة اكثر مادة خايفين منها وتايهين فيها لانه جانا فيها دكتور جديد لانه دكتور المادة مسك سنة ثانية عشان يعطيهم مادة الكمبيوتر وبس ان شاء الله سهالة يارب بعد اسبوعين عندنا فيها ميد تيرم اعتقد الاسبوع الي قبل الاجازة وعندنا اختبار لاب اورل الله يستر منها يارب ولها شيتات وطبعا كتاب بس الكتاب اخذنا النسخة المصورة واسمه .
    ((Essential of nuclear medicine 3 edition ))
    ان شاء الله سهالة يارب وبالتوفيق للجميع يارب


    **
    Rad 306 (( Sectional anatomy )) 3 hours::
    تعطينا اياها نفس دكتورة الانتومي حق اول المادة حلوة بس المشكلة فيها التعب الي حايسين فيه هي عبارة عن سكشنل انتومي للسي تي والـ ام ار أي ودحين نحنا بدانا طبعا بالسي تي وتونا خلصنا البرين وبدانا نمشي في الاجزاء الثانية حنستخدم فيه بالنسبة للـ ام ار أي تقريبا نفس كتاب راد 205 وكمان حنستخدم نفس الكتاب في جزء من السي تي لكن جزء البراين للسي تي غالبا حنستخدم له كتاب (( step by step :: Cross Sectional anatomy)) المشكلة الكتاب مخلص بجدة هههههههه وقاعدين ندور مصادر لنا من النت لانه الدكتورة قالت اهم شيء تكون عندكم صور وهيا اعطت متطلبات دراسة البرين منه وفي كم شخص لقى الكتاب عاد اخذنا منهم كتابهم وصورناه بطريقة خاصة وكمان استخدمنا السي دي الي معاه لانه افاد وفيه كل شيء الحمد لله يارب وان شاء الله انها مادة سهلة وبالتوفيق للجميع يارب دعواتكم .. الاتنين عندنا اول اختبار فيه دعواتكم ..

    *****
    وبكذا انا قدرت اتكلم عن كل شيء درسته والحين بدات ادرس فيه لأنه أنا الحين ثالث بالترم الأول وقريبا حنختبر خلاص
    *****
    فدعواتكم لنا جميعا يارب ...
    *****

    الرجاء عدم الرد ....

    *****

  4. #4
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    سنة ثالثة


    الترم الثاني :: (( انا هنا بس حكتب اسماء المواد واذا اعرف عن مادة شيء حقلكم عليه وبس ))

    **
    Rad 307 (( Radiography clinical practice2)) 3 hours ::
    هنا يوم بعد محدد للتدريب وعليه اختبار وزحمة بس اول كان جنرل هنا نبدا اعتقد نروح فلورو والترا ساوند ومدري عن الباقي بس الى هنا اعرف ...


    **
    Rad 308 (( Radiographic Technique 5)) 3 hours ::
    على كلام دكتورتنا البريطانية انه هي برضها حتعطينا اياه ولكن غالبا حيكون عن الانجيو قرافي والله اعلم عن الباقي .. وكيف طريقته ..


    **
    Rad 309 (( Computed Tomography 1)) 3 hours::
    لاأعلم عنها أي شيء ..


    **
    Rad 310 (( Ultrasonography1)) 3 hours ::

    ماأعرف عنها شيء ..


    **
    Rad311 (( Nuclear Medicine Technique 2 )) 3 hours ::
    تكملة مادة الترم الأول من نفس الكتاب حنكمل وحيكون فيها نظري ولاب بعد الله يسهل هالمادة يارب...

    **
    Rad312 (( Radiographic pathology )) 3 hours ::
    على كلام دكتورتنا حق الانتومي انه هي الي حتدرسنا هالمادة وهي مادة تتكلم عن الامراض ومدري ايش لما ادرسها اقلكم بس ان شاء الله سهالة يارب ..



    ***
    وامكن كمان ينزل لنا مستوى ثقافة رابع خلونا نخلص اول الترم الاول ان شاء الله وبعدين يحلها حلال يارب وسهالة للجميع يارب

    *****
    سنة رابع ...


    الترم الأول::
    Rad 401 (( Radiography clinical practice 3 )) 3 hours ::
    Rad 402 (( Radiographic Technique 6)) 3 hours ::
    Rad403 (( Computed tomography2)) 3 hours::
    Rad404 ((Ultra sonography 2))3 hours::
    Rad405 (( Magnetic Resonance Imaging 1)) 3hours::

    لاأعلم أي شيء عنها ..

    *****
    الترم الثاني ::
    Rad 406 (( Radiography clinical practice 4 )) 3 hours ::
    Rad407 (( Magnetic Resonance Imaging 2)) 3hours::
    Rad408 (( Image Interpretation )) 3hours::
    Rad409 (( Radiology Administration))2 hours::
    Rad410 ((Student project)) 2hours::

    لاأعلم أي شيء عنها ..

    ****
    سنة الامتياز واخر سنة ...

    طبعا زي الكل عارف 12 شهر تدريب ورا بعض وزي ماعندكم النظام عندنا اعتقد في البداية الواحد ياحذ اسبوع في كل شيء وبعدين الي يعجبه ياخذ فيه ممكن شهر او اتنين او ثلاثة مااعرف كيف حسب الشيء الي يحس انه متمكن فيه اكثر ومكأفاة الامتياز كاني اعرف انها 2500 ريال اصبحت الحمد لله يارب وكمان الواحد يتدرب بالمستشفى الي يختارها وشكرا ..
    *****

    كلام كثير وهرج كثير بس اتوقع انه فيه كثير تشابه بس انتم عندكم بجامعة الملك سعود لانه القسم من زمان منظم اكثر واكثر وفي تخصصات اكثر واكثر اما نحن لا لسا مو منظم وفتحوا مبنى خاص فيناو جديد وقريبا كمان ممكن ع الترم الثاني ننقل فيه الى ان يزودوه بالاجهزة وعلى علمي الان انه تقريبا تزود بكل الامكانيات وسيتم النقل اليه ريبا بس متى مدري .... ويصير مانجي المستشفى الا يوم التدريب وبس وبكذا يكون افضل واريح لنا وان شاء الله التوفيق للجميع يارب ...
    *****



    وشكرا

    اعذروني ع الإطالة بس كان ودي افهمكم القسم اكثر واكثر

    *****
    واذا اي احد عنده استفسار عن اي شيء ... يسأل ... وان شاء الله في الخدمة يارب ....

    هههههههههههههههه ... يمكن في احد يفكر يحول عندنا هههههههههههه

    وأشكر أخوي اشعاعي متهور مرررررة اخرى

    وشكرا لكم جميعا ...


    سلام

  5. #5
    تاريخ التسجيل
    Nov 2007
    المشاركات
    2,025
    الجنس
    ذكر

    رد: كلية العلوم الطبية التطبيقية في جامعة الملك عبدالعزيز بجدة

    .

    .


    .


    بــآرك الله فيك يا العنبر و العود ,,


    الله يوفقك على هالشرح الرائع ,,


    سيكون رابط هذا الموضوع ضمن روابط العلوم الاإشعاعيه ,, التي نفتخر بإبداع أعضائها و عضواتها



    ~ شكراً العنبر و العود ,, شكراً

  6. #6
    تاريخ التسجيل
    Nov 2006
    المشاركات
    6,170
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة














    ايووه على النــشاط الي يجووع الواحد <<


    لا مـشاء الله شغـل مضبوط

    متابعتك من اول رد ,, ابي اصير اولي


    بس فيه احد سبقني

  7. #7
    تاريخ التسجيل
    Oct 2008
    المشاركات
    476
    الجنس
    ذكر

    رد: كلية العلوم الطبية التطبيقية في جامعة الملك عبدالعزيز بجدة

    يامطول الهرجة
    يبغى لي أكون مرتفع حتى أقراها

  8. #8
    تاريخ التسجيل
    Aug 2006
    المشاركات
    840
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    ماشاء الله تبارك الله ع المجهود

    استمتعت بالرحله

    واتعرّفنا على دراسة اخواننا الاشعاعيين بِـ جده

    بارك الله فيكِ


  9. #9
    تاريخ التسجيل
    Aug 2007
    المشاركات
    416
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    افففف .. كتبت رد طوييييييل

    فصل النت و طار



    يعطيج الف الف عافية يا سفيرة العلوم الطبية في جامعة الملك عبدالعزيز

    كفيتي و وفيتي

    مجهود تشكرين عليه ..

    و حياج الله بين اخوانج

  10. #10
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اقتباس المشاركة الأصلية كتبت بواسطة إشعاعي متهور مشاهدة المشاركة
    .

    .


    .


    بــآرك الله فيك يا العنبر و العود ,,


    الله يوفقك على هالشرح الرائع ,,


    سيكون رابط هذا الموضوع ضمن روابط العلوم الاإشعاعيه ,, التي نفتخر بإبداع أعضائها و عضواتها



    ~ شكراً العنبر و العود ,, شكراً


    الله يبارك فيك اشعاعي متهور

    ويوفق الجميع يارب ...

    ان شاء الله وجزاك الله خير

    شكرا على المرور ..

  11. #11
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اقتباس المشاركة الأصلية كتبت بواسطة Bent-al_Riaydh مشاهدة المشاركة













    ايووه على النــشاط الي يجووع الواحد <<


    لا مـاشاء الله شغـل مضبوط

    متابعتك من اول رد ,, ابي اصير اولي


    بس فيه احد سبقني


    شكرا ع المرور ..

    تسلمي ...

    انتبهت من انك متابعة ... من أول ... بس حظك مو حلو ...

    وشكرا ع المرور... الله يعطيكي العافية

  12. #12
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اقتباس المشاركة الأصلية كتبت بواسطة american dream مشاهدة المشاركة
    يامطول الهرجة
    يبغى لي أكون مرتفع حتى أقراها
    الله يعينك يارب

    وشكرا

  13. #13
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اقتباس المشاركة الأصلية كتبت بواسطة Bent al-jam3a مشاهدة المشاركة
    ماشاء الله تبارك الله ع المجهود

    استمتعت بالرحله

    واتعرّفنا على دراسة اخواننا الاشعاعيين بِـ جده

    بارك الله فيكِ

    الله يبارك فيكِ

    وشكرا ع المرور وتسلمي

    حلو وكويس تمام ...

    والله يعطيك ِ العافية

  14. #14
    تاريخ التسجيل
    Oct 2008
    المشاركات
    145
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    اقتباس المشاركة الأصلية كتبت بواسطة Eman Tawfeeq مشاهدة المشاركة
    افففف .. كتبت رد طوييييييل

    فصل النت و طار



    يعطيج الف الف عافية يا سفيرة العلوم الطبية في جامعة الملك عبدالعزيز

    كفيتي و وفيتي

    مجهود تشكرين عليه ..

    و حياج الله بين اخوانج

    ههههههههههههههه حظ اوفر في المرة الاخرى


    الله يعافيكِ يارب وشكرا

    الله يسلمك يارب


    والله يعطيك ِ العافية يارب


    وشكرا

  15. #15
    تاريخ التسجيل
    Feb 2008
    المشاركات
    60
    الجنس
    أنثى

    رد: كلية العلوم الطبية التطبيقية في جامعة الملك عبدالعزيز بجدة

    مشكوره اختي عود وعنبر ..على الموضوع وان شاء الله اذا شفت احد على وجه تخرج من الثانويه بقول له يروح جامعتكم<<<<بروج لها هع

    الله يوفقك في دراستك ويوفق الجميع...
    جهد تشكرين عليه

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •