يعطيك الف عافيه على الموضوع الحلووو والمفيد ..
وان شاء الله يدعون لك كل البنات المستجدات
----
(((هذا الكلام كتبته قبل سنه تقريباً بموضوع..
حطيته هنا قلت يمكن يفيدكم
)))
------------------
بتكلم عن مواد المستوى الأول من واقع تجربتي ورأيي الشخصي
لان المستوى الأول هو الأهم
والمستجدات يحتاجون أنهم يعرفون معلومات عن المواد
أولا:
المقررات
الاستماع
طبعا من اسمها تعتمد على مهارتك بالاستماع
الأشياء الأساسية اللي بتساعدك مهارتك وبس يعني ما راح تحتاجين للحفظ كثير
تحتاجين للتركيز الانتباه والممارسة
لازم لازم لازم تتعودين انك تسمعين كثير
عندك أفلام... ممكن قصص مسجله على أشرطه كاسيت
وبرضو فيها كتاب اختبار التوفل معه سي ديس أو أشرطه كلهم تلقينهم عند جرير
بالبدابه يمكن تحسين انك ما تفهمين شي
لاتخافين هذا شي طبيعي لأنك ما تعودتي على هالنوع من المواد
بس بعد فتره بتحسين بتحسن طبعا إذا أنتي دربتي نفسك
أنا درستني إيمان الخطيب.. اسلوبها كويس وهي طيبه أسألتها حلوه نوعا ما.
يعني من حظك لو بتدرسين عندها.
بس هي أحيانا تحطم البنات بالبدايه خصوصا إذا عطت المستوى الأول
الأسئلة.... تشبه اللي بالكتاب... تسمعكم شريط وتحلون على حسب اللي تسمعون... وتعيده لكم .. هي طبعا بتقولكم وش اللي بتعيده مرتين.
القراءة
تعتمد على نص ومجموعه من التمارين والأسئلة وبرضوا مهارات
تحتاجين بهالماده تقرين
عندك قصص هي عبارة عن مستويات
وفيها روايات حلوه وسهله
عندك مجموعه قصص من Longman
تلقينها عن مكتبه العبيكان هي ستة مستويات جربي المستوى الثاني
فيه قصص من Oxford
تلقينها عند مكتبة السعوي
برضو ستة مستويات
مو موجودين عند جرير
هذا راح تفيدك كثير بدل ما تقرين قصص أطفال مملة وسخيفة بتلقين منها مجموعه كبيره
واظبي عالقرأة.... وإذا أنتي تحبينها هذا من صالحك.
أنا يوم كنت مستوى أول ما احد قالنا عنها والله قهر
يعني قالوا اقروا قصص أطفال... المفروض قالوا لنا عن هذي أسهل وأحلى
هذا كبداية... تقدرين تجربين تقرين أشياء ثانيه... مجلات ,جرايد , الخ
درستني نوره المهيزع.... أسلوبها بالتدريس بصراحة ما كان يعجبني...يعني محاضرتها مملة مره... بس أسألتها معقولة...
الاسئله بتكون عبارة عن نص واسئله عليه واسئله تتعلق بالمهارات اللي دستيها...
القواعد
من وجهت نظري القواعد يحتاج لحفظ وفهم اكثر من انه مهاره...
اذا انتي شاطره فيه ان شالله بتسهل عليك امور كثيره..
القرايه راح تساعدك هنا
فأنت لاتتكسلين عنها
درستني.. ريما الجرف... اتوقع المستجدات مسويلهم هالاسم رعب
انا نفس الشي صار معي لدرجه اني ماكنت اعرف من اصدق
اوكي كلنا متفقين ان اسلوبها شديد شوي... بس شرحها حلو... يعني احسها اسستنا بالقرامر 1 صح.
اعتبريها تحدي بالنسبه لك انك تدرسين عندها وتنجحين بتفوق... اول خطوه حاولي ماتسمعين من احد عنها لان هذا اكبر غلط
العامل النفسي هو من اهم اسباب الاخفاق... لاتخلين هالشي يصيبك بالاحباط ولاتحطين ببالك فكره انه الكل يحمل عدها وانه عادي واذا حملت ....لا لا لا انتبهي
قالوها لي من قبل بس ماكنت اسمع الكلام
ريما تبغى احد يشد حيله معها ويسوي اللي تقوله بالضبط مهما كنتي تحسين انه تافه من رأيك بس هو اكيد مهم وبيفيدك لانها هي ادرى واخبر منك.
الاسئله تقريبا تشبه اسئله القرامر بالثانوي بس متطوره شوي.. ان شالله ماتلاقون صعوبه
شدييييييي حيلك ودعي القلق.... وتفائلوا بالخير تجدوه.
بناء المفردات
تعتمد على الحفظ بشكل اساسي وممارسه اللغه من ناحيه ثانيه
نصيحتي الوحيده لك احفظي وراجعي واستخدمي الكلمات اول باول
والقرايه اعيد واكرر بتفيدك
الاسئله ...منوعه فراغات وجمل وغالبا تشبه اسئلت الكتاب قلت لك اعتمدي عالحفظ
المحادثه
من اسمها...
اهم شي لاتستحين ابدااااااااا
لان هذا العائق الاكبر عند البنات تخاف
وتخاف ماتقول الجمله صح...والنتيجه؟؟ ماتتطور.
حاولي تتكلمين مع صديقاتك لو اشياء بسيطه
وعادي الكل يغلط.... بس اهم شي تتعلمين من اغلاطك
الاختبار... يختلف من استاذه لاخرى... انا على وقتي سوينا مسرحيه من كتاب حفظناها ومثلناها قدام الكلاس
عطتني.. اماني رحيم.... مرررررره رهيبه وطيبه ومتعاونه...
مثل مالاحظتي كل ماده تدعم الثانيه... يعني كلهم مترابطين... عشان كذا لاتركزين على مهاره وتهملين الثانيه..
شدي حيلك وبالتوفيق