منتديات تجمّع طلاب و طالبات جامعة الملك سعود - عرض مشاركة واحدة

الموضوع: رسالة تهمني وممكن تهمك انت بعد

عرض مشاركة واحدة

#1 (permalink)

24th August 2007, 03:49 AM

DARK MOON

عضو مسجل

تاريخ التسجيل: May 2007

الدولة: المستشفى

الجنس : ذكر

المشاركات: 229
شكــر: 8
تم شكره 0 في 0 مشاركة

معلومات العضو الأكاديمية

رسالة تهمني وممكن تهمك انت بعد

هاذي رسالة جتني على الرسائل من شخص لا اعرفه لكني احسست بمعنى الاخوة في هذا المنتدى عندما ارسلها فجزاه الله الخير ورحم والديه وادخله جنات الخلد

واليكم نصها:

شف ياطويل العمر ,,,

اقتباس:

ان كان تبي نصايحنا ... وتبي تجيب 4.98 عليك بالتالي :-

وليش ما اجيب 5
ماعليك من اي كلام مثبط ... ترا المنتدى ذا مو مقياس لطلاب البرنامج الموحد ..

يعني صراحة للأسف .. أغلبية الاعضاء المسجلين هم من الجيدين لا المتفوقين ..

كثير من الاختبارات اللي تقيس مستوى الطالب ... يجي بعدها الاعضاء ويسبون الدكتور ويسبون القسم ويسبون الأسئلة

اقتباس:

..... وهي والله عادية !

تراك بتواجه وجيه جديدة .. حياة جديدة بالأخص ..

اقتباس:

انت أهم شي اختر الشلة اللي تنفعك ... اللي ترفع معنويتك وتحثك على الدراسة ... وابعد (انحش) عن اللي بيخربك .... ولاتحاول تخاوي اي واحد بيدججك !

نصيحة مهمة جدا في جميع مراحل الدراسة

لفصل الاول بتنصدم بسهولة المواد ... لاتتهاون ... صدقني بتدمع عيونك لاشفت كل القاعه ماخذين العلامة الكاملة الا انت <<<اسأل مجرب

يعني باختصار ..الفصل الاول سهل .. لكن رتب وقتك .. ذاكر كل يوم .. ولا تتهاون باي شي .. وابد لا جا نهاية الاسبوع اطلع وافتل واستانس .. لكن وانت مطمن انك مذاكر كل شي ..

يعني تراها مسألة ترتيب وقت ... انت الحين طالب جامعي .. محد يجبرك على الحضور ..مافيه مرشد طلابي .. مافيه واجبات .. لكن عقلك براسك ..

عود نفسك على التخطيط .. رتب وقتك .. دائما الاولويات ابدا بها .. وصدقني لا جا وقت الوناسة ..بيصير لها طعم غير طبيعي ...

اضربلك مثال ..افرض انك جبت في مادة A+ والله لتصير اجازتك فلة لو انك منطق بالبيت ... ولكن لو تاخذ C ياشيخ لو تمشى بالشانزليزيه , بيكون ضايق صدرك !

انا خايف عليكم ياطلاب البرنامج الموحد الجديدين تغترون بالكلام اللي ينقال عنه ... لاتصدق اي واحد يهذري عليك ويسبه ! ياحبيبي ليش فيه 15 طالب ماخذ اكثر من 4.9 !

جامعات الطب بالعالم كلها مافيها هذي النسبة من الطلاب اللي ياخذون فوق 4.9

المشكلة اللي ممكن تواجهك .. هي الدكاترة .. مو كل الدكاتره سواسية !

لكن مهما كان الدكتور مزاجي او متعجرف .. بتقدر تتغلب عليه .. الاختبارات موحدة .. والدكتور ماله احقية انه ينقصك والا يفتري عليك ( دامك ماشي معه مضبوط ولا تنرفزة)

ابختم بأهم شي .... طاعة ربك .. الدعاء .. ترا مهما عانيت من الصعوبات .. اللي موفقه ربي بتيسر اموره , ومهما شديت حيلك .. ان كتب الله ما تتوفق منتب متوفق !

والوالدين دعواتهم مستجابة باذن الله بعد ..

عسى الله يوفقنا واياك لما يحب ويرضى ..

اقتباس:

اخوك : سعد ,,, كلية الطب السنة الاولى

أن دل على شي فأن هذا الانسان استطاع ان يحقق ما تمنى بسبب اتعلمون ما هو

الاصرار والعزيمة ما شاء الله تبارك الله