منتديات تجمّع طلاب و طالبات جامعة الملك سعود - عرض مشاركة واحدة - [تأهيل صحي] لعيون السبيشيات والسبيشيين Level 5

الموضوع: [تأهيل صحي] لعيون السبيشيات والسبيشيين Level 5

عرض مشاركة واحدة

#2 (permalink)

2nd October 2008, 11:17 PM

Bent-al_Riaydh Bent-al_Riaydh غير متواجد حالياً

شكـرا ..

تاريخ التسجيل: Nov 2006

الجنس : أنثى

المشاركات: 3,019

تدوينات المدونة: 32

معلومات العضو الأكاديمية

رد: لعيون السبيشيات والسبيشيين Level 5

الماده الـــرابعه ,,

فيزياء الصـــوت وإنــتاجه ..

يااااااااااااااه شو بحبها

لو قالو لي اختاري ماده ثانيه تدرسينها مره ثانيه قلت ذي

ماده تجنن ,, تحس انك تفهم ,, تحس انك تفهم ,

تحس موب حفظ وقله ادب ومساخه

تحس انه تشووف فيزياء ابببببببببببببببببد نفسها

فيزياء الصوت , كيف ينتقل الصوت

تذكرونه

الصوت يحرك الجزيئات لقريبه منه والجزيئات تحرك الي قريبه والي ذي تحرك الي جنبها وتحرك وتحرك

لين توصل للاذن وتدخل جوه وتحرك العضيمات وهكـذا ,, لين يوصل لمكان السمع في الاذن

تجي الاذن تقول ياربييييييييه اعرف هالصوت والا لا

اذا تعرفه ولعت لمبه خضرا وقالت ايه اعرفه هذا صوت كذا وكذا

اذا ماعرفه , كرمته وحطته بغرفه وقهوته وسوت له كل شيء علشان تتعرف عليه وكــذا

علشان لو سمعته مره ثانيه قالت اييه هذاك الي ذيك المره

طبعا بيجيكم سؤال بالاختبار , ان جزيئات الهوا تنتقل من مكان لاخر صح او خطأ

عاد خطأ لانها هي ماتتنقل هي تهتز في نفس مكانها وتهتز الي جنبها وهكــذا لين يوصل الصوت

يعني فيزياء مرره يجنن بالانجلش فيه حركه البندول وكذا ,, وانها تروح وتجي

وهـ مره تجــنن هالماده :yoyo:

جيبوا بها A+ ياويلكم ماتجيبون

< ذي ماجابت بس زي ماقلت لكم اول

المـاده الأخــيره .. والخـامسه

علم اللغه (2)

احنا درستنا اياه د/ لمياء

ماده مافهمت وش سالفتها

بس رحنا للروضه وكـذا ,, وعرفنا كيف نطبق على النورمال

ود/ لمياء بالعملي

معاملتها مع الاطفاااااااااااااال تجنن مره مره مره

يعني تحس انك بديت تفهم اللغه وكـذا

العملي شوي يبهذل

تنقسمون قروب بنتين

وتسوون اورال اكزامينشون

كذا قلم ضوئي وتقولون للطفل قول آآه ويقول آآه وتحطون صح انه كويس ,,

والي فيه سوس تكتبون وكل شيء عن فمه ,,

بعدين تجون تسولفون معه ,, وتسجلوون كل السواليف

بعدين تروحون للبيت ,, وتحللون كلمه كلمه , كيف قالها وكيف هي اصلا وهـكذا ,,

زي الي سويتوه بمستوى رابع << اقصد التحليل

كم كلمه كم سنتاكس , كم مدري وشو

عاد انتوا صيروا اذكياء

لانكم انتم الي بتختارون الطفل ,, انا اشوف ابو اسنان حلوه

علشان مااتورط بسوس

تكتبوون تقرير ,,

بتروحون مرتين ,, وكل مره تشووفون طفلين ,, يعني 4 تقارير عنهم

والله طويل وكـذا

التقرير اكتبوه الاساسيات عندكم بالكمبيوتر , بتعطيكم اياه د/ لمياء ,,

وتصيرون تعدلون على كل طفل

الي يعور شوي , انك تكتبين كل كلمه تقولها البنت وتحللينها

عاد لاجيتوا المره الثانيه مروا على الفصل الي اخذتوا منه البنت الاولى , والي بهذلتكم بحكيها وعطوها نظره تبرد خاطركم

طبعا بتقولون لهم قصه بطريقه مرره حلوه ,, بتسويها لكم د/ لمياء

المفروض بعد نقيس سمعهم بس الجهاز الصغير الي كنا بناخذه خربان ,, فارتحنا

لاتنسون تسألون المعلمه حقت الفصل عن عمرها وعن اي معلومات قبل لاتطلعون من الروضه

وعن تاريخ ميلادها وكل شيء ,, تلقونها عن الاستقبال حق الروضه علشان ماتتورطون بمعلومات ناقصه لاجيتوا تكتبون التقرير

وبــكذا انتهى المــستوى خـامس //

ودايــما قســمنا بإذن الله ,, راح يــــــكون

ولو بعـــيونا :yoyo:

احــبكم ,, كلكم

من اولكم لاخركم

كانت معكم ,,,

الاخصائيه : بنت الريـاض

اضغط هنا لرؤية التوقيع

هؤلاء الأعضاء 12 يشكرون Bent-al_Riaydh على مشاركته
king of pain (3rd October 2008), MUT3B (2nd October 2008), Pink.Woman (7th October 2008), Pretty_Man (3rd October 2008), SLP-Ahmed (7th October 2008), أبو جعجع V.I.P (8th October 2008), إشعاعي متهور (2nd October 2008), صدى السعادة (3rd October 2008), غاليه (3rd October 2008), فتاة طموحه (4th October 2008), ندى الشرقية (11th October 2008), وعكة صحيّة (3rd October 2008)