موضوع رائع وحبيت اشارك فيه.........
تصدقين اختي المستبده اللي صار معك توفيق كبير من الله سبحانه وشي يحمسني اكثر ان الواحد المفروض يكون عنده ثقه بربه وبنفسه وقدراته واذا ما حصل الشي خيره بعد وكل شي في الدنيا مكتوب.......
عاد تصدقون يا اخوات سبحان الله انا احب الانجليزي وكانت امنتيتي اني ادرس هاللغة....بس ماصارت فيه فرصه لاني علمي ودخلت حاسب ودرست سنتين وبعدين نقلنا الرياض وانا على اساس احول واكمل حاسب بس عشان ماعندي واسطه ماعطوني وجه مره وعميد كلية الحاسب الله يهديه حولني كلية العلوم (شفتوا المهزله)والحمد لله درست وفكرت اني احول انجليزي لاني اصلا كرهت الحاسب من قلب واموت على الانجليزي طبعا ما انقبلت بس مافقدت الامل على الترم الثاني قدمت مره ثانيه وسبحان الله انقبلت بين اربع بنات بس......صحيح انها سالفة ورحلة طويله بس سبحان الله ربي كاتب اني ادخل انجليزي
الخلاصة حلو ان الواحد فينا يتمسك بأمل وحلم كبير لان ممكن في يوم من الايام ربي يكتب ويتحقق هالحلم عشان كذا خلونا ننسى الواسطه والله كبير وهو اللي يمشي الواسطه مو الناس...........
المعذره عالاطاله بس حبيت تشاركوني بتجربه كبيره اثرت في نفسي وعلى حياتي بعد............
تسلون يالغالين..........