رد: جامعة الملك سعود مبنية على قرارات ارتجاليه !!
أنا طالب من هندسة الحاسب و واحد من المعاصرين للقصة و إللي أخذوا أوراق الإعفاءات من الكلية
بداية القصة الحزينة التي أتمنى أن تنتهي بنهاية سعيدة ((ما ظنتي ))كالتالي :
في بداية الترم القبل الماضي وتحديدا في محاضرة مادة الأركي وبعد نهاية المحاضرة الدكتور بدي يسولف علينا عن الخطة الجديدة وأن الخطة تتضمن مواد إختيارية وأن فيه مواد راح تنحذف من خطتنا واللي هي أصلا مواد صعبة +مالها داعي ((مثل مادتين من المواد التي تندرج تحت تخصص الكنترول ))..
المهم أخوكم طلع من المحاضرة مبسوووط وابتسامته ماليه وجهه  على أساس ياحظنا خفت علينا مواد وارتحنا بس بقى علينا إننا نتأكد هل راح تتطبق ولا لا ... جا الترم اللي بعده (( اللي هو الترم الماضي )) وصرنا نطارد ورا ذا الدكاترة هل الخطة راح تتطبق ولا لا
وفي محاضرة المايكرو السعيدة  أعلن لنا رئيس القسم إن الخطة تم الموافقة عليها من العمادة وإنها راح تتطبق عليكم بداية من الترم الصيفي
أخوكم مع بداية الترم الصيفي وعلى أساس الخطة الجديدة قمت ونزلت 6 ساعات في هذا الصيف على أساس الخطة الجديدة ((كنت ناوي 9 ساعات )) .
بعد حوالي اسبوعين من الدراسة أعلن مسجل الكلية إن الإعفاءات عنده رحت وأخذتها (وهي موجودة عندي حاليا )
ولكن بعد حوالي الشهر من بعد استلامي الإعفاء تقريبا قبل رمضان باإسبوعين
وردنا الخبر السيء : مافيه خطة جديدة
ليييه وكيييف ؟ لا لا مايصير اشاعات وكلام فاضي
أقول لك مافيه خطة جديدة 
فعلا رحنا للمسجل وقال لنا المسجل ترا ما عاد فيه خطة جديدة ... طيب وتخطيطنا وشغلنا
>تخطيطك وشغلك ابرمه وابرمه وحطه في مخباتك 
...............................................
طيب أنا ما عندك مشكلة مشكلتي بسيطة ، طيب المساكين الطلاب الي أخذوا أوراق تفيد أنه ماعاد بقالهم شي إلا إنهم يستلموا وثيقة التخرج هذولا وش بيصير ردهم
طبعا أنا أعرف واحد من الشباب بقى له مادة وحدة بس ، وعلى حسب الخطة الجديدة إن المادة هذي راح تنحذف منه وراح يتخرج <<< (استلم ورقة من الجامعة تفيد أنه متخرج بس بقى عليه انه ياخذ الوثيقة)
المسكين راح توظف في شركة بالورقة هذي ، لكن رجع للجامعة وقالو له انت لازم تدرس ترم كامل على أساس المادة هذي.
ياناس هل هذا عقل 
هل يعقل من جامعة تطمح تكون في مرتبه عالية بين جامعات العالم يطلع منها هذا الشي
الحين صراحة عرفت ليش جامعتنا الموقرة كانت في الترتيب 3500  
1-في الجامعات المتطورة القرارات عندما تصدر تصدر بدارسة وافية .
----->في جامعاتنا مممم كل واحد على كيفه
2- في الجامعات المتطورة الطالب هو عبارة عن ثروة.
------> في جامعتنا عبارة عن (ثو...) 
|