28th August 2008, 11:17 PM
|
|
...
|
|
تاريخ التسجيل: Mar 2005
الجنس : أنثى
المشاركات: 1,444
|
|
|
|
رد: الحمد لله اني طالبة ..!!!
كالعادة ينزحم الحوار بشكاوي الطالبات ومطالبهم 
شفت المكانين عليشة والملز
"حدايق عليشه قدام شوارع الملز "
لو بحكي عن بعض النقاط اللي انذكرت \\
*المباني اتوقع الموضوع انقفل والشغل بالمركز الجديد ماشي وبس مسألة وقت <<< عارفه سنين 
صح الوقت طويل لكن هذا الحل اللي قدامنا ,
الحل المؤقت اللحين للشئ اللي تفتقده عليشه والملز على بال مايجهز المركز
(( مكان مناسب وكافي للطالبات ))
عشان الوقت بين المحاضرات
وفي عليشه بدت الجامعة فيها وعملتها في الساحات ونشوف الترم الجاي وش باقي صار عليها
وعلى مشاكل تجمع المياه في الملز فهذي من جد ماتتحمل انتظار ينتهي المبنى
لازم لها حل
والزبائل الله يكرمكم بالملز مافيه الاجنب المركز الترفيهي وغالبا تكون آخر الدوام
لكن المشكلة في عليشه والروائح فيها
*تباعد المباني في عليشه
اذا شفنا تقريبا كل مبنى قدامه بوابة وكشك = يعني اذا كل طالبة تخلص محاضراتها وتطلع ماراح تلاقي مشاكل
واذا مثلي ومثل غيري ماعندنا احد يرجعنا عالوقت ممكن نقعد ننتظر بالمبنى لان البوابات زحمة بنات ماتنطاق وينقضي الوقت وانتهينا
يبقى السوق ولاشفت فيه الشئ اللي يجذب الروحة له كل يوم يعني روحة له كل اسبوع اتوقع ماراح تأثر
اما الميني ماركت فمشكلته في الملز
اما عليشه على الاقل فيه مساحة يقدرون يتحركون فيها
الملز غرفة متر في متر والاغراض مدري وش تبي مااقول الاالله يكون في عون بنات السكن
واذا عن الشمس
يعني ترانا بالرياض وحره فوش بتسوي الجامعة
بتقولون تسوي مظلات انتوا شايفين حجم الجامعة وش بتغطي ووش بتخلي ولوغطت بتطلع مشكلة الكتمة بعد 
*التصوير متعب لدرجة خيالية وهمّ ماينتهي وممكن المشكلة ذي بعد عند الاولاد
مركز الملز : فيه مركز تصوير واحد افضل تنسى الطالبة تصور منه للزحمة الفظيعة فيه حاطين برى آلتين تصوير وحدة ماعمري شفتها صالحة  والثانية اغلب الوقت خربانة 
ونتيجة هذا تخصيص من 3الى 4ساعات من يوم الطالبة للتصوير
عليشه : شفت عندهم مركزين تصوير (( مدري اذا عندهم اكثر !!)) وكلها زحمة
بس في عليشه شئ حلو مكتبتكم بالجامعة نفسها بالملز لا
مكتبة الملز عشان الطالبة تروح لها تستعد لمشوار التعب عالجسر عشان توصل المكتبة والمشكلة ياما طلعت ونزلت على ذا المشوار بس عشان اصور ورقة ورقتين
*الكشكات او شركة الخليج المواضيع عنها معبية القسم فماراح ندخل فيها اكثر
*غلاء الاسعار مثل ماذكرت الاخت الحياة حلوة الاسعار الغالية في الدايت وهذا سعرها بكل مكان اما باقي السندوتشات معقوله
-الغلاء صدق في الميني ماركت مدري من وين جايبين اسعارهم
* تعامل المشرفات عن نفسي ماصدف معي شئ حتى اللبس البس ولاقد انمسكت
<< في الملز فيه مشرفات بوابة 2 تعاملهم جدا راقي
بالاخير مافيه مكان خالي من العيوب = في المقابل حنا خريجات جامعة الملك سعود ان شاءالله
والحمدلله اني طالبة ...!!
في جامعة الملك سعود
|
|
اتمنى نحافظ عالشئ هذا في الموضوع ونقول رأينا وبنفس الوقت مو كل شئ نطيحه عالجامعة
و لو الجامعة فيها شئ كويس خلونا نقوله وبعد نعذرها عالتقصير قد مانقدر
محمد حطحوط 
اضغط هنا لرؤية التوقيع
حومة فكر
ستّل جناحه ثم حام
يرقى على متن الهوا
يزفه بعيدٍ و انا
محدود في حد النظر
له بالهوا شَفّ و مرام
يلعب مع الغيمه سوا
وانا جناحٍ لي واطير
والارض صارت لي مقر
طيري ضرب جوّ الهيام
و لو دعيته ما إلتوى
عزّي لمن طيره غدا
ولا له من أمره مفر
فكري تغشّاه العسام
أمسيت وفكري ماضوى
الارض قَفر من الونس
والليل من فرحي قُفر
شبّيت ضوّي بالظلام
في صحصحٍ ذيبه عوى
مالي انيس إلا النجوم
او نور وضّاح القمر
خالي وكنّي في زحام
قلبي تلهّب و أنشوى
ماعاد أميّز بالحشا
وإلا على ضو الجمر
وين انت ياداعي سلام
وين انت يا بايع دوا
ردّوا لي النومه ترى
بالعين جلاّد السهر
دوّرت بالشده حزام
ولا لقيت اللي قوى
يالله دخيلك ما لقيت
اللي نشد به الظهر
|