رد: حفل تخريج .. ولا .. حفل تحريج ,,,,,
ههههههههههههههههههههه
والله الحمد لله العام تخرجت من جامعتي وكان حفل تخريجنا روووووعة
رغم إن كل السنوات اللي قبلها معفففن والسنة ذي يشتكون البنات
من الدمار وسؤ التنظيم
والله العام كنت ناشبة بحلوق المسؤؤولات عن الحفل
وغثيتهم وقلت لهم ماعليكم كل شي بأسويه أنا من فقرات
طبعا هم شرطوا الفقرات إذا بأسوي الفقرات تكون فقط مقدمة وقرآن
وكلمة العميدة وكلمة الخريجات وانتهينا وتكون في أقل من ساعة
طبعا أخذتهم بالسياسة وقلت لهم أبشروا بأحلى فقرات تبونها في أقل وقت ممكن
ومسكت معي المايكات وكل شي
وكانوا يبون الحفل من 5العصر إلى 7 على صلاة المغرب ويروحون ينامون بالبيوت
وأبت فرحتي إلا أن أتممها كما أريد يكفي إنهم خلوا عبايات التخرج أسود وأخضر
وبطاقة دعوة واحدة فقط وندفع 250 ريال علشان نا خذهم وإذا نبي بطاقات زيادة ندفع عن
كل بطاقة 50 ريال
المهم وخليتهم يجيبون لنا بالونات وحجزت أكبر قاعة بالمدينة اللي فيها جامعتنا
باعتباري أعرف صاحب القاعة وراعانا بالسعر رغم إنه حجزها أقل ما يمكن بعشرين ألف
خليتهم يحجزونها بخمس آلاف >>>>>>أحرجت صاحب القاعة حيل حتى طاح وجهي من مرته
وأقنعت مشرفت النشاط بطريقة أو أخرى إنهم يحطون لنا بالونات ويجيبون لنا جاتوهات كبيرة
بعد رحت حجزتها من أشهر محل حلويات عندنا وبحكم إن أخي صديق صاحب المحل راعونا بعد
بالسعر كل قسم له جاتوه كبير لوحده (طبعا إحنا كان حفلنا للأقسام العلمية لوحده منفصل عن
الأقسام الأدبية اللي كان حفلهم مناحة وأشكال وألوان الخرابيط)
عاد تخيلوا خليت كل رئيسة قسم تحضرالحفل ((( سويت لهم قلق علشان يحضرون )))
وتشرف كل رئيسة قسم تقطيع الجاتوه لطالباتها الخريجات بعد المسيرة وتاكل مع الخريجات جاتوه
وعصيرات ودنيا تخيلوا الوضع
كان جدا فرحة حتى اللي كان رافض الأشياء هذي رجع قال والله الحفل رائع أول مرة نحضر
حفل تخريج كذا>>>>>>>طبعا لأننا كسرنا الروتين
وأحلى حركة سويتها يوم الحفل فركت أجيب الجاتوهات من المحل وشلت معي كل المايكات
لأنها لاسلكي(لاقط)
وشلت معي فقرات الحفل اللي طبعا دخلت عليها إضافات مسرحية وفقرة إهداء للأم
ونشيد ترحيبي من غير فقرة مسابقات
وظلوا ينتظرون جت الساعة خمسة العصر بدأوا يقلقون
دقوا علي وأنا بنفسي ياهنو ردي وصرفيهم قولي شوي انتظر الجاتوه يخلص
جت الساعة ستة سووالي هوليللللة طبعا حطي بخاطرك إنه أي كلمة تسمعينها تحمليها
لما جت الساعة سبعة وصلت كانت الناس طاااااقة مني
لكن عارفين ليه تعمدت التأخير؟؟؟
لأن العميدة باقي ما وصلت والحفل ماراح يبدأ بدونها ليه أتعب عمري بالهجولة والركض
((خاصة إني باقي ما جهزت شخصيا لأني من صباح الله خير بالقاعة أتأكد من تنسيق الصوت
وترتيب القاعة وتركيب كل شي بمكانه الصحيح))
لما وصلت بعد تأكدي من أن العميدة وصلت كان الحضور غاضب بدأت الناس تمل
وش الحل ؟؟ سويت مشكلة أخرت الناس عن مواعيدها
طبعا الفكرة الذكية إني كنت جايبة معي شريط دقات تخريج ومسجل
شغلتها وذاك الصوت اللي يشرح الصدر وقامت الناس تبتسم
خمس دقايق بعد صلاة المغرب على الساعة 8 تقريبا
بدأنا الفقرات كانت جميلة وتفاعل الجمهور زاد الابتسامة وأعطى الجو فرحة أخرى
حتى مشرفة النشاط صارت تقولي باقي فيه فقرات لما وصلنا لكلمة الخريجات اللي كانت آخر شي
وبعدها مسيرة الطالبات قلت لها :لا هذي آخر شي قالت :خسارة الفقرات جدا رائعة الله يعطيك
العافية ماقصرتي<<<<وطبعا كل الزعل علي راح عنها
بعدها المسيرة والتصفيق والتشجيع الرائعة
بكت حتى الدكاترة وحتى اللي ماله علاقة بالخريجات بس جاي يتفرج دموع الفرح غلبتهم
المهم مبروك تخرجنا وفرحنا وكانت الشهادة مجرد كلمتين مبروك التخرج
وعليها اسم العميدة وختم الجامعة فقط لا غير
لكن الفرحة تبقى وما انتهى الحفل إلا الساعة عشرة ونص والحمد لله أجمل ما يكون
وفعلا كنت شجاعة وأفتخر بأني كسرت الروتين وهزمت الصعوبات الكثيرة والكلمات الجارحة
والضغط اللي جاني كله مو علشان نفسي ... لا أبد ماهمني لأن الشاطر بالذات
مايعني له مثل هذي الحفلات شي أكثر من إنه ناجح وبتفوق
لكن علشان صديقاتي الخريجات معي وتعبنا المشترك 4 سنين ومعانتنا وتعب أمهاتنا
خاصة إن بعدها نختبر ونتخرج وماعاد راح نجتمع بعد كذا ولا راح نتقابل كثير
فحبيت أرسم أحلى ذكرى لي في حفل تخريجنا
هذا وبالله التوفيق
طولت عليكم لكن الحين بأطس
اضغط هنا لرؤية التوقيع
أريد أن أكون دائما مثل زهرة
في جمالها
في نعومتها وجاذبيتها
في أريجها
في رونقها وورديتها
|