منتديات تجمّع طلاب و طالبات جامعة الملك سعود - عرض مشاركة واحدة - -[ طلاب السياحة و المستقبل المنتظر! , دعوه للقراءة ]-

أولاً اعتذر عن التأخر بالرد .. بسبب بعض الألتزامات ومره جيت متحمس ابي اعقب لكن لقيت الموقع فيه مشكلة بالسيرفر ..

والله يعافيك يالغالي وهذا واجبنا , بخصوص اللي قلته حول الراتب حقيقة انا لست على علم بمسيرات الرواتب في كل فندق , ولكن حط في بالك ان مدخول الفندق عالي جداً جداً وبهذا ينعكس على العاملين فيه من مديري أقسام إلى أقل عامل .. والفندق فيه أقسام كثيره تصل إلى ست او سبع أقسام لكل فندق عالمي من فئة الخمس نجوم وصاعد , طبعا بالسعودية مافي ألا خمس نجوم كأعلى شيء

انا ما أقتنعت بهالقسم من الدكتور هشام .. أبداً
أعجبني فأحببت ان ابحث في دهاليزه < كيف المفرده مضبوطه

بخصوص الراتب اللي قاله الدكتور , قد يكون صحيح بنسبه كبيرة ..ومعقول جداً وقد تختلف من سلسلة إلى أخرى.
كان مدير للفورسيزونز بفتره من الفترات الماضيه , وكان يستلم مالله به عليم
عموما مايقل عن 50 الف عشان ما أكون مبالغ واكون اقرب للصواب , عموما تركهم لكبره بالسن ولضغط العمل , فإذا انت رجل هاوي عمل وجهد وراتب عالي , فتخصص ادارة الفنادق , واذا انت تبي تريح عمرك , خلك بالإدارة السياحية لاتقل كثيرا عن الفنادق

انا راح ابحث اكثر حول الرواتب اللي تعطيها الفنادق لموظفيها ... بأشوف أحد الزملاء له معرفه بمدير الإنتركونترنتال شاب سعودي , وفي الثلاثيات
وهذا يدل انك اذا عملت واجتهدت راح تترقى بأسرع مايمكن , وهي ميزه تتميز بها الفنادق وهي انك تترقى بسرعه .. وعاد ألعب لعبتك حسب تفكيرك وعطاءك وغيرها

السلبيه الوحيدة في هذا التخصص أن المتسيدين واصحاب المراتب العليا في أغلب الفنادق هم من الأجانب وهذا يعود لقلة الخريجين ولعدم الوعي بهذا التخصص جيداً من قبل الشاب السعودي , ففي السابق مافي احد راح يجازف يدفع فلوس عشان تخصص إدارة فنادق ؟لأنه مايعرفه ولا فيه وضوح كـ الآن .. وأقصد بالوضوح أنها فتحت بأمر من الهيئه العليا السياحه لتحقيق أهداف تسعى لها الدولة في التطور سياحيًا .. وتطور الفنادق من تطور السياحة بلا شك

وأستغرب ان البعض تسول له نفسه بقول انها فتحت لتحقيق أهداف شخصيه !!
القريب من الهيئة العليا للسياحة سيعلم بأن من ينتسب لكليتنا هم منتظرون من قِبل سوق العمل الفندقي والسياحي لأنهم الدفعه الأولى ودائما ماتحوز الدفعه الأولى وحتى الخمس أو العشر على الأفضليه وعلى المراتب العليا في الوظائف ..
أنا طولت ودخلت عدة منحنيات واشغلتك , لكن عل هالدردشة مفيده بإذن الله

الأعتراف بالحق فضيله .. مداخلاتك ممتازه لكن فيه بعض الشطحات الغير مناسبه للنشر

1- معترفه من أمريكا فقط ! لأن السعودية لا تعترف بالتعليم عن بعد نهائيا .
2- هذي علمي علمك , لكن بلا شك سوف تدعم شهادة البكالوريس .. أنت لازم تدعم شهادتك بدورات أدارية وحاسوبيه وانجليزيه , وصدقني بعد توفيق الله عزوجل لن تستلم مبلغ 4000 وانت تعمل 13 ساعه كما ذكرت آنفًا .. انا اشوف اي شخص بإمكانه ان يحدد كم يستلم بناءً على الشهادات التي بحوزته بالإضافه لشهادات الخبره ان وجدت وأسأل الله لك وللجميع التوفيق .
3- مجربه وسهله واخذت الشهادات من مقرهم وبالإمكان ارسالها على بريدك.

تحيتي لك
والله يوفقك.