منتديات تجمّع طلاب و طالبات جامعة الملك سعود

نـواف :: الجزء السـابع ::

كتبت 3rd February 2009 في 12:52 AM بواسطة Dr.Nefo (في مثـل هذا اليوم)

بعد ماجاني خبر الرسوب اللي كان اول صدمه لي بالجامعة .. تذكرت الكلام اللي كان ينكتب عن الظلم الحاصل بين اسوار جامعتنا الحبيبة وان الطالب شخص ضعيف " مادام ماعنده لاواسطة ولا هم يحزنون "

كانت امي كل ماشافت وجهي يضيق صدرها .. وتبدأ تدعي على هالدكتور اللي وصلني لها الحالة .

بعدها قررت اعتمر انا وزملائي بالدفعة .. كنا خمسة ورحنا بالاسبوع الاول بالدراسة .

كانو خوياي يحاولون كثر مايقدرون مايجيبون طاري الدراسة على شان لايذكروني باللي صار .

كنت اكثر واحد فيهم يضحك ويبتسم ويسولف .. احاول ابين لهم كثر ماقدر اني مبسوط وان الموضوع عادي .. باختصار كنت العب على نفسي قبل لا العب على اي احد ثاني .

شلنا هم العمرة لانها ببداية رمضان .. تونا ماتعودنا على الصيام مامدانا نسخن << شعندهم الصغار

وصلنا مكة طبعا بعد معاناه " تفاصيل المعاناه والقرادة كتبتها ايامها بالسبيس تبعي "

http://nefo4.spaces.live.com/blog/cn...34E3!713.entry

رحلتي مع خوياي للعمرة خففت عني شوي وغيرت جو فيها ... طلبت من ربي انه ياخذ حقي .. وانه واسطتي بها الدنيا " ومن توكل على الله فهو حسبه "

احداث السفرة يمكن خلتني اغير جو واطلع من جو الهم والغم وابدأ افكر بها السنة واني ابدأ فيها بداية قوية .. واتذكر المقولة اللي تقول " الضربة اللي ماتموتك تقويك "

:: وقفه بسيطة ::

فترة اشرافي بمنتدى السنة التحضيرية تعرفت على اشخاص كثيرين كانو بمثابة " الاخوان " .. اولهم كان مـتعب .. وفي مقولة اخرى " ميتو "

كانت علاقتي فيه سطحيه الى نوعا ما لكن كان اكثر شخص بالتحضيرية اتكلم معه بأمور كثيرة .. .. وكان قريب لي خصوصا ان رغبته الاولى كانت " طب الأسنان " وربي وفقه ودخل الكلية ولله الحمد ... بالاضافة الى انه من الشمال

دايم كان يجيني الساعه 1 ونص بالليل << لاحظو الدقة .. ويسئلني : نواف تهقى يقبلوني طب اسنان ؟

واقوله ايه يبو شدعوة معدلك كويس وراك خايف .. يقول والله انك فلة ثم يقلب ويسولف بسالفة ثانية

خخخخخخ.. لين ماطلع القبول وباركت له .

في اول الايام قابلته وسلمت عليه وطبعا ماكان يحتاج اشرح له اللي صار معي كان دائما بالصيف يسألني عن تفاصيل السالفة الى ماصار اللي صار .

علاقتي مع متعب كانت ماتتعدى اسوار الكلية .. بحكم اني الان ماني متقبل اني بدفعة غير دفعتي

الى ماجا يوم من الايام كنت اكلم متعب بالماسنجر .. وجبت له طاري المنتدى ومن يعرف فيه .. واكتشفت انه يعرف واحد من زملاء المنتدى اسمه يــاسر وفي مقولة اخرى " مقطوع " .. ياسر من مشرفي منتدى الجامعة وسبق وشفته باكثر من اجتماع لمشرفي المنتدى ... اقترح ياسر اننا نتقابل على يوم نغير جو بالويك اند .. وحصل اللقاء

مادري ليش كل ماتذكر ذاك اليوم اضحك .. ابد ابد ماكان ولا واحد فينا بشخصيته .. كلن يتكلم برسمية وحالتنا حالة

وكل كلمة والثانية " ايوه واخباركم " .. " وشلون الدراسة " << كني ناقص احد يجيب طاريها

تقابلنا اكثر من مرة وصرنا نتقابل كل ويك اند .. صارت علاقتي بياسر ومتعب قوية نوعا ما وصارت معزة متعب بمعزة خوياي بالدفعة القديمه .

مرت الايام .. وانا مابين...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 787 التعليقات 47 Dr.Nefo غير متواجد حالياً

::: نــواف ::: الجــزء السادس

كتبت 26th November 2008 في 03:32 PM بواسطة Dr.Nefo (في مثـل هذا اليوم)

كلية طب الأسنان

دخولي لها الكلية كان أكبر من مجرد فرحة

كان رد لكثير من اللي كانو يرددون علي بالبرنامج الموحد اني جبت نسبة الثانوية بالحظ وان السنه التحضيرية هي المقياس الحقيقي

للاسف المجتمع السعودي بشكل عام مجتمع فيه نسبة حسد شنيعه .. وحب للتحطيم بشكل مو طبيعي وهالشي واجهته بعائلتنا بثالث ثانوي وبأول سنه لي بالجامعه .. بس الحمد لله ربي وفقني واثبت لهم اني قد المكان اللي وصلت له .

بداية دخولي للكلية ماكان لي صداقات كثيرة بالدفعه اللي انا فيها باستثناء ابراهيم خويي بالسنه التحضيرية .. واحمد ومشعل وثامر اللي كانو معي بالثانوية لكن كانت علاقتي فيه سطحية جدا .

بالصيفية حقت السنه التحضيرية تعرفت على شخص من منتدى الجامعه ومن حسن الحظ اننا تخصصنا نفس التخصص " طب أسنان"

هالشخص كان " مسفر "

كنا بالصيف نتكلم عن الكلية بشكل عام وكان كل شخص يستفسر من الثاني عن الكلية .

والشخص الثاني كنت اعرفه من الموحد لكن ماكان لي أي احتكاك فيه اللي هو " فهد "

فهد طبعا له قصة مميزة

فهد كان أول شخص تهاوشت معه بمنتدى الجامعه

اذكر صار نقاش حاد بيني وبينه في موضوع من المواضيع .. وثاني يوم قابلت خويي عبد الله قلت تعرف فلان اللي بمنتدى الجامعه قالي ايه قلت ورني اياه ابي اتفاهم معه << انت لو الله يفكك من الهيط بس

قالي تشوف القصير اللي جالس بالزاوية لحاله .. قلت ايه قال هذاك فهد .. قلت الحين هذا طوله وشوله يهايط طيب

نرجع لموضوعنا .. فهد كان معي بكليتي الجديدة وعرفته بأول يوم لنا بالكلية لكن ماكان بينا أي احتكاك بحكم انه مايعرفني وان مافيه أي رابط جميل سابقا يربطني فيه باستثناء الهواش اللي صار

عرفت ابراهيم على زملاء الثانوية " احمد ومشعل وثامر " .. وكنا بالاسابيع الأولى تقريبا مع بعض دايم .

طبعا ابراهيم كائن غريب بعض الشي وله طلعات غريبة عجيبة

لذلك كان كل خوفي انه مايتأقلم مع خوياي

بس طبعا ابراهيم أثبت لي العكس

يوم من الأيام دقيت على ابراهيم قلتله وينك قال مع خوياي .. قلت من خوياك قال ياخي مع مشعل واحمد وثامر <<< لاحظو خوياي

//

أما مسفر الكائن الخجول .. جلست تقريبا شهر وانا اكلمه مسن ولا اعرف شكله ولا يعرف شكلي " سمايل "

مرة من المرات حاولت اوصف لمسفر شكلي لعل وعسى يعرفني لاني عجزت اعرفه .. قلتله مسفر تشوف الادمي اللي يمشي مع فلان وفلان ومعه يقول ماذكره .. قلتله طيب اللي معه شنطة شكلها كذا وكذا .. قال ياخي ماعرفتك :S

اخر مافقدت الأمل قلتله يابن الحلال أنا ابو شوشة ..!! قال اييييييييه بس عرفتك

<< وقتها حسيت ان الشوشة من المعالم المهمة بالنسبة لي

//

من المتعـارف عليه بالكليات الصحية ان كل دفعه يكون فيها ليدر للطلاب مسؤول عنهم ويتواصل مع دكاترة المواد اللي ناخذها .. كان ليدر دفعتنا هو المليح " سامي "

سامي شخص جدا هاديء ووسيع صدر .. يتحمل شكاوي الطلاب اللي انا لما اسمعها ودي انط ببطونهم واحد واحد

<< جعلك ماتصير ليدر

بداية الترم...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 632 التعليقات 34 Dr.Nefo غير متواجد حالياً

:: نــواف :: الجــزء الخــامس

كتبت 7th November 2008 في 02:02 PM بواسطة Dr.Nefo (في مثـل هذا اليوم)

انتهت ثالث ثانوي بخيرها وشرها .

بالنسبة لي ولله الحمد انتهت هالسنه على خير وأخذت المعدل المطلوب .. وبديت بالأزمه اللي يواجها أي خريج ثانوية عامة " اختيار التخصص "

راحت كل الصيفية على التقديم وانتظار القبول واختبارات القبول .. الخ

القرار بالنسبة لي كان صعب جدا .. خصوصا اني ولله الحمد انقبلت بأكثر من جامعه .. وكل ماجيت استشير أي شخص يعطيني رأي غير الثاني ..!! صرت ماعدت أعرف وين أروح .

كانت الوالدة دايم لما تشوفني بثالث ثانوي تقولي " شد حيلك على شان تجيب نسبة حلوة وتدخل طب أسنان وتصير مثل خالك "

كل ماسألني احد وش تبي تصير كنت اقول " دختور "

اما أبوي كان له رأي ثاني .. أبوي قالي " ياولدي وش لك بالطب وعوار الراس .. اطلع بعثة وادخل ادارة اعمال وريح عمرك وخلك من جامعاتنا الفاشلة << يسمع بالوطنية

بس بمجرد ماتخرجت من الثانوية وصار الموضوع جد وانقبلت بأكثر من جامعه .. بديت أقلب الموضوع براسي وكالعادة رجعت لطبعي المعتاد " التردد بالقرارات الحاسمه "

كان يومي عبارة عن " تقديم على الجامعه الصباح .. ونوم بالعصر .. واتصالات بالليل "

ماخليت أحد ماتصلت عليه وسألته " يافلان شرايك بالتخصص الفلاني بحكم انك فيه .. وكل شخص يبين لي ان تخصصه اطلق تخصص بالعالم وان بدونهم كان البشرية الحين منقرضين منذ مبطي

فالاخير حسمت موضوعي بين البعثه أو دخول المجال الصحي بجامعه الملك سعود

بعد ماحسمت موضوعي حسيت الوالدة متضايقة من سالفة البعثه " خصوصا اني اكبر عيالها "

كنت الاحظ اني كل ماجبت طاري البعثة يتغير وجهها وتتضايق وتغير الموضوع .. كأنها ماتبي توقف بطريقي وبنفس الوقت ماودها اني ادرس خارج المملكة

اتصلت على مدرس مادة التوحيد الله يذكره بالخير كان دائما يعطينا نصائح باختيار التخصص قبل لانتخرج ودايم يقولنا اذا اي احد احتاج شي يتصل علي

اتصلت عليه وقلت له سالفتي من البداية لين النهاية

نصحني بكلمة واحدة " الاستخاره "

قالي استخير ربك واطلب الخيرة منه وبعدها قرر .. ان لك خيرة بالطب بتدخله وان السفر هو الخيرة لك بتسافر باذن الله .

استخرت ثلاث ايام لين ماحسيت ان دخولي المجال الصحي بجامعه الملك سعود هو الأنسب لي .. منها أكون عند أهلي وأكسب رضا أمي .. ومنها ماكون بعيد عن خوياي

دخلت السنه التحضيرية للكليات الصحية .. كان معي مثل ماقلت لكم قبل سلطان وعبد الله .. وزملاء كانو معنا بمدرستي السابقة " التربية النموذجية "

كنا تقريبا 18 شخص

سبعه منهم من فصلي

كنا انا وسلطان وعبد الله بقروب واحد .. وبيوتنا جنب بعض لذلك كنا مقسمين الروحة كل اسبوع على واحد

// .. السنة التحضيرية ..//

كثير منكم قرأ هالشي ولا يعرف وش معناته

بعطيكم معلومة بسيطة بدون ماتعمق بالشي

على دفعتنا " دفعة القرادة " .. قررت جامعة الملك سعود انها تسوي سنه تحضيرية للطلاب المقدمين على التخصصات الصحية الأربع " طب .. طب أسنان .. صيدلة .. علوم طبية " بدل ماتقبلهم قبول مباشر .. وبعد نهاية هالسنه...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 631 التعليقات 42 Dr.Nefo غير متواجد حالياً

// .. نـــواف ..// الجــزء الرابع

كتبت 9th May 2008 في 03:57 AM بواسطة Dr.Nefo (في مثـل هذا اليوم)
تم تحديثها 9th May 2008 في 12:59 PM بواسطة Dr.Nefo

محمد اعطاني اول درس بالحياة .. علمني ان حال الشخص ممكن ينقلب بين يوم وليلة .. سبحن الله يغير ولا يتغير .

كنت متأكد ان هالشي وراه سبب.. قررت اعرف وش هالسبب واحاول اعدل ولو شوي بالوضع .

زادت زياراتي لمحمد .. كانت فترة مافيها لا اختبارات ولا شي واستغليت هالشي وكنت ازوره كل ويك اند .

قابلته وسلمت عليه وطلعنا نتمشى .. جلست اسولف معه واساله عن دراسته وعن احواله .. كان يجاوبني باجوبة شخص ماهو مهتم بأي شي وهمه وناسته وبس .. ذكرني باهمالي بثاني متوسط .

جلس يسولف لي عن مغامراته مع اصحابه وعن انجازاتهم !! كنت اناظر محمد ومستغرب من كلامه .. احسه يتكلم وهو مقتنع بالشي اللي يسويه .

قاطعت كلام محمد وقلتله : طيب محمد ليش هذا كله !!! .. وين محمد اللي خلاني اترك الاغاني وين محمد اللي كان قدوة كل طلاب المتوسط .. وين محمد اللي كان يحاول يخليني اترك اي صفة شينه فيني .. فجاه بدون اي مقدمات وبكل بساطة تركت هذا كله !! طيب عطني سبب مقنع يخليك تصير كذا !!

سكت شوي بعدها تكلم ... بدا يقولي مشاكله في البيت والضغط النفسي اللي يمر فيه .. وقالي على الاشكال الغريبة اللي تعرف عليهم ..

من كلامه حسيت انه مو مقتنع بحياته الحالية ولا بتصرفاته .. لكنها الطريقة الوحيدة اللي يقدر ينسى فيها مشاكله .

بديت ازور محمد كل ويك اند ومرات بايام الدراسة .. واحاول كثر ماقدر ماخليه يحتك برفقة السوء اللي خلوه بها الحال ... بدا محمد يحس بغلطه ويحاول يراجع نفسه .. وبدت شخصيته ترجع تدريجيا

حسيت اني رديت الجميل للشخص اللي غير فيني اشياء سيئه كثير .. وبها الفترة زادت علاقتي محمد اكثر وكان اول ماتصير له اي مشكلة يتصل علي وكنا نقعد نتكلم بالساعات سواء عن الدراسة او عن اي شي .

قربت الاختبارات وقلت زياراتي لمحمد .. وكنت منشغل بالاختبارات كثير خصوصا انها اول سنه لي بالثانوية وكنت احاول اثبت نفسي بأي طريقة .

انتهت الاختبارات وعدت الامور على خير .. وكالعادة اتصلت على اصحابي محمد وباسل وقلتلهم ودي اشوفكم .

كنت اتصل على محمد ويرد علي ابوه بكل وقت ويجاوبني بنفس الجواب : محمد مو فيه .

لما قابلت محمد وباسل سالتهم عن محمد .. وليتني ماسالتهم

قالولي انه رجع يطلع مع شلته .. وليت حاله وقف على زي ماكان اول !! .. صار اردى من اول

وقتها حسيت ان محمد وصل لمرحلة مستحيل يرجع عنها .. نصحني باسل اني ابعد عنه على شان ماياثر فيني .. وهذا اللي سويته .

//

انتهت اول سنه بالثانوية وعدت على خير ... انتهت السنه بدون ماكون علاقات قوية واكتفيت بصداقتي مع سلمان اللي كانت بالمدرسة فقط لاغير .

بالصيفية بدت أول ملامح التمرد عند الكائن اللطيف نواف

وأول ملامح التمرد " رفضي للسفر مع اهلي بالصيف "

وقلت لهم بالحرف الواحد " مسألة اني اسافر معكم بعد كذا خلاص انسوها .. لاسافرت معكم احس اني طالع رحلة مو سفر !! "

طبعا اهلي اخذوني على قد عقلي وقالولي براحتك

وفضلت اني اقضي الصيفية عند ولد عمتي العزيز بجده .

سافرت لعبد الرحمن بجدة .. كانت اجازة مميزة خصوصا اني قضيتها مع ولد عمتي العزيز .

بهذيك الاجازة اكتشفت ان...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 1038 التعليقات 46 Dr.Nefo غير متواجد حالياً

// .. نــواف ..// .. الجزء الثــالث

كتبت 26th April 2008 في 07:32 PM بواسطة Dr.Nefo (في مثـل هذا اليوم)

//

جت اجازة الصيف وانتهت .. ولاحسينا فيها .. كانت من أصعب اللحظات اللي مرت على البيت كله .

يمكن كان فيه شي وحيد يهون على البيت كله .. اللي هي اختي " اخر العنقود " .. نوف

مــلاحظة

:: اوجه رسالة اعتذار لاختي الجميلة لاني سحبت عليها ولا جبت طاريها

.. راحت عن بالي وانا اكتب الجزء الثاني مدري شلون نسيتها .. ع العموم حصل خير

<< مادرت عنك جالسة تلعب سوني

طبعا نوف اخر العنقود والبنت الوحيدة اللي بينا .. على شان كذا كانت فرحة اهلي فيها غير يعني اقدر اقارن فرحتهم فيها بفرحتهم فيني بس انا اكثر شوي

<< حركات رابع ابتدائي

نوف كانت هدية من الله سبحانه وكانه عوض صبر ابوي وامي وتعبهم بأخوي محمد بـها الطفلة .. كانت بهجة البيت كله خصوصا ان وقتها كانت توها تمشي .. وكان البيت كله مبسوط خصوصا ابوي الله يحفظه .

بدأت السنه الدراسية الجديدة وكان البيت كله طبيعي الا " أنا "

كانت تصرفاتي هذيك السنه غريبة من بدايتها الى نهاية السنه تقريبا ... مادري هل اقتنعت اني لازم اصير زي باقي الطلاب اللي بالمتوسط على شان اتكيف على الوضع !! ولا ظروف وفاة اخوي اثرت فيني ... مادري وش السبب الرئيسي بس اللي متاكد منه اني ماكنت طبيعي هالسنه .

دخلت سنه ثاني متوسط باعصاب باردة غير العادة .. عادتي كل سنه كنت ارتب نفسي واحس اني داخل السنه الدراسية بحماس اما هالسنه كنت داخل بتبلد مو طبيعي وهالشي يمكن لاحظه الكل سواء امي وابوي او اصحابي باسل ومحمد .

السنه هذي تعرفت على شخص جديد اثر بحياتي بشكل كبير خصوصا هالسنه .. اللي هو " محمد " .. او الشيخ محمد زي ماكنت اناديه .. كنت دائما اذا شفت محمد حسدته .. شخص محبوب من الكل وشخص ملتزم .. كان محمد مؤذن مدرستنا وكان زميلي بالفصل وانتقل لفصلنا بثاني متوسط .

كان محمد ينصحني دائما اذا شافني سويت شي غلط كان دائما يقولي عبارة عمري مانساها " يانواف انت شخص رائع بس ليه مصمم تصير كذا !! "

كانت الجمله هذي اكبر دليل على اني تغيرت هالسنه وان في شي غلط صاير .. والدليل ان الشخص اللي ماعرفني الا من شهور حس ان هذي مو شخصيتي .

اما محمد وباسل .. اعز اصحابي واللي بمقام اخواني .. بدأت زياراتهم لي تخف .. وكأنهم يبوني احس بأني متغير وان في شي غلط فيني لازم اغيره قبل لا اخسرهم واخسر الكثير .

انتهى الترم الأول وجبت تقدير جيد جدا " على ماذكر 89 " .. كانت اول مرة بحياتي اجيب هالتقدير .

امي انصدمت وجلست تهاوش وتقول اصلا من بداية هالسنه مو طبيعي ومهمل ووو ..الخ

ماهتميت ولا علقت وكأن الموضوع طبيعي .. بعد صدمة الشهادة بكم يوم ناداني ابوي الغرفة .

قالي : اسمع يانواف بقولك شي .. يمكن الظروف اللي مرينا فيها خلتك تشيل مسؤولية وانت توك صغير .. ويمكن انت متاثر بوفاة اخوك للحين وحاط هالشي عذر في اهمالك لدراستك .. بس ودي اقولك هالكلام وبعد كذا ماراح اعيده لك لين تتخرج من الجامعه .

انت حر بمستقبلك .. تبي ترسب ارسب .. تبي تترك الدراسة مرة وحدة اتركها .. سوي اللي انت مقتنع فيه المهم انك تتحمل مسؤولية تصرفاتك .. واعتقد انك تحملت مسؤولية بيت كامل ماعتقد انك عاجز على انك...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 863 التعليقات 32 Dr.Nefo غير متواجد حالياً

// .. نــواف ..// .. الجــزء الثــاني

كتبت 20th April 2008 في 03:00 PM بواسطة Dr.Nefo (في مثـل هذا اليوم)
تم تحديثها 21st April 2008 في 01:06 AM بواسطة Dr.Nefo

//

بعد مانتقلنا للرياض كانت فرحتي كبيرة خصوصا ان اغلب اللي بعمري من أقاربي كانو بالرياض .. الشخص الوحيد اللي كانت علاقتي فيه قوية ايام دراستي وحياتي بتبوك هو ولد عمتي " عبد الرحمن "

ولد عمتي عبد الرحمن من الاشخاص اللي لي معه ذكريات لاتنسى بتبوك .. كانت ولازالت علاقتي فيه قوية جدا ومميزة عن باقي اقاربي .. كنت كل ويك اند اخذ عفشي واروح بيت عمتي واجلس عندهم الويك اند كله .

اتذكر مرة من المرات كان ولد عمتي الكبير يلعب بكمبيوتر اعتقد الجميع منكم يعرفه

احس كل من شاف هالصورة قال ااااااااااه على ايام وذكريات هالكمبيوتر وعلى العابه اللي مستحيل الواحد ينساها " ماريو ولعبة الصيد اللي ماتصيد البطة الا اذا لصقت المسدس على التلفزيون

.. وغيرها من الالعاب اللي كان احلى مافيها بساطتها "

//

نرجع لموضوعنا .. كان ولد عمتي يلعب بكميوتر" العائله" << اسم الكمبيوتر .. وكان يلعب بالتحديد " الكابتن ماجد "

وكان موصل للمباراة النهائية ومتحمس وكل بنات عمتي وعيال عمتي حوله متجمعين متحمسين على المباراة

وفجاه يجي البطل نواف يدخل عليهم وبيده خياره ياكلها ويهز براسه .. وفجاه وبدون قصد دعست على السلك حق الكمبيوتر وفصل ... فجاة كلهم ناظروني وصرخو باقوى ماعندهم " نواف وش سووووويت !!!! "

انا وجهي صار احمر وجتني الصيحة ورحت ركض لعمتي اصيح عندها خخخخخخخخ : D
موقف من جد مستحيل انساه .

//

قبل لاننقل للرياض بشهور نقلت عمتي لجدة ... وبكذا حسيت بكئابه بتبوك غير طبيعيه وكانت فرحتي بنقلنا للرياض مرة كبيرة .

طبعا بحكم اني انتقلت لاكثر من مدرسة بسبب الظروف اللي صارت ... ماكنت متضايق اني نقلت مدرسة جديدة .. بس تعودت اني لازم بكل مكان اكون صداقات ولو بسيطة بأي مكان اكون فيه .

اول صديق لي تعرفت عليه بالرياض وبالتحديد بالمدرسة كان " باسل "

باسل من الاشخاص اللي مستحيل انساهم .. صداقتنا استمرت من هذاك الوقت الى الان .. ودرسنا مع بعض الى ثالث متوسط .

عرفني على صديقه واللي صار من اعز اصحابي بعد كذا .. اللي هو " محمد " .. وصرنا الثلاثة دائما نطلع مع بعض ونزور بعض دايم .

انتهت رابع ابتدائي بخيرها وشرها .. يمكن اكثر شي تعقدت منه هالسنه هو القواعد عقدتي لين ماتخرجت من المدرسة .. " يمكن لو سالوني بعد ماتخرجت من الثانوي وش تعرف عن القواعد اقولهم اللي اعرفه ان " على" حرف جر واللي بعدها اسم مجرور .. وصلى الله وبارك

كانت مرحلة خامس ابتدائي افضل بكثير من رابع خصوصا اني كونت صداقات وكنت مستعد نفسيا لها السنه .. خصوصا اني بنفس الفصل اللي فيه خوياي الاثنين " باسل ومحمد "

المميز بها السنه ان اخوي دخل المدرسة " اولى ابتدائي " وسجل بنفس مدرستي .. وطبعا ابي اسوي قدام خوياي الولد الحنون الكبير اللي بكل فسحة يشتري لاخوه فطوره

ويجي يساله اذا في احد هاوشه او زعله على شان يفزعله .

وكعادة أي شاب سعودي عنده اخ بنفس المدرسة .. يهتم فيه اول اسبوعين...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 1304 التعليقات 62 Dr.Nefo غير متواجد حالياً

..// نــواف ..// .. مقـــدمة ..

كتبت 17th April 2008 في 07:28 PM بواسطة Dr.Nefo (في مثـل هذا اليوم)

السلام عليكم ورحمة الله وبركاته

أخباركم عساكم بخير

في البداية أعتذر عن انقطاعي المفاجيء عن التدوين .

لكن بالفترة الماضية حبيت اكتب شي جديد ومميز بنفس الوقت .

فكرت فكرت فكرت لين راسي انفجر

مالقيت شي .

بعدها قلت " طيب ليش ماكتب شي لنفسي "

دائما كانت مدوناتي مخصصة لكم .. وكنت احرص على انها تعجب الجميع .

لكن هالمرة بصير أناني .. وبكتب شي لنفسي .. شي اذا زهقت وحسيت اني ابي استرجع ذكرياتي دخلت مدونتي وقريت اللي كاتبه.

هالشي يمكن الكثير منكم ماراح يقراه لانه ممل بعض الشي .. لكن اعتقد انه بيكون شي رائع بالنسبة لي خصوصا انه يعرض ملخص حياتي من اول مانولدت الى الان .. اتذكر الاشخاص اللي مرو بحياتي وكان لهم أثر بحياتي او كانت لهم بصمة فيها .

طبعا الكثير منكم يحتفظ بدفتر خاص فيه يكتب فيه اي حادثة مهمة مرت بحياته .. اي ذكرى سواء كانت مؤلمه او لحظة حلوة مستحيل ينساها .. ويرجع لها الدفتر بين فترة وفترة .

اما انا ماعندي دفتر للاسف

لأن أكره ماعلي الكتابة لاسباب شخصية << ابد مو على شان خطه خرابيش دجاج

.. لدرجة اني مرات لاجيت ارجع لأي دفتر لي ابي معلومه معينه انصدم اني ماني قادر اقرأ اللي كتبته

<< ومستانس

على شان كذا فكرت اني استغل حبي للكتابة بمدونتي المتواضعه واني اخلي مذكرتي ودفتري الخاص فيها .

في البداية راح اكتب عن طفولتي البريئه << امحق بريئه

راح اكتب الاشياء اللي اتذكرها ولا نسيتها للحين

//

في البداية اسمي نواف .. كائن حي مولود في عام 1987 .. السادس من اكتوبر << من القرادة مولود بوقت الحرب

اللهم لاحسد بداية حياة جميلة .

بداية حياتي كانت في تبوك .. بحكم ان جدي كل تجارته كانت هناك ..وابوي كان الفترة هذيك ساكن مع جدي وجدتي لانهم كبيرين بالعمر وكان هو اللي يهتم فيهم خصوصا ان جدي لما كبر بالسن ماعاد يشوف .. وكان ابوي هو اللي يساعده بكل اموره .

طبعا ابوي كان المحبوب عند جدي من بين كل اولاده .. وكان دايم يقوله اذا جاك اول ولد باخذه لي << فاهم الموانه غلط خخخخ

ومرت الأيام والأيام

وفي السادس من اكتوبر عام 1987 الموافق الخامسة فجرا .. خرج نواف الى الحياة

ملاحظة بسيطة .. من زود ماني نشبة جلست ببطن امي عشر شهور مو تسع زي العالم والناس خخخخخخخ

<< حتى وانا توني مانولدت بثر

طبعا جدي وجدتي فرحو فيني بشكل مو طبيعي .. وجدي قال لابوي : ولدك بسميه نواف << سبب التسمية الله اعلم

ولا الوالد كان ناوي يسميني شي مو كويس ابدا

بس زين الحمد لله جت على نواف

يمكن اكثر شي اعتبر محظوظ فيه اني كنت المدلل بين ابناء عمي عند جدي وجدتي .. وكنت الشخص الوحيد اللي عنده تصريح بانه يلمس صلعة جدي

كنت دايم اذا زهقت من اللعب مع الصغار اروح لجدي ركض واخمه وبعدها ابدا المس بصلعته خخخخخخخخخ وكان ابوي يعصب من هالحركة ويقولي وخر عن جدك ياولد بس طبعا جدي يصارخ عليه ويقوله لاتكلمه مالك شغل الا نواف <<< ابد ماخقيت مع نفسي

كان دايم جدي...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 1073 التعليقات 48 Dr.Nefo غير متواجد حالياً

// .. معــايدة المرضــى .. تقرير .. //

كتبت 27th December 2007 في 07:21 PM بواسطة Dr.Nefo (في مثـل هذا اليوم)
تم تحديثها 28th December 2007 في 03:37 AM بواسطة Dr.Nefo

بسم الله الرحمن الرحيم

كل عام وانتم بخير .. بعد الزحمة ..

طبعا هالعيد مو مثل أي عيد لسببين

السبب الأول : احتفظ فيه لنفسي

السبب الثاني : بسبب رحلة لأول مرة اروحلها ولا هي الاخيرة ان شاء الله .. الا وهي .. معايدة المرضى بالعيد .

كانت الزيارات مقسمة لثلاث مستشفيات مختلفة بثلاث أيام .. بدأنا السبت وانتهينا الثلاثاء .

صراحة كل زيارة كان فيه شي يميزها عن الثانية .. خصوصا الزيارة الثالثة .. وان شاء الله راح اكتب كل اللي اتذكره عن كل زيارة .

بتكلم عن كل زيارة بالتفصيل

الزيارة الاولى

..// مستشفى الملكـ خالد الجامعي ..//

ملاحظة : الزيارة كانت جدا غير منظمة على شان كذا التقرير بيصير حوسة شوي تحملو

كانت الزيارة الأولى ..يمكن هي اصنفها انها الزيارة الاسوأ لعدة اسباب .. يمكن اهم سببين خلى الزيارة كذا .. سوء التنظيم .. وان في طلاب كثيرين ماعرفهم فـ كان فيه نوع من الرسمية وكانت اغلب الجلسة تعارف .

بالاضافة ان مارافقنا احد من مسؤولي المستشفى لغرف المرضى ورتب الوضع " سبحن الله اي شي متعلق بجامعة الملك سعود لازم يكون سيء

"

المهم

سلمنا على بعض وكل واحد عرف عن نفسه وبدينا نوزع انفسنا بقروبات على شان نبدأ الزيارة .

طبعا كل واحد كان مطلوب منه :

1_ دلة قهوه " على شان نقهوي الدكاترة اللي يشتغلون بالمستشفى + المرضى + الممرضين والممرضات وباقي الموظفين " .

2_ مبلغ 130 ريال " على شان الهدايا للاطفال والعيديات للمرضى " .

3_ ارتداء الزي السعودي

<< كان وده يلبس السكرب

المهم دفعنا القطة وكل واحد كان له مهمة ..اللي معه الحلا واللي معه العيديات واللي معه القهوة .

بدينا ندخل على غرف المرضى

وعايدنا عليهم واغلب المرضى كانو مستانسين بالعيديات .. واذا لقينا دكتور ولا دكتورة او ممرضة نعايدهم ونسلم عليهم بالاضافة الى كوب من القهوة

.. وكله كوم والممرضات الفلبينيات كوم ثاني .. لما نعطيهم يناقزون من الفرح واللي تسجل اسمها على العيدية واللي تجي تقول طيب ابي وحدة لولدي

وحالة .

عايدنا العدد اللي نقدر عليه من المرضى .. بس يمكن اللي كان ناقصنا بالزيارة هذي معايدة الاطفال .. والحمد لله هالشي صار بالزيارة الثانية " اللي راح اتكلم عنها بعد شوي "

بدينا الساعة عشر ونص وانتهينا على صلاة الظهر .. واخذنا بالنهاية صورة جماعية وبعدها تفرقنا على وعدنا اليوم الثاني .

الزيارة الثانية

// مركـز الملكـ فهد الوطني للاورام ..//

نبذة عن المركز : انشأ هذا المركز الدكتور ناصر الرشيد .. حفظه الله

يعتبر مركز الملك فهد الوطني لأورام الاطفال ومركز الابحاث اول مركز طبي متخصص لعلاج مرضى سرطان الاطفال وتتجاوز نسبة علاج الحالات السرطانية لدى الاطفال بنجاح 70٪ من الحالات الواردة للمركز

نبذة عن الدكتور ناصر الرشيد :

رجل تبرع...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 1019 التعليقات 55 Dr.Nefo غير متواجد حالياً

][][ مذكـرات مخلبية .. الجـزء السـادس ][][

كتبت 24th November 2007 في 06:01 PM بواسطة Dr.Nefo (في مثـل هذا اليوم)

بسم الله الرحمن الرحيم

شخباركم عساكم بخير ؟؟

شلون اختباراتكم عساكم مبدعين وكل الأمور تمام

بهذه المدونة الجميلة .. سوف أتحدث عن لحظات عصيبة ومضحكة بنفس الوقت

على شان كذا لحد يشره علي اذا الجزء هذا طلع ثقيل دم شوي لاني بكتب لكم تجارب فعلا كانت صعبة علي بس بنفس الوقت لاتذكرتها ضحكت على نفسي

وفي هذه المدونة أعرض لكم زاوية جديدة تسمى بـ // لحظـات غباء // .. أستعرض فيها بعض اللحظات الغبيه

أتمنى ان تنال على رضاكم

<< شعنده

// .. نيفو الإرهــابي .. //

<<ماتجي نيفو وارهابي ولا؟

بثاني متوسط على ماعتقد .. أيام أحداث 11 سبتمر بالتحديد .

مرة كنا بحصة الرسم .. لحظة فيه نقطة ابي اوضحها

- فـاصل اعلاني -

طبعا المعروف عني .. اني ادمي خطي خرابيش دجاج

.. يمكن هالشي يحطمني بس مرات احس له فايدة .. يعني مثلا لما اكتب بالإختبار كلام كثير ويجي المدرس يصحح يناظر الخط تحوم كبده ويحط صح بدون مايكمل تصحيح

.. مرة كانت عندنا حصة رياضيات .. وكان المدرس يكتب بسرعة ونكتب وراه .. مسح السبورة .. الطلاب قالو لااااااا يا استاذ شدعوة ماكتبنا

.. قال من كتب فيكم يرفع يده .. محد رفع يده الا انا .. ناظرني بنص عين وقال : يعني مافي احد كتب .. الله يعين .. ورجع كتب الكلام مرة ثانية <<< احساس صعب د2 حطمني اللعين

- عـدنا -

بحصة الرسم .. طلب منا المدرس نرسم أي شي يخطر ببالنا .. منظر أعجبنا أو موقف نرسمه .

فكرت وش اكتب فكرت فكرت فكرت

جت ببالي فكرة ورسمتها .. ورحت مستااااااااانس للمدرس

اقول ببالي " يارب يمدحني ولو مرة بس " << ماقد قاله رسمك زين

ملاحظة : هالمدرس أستممتع لما استهبل عليه .. انا خلقه رسمي زفت واذا قال ارسمو ارسم بسرعة واروح عنده اقوله شف الابداع شلون

يناظرني كذا

<< لعين من يومي صغير ياحبيلي

المهم نرجع لمحور حديثنا

بعد مارحت وعطيت المدرس الرسمه

ناظر المدرس الرسمة ... لقاني راسم برجين وداخله فيهم طيارة

<<< ماجبت العيد أبد

قال: مجنون انت !! يارب وش هالبزر اللي ابتلشت فيه !!!

من اللي علمك على هالاشياء << لما قالي كذا حسيت اني راسم اصبع حشيش مب برجين

حولني للمدير .. قاله يا استاذ شف هالولد وش مسوي .. قال غريبة نواف اخبرك هادي ومؤدب .. ناظرت المدير وقلت : ومازلت كذلك يا أستاذ

.. المدرس شافني بارد واستلكع طرطع قال المدرس : يا استاذ يا انا يانواف .. عطى المدرس المدير الرسمة .. ناظرها وفقع ضحك

قال : الله يقطع ابليسك يانوافوووه

قلت : ماذا فعلت يا أستاذ

<< ومازال الاستلكاع مستمرا

قال المدير : الله يهديك ياولدي تبي تسكر مدرستنا انت

خل عنك هالخرابيط .. قلتله ان شااااااء ماطلبت شي

<< المدرس جالس يسمع الحوار وشكله كذا

من بعدها .. المدرس قالي لاترسم شي بتاخذ فل مارك بس فكناا من شرك

انتهتـ

...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 896 التعليقات 41 Dr.Nefo غير متواجد حالياً

][][ مواقف مخلـبية .. الجزء الخـامس ][][

كتبت 9th November 2007 في 09:03 PM بواسطة Dr.Nefo (في مثـل هذا اليوم)

بسم الله الرحمن الرحيم

شخباركم عساكم بخير

الفترة هذي فترة اختبارات

الله يعديها على خير إن شاء الله على الجميع .

في هذه المدونة .. كالعادة راح اكتب بعض الموقف المخلبية وان شاء الله تعجبكم

بسم الله نبدأ

][][ تقي الدين أورلان يعقوب ][][

شخص من الشخصيات الأسطورية اللي مرت بحياتي

تقي الدين هو سواق صديقي المليح أيمن .. هالسواق مميز عن باقي السواقين بانه يتملك كمية كبيرة هائلة جدا من الغباء المستفحل

والفهاوة مسيطره عليه بشكل كلي .

واليكم بعض مواقف الغباء من هذا الشخص المليح

* مره من المرات كنت مع أيمن .. وجالسين نتكلم عن السواقين وعن مشاكلهم .. تنهد وقال : اااااااااااه يانواف .. والله ياعندنا سواق يررررفع الضغط د2 قلت كلهم أغبياء وسع صدرك

قال : لا يا نواف صدقني هذا غييير

قال : تصدق نواف مرة أمي قالت لي خل السواق يبدأ يرش الحوش " الساحة الخارجيه

" بمبيد حشري لأن الحشرات بدات تفلها بزيادة وازداد عددها بشكل مريع .. رحت وجبت للسواق ثلاث علب فليت .. جيت اعلمه التقنية اللي يقتل فيها الصرصور

قال أيمن : تقي الدين

قال : نعم سير

قال أيمن : تقي الدين انتا في امسك هذا فليت واول ماتشوف صرصور في بخ عليه << امحق شرح

قال تقي الدين متعجبا مما سمع : يعني انا في شووف صرصور في بخ !!

قاله أيمن : ايه

قاله تقي الدين بنظرة ذكية مخلبية : طيب اذا ماااافي شوف صرصور ايش سوووووي ؟

ناظره أيمن وخنقته العبرة وقال : اذا مافي شوف رشه على نفسك .. وتركه ومشى

طبعا انا ابد ماتسدحت ضحك على غباء هالشخص

مرة ثانية

كانت أم أيمن تروح مع السواق لمحل ايكيا .. ودايم هي اللي توصف له لدرجة انه راحت مع السواق سبع مرات للمحل يعني المفترض انه حفظ الوصف خلاص

مرة راحت معه ولا وصفت له << على اساس انه كائن طبيعي وحفظ المكان .. ومانتبهت للطريق شوي تناظر ولا هي بطريق المطار .. ناظرت لقت تقي الدين يناظرها بالمراية ويقولها : مادام انتي مايبغى سافر ؟

<< لاعاد تصرف تكفى

ام ايمن خقنتها العبرة وقالت له : لا مايبغى سافر ارجع الله يثيبك

من عجائب هالشخص اللطيف انه لاجا يعد الفلوس مايقول مية وواحد وثلاثين .. لايقول مية ثلاثين واحد

لاضاق صدري اخذت معي فلوس ورحت لايمن اعطيه الفلوس على شان يعدها لي واسمع الارقام العجيبة

انتهتـ

][][ تبرع الدم ][][

قبل سنتين تقريبا .. باجازة الصيف .. كنا نتمشى انا وصديقي عبد الكريم .

قالي عبد الكريم : نواف شرايك نتبرع بالدم

قلت : نتبرع نتبرع ورانا شي

<< فاهمين الفضاوة غلط

رحنا المستشفى نتبرع .. عبينا البيانات وكل شي ودخلنا الغرفة على شان نتبرع .

عبد الكريم جاه دكتور سوري حبيب ابتسم بوجهه وسلم عليه وجلسه وبدأ يسحب الدم منه .

انا ربي بلاني بممرضة قشرة

ناظرتني قالت: امش يالله << حشا خروف مب مـُـتبرع

جلست .. قالت لي: ارفع كمك .. قلت طيب .. ورفعته

قالت : ارفعه...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 761 التعليقات 34 Dr.Nefo غير متواجد حالياً

الصفحة 2 من 3

الأرشيف
< مارس 2010
2	3	4	5	6	7	1
21	22	23	24	25	26	27
28	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	29	30	31	1	2	3