Barho0o0om
كتبت 21st January 2010 في 06:55 PM بواسطة Dr.Nefo
السلام عليكم ورحمة الله وبركاته
شخباركم عساكم بخير
كعادتي كل اربعاء ارجع سعيد من الكلية ومتشقق وابي اطلع حرة كرف كل الاسبوع بالكلية .. طلعت ورجعت غفيت لي شوي بالبيت .. بعدها قمت ورحت لخوياي وسهرنا كالعادة سوا لين نص الليل بعدها رجعت ونمت
لكن هالمرة نمت وحرصت اني اقوم بدري مو زي كل مرة احاول انام كثر ماقدر ...
اللي يسأل عن السبب .. السبب انه اليوم زيارة اخوي الغالي " ابراهيم " بالعسكرية .. واللي لنا تقريبا اسبوعين ماشفناه من يوم مادخل معسكر الخمس واربعين يوم
طلعنا بعد صلاة العصر مباشرة ..طبعا كلمناه قبلها وسألناه وش يبي .. فكان جواب الملازم ابراهيم " ابي كتكات وببسي "
مدري وش يحس فيه بس مايخالف جبناله الكتكات واخذنا عدتنا ومشينا
طبعا الوالدة كان ضايق خلقها لانها ماراح تجي معنا ..بس كويس ماجت لاني شفت ام واحد من الطلاب جاية ومن ورى السور تناظر ولدها وتكلمه جوال .. ضاق خلقي مرة ورحمتها وبنفس الوقت استسخفت نظامهم الغبي " الزيارات للرجال بس ..!! " ... المهم على شان امي مايضيق صدرها خطرت في بالي فكرة اني اخذ الكاميرة معي واصور ابراهيم من اول ماشفناه لين اخر الزيارة .. وهذا اللي صار
اترككم مع الصور
هذي اول ماشفنا ابراهيم من بعيد
هذي صورة لبرهوم وهو يكلم الوالدة عسى الله يحفظها
ابو حمييد جازت له صلعت ابراهيم
هذي صورة لعائلة حبيييتهم الأب جايب شجرة العائلة كلها يسلمون على اخوهم
واخيرا جا مفرق الجماعات " المسؤول عنهم " وبدأ يصارخ ويقول انتهت الزيارة وينادي المستجدين بمصطلحاتهم العجيبة ... ناظرته قلت بعقلي قبل شوي تتبسم بوجيهنا طلع وجهك الصدقي ياتسلب
سلمنا على برهوم ورجعنا للبيت طبعا امي جالسه ضايق خلقها لانها ماشافته وبس سولفت معه .. جيت نقزت عندها واعطيت الوالدة الكاميرة وجلست تتمقل الصور صورة صورة ياحبيلها
ووبس .. كان يوم مميز جدا .. يمكن بدايته كان شوي صعب خصوصا اول ماسلمت على اخوي وشفت ملامحه تغيرت ودمعت عينه .... لكن باقي الزيارة كان كله ضحك وناسة وكل شوي اذب على صلعته العجيبه وعلى تدريباتهم اللي تهد الحيل ..
عسى الله يحفظه ويرجعه سالم لنا ويحفظ كل من يعز عليكم
شخباركم عساكم بخير
كعادتي كل اربعاء ارجع سعيد من الكلية ومتشقق وابي اطلع حرة كرف كل الاسبوع بالكلية .. طلعت ورجعت غفيت لي شوي بالبيت .. بعدها قمت ورحت لخوياي وسهرنا كالعادة سوا لين نص الليل بعدها رجعت ونمت
لكن هالمرة نمت وحرصت اني اقوم بدري مو زي كل مرة احاول انام كثر ماقدر ...
اللي يسأل عن السبب .. السبب انه اليوم زيارة اخوي الغالي " ابراهيم " بالعسكرية .. واللي لنا تقريبا اسبوعين ماشفناه من يوم مادخل معسكر الخمس واربعين يوم
طلعنا بعد صلاة العصر مباشرة ..طبعا كلمناه قبلها وسألناه وش يبي .. فكان جواب الملازم ابراهيم " ابي كتكات وببسي "
مدري وش يحس فيه بس مايخالف جبناله الكتكات واخذنا عدتنا ومشيناطبعا الوالدة كان ضايق خلقها لانها ماراح تجي معنا ..بس كويس ماجت لاني شفت ام واحد من الطلاب جاية ومن ورى السور تناظر ولدها وتكلمه جوال .. ضاق خلقي مرة ورحمتها وبنفس الوقت استسخفت نظامهم الغبي " الزيارات للرجال بس ..!! " ... المهم على شان امي مايضيق صدرها خطرت في بالي فكرة اني اخذ الكاميرة معي واصور ابراهيم من اول ماشفناه لين اخر الزيارة .. وهذا اللي صار
اترككم مع الصور
هذي اول ماشفنا ابراهيم من بعيد
هذي صورة لبرهوم وهو يكلم الوالدة عسى الله يحفظها
ابو حمييد جازت له صلعت ابراهيم
هذي صورة لعائلة حبيييتهم
الأب جايب شجرة العائلة كلها يسلمون على اخوهمواخيرا جا مفرق الجماعات " المسؤول عنهم " وبدأ يصارخ ويقول انتهت الزيارة وينادي المستجدين بمصطلحاتهم العجيبة ... ناظرته قلت بعقلي قبل شوي تتبسم بوجيهنا طلع وجهك الصدقي ياتسلب
سلمنا على برهوم ورجعنا للبيت طبعا امي جالسه ضايق خلقها لانها ماشافته وبس سولفت معه .. جيت نقزت عندها واعطيت الوالدة الكاميرة وجلست تتمقل الصور صورة صورة ياحبيلها
ووبس .. كان يوم مميز جدا .. يمكن بدايته كان شوي صعب خصوصا اول ماسلمت على اخوي وشفت ملامحه تغيرت ودمعت عينه .... لكن باقي الزيارة كان كله ضحك وناسة وكل شوي اذب على صلعته العجيبه وعلى تدريباتهم اللي تهد الحيل ..
عسى الله يحفظه ويرجعه سالم لنا ويحفظ كل من يعز عليكم
مجموع التعليقات 20
التعليقات
-
الله يوفقه ان شاء الله
كتبت 21st January 2010 في 07:04 PM بواسطة slmaaa
تم تحديثها 22nd January 2010 في 01:34 PM بواسطة slmaaa -
ليه ماخليته يكلم امك جيل ثالث
الله يعينهم الطلبه
بس ترا الجويه عسكريتهم ماهي شديده مره .
فيهم عيب واحد الوساخه
الله يوفقه يارب وقله يشد حيله عشان يتخرج بدري
سلم لي عليه
وان شاء الله نشوفه من افضل الطيارين في المملكهكتبت 21st January 2010 في 07:09 PM بواسطة AHMED AL-ZAHRANI -
الله امين
شكرا لك سلمى
,,
اهلين احمد
صحيح كلامك الجوية ماهم شديدين مرة .. لكن تظل العسكرية عسكرية .. عسى الله يعينهم عليها
شكرا على مرورك العطر ونورتكتبت 21st January 2010 في 07:14 PM بواسطة Dr.Nefo -
الله يخليكم لبعض ويقر عينكم بنجاحه يارب..
ويفرح قلب ميمتكم فيكم..
عوافي ..كتبت 21st January 2010 في 07:17 PM بواسطة إنسااااانه - الله يسهل أموره
ويخليه لكم
كتبت 21st January 2010 في 07:18 PM بواسطة ذكريات عابرة -
وعليكم السلام ورحمة الله وبركاته
الله يحفظكم جميع إن شاء الله
رحمت أخوك حسيته صغير
طيب وإذا وحدة تبغى تشوف زوجها ؟
كيف تشوفه ؟
من وراء الأسورا بعد
!!كتبت 21st January 2010 في 08:50 PM بواسطة jo0od -
.
.
الله يخليكم لبعض..
وربي يوفقه إن شاء الله
.
.كتبت 21st January 2010 في 09:11 PM بواسطة الجاذبية -
مساؤكم خير .. يحمل على جناح طير ..
الله يوفقه وييسر أمرهـ
أمكـ
ما تنلام الله يصبرها ويعينها ،،
بس حلو جداً إنك صورت لها اللقاء ،
الله يجمعكم دايم ، ويديم المحبة بينكم ،،
كتبت 21st January 2010 في 09:18 PM بواسطة أحمد بن عبدالعزيز -
الله يوفقكم جميع .. ويقر عين الوالدة فيكم ..
كتبت 21st January 2010 في 09:48 PM بواسطة brightstar -
الله يوفقه ويرجعه لكم سالم
كتبت 21st January 2010 في 09:56 PM بواسطة ورديه -
واضح ان الشموس لاعبة لعبتها ...
الله يوفقه يارب ...
كتبت 21st January 2010 في 11:00 PM بواسطة P E R D U 
-
كفو والله
الله يوفقه إن شاء الله ويتخرّج ملازم أد الدنيا
وتخرّج أنت بعد ولا تبثرنا في ستيتات المسن
.
.كتبت 21st January 2010 في 11:58 PM بواسطة Sensitive Feeling -
الله يوفقه
وتقر عين أمه برجعته
ويرجع لكم مرفوع الأرس ان شاء اللهكتبت 22nd January 2010 في 01:08 AM بواسطة My Senses -
ماشالله تبآرك الله (L)
الله يحميه ..كتبت 22nd January 2010 في 01:09 AM بواسطة روح..! -
عسى ربي يخليه لكم ان شاءالله
-__- أما سالفة الزياره للرجال فقط ! تقهر بصراحه
وش ضارهم يعني يخلونها كنها كشته
يقعدون العائله كامله والام والاخت يشوفون الولد كتبت 22nd January 2010 في 01:40 AM بواسطة no matter
