... حافظ على صديقك ... كن دائما الأفضل
..::●●●●●●●●ـ ـ ـ ـ ـ ـ ●●●●●●●●::..
آعجبتني هالكلمات
قالو ا عن الصداقه
الصداقة كالحب.. قيمة يختلف حولها الناس.. ومعنى يعرفونه سلبا وايجابا.
ايتها الصداقة: لولاك لكان المرء وحيدا، وبفضلك يستطيع المرء ان يضاعف نفسه وان يحيا في
نفوس الاخرين. فولتير
يقول أرسطو عندما سئل عن الصديق: «انسان هو أنت.. إلا أنه بالشخص غيرك».
كلام كبير
الاصدقاء <==== حسيتني جالس اكتب موضوع تعبير
بالأمس كنت اتكلم مع خويي نايف " كنا طالعين نجيب فطور .. كبده ومقلقل وحركات يالله من فضلك
... " المهم اننا جبنا طاري الاخويا وتكلمنا عن اكثر من جانب .. اهمها كانت وجهة نظر نايف اللي اتفق معه فيها .. ان الصاحب ممكن يكون اقرب من الاخ بكثير .. كان تبريره ان الاخ مفروض عليك ويمكن يكون قريب ويمكن لا بينما الصاحب انت تختاره بنفسك .
لما سمعت كلام نايف ربطته بايميل جاني من اسبوع تقريبا وعجبني " مع اني مو من محبي الرسايل اللي تجي ع الايميل وفيها كلام كثير .. لكن هالرسالة شدتني لان محتواها ذكرني بمواقف كثيرة "
اترككم مع القصة الان وارجع لكم بتعليقي بعدها
كان هناك طفل يصعب ارضاؤه , أعطاه والده كيس مليء بالمسامير وقال له : قم بطرق مسمارا واحدا في سور الحديقة في كل مرة تفقد فيها أعصابك أو تختلف مع أي شخص
في اليوم الأول قام الولد بطرق 37 مسمارا في سور الحديقة ,
وفي الأسبوع التالي تعلم الولد كيف يتحكم في نفسه وكان عدد المسامير التي توضع يوميا ينخفض,
الولد أكتشف أنه تعلم بسهوله كيف يتحكم في نفسه ,أسهل من الطرق على سور الحديقة
في النهاية أتى اليوم الذي لم يطرق فيه الولد أي مسمار في سور الحديقة
عندها ذهب ليخبر والده أنه لم يعد بحاجة الى أن يطرق أي مسمار
قال له والده: الآن قم بخلع مسمارا واحدا عن كل يوم يمر بك دون أن تفقد أعصابك
مرت عدة أيام وأخيرا تمكن الولد من إبلاغ والده أنه قد قام بخلع كل المسامير من السور
قام الوالد بأخذ ابنه الى السور وقال له
(( بني قد أحسنت التصرف, ولكن انظر الى هذه الثقوب التي تركتها في السور لن تعود أبدا كما كانت ))
عندما تحدث بينك وبين الآخرين مشادة أو اختلاف وتخرج منك بعض الكلمات السيئة, فأنت تتركهم بجرح في أعماقهم كتلك الثقوب التي تراها
أنت تستطيع أن تطعن الشخص ثم تخرج السكين من جوفه , ولكن تكون قد تركت أثرا لجرحا غائرا
لهذا لا يهم كم من المرات قد تأسفت له لأن الجرح لا زال موجودا
جرح اللسان أقوى من جرح الأبدان
الأصدقاء جواهر نادرة , هم يبهجونك ويساندوك.
هم جاهزون لسماعك في أي وقت تحتاجهم
هم بجانبك فاتحين قلوبهم لك
لذا أرهم مدى حبك لهم
:::
القصة ذكرتني بمواقف كثير .. حصلت لي وحصلت لناس لناس اعرفهم
ذكرتني بلحظات الواحد قام بتصرف غبي أرعن ولاحسب حساب لاثار هالتصرف .
يمكن الواحد لاطلع حرته بواحد من الشارع .. او جرح واحد بعيد عنه .. ماراح يحس باثار هالشي
لكن لو كان هالجرح لشخص قريب منك .. نتائج هالتصرف للاسف راح تكون اقسى وأسوأ من سبب هالتصرف بمليون مرة
كم واحد منكم صارت له مشكلة مع صاحبه بسبب شي تافه .. وهالمشكلة شكلت حاجز بينك وبينه ..
كم واحد منا لاشاف ابتسامة صاحبه له صارت مجرد " مجامله " .. في هاللحظة الواحد منا بيندم مليون مرة على تصرفه
كم واحد منا يحس بان عنده طباع كثير سيئه وتنفر الناس منه ومع هذا مافكر يغيرها او على الاقل مافكر يحـاول
بصراحة .. فيه ناس كثير .. وانا اولهم
بداية محاولاتي لتغيير بعض الطباع السيئه فيني كانت ببداية دخولي كلية طب الاسنان .. صار لي موقف مع شخص مقرب لي جدا .. ردة فعلي بها الموقف كانت عنيفه " كعـادتي "
هالمرة مامرت مثل اي مرة .. هالمرة لما شفت ردود فعل خوياي وكيف تضايقو من ردة فعلي حسيت اني راح اخسر اكثر من اللي خسرته قبل .. مو خساره مادية .. او خساره درجات او شي ممكن يتعوض
خساره اصحاب كانو ولازالو بمثابة " الاخوان "
رحت واعتذرت لخويي وبدون اي تردد بعدها بكم يوم وجلست اكثر من اسبوع كل ماشوفه اعتذر له واحاول اشيل ابتسامه المجامله من وجهه .. بس ماتغير شي للاسف
وقتها قررت اني لازم احاول اغير من تصرفاتي واحاول اخفف من حدة ردود فعلي .. على الاقل قلت بحاول
مرت سنتين على اللي صار .. حاولت من خلالها اضغط على نفسي بمواقف كثير ولا افكر ارد لاني متاكد ان ردة فعلي بتكون اكبر من اللازم .. كنت لاحسيت ان مزاجي مو مرة احاول اقعد مع نفسي ولا اضايق احد .. فكرت بمليون حل وحل على شان اغير هالصفة السيئه .. وبالنسبة لي ماحس اني تغيرت وكان هالشي مضايقني بس كنت مقتنع اني حاولت ... لين ماجا يوم مانساه
كنا جالسين مرة نسولف عن بعض المواقف السخيفة وجيت انا وتكلمت عن الموقف نفسه وقلت اني ندمت عليه وان ردة فعلي كانت اكبر من اللازم .. قاطعني واحد من خوياي وقال " نواف انت الحين وييين واول وييين .. اول لا الواحد سلم عليك صكيته كف
<< صيغة مبالغة ماعليكم منه علق بعدها خويي الثاني ان بعض العادات السيئه خفت عندي وان مشاكلي مع خوياي قلت " نوعا ما طبعا "
وقتها حسيت ان محاولاتي ماكانت عبارة عن استهبال .. وانها جابت نتيجة .. فرحت بها الشي كثير .. فرحت لان خساره خوي بالنسبة لي مثل خسارة الاخ تماما ويمكن اصعب .
مواقف خوياي لي بالاوقات الصعبة كثير ومستحيل انساها ..
كل ماشوف او اسمع ان فلان سوى لخويي الثاني خدمه انبسط وافتخر ان عندي اخويا زي كذا .
كل مرة اسمع فيها ان فلان تهاوش مع فلان والسبب "سخيف " وردة الفعل كانت قوية وجارحة ... اتمنى ان الشخص هذا يجلس يفكر مع نفسه ويسال نفسه " الى متى "
كل شخص يجبر نفسه على الدراسة في بعض الاحيان لانه عارف عاقبة الاهمال ايش راح تكون .
كل شخص منا يلتزم بقوانين الحياة لانه يعرف عاقبة مخالفة الانظمه .
ليه ماكل واحد فينا يحاول يغير من نفسه .. على شان يحافظ على صداقاته .. اهم اسباب سعادة الانسان ..!!
الاخ مفروض عليك لانه اخوك ولازم تتحمله مهما كان ..!!
لكن صديقك .. اخترته بنفسك .. لانك وجدت سعادتك معه .. لانك وثقت فيه .. لانك وجدته الاخ قبل الصديق ..!!
بالنسبة لي .. ماتخيل حياتي أبدا بدون خوياي ..
حافظ على صديقك .. غير من نفسك .. وكن دائما الأفضل
اللي له موقف معين يذكره بها الخصوص .. او صفة سيئه يتمنى يغيرها لانها تضايق اللي حوله .. وعنده الشجاعه يكتبها .. المجال مفتوح للجميع : )
مجموع التعليقات 19
التعليقات
-
رآئع يآ نوآف ,, رآئع
صآحبك ,, آخوك ,, مهمآ كآن ,,
حتى لو غلـط ,, أكيد آنه مآ يقصد ,,
لصفآء قلبك عزيزيكتبت 31st July 2009 في 07:08 AM بواسطة Mr.Lonely
-
مروركـ الأروع صديقي العزيز
دمت بخيركتبت 31st July 2009 في 07:54 AM بواسطة Dr.Nefo -
روعه الموضوع ..
صفه العصبيه انا موجودهـ عندي بس مرتبطه بـ المزاج !
انا مزاجيه درجه أولى وممكن أنرفز من اي شي ..
اتذكر دايم بـ الثانوي .. اعصب على ناس واهزئهم واجلدهم بـ الكلام .. بس لانهم كانو داقين يصحوني اذاكر
من جد كنت لحالي مشكله !
مدري كيف صبرو علي صديقاتي
صح اني بديت أخف الحين عن اول واحاول اني افكر بـ كلمتي قبل اقولها
لأنه من جد انا أجلد بـ الكلام واستفز اللي قدامي !!
مدونه خطيرهـ د.نيفو ..
زمان عنك !
امسككتبت 31st July 2009 في 08:42 AM بواسطة F 6 0 0 -
رووووووووووعهـ الموضوع
تسلم اخوي
أنا الصفهـ اللي فيني وتكرّهـ اللي حولي
عنيدهـ درجه اولى
ومااغيّر رأيي ابد
سابقاً
الحين تغيّرت
لأني لاحظت انها تبعد الناس من حولي كثير
وتزعلهم
وتعبت وربي عشان أتركهها
والحمدللهـ ربي قدّرني ع تركها
بس باقي فيني شوية عناد
\\
لـ روعة طرحكـ
كتبت 31st July 2009 في 09:16 AM بواسطة د.ملاك -
رائـع رائـع نواف ..
,
صراحـهـ كلمة " صـداقـهـ " , كلمـهـ كبيرهـ جدا ً !
لها معاني عظيمهـ !
بس فيهـ ناس للأسف ما تحترمـهـا !
,
الشخص بدون أصدقاء كـ الـغـسّـالـهـ بدون مـويـهـ !
من جـد , الأصدقاء شيء أساسي في حياتنا !
,
الصفهـ اللي الناس تعتبرهـا سيئة فيني , بس أنا أعتبرها ميزهـ ومرتـاح بها !
اللي هي : الغموض !
أنا أشوف اني غامض في الأمور اللي تحتاج هالشيء !
يعني مو لازمـ كل شيء ينقال !
فيهـ أشياء أحتفظ فيها لـ نفسي !
.,:
شكرا ً نواف ,
كتبت 31st July 2009 في 10:47 AM بواسطة الكتلوني -
نيفــــو .. كم انت كبيـــر ياصااحبــي ..
كلمــأأت أكثر من راائعــه .. كلمـآت ــ أكثــر من راائعــه ...
كلمــأأأت صدرررت عن صفــآآء قلــب ...
تفكــر في بعض الاحيـآآن .. عن ماافعلــته في دنيــآآآكـ ..
تفكــر في اصدقــآآء لكــ ,, أيــن ذهبــوا وفيمـآآ كــانوا ..
وبالاخيــر .. عند الرحيـــل ,, لايتبــقى ســوآآ العمــل الصــآلح .. والدعــآآآء لكــ .. من كــل قـــريــب ,,,
نيفــو شكـــرآ لصفــأء قلبكـ ..
شكــرآ لصــراحــه عقلكـــ ..
دمــت متألقــــآ ..
كــان هنااا .. ســآمي ..كتبت 31st July 2009 في 11:21 AM بواسطة !S@M - أبدعت يا صاح
كتبت 31st July 2009 في 12:00 PM بواسطة healing touch -
كلمات رائعة جدااااااا,,,فعلا الصداقة شي عظيمكتبت 31st July 2009 في 12:08 PM بواسطة vdvd - f600 ... د.ملاك
اقتباس:صفه العصبيه انا موجودهـ عندي بس مرتبطه بـ المزاج !
انا مزاجيه درجه أولى وممكن أنرفز من اي شي ..اقدر اقول اني شخص كبيراقتباس:رووووووووووعهـ الموضوع
تسلم اخوي
أنا الصفهـ اللي فيني وتكرّهـ اللي حولي
عنيدهـ درجه اولى
ومااغيّر رأيي ابد .. جمعت مابين كل عيوبكم 
صدق ان طبعي مشكلة لازم اشوف له حل
المزاجية والعناد والأنانية .. صفات تدمر الصداقة " نهائيا "
مروركم الأروع .. شكرا لكماقتباس:مدونه خطيرهـ د.نيفو ..
دمتم بخيركتبت 31st July 2009 في 01:23 PM بواسطة Dr.Nefo - د. مشمش
تشبيه عزوبي مايعرف يغسل ملابسهاقتباس:رائـع رائـع نواف ..
,
صراحـهـ كلمة " صـداقـهـ " , كلمـهـ كبيرهـ جدا ً !
لها معاني عظيمهـ !
بس فيهـ ناس للأسف ما تحترمـهـا !
,
الشخص بدون أصدقاء كـ الـغـسّـالـهـ بدون مـويـهـ !
اقتباس:من جـد , الأصدقاء شيء أساسي في حياتنا !
,
الصفهـ اللي الناس تعتبرهـا سيئة فيني , بس أنا أعتبرها ميزهـ ومرتـاح بها !
اللي هي : الغموض !
أنا أشوف اني غامض في الأمور اللي تحتاج هالشيء !
يعني مو لازمـ كل شيء ينقال !
فيهـ أشياء أحتفظ فيها لـ نفسي !
.,:
شوف مشاري
حلو لما تكون غامض بعض الشيء امام الكل .. لان اكبر خطأ ممكن يسويه الواحد انه يقول كل شي يخص حياته للناس .. بالنسبة لي اعتبره ضعف
جزء من حياتك لابد ان تحتفظ فيه لنفسك ..وبالنسبة لي اتوقع ان هذا شي طبيعي وولاوصل الى مرحلة الغموض
كل الشكر لكـاقتباس:شكرا ً نواف ,
دمت بودكتبت 31st July 2009 في 01:28 PM بواسطة Dr.Nefo - سامي .. صديزي الكويس
اقتباس:نيفــــو .. كم انت كبيـــر ياصااحبــي ..
كلمــأأت أكثر من راائعــه .. كلمـآت ــ أكثــر من راائعــه ...
كلمــأأأت صدرررت عن صفــآآء قلــب ...
تفكــر في بعض الاحيـآآن .. عن ماافعلــته في دنيــآآآكـ ..
تفكــر في اصدقــآآء لكــ ,, أيــن ذهبــوا وفيمـآآ كــانوا ..
وبالاخيــر .. عند الرحيـــل ,, لايتبــقى ســوآآ العمــل الصــآلح .. والدعــآآآء لكــ .. من كــل قـــريــب ,,,
نيفــو شكـــرآ لصفــأء قلبكـ ..
شكــرآ لصــراحــه عقلكـــ ..
كل الشكر لك ياصديقي على اطرائك وكلماتك الرائعه
اقتباس:دمــت متألقــــآ ..
كــان هنااا .. ســآمي ..
كنت ولازالت هنا ياصديقي الكويسكتبت 31st July 2009 في 01:31 PM بواسطة Dr.Nefo - Healing touch ... vdvd
اقتباس:كلمات رائعة جدااااااا,,,فعلا الصداقة شي عظيماقتباس:أبدعت يا صاح
الشكر لكم على مروركم وتعليقكم على مدونتي
دمتم بودكتبت 31st July 2009 في 01:33 PM بواسطة Dr.Nefo -
دايما كنت اقول مثل كذا ان الاخوان ناس انفرضوا عليك بس الاصدقاء انت تختارهماقتباس:ان الاخ مفروض عليك ويمكن يكون قريب ويمكن لا بينما الصاحب انت تختاره بنفسك .
احس اني المفروض اعطي صاحباتي شهاده لانهم تحملوني
أكبر مشكله لما تكون شخص مزاجي وعصبي وزايده ع كذا ماتفكر تعتذر لو ايش حتى لو كنت غلطان>>ماتقصد نفسها ابدا
تجرح ناس كثير اذا ماتحكمت بنفسك
شكرا نواف كعادتك مدونه بطله
لصاحباتي
لككتبت 31st July 2009 في 02:47 PM بواسطة Dr.LaMoOo -
تصدق من زمان وأنا نفسي أتكلم بهالموضوع
لأني فعلاً أحاول أتغير وأتعذب نفسياً عشان تتغير صفة المزاجية عندي
يعني لا صرت مروق .. أصير أحسن واحد .. لكن لا قفلت قفلت
طبعاً أخوياي متضايقين من الشي هذا وأنا دايم أحاول أضفط علـى نفسي عشان تتغير الحالة البايخة هذي ..
أنا ما أقتنع أن الشخص إذا كان فيه طبع بايخ يقول هذا طبعي وإذا بغيت تصادقني تقبلني بكل مزاياي وعيوبي .. صح أنا بأتقبلك .. لكن لازم تتغير للأحسن ..
مو منطق أنك تستسلم لطبعك وتخلي الناس يحاولون يتأقلمون عليه والمفروض أنك تسوي العكس وتأقلم نفسك على ترك هالطبع
أشكرك والله يا عزيزي .. وأشكر لك طرحك
كتبت 31st July 2009 في 05:06 PM بواسطة MOSUB -
اقتباس:هم جاهزون لسماعك في أي وقت تحتاجهم
هم بجانبك فاتحين قلوبهم لك
**
ع الجرح
أنا لو احد زعلني مره وكان له مكانه مستحيل يرجع لنفس المكانه الي كان فيها مهما صار
حتى لو السالفه مع الوقت تشوفها مره تافهه
بس جرحني بشي حتى لو انا اعرف اني
سنستف على قوله احدهم
واعرف عيب بس عجزت خلاص احس مااقدر اطالع بخلقته
**
جلست افكر بمدونتك كثير
كثير من هم فقدتهم وكثير اعرف انه بيجي يوم وبفقدهم
بس ان شاء الله يذكرونا دايم بالخير هذا اهم شي
جميل مادون هناكتبت 31st July 2009 في 05:24 PM بواسطة Alfajr
