منتديات تجمّع طلاب و طالبات جامعة الملك سعود

Barho0o0om

كتبت 21st January 2010 في 06:55 PM بواسطة Dr.Nefo (في مثـل هذا اليوم)

السلام عليكم ورحمة الله وبركاته

شخباركم عساكم بخير

كعادتي كل اربعاء ارجع سعيد من الكلية ومتشقق وابي اطلع حرة كرف كل الاسبوع بالكلية .. طلعت ورجعت غفيت لي شوي بالبيت .. بعدها قمت ورحت لخوياي وسهرنا كالعادة سوا لين نص الليل بعدها رجعت ونمت

لكن هالمرة نمت وحرصت اني اقوم بدري مو زي كل مرة احاول انام كثر ماقدر ...

اللي يسأل عن السبب .. السبب انه اليوم زيارة اخوي الغالي " ابراهيم " بالعسكرية .. واللي لنا تقريبا اسبوعين ماشفناه من يوم مادخل معسكر الخمس واربعين يوم

طلعنا بعد صلاة العصر مباشرة ..طبعا كلمناه قبلها وسألناه وش يبي .. فكان جواب الملازم ابراهيم " ابي كتكات وببسي "

مدري وش يحس فيه بس مايخالف جبناله الكتكات واخذنا عدتنا ومشينا

طبعا الوالدة كان ضايق خلقها لانها ماراح تجي معنا ..بس كويس ماجت لاني شفت ام واحد من الطلاب جاية ومن ورى السور تناظر ولدها وتكلمه جوال .. ضاق خلقي مرة ورحمتها وبنفس الوقت استسخفت نظامهم الغبي " الزيارات للرجال بس ..!! " ... المهم على شان امي مايضيق صدرها خطرت في بالي فكرة اني اخذ الكاميرة معي واصور ابراهيم من اول ماشفناه لين اخر الزيارة .. وهذا اللي صار

اترككم مع الصور

هذي اول ماشفنا ابراهيم من بعيد

هذي صورة لبرهوم وهو يكلم الوالدة عسى الله يحفظها

ابو حمييد جازت له صلعت ابراهيم

هذي صورة لعائلة حبيييتهم

الأب جايب شجرة العائلة كلها يسلمون على اخوهم

واخيرا جا مفرق الجماعات " المسؤول عنهم " وبدأ يصارخ ويقول انتهت الزيارة وينادي المستجدين بمصطلحاتهم العجيبة ... ناظرته قلت بعقلي قبل شوي تتبسم بوجيهنا طلع وجهك الصدقي ياتسلب

سلمنا على برهوم ورجعنا للبيت طبعا امي جالسه ضايق خلقها لانها ماشافته وبس سولفت معه .. جيت نقزت عندها واعطيت الوالدة الكاميرة وجلست تتمقل الصور صورة صورة ياحبيلها

ووبس .. كان يوم مميز جدا .. يمكن بدايته كان شوي صعب خصوصا اول ماسلمت على اخوي وشفت ملامحه تغيرت ودمعت عينه .... لكن باقي الزيارة كان كله ضحك وناسة وكل شوي اذب على صلعته العجيبه وعلى تدريباتهم اللي تهد الحيل ..

عسى الله يحفظه ويرجعه سالم لنا ويحفظ كل من يعز عليكم

Dr.Nefo

انعدام توازن

نشرت في ‏غير مصنف

المشاهدات 315 التعليقات 20 Dr.Nefo غير متواجد حالياً

Ask me " اسألني " : )

كتبت 15th January 2010 في 10:16 AM بواسطة Dr.Nefo (في مثـل هذا اليوم)

http://www.formspring.me/Nefo

Dr.Nefo

انعدام توازن

نشرت في ‏غير مصنف

المشاهدات 165 التعليقات 4 Dr.Nefo غير متواجد حالياً

ابسـألكـ ياصاحبي ..!!

كتبت 4th January 2010 في 09:49 PM بواسطة Dr.Nefo (في مثـل هذا اليوم)

Dr.Nefo

انعدام توازن

نشرت في ‏غير مصنف

المشاهدات 113 التعليقات 9 Dr.Nefo غير متواجد حالياً

حدد خياراتك .. واستمتع بالحيـاة

كتبت 4th December 2009 في 08:08 PM بواسطة Dr.Nefo (في مثـل هذا اليوم)

السلام عليكم ورحمة الله وبركاته

شخباركم عساكم بخير ؟؟ << غباااااااار هالادمي

من زمان عن المدونات والتدوين .. طبعا البركة بالدراسة اللطيفة والنفسية المخيسة فيها ... لكن بما ان الاختبارات قربت اتوقع ان الموهبة التدوينية والقريحة المخيسة سوف تعود قريبا بإذن لله

الاسبوع الجاي اسبوع ناري جدا .. اختبارين وثلاث كويزات ... طبعا مثلي مثل أي شاب سعودي تجيه الاجازة ويقول ببدايتها " بريح كم يوم وبعدها بقطع الكتب والمذاكرة "

خلصت الدراسة ونواف الفلة ماخلص الا اربع صفحات من اول محاضرة من اول مادة << جملة مليئة بالاحباط والكسل اللامتناهي

عموما ماطول عليكم هذا ايميل حلو جدا جاني وحبيت انقله لكم .. واعتذر عن الانقطاع الطويل << محد درا عنك

/

/

اقل الايمان انشروها بايميلاتكم : ) ... يمكن غيرك يتحمس لها الشي وتكسب اجره واجر اي شخص يقرأ ايميلك .

الله يوفق الجميع باختباراته & دمتم بـخير

Dr.Nefo

انعدام توازن

نشرت في ‏غير مصنف

المشاهدات 304 التعليقات 20 Dr.Nefo غير متواجد حالياً

... حافظ على صديقك ... كن دائما الأفضل

كتبت 31st July 2009 في 07:01 AM بواسطة Dr.Nefo (في مثـل هذا اليوم)
تم تحديثها 31st July 2009 في 07:53 AM بواسطة Dr.Nefo

..::●●●●●●●●ـ ـ ـ ـ ـ ـ ●●●●●●●●::..

آعجبتني هالكلمات

قالو ا عن الصداقه

الصداقة كالحب.. قيمة يختلف حولها الناس.. ومعنى يعرفونه سلبا وايجابا.
ايتها الصداقة: لولاك لكان المرء وحيدا، وبفضلك يستطيع المرء ان يضاعف نفسه وان يحيا في
نفوس الاخرين. فولتير
يقول أرسطو عندما سئل عن الصديق: «انسان هو أنت.. إلا أنه بالشخص غيرك».

كلام كبير

الاصدقاء <==== حسيتني جالس اكتب موضوع تعبير

بالأمس كنت اتكلم مع خويي نايف " كنا طالعين نجيب فطور .. كبده ومقلقل وحركات يالله من فضلك

... "

المهم اننا جبنا طاري الاخويا وتكلمنا عن اكثر من جانب .. اهمها كانت وجهة نظر نايف اللي اتفق معه فيها .. ان الصاحب ممكن يكون اقرب من الاخ بكثير .. كان تبريره ان الاخ مفروض عليك ويمكن يكون قريب ويمكن لا بينما الصاحب انت تختاره بنفسك .

لما سمعت كلام نايف ربطته بايميل جاني من اسبوع تقريبا وعجبني " مع اني مو من محبي الرسايل اللي تجي ع الايميل وفيها كلام كثير .. لكن هالرسالة شدتني لان محتواها ذكرني بمواقف كثيرة "

اترككم مع القصة الان وارجع لكم بتعليقي بعدها

كان هناك طفل يصعب ارضاؤه , أعطاه والده كيس مليء بالمسامير وقال له : قم بطرق مسمارا واحدا في سور الحديقة في كل مرة تفقد فيها أعصابك أو تختلف مع أي شخص

في اليوم الأول قام الولد بطرق 37 مسمارا في سور الحديقة ,

وفي الأسبوع التالي تعلم الولد كيف يتحكم في نفسه وكان عدد المسامير التي توضع يوميا ينخفض,

الولد أكتشف أنه تعلم بسهوله كيف يتحكم في نفسه ,أسهل من الطرق على سور الحديقة

في النهاية أتى اليوم الذي لم يطرق فيه الولد أي مسمار في سور الحديقة
عندها ذهب ليخبر والده أنه لم يعد بحاجة الى أن يطرق أي مسمار

قال له والده: الآن قم بخلع مسمارا واحدا عن كل يوم يمر بك دون أن تفقد أعصابك
مرت عدة أيام وأخيرا تمكن الولد من إبلاغ والده أنه قد قام بخلع كل المسامير من السور

قام الوالد بأخذ ابنه الى السور وقال له
(( بني قد أحسنت التصرف, ولكن انظر الى هذه الثقوب التي تركتها في السور لن تعود أبدا كما كانت ))

عندما تحدث بينك وبين الآخرين مشادة أو اختلاف وتخرج منك بعض الكلمات السيئة, فأنت تتركهم بجرح في أعماقهم كتلك الثقوب التي تراها

أنت تستطيع أن تطعن الشخص ثم تخرج السكين من جوفه , ولكن تكون قد تركت أثرا لجرحا غائرا
لهذا لا يهم كم من المرات قد تأسفت له لأن الجرح لا زال موجودا
جرح اللسان أقوى من جرح الأبدان
الأصدقاء جواهر نادرة , هم يبهجونك ويساندوك.
هم جاهزون لسماعك في أي وقت تحتاجهم
هم بجانبك فاتحين قلوبهم لك
لذا أرهم مدى حبك لهم

:::

القصة ذكرتني بمواقف كثير .. حصلت لي وحصلت لناس لناس اعرفهم

ذكرتني بلحظات الواحد قام بتصرف غبي أرعن ولاحسب حساب لاثار هالتصرف .

يمكن الواحد لاطلع حرته بواحد من الشارع .. او...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 450 التعليقات 19 Dr.Nefo غير متواجد حالياً

::: مشروع رائع ::

كتبت 18th June 2009 في 11:41 AM بواسطة Dr.Nefo (في مثـل هذا اليوم)

السلام عليكم ورحمة الله وبركاته

قبل فترة كنت اتكلم مع ادارة المنتدى بخصوص مشروع ممكن نطبقه بالتجمع ويكون بشكل سنوي .

وبالأمس وصلني على البريد نفس فكرة المشروع " المشروع طبعا يـُطبق باغلب العوائل وفكرته رائعه جدا وبسيطة بنفس الوقت "

لاحد يتكاسل ويقول الكلام مكرر وقديم

اللي يقرأ فوائد هالمشروع بنهاية الشرح اللي تحت راح يكتشف ان هالمشروع عظيم وبنفس الوقت بسيط ولا يحتاج الا الى مجهود بسيط ونية صادقه .

::::::::::

برنامج الصدقة بريال يومياً

قال رسول الله صلى الله عليه وسلم : (( ما من يوم يصبح العبادُ فيه إلا ملكان ينزلان ، فيقول أحدهما : اللهم أعط منفقاً خلفاً، ويقول الآخر: اللهم أعط ممسكاً تلفا" متفق عليه.

:::::::::::::

المشروع رائع وممكن يطبقه الواحد في بيته ويقول لأهله بحيث يسوي الواحد منا صندوق للعائلة يضع فيه كل فرد من افراد العائلة " ريال فقط " يوميا .. يشكر الله سبحانه على تمام الصحة والعافية وعلى نعمه انعمها الله عليك وفضلك على كثير من خلقه .

لو فرضنا ان عائلتك تتكون من ست أفراد .. كل فرد يتبرع بريال يوميا " المجموع راح يكون 6 ريال يوميا " .. يعني بالشهر 180 ريال .. يعني بالسنه 2160 ريال ..!!

.. هالمبلغ ممكن يُصرف في مشاريع خيرية كثيرة " كفالة يتيم .. سداد دين أو فاتورة عائلة فقيرة .. وقف خيري .. وغيرها من المشاريع المتوفرة في الجمعيات الخيرية .

تخيلو لو كل أسرة طبقت هالمشروع شلون مجتمعنا بيصير .. المشروع بسيط جدا ولكن ثمراته عظيمه في الدنيا والاخرة.

أتمنى كل من قرأ الموضوع واعجبته فكرة المشروع ينشره بين اصدقاءه وافراد عائلته ... وله الاجر إن شاء الله .

" اللهم اجعل هذا العمل خالصا لوجهكـ الكريم "

Dr.Nefo

انعدام توازن

نشرت في ‏غير مصنف

المشاهدات 675 التعليقات 20 Dr.Nefo غير متواجد حالياً

(L)

كتبت 8th June 2009 في 11:48 AM بواسطة Dr.Nefo (في مثـل هذا اليوم)

::

::

::

::

أتركـ التعليق والكتابة هالمرة لكم

Dr.Nefo

انعدام توازن

نشرت في ‏غير مصنف

المشاهدات 578 التعليقات 32 Dr.Nefo غير متواجد حالياً

باختصار .. هذا مافعله بي العثمان صباح اليوم ..!!

كتبت 1st June 2009 في 09:38 PM بواسطة Dr.Nefo (في مثـل هذا اليوم)
تم تحديثها 2nd June 2009 في 12:41 AM بواسطة Dr.Nefo

بسم الله الرحمن الرحيم

اليوم فرحتين

أول فرحة

هو حفل تخرج أخوي الصغير " ابراهيم " من الثانوية العامه

سبحان الله ماسرع الأيام .. قبل ايام قليلة كنت اكتب بالمنتدى احداث حفل تخرجي من الثانوية .. واليوم اكتب لكم خبر تخرج اخوي الصغير من الثانويه العامه .

ثاني فرحة

اتصال جاني الساعه التاسعه صباحا وانا في عز نومي

المتصل : الو

انا : هلا مين معاي

المتصل : نواف اليوم التكريم وراح يكون باللقاء الطلابي الساعه عشر

انا : من جدك ؟ طيب ثواني جايكم طيراااان

اخذت لي شور على السريع ولبست ثوبي وشماغي ودزيت بكل ما أوتيت من قوة

وصلت اللقاء .. حضرته كاملا من الساعه 10 وحتى الساعه 12 ..

بدأ اللقاء بالقران الكريم

بعدها بدأ العثمان بمقدمة عن الجامعه وانجازاتها سابقا وعن ماسوف تقدمه قريبا

بعد هذا وذاك بدأ باستقبال اسئلة الطلاب والطالبات

كنت في بداية اللقاء قد اتيت من الجل التكريم ليس الا .. ولا اخفيكم اني تضايقت عندما سمعت المقدم يبلغنا بان التكريم سوف يكون اخر الحفل .

توقعت ان الحفل مجرد رسميات او مثل مايقولون " كلام جرايد " .

لكن اللي حصل كان غير ..!!

بدأ الدكتور العثمان بمقدمة عن جامعه الملك سعود وعن الانجازات التي قامت بها الجامعه وعن الخطط المستقبلية للجامعه .

في هذه اللحظة بدأت انجذب لكلام الدكتور العثمان .. وبدأت في التمعن في كلامه وانبهرت بالانجازات التي قدمها الدكتور العثمان وفي فترة قريبة مقارنه بالانجازات السابقة للجامعه .

بعدها بدأ معاليه باستقبال أسئلة الطلاب .. وهذه بعض المشاهدات التي تحضرني الان

_ بدأ مشوار الأسئلة الطالب المتميز محمد حطوط " محامي الطلاب الأول " .. وبدأ في طرح العديد من القضايا بداية بمطالبته بوجود خط ساخن بين الطلاب وادارة الجامعه لحل المشاكل التي تحتاج الى حل فوري ... وطرح قضية المأكولات المقدمه من شركة الخليج ومطالبته بتغيير الشركة ..ثم طالب معالي مدير الجامعه بوجود لقاء في كل فصل دراسي يلتقي معاليه مع ابناءه في بداية كل فصل دراسي ووافق معاليه على الفور ... واخيرا تحدث عن الشمس الحارقة التي يعانون منها طالبات عليشا اثناء التنقل بين المباني وطالب بحل هذه المشكلة باسرع وقت ممكن .

_ شاركت اليوم احدى طالبات السنه الاولى في اللقاء وذكرت بعض النقاط المتعلقة بالكلية .

و تحدثت عن المشكلة الحاصلة في التقييمات العملية وان هناك اجحاف في حق الطالب والطالبة في بعض الاحيان وطالبت بان يكون هناك نظام واضح يحدد الجوانب التي من خلالها يتم تقييم الطالب والطالبة .

ثم تحدثت عن مشاكل الطلاب والطالبات بالدوام المتأخر خصوصا ان جميعا يعلم ان طالب وطالبة كلية طب الاسنان لايخرج من الكلية قبل الساعه الرابعه عصرا في اغلب ايام الاسبوع ... واخيرا تحدثت عن مشكلة التنقل بين الكليات وعن تاخر الباصات وينتج عن هذا تأخر الطالبات عن المحاضرات الملقاه خارج الكلية .

_ تحدث احد...

متابعة القراءة ...

Dr.Nefo

انعدام توازن

نشرت في ‏غير مصنف

المشاهدات 611 التعليقات 35 Dr.Nefo غير متواجد حالياً

عنــق الزجــاجة ..!!

كتبت 27th April 2009 في 02:22 PM بواسطة Dr.Nefo (في مثـل هذا اليوم)

من عرفت نفسي وانا اسمع " شد حيلك يانواف ترى هالمرحلة هي .. عــنق الزجاجة ..!! "

يوم كنت بثالث ثانوي مرة من المرات وقبل بداية الدراسة بايام جلست معي امي وكانت توصيني على دراستي بحكم اني البكر ولازم اشد حيلي واجيب اعلى المعدلات ووو .. الخ

كانت تقولي " شد حيلك ترى خلاص هذي هي عنق الزجاجة .. وبعدها كل شي سهل بحول الله "

شديت حيلي وقلت سنه وتهون .. وتخرجت وجبت المعدل المطلوب .. وطلعت لنا السنة التحضيرية ولأول مرة يطبقونها على دفعتنا < دفعة التجارب اللهم لاحسد

دخلنا التحضيرية وقلنا يالله تساهيلك .. وعشنا سنه مأساوية كل ماضاعت درجة جاني شلل اطفال من كثر الوسوسة والخوف .. ولكن الحمد لله ختامها مسك وعدت بخيرها وشرها .

دخلنا اول سنه طب أسنان وجلست مع خالي اسمع نصائحه بحكم انه طبيب اسنان .. جلس ينصحني ويحذر ويقول " شد حيلك يانواف ترى اول سنه تعتبر هي الأساس "

وترى هي اللي فيها صعوبة شوي لانها مواد جديدة عليك والنظام جديد عليك

يعني باختصار هي " عنق الزجاجة " << ياذا الزجاجة اللي عيت تنفتح

دخلنا سنه اولى وبدأ المشوار الاسناني وبدأت معه الصعوبات والمشاكل تجدد علاقتها معي ...!!

انتهت السنه بخيرها وشرها والحمد لله على كل حال ..!!

خلصت السنه الاولى وجاءت معها التباشير والاخبار الجميلة من سنه ثاني ...!!

قابلت ولد عمي مرة من المرات بعزيمه وسالته عن سنه ثاني وعن وضع الدراسة فيها وهل هو فعلا اسهل من سنه اولى

ناظرني وابتسم ابتسامه لي ثلاث سنوات كل ماسأل شخص عن شي بالدراسة وبكل تفاؤل يجاوبني بها النظرة وهالابتسامة ...

عرفت وقتها ان عمري بيخلص قبل لا اطلع منه هالزجاجه ..!!

دخلت سنه ثاني ببرود اعصاب وانتهت بكل بساطة وسهولة بدون ماشيل هم شي .

مدري هل هو برود ناتج عن الضغط اللي حصل بالسنوات الماضية .. هل هو ردة فعل بعض تصرفات اعضاء هيئه التدريس الظالمه اتجاه الطلاب اللي لالهم حول ولا قوة .

أو اني بديت احس ان الدنيا مو بس دراسة .. وان الحياة كلها مشاغل وهموم .. بمجرد ماتنتهي مرحلة تبدأ مرحلة جديدة لاتقل أهمية عن سابقتها .

باختصار شديد .. عمر الانسان عبارة عن زجاجه شبه مغلقة .!!

أسأل الله سبحانه ان اخرج منها بسلام .

Dr.Nefo

انعدام توازن

نشرت في ‏غير مصنف

المشاهدات 442 التعليقات 27 Dr.Nefo غير متواجد حالياً

من أقوال أم نـواف " حفظها الله "

كتبت 1st March 2009 في 02:30 AM بواسطة Dr.Nefo (في مثـل هذا اليوم)

اليوم وكعادتي بعد صلاة المغرب ... جلست مع الوالدة اتكلم معها وابشرها بدرجاتي اللي اخذتها اليوم .. اخذتنا السوالف لين قالت لي سالفة علقت في راسي وقررت اني لافتحت المنتدى اكتبها بمدونتي الخاصة

/

القصة باختصار ان احد الاشخاص شاف في منامه لاكثر من مره شخص يتكلم معه بالمنام وبنهاية كلامه يقول اسمه كامل مع رقم جواله ..!!

تكرر الأمر مع الرجل لدرجة انه حفظ اسم الشخص ورقم الجوال .. اتصل على شيخ وفسر حلمه وكان جواب الشيخ صدمه للرجل .

الشيخ قال : اتصل على هالرقم وتاكد من الاسم وان طلع هو فمطلوب منك تاخذه لاداء مناسك العمرة ..!!

نفذ الرجل كل كلام الشيخ واتصل وتاكد منه وطلع هو فعلا نفس الشخص وكانت المحادثة كالتالي

صاحب المنام : السلام عليكم .. انت فلان الفلاني ؟

الرجل : عليكم السلام ... اي نعم امر وش بغيت

صاحب المنام : ادري بتستغرب من كلامي بس انا شفتك بمنامي ولما سالت شيخ عن المنام قال خذ هالرجال للعمرة

الرجل وهو يضحك : انا ماصليت تبيني اعتمر ؟ بس اذا مثل ماقلت عادي اجي معك بس كل المصاريف عليك

وافق الرجال واخذه للعمره وبعد انتهائهم من العمرة خاطب صاحب المنام الرجل وقاله : طيب ع الاقل صلي ركعتين قبل لا نطلع من بيت الله

كبر الرجل وبدأ في صلاته .. وسجد وكانت هي اخر سجده في حياته .. توفى الرجل وهو ساجد

بعد فترة من الحادثه اتصل صاحب المنام على زوجة الرجل وسألها .. زوجك وش كان عليه ..؟؟؟؟؟

قالت الزوجة : كان شارب للخمر وتارك للصلاة ومهمل في دينه .. لـــكن كان في كل وجبة ناكلها لازم يخصص جزء منها لجيراننا الايتام ... وكانت ام الايتام في كل مرة تقول " الله يحسن خاتمتك ويوفقك "

//

سبحانك ربي .. كان مهمل في دينه لكن صدقاته وحسن تعامله مع الايتام حقق له شي كبير .. شي يتمناه كل مسلم .. الا وهو حـُسن الخاتمة

اللي استغرب منه .. ليش الشخص اذا اهمل في صلاته او في احد اركان الدين استنكرو الناس منه اي عمل خيري او تطوعي ؟ هل فعل الخير محصور على رجال الدين .. وليه لما يـُسئل الشاب عن قلة الاعمال التطوعية الخيرية يجاوب بكل بساطة " انا ماني مطوع ليش اسوي كذا ؟

استفسار جا ببالي بعد ماسمعت القصة وتذكرت امور كثير

اللهم ارحمه برحمتك وارحم جميع اموات المسلمين ... واحسن خاتمتي وخاتمة جميع المسلمين

Dr.Nefo

انعدام توازن

نشرت في ‏غير مصنف

المشاهدات 316 التعليقات 15 Dr.Nefo غير متواجد حالياً

الصفحة 1 من 3

الأرشيف
< فبراير 2010
2	3	4	5	6	7	1
24	25	26	27	28	29	30
31	1	2	3	4	5	6
7	8	9	10	11	12	13
14	15	16	17	18	19	20
21	22	23	24	25	26	27
28	1	2	3	4	5	6