المساعد الشخصي الرقمي

مشاهدة النسخة كاملة : كيف وضع الطالب في الترم الصيفي



مجبور
2nd August 2008, 07:35 PM
السلام عليكم ورحمة الله وبركاته
اعتقد انكم قريتم الموضوع
كيف وضع الطالب في الترم الصيفي؟؟؟
ابي اعرف وضع كل طالب من طلاب كلية الهندسة في هذا الترم
يعني مرتاح نفسيا
حاس انه ماشي تمام او متعثر
ومن هذه الامور
المهم
ابي اكلمكم عن وضع مجبور
انا ذا الايام نفسيتي شوي تعبانه
كل مااذاكر احس اني مالي نفس
يعني مو متحمس لدراسة مثل الترم اللي راح
المهم اختبرنا كويز الاسبوع اللي راح
يوم جاء اليوم جانا الدكتور ضايق
مدري حاس انه شوي زهقان
مادري بالظبط
المهم بدا يشرح الدرس بعد ذلك يوم بقى على المحاضرة ربع ساعة وتنتهي
سألنا
كيف الاختبار
قلنا ماش والله يادكتور
المهم قال الي نجح اثنين منكم والباقي سقطوا
وقال كذلك اذا كنت مفكر انك بتمشي في الصيف يعني بدف ومن ذا الامور
لاتتوقع ذلك
وبدا يحلف
ويقول
مااراح احد بينجح الا بيده
ومررررررررررررررررررة معصب
ثم قال
اذا كنتم بتحذفون الكورس احذفوة ارتاحوا وريحونامعكم
وحتى الطلاب اللي حاملين الكورس تكلم عن وضعهم
انا على فكرة ماقلت نفس كلامه بالظبط بس اللي فهمته
عموما
ابي اعرف ليش الدكاترة يتعاملون مع الطلاب في هذه الاوقات الصعبة بهذه الطريقة
احنا صحيح غلطانيي والمفروض نذاكر ونشد حيلنا في ذا الاجازة
لكن تونا خالصين من ترم طويل وممل
كيف يبون النفسية ترتاح
هذا اولا
ثانيا احنا نانفرض على الدكتور انه ساعدنا في الصيف بحيث انه يعطي كل طالب درجات من عنده
لا
بس بقدر مايشوف الطالب مجتهد يشارك معه في الكلاس
محافظ على حظورة اعتقد انه حتى لو ان هذا الطالب تعثر في الاختبارات فيساعده
على الاقل
مو لهذه الدرجة مااساعد ولا طالب
ولا افرق بين طالب منتظم وطالب مو منتظم
وبعدين الفكرة بسيطة يعني ماعنده الا شعبة وحده يمديه حتى يعرف كل طالب
فاتمنى ان يسامحني الجميع اذا كنت اخطأت في شي ما
وان ماقلت لكم الا الي فهمته
من كلام دكتورنا
واقول لكم شدو حيلكم كلكم ترى اللي ندرسة في الصيف مثل اللي ندرسة في اي ترم
لاحد يفكر ان في دف ومساعده
شيل ذا الكلام من راسك
اجتهد وا
والله يوفق الجميع
اخوكم مجبور

Illinois
2nd August 2008, 08:55 PM
أخوي مدري ويش فيك شايل الهموم والغموم فوق راسكجش2
طيب ويش رايك اللي يداوم من الصبح إلى المغرب لا وبعده مباشرة اختبار 203 ريض من 35 درجةa020 وبالنسبه لي عادي ماخذ المسألة فريف5
اما بالنسبة انه واحد يقول والله باخذ صيفي عشان الدكاترة يدفون ومن هالكلام الفاضي غلطان 100% ، وذلك ان الترم الصيفي موب اجباري ومحد مسك على يدك وقال سجل!! والدكتور مو مجبور يدف أحد أو يخلي الأسئلة تافهه عشانه صيفي! .، بعض الطلاب للآسف شفتهم بعيني بأول أسبوع يداوم ويجي يحذف تسئله ليش؟ يقول ياخي طفشت !!!، بالله مو حرام عليه خرب على كم طالب من التسجيل عشان مزاج الأخ مو رايق!!!!، فالواحد قبل ماياخذ الصيفي لازم يعرف ويش هدفه منه
بالتوفيق لجميع الصيفيينمز1

silent night
9th August 2008, 03:51 PM
السلام عليكم

هلا وغلا بك اخوي مجبووور

انا في البداية كنت متفائل وكنت ابي اجيب قريدات حلوة

لكن طحت في دكتور اسمه مادري وشو البداح

عموما شرحه أي كلام وغلطاته مرررة كثيرررة

هذا ولا شئ للحين

أول محاضرة شاف عددنا 42 طالب تدري وش قالنا

قال معليش يا شباب بس عددكم كثير إذا انتوا منزلين المادة كذا وصيفي ودف فالأمور هذي موعندي

إذا انت كذا نظامك روح واحذف المادة احسن لك (ويقول باقي على الحذف 3 أيام )

المهم ما قصر وسوى اللي براسه على بداية الأسبوع الثاني صار العدد 22 طالب

الطلاب خافو وحذفوها

ولا اقولك أن للحين 22 طالب راح يكملون للأسف سامع اليوم حدود 7 طلاب راح يحذفون الصيفي من نفس الشعبة

تخيل شعبة من 42 طالب تصير 15 طالب وكله بسبب التهديد والكلام الفاضي اللي يقوله الدكتور

وأخلاقه ماش وياخذ ما تيسر ويخلي ما تعسر

تحس انه مغصوووووب على الصيفي !! مادري ليش؟

لكن إن شاء الله اني راح اصمد ويا أنا يا هو خط1

والمفروض انه يحمس الطلاب اوكي لا يدف وولا وووووو

لكن اهم شئ يحط قدامه عدة أمور اهمها العالم صيفية مو ترم عادي
يعني راعي الطلاب شوي في مسألة التأخير والغياب
يعني تخيل مادة أم 3 ساعات يدرس المحاضرة والتمارين نفس الدكتور يقولك لك 4 غيابات بس شاملة التمارين !!!!

وبس

وما نقول الا حسبنا الله ونعم الوكيل على من كان السبب في إلزامي في الصيفي

وبالتوفيق للجميع