المساعد الشخصي الرقمي

مشاهدة النسخة كاملة : كم رواتب الأطباء بالعادة ؟؟ تفرق من تخصص لتخصص ؟؟



mag_ksa
21st September 2007, 11:41 AM
هو اعرف انه سؤال شوي متشتته اجابته
لكن ما سالت الا لما استغربت من شي

انا احد اقاربي دكتور
استشاري اطفال في مدينة الملك فهد الطبية بالرياض
صار له طبيب قرابة 12 او 13 سنة
قاللي ان راتبة 12000 ريال فقط
معقولة .. استشاري ... 12 سنة عمل .. وفي الاخير على 12000 ريال

لكن الادهى والامر
اخو صديق لي جراح مخ واعصاب
ما اعرف كم صار له بالضبط لكن حول 5 سنوات من تخرج
ويشغلل برضو مدينة الملك فهد الطبية
لكن هذا اول ما اشتغل كان راتبة 14000
والآن صار راتبة 18000
معقوووولة !!!!!!!!!!!!!

ممكن تفسير هالشي
هل الراتب يفرق من تخصص لتخصص ؟؟

㍈㌠㋡Dr.DeaTH㋡㌙㍌
21st September 2007, 12:39 PM
انا احد اقاربي دكتور
استشاري اطفال في مدينة الملك فهد الطبية بالرياض
صار له طبيب قرابة 12 او 13 سنة
قاللي ان راتبة 12000 ريال فقط
معقولة .. استشاري ... 12 سنة عمل .. وفي الاخير على 12000 ريال
يمكن هو يتبع وزارة الصحة وما يتبع التشغيل الذاتي للمدينه الطبية ..
12000 هذا الراتب الاساسي غير البدلات مع البدلات بيوصل راتبه لـ 25 ألأف تقريبا ... وتلقاه اصلا يشتغل في القطاع الخاص زيادة مثل اغلب دكاترة وزارة الصحة ..
اللي على نظام التشغيل الذاتي الاستشاري يستلم حول 35 الى 50 ألأف او اكثر ..


لكن الادهى والامر
اخو صديق لي جراح مخ واعصاب
ما اعرف كم صار له بالضبط لكن حول 5 سنوات من تخرج
ويشغلل برضو مدينة الملك فهد الطبية
لكن هذا اول ما اشتغل كان راتبة 14000
والآن صار راتبة 18000
معقوووولة !!!!!!!!!!!!!

لا راتبه اعلى من كذا اصلا هذا طبيب مقيم والطبيب المقيم في المدينه الطبية يستلم 15500 ريال شهريا غير العلاوة السنوية ومدري اذا عندهم بونس والا لا ( لأن هالطبيب ما بعد صار اخصائي مخ واعصاب لأن جراحة المخ والاعصاب مدة بروقرام التخصص 6 سنوات في السعودية )..



سبق وبينت الرواتب للاطباء في موضوع قبل كذا ...

عموما ابعيدها لك ...
اول ما تتخرج اسمك يكون طبيب مقيم وتقدر تشتغل في اي تخصص تبيه ( راجع موضوع تفكر في الطب ؟ ودك تسأل عن نظام دراسته ) وفيه كل المعلومات ...
المهم راتبك اول ما تتخرج يختلف على حسب المكان او المستشفى وما يعتمد على التخصص لأن كلهم نفس الشي ( بالنسبة للطبيب المقيم )

والرواتب تتراوح من :
وزارة الصحة : تبدا براتب 12 ألأف تقريبا وعلاوة سنوية حوالي 380 ريال تقريبا وفيه اخبار شبه مؤكدة ان شا الله انهم راح يرفعون الراتب الى 14 ألأف تقريبا ...

مستشفى الملك خالد الجامعي : الراتب للطبيب المقيم حوالي 12500 ألأف ...
والمعيد ياخذ حول 10500 ألأف مدري اذا رفعوه شوي والا لا بس يعتبر الاقل ..

مستشفى قوى الامن :
راتب الطبيب المقيم حوالي 15 ألف بس ما عندي فكرة عن العلاوات والبونس ..

مدينه الملك فهد الطبية :
راتب الطبيب المقيم حوالي 15500 ألأف ريال شهريا غير العلاوات والبونسس

مستشفى الحرس الوطني :
راتب الطبيب المقيم حوالي 16 ألأف ريال غير العلاوة والبونس ..

مستشفى التخصصي :
راتب الطبيب المقيم حوالي 17 ألأف تقريبا غير البونس والعلاوة ( البونس حقهم تاخذ راتب شهر اساسي كل سنه حوالي 12 ألأف سنويا )

مستشفى العسكري . فيه نظامين
اولا نظام MSD
وراتبه مثل وزارة الصحة وعلى نفس سلم الرواتب ..
نظام RKH .وراتب الطبيب المقيم حوالي 18 ألأف مع علاوة سنوية 1000 ريال ( يعني كل سنه يزود راتبه ألف ريال ) وبونس حوالي 14 ألأف ريال سنويا ..


مدينه الامير سلطان الانسانية ..
راتب الطبيب المقيم حوالي 20 ألأف ريال شهريا ..

المركز الصحي بحي النخيل ( تابع للاستخبارات )
راتب الطبيب المقيم حوالي 20 أللف .. وهو المكان الوحيد اللي يطلب معدل جيد جدا للتوظيف ( علشان كذا ما تلقى عندهم احد ) لان ما عندهم برنامج تخصص واذا تبيهم يبتعثونك لازم تشتغل عندهم سنتين وما عندهم الا تخصص طب اسرة ومجتمع ..


واولا واخيرا ما شا الله ح3
ملاحظة ..
الرواتب اللي ذكرتها تقريبية قد تزيد شوي او تنقص شوي ..
الرواتب اللي ذكرتها هي الراتب النهائي مضافه له البدلات ..


وطبعا كل ما حصلت على مسمى ( اخصائي - اخصائي اول - استشاري - استشاري اول ) يزيد راتبك بشكل قوي ..
والاعتماد الاساسي في الدخل القوي بعد الله يكون في القطاع الخاص بشكل عام ..

وفيه بدل اسمه بدل تخصص نادر ممكن يعطى لبعض التخصصات للاستشاري والاخصائي بس ما ينعطى للطبيب المقيم ..

دكتور اكس
21st September 2007, 01:08 PM
سبقتني بتبيين نقطة البونس اللي تفرق فرق كبير على راتب الأساس

mag_ksa
21st September 2007, 03:58 PM
ما شااااااء الله تباااااااااارك الله
تصدق اول مره اعرف ان رواتب الاطباء عاليه بالشكل هذا
انا كنت احسب الاستشاري ان تقطع تقطع وخبرة وحالته حاله 20ألف

اللي على نظام التشغيل الذاتي الاستشاري يستلم حول 35 الى 50 ألأف او اكثر ..
وش تقصد بالتشغيل الذاتي
وكيف اتحول من طبيب مقيم الى اخصائي او استشاري

وسؤال آخر ويا سلام لو تجاوبوني عليه
انا ودي اتخصص جراحة عامة
لكن عشان اسير اخصائي او استشاري هل لازم احدد تخصص معين مثل أخصائي جراحة عظام او استشاري جراحة مخ واعصاب
او ممكن تكون اخصائي جراحة عامة او استشاري جراحة عامة

طيب انت وضحت رواتب المقيمين
شخبار رواتب الاخصائيين والاستشاريين
لا تعطيني قائمة وتتعب معي لكن اعطيني المتوسط وقد ايش تزيد تقريبا

blue eye
21st September 2007, 04:26 PM
د ديث الله يجزاك خيييييييييييييييييييييييي ييييييييييييييييييير


سلامز

㍈㌠㋡Dr.DeaTH㋡㌙㍌
21st September 2007, 07:10 PM
وش تقصد بالتشغيل الذاتي
يعني شركة معينه تدفع للمستشفى الرواتب ...
يعني بالعربي هالشركة مهمتها تدير المستشفى وهي اللي تولى كل الامور المالية .. وبهالطريقة تقل السرقات عل حد ما ..
يعني تجي الدولة وتقول لهالشركة خذي هذا عشرطعش مليون وحركوا لنا المستشفى والشركة تسوي الباقي ..


وكيف اتحول من طبيب مقيم الى اخصائي او استشاري
شرحنا هالنقطة كثير .. ارجع لموضوع ( تفكر في الطب ؟ ودك تسأل عن نظام دراسته ) اللي موجود في هالقسم من المنتدى..ض2


وسؤال آخر ويا سلام لو تجاوبوني عليه
انا ودي اتخصص جراحة عامة
لكن عشان اسير اخصائي او استشاري هل لازم احدد تخصص معين مثل أخصائي جراحة عظام او استشاري جراحة مخ واعصاب
او ممكن تكون اخصائي جراحة عامة او استشاري جراحة عامة
لكل تخصص من هذولي برنامج تخصص منفرد ... يعني اول ما تتخرج تقدر تدخل برنامج تخصص جراحة عامة ومدته خمس سنوات .. او برنامج تخصص جراحة عظام ومدته 5 سنوات او برنامج تخصص جراحة مخ واعصاب ومدته 6 سنوات ...
بعد ما تخلص برنامج التخصص تختبر اختبار البورد واذا نجحت تحصل على البورد السعودي ويصير اسمك اخصائي ... وبعدها تدخل في الزمالة وهي عبارة عن تخصص دقيق في التخصص اللي انت اخترته .. مثلا في الجراحة العامة تقدر تدخل جراحة غدد مثلا او جراحة كبد وجهاز مراري واذا خلصت الزمالة يصير اسمك استشاري .. طبعا بيحوسونك الهيئة السعودية لين يخلونك استشاري الا اذا كنت جايب البورد والزمالة من امريكا او كندا تصير استشاري على طول بعد ما تنهي الزمالة غصب عن خشومهم ..
(ملاحظة : خلال فترة برنامج التخصص راح تكون تشتغل عادي مثل اي طبيب متخصص في هالمجال يعني في الجراحة راح تسوي عمليات عادي مثلك مثل اي اخصائي جراحة بس راح يكون الاخصائي هو رئيسك في العمل وهو اللي يشرف عليك وعلى تدريبك والاستشاري يشرف عليكم كلكم وراح يكون فيه تققيمات لك خلال هالفترة واختبارات مع نهاية كل سنه علشان تنجح للسنه اللي بعدها يعني موب الدعوة محاضرات وشغل جامعه ... والزمالة شبيهه بالبورد شوي )


طيب انت وضحت رواتب المقيمين
شخبار رواتب الاخصائيين والاستشاريين
لا تعطيني قائمة وتتعب معي لكن اعطيني المتوسط وقد ايش تزيد تقريبا
انا عطيتك رواتب الاطباء المقيمين لأني طبيب مقيم ومطلع على هالشي م1.. رواتب الاخصائيين اعلى طبعا اتوقع ان كان الطبيب المقيم في مستشفى يستلم 15 ألأف مثلا الاخصائي راح يستلم في حدود 25 أللف والاستشاري في نفس المستشفى راح يستلم في حدود الـ 40 ألف على الاقل في نفس هالمستشفى ...

عموما هالارقام قليلة بالنسبة للي يدخله الطبيب الاخصائي والاستشاري في القطاع الخاص ... في القطاع الخاص تقدر تدخل في الشهر في حدود الـ 200 ألأف بسهولة ويمكن اكثر انا اعرف استشاري نساء وولادة يدخل في اليوم في حدود 25 ألف الى 30 ألأف ( في اليوم موب الشهر ) في القطاع الخاص بكثر ما تشتغل بكثر ما تدخل فلوس ..

علشان كذا الواحد لازم ينته قبل يدخل تخصص ويتورط فيه...
وعموما احسن التخصصات من ناحية الدخل المادي ( حسب اللي اشوفه ) طبعا الواحد لازم يشوف اللي يناسب رغبته قبل كل شي وقبل الفلوس لأنه بعدين بتقول ( ليتني اشتريت راحتي بهالفلوس الزايدة )
النساء وولادة - الجلدية - جراحة التجميل - طب وجراحة العيون

مع العلم ان القبول في طب الجلدية ( 4 سنوات)شبه مستحيل وصعب مرة وكل سنه يقبلون خمس اطباء فقط وحوالي 3 منهم يدخلون البرنامج لأن اكثرهم يتورط ولا يلقى مكان في اي مستشفى ( وغلبهم من اصحاب المعدلات العالية ) ... وجراحة التجميل تقبل مثل هالعدد بعد ومدة البرنامج في جراحة التجميل حوالي 6 سنوات ..
وطب وجراحة العيون ( 4 سنوات )يقبل عدد اكبر شوي بس ولو يعتبر قليل ويطلبون معدلات عالية ويقبل حوالي 10 اطباء شباب و3 بنات تقريبا ..

النساء والولادة يقبل بالهبل ح3
واغلب التخصصات الباقية تقبل اعداد كبيرة نوعا ما ما عدا بعض التخصصات اللي تعتبر فرعية نوعا ما ..


وفي الاخير نقول ما شا الله ح3


وموفقين ..


دكتور اكس + بلو اي = الله يعطيكم العافية :ورده:

A7la Doctor
21st September 2007, 07:24 PM
^^^^^^^
ماشاء الله عليك كفيت ووفيت يالغالي وبصراحة كلامك اللي يقراه يشجعه بالذات اذا تكلمت بالرواتب هههه <<< امزح مو تقول ذا مادي لو مادي دخلت ادارة اعمال ..

Cooperative
21st September 2007, 07:47 PM
رواتب الاخصائيين اعلى طبعا اتوقع ان كان الطبيب المقيم في مستشفى يستلم 15 ألأف مثلا الاخصائي راح يستلم في حدود 25 أللف والاستشاري في نفس المستشفى راح يستلم في حدود الـ 40 ألف على الاقل في نفس هالمستشفى ...


. في القطاع الخاص تقدر تدخل في الشهر في حدود الـ 200 ألأف بسهولة ويمكن اكثر انا اعرف استشاري نساء وولادة يدخل في اليوم في حدود 25 ألف الى 30 ألأف ( في اليوم موب الشهر ) في القطاع الخاص بكثر ما تشتغل بكثر ما تدخل فلوس ..

as076 ايه الكلام دا !!! :/:

اجل ليش كل الي اعرفهم يقولون الطب مايوكل عيش.. الين وصلت لقناعة وقلت الحمد لله ان عندي مكافأة الحين :لي:
جد جد !! آخرهم د.ايمن عبده.. قال بالحرف الواحد.. الي داخل طب عشان فلوس ,, ترى مافيه فلوس

وانت قاعد تصدمني بالأرقام هذي,,,

ض2
وضح لي الصورة ,,,

㍈㌠㋡Dr.DeaTH㋡㌙㍌
21st September 2007, 08:10 PM
as076 ايه الكلام دا !!! :/:

اجل ليش كل الي اعرفهم يقولون الطب مايوكل عيش.. الين وصلت لقناعة وقلت الحمد لله ان عندي مكافأة الحين :لي:
جد جد !! آخرهم د.ايمن عبده.. قال بالحرف الواحد.. الي داخل طب عشان فلوس ,, ترى مافيه فلوس

وانت قاعد تصدمني بالأرقام هذي,,,

ض2
وضح لي الصورة ,,,



هين الارقام ماخوذه من واحد ثقة ....

د.ايمن عبده => ما حولك احد ... ( قال هالكلام يقال له ما نبي اطباء اكبر همهم الفلوس = هياط )
شلون ما فيه فلوس طول عمرنا نروح لاطباء ونفحص في القطاع الخاص ونشوف كم يستلمون على كل ( راس ) عملية الليزك شوفي اسعارها شوفي المراكز الطبية كم تدخل ومراكز الجلدية والجراحة التجميلية كم تدخل اكيد ما فيه بنت الا وراحت لمركز طبي حق جلدية وشافت الاسعار بنفسها في ديرما يشوفون كل مريض الظاهر بـ 300 ريال وعليك الحساب كم مريض ينشاف في اليوم... والطبيب ياخذ نسبة بالاضافة الى الراتب ..
جلسة الميزوثيرابي في اوباجي بحدود 3 ألأاف ريال تقريبا غير جلسات الليزر ..

د.ايمن عبده تخصصه جهاز هضمي .. والجهاز الهضمي يشفطون فلوس بالاندوسكوبي حقهم وهالشي معروف عند الجميع والارقام حقت الاسعار في القطاع تثبت هالشي بدون ما نسأل الاطباء ..
وخاصة اعضاء هيئة الدريس في الجامعي اغلبهم يشتغل في مركز الدكتور سليمان الحبيب الطبي ومعروف ان هالمركز يعطي مبالغ معقولة وحلوة ....
( اسألي ايمن عبده وين يشتغل في القطاع الخاص وبكم يسوون الاندوسكوبي وبكم يشوف المريض وكم نسبته على المريض خل يثبت لنا انه ما يستلم مبلغ وقدره )


انا اعرف استشاري يسولف علي يقول : والله يا د.ديث ان القطاع الخاص فيه فلوس خيالية وتقدر تطلع 200 ألأف في الشهر بسهولة بس بشوي مجهود بس انا ما ابي اروح للقطاع الخاص لأني مهتم اكثر بالابحاث .. الى هنا انتهى كلامه ويك1



بالعربي والخلاصة ...فيه تخصصات كثيرة تدخل فلوس وخاصة في قطاع البنوك والاستشارات المالية ...
ولكن ما ننكر ان الطب يدخل فلوس .. واللي ينكر هالحقيقة .. فهو يغالط نفسه ...

انا مرة كنت رايح للكلية ولقيت في المواقف شيك طايح لدكتور في الجامعي كان المبلغ في الشيك ( 30000 ألف ريال )...

اعرف اشخاص يشتغلون في الادارة في اكثر من مستشفى وتجيهم كشوفات الرواتب كلها لكل الاطباء وبعض الاطباء راتبه يوصل لـ 100 ألف ريال .. غير اللي ياخذون ( لوكم ) كم شهر علشان يشفطون فلوس من استشاريين المستشفى الجامعي في المدينه الطبية ... وهم ياخذون اجازة ويروحون ياخذون لوكم في المدينه علشان شفط الفلوس ... ومنهم اطباء استشاريين اذا اخذ التفرغ العلمي حقه ومدته حوالي سنه تلقاه مرتز في المدينه الطبية ...
غير عن بعض اطباء الجلدية ( وشفت واحد منهم في الجامعي وكنت حاضر وقتها ) وهو يشوف مريضة وبعدين يقول لها تعالي عندي في المركز الخاص اللي اشتغل فيه واسوي لك جلسة ليزر بسعر خاص لك ابعطيك الجلسة الوحده بـ 1000 ريال ..( صارت الدعوة تجارة :ؤ: )


ولو تروحين لأكب المراكز الطبية في الرياض وتشيكين على اسماء الدكاترة لا تستغربين انك تشوفين اسماء الاطباء الاستشاريين في الجامعي لأنهم موجودين بكثرة ..


ح3

ATLAS
22nd September 2007, 01:07 AM
أعوذ بالله
الطب صار تجارة

دكتور اكس
22nd September 2007, 05:55 AM
إنت تتكلم على اللي يأخذ راتب ويروح خاص

طيب وش رايك بدكتور ماخذ انتداب جنمب بيته ويشتغل خاصض2

mag_ksa
22nd September 2007, 12:19 PM
دكتور ديث صراحة انا ما ادري وش اقول عنك
كفييييييييييييت ووفيييييييييييييت وما قصرت

بس اللي استغربه ان القطاع الخاص يعطي اكثر من القطاع الحكومي
طول حياتي اعرف ان القطاع الخاص ما يعطي شي
مثل المدرسين والشركات الصغيرة
بس طبعا اكيد الواحد صعب انه يروح مستشفى خاص اول ما يشتغل.. او مثلا يكون معدله نازل
لأن المستشفيات الخاصه اعتقد تبغا ناس متمرسين وعندها خبرة
بس ما اعرف اذا كان للجراحين نصيب في المستشفيات الخاصه ورواتبها ؟؟

㍈㌠㋡Dr.DeaTH㋡㌙㍌
22nd September 2007, 03:43 PM
دكتور ديث صراحة انا ما ادري وش اقول عنك
كفييييييييييييت ووفيييييييييييييت وما قصرت

بس اللي استغربه ان القطاع الخاص يعطي اكثر من القطاع الحكومي
طول حياتي اعرف ان القطاع الخاص ما يعطي شي
مثل المدرسين والشركات الصغيرة
بس طبعا اكيد الواحد صعب انه يروح مستشفى خاص اول ما يشتغل.. او مثلا يكون معدله نازل
لأن المستشفيات الخاصه اعتقد تبغا ناس متمرسين وعندها خبرة
بس ما اعرف اذا كان للجراحين نصيب في المستشفيات الخاصه ورواتبها ؟؟

بالنسبة للقطاع الخاص راح تستفيد منه اذا صرت اخصائي او استشاري ( وطبعا الاستشاري هو اكثر الرابحين )

والقطاع الخاص فيه مستويات يعني لا تقارن مستوصف صغير بمركز طبي كبير ..

المراكز الطبية الكبيرة تطلب المتميزين .. اذا انت جايب البورد الكندي او الامريكي والزمالة الامريكية او الكندية انت تعتبر متميز وكل الناس تبيك وقبل ما تخلص الزمالة بتجيك عروض عمل وانت ما بعد وصلت السعودية ( سبحان الله هالمراكز الخاصة الكبيرة تجيهم الاخبار )

انا اعرف استشاري يقول انه موقع عقد مع مستشفى ثاني غير المستشفى حقه ويزورهم مرتين في اليوم مدة كل زيارة ساعتين ويعطونه على كل زيارة 14 ألأف يعني بحسبة بسيطة يستلم 28 ألأف في اربع ساعات ..


بالنسبة للجراحة ... مرة قال لي جراح .. يقول : احنا نقعد 6 ساعات في عملية واخرتها نستلم على العملية حول 4000 ألأف وطبيب الجلدية ياخذ له جلستين ليزر كل وحده نص ساعة ويستلم على كل وحده 2000 او 3000 ريال × 2 = 4000 الى 6000 ريال وطبيب العيون يسوي ليزك في مدة ربع ساعة ويستلم حول 6000 ريال تقريبا (كلها ارقام تقريبيه) الزبدة اختر تخصص فيه شغل في المجال الخاص والفترة اللي تقضيها مع المريض موب طويلة واختر التخصصات اللي فيها تجميل او كماليات ..

ومكسبك في القطاع الخاص يعتمد على اشياء معينه ..
الشهادات حقتك من وين؟؟ والان كل الناس تفضل الشهادات من امريكا الشمالية ( كندا + امريكا )
وتعتمد بعد على كمية العمل .. اللي يشتغل اكثر يحصل اكثر ( يعني كم ساعة تشتغل في القطاع الخاص)

طبعا فيه تخصصات معينه عدد المتخصصين فيها قليل جدا ونادر وهالاطباء عليهم طلب واجد من شي اسمه الطب الوظيفي ( الاكيوبشنال ميدسن ) حسب علمي ما فيه الا طبيب سعودي واحد في الرياض في هالتخصص .. وهالتخصص تطلبه الشركات الكبيرة ..


وانت طبيب مقيم الشغل الخاص ما راح يجيب لك فلوس وبتنكرف على الفاضي واصلا ما راح تكون فاضي لأن كل وقتك مشغول في مستشفاك الاساسي ولو يدرون عنك يا ويلك بس الاستشاري محد يقدر يقول له شي ....

mag_ksa
22nd September 2007, 05:50 PM
دكتور ديث يا سلام عليكم وعلى ردودك
وألاحظك ما شاء الله في كل المنتدى وفي كل قسم .... لا يكون انت صاحب المنتدى !!!
على العموم في اسئلة خفيفه جايه في الطريق للحين ما خلصنا
اول شي
تعرف بعض اسامي المستشفيات اللي على نظام التشغيل الذاتي باساميها ؟؟ عندنا هنا في الرياض

ملاحظه :

احنا نقعد 6 ساعات في عملية واخرتها نستلم على العملية حول 4000 ألأف
طبعا هذا في مستشفى خاص
بس ما اعرف هل في المستشفى الحكومي الجراح ياخذ مكافئة على العممليات اللي يسويها بس
او يكون عنده راتب شهري محدد او الثنتين مع بعض ( راتب شهري ومكافئة على العمليات )
بعدين 4000 ريال على العملية خير ونعمه يعني لو سوا 10 عمليات شهريا يطلعله 40000 ريال
عاد الواحد لا يكون طماع لهالدرجه

حاجه بعد لسا ما خلصنا
بالنسبة للزمالة انا سمعت ان فيه مستشفيات تبتعث اطبائها لأمريكا وكندا للحصول على الزمالة صحيح ؟؟
وكم مدة الزمالة على الجراحة

وسؤال مهم مرة مرة مرة نسيت اسالة
الرواتب اللي انت ذكرتها في اول رد لك في المستشفيات ( الحرس ومدينة الملك فهد الطبية وغيرها )
هل راتب الطبيب المقيم اعلى او راتب المتخصص اعلى ( جراح او باطني او جلدية .. الخ)

المتأرجح
23rd September 2007, 11:54 PM
عندي أسئلة إضافة إلى أسئلة الأخ الكريم اللي قبلي

1/ الحين ماشاء الله تبارك الله كيف تجمع بين الدوام والكتابة وزي كذا ( يا ليت تكتب موضوع عن حياة الطبيب)
2/ وش الأفضل المستشفيات الحكومية ولا الخاصة ولماذا ؟


thank you so much

㍈㌠㋡Dr.DeaTH㋡㌙㍌
24th September 2007, 08:02 AM
تعرف بعض اسامي المستشفيات اللي على نظام التشغيل الذاتي باساميها ؟؟ عندنا هنا في الرياض
ليش؟ ما احس هالمعلومة مهمة ..
بس عندك العسكري وعندك مدينه الملك فهد الطبية .. وما ادري مين بعد .. بس موب شي مهم .. اعتقد اغلب المستشفيات عنها ..



طبعا هذا في مستشفى خاص
بس ما اعرف هل في المستشفى الحكومي الجراح ياخذ مكافئة على العممليات اللي يسويها بس
او يكون عنده راتب شهري محدد او الثنتين مع بعض ( راتب شهري ومكافئة على العمليات )
بعدين 4000 ريال على العملية خير ونعمه يعني لو سوا 10 عمليات شهريا يطلعله 40000 ريال
عاد الواحد لا يكون طماع لهالدرجه
في المستشفيات الحكومة بعضها ما يعطي الجراح فلوس على كل عملية يسويها .. بعض المستشفيات يخلي اسره خاصة بالبزنس وهذي ياخذ فايدتها الطبيب نفسه او يكون في المستشفى بزنس سنتر ..ودخلها بسيط نوعا ما ..

ابعطيك مثال .. في طب العيون في مستشفى كبير في الرياض ومن المستشفيات المهمه عندهم شي اسمه دي كيس وهي عمليات اليوم الواحد ويسوون فيها عمليات مشكله واغلبها موية بيضا المهم يجمعون تقريبا حوالي 6 حالات ويخلونها يوم الخميس وكل اسبوع لطبيب استشاري يسويها وياخذ عليها فلوس .. تدري كم ياخذ ؟؟؟ ياخذ 1000 ريال على كل يوم ( موب على كل حالة ) ويك1 ... المستشفيات الكبيرة ممكن تعطيك راتب زين بس فوائد ثانية قليلة مرة والفرق في الراتب بين الجراح وغيره موب شي تقريبا ياخذون نفس الراتب ..
ثانيا تقول 4000 ريال زين ولو سوا 10 عمليات في الشهر ..

عندك جراح العيون العملية ما تاخذ معه 10 دقايق (ليزك) ويسوي 6 عمليات في اليوم وياخذ على العملية الوحده 6000 الاف ريال على الاقل واعرف واحد ياخذ عليها 8000 ريال وعليك الحساب اذا فرضنا ان عنده في الاسبوع 3 ايام عمليات او يومين عمليات خل نقول يومين عمليات يعني ياخذ في الاسبوع الواحد 8 + 8 = 16 ألأف في اسبوع وبأقل مجهود هذا اذا فرضنا انه يسوي عملية وحده كل يوم وهالشي مستحيل اقلها بيسوي 4 - 6 عمليات يعني اضرب 16 × 4 = 64 ألف في اسبوع !!...
الواحد يدور التخصص اللي فيه عمليات مصغرة او بروسيجرز صغيرة ما تاخذ وقت وتدخل كثير ..
موب يسوي عملية وحده كل اسبوع وباقي الاسبوع يكتف يديه وهالعملية تاخذ معه 8 ساعات ينكسر ظهره في غرفة العمليات ....

اذا انت تدور على الربح القوي دور التخصصات الصغيرة ( وصعب تلقى فيها قبول لأن كل الناس يبونها فتطلب معدلات عالية ) يعني عندك الجلدية وجراحة التجميل مستحيل تلقى قبول في كندا او امريكا ..



بالنسبة للزمالة انا سمعت ان فيه مستشفيات تبتعث اطبائها لأمريكا وكندا للحصول على الزمالة صحيح ؟؟
وكم مدة الزمالة على الجراحة
على حسب المستشفى فيه مستشفيات تبتعث وفيه مستشفيات ما تبتعث للزمالة .. اما البورد قليل اللي يبتعثون فيه وزارة الصحة تبتعث ومدينه الملك فهد الطبية تبتعث في تخصصات معينه في البورد .. الزمالة بعض المستشفيات يبتعثون الاطباء اللي عندهم بس موب كلهم يختارون منهم المتميزين او ( المترززين ) وموب اي تخصص دقيق!! هم يحددون لك تخصصات معينه ويقولون ما عندنا الا هالتخصص تبي نبتعثك عليه والا انطق في الرياض .. اما وزارة الصحة ممكن تبتعثك على اللي تبيه وفيه مرونه او تروح على حساب وزارة التعليم العالي ..
زمالة الجراحة تعتمد على التخصص واعتقد اقل شي 3 سنوات ( ما عدا جراحة العيوم فيه زمالة سه وحده وفيه سنتين ).. ومدة البروقرام حق التخصص ( البورد ) = 5 سنوات .. غير جراحة التجميل والحروق = 6 سنوات وجراحة المخ والاعصاب = 6 سنوات ..


وسؤال مهم مرة مرة مرة نسيت اسالة
الرواتب اللي انت ذكرتها في اول رد لك في المستشفيات ( الحرس ومدينة الملك فهد الطبية وغيرها )
هل راتب الطبيب المقيم اعلى او راتب المتخصص اعلى ( جراح او باطني او جلدية .. الخ)

هل راتب الموظف العادي اعلى او راتب المدير حقه اعلى ؟؟؟ويك1

الطبيب المقيم هذا اول ما تبدا شغل في المستشفى بعد الامتياز والمتخصص هذا واحد مشتغل 4 او 5 سنوات ومخلص البورد ومختبر وحاصل على شهادة البورد فطبيعي يكون اعلى بكثير ... وهالكلام في كل المستشفيات في العالم وشي بديهي ..

㍈㌠㋡Dr.DeaTH㋡㌙㍌
24th September 2007, 08:08 AM
1/ الحين ماشاء الله تبارك الله كيف تجمع بين الدوام والكتابة وزي كذا ( يا ليت تكتب موضوع عن حياة الطبيب)
انا في اجازة هالايام علشان كذا فاضي نوعا ما ... وحياة الطبيب ووقت فراغه تعتمد بشكل اساسي على تخصصه فيه تخصصات ما يفضى فيها وعنده مناوبات حول 10 ايام او 15 يوم في الشهر وفيه تخصصات اريح وما فيها مناوبات .. وعلى حسب المستشفى فيه مستشفيات يغثون الواحد بدوامهم حتى لو تخلص شغلك الساعة 12 الظهر او شي زي كذا ما تقدر تروح للبيت لين توقع خروج الساعة 4 ونص العصر .. وفيه مستشفيات تجي الصبح وتخلص شغلك وتتوكل للبيت ما فيه توقيع خروج يعني يمكن تطلع على 12 الظهر يوميا ...هذا بالنسبة للتخصصات اللي يداومون في اجنحة التنويم اما اللي مرتبطين بالعيادات يعتمد على عدد العيادات اللي عنده في الاسبوع اعرف شباب عندهم في الاسبوع حول 10 عيادات يعني يداوم كل يوم من 8 الى 4 العصر واعرف شباب عندهم خمس عيادات في الاسبوع بس .. هالشي يعتمد على المستشفى وعلى عدد الاطباء معك في القسم وعلى التخصص ..



2/ وش الأفضل المستشفيات الحكومية ولا الخاصة ولماذا ؟
وانت كطبيب مقيم اصلا راح تشتغل في مستشفى حكومي غصب لين تخلص البروقرام او برنامج التخصص .. وحتى لو خلصته وصرت اخصائي اكيد تبي تصير استشاري معناه انك راح تكمل الزمالة في مستشفى حكومي ( ويشمل المستشفيات العسكرية )... بس تقدر تشتغل في القطاع الخاص وانت اخصائي بالاضافة الى شغلك في القطاع العام ..

الشغل في القطاع الخاص كرف ويخلونك تحلل الراتب ويكرفونك كرف ..بس المكسب المادي زين ..


بس صدقوني فيه شي مهم ..
تقدر تدخل فلوس في اي تخصص تبيه ... واللي يبي الربح السريح يروح للتجارة ... اهم شي في شغلك هو الراحة النفسية ... وانك تستمتع باللي قاعد تسويه .. بعيد عن البرستيج وبعيد عن التسميات ...
انا جربت هالشي اشتغلت في مكان الراتب فيه عالي والتخصص محد يقدر يدخله الا بصعوبة واخر دلع .. بس ما ارتحت نفسيتي تعبت وابروح لمكان اقل راتب بس مرتاح له نفسيا ... اشتريت راحتي النفسية بفرق الراتب جاني كلام من بعض اللي اعرفهم قالوا شلون تترك هالمستشفى اللي انت فيه ممتاز وتروح للمستشفى الثاني موب زين .. لا يهمك كلام احد انت اعرف بمصلحتك هذي اهم قاعدة اذا كنت عارف وش قاعد تسوي ..


وموفقين ح3

Dr_Aziz
24th September 2007, 10:07 AM
㍈㌠㋡Dr.DeaTH㋡㌙㍌

انت كذا ح3ح3

ما قصرت كفيت ووفيت في اجاباتك الي تدل على معرفتك واطلاعك بهذي الامور ,,

وما ابالغ لو قلت انك مثال حسن يقتدى به :كل1:


انا طالب بالبرنامج الموحد ,, بس عندي سؤال لحضرتك :

فرضا ,, انا تخرجت من كلية الطب ( بإذن الله ) طبيب عام ( طبيب مقيم ) ,, بعد التخرج ابغى اكمل الدراسة باخذ - البورد - و -الزمالة - ,, سؤالي هو :

ما هو البورد ؟ وما هي الزمالة ؟ هل البورد اعلى من الزمالة أم العكس ؟

كم سنة لابد اني ادرسها لكي اصبح استشاري أول ,, في تخصص جراحة العيون ؟ ( يعني بعد تخرجي طبيب عام - ان شاء الله - ,, ما راح اشتغل اريد ان اكمل دراستي على طول - وطبعا راح تكون الدراسة بكندا ان شاء الله - ,,) كم سنة تستغرق من بعد التخرج ؟؟


طولت عليك بالاسئلة ,, بس السموحة ,,


ولك كل الشكر والتقدير ,, as040

㍈㌠㋡Dr.DeaTH㋡㌙㍌
24th September 2007, 07:59 PM
وما ابالغ لو قلت انك مثال حسن يقتدى به :كل1:
ابد ما سوينا الا الواجب ..







ما هو البورد ؟ وما هي الزمالة ؟ هل البورد اعلى من الزمالة أم العكس ؟
حبيب قلبي تكلمنا هالنقطة في موضوع ثاني وهذا رابط الموضوع اذا فيك حيل تقراه من اول وراح تستفيد معلومات كثيرة عن الدراسة في كلية الطب وعن المستقبل ... او حاول تقرا على الاقل اخر 4 صفحات اعتقد فيها تكلمنا عن النقطة اللي في سؤالك ..
وهذا الرابط ..
http://www.cksu.com/vb/t39590/


كم سنة لابد اني ادرسها لكي اصبح استشاري أول ,, في تخصص جراحة العيون ؟ ( يعني بعد تخرجي طبيب عام - ان شاء الله - ,, ما راح اشتغل اريد ان اكمل دراستي على طول - وطبعا راح تكون الدراسة بكندا ان شاء الله - ,,) كم سنة تستغرق من بعد التخرج ؟؟
عموما الزمالة والبورد يكونف يها شغل موب دراسه وفيه اختبارات تققيمية نهاية كل سنه بس الزمالة ( على ما اعتقد ما فيها اختبارات او فيه اختبار الزمالة في الاخير )
مدة البروقرام ( البورد ) في طب وجراحة العيون 4 سنوات .. والهيئة ما تقبل كل سنه الا حوالي 10 اطباء شباب و 3 بنات ... والمتقدمين كل سنه للعيون من الشباب حوالي 70 طبيب او اكثر ... وعلشان تدخلها لازم تجيب معدل زين وتنجح في الاختبار اللي تسويه الهيئة للقبول وتجتاز المقابلة الشخصية ( وطبعا اذا معدلك زين ممكن تنقبل والا موب مرة زين حتى اذا اجتزت الامتحان احتمال تنكرش في المقابلة )
مدة الزمالة تختلف على اختلاف التخصص بس فيه تخصصات سنه وحده وفيه تخصصات سنتين ...

اذا خلصت البورد والزمالة تستحق لقب استشاري ( اذا كنت جاي من كندا او امريكا تستحق اللقب على طول غصب عن الهيئة السعودية واذا اخذته من السعودية بيبهذلونك شوي لين تلقى وظيفة استشاري فاضية يحطونك فيها ولين تشجتمع الهيئة علشان يخلونك استشاري يمكن تضيع عليك سنه وانا اعرف اخصائي عيون مخلص البورد والزمالة من سنه 1999 والى الان ما خلوه استشاري يصرفونه المستشفى الل يهو فيه يقولون ما فيه وظيفة استشاري فاضية ..)
بالنسبة للاستشاري الاول لازم تكون عندك خبرة ( على ما اعتقد ) بس موب مهم اهم شي توصل استشاري وخلاص لأنه اهم شخص في الفريق الطبي ..

Dr_Aziz
24th September 2007, 09:23 PM
جزاك الله خير ,, كثر الله من امثالك ,,

اجاباتك كافية ووافية ,,

الله يوفقك ويوفقنا ,,


تحيتي لك ^_^ ,,

mag_ksa
25th September 2007, 03:30 PM
ما شاء الله Dr.DeaTH احرجتنا تراك بردودك

على العموم تخصص جراحة العيون تخصص حلو ومربح ماديا ( مع ان هاذي المفروض ما تكون رغبه اولى )
لكن احس ان فيه خطورة ومسؤولية زيه زي جراحة القلب وجراحة المخ والأعصاب غلطتها كبيرة
يعني الغلطه ممكن تروح عليه عينه

وسؤال
الحين جراح العيون ( او جراح عظام او مخ واعصاب الخ .. ) يكون عنده مناوبة ويكون كأنه طبيب عام يعالج غير العيون او ما عنده غير تخصصه
و اذا كان في مناوبة مثلا وجاته حالة طوارئ
مثلا زايده او طلقة رصاصة او طعنة سكين او حادث
يقدر يسوي العملية ؟؟
يعني هل هو دارس جراحه عامه من الاساس ؟؟ زيه زي الجراح العام ؟؟
وممكن المستشفى يعطونه مثلا اي جراحة عادية غير العيون ( في حاله غير طارئة )

㍈㌠㋡Dr.DeaTH㋡㌙㍌
25th September 2007, 05:06 PM
على العموم تخصص جراحة العيون تخصص حلو ومربح ماديا ( مع ان هاذي المفروض ما تكون رغبه اولى )
بالعكس فيه ناس رغبتهم الاولى طب وجراحة عيون لأنهم يحبون التخصص في الدرجة الاولى .. واصلا لو ما تحطه رغبة اولى في التقديم للهيئة ( ما راح تنقبل )


لكن احس ان فيه خطورة ومسؤولية زيه زي جراحة القلب وجراحة المخ والأعصاب غلطتها كبيرة
يعني الغلطه ممكن تروح عليه عينه
صح عليك .. احيانا فيها مسؤولية ..


وسؤال
الحين جراح العيون ( او جراح عظام او مخ واعصاب الخ .. ) يكون عنده مناوبة ويكون كأنه طبيب عام يعالج غير العيون او ما عنده غير تخصصه
و اذا كان في مناوبة مثلا وجاته حالة طوارئ
مثلا زايده او طلقة رصاصة او طعنة سكين او حادث
يقدر يسوي العملية ؟؟
انت ما يكون لك علاقة الا بتخصصك .. اذا وصلت حالة للطواريء الطواريء يسعفون المريض وبعدين يدقون على الطبيب المناوب في التخصص المناسب ... يعني واحد طايح ومنكسرة رجله يدقون على جراح العظام المناوب ( اللي هو الطبيب المقيم في جراحة العظام المناوب ) وطبعا يناوب معك جراح عظام اخصائي وجراح الاستشاري في بيتهم اذا احتجتوه دقوا عليه ..
تخصص العيون تخصص مستقل بذاته وهو اكثر واحد فاهم في العيون والباقين ما يدرون وش السالفة في العيون ما عدا الباطني يعرف في كل تخصص تقريبا بس ما يتعمق في العيون ( امراض العيون والالتهابات)..

في كل يوم يكون فيه 3 اطباء مناوبين في كل تخصص في المستشفى ( طبيب مقيم - طبيب اخصائي طبيب استشاري) بعض التخصصات تناوب في البيت اذا دقوا عليك الطواريء تجي ( اذا حولوا لك حالة ) يعني ما فيه شي اسمه جت حالة طارئة ونجيب اي جراح يسويها .. كل واحد مختص في شي معين ..


يعني هل هو دارس جراحه عامه من الاساس ؟؟ زيه زي الجراح العام ؟؟
وممكن المستشفى يعطونه مثلا اي جراحة عادية غير العيون ( في حاله غير طارئة )

كل واحد له تخصصه محد يدخل على تخصص ثاني الجراح العام ما يقدر يسوي عمليات عيون لأنه ما يعرف (مثل ما قلت لك تخصص العيون مستقل) واذا جت حالة كسور يدقون على جراح العظام مع ان الجراح العام ممكن يمديه يدبرها بس موب شغله وما يحق له يتدخل كل واحد له تخصصه وماله علاقة بالثاني .. اكثر واحد يحتاجونه ويدقون عليه في المناوبة هو طبيب الباطني بدون منازع لو مريض منوب في قسم الجراحة يحتاج انعاش او يوقف قلبه الجراح يدق على الباطني ..
الجراحة العامة لهم عملياتهم ( مع انهم مروا على التخصصات الفرعية الجراحية كلها تقريبا )

بالعربي ..
خلال بروقرام التخصص ( البورد ) احيانا تمر على تخصصات فرعية وتشتغل فيها فترة معينه مثلا في تخصص الانف والاذن والحنجرة لازم تمر على تخصص الجراحة وتشتغل فيه في اول سنه في التخصص لمدة اعتقد ست شهور تقريبا ..
بس العيون ما فيها تقعد اربع سنين في العيون بس تشتغل فترات معينه في مستشفيات مختلفة ويطلب منك عدد معين من العمليات لازم تسويها كلها قبل ما تخلص فترة البروقرام ( 4 سنوات ) اعتقد حول 70 عملية او 100 عملية ...
مثلا تخصص جراحة المسالك البولية لازم تقعد في الجراحة العامة اعتقد اول سنه كلها ..( على فكرة تخصص جراحة المسالك البولية من اكثر التخصصات طلب وصعب مرة تلقى مكان فيه )
عندك بروقرام الجلدية لازم تشتغل في الباطني فترة اعتقد 6 شهور او اكثر ..
تخصص اطب الاسرة والمجتمع ( الطبيب العام او طبيب الاسرة ) يمر على كل التخصصات تقريبا ويقعد في كل واحد فترة بسيطة وياخذ فكرة عامة لأنه بيشتغل في عيادات الرعاية الاولية ويعالج الحالات العادية واذا جته حالة معقدة يحولها على التخصص المناسب ( ويسمونه في العامية طبيب عام )

وكذا عاد تقيس عليها باقي التخصصات بهالطريقة ..

عموما حاولت اعطيك نبذة مبسطة عن الوضع اللي صاير ولا تستعجل الامور بتفهم كل شي مع الوقت وخل كل شي في وقته ولا تفكر في الفلوس من الحين الرزق بيد الله سبحانه ..ومن هنا لين 7 سنين يحلها حلال ..ح3

mag_ksa
25th September 2007, 10:53 PM
انا خلاص كذا
ما قصرت وانا اخوك

بالعكس فيه ناس رغبتهم الاولى طب وجراحة عيون لأنهم يحبون التخصص في الدرجة الاولى .. واصلا لو ما تحطه رغبة اولى في التقديم للهيئة ( ما راح تنقبل )
عفوا بس انا اقصد المادة ( الفلوس ) ما اقصد التخصص

انا عادتي اذا فكرت بأي كلية لازم اسال عن دراستها وعن وظايفها وتقريبا كل شي عنها
هذا يعطيني فكرة عامه عن الكلية اللي انا فيها ووظايفها وطريقة الحياه معاها
عشان وانا ادرس اعرف وش ادرس ووش راح ادرس وكيف راح اشتغل
ما احب يكون الطريق اللي قدامي مظلم.. يا انه يكون قدامي جدار واصصصك فيه يا أنه يكون طريق منور

انا فكرت قبل كذا في الهندسه
وجننت مهندسين جامعة البترول بالأسئله .. والله طلعت عيونهم :@:
وكنت متحمس حماس مو طبيعي .. متى اتخرج من الثانوي واروح البترول واصير مهندس
بعد ما تعمقت في التخصص ووظايفه وطريقة الحياه معاه لقيت قدامي عقبات صعب علي ( أنا ) اتجاوزها
يعني تخيل لو دخلت هندسه وانا ما اعرف العقبات اللي قدامي !!! كان تورطت ... وتعال فكني من هالورطه

بس في الاخير شوي شوي اسئل عن الطب من اللي حولي مثل ما قلت لك من نسيبي واخو صاحبي وحبيت التخصص ومواده ( مبدئيا ) مع اني كنت ما احبه من كثر ما الناس يسبون هالتخصص ويقولون صعب ومتعب
وعلى فكرة ترا نسيبي اخذ الزمالة من مدينة الملك فهد الطبية قعد فيها سنتين او ثلاث اظن لكنه على حسب معرفتي هو استشاري اطفال من قبل ما ياخذ الزماله .. كيف لا تسالني ؟؟


يعطيك العافية دكتور ديث انا كذا خلصت .. وصدقني ما بنسى جميل ابدا والله يوفقك ويعينك
شكرا لك .......

KhâlééD
3rd October 2007, 07:53 AM
الدكتور ديث : استمتع بالقراءة لك

قد يكون غموض المستقبل أحد الاسباب

لكن البساطة في الشرح من اهم الاسباب والقرب من الصغير قبل الكبير

الله يوفقك لما فيه الخير

No For Despair
3rd October 2007, 09:16 PM
د ديث الله يوفقك وييسر امرك ويسهل دربك وين ما كنت .......,,

والله انك وضحت اشياء كثييرة كنت جاهل عنها

يعطيك العافية يالطيب

والله يوفقنا وياك دنيا واخره,,,,,

تقبل فائق تحياتي وتقديري ...........,,:)

㍈㌠㋡Dr.DeaTH㋡㌙㍌
4th October 2007, 11:31 AM
انا خلاص كذا
ما قصرت وانا اخوك

عفوا بس انا اقصد المادة ( الفلوس ) ما اقصد التخصص

انا عادتي اذا فكرت بأي كلية لازم اسال عن دراستها وعن وظايفها وتقريبا كل شي عنها
هذا يعطيني فكرة عامه عن الكلية اللي انا فيها ووظايفها وطريقة الحياه معاها
عشان وانا ادرس اعرف وش ادرس ووش راح ادرس وكيف راح اشتغل
ما احب يكون الطريق اللي قدامي مظلم.. يا انه يكون قدامي جدار واصصصك فيه يا أنه يكون طريق منور

انا فكرت قبل كذا في الهندسه
وجننت مهندسين جامعة البترول بالأسئله .. والله طلعت عيونهم :@:
وكنت متحمس حماس مو طبيعي .. متى اتخرج من الثانوي واروح البترول واصير مهندس
بعد ما تعمقت في التخصص ووظايفه وطريقة الحياه معاه لقيت قدامي عقبات صعب علي ( أنا ) اتجاوزها
يعني تخيل لو دخلت هندسه وانا ما اعرف العقبات اللي قدامي !!! كان تورطت ... وتعال فكني من هالورطه

بس في الاخير شوي شوي اسئل عن الطب من اللي حولي مثل ما قلت لك من نسيبي واخو صاحبي وحبيت التخصص ومواده ( مبدئيا ) مع اني كنت ما احبه من كثر ما الناس يسبون هالتخصص ويقولون صعب ومتعب
وعلى فكرة ترا نسيبي اخذ الزمالة من مدينة الملك فهد الطبية قعد فيها سنتين او ثلاث اظن لكنه على حسب معرفتي هو استشاري اطفال من قبل ما ياخذ الزماله .. كيف لا تسالني ؟؟


يعطيك العافية دكتور ديث انا كذا خلصت .. وصدقني ما بنسى جميل ابدا والله يوفقك ويعينك
شكرا لك .......

العفو حبيب قلبي وحاضرين اي وقت ..

㍈㌠㋡Dr.DeaTH㋡㌙㍌
4th October 2007, 11:33 AM
الدكتور ديث : استمتع بالقراءة لك

قد يكون غموض المستقبل أحد الاسباب

لكن البساطة في الشرح من اهم الاسباب والقرب من الصغير قبل الكبير

الله يوفقك لما فيه الخير

ويوفقك عزيزي ويسهل لك امورك ...

وافتخر بمتابعتك لكتاباتي ..

:ورده:

㍈㌠㋡Dr.DeaTH㋡㌙㍌
4th October 2007, 11:35 AM
د ديث الله يوفقك وييسر امرك ويسهل دربك وين ما كنت .......,,

والله انك وضحت اشياء كثييرة كنت جاهل عنها

يعطيك العافية يالطيب

والله يوفقنا وياك دنيا واخره,,,,,

تقبل فائق تحياتي وتقديري ...........,,:)


الله يعطيك العافية على الدعوة الحلوة ويعطيك مثل ما دعيت لي واكثر ...

والله يوفقك ويعينك ويسهل لك امورك ..
وحاظرين في اي وقت ..

dr.phil
12th October 2007, 03:03 AM
طيب الأستاذ بكلية الطب راتبه أكثر من الطبيب نفسه بالجامعي
بس أنا سمعت أن الأساتذة ياخذون بدل تفرغ 80% يعني اللي راتبه 10000 يصير 18000 ريال
بس يادكتور ديث ماعندك خلفية عن رواتب الأطباء في مستشفى ارامكو أنا سمعت أنهم ياخذون رواتب قوية
طيب بالنسبة للأخصائيين في العلوم الطبية ينطبق عليهم الكلام (يختلف راتبهم من مستشفى لأخر)

㍈㌠㋡Dr.DeaTH㋡㌙㍌
12th October 2007, 04:17 AM
طيب الأستاذ بكلية الطب راتبه أكثر من الطبيب نفسه بالجامعي
بس أنا سمعت أن الأساتذة ياخذون بدل تفرغ 80% يعني اللي راتبه 10000 يصير 18000 ريال
بس يادكتور ديث ماعندك خلفية عن رواتب الأطباء في مستشفى ارامكو أنا سمعت أنهم ياخذون رواتب قوية
طيب بالنسبة للأخصائيين في العلوم الطبية ينطبق عليهم الكلام (يختلف راتبهم من مستشفى لأخر)

ارامكو الطبيب المقيم عندهم حسب ما سمعت يستلم حول 17 ألف اقل من العسكري يعني ( بس ما اثق ثقة تامة في المصدر ) ( بس انا اقول رواتب ارامكو مستحيل تتعدى 20 ألف للطبيب المقيم او ما يتوظف )بس اغلب المستشفيات الكبيرة رواتبهم بهالحدود للطبيب المقيم اللي توه متوظف ..
عندك مثلا مستشفى سعد التخصصي في الشرقية مستشفى قوي ومهم ويبتعث اطباء بالهبل وراتبه للطبيب المقيم حول 16 ألأف ..

الاخصائيين في العلوم الطبية رواتبهم اقل من الاطباء اما المبلغ بالضبط ما اقدر اعطيك لأني ما تأكدت ..
ورابته يعتمد على المستشفى طبعا ( بس في كل المستشفيات اقل من الطبيب وعدد الوظائف اقل من الاطباء )

بالنسبة للاستذة كلية الطب من الاطباء لهم وضع خاص بحيث يسمح لهم اصلا العمل في القطاع الخاص بالاضافة الى شغله في الكلية والمستشفى الجامعي اما عن البدلات لهم فما عندي فكرة عن مقدراها بالضبط بس موب شي كبير ( اتكلم عن الاستشاريين ) بس يعطونه سنه تفرغ علمي الظاهر مدري كل كم سنه تجيهم .. بس يشتغلون فيها برايفت اغلبهم ..بالنسبة للطبيب الاكاديمي ( المعيد ) فهذا يبتعث طبعا والقسم ممكن يأمن لهم مكان في كندا او امريكا بس في المقابل لازم يضحي بالراتب شوي لأن راتبه قليل كطبيب مقيم وهو في حدود 11 ألف ..

dr.phil
12th October 2007, 04:48 AM
مو معقولة يا دكتور ديث أن راتب الطبيب المعيد 11000 ريال
لأن واحد من اقاربي عضو هيئة تدريس بقسم الجراحة وكان مبتعث من المستشفى الجامعي لكندا
ويستلم الحين 14500ريال

㍈㌠㋡Dr.DeaTH㋡㌙㍌
12th October 2007, 04:51 AM
مو معقولة يا دكتور ديث أن راتب الطبيب المعيد 11000 ريال
لأن واحد من اقاربي عضو هيئة تدريس بقسم الجراحة وكان مبتعث من المستشفى الجامعي لكندا
ويستلم الحين 14500ريال

الحين هو في كندا ؟؟ الحين هو اخصائي والا مقيم والا استشاري يعني اخذ البورد والزمالة والا توه ؟؟؟
هل ياخذ المكافأة حقت التعليم العالي في كندا بالاضافة الى الراتب اللي يمشي له ؟؟
...كم له من سنه من بداية توظيفه في الكلية ؟؟
(حط في الاعتبار في علاوة كل سنه زيادة على الراتب يعني راتب اللي توه متوظف موب مثل اللي متوظف له سنه بالاشافة الى ان الراتب يزيد مع الشهادات والترقيات مثلا من طبيب مقيم الى طبيب مقيم اول ومن طبيب مقيم اول الى اخصائي ومن اخصائي الى اخصائي اول ومن اخصائي اول الى استشاري .. في فروقات كبيرة في الرواتب وتقدر ترجع الى سلم الرواتب في القطاع اللي تبيه علشان توضح الفكرة اكثر انا كلامي كله عن الطبيل المقيم اللي توه متوظف واول مربوط له )
عموما خويي معيد في الجامعي في قسم الجراحة ويستلم 11 ألف تقريبا ( طبيب مقيم ) وينتظر القبول في كندا الله يوفقه ويسهل له اموره ..

dr.phil
12th October 2007, 10:54 AM
لا هو الحين خلص من كندا ومعه الزمالة في جراحة المسالك البولية والحين هو استشاري واستاذ مساعد وهذي أول سنة له

Dr.classic
12th October 2007, 11:05 AM
يااااااااشباب ما تمت فرحتنا نزلا الرواتب ل 6000 بدل نت 10000

㍈㌠㋡Dr.DeaTH㋡㌙㍌
12th October 2007, 04:25 PM
لا هو الحين خلص من كندا ومعه الزمالة في جراحة المسالك البولية والحين هو استشاري واستاذ مساعد وهذي أول سنة له

ايه 14 ألف هذا مرتبه البيسك بدون البدلات .. ممكن مرتبه مع البدلات يوصل لـ 25 ألف .. وطبعا يشتغل برايفت والمدينه الطبية تلقاهم بيوقعون معه ( لوكم ) ..
..
في الملك خالد الجامعي هو ؟؟

dr.phil
13th October 2007, 11:16 PM
ايه 14 ألف هذا مرتبه البيسك بدون البدلات .. ممكن مرتبه مع البدلات يوصل لـ 25 ألف .. وطبعا يشتغل برايفت والمدينه الطبية تلقاهم بيوقعون معه ( لوكم ) ..
..
في الملك خالد الجامعي هو ؟؟


هو استشاري وأستاذ مساعد في جراحة المسالك البولية في مستشفى الملك خالد الجامعي
وللأسف راتبه 14500 ريال ومع البدلات

㍈㌠㋡Dr.DeaTH㋡㌙㍌
13th October 2007, 11:27 PM
هو استشاري وأستاذ مساعد في جراحة المسالك البولية في مستشفى الملك خالد الجامعي
وللأسف راتبه 14500 ريال ومع البدلات


اعرف استشاري في الجامعي جديد في المسالك البولية ( توه متعين من كم سنه عندهم خاصة انه من السعوديين الجديدين في هالقسم ) ( شكله هو نفسه اللي يقرب لك ) ويشتغل في نفس الوقت في المدينه الطبية ( شايفه بعيوني هناك ) يعني يشفط من الجهتين .. ح3 ما شا الله عليه مجتهد الله يوفقه ..

FAYEZ
17th October 2007, 04:20 AM
السلام عليكم ورحمة الله

أنا طالب طب في الكلية الملكية للجراحين في إيرلندا
الله يانهم مطلعين عيوننا بالدراسة
في السنة الأولى
و إن شاء الله سأتخرج بعد 5 سنوات من الأن
ولكن عندي عدة أسئلة:

1- هل يوجد مزايا لنا إذا تخرجت من جامعة عريقة مثل هذة الجامعة RCSI
2 - هل تتوقع انة سيكون الراتب بعد 5 سنوات من الأن نفسة الراتب الأن للأطباء(يزيد او ينقص)
3 - اذا كنت اريد طب القلب فهل يوجد صوبة في حصولي على فرصة ان اكون إستشاري قلب في السعودية أو صعوبة في دخول البرامج الموصلة لة...
4 - انا رجل أحب العلاقات الإجتماعية (إجتماعي جداً) و ايضاً لا أحب طبيعة العمل القاسية (مثل الجراحة الطويلة و المنهكة ) فما هو التخصص الذي يناسبني؟
5- ماهو أقصر برنامج لتكون إستشاري بسرعة.؟

أعتذر عن كثرة الأسئلة وأرجوا الإجابة عاجلاً

أخوك فايز
الكلية الملكية للجراحين في إيرلندا.......RCSI

㍈㌠㋡Dr.DeaTH㋡㌙㍌
17th October 2007, 03:28 PM
وعليكم السلام ..


أنا طالب طب في الكلية الملكية للجراحين في إيرلندا
الله يانهم مطلعين عيوننا بالدراسة
في السنة الأولى
و إن شاء الله سأتخرج بعد 5 سنوات من الأن



1- هل يوجد مزايا لنا إذا تخرجت من جامعة عريقة مثل هذة الجامعة RCSI
مزايا من اي ناحية ؟؟ الباكلوريس ماله اهمية من وين تاخذه اهم شي البورد والزاملة ..


2 - هل تتوقع انة سيكون الراتب بعد 5 سنوات من الأن نفسة الراتب الأن للأطباء(يزيد او ينقص)
رواتب وزارة الصحة فيه معلومات قوية عن زيادة بنسبة 10 الى 30 % .. غيرهم ما اتوقع يزيدونه بالانسبة للاطباء المقيمين ... اما غيرهم من الاطباء عندهم المجال الخاص يقدرون يكسبون فيه .. بغض النظر عن زيادة او نقص رواتب المستشفيات الحكومية ..


3 - اذا كنت اريد طب القلب فهل يوجد صوبة في حصولي على فرصة ان اكون إستشاري قلب في السعودية أو صعوبة في دخول البرامج الموصلة لة...
بالنسبة لطب القلب .. ما فيه اي صعوبة في القبول في برنامج الطب الباطني وانك تكمل طب قلب في السعودية .. بس اذا تبي تضمن نفسك خذ بورد وزمالة من كندا او امريكا وان ما قدرت خذ على الاقل الزمالة من برا ..


4 - انا رجل أحب العلاقات الإجتماعية (إجتماعي جداً) و ايضاً لا أحب طبيعة العمل القاسية (مثل الجراحة الطويلة و المنهكة ) فما هو التخصص الذي يناسبني؟
فيه تخصصات كثيرة خاصة الصب سبيشياليتيز ..
بما انك اجتماعي اكيد بتكون رغبتك انك تشوف مرضى ... عندك يا طويل العمر طب وجراحة العيون .. طب الجلدية .. اي تخصص من تخصصات الباطني ..انف واذن وحنجرة ..


5- ماهو أقصر برنامج لتكون إستشاري بسرعة.؟
التخصصات الباطنية اقل وقت من الجراحية .. واذا تبي تخلص بسرعة رح لامريكا او كندا مدة برنامج التخصص والحصول على البورد في الطب الباطني 3 سنوات والزمالة في الطب الباطني ( انتيرنال ميدسن ) = سنه وحده وترجع استشاري ... او تكمل زمالة سنتين في تخصص ثاني وتصير استشاري فيه ..
اعتقد في ايرندا عندهم جلدية سنتين ونص ( موب متأكد )
في السعودية المدة اطول للطب الباطني ( 4 سنوات ) وثانيا الهيئة راح تتعبك لين يخلونك استشاري ..




أخوك فايز
الكلية الملكية للجراحين في إيرلندا.......
حياك الله اخوي فايز في اي وقت ..

mag_ksa
18th October 2007, 05:43 PM
دكتور ديث جا في بالي كم سؤال من الاخ فايز
يا ليت يوسع صدرك لها


الباكلوريس ماله اهمية من وين تاخذه اهم شي البورد والزاملة ..
معقول ؟؟ يعني لو اروح بعثه اخذ بكالوريوس من كندا زيها زي لما اخذها من جامعة الملك سعود ؟؟
ما فيه فرق لا بالمعرفه ولا بالراتب ؟؟

سؤال ثاني
الحين عرفت ان الزمالة من الافضل انك تاخذها من برا عشان التعيين يصير بسرعة

طيب والبورد ؟؟
الحين اذا خلصت الخمس سنوات حقت البورد في السعوديه بصير اخصائي علطول
طيب وش الفايده انه اخذه من الخارج ؟؟ تصير فاهم اكثر في التخصص او زيادة اكبر في الراتب ؟؟ طيب يقدر الواحد يقسم البورد سنتين في السعودية وثلاث في الخارج ؟؟
لاني سمعت واحد يقول من الافضل الواحد ياخذ البورد في السعوديه عشان يتعود على جو المستشفيات السعودية
وش رايك ؟؟

㍈㌠㋡Dr.DeaTH㋡㌙㍌
19th October 2007, 11:33 AM
دكتور ديث جا في بالي كم سؤال من الاخ فايز
يا ليت يوسع صدرك لها


معقول ؟؟ يعني لو اروح بعثه اخذ بكالوريوس من كندا زيها زي لما اخذها من جامعة الملك سعود ؟؟
ما فيه فرق لا بالمعرفه ولا بالراتب ؟؟

سؤال ثاني
الحين عرفت ان الزمالة من الافضل انك تاخذها من برا عشان التعيين يصير بسرعة

طيب والبورد ؟؟
الحين اذا خلصت الخمس سنوات حقت البورد في السعوديه بصير اخصائي علطول
طيب وش الفايده انه اخذه من الخارج ؟؟ تصير فاهم اكثر في التخصص او زيادة اكبر في الراتب ؟؟ طيب يقدر الواحد يقسم البورد سنتين في السعودية وثلاث في الخارج ؟؟
لاني سمعت واحد يقول من الافضل الواحد ياخذ البورد في السعوديه عشان يتعود على جو المستشفيات السعودية
وش رايك ؟؟

يا طويل العمر .. اذا اخذت البكالوريس في كندا راح تكون نسبة قبولك في البورد عندهم اكبر من غيرك لأنهم عارفينك .. هذي هي الميزة .. اما بالمعرفة كل واحد يصنع نفسه .. ونص المعلومات اللي راح تاخذها في البكالوريس ما راح تستفيد منها اذا دخلت بعض التخصصات .. فعلمك في تخصصك اهم .. هذا هو القصد ..

الفايدة انك تذاخ البورد في الخارج .. ان اللي ماخذ البورز والزمالة من برا يفضل على اللي ماخذ الزمالة بس .. وتعتبر شهاداته افضل عن غيره واذا اخذت البورد من كندا مثلا بيجيك القبول في الزمالة قبل غيرك ( بيجيك قبول الزمالة قبل تخلص البورد )

والبورد ما تقدر تقسمه بين المملكة والخارج ..

الافضل : تاخذ البورد والزمالة من كندا او امريكا ..
معلومة : في ناس كثير اخذوا البورد السعودي وجاهم قبول في كندا وراحوا لكندا وبدوا البورد من اول وجديد ( يعني ما دخلوا زمالة على طول )

mag_ksa
19th October 2007, 04:50 PM
دكتور ديث

شكرا لك
صراحه ما قصرت

draaa
22nd October 2007, 01:18 PM
كم راتب الطبيب المقيم في مستشفى القاعدة الجوية في مدينة الملك عبد العزيز الجوية بالظهران
مستشفى قوى الامن

㍈㌠㋡Dr.DeaTH㋡㌙㍌
22nd October 2007, 04:45 PM
كم راتب الطبيب المقيم في مستشفى القاعدة الجوية في مدينة الملك عبد العزيز الجوية بالظهران
مستشفى قوى الامن

مستشفى قوى الامن حوالي 15 ألأف ..
مستشفى القاعدة الجوية في مدينه الملك عبدالعزيز .. اتوقع انه تابع للدفاع .. ورواتبه اعتقد تمشي مع
MSD يعني مثل رواتب وزارة الصحة حوالي 12 ألف في الشهر في اول مربوط .. ( للطبيب المقيم الغير عسكري )

draaa
23rd October 2007, 03:17 PM
كم هو راتب الدكتور عند وزارة الدفاع وطيران للمدني والعسكري وماهي البدلات؟
ومامعنى اول مربوط ؟
وهل تستطيع الاختيار اذااردت مدني او عسكري؟

وماهو MSD ?

ومشكووووووووووووووووووووو ووووووووور اخي على هذا المجهود الرائع

㍈㌠㋡Dr.DeaTH㋡㌙㍌
23rd October 2007, 05:09 PM
كم هو راتب الدكتور عند وزارة الدفاع وطيران للمدني والعسكري وماهي البدلات؟
ومامعنى اول مربوط ؟
وهل تستطيع الاختيار اذااردت مدني او عسكري؟

وماهو MSD ?

ومشكووووووووووووووووووووو ووووووووور اخي على هذا المجهود الرائع

راتب الطبيب اللي يشتغل في المستشفيات التابعة للخدمات الطبية للدفاع هي تقريبا مثل رواتب الاطباء في وزارة الصحة ... مع البدلات حوالي 12 ألف للطبيب المقيم ..اما بخصوص التفاصيل في البدلات ما عندي فكرة بس عطيتك المجموع مع البدلات ( الراتب الاساسي بدون البدلات حوالي 7 ألاف او 8 ألاف )

أول مربوط ( أول راتب تستلمه يعني ما بعد عطوك علاوات ولاشي )

الطبيب المدني هو اللي تخرج واشتغل على طول.. الطبيب العسكري هو اللي بعد التخرج دخل دورة عسكرية ( مدتها من 9 الى سنه هلى حسب القطاع العسكري ) وبعد الدورة العسكرية يشتغل طبيب ميداني لمدة سنه وبعدها يشتغل في المستشفى ..

ام اس دي هذا نظام رواتب في العسكري وفيه نظام ثاني ( تشغيل ذاتي اسمه برنامج الرياض الخرج RKH وهذا طبعا مطبق في المستشفى العسكري في الرياض والخرج فقط وهو عن طريق عقودوراتب الطبيب المقيم فيه اول ما يتوظف حوالي 18 ألف ( MSD وظيفة دائمة )

draaa
24th October 2007, 04:44 PM
ماهو الافضل وزارة الصحة ام برنامج القوى المسلحة

وماهي الميزات كل واحد منها؟

وماهي ميزات كل من طبيب العسكري و طبيب المدني وكم الفرق في الراتب؟

㍈㌠㋡Dr.DeaTH㋡㌙㍌
24th October 2007, 04:56 PM
ماهو الافضل وزارة الصحة ام برنمج القوى المسلحة

وماهي الميزات كل وهحد منها؟

وماهي ميزات كل من طبيب العسكري و طبيب المدني


أنا افضل الصحة .. لأنهم يعطون فرص قوية للبتعاث .. ويبتعثونك في اي تخصص تقريبا اهمشي تجيب تخصص من برا .. والشغل عندهم مريح نوعا ما اعتمادا على المستشفى والتخصص طبعا .
اللي على نظام الـ MSD تلقاها ي ينكرف وراتبه مثل راتب الطبيب في الصحة .. وفرص الابتعاث عندهم اقل بكثير ..

بالنسبة للفرق بين الطبيب المدني والعسكري فيه موضوع كامل وبالتفصيل في هالموضوع في المنتدى .
وكتبت فيه اغلب المعلومات المهمة عن هالشي وكتبت المقارنه ..
وهذا الرابط ..
http://www.cksu.com/vb/t49374/

mag_ksa
24th October 2007, 08:59 PM
دكتور ديث
سمعت من شخص يقوللي ان استشاريين جراحة القلب رواتبهم عاليه جدا
وبالذات في المستشفيات الخاصه مثل سعد التخصصي
يقول ان دخل استشاري جراحة القلب في سعد التخصصي يتعدى 60ألف !!!! لانه ياخذ راتب + نسبه عن كل عملية .. معقول ؟؟
لكن برضو يقوللي ان التخصص جدا جدا متعب وعملياته توصل الى 4 و 5 ساعات وممكن اكثر :ؤ: ؟؟؟؟


بعدين انا سمعت حاجه والله اعلم فيها
انه الحاجة لجراحين القلب بتقل بسبب الإستعانه بالروبورت ( الإنسان الآلي ) في الجراحه ؟؟؟

㍈㌠㋡Dr.DeaTH㋡㌙㍌
24th October 2007, 09:54 PM
دكتور ديث
سمعت من شخص يقوللي ان استشاريين جراحة القلب رواتبهم عاليه جدا
وبالذات في المستشفيات الخاصه مثل سعد التخصصي
يقول ان دخل استشاري جراحة القلب في سعد التخصصي يتعدى 60ألف !!!! لانه ياخذ راتب + نسبه عن كل عملية .. معقول ؟؟
لكن برضو يقوللي ان التخصص جدا جدا متعب وعملياته توصل الى 4 و 5 ساعات وممكن اكثر :ؤ: ؟؟؟؟


بعدين انا سمعت حاجه والله اعلم فيها
انه الحاجة لجراحين القلب بتقل بسبب الإستعانه بالروبورت ( الإنسان الآلي ) في الجراحه ؟؟؟


ما عندي فكرة عن رواتب المستشفيات الخاصة .. بس طبيعي الاستشاريين عموما ياخذون مبالغ حلوة في هالمستشفيات وشي طبيعي ياخذون نسبة على كل عملية .. سواء كان جراح قلب والا غيره ..


بالنسبة للحاجة لجراحين القلب هل بتقل والا لا بسبب استخدام الروبوت ...؟؟

مين يحرك الروبوت ؟؟ هههههههه
هم نفسهم الجراحين هم اللي يتحكمون بالروبوت .. وفعلا فيه عمليات يسوونها بالروبوت في العالم وفي السعودية خصوصا واول دكتور سعودي ادخل هالتقنية وبدا استخدامها فعليا هو البروفيسور عبدالله الضحيان عضو هيئة التدريس في جامعة الملك سعود ورئيس قسم الجراحة في المستشفى ..

mag_ksa
24th October 2007, 10:05 PM
يعطيك العافيه دكتور ديث


مين يحرك الروبوت ؟؟ هههههههه
هم نفسهم الجراحين هم اللي يتحكمون بالروبوت .. وفعلا فيه عمليات يسوونها بالروبوت في العالم وفي السعودية خصوصا واول دكتور سعودي ادخل هالتقنية وبدا استخدامها فعليا هو البروفيسور عبدالله الضحيان عضو هيئة التدريس في جامعة الملك سعود ورئيس قسم الجراحة في المستشفى ..
انا قلت بتقل ما قلت بتختفي :ورده:
ليش لانه بدل ما بيكون هناك طاقم كبير من الإستشاريين والاخصائيين والممرضبن
راح يكون كم دكتور بس يتحكمون بالربورت
يعني عدد الاطباء في العملية بيقل


شكرا لك ويعطيك الف الف عافيه

㍈㌠㋡Dr.DeaTH㋡㌙㍌
24th October 2007, 10:13 PM
يعطيك العافيه دكتور ديث


انا قلت بتقل ما قلت بتختفي :ورده:
ليش لانه بدل ما بيكون هناك طاقم كبير من الإستشاريين والاخصائيين والممرضبن
راح يكون كم دكتور بس يتحكمون بالربورت
يعني عدد الاطباء في العملية بيقل


شكرا لك ويعطيك الف الف عافيه



لا ما راح يقل .. لا تخاف ح4

د.مجهول
24th October 2007, 11:54 PM
طيب يا د.ديث

ماتحس ان الارقام اللي تذكرها انت بالنسبة لرواتب الاطباء المقيمين صارت قديمة
خاصة بعد البرنامج الجديد تبع الهيئة...
وياليت تعطينا نبذة عن البرنامج الجديد ...

63254130 شكرا قبل الاجابة مع اني ما اتوقع انها تكفي


تحياني ,,,

㍈㌠㋡Dr.DeaTH㋡㌙㍌
24th October 2007, 11:59 PM
طيب يا د.ديث

ماتحس ان الارقام اللي تذكرها انت بالنسبة لرواتب الاطباء المقيمين صارت قديمة
خاصة بعد البرنامج الجديد تبع الهيئة...
وياليت تعطينا نبذة عن البرنامج الجديد ...

63254130 شكرا قبل الاجابة مع اني ما اتوقع انها تكفي


تحياني ,,,


هذي الارقام جديدة ... بحسب اخر عقود تم توقيعها في هالسنه الجديدة ( اللي بدوا البروقرام في اكتوبر الحالي يعني قبل كم 25 ريوم تقريبا ) وبعض الارقام خاصة بالمستشفى نفسه ماله علاقة بالهيئة ..

الهيئة الى الان ما طبقت شي من قراراتها الاخيرة الغامضة ..
الشي الجديد هو استحداث مسمى طبيب متدرب في ديوان الخدمة المدنية ( موب لازم تدخله اذا انت في البر وقرام الى الان وظيفة طبيب مقيم موجوده ويحطونك عليها .. ( وهو انك تقدر توقع عقد معهم لمدة البروقرام على ما اعتقد ما تكون مرتبط فيهم بعدين )



ومليون عفوا ح3

draaa
25th October 2007, 08:21 AM
ماهو سلم الرواتب للاطباء العسكرين؟ والبدلات؟
ماهو سلم الرواتب للاطباء المدنين؟ والبدلات ؟
في قطاع المستشفيات التابعه للعسكرية والقوات المسلحة

㍈㌠㋡Dr.DeaTH㋡㌙㍌
26th October 2007, 07:27 AM
ماهو سلم الرواتب للاطباء العسكرين؟ والبدلات؟
ماهو سلم الرواتب للاطباء المدنين؟ والبدلات ؟
في قطاع المستشفيات التابعه للعسكرية والقوات المسلحة


سلم الرواتب للاطباء العسكريين نفس سلم الرواتب في وزارة الصحة للاطباء المقيمين ... ولكن العسكري ياخذ بدل حوالي اعتقد 80 بالمية او حولها المهم راتبه راح يكون حوالي 18 ... بس الزيادة راح تكون قليلة جدا خلال السنوات الجاية موب مثل المدني اللي راح يشتغل معهم في المستشفى العسكري ..

draaa
26th October 2007, 02:09 PM
لماذا هناك فرق في راتب الطبيب المقيم المدني في المستشفيات العسكرية

فمثلا في المستشعى العسكري في الرياض الراتب 17000
والمستشفى العسكري في مدينة الملك فهد العسكرية في الظهران 12000

㍈㌠㋡Dr.DeaTH㋡㌙㍌
27th October 2007, 02:23 PM
لماذا هناك فرق في راتب الطبيب المقيم المدني في المستشفيات العسكرية

فمثلا في المستشعى العسكري في الرياض الراتب 17000
والمستشفى العسكري في مدينة الملك فهد العسكرية في الظهران 12000



المستشفى العسكري في الرياض فيه نظامين ...
MSD هذا سلم الرواتب فيه مثل الصحة .. 12 ألف للطبيب المقيم اول ما يتوظف .. وهي وظيفة دائمة محد يقدر يفصلك منها ومن مميزاتها انك ممكن تتنقل بين المدن ...

RKH برنامج الرياض الخرج .. وهالنظام عبارة عن عقود .. والراتب تقريبا 18 ألف للطبيب المقيم اول ما يتوظف .. من عيوبه ما تقدر تشتغل بهالعقد الا في المستشفى العسكري في الرياض او الخرج فقط .. وممكن يخلص حقدك ويقولون لك مع السلامة .. ( وللي داخلين البروقرام يوقعون معهم بعدد سنوات البروقرام )

draaa
27th October 2007, 03:28 PM
انا اعرف واحد على برقرام وموقع على راتب 17000 يستلمه وهو على البرقرام

㍈㌠㋡Dr.DeaTH㋡㌙㍌
27th October 2007, 03:32 PM
انا اعرف واحد على برقرام وموقع على راتب 17000 يستلمه وهو على البرقرام


عادي طبيعي ...
كل اللي اعرفهم في العسكري على البروقرام موقعين على نظام الـ RKH ومده العقد بعدد سنوات البروقرام .. ورواتبهم 18 ألأف مع خصم جزء من المبلغ للتأمينات ..

draaa
24th November 2007, 12:16 PM
سؤال

بما ان رواتب الاطباء المقيم في المستشفيات العسكرية في نظام MSD نفس وزارة الصحة
فهل هناك فرق في الزيادة السنوية او البدلات او بونس
وهل هناك فرق في راتب الاخصائي او الاستشاري في المستقبل

ام ما هو الفرق بينهما

ولكم جزيل الشكر

㍈㌠㋡Dr.DeaTH㋡㌙㍌
24th November 2007, 11:47 PM
سؤال

بما ان رواتب الاطباء المقيم في المستشفيات العسكرية في نظام MSD نفس وزارة الصحة
فهل هناك فرق في الزيادة السنوية او البدلات او بونس
وهل هناك فرق في راتب الاخصائي او الاستشاري في المستقبل

ام ما هو الفرق بينهما

ولكم جزيل الشكر


MSD موب في المستشفيات العسكرية كلها في مستشفيات الدفاع (حسب علمي )..
وسلم الرواتب عليه مثل وزارة الصحة تمام ( لانه نظام حكومي اصلا وموب عقود وانما وظيفة دائمة )
يعني نفس الصحة في كل شي للطابء كلهم مهما اختلفت مناصبهم ...

وفي الرياض في مستشفيات الدفاع مثل العسكري نظام تشغيل ذاتي واتوقع في الميتشفيات العسكرية خارج الرياض يمكن يكون عندها نظام تشغيل ذاتي ..

dr-fares
25th November 2007, 03:54 PM
انا عندي سؤااال الحين انت قلت المستشفى العسكري فيه نظامين طيب انا على كيفي اختااار اي نظام ولاكيف وانت بأيهما تنصح؟؟

㍈㌠㋡Dr.DeaTH㋡㌙㍌
25th November 2007, 04:49 PM
انا عندي سؤااال الحين انت قلت المستشفى العسكري فيه نظامين طيب انا على كيفي اختااار اي نظام ولاكيف وانت بأيهما تنصح؟؟


ايه على كيفك انت تقدم اوراقك على اي نظام انت تختاره ..

عن نفسي ابختار نظام التشغيل الذاتي ( العقود ) لأن الراتب اعلى راح يوقعون معك عقد بنفس مدة البروقرام .. يعني راح تنكرف وانت تاخذ مقابل هالكرف ..


النظام الثاني MSD نفس وزارة الصحة بالضبط .. ليش ألزم نفسي بأني اشتغل على نظام يعطيني مثل وزارة الصحة ؟؟ وانكرف مثل اللي ياخذ 18 ألف ؟؟ واكون ملتزم بالمستشفيات العسكرية فقط ؟؟ وفرص الابتعاث عندهم ضئيلة ؟؟ بينما وزارة الصحة تبتعث ومدلعين الاطباء عندهم من ناحية الدوام ..
هالنظام يكون عليه الاطباء العسكريين لأنهم ياخذون بدل فيصير راتبهم مثل راتب الـ RKH وهم المستفيدين من هالنظام ..

dr-fares
25th November 2007, 05:57 PM
يعني ما افهمتك ايهم احسنmsd or rkh وعندي سؤال ثاني البورد هل هو الزماله ولا كيف هي بعد التخصص؟؟ وهل استطيع التخصص في بلد خارجي وهل لي رواتب هناك ؟؟

طيب هالنظامين كم رواتبهم ؟؟

㍈㌠㋡Dr.DeaTH㋡㌙㍌
25th November 2007, 05:58 PM
طيب هالنظامين كم رواتبهم ؟؟


كتبت رواتبهم كاملة في رد قبل في هالموضوع :98:


يعني ما افهمتك ايهم احسنmsd or rkh وعندي سؤال ثاني البورد هل هو الزماله ولا كيف هي بعد التخصص؟؟ وهل استطيع التخصص في بلد خارجي وهل لي رواتب هناك ؟؟


كل واحد من النظامين له مزايا معينه ..

البورد هو الشهادة الل تحصل عليها بعد ما تخلص برنامج التخصص .. والزمالة تاخذها بعد ما تاخذ البورد وتكون تخصصت في تخصص دقيق ..
( تكلمنا عن هالنقطع في موضوع ...تفكر في الطب ودك تسأل عن نظام دراسته )
ايه تقدر تتخصص برا وتاخذ البورد الكندي او الامريكي او الاوربي او غيرهم والزمالة بعد ..

لك راتب حسب الدولة .. امريكا يعطيك المستشفى راتب كندا ما يعطيك المستشفى راتب .. اوربا غالبا يعطونك راتب ومكافأت للمناوبات ..

Dr.classic
25th November 2007, 06:03 PM
اقووووووووول وش رايكم ايهما أفضل البورد الندي ام الأمريكي ولمـاذا ؟؟؟؟

dr-fares
25th November 2007, 06:08 PM
اخوي لا تزعل علينا كله الا زعلك ,,,,, يعني نظاااااااام rkh افضل صح
واخر سؤال الحين بالمتوسط الدكتور كم يدوام ساعه باليوم ولاهل عنده اجازات يعني خميس وجمعه ولاكيف؟؟
اخوي اتمنى ما اكوون ازعجتك بس هذا السؤال رد عليه بالتفصيل ومعد بزعجك
تقبل مروري dr- faresض2

㍈㌠㋡Dr.DeaTH㋡㌙㍌
25th November 2007, 06:10 PM
اقووووووووول وش رايكم ايهما أفضل البورد الندي ام الأمريكي ولمـاذا ؟؟؟؟


كلهم نفس الشي تقريبا .. وضعهم متقارب الجودة تعتمد على المستشفى اللي راح تدرب فيه او الجامعة اللي راح تدرب عندها ..
انك تلقى قبول في كندا اصعب شوي .. امريكا القبول فيها اسهل ( لكثرة الجامعات )

اهم شي انك تجيب قبول في جامعة قوية سواء في كندا او امريكا كلهم عندهم خير ..

mag_ksa
26th November 2007, 05:56 PM
دكتور ديث انت ذكرت الارقام الخياليه لرواتب الاطباء
ووقعت ايدي بالصدفه على سلم رواتب القطاع الصحي عام 1426
ممكن تشوفها وتفسرلي ليش الرواتب قليلة لهاذي الدرجة بعكس ما انت ذكرت
http://www.kfupm.edu.sa/fpa/newSalary/helthTable.htm

㍈㌠㋡Dr.DeaTH㋡㌙㍌
26th November 2007, 06:22 PM
دكتور ديث انت ذكرت الارقام الخياليه لرواتب الاطباء
ووقعت ايدي بالصدفه على سلم رواتب القطاع الصحي عام 1426
ممكن تشوفها وتفسرلي ليش الرواتب قليلة لهاذي الدرجة بعكس ما انت ذكرت
http://www.kfupm.edu.sa/fpa/newSalary/helthTable.htm


خيالية ؟؟؟

حبيبي انا ذكرت لك الرواتب الحقيقية ولو حبيت تقدر تروح بنفسك للمستشفيات وتسأل..

وهذا اللي حطيته هو سلم الرواتب في وزارة الصحة ( للكادر الصحي ).. وهو نفس اللي ذكرته ..

عزيزي .. في كل وظيفة فيه شي اسمه الراتب الاساسي وشي اسمه بدلات .. وهذي من البديهيات وكل الناس يعرفونها ما توقعت انها غابت عن بالك والا كان شرحتها لك من الصفر..
لو تشوف في الجدول اللي حطيته راتب الطبيب المقيم 6900 ريال .. هذا اسمه الراتب الاساسي وهذا اول راتب يستلمه ويضاف له البدلات ويصير الراتب حوالي 12 ألف وهذا ذكرته اكثر من مرة في هالموضوع ومواضيع ثانية .. وشرحت مسألة البدلات اكثر من مرة .. .. .. لو تشتغل في وزارة الصحة اول راتب راح ينزل لك حوالي 12 ألف ما راح ينزل 6900 هذا راتب اساسي بدون بدلات وهم يصرفون لك الراتب الاساسي + البدلات ..


يمكن تتصفح الانترنت وتلقى سلم الرواتب حق المستشفى العسكري .. الراتب الاساسي في المستشفى العسكري على نظام الـ RKH هو 14 ألف ويعطونك البدلات ويصير الراتب 18 ألف ..

وذكرت مسألة العقود المؤقته اللي تكون لمدة 3 شهور او حولها وذكرت ان هالنوع من العقود هو النوع الوحيد اللي ما يستلم البدلات ..

عزيزي ارجع لردودي وارجع للارقام اللي حطيتها وارجع للشرح بالتفصيل قبل تجي تقول اني حطيت رواتب خيالية ..

mag_ksa
27th November 2007, 06:10 PM
عزيزي دكتور ديث
انا مدري ليش عصبت!!!؟؟
اول شي انا اللي كتبت الموضوع وانا قاري كل الردود
ومصدقك يا حبيبي بدون ما اروح اسأل .. انت معروف في هالمنتدى واصدقك اكثر من حتى ادارة المستشفيات
ثاني شي لما قلت خيالية مو المعنى اني اكذبك او اشكك في كلامك
انا اقصد ان الارقام عاليه .. يعني خياليه هو شي من باب المبالغه زيها زي مثلا لما اقول فلكية او عاليه ..الخ .... مو تشكيك

نرجع لموضوع الراتب انا اول شي راح من بالي سالفة ان هاذي ممكن تكون رواتب مستشفيات وزارة الصحه
وكنت احسب هاذي لمستشفى العسكري او التخصصي
واللي شفته ان اقصى راتب للإستشاري ممكن يوصل هو 26الف
فما توقعت ابدا ان البدلات ممكن توصله الى 40الف او اكثر !!!

النقطه اللي جبيت اوصلها هي هاذي ليش هالارقام نازله مقارنة باللي ذكرته ؟؟
لكن انت ذكرتني الحين انها تكون حقت مستشفيات وزراة الصحه مو المستشفيات التخصصيه او العسكرية
انا لو جا على بالي طاري مستشفيات وزارة الصحه كان ما سألت

على العموم يعطيك العافيه دكتور

AMQ
2nd December 2007, 01:31 PM
سلام يادكاترة اخباركم اخوكم كلية السنه التحظيريه هندسه ابغى اعرف كام راتب الهندسه بدري صح ههههههههههههههههههههههههه ههههههههههههههههههههههههه هه وترى الهندسه احسن من الطب
لالا تراني امزح لاحد يزعل على ادري اني قاط بس تعرفون فضاوه قلت خليني ادور بالمنتديات الثانيه ولفت نظري الموضوع ذا
تقبلوا تحياتي

mag_ksa
2nd December 2007, 07:05 PM
سلام يادكاترة اخباركم اخوكم كلية السنه التحظيريه هندسه ابغى اعرف كام راتب الهندسه بدري صح ههههههههههههههههههههههههه ههههههههههههههههههههههههه هه وترى الهندسه احسن من الطب
لالا تراني امزح لاحد يزعل على ادري اني قاط بس تعرفون فضاوه قلت خليني ادور بالمنتديات الثانيه ولفت نظري الموضوع ذا
تقبلوا تحيات
اعتقد في ارامكو الاساسي 8500 مع البدلات يوصل 11000
وطبعا سابك اعلى بشي بسيط وخصوصا في الهندسة الكيميائية
عندك شلمبرجير يوصل راتبهم لـ 15000 وممكن مع زيادة الكرف يوصل 20000 طبعا كل هذا مع البدلات
اما الإتصالات فأعتقد انهم 13000 مع البدلات

ادخل منتدى جامعة البترول وسوي بحث عن الرواتب وبتلقى كثييير

㍈㌠㋡Dr.DeaTH㋡㌙㍌
5th December 2007, 12:55 PM
الله يعطيكم ألف عافية يا شباب وما قصرتوا ردكم كان كافي ووافي واعتقد فيلسوف المحاسبة وصلته الفكرة ..

بس يا ليت نلتزم بالموضوع الاساسي من الموضوع ..



بالنسبة للي من خارج كلية الطب ويبي يمدح كليته أويسوي دعايات رجاء ما ينزله في هالموضوع يقدر ينزله في قسمه هالموضوع خاص بالاسفسارات عن رواتب الاطباء فقط ..( اقصد فيلسوف المحاسبة واللي يبي يمشي على اسلوبه )









AMQ لو انك حطيت استفسارك في قسمكم كان استفدت اكثر وجمعت معلومات اكثر والله يعطيك العافية يا MAG_KSA ..


ولحد يزعل علشان مسحنا رده ..ح4




د.ياسر .... ما بعد شفت شي الخير بيجيك بعدين اصبر بس ههههههههه

bandarq
5th December 2007, 06:24 PM
مساء الخير .........للجميع

اللي سمعته من أحد أقاربي انه فيه برنامج تشغيل ذاتي في مدينة الملك فهد الطبية ورواتبهم حلوة....بس أحيانا يقولون للواحد انهم راح يبتعثونه ويسحبون عليه لدرجة أنه يطفش منهم ويروح يشوف مستشفى ثاني.........اللي عنده معلومات عن هذا الموضوع ياليت يخبرنا



وشكرا

㍈㌠㋡Dr.DeaTH㋡㌙㍌
5th December 2007, 06:35 PM
مساء الخير .........للجميع

اللي سمعته من أحد أقاربي انه فيه برنامج تشغيل ذاتي في مدينة الملك فهد الطبية ورواتبهم حلوة....بس أحيانا يقولون للواحد انهم راح يبتعثونه ويسحبون عليه لدرجة أنه يطفش منهم ويروح يشوف مستشفى ثاني.........اللي عنده معلومات عن هذا الموضوع ياليت يخبرنا



وشكرا


نفس الكلام ذكرته .. وبالصدفة قايله بنفس الصيغة حقتك بعد ح4

اعتقد في هالموضوع او موضوع تفكر في الطب ..

رواتبهم حول 15.500 ريال اول ما تتوظف ..

mag_ksa
11th December 2007, 02:14 PM
دكتور ديث ما عندك علم برواتب مستشفيات المنطقة الرشقيه
زي مستشفى الملك فهد التعليمي اللي في الخبر
والمستشفى المركزي والمستشفى العسكري
والمستشفيات الخاصه
؟
؟
؟
؟
؟

㍈㌠㋡Dr.DeaTH㋡㌙㍌
19th December 2007, 07:21 PM
دكتور ديث ما عندك علم برواتب مستشفيات المنطقة الرشقيه
زي مستشفى الملك فهد التعليمي اللي في الخبر
والمستشفى المركزي والمستشفى العسكري
والمستشفيات الخاصه
؟
؟
؟
؟
؟


لا والله ما عندي علم برواتب المستشفيات بالمنطقة الشرقية للأسف..
بس المستشفيات الجامعية راح تكون مرتباتها مثل خالد الجامعي تقريبا والعسكري بنظام الوظيفة الدائمة مثل الصحة وتقدر تقيس على الباقين ..
اما رواتب المستشفيات الخاصة ما ادري والله ..

mag_ksa
19th December 2007, 07:56 PM
^^^

ما قصرت والله يعطيك العافيه

R.W.Emerson
19th December 2007, 08:42 PM
موضوع 6 صفحات على شان رواتب الاطباء !!

حشا اللي يبي فلوس يروح التجارة لا يدرس طب !!

mag_ksa
22nd December 2007, 12:38 AM
^^^^^^^^^^^
وأنت وش اللي حارق رزك ؟؟
اكثر واحد يكرف بحياته دراسه وشغل كيف ما تبغاه يهتم بالماده.. على بالك الدكتور جهه خيريه .. الدكتور موظف زيه زي غيره ترا ويهتم بالفلوس زيه زي غيره
وبعدين لو كل واحد بيروح التجاره ويسير غني كان شفت النسب على أقسام الإقتصاد وإدارة الأعمال تقفل على 100%

دكتور اكس
2nd January 2008, 04:30 AM
موضوع 6 صفحات على شان رواتب الاطباء !!

حشا اللي يبي فلوس يروح التجارة لا يدرس طب !!


مع عدم اتفاقي مع الاخ الذي رد عليك بالأعلى


لكن يا أخي قدر الكرف اللي نكرفه ست سنوات وسنة امتياز راتبك فيها ما يكفي مصاريفك

والسهر

وست سنوات متساوية بالمجهود اللي تبذله وبالانقلش

وحالتك حالة
ولازم تكون حاضر بكامل مجهودك العقلي والذهني والبدني وكل شي


بالنهاية ما تطمح ان يكون راتبك يوازي مابذلت


ولك حرية الأجابة في قرارة ذاتك


ودمت بود أخوك

ريان

استشاري المستقبل
19th August 2008, 03:29 PM
^^^^^
الاطباء يستهالون كل خير
يدرسون ويكرفون طووول عمرهم

moor
19th August 2008, 08:44 PM
أول شي رواتب الدكاترة تبع وزارة الصحة نزل مرسوم ملكي برفعها 70% لكن لسا رح يطبق قريبا القرار

الشي الثاني رواتب الأطباء في المستشفيات الخاصة تفرق حسب المستشفى والتخصص

يعني في طبيب في مستشفى الملك فيصل التخصصي بالرياض استشاري تخدير
و اول راتب له في المستشفى 42000 ريال
و وزارة الصحة أول راتب 12000 لخريجي الطب
والله أعلم

LEONARDO
22nd September 2008, 02:54 AM
انا عندي سؤال بس عن ما بعد الوظيفة وما بعد الراتب
وقصدي على التقاعد
فالقطاع الحكومي يتبع لمؤسسة التقاعد والقطاع الخاص يتبع للمؤسسة التأمينات الاجتماعة ( اذا ماني غلطان )

ياريت الاخوان يفيدونا عن نظام كل واحد منهم والفرق بينهم
وايضا سمعت ان فيه برنامج تكافلي بين النظامين بمعنى ان كنت في القطاع الخاص وبعد كذا انتقلت للقطاع الحكومي راح ينتقل ملفك بين المؤسستين والعكس صحيح ؟!!! ياريت تفاصيل زيادة عن المواضيع هذه والتي برأي انها قد تكون مهمة وخصوصا للي يميل للقطاع الخاص اكثر ليعرف حقوقه على الاقل
وشكرا

D.Gem
20th August 2009, 03:32 AM
متشكرين على المعلومات ل1

انا بصراحة بصير دكتور مو عشان فلوس ...غ6... بس لاني ما اتخيل نفسي الا دكتور من وانا صغير العابي ادوات الدكتور هههه << تراه صادق

المهم لو صرت دكتور ان شاء الله كيف اخذ الزمالة يعني بعد كم سنة ؟؟؟؟
عادي اخذه بالسعودية ولا مافي؟؟ طيب يمكن اكون متزوج عادي اخذ زوجتي :gardener: واذا كان معي بيبي عادي بعد اخذه ad11 خخخخخ << يفكر بالعائلة الي لحد الحين مايدري وش هم ..
المهم كم اصير اخذ فلوس م1اذا رحت ادرس مدري اخذ الزمالة << عشان مايطفر بديار الغربة
طيب احسن مستشفى من ناحية الراحة وش..؟؟؟؟؟؟ :6:

كثرة الاسئلة بس تحملوني شوي

D.Gem
21st August 2009, 07:14 AM
وين الردود

sama1
25th August 2009, 09:31 AM
جزاك الله خير د.ديث على كل هذه المعلوماتdb2db2 بس حبيت أسال سؤال ممكن تقولون غبي:6::6: لكن نفسي أعرف إجابته...... أنت طول الوقت تقول إذا جبت معدل عالي.........نفسي أعرف المعدلات العالية اللي يتخرجوا بها أغلب الطلاب والطالبات من كلية الطب تقريبا كم؟؟؟؟؟


أنتظر الرد ولك جزيل الشكر

~Fictional Love~
25th August 2009, 11:10 AM
^^^^^^^^^
ماتلاحظون ان الموضوع قديم..

D.Gem
26th August 2009, 04:49 AM
ملاحظين بس عجبنا
ههههههههههههههههه

sama1
26th August 2009, 03:21 PM
]جزاك الله خير د.ديث على كل هذه المعلوماتdb2db2 بس حبيت أسال سؤال ممكن تقولون غبي:6::6: لكن نفسي أعرف إجابته...... أنت طول الوقت تقول إذا جبت معدل عالي.........نفسي أعرف المعدلات العالية اللي يتخرجوا بها أغلب الطلاب والطالبات من كلية الطب تقريبا كم؟؟؟؟؟


أنتظر الرد ولك جزيل الشكر[/SIZE]

طيب ممكن اللي يعرف إجابة سؤالي يرد عليه

D.Gem
26th August 2009, 11:47 PM
مازلت بالانتظااااااار الاجابة على سوالي الصفحة 6 الرد الي قبل الاخير

ابو اسامه الحكمي
7th September 2009, 07:55 AM
الله يكتب الى فيه الخير

No0oha
17th June 2010, 07:00 AM
لو اني عايشه في المريخ احسن لي
من القهر

Dr.ZODIAC
9th September 2010, 04:42 AM
up لعيون طفشانه

MaaHAsaH
6th November 2013, 11:51 AM
السلام عليكم ورحمة الله ..،

عندي كم سؤال بخصوص تخصص جراحة العظام ...

1- هل من الممكن الحصول على قبول هذا التخصص من الهيئة السعودية مباشرة من دون المرور على الجراحة العامة ؟
2- هل من الأفضل الحصول على التدريب والزمالة في هذا التخصص من المملكة ولا من الأفضل عليه خارج المملكة؟ ولماذا ؟
3- ماهو مستقبل هذا التخصص في القطاع الحكومي والقطاع الخاص ؟ من ناحية طبيعة العمل ومن ناحية المرتب الشهري ؟
4- هل يوجد مبلغ خاص على كل عملية يقوم بها جراح العظام سواء كان في العام أو الخاص وبكم يقدر هذا المبلغ ؟
5- كيف هي فرصة الفبول في القطاع الخاص باسم هذا التخصص ؟
6- ماهو مستقبل هذا التخصص في مستشفيات التخصصي ، الحرس ، العسكري ؟ من ناحية القبول ومن ناحية المرتب الوظيفي ؟

طبعاً داري إن الموضوع قديم شوية بس قلت نجرب ونشوف هل رح نحصل على ردود لو لا ؟؟