المساعد الشخصي الرقمي

مشاهدة النسخة كاملة : عيادة الـــ cksu لطب الأسنان ( لطرح الاستفسارات والاستشارات ) ..(2)



الصفحات : [1] 2

ليلو
21st March 2012, 09:21 PM
بسم الله الرحمن الرحيم

http://www.cksu.com/design/upload/2010/banners/cksu-den.jpg


نظراً لزيادة الإستفسارات و تكررها سيكون هذا الموضوع مخصصاً لها
وسيدمج فيه أي موضوع بعد مرور يومين في منتدى الكلية



عيادة الـــ cksu لطب الأسنان ( لطرح الاستفسارات والاستشارات ) ..(1) (http://www.cksu.com/vb/showthread.php?t=246111)


(و)

لاما ش
22nd March 2012, 01:48 AM
مرحباااا.....
أنا شلت اسنان العقل بعضها جراحه وبعضها خلع وواحد من اسنان العقل اللي تحت وشلته جراحه السن اللي قبله فيه حشوه وقبل الجراحه قالوللي أشيل العصب والبس السن رحت للدكتور الفراج قاللي نزللي اللثه وقت العمليه بعدين يلبسللي السن سألت دكتور ثاني وقاللي مايصلح تلبيسه لأن اللثه بتطلع مره ثانيه ويصير صعب تنظيف التلبيسه وبتسبب لي مشاكل بعدين اقترح أني ازرع ........فأيش الأفضل ازرع او البس؟

N.mandela
22nd March 2012, 10:35 AM
مرحباااا.....
أنا شلت اسنان العقل بعضها جراحه وبعضها خلع وواحد من اسنان العقل اللي تحت وشلته جراحه السن اللي قبله فيه حشوه وقبل الجراحه قالوللي أشيل العصب والبس السن رحت للدكتور الفراج قاللي نزللي اللثه وقت العمليه بعدين يلبسللي السن سألت دكتور ثاني وقاللي مايصلح تلبيسه لأن اللثه بتطلع مره ثانيه ويصير صعب تنظيف التلبيسه وبتسبب لي مشاكل بعدين اقترح أني ازرع ........فأيش الأفضل ازرع او البس؟

الي بيسويه الدكتور الفراج تطويل للتاج يعني يقص جزء من اللثة وجزء من العظم وراح يكون كافي وماراح تطلع اللثة مرا ثانية في حالة انه شال جزء من العظم
انا مادري عن تفاصيل الحالة ولاشفتها وقد اكون مخطئ
لكن يتضح لي ان الدكتور الثاني وده يكسب فلوس زيادة علشان كذا ممكن قال ماتنفع لكن ماودي احط بذمتي حاجة !!

لاما ش
23rd March 2012, 12:49 AM
شكرررا عالردد

لاما ش
23rd March 2012, 01:03 AM
شلت اسنان العقل من أسبوعين بعد اسبوع من العمليه رحت للدكتور يفكللي الغرز بس اللي فكتها أظن وحده تدرب عنده بقتللي غرزتين كل غرزه فسن وقالت بتطيح من نفسها ولما الحين ماطاحت يحتاج اروح الدكتور مره ثانيه ........ والا عادي أسحبها بنفسي ولاا وش أسوي ؟؟؟

senyorita
26th March 2012, 08:07 PM
عندي كم سؤال بخصوص الاسنان ١- من افضل طبيب تجميل أسنان .... 2- هل تنظيف الأسنان يخليها حساسه ؟ لان سمعت ان مايمكن علاج الأسنان بعد التنظيف مباشرة بسبب حساسيتها بهالفترة صحيح هالكلام او لا ؟ 3- أنا ماعندي خبرة بالأسنان يس لما يجي الم مفاجئ زي الإبرة جوا السن هل هذا تسوس ولا مشكلة بالعصب ولا ايش ؟ 4- هل تنصحون بإزالة ضرس العقل وهل لو خليته ياثر على شكل الفك مع مرور السنوات ؟ (من الناحية التجميلية) الف شكر مقدما ... 

N.mandela
26th March 2012, 08:41 PM
عندي كم سؤال بخصوص الاسنان ١- من افضل طبيب تجميل أسنان .... 2- هل تنظيف الأسنان يخليها حساسه ؟ لان سمعت ان مايمكن علاج الأسنان بعد التنظيف مباشرة بسبب حساسيتها بهالفترة صحيح هالكلام او لا ؟ 3- أنا ماعندي خبرة بالأسنان يس لما يجي الم مفاجئ زي الإبرة جوا السن هل هذا تسوس ولا مشكلة بالعصب ولا ايش ؟ 4- هل تنصحون بإزالة ضرس العقل وهل لو خليته ياثر على شكل الفك مع مرور السنوات ؟ (من الناحية التجميلية) الف شكر مقدما ... 

1- صعب جوابه ماشاء الله في اطباء اسنان كثر موجودين وفيه السئ وفي الكويس
2- التنظيف نفسه لايسبب حساسية لكن في بعض الاحيان التراكمات الجيرية تكون كبيرة ومغطيه السن ومع الوقت يتأكل العظم وينكشف جزء من جذر السن واذا تنظفت وراحت التراكمات تصير حساسية عند المريض ويعتقد انه من التنظيف وهو اعتقاد خاطئ
3- صعب جاوبه بدون مانشوف الحالة ممكن تسوس وممكن من اللثة وممكن حاجة ثانية
4- برضو مافي احد راح يقدر يجاوب عليه بدون ماياخذ اشعة للسن ونشوفه في العيادة لانه يعتمد على عوامل كثيرة متى نخلع ومتى نخليه.

senyorita
27th March 2012, 03:07 AM
يعطيك الف عافية عالاجوبة الشاملة ... طيب بخصوص ضرس العقل مرة سويت أشعه وقال الدكتور ان في التهاب بسيط وعادي لونخليه بس كيفك اذا تبين اشيله شلته قلت بفكر ونسيت السالفه لي سنتين تقريبا بس لاحظت ان مقدمة الفك تغيرت عندي شوي واحس سببها ضرس العقل ؟ وسمعت ان وجوده ماله فايده ويستحسن ان اي احد يشيله ... وش رايك ...... سؤال أخير : وش اختصاص الدكتور اللي يسوي حفر وحشي ؟

d.vindo
27th March 2012, 07:04 AM
يعطيك الف عافية عالاجوبة الشاملة ... طيب بخصوص ضرس العقل مرة سويت أشعه وقال الدكتور ان في التهاب بسيط وعادي لونخليه بس كيفك اذا تبين اشيله شلته قلت بفكر ونسيت السالفه لي سنتين تقريبا بس لاحظت ان مقدمة الفك تغيرت عندي شوي واحس سببها ضرس العقل ؟ وسمعت ان وجوده ماله فايده ويستحسن ان اي احد يشيله ... وش رايك ...... سؤال أخير : وش اختصاص الدكتور اللي يسوي حفر وحشي ؟

بالعاده احد اسباب خلع ضرس العقل الالتهابات المصاحبه له واحيانا السن يخلع خوفا من حدوث الالتهابات كوقايه واللي يحددها الطبيب , اما بالنسبه لمقدمة الفك مالها علاقه بضرس العقل بعيدا عن الاحاسيس , استشيري الطبيب عن ازالته او ابقاءه وهو راح يعرف الحل الانسب لحالتك
اسم التخصص ( اصلاح الاسنان ) التشغيلي

ABDULAZIZ BIN
27th March 2012, 03:33 PM
السلام عليكم
استفسار بسيط
أبغى أفضل مسكن للإلم بعد خلع ضرس العقل جراحياً

الدكتور عطاني بروفين 400 بس ماش احس بالالم
أبغى أقوى مسكن

وش تنصحوني

تتحياتي

d z e k o
27th March 2012, 03:36 PM
خذ بندول سليب
نام 12 ساعة

> ترى نصيحة غير طبيه :)

N.mandela
27th March 2012, 04:34 PM
خذ بروفين 600

ABDULAZIZ BIN
27th March 2012, 04:52 PM
خذ بندول سليب
نام 12 ساعة

> ترى نصيحة غير طبيه :)

طيب واللي مايبغى ينوم؟!

ABDULAZIZ BIN
27th March 2012, 04:53 PM
تتوقع انه افضل من 400

بصراحه 400 مايسوي شي

وهل في مسكن افضل من البروفين

N.mandela
27th March 2012, 05:58 PM
تتوقع انه افضل من 400

بصراحه 400 مايسوي شي

وهل في مسكن افضل من البروفين

فيه مسكنات اقوى بس مافي شئ يستدعي تاخذها في حالتك

بروفين 600 مناسب جدا للخلع الجراحي وراح يريحك ان شاء الله كثير

أخصائي إكلينيكي
28th March 2012, 12:52 PM
الله يعطيكم العافية

انا أبي آرائكم عن الــ veneers

ارجوكم أبي أفضل دكتور بالرياض يسويها ويجيد عملها مئة بالمئة

ليلو
29th March 2012, 07:23 PM
شلت اسنان العقل من أسبوعين بعد اسبوع من العمليه رحت للدكتور يفكللي الغرز بس اللي فكتها أظن وحده تدرب عنده بقتللي غرزتين كل غرزه فسن وقالت بتطيح من نفسها ولما الحين ماطاحت يحتاج اروح الدكتور مره ثانيه ........ والا عادي أسحبها بنفسي ولاا وش أسوي ؟؟؟

اتصلي على الدكتور وأساليه افضل

(و)

-E-
30th March 2012, 12:03 AM
الله يعطيكم ألف عافية

عندي شغل طويل ومتعب في أسناني منها زراعة أسنان وتطعيم عظمي وخلع للعقل وحاجات ماكلة قلبي من الخوف
فيه حبوب تقلل من احساسنا بالخوف وقت الشغل بس نستخدمها؟ أحيانا احس اني اتوهم الألم

ناب
30th March 2012, 10:25 PM
السلام عليكم

ارشدوني الله يجزاكم خير ويرزقكم يارب ...
الطبيبه قالت لي مايناسبك تقويم يمكن ياثر على اسنانك وطلبت اني اروح عيادات كبيره وكذا
لانو اسناني ضعيفه واللثه مدري وش فيها يمكن ماتتحمل وجير مع العلم محافظه جدا واهتم بصحتي لكن قدرالله
ابغى اعدلها وتكون مصفوفه دررجنب بعض فيها فتحات فلجات و متقدمه قدام ,,,ماادري وش اصلح بالضبط
وين اروح بالاول استشاري تقويم ولا لثه ولمين .:؟؟؟ ماابغى ادفع فلوس كشفيات وبس
ابغى احد يحدد لي وين اروح بالضبط ؟؟ يشوف حالتي ويقولي كيف يعدلها ...ماابغى اخسر اسناني
لان بعضها انخلع من نفسه ,,,
د. الحمدان مواعيده بعد 6 اسابيع قلت يمكن القى حل ...بس قلت اسجل اسالكم لمين اروح واستشير

مو مهم العياده اهم شي من استشير ليخبرني ماذا سيعمل فيها ليجملها ويرممها ويعطيني الراي السديد

واذا تبغون اشعه لها قولو لي يمكن ماقدرت اوصل معلومات لكم ...

,,,,,,,,,,,,,,,,,,,,,,,,,,,,,,,,,,,

للمعلوميه عيادات الكبيره سيقال وامج اسعارهم نار الله الموقده ,,,سامحهم الله وهداهم للي يبغى يراجع عندهم
يمكن تلاقون عيادات عاديه بس فيها اطباء كويسين واسعارهم معقوله ...
ويابنات اللي تبغى طبيبه تقويم فيه ايمان باامج سعوديه ونورة القحطاني بمالين ,,,ادعولي تكفون

ناب
30th March 2012, 10:33 PM
ليلو ربي يسعدك ,,,

كيف ادخل ؟؟ للعيادتكم ؟؟ ارشديني
اخاف مواعيد تطووول بقوووة ووسط الاسبوع

ليلو
31st March 2012, 05:49 PM
ناب

تقدرين تجين أي يوم ماعدا الثلثاء عند الطوارئ في الدور الأرضي وهناك تشرحين لهم مشكلتك وبإذن الله ماراح يقصرون معك

(و)

الوان99
1st April 2012, 04:30 PM
اخواني الله يعطيكم العافيه

انا عندي سن حشوته كبيره يعني اغلب السن مكسور وانصحوني بالتلبيس

سوالي ماهي اضرار التلبيس بشكل عام خاصة على اللثه وهل فعلا تخرج رائحه كريهه مع الوقت

افيدوني الله لايحرمكم الاجر ومتى هو الوقت الذي استطيع الحجز في كلية طب الاسنان للتلبيس وماهي الطريقه

وجزاكم الله خير مقدما

dr-moh
1st April 2012, 08:23 PM
أول شي تزورين الطبيب ، ثم بعد الفحص والأشعه يتم التقرير هل هذا السن يحتاج تلبيس أم لا ؟
التلبيس ليس له أضرار إن عمل بالشكل السليم ،، ولا يعمل روايح ولا شي ،، الإلتزام بنظافة الفم من التفريش والخيط السني شي جداً مهم...
لأن المريض ما وصل المرحله هذي إلا بإهمال ،، الروائح الكريهه تصدر مع أو بدون تلبيسات ، إن لم يتم العنايه بنظافة الفم ....

عيادات النساء في كلية طب الأسنان بالملز ،، أتمنى من الزميلات إفادتك بخصوص المواعيد ورقم الهاتف ...

d z e k o
2nd April 2012, 08:59 PM
ايام ما كنت بالمتوسطة مدري الابتدائي
الزبدة قبل كم سنة

http://img190.imageshack.us/img190/9564/img2012040200026.jpg


في الطاحن الاول تشوفونه ؟ صار لي سالفة
المهم ان السوس خرمه خرم فيه لين قال بس .. الموهم الدكتور ذيك الايام نظفه وسوا لي حشوه
وقالي راجع .. المهم كنظام سعودي (سحبت) ذيك الايام > معلقه الكلمه
الموهم ذيك الايام ما راجعت ولا اذكر هل كانت الحشوه بيضاء ولا سوداء وهل كانت محدبه ام مقعره كما هي الحال الان
بس الموهم اني انا اصيّرها (اذكرها) سوداء ومقعره .. الموهم ..
الحين بديت احس بالم اذا جيت اكل عليه .. والحين وقت دراسة وماني فاضي له الطاحن العنيد ابغى حل مؤقت
وابغى اعرف كيف اسجل عندكم واكشف واتعالج ومتى اجي انا بكره دوامي ينتهي 10 يمديني اجي افتح ملف واكشف
ولا بطاقة الملك خالد تكفي

اتمنى الرد بسرعه :(
ترى طاحني طحني طحننة قشراء :0:

الوان99
2nd April 2012, 10:48 PM
أول شي تزورين الطبيب ، ثم بعد الفحص والأشعه يتم التقرير هل هذا السن يحتاج تلبيس أم لا ؟
التلبيس ليس له أضرار إن عمل بالشكل السليم ،، ولا يعمل روايح ولا شي ،، الإلتزام بنظافة الفم من التفريش والخيط السني شي جداً مهم...
لأن المريض ما وصل المرحله هذي إلا بإهمال ،، الروائح الكريهه تصدر مع أو بدون تلبيسات ، إن لم يتم العنايه بنظافة الفم ....

عيادات النساء في كلية طب الأسنان بالملز ،، أتمنى من الزميلات إفادتك بخصوص المواعيد ورقم الهاتف ...




مشكور اخوي على الافاده بس انا الدكتوره هي الي قالت لي لازم تلبيس

وانا قلت اسالكم واستفيد من علمكم خاصه كثير يشتكون من اسودد اللثه بعد التلبيس تكفون ياخواني وضحولي كاني اختكم

واخواتي طبيبة المستقبل تكفون متى التلبس في كليتكم وكيف احجز للتلبيس تحديدا

لغة الجمال
2nd April 2012, 11:19 PM
انا مااشوف السن موجود اصلا ض2
عالعموم روح بكره عيادات الدرعيه وخذ لك رقم وادخل ع الطورائ بدون ملف ومعك بطاقة الاحوال
مدري اذا اوقات الدرعيه مثل الملز او لا
خذ لك رقم بالطورائ قبل الساعه 2
وان شاء الله تنحل المشكله ض2

dr-moh
2nd April 2012, 11:32 PM
مشكور اخوي على الافاده بس انا الدكتوره هي الي قالت لي لازم تلبيس

وانا قلت اسالكم واستفيد من علمكم خاصه كثير يشتكون من اسودد اللثه بعد التلبيس تكفون ياخواني وضحولي كاني اختكم

واخواتي طبيبة المستقبل تكفون متى التلبس في كليتكم وكيف احجز للتلبيس تحديدا

مثل ماقلتلك ، اذا التلبيسه انعملت صح ماراح يكون فيها مشاكل ابد ،، انصحك انت تروح لأستشاري تركيبات افضل ،، مثل اختنا وأكثر بعد ،،

صح ممكن تكلف اكثر سو عملتيها عن استشاري السعر من ١٨٠٠ إلى ٣٧٠٠ (تقريباً) حسب نوع التلبيسه والي يحددها الطبيب حسب الحاله ،، هذا في العيادات الخاصه طبعاً ،، او انك تسويها في كلية طب الاسنان ...
استني شوي وان شاء الله يردون عليك ...

dr-moh
2nd April 2012, 11:56 PM
ايام ما كنت بالمتوسطة مدري الابتدائي
الزبدة قبل كم سنة

http://img190.imageshack.us/img190/9564/img2012040200026.jpg


في الطاحن الاول تشوفونه ؟ صار لي سالفة
المهم ان السوس خرمه خرم فيه لين قال بس .. الموهم الدكتور ذيك الايام نظفه وسوا لي حشوه
وقالي راجع .. المهم كنظام سعودي (سحبت) ذيك الايام > معلقه الكلمه
الموهم ذيك الايام ما راجعت ولا اذكر هل كانت الحشوه بيضاء ولا سوداء وهل كانت محدبه ام مقعره كما هي الحال الان
بس الموهم اني انا اصيّرها (اذكرها) سوداء ومقعره .. الموهم ..
الحين بديت احس بالم اذا جيت اكل عليه .. والحين وقت دراسة وماني فاضي له الطاحن العنيد ابغى حل مؤقت
وابغى اعرف كيف اسجل عندكم واكشف واتعالج ومتى اجي انا بكره دوامي ينتهي 10 يمديني اجي افتح ملف واكشف
ولا بطاقة الملك خالد تكفي

اتمنى الرد بسرعه :(
ترى طاحني طحني طحننة قشراء :0:

اذا قصدك السن المكسور هذا خلاص منتهي ولازم ينخلع وتحط محله زراعه ،،، وإلا ترا الاسنان الي فوق بتبدا تنزل والاسنان الي بجمبه تبدا تميل لجهته عشان تعوض النقص ،، مب دايم يصير كذا بس غالباً ...

d z e k o
3rd April 2012, 11:33 AM
في الويكند يكونون موجودين ؟ ولا بس اوقات الدراسة

ليلو
3rd April 2012, 07:42 PM
واخواتي طبيبة المستقبل تكفون متى التلبس في كليتكم وكيف احجز للتلبيس تحديدا



عزيزتي تقدرين تجين لكليتنا جنب مستشفى الملك عبدالعزيز في الملز
الدور الأرضي قسم الطوارئ الافضل الصباح الساعة ٨ طول ايام الاسبوع ماعدا الثلاثاء
اشرحيلهم حالتك وإن شاء الله ما راح يقصرون معك

(و)

ليلو
3rd April 2012, 07:44 PM
في الويكند يكونون موجودين ؟ ولا بس اوقات الدراسة


بس ايام الدراسة من السبت للأربعاء

(و)

الوان99
5th April 2012, 11:22 AM
الله يوفقكم ياخواني وينجحكم يارب

اختي ليلو اروح للكليه بدون موعد وادخل على طول ياليت توضحين لي والتلبيس كم يحتاج جلسه

waft air
5th April 2012, 04:13 PM
السلام عليكم ورحمة الله وبركاته
هذه اول مشاركة لي
سمعت انه فيه كلية طب الاسنان في الملز حتى انه منزل اعلان عنه في الصحف غير مجاني مادري انا ودي اتعالج عندهم اطلب استشاري مابغى طلاب الطب يتعلمون على اسناني عادي يحق لي ولأ

وهل عادي اروح لهم ولا فقط مقتصرين على الطلاب الجامعة

انا رحت لمركز اسنان مشهور المشكلة على غلاه اعطاني موعد بعد شهر ونص مأقدر اصبر على طول المدة الم الاسنان متعبني هذا الي جعلني افكر في كلية طب الاسنان

لغة الجمال
5th April 2012, 05:31 PM
العلاج مجاني لاي شخص

ليلو
5th April 2012, 07:08 PM
اختي ليلو اروح للكليه بدون موعد وادخل على طول ياليت توضحين لي والتلبيس كم يحتاج جلسه


تاخذين موعد من قسم الطوارئ وعدد الجلسات يتحدد بحسب الحالة والدكتورة

(و)

waft air
5th April 2012, 11:36 PM
عادي أطلب أستشاريين ؟وكيف أفتح ملف ومواعيدهم متقاربه أو بعيده
وجزاكم الله خيرا

احسااس
6th April 2012, 01:08 AM
السلام عليكم ....
من فتره سويت زراعة لثه والدكتور كتب لي غسول للفم (اروكسين ) وكل مره استخدمه احس بوخز في اللسان واحمرار باللثه وتورم ... خففته بالمويه ونفس الشيء وتركته بس من بعده اللثه صار لونها باهت وفي اماكن اصبحت غامقه جدا ... تكفون احد يجاوبني كيف ترجع لثتي نفس ماكانت ورديه وهل السبب من غسول الفم او من شي ثاني ...

dr-moh
6th April 2012, 07:53 PM
عادي أطلب أستشاريين ؟وكيف أفتح ملف ومواعيدهم متقاربه أو بعيده
وجزاكم الله خيرا

لا ماتقدرين ،،، لو الحاله معقده يمكن يحولونك على الدراسات العليا ،،

dr-moh
6th April 2012, 07:54 PM
السلام عليكم ....
من فتره سويت زراعة لثه والدكتور كتب لي غسول للفم (اروكسين ) وكل مره استخدمه احس بوخز في اللسان واحمرار باللثه وتورم ... خففته بالمويه ونفس الشيء وتركته بس من بعده اللثه صار لونها باهت وفي اماكن اصبحت غامقه جدا ... تكفون احد يجاوبني كيف ترجع لثتي نفس ماكانت ورديه وهل السبب من غسول الفم او من شي ثاني ...

كم المده الي استخدمتي فيها المضمضه ؟

احسااس
6th April 2012, 10:57 PM
كم المده الي استخدمتي فيها المضمضه ؟

استخدمته اسبوعين

dr-moh
7th April 2012, 07:21 AM
استخدمته اسبوعين

هو استخدامه لازم مايزيد عن ٣ اسابيع بالكثير ولا حيسبب مشاكل مثل ماذكترتي ،، يفضل مراجعة الطبيب المعالج ،

احسااس
7th April 2012, 11:51 AM
هو استخدامه لازم مايزيد عن ٣ اسابيع بالكثير ولا حيسبب مشاكل مثل ماذكترتي ،، يفضل مراجعة الطبيب المعالج ،

عندي مراجعة بعد ثلاث اسابيع تقريبا وان شاء الله يكون في حل لان شكل اللثه الان مره بشع ويضيق الصدر ويجيب الاكتئاب....

مشكور على اجابتك يادكتور والله يعطيك العافيه ويجزاك خير وموفق يااارب

دنيا 22
10th April 2012, 12:23 AM
السلام عليكم ورحمة الله
عندي مشكلة باللثه تتطلب جراحة وراح اسويها باذن الله عند الدكتور عبد الله العمري بمركز الاسنان بمستشفى الملك فهد للحرس الوطني
اذا احد فيكم يقدر يفيدني عن الدكتور عبد الله واكون لكم من الشاكرين

dr-moh
10th April 2012, 01:22 AM
السلام عليكم ورحمة الله
عندي مشكلة باللثه تتطلب جراحة وراح اسويها باذن الله عند الدكتور عبد الله العمري بمركز الاسنان بمستشفى الملك فهد للحرس الوطني
اذا احد فيكم يقدر يفيدني عن الدكتور عبد الله واكون لكم من الشاكرين
نفيدك في ايش بالضبط؟؟؟

دنيا 22
10th April 2012, 03:47 PM
نفيدك في ايش بالضبط؟؟؟


اي معلومه عن مدى كفاءته وخبراته ومن هالمعلومات اللي تفيدني وتطمنني من الناحيه النفسيه
او اذا في احد عمل جراحه عنده وكيف كانت النتيجه
لان كانت لي تجربه في جراحه اللثه مع دكتور آخر وكانت نتيجتها فاشله بكل المقاييس ومااستفدت منها ابدا

احسااس
11th April 2012, 12:28 AM
اي معلومه عن مدى كفاءته وخبراته ومن هالمعلومات اللي تفيدني وتطمنني من الناحيه النفسيه
او اذا في احد عمل جراحه عنده وكيف كانت النتيجه
لان كانت لي تجربه في جراحه اللثه مع دكتور آخر وكانت نتيجتها فاشله بكل المقاييس ومااستفدت منها ابدا


الدكتور عبد الله العمري قمة في التواضع والاحترام ,,ذوق عالي وتفاني بالشغل وانسان مريح
وشغله بروفشنال وعنده ذمة وضمير موب مثل الاجانب اللي ماهمهم الا الفلوس
وكلامي هذا من باب تجربه سويت زراعه للثه عند الدكتور العمري ونتيجتها ممتازه جزاه الله خير حل مشكله شكليه ومرضيه
وانا نفس حالتك تقريبا في سالفه الجراحه الفاشله سويت زراعة لثه في جزء من الفك العلوي عند دكتور اردني
صارت لثتي اسوء مماكانت عليه سابقا وصارت بارزه يعني مش في مستوى اللثه الطبيعيه والدكتور عبد الله بيعدلها لي ان شاء الله وواثقه ان النتيجه بتكون حلوه
ومن باب تجربتي الشخصيه معه اقولك انه دكتور امين ودقيق ومتفاني بشغله الى ابعد حد والحمد لله ان ربي يسره لي .. والله يسهل عليك يارب

Saleh88
12th April 2012, 01:51 AM
السلام عليكم ..
انا محول من مستشفى الملك فهد التخصصي ببريده الى مدينة الملك سعود الطبيه. واعطوني رقم انتظار للتقويم الجراحي لان عندي مشاكل في كلا الفكين وقالو لازم عمليه بس قبل. تقويم جراحي. وانا رقم انتظاري ( ٨٥٤) تقريبا. كم ممكن انتضر. سنه او اقل او اكثر. وانا لكم من الشاكرين ،،

ناب
12th April 2012, 02:13 AM
ياليلو فكرت في الذهاب للعيادات ولقيتها صعبه وبهذله الله المستعان مستشفياتنا ماتستقبل
حتى الحالات الحررجه الله يبعد عنا الامراض كيف لو كشف اسنان
احس موقفي لما اروح محرج جدا في الاخيرر معك واسطه بكل شيء ولا بلاها

المهم ,.. العيادات الثانيه ماحد يداوم لثه الربوع لانو قررت اروح لثه اشوف
ياليت احد يعرف عيادات محترمه يقولي تعبت لمين اروح ويكون بعيادته
الربوع ماقدر اطلع الا هاليوم او خميس ...
الحمدان مقفل عيادته ومن قبل قالو لي بعد 6 اسابيع
كل مافكرت اروح شيء ياهو مافيه يايداومون مدري متى واقول عسى خيره

غير اللي ذكرتهم من قبل في سؤالي ,,,, تكون شمال الرياض سعوديين

ليلو
12th April 2012, 05:38 PM
ياليلو فكرت في الذهاب للعيادات ولقيتها صعبه وبهذله الله المستعان مستشفياتنا ماتستقبل
حتى الحالات الحررجه الله يبعد عنا الامراض كيف لو كشف اسنان
احس موقفي لما اروح محرج جدا في الاخيرر معك واسطه بكل شيء ولا بلاها

المهم ,.. العيادات الثانيه ماحد يداوم لثه الربوع لانو قررت اروح لثه اشوف
ياليت احد يعرف عيادات محترمه يقولي تعبت لمين اروح ويكون بعيادته
الربوع ماقدر اطلع الا هاليوم او خميس ...
الحمدان مقفل عيادته ومن قبل قالو لي بعد 6 اسابيع
كل مافكرت اروح شيء ياهو مافيه يايداومون مدري متى واقول عسى خيره

غير اللي ذكرتهم من قبل في سؤالي ,,,, تكون شمال الرياض سعوديين

كليتنا الحمد لله تستقبل كل الحالات بدون واسطات جربي ما راح تخسرين شي :)

(و)

dr-moh
14th April 2012, 12:29 AM
السلام عليكم ..
انا محول من مستشفى الملك فهد التخصصي ببريده الى مدينة الملك سعود الطبيه. واعطوني رقم انتظار للتقويم الجراحي لان عندي مشاكل في كلا الفكين وقالو لازم عمليه بس قبل. تقويم جراحي. وانا رقم انتظاري ( ٨٥٤) تقريبا. كم ممكن انتضر. سنه او اقل او اكثر. وانا لكم من الشاكرين ،،

عزيزي التقويم الجراحي هو العمليه الي راح تسويها ،، معنى تقويم جراحي هو "تقويم" اي تعديل وضع الفكين عن طريق الجراحه لموضعهم الطبيعي ،، عادةً يتم تركيب التقويم على الاسنان قبل العمليه ،،
مافيه احد يقدر يفيدك عن كم راح تنتظر عشان يجي موعد ،، الافضل التواصل مع المستشفى ،،،

انسه منشن2
15th April 2012, 02:46 AM
[B][CENTER]بسم الله الرحمن الرحيم
أنا لدي ناب مطمور في عظم الفك العلوي الجهه اليسرى ركبت تقويم لسحب السن للاسفل وصارلي سنتين
والناب كان مائل والان اصبح ميلان خفيف ولاكن لازال السن بطئ الحركه سويت عمليه كي اللثه 4 مرات لكي يظهر السن ولاكن في اخر زيارتي للطبيب نصحتني بخلع الناب وعمل زراعه للسن او جسر
وانا معارضه تماما للجسر
ويمكن ان ازرع سن
السؤال:
هل يمكن خلع الناب واعاده زراعته من جديد بنفس الناب المخلوع؟
هل يمكن زراعة الناب بعد عمليات الكي ؟هل يؤثر الكي في الزراعه؟
من افضل طبيب لزراعة الاسنان ويكون بحد سعر معقول مابين 5000 او 6000 ريال؟
بماذا تنصحوني ؟؟؟ انا تعبت نفسياً

ناب
15th April 2012, 11:38 PM
السلام عليكم
معليش كثرت اسئله
ياليت اي شخص منكم يعرف عن عيادات جاما / رامه
سمعه جيده ومين الاطباء و تخصصاتهم
للضرورة القصوى <<< من جد تعبت

نسيت / مين يعرف د. قطب بسيقال رايكم اروح ولا لا عنده ؟؟
ماادري هل سعودي او اجنبي التبس الامر عندي

*شموخ**ملكة*
21st April 2012, 12:24 AM
[B][CENTER]بسم الله الرحمن الرحيم
أنا لدي ناب مطمور في عظم الفك العلوي الجهه اليسرى ركبت تقويم لسحب السن للاسفل وصارلي سنتين
والناب كان مائل والان اصبح ميلان خفيف ولاكن لازال السن بطئ الحركه سويت عمليه كي اللثه 4 مرات لكي يظهر السن ولاكن في اخر زيارتي للطبيب نصحتني بخلع الناب وعمل زراعه للسن او جسر
وانا معارضه تماما للجسر
ويمكن ان ازرع سن
السؤال:
هل يمكن خلع الناب واعاده زراعته من جديد بنفس الناب المخلوع؟
هل يمكن زراعة الناب بعد عمليات الكي ؟هل يؤثر الكي في الزراعه؟
من افضل طبيب لزراعة الاسنان ويكون بحد سعر معقول مابين 5000 او 6000 ريال؟
بماذا تنصحوني ؟؟؟ انا تعبت نفسياً




اهلين اختي

حياك الله اختي بالنسبة لسؤالك لابد من رؤية الاشعة والحالة في العيادة

لكن بشكل عام ... انتي قلتي السن تحرك بشكل خفيف وهالشي يؤكد عدم التصاق السن بالعظم والسن ممكن ينزل ... لكن رجعتي قلتي ان الدكتور يقول اخلعيه وازرعي ..<<احتمال ان الدكتور شاف الاشعة وبعد الكشف العيادي شاف ان فيه معيقات تمنع هذا السن من الحركة ... لذلك قال اخلعي

بالنسبة لسؤالك هل يمكن خلع الناب واعاده زراعته من جديد بنفس الناب المخلوع؟

بشكل عام "انا ماشفت حالتك" نعم يمكن ذلك ..<<تعمل عملية جراحية ويزرع السن ..ويثبت ... ويعملون لك مواعيد متابعه ... وممكن يشيلون عصب السن ويحشونه ...((لان العصب قد يموت اثناء عملية نقله من مكانه)) وهالشي يكتشفونه بالمتابعه اذا مات العصب لابد من ازالته والا سوف تنمو بكتيريا داخل السن وتسبب لك خراج تحته ...الخ

وممكن تزرعيه بالزراعة الحديثة (سن صناعي) ..<<واعتقد هذي افضل من زراعة السن نفسه ..((لان السن الطبيعي بينشال عصبه ويلبس..يصير ضعيف ))

اما بالنسبة لعمليات الكي اعتقد انها لاتؤثر على الزراعة الا اذا كانت بشكل واضح يعني مافيه لثه كافيه حول الزرعه ... وهذي يكشف عنها الطبيب المعالج ... واذا كانت غير كافيه يوجد حل ..<<هناك زراعه للثه حول الزرعه


د/ بيشي القرني ، وعبدالله الكريديس ..<<ثنائي مميز في تخصص زراعة الاسنان

انسه منشن2
21st April 2012, 02:48 AM
الله يوفقك وييسر لك اعطيتيني اجابه كافيه

فزولهآ
21st April 2012, 07:17 AM
سوال بليززززز

القلام سمايل أبغئ عياده بالرياض تسويه

شغل حلو ونظيف ومهوب غالي بعددددددددددددددد


وع الطاري كم سعر تركيب السن الوحده

أنتظظظركم

green apple
22nd April 2012, 08:09 PM
السلام عليكم
عندي مشكلة وان شاء الله الاقي حلها عندكم
المهم
قبل شهرين صار عندي انتفاخ في اعلى الفم كان كبير شوي
ورحت لدكتورة ووصفت لي amoxicillin وقالت اخذه لمده اسبوع واذا ما نفع ارجع لها
مع الamoxicillin تقلص الانتفاخ وصار مره صغير "زي حجم حبه الخردل"
ورجعت لعيادتها ولقيت دكتورة غير الاولى
وقلت لها حكايتي واعطتني rianest استخدمته اسبوعين وما نفع
والحين صار لي اسبوعين تقريبا ما اخذ شئ بس الحبه ما راحت
هيه مو مسوية الم. الا لما اضغط عليها او المسها

" ايش رايكم يا Dentist ؟؟؟ "

بلـسم
24th April 2012, 04:10 AM
مرحبا
سؤالي عن افضل استشاري او دكتور تجميل اسنان لاني محتاجة اسوي تلبيسات امامية ؟
سمعت عن د.عبدالله الفراج و د. يسرى الجزائري ،،، ياليت احد يساعدني والف شكر

أمLeno
25th April 2012, 02:31 PM
السلام عليكم ورحمة الله بركاته ؛ اعزائي اطبائنا وطلابنا اطباء المستقبلقلب2
بنتيتي جننتني ابدا ماتتقبل دكتور الاسنان تعبت وياها افضل واروع الاطباء والطبيبات شافوها وماتتقبل ابدا واخر مره داخت وكسرت قلبيف9
اخيرا فكرت بالتخدير بواسطة اكسيد النيتروز عندها سوسه وابي الحق عليها قبل تأثر اكثرف9

وين تدلوني يااهل الخبر لاي عياده يستخدمون هالغاز ف9
ويهمني يكون الاطباء سعوديين .


واكون لكم شاكره قلب2

لغة الجمال
25th April 2012, 02:45 PM
السلام عليكم ورحمة الله بركاته ؛ اعزائي اطبائنا وطلابنا اطباء المستقبلقلب2
بنتيتي جننتني ابدا ماتتقبل دكتور الاسنان تعبت وياها افضل واروع الاطباء والطبيبات شافوها وماتتقبل ابدا واخر مره داخت وكسرت قلبيف9
اخيرا فكرت بالتخدير بواسطة اكسيد النيتروز عندها سوسه وابي الحق عليها قبل تأثر اكثرف9

وين تدلوني يااهل الخبر لاي عياده يستخدمون هالغاز ف9
ويهمني يكون الاطباء سعوديين .


واكون لكم شاكره قلب2



عندنا بالكليه اتوقع يستخدمونه مز1

dr-moh
26th April 2012, 11:32 AM
السلام عليكم ورحمة الله بركاته ؛ اعزائي اطبائنا وطلابنا اطباء المستقبلقلب2
بنتيتي جننتني ابدا ماتتقبل دكتور الاسنان تعبت وياها افضل واروع الاطباء والطبيبات شافوها وماتتقبل ابدا واخر مره داخت وكسرت قلبيف9
اخيرا فكرت بالتخدير بواسطة اكسيد النيتروز عندها سوسه وابي الحق عليها قبل تأثر اكثرف9

وين تدلوني يااهل الخبر لاي عياده يستخدمون هالغاز ف9
ويهمني يكون الاطباء سعوديين .


واكون لكم شاكره قلب2



كم عمرها ؟

اذا كانت صغير مره وغير متعاونه ابداً ماينفع النايتروز اوكسايد ،، الافضل التخدير العام ،،،

فيه حل افضل ،، مستخدم في كثير من الاماكن ، انك تمسكينها "تكتفينها" اتني او احد الاقارب والطبيب يعالجها ، اسلوب ناجح ويستخدم كثير ،،،

أمLeno
26th April 2012, 11:56 AM
عندنا بالكليه اتوقع يستخدمونه

لغة الجمال
حاتصل فيهم , ولو كان موجود يستخدمونه لبنتي مع انها مو طفله ؟


كم عمرها ؟

اذا كانت صغير مره وغير متعاونه ابداً ماينفع النايتروز اوكسايد ،، الافضل التخدير العام ،،،

فيه حل افضل ،، مستخدم في كثير من الاماكن ، انك تمسكينها "تكتفينها" اتني او احد الاقارب والطبيب يعالجها ، اسلوب ناجح ويستخدم كثير ،،،

dr-moh

ههههه جربوا لها هالطريقه ومانفعت معاها الله يصلحها

عمرها 16h1

dr-moh
26th April 2012, 12:08 PM
dr-moh

ههههه جربوا لها هالطريقه ومانفعت معاها الله يصلحها

عمرها 16h1



هههههه عمرها ١٦ سنه وترفض علاج الأسنان !

كنت أحسبها طفله ٤-٥ سنوات يعني :)

طيب ، ناخذ الموضوع حبه حبه ، هي اول شي ليش رافضه علاج الاسنان ؟ هل تعرضت لموقف مع طبيب الاسنان من قبل ؟

انصحك بشده انك تروحين لطبيب سعودي (ويفضل أخصائي حشوات Restorative Dentistry Specalist ) - ونصيحه لك بشكل عام فري من السوريين"بالأخص" كفرارك من الأسد ، دراستهم أي كلام ولا عندهم علم وشهاداتهم ضعيفه والذمه غير موجوده ،، وأنا مسؤول عن كلامي قدام رب العالمين ،، حالات تجيني في العياده من تحت يدينهم ، لعبوا في حسبة العالم ،، المشكله مايقول ما اعرف كل شي يسوويه ...

هي عقده اذا انحلت خلاص ،، النايتروس اوكسيد يستخدم لتخفيف التوتر في المرضى الراغبين في العلاج لكنهم خايفين ،،

أمLeno
26th April 2012, 12:31 PM
هههههه عمرها ١٦ سنه وترفض علاج الأسنان !

كنت أحسبها طفله ٤-٥ سنوات يعني

طيب ، ناخذ الموضوع حبه حبه ، هي اول شي ليش رافضه علاج الاسنان ؟ هل تعرضت لموقف مع طبيب الاسنان من قبل ؟

انصحك بشده انك تروحين لطبيب سعودي (ويفضل أخصائي حشوات Restorative Dentistry Specalist ) - ونصيحه لك بشكل عام فري من السوريين"بالأخص" كفرارك من الأسد ، دراستهم أي كلام ولا عندهم علم وشهاداتهم ضعيفه والذمه غير موجوده ،، وأنا مسؤول عن كلامي قدام رب العالمين ،، حالات تجيني في العياده من تحت يدينهم ، لعبوا في حسبة العالم ،، المشكله مايقول ما اعرف كل شي يسوويه ...

هي عقده اذا انحلت خلاص ،، النايتروس اوكسيد يستخدم لتخفيف التوتر في المرضى الراغبين في العلاج لكنهم خايفين ،،

ههههه الله يصلحها

فعلا حصل لها موقف مع دكتور سوري رحنا له بعدمدح حسبي الله عليه وعلى من علمه
ومن شان كذا كتبت يهمني يكون سعودي الدكتور.
وترغب بالعلاج لكن لما ندخل العياده يروح عزمهاا

DENTAL-MAN
26th April 2012, 07:21 PM
السلام عليكم ورحمة الله بركاته ؛ اعزائي اطبائنا وطلابنا اطباء المستقبلقلب2
بنتيتي جننتني ابدا ماتتقبل دكتور الاسنان تعبت وياها افضل واروع الاطباء والطبيبات شافوها وماتتقبل ابدا واخر مره داخت وكسرت قلبيف9
اخيرا فكرت بالتخدير بواسطة اكسيد النيتروز عندها سوسه وابي الحق عليها قبل تأثر اكثرف9

وين تدلوني يااهل الخبر لاي عياده يستخدمون هالغاز ف9
ويهمني يكون الاطباء سعوديين .


واكون لكم شاكره قلب2



افضل العيادات بالرياض هي سيجال وكورال وايميج بنظري وكل الي فيها اطباء استشاريين سعوديين واساتذة بكلية طب الاسنان

بالنسبه لي احدى قريباتي عالجت طفلها بعيادات كورال قبل كم سنه وكانت تجربه ناجحه بكل المقاييس يعيبهم اسعارهم المرتفعه قليلاً

ولكن من ناحية الاهتمام وجودة العمل مافيها نقاش على اعلى مستوى

MoOoNi
26th April 2012, 08:27 PM
مساء الخير للجميع

عندي استفسار
أنا عندي ملف بمستشفى الملك خالد الجامعي

والآن عندي مشاكل كثيييير بأسناني
منها التلبيس والزراعة والجسر

وأيضا عني مشاكل بأسناني الأمامية
تحتاج إلى حشوات تجميلة
وعندي حاليا التهاب ولثتي متورمه

أغلب عيادات الأسنان طالبين مني مبالغ خيالية

فهل أقدر تعالج عندكم

وكيف الاجراءات
وهل يعطوني معود على طول
لأن من جد أسناني متعبتني وأخذت مضاد ولا خف التورم والألم
أفيدوني بأسرع وقت

دمتم في أحسن حال

أمLeno
27th April 2012, 12:48 AM
افضل العيادات بالرياض هي سيجال وكورال وايميج بنظري وكل الي فيها اطباء استشاريين سعوديين واساتذة بكلية طب الاسنان

بالنسبه لي احدى قريباتي عالجت طفلها بعيادات كورال قبل كم سنه وكانت تجربه ناجحه بكل المقاييس يعيبهم اسعارهم المرتفعه قليلاً

ولكن من ناحية الاهتمام وجودة العمل مافيها نقاش على اعلى مستوى

كويـس سيجال يعيبهم المواعيد بهذلوني فيها ولا كان ماخليتهم , كورال هي اللي تقريبا حول مشغل لمسات عائشه اللي قريب من طريق الإمام ممم مخرج 9 أو لا ؟
ويستخدمون النيتروز ؟ بأذن الله نزورهم ويكتب ربي الخير

DENTAL-MAN
27th April 2012, 02:15 PM
كورال هي اللي تقريبا حول مشغل لمسات عائشه اللي قريب من طريق الإمام ممم مخرج 9 أو لا ؟
ويستخدمون النيتروز ؟ بأذن الله نزورهم ويكتب ربي الخير

نعم كورال على طريق الامام تقاطع التخصصي بجانب هيئة المواصفات والمقاييس

د.فــهــد
27th April 2012, 07:36 PM
السلام عليكم
عندي مشكلة وان شاء الله الاقي حلها عندكم
المهم
قبل شهرين صار عندي انتفاخ في اعلى الفم كان كبير شوي
ورحت لدكتورة ووصفت لي amoxicillin وقالت اخذه لمده اسبوع واذا ما نفع ارجع لها
مع الamoxicillin تقلص الانتفاخ وصار مره صغير "زي حجم حبه الخردل"
ورجعت لعيادتها ولقيت دكتورة غير الاولى
وقلت لها حكايتي واعطتني rianest استخدمته اسبوعين وما نفع
والحين صار لي اسبوعين تقريبا ما اخذ شئ بس الحبه ما راحت
هيه مو مسوية الم. الا لما اضغط عليها او المسها

" ايش رايكم يا Dentist ؟؟؟ "




وعليكم السلام

الف لاباس عليك طهور باذن الله وبالنسبة لحالتك والله اعلم انها التهاب خف شوي مع مضاد الاموكسيسيلين ولكن ماراح ولاراح يروح الا اذا تعالجت المشكلة . طبعا المشكلة غالبا من الاسنان ولكن ممكن من غيرها فتحتاجين تروحين لطبيب يعرف كيف يشخص . بالنسبة للعلاج الثاني الراينيست هذا علاج للفطريات وبصراحه ماعرف ليه طبيبتك صرفته لك !!!! نصيحة روحي لاحد يعرف شغله وافضل متخصص فعلاج اعصاب الاسنان وماتشوفين شر

السياع
29th April 2012, 11:50 PM
السلام عليكم جميعا يا إخوان وخاصة الاطباء الجراحين اناصارلي حادث سيارة وتكسرت أسناني الاربعة الأمامية الثنتين والرباعية والناب ورجعوهم لي وجلست معي ١٢ سنة وهالحين بدت ترقل وطاح اثنين منها وراجعت اكثر من دكتور ويعتذرون لي المهم رحت للبازعي في الحبيب وقال يحتاج لك تطعيم من الحوض او رح للفراج إذا عنده حل رحت للفراج بس رفض يستقبلني لان ما عندي موعد وطلبته وقلت له أنا من ابها وتراني جاي عشانك لكن رفض الزبدة أنا ابي منكم. حل وبأ نزل لكم صورة أشعة وتكفون اجتمعوا يالاطباء وعطوني حل ( كيف انزل صور الاشعة ما عرفت)

تآهت خطآوينآ
30th April 2012, 08:51 PM
السلام عليكم ورحمه الله وبركاتــه

أنا طالبة في جامعه الملك سعود
حابة اجي للكلية اسوي كشف على اسناني
وأنظف السوس واشوف اذا محتاجة حشو او تركيب تقويــمم
وهل هذا مجاني او لآ
وكيف المواعيد
وهل يطلب اثبات اني طالبة في الجامعه اوكيف
ياليت تفيدوني باي معلومة ..~

ليلو
30th April 2012, 11:22 PM
السلام عليكم ورحمه الله وبركاتــه

أنا طالبة في جامعه الملك سعود
حابة اجي للكلية اسوي كشف على اسناني
وأنظف السوس واشوف اذا محتاجة حشو او تركيب تقويــمم
وهل هذا مجاني او لآ
وكيف المواعيد
وهل يطلب اثبات اني طالبة في الجامعه اوكيف
ياليت تفيدوني باي معلومة ..~

وعليكم السلام ورحمة الله وبركاته

تقدرين تجين لكلية قسم الملز بس إحنا ألحين في نهاية السنة وراح نبدأ إختبارات بعد أسبوعين وما راح يكون فيه غير قسم الطوارئ يداوم
تقدرين تجين وهم يقيمون حالتك, وتقويم الأسنان لا يعمل في الكلية إلا لأبناء الدكاترة فقط وفيما عدا ذلك العلاج مجاني
ما يحتاج إثبات بأنك طالبة بس إثبات بطاقة الأحوال أو دفتر الأحوال إذا سعوديه والإقامه إذا غير سعودية لفتح ملف

(و)

ABDULAZIZ BIN
1st May 2012, 11:20 AM
السلام عليكم

انا خلعت ضرس العقل من شهر تقريبا ولازالت الخياطة موجودة طبعاً طالع نصها وباقي شوي منها هل اروح للدكتور افك الخياطة ولا اخليها لما تطيح من نفسها لان بصراحه مضايقتني لي شهر تقريباً من خلعت ومازالت الخياطة موجودة
وش الحل

أشيلها ولا اخليها
هل في ضرر لو خليتها

dr-moh
1st May 2012, 04:23 PM
السلام عليكم

انا خلعت ضرس العقل من شهر تقريبا ولازالت الخياطة موجودة طبعاً طالع نصها وباقي شوي منها هل اروح للدكتور افك الخياطة ولا اخليها لما تطيح من نفسها لان بصراحه مضايقتني لي شهر تقريباً من خلعت ومازالت الخياطة موجودة
وش الحل

أشيلها ولا اخليها
هل في ضرر لو خليتها

عزيزي ، الجراح الي سوالك الخلع المفروض يقولك هل هي من النوع الي يذوب ولا لا ،، لو كانت من النوع الي مايذوب المفروض يكون قالك انها لازم تنفك بعد إسبوع ،، مشكلة الخياطه اذا طولت انها ممكن تسبب إلتهاب ،، يا إما انك تروح لنفس الجراح او تروح لأي طبيب اسنان يفك لك اياها ماتاخذ كم دقيقه ...

غموزة
4th May 2012, 05:38 AM
مرحبا .. انا طم مرة كتبت استفسار ويجابوني جزاهم الله خير .. بس مرتين اسافسرت عن حاجة ومحد رد علي .. يعني لو ماعندكم فائدة لي لاتطنشوني الله يهديكم .. انا ادور احد يطمني .. وهذا نص الكلام اللي حطيته بالاستفسارات ..
............

السلام عليكم ورحمة الله ..
ياجماعة الخير افيدوني الله يرزقكم من اوسع ابوابه ..
انا عندي ناب مطمور وسويت له ثلاث عمليات تخدير موضعي .. كان تحت الانف ودحين سار تحت العين .. ( مكانه الاساسي في الفك العلوي جهة اليمين ) اللي سار امس في الموعد قالي الدكتور لازم نسويلك عملية جراحية وتخدير كامل عاشان نقشع اللثه كلها وننضف حولين الناب ونخليه طالع وباين وبعدين نخيط اللثة .. بصراحة انا انفجعت .. يقول هو مامشي الا اربعه ملٍ والمفروض يكون ماشي اكثر .. انا احس انه مشي كثير .. طولت عليكم بالهرج بس اللي عنده خبره ياليت يفيدني لاني مره خايفه وداخلين على اختبارات .. وجزاكم الله كل خيير .. (F)

تمااضر
4th May 2012, 07:07 AM
بسم الله الرحمن الرحيم وبه أستعين
السلام عليكم ورحمة الله وبركاته

اخواتي طبيبات الأسنان، أخواني أطباء الأسنان أريد أن اشرح لكم حالتي وارغم مساعدتكم
في البداية انا ابلغ من العمر 26 عاما ولدي مشاكل عدة باسناني وتسبب لي حالة ذعر وكره لنفسي وحالة نفسية شينه لابعد حدود كل ما اناظر المرآة

اولا // اسناني الاماميه الاربعه (العلويه) فيها حشوات كبيره وشايله منهم العصب انا اللي خايفه منه ان يوم من الايام اسناني هذي تطيح لان الحشوات فيها كبيره صح راح تطيح واجلس ابكي عليهم ولا الحشوات راح تمسكهم وتخليهم يعيشو a020ف9ف9

ثانيا/// ضروسي كلها مسوسه (اللي اسفل) بس التسويس خفيف ...... احتاج اني اشيله واحط حشوه ولا لما يصير التسويس كبير ؟ دن2

ثالثا// عندي ضرسين (بالاعلى) سووولهم ازالة للعصب وحطوا لهم حشوه مؤقته وقالوا لازم تلبيسه صح لازم؟؟؟ ولا مو لازم .. وايش الاثار السلبيه للتلبيسه ؟؟ وايش احسن نوع ؟؟ ad060


رابعا// مافي بحياتي رحت طبيب اسنان وطلعت مبسوطه دايما اطلع زعلانه ما اعرف ليه،،، احس الطبيب يبي يخلص شغله وخلاص ما يبي يتفنن ويشتغل بضمير،، والنقطه المهم احسهم يحفرو بالسن اكثر من اللازم ليه؟؟؟؟ لازم يحفروا كثير يعني ولا هذول ما يعرفوا يشتغلو ؟؟ دلوني على اطباء اسنان كويسين بجده انا بالرياض الحين بس ناقله جده قريب

خامسا// خلينا نفترض ان اسناني الاماميه طاحت بعد كم سنه (والله خايفه) ايش راح يكون الحل؟ زراعه؟؟ والزراعه كويسه؟ يعني اقدر اكل على الاسنان المزروعة بعدين؟ وتكون واضحه انها زراعه ولا لا؟


آسفه طولت عليكم بس نفسيتي زفت وتذكرت انه في منتدى حق الجامعه سجلت وقلت يمكن تساعدوني مز3:وو:

ليلو
4th May 2012, 12:29 PM
بس اللي عنده خبره ياليت يفيدني(F)

حبيبتي إحنا ما طنشناك بس أغلب الموجودين في المنتدى إذا مو كلهم تقريباً لسى طلاب في الجامعه وسؤالك دقيق وما يقدر يجاوبه إلا دكتورك الخاص لأنه عارف حالتك أو دكتور اخر متخصص في الجراحه وليس طالب , تقدرين تروحين أي دكتور ثاني كإستشارة وهذا من حقك كمريضه

ولو أحد جاوبك هنا في المنتدى مايقدر يعطيك جواب صح 100% لأن لازم قبل نطلع على الحالة كفحص إكلينيكي و رؤية الأشعه ونتائج ال 3 عمليات !

(و)

ليلو
4th May 2012, 12:40 PM
وعليكم السلام ورحمة الله وبركاته


اولا // اسناني الاماميه الاربعه (العلويه) فيها حشوات كبيره وشايله منهم العصب انا اللي خايفه منه ان يوم من الايام اسناني هذي تطيح لان الحشوات فيها كبيره صح راح تطيح واجلس ابكي عليهم ولا الحشوات راح تمسكهم وتخليهم يعيشو


الحشوات يمكن تطيح وهذا وارد في أي حشوة سواء كانت كبيرة أو صغيرة بس السن نفسه ما يطيح إلا لو كانت فيه أسباب أخرى مثل ضربة على السن أو أمراض في اللثه



ثانيا/// ضروسي كلها مسوسه (اللي اسفل) بس التسويس خفيف ...... احتاج اني اشيله واحط حشوه ولا لما يصير التسويس كبير ؟

بالعكس الأفضل تنظيف السن وإزالة التسوس وهو لسى صغير علشان ما يوصل للعصب وتكون الحشوة صغيره فما تبين



ثالثا// عندي ضرسين (بالاعلى) سووولهم ازالة للعصب وحطوا لهم حشوه مؤقته وقالوا لازم تلبيسه صح لازم؟؟؟ ولا مو لازم .. وايش الاثار السلبيه للتلبيسه ؟؟ وايش احسن نوع ؟؟

نعم لازم تلبيسة لأن السن لما ينشال العصب منه يصير هش وسهل الكسر فالأفضل حمايته بوضع التلبيسة, أحسن نوع على حسب حالة السن الأفضل سؤال الطبيب المعالج نفسه



رابعا// مافي بحياتي رحت طبيب اسنان وطلعت مبسوطه دايما اطلع زعلانه ما اعرف ليه،،، احس الطبيب يبي يخلص شغله وخلاص ما يبي يتفنن ويشتغل بضمير،، والنقطه المهم احسهم يحفرو بالسن اكثر من اللازم ليه؟؟؟؟ لازم يحفروا كثير يعني ولا هذول ما يعرفوا يشتغلو ؟؟ دلوني على اطباء اسنان كويسين بجده انا بالرياض الحين بس ناقله جده قريب

على حسب التسوس وين واصل فإذا كان عميق لازم يحفرون لين ما يشيلونه كله, للأسف ما أعرف أطباء في جدة



خامسا// خلينا نفترض ان اسناني الاماميه طاحت بعد كم سنه (والله خايفه) ايش راح يكون الحل؟ زراعه؟؟ والزراعه كويسه؟ يعني اقدر اكل على الاسنان المزروعة بعدين؟ وتكون واضحه انها زراعه ولا لا؟



لو سقطت الأسنان لأي سبب ففيه أكثر من حل منها التكريبات المتحركه والتركيبات الثابته وفيه الزراعه طبعا لكل نوع شروط لازم تتوافر في الأسنان وتتحدد عن الطريق الفحص
بالنسبة للزراعه فهي تعتبر أفضل حل لأنها تحافظ على مستوى العظم في الفك و إذا كان الدكتور شاطر بإذن الله ما راح تبين أنها زراعه وتقدرين تاكلين عليها عادي :)

(و)

SHMLANOV
4th May 2012, 06:12 PM
مرحبا فيك..



اولا // اسناني الاماميه الاربعه (العلويه) فيها حشوات كبيره وشايله منهم العصب انا اللي خايفه منه ان يوم من الايام اسناني هذي تطيح لان الحشوات فيها كبيره صح راح تطيح واجلس ابكي عليهم ولا الحشوات راح تمسكهم وتخليهم يعيشو؟


انا اقول اذا عندك القدرة فمن الافضل عمل تلبيسات تحمي هذه الاسنان الامامية، فهي بحكم انها تم علاج العصب لها وتحمل حاليا حشوات كبيرة.. هنا نوع من المخاطرة في سقوط الحشوات ليست بالبسيطة، والاسنان بعد علاج العصب تصبح جافه اكثر من الداخل واسهل عرضه للكسر،

انا لا اعرف ماذا قال لك طبيبك وماهي التفاصيل الاخرى لحالة هذه الاسنان الامامية، لكن هذا رأي مبدئي وقاعده نتخذها في مثل هالمعطيات.





ثانيا/// ضروسي كلها مسوسه (اللي اسفل) بس التسويس خفيف ...... احتاج اني اشيله واحط حشوه ولا لما يصير التسويس كبير ؟

طبعا نظريا علاج هذا التسوس افضل في هذه المرحلة، لكن اعلمي انه في الواقع ان تطور التسوس هنا وازياد حجمه هذي عمليه تستغرق سنين،
لذلك يمكن علاج هذا التسوس، لكنه ليس في وضع حرج او طاريء يستدعي تدخل عاجل.





ثالثا// عندي ضرسين (بالاعلى) سووولهم ازالة للعصب وحطوا لهم حشوه مؤقته وقالوا لازم تلبيسه صح لازم؟؟؟ ولا مو لازم .. وايش الاثار السلبيه للتلبيسه ؟؟ وايش احسن نوع ؟؟

اكيد الافضل هو وضع تلبيسه تحمل هذه الاسنان مثل ما قال طبيبك وقالت الدكتوره قبلي






خامسا// خلينا نفترض ان اسناني الاماميه طاحت بعد كم سنه (والله خايفه) ايش راح يكون الحل؟ زراعه؟؟ والزراعه كويسه؟ يعني اقدر اكل على الاسنان المزروعة بعدين؟ وتكون واضحه انها زراعه ولا لا؟


دائما هناك حلول ان شاءالله
صحيح لا يوجد شي مثل كفاءة الاسنان الطبيعية، لكن زرعات الاسنان هي تعويضات لها نتائج جميلة وناجحة ومرضية لدرجة كبيرة

وجميل منك انك تستفسرين وتبحثين عن المعلومات التي تزيل قلقك

غموزة
5th May 2012, 05:03 AM
شكرا بحجم السماء .. فهمت قصدك .. ادعيلي ي عزيزتي .. وبارك الله فيك

gleamy candle
5th May 2012, 07:45 AM
السلام عليكم
شخباركم :ل5:
الله يسلمكم انا بعلمكم بسالفتي

انا من يوم كنت صغيره اكره مستشفى الاسنان عندي فوبيا منهم
كانت الدكتوره تشتغل بدون بنج احياناو الالام هذاغير القلع
الزبده اني اهملتها وتركتها بس سويت حشوات بسيطه

الان تخرجت من الكليه وتفرغت لخشتي ويك1
و رحت لمستشفى الاسنان وبدينا شغل

مشكلتي كالآتي :
سوت قلع لضرس وقالت الدكتوره انها بتركب سن وتحط فوقه تلبيسه لثلاث اسنان عشان تمسك السن ومايكون فيه فراغات
يعني يشبه ذا
http://www.royzmandental.com/Services/Images/bridge.jpg

المشكله عندي قلع يمين وشمال
وكلهم بتلبسهم زي كذا ثلاث اسنان:@:
يعني ثلاث يمين ثلاثه شمال مس2
المجموع سته مس2
صرت كني عجوز كل سنوني ملبسه :لي:
قلت لها ياوخيتي ورا ماتركبين مكان القلع سن و تلبسينه لحاله وش دخل اللي جنبه يلبسون معه! h1:6:
قالت بتصير فراغات وعشان يمسك السن مايطيح و روعتني:no:
وانا مااقتنعت ابدا

وحتى يوم رجعت البيت
امي وابوي و واخواتي كلهم ركبوا اسنان في ابن سينا ولبسوا كل واحد لحاله سواء كان قلع او نص سن


انا قلت اسألكم تكفون تفاعلواااااااااااااا معي :لي:

مشاعل الرياض
5th May 2012, 02:22 PM
السلام عليكم
أنا أعاني من الgummy smile
ومتعقدة منها بشكل كبير
صلحت قص للثة صار فيه تحسن لكن لازالت اللثة توضح اذا ابتسمت أو ضحكت بشكل كبير

راجعت استشاري لثة وقال ممكن نصلح لك lip repositioning
يفتح الشفة العلوية ويستأصل جزء من العضلة بعدين يخيطها اسفل من المكان الي كانت موجودة فيه سابقا

وش رايكم؟ انا تخوفت منها خصوصا وجهي بيتنفخ بعدها
وهل يوجد اجرائ اخر اقل ألم ممكن يحل لي مشكلة الgummy smile

ولو فرضا توكلت على الله وصلحتها
وين ممكن اصلحها؟؟
الدكتور الي رحت له احس يده حارة شوي

Dr.good
5th May 2012, 11:09 PM
السلام عليكم
شخباركم :ل5:
الله يسلمكم انا بعلمكم بسالفتي

انا من يوم كنت صغيره اكره مستشفى الاسنان عندي فوبيا منهم
كانت الدكتوره تشتغل بدون بنج احياناو الالام هذاغير القلع
الزبده اني اهملتها وتركتها بس سويت حشوات بسيطه

الان تخرجت من الكليه وتفرغت لخشتي ويك1
و رحت لمستشفى الاسنان وبدينا شغل

مشكلتي كالآتي :
سوت قلع لضرس وقالت الدكتوره انها بتركب سن وتحط فوقه تلبيسه لثلاث اسنان عشان تمسك السن ومايكون فيه فراغات
يعني يشبه ذا
http://www.royzmandental.com/Services/Images/bridge.jpg

المشكله عندي قلع يمين وشمال
وكلهم بتلبسهم زي كذا ثلاث اسنان:@:
يعني ثلاث يمين ثلاثه شمال مس2
المجموع سته مس2
صرت كني عجوز كل سنوني ملبسه :لي:
قلت لها ياوخيتي ورا ماتركبين مكان القلع سن و تلبسينه لحاله وش دخل اللي جنبه يلبسون معه! h1:6:
قالت بتصير فراغات وعشان يمسك السن مايطيح و روعتني:no:
وانا مااقتنعت ابدا

وحتى يوم رجعت البيت
امي وابوي و واخواتي كلهم ركبوا اسنان في ابن سينا ولبسوا كل واحد لحاله سواء كان قلع او نص سن


انا قلت اسألكم تكفون تفاعلواااااااااااااا معي :لي:



و عليكم السلام ورحمة الله وبركاته ...

أهلاً وسهلاً ..

الخيار الأفضل لتعويض أي سن مفقود هو زراعة الأسنان بشكل عام ...
قد يكون هناك بعض الظروف تمنع من اختيار الزراعة .. كحالة العظم .. المسافة المراد تعويضها ... إلخ

فنلجأ لخيار آخر وهو التركيبات كالجســر ... وهو خيار جيد بلا شك لكن ليس أفضل من الزراعة ..



سوت قلع لضرس وقالت الدكتوره انها بتركب سن وتحط فوقه تلبيسه لثلاث اسنان عشان تمسك السن ومايكون فيه فراغات


أنتي تقولين بتركب لك سن ثم تحط فوقه تلبيسه ؟؟؟

- تقصدين زراعه وفوقهم جسر
- أو تقصدين فيه سن موجود بتسوي له وتد وتلبيسه ثلاثيه

عموماً إذا ما أقتنعتي بإمكانك تروحين لدكتوره ثانيه للاستشاره أو تفضلي بزيارة الكلية يشوفونك الدكاترة


بالتوفيق

gleamy candle
6th May 2012, 10:04 AM
مشكووووووووور د.قوود
محد عطاني وجه الا انت
امس استفسرت من الدكتوره اكثر وقالت بسوي لك نفس اللي فالصوره بالضبط
http://www.royzmandental.com/Services/Images/bridge.jpg

يعني مارح تركب سن
فقط هذي التلبيسه

وانا قلت لها عن وجهة نظري اني ابي سن يتركب و تلبسينه لحاله
قالت اذا تبين كذا اسوي لك بس ترى احتماليه انه يطيح اكبر
قلت لها بسأل فالنت و اشوف
وش اسوي ياجماعة

DENTAL-MAN
7th May 2012, 01:58 AM
السلام عليكم
أنا أعاني من الgummy smile
ومتعقدة منها بشكل كبير
صلحت قص للثة صار فيه تحسن لكن لازالت اللثة توضح اذا ابتسمت أو ضحكت بشكل كبير

راجعت استشاري لثة وقال ممكن نصلح لك lip repositioning
يفتح الشفة العلوية ويستأصل جزء من العضلة بعدين يخيطها اسفل من المكان الي كانت موجودة فيه سابقا

وش رايكم؟ انا تخوفت منها خصوصا وجهي بيتنفخ بعدها
وهل يوجد اجرائ اخر اقل ألم ممكن يحل لي مشكلة الgummy smile

ولو فرضا توكلت على الله وصلحتها
وين ممكن اصلحها؟؟
الدكتور الي رحت له احس يده حارة شوي

الحل يعتمد على مقدار ظهور اللثه فالابتسامه اللثويه لها تصنيفات متعدده مابين حاله خفيفه ومتوسطه ومتقدمه

الحل الجذري للابتسامه اللثويه هو جراحه لرفع الفك العلوي maxillary impaction خصوصا بالحالات المتقدمه

http://www.youtube.com/watch?v=KzxGclrto7k

اما الحلول الاخرى فقد تعطي نتيجه جيده بالحالات الخفيفه والبسيطه وفكرتها قائمه على التخفيف من حدة المشكله وليس حلها من جذورها

انصحك باستشارة اي مختص بجراحة الفم والوجه والفكين

مهندس1
8th May 2012, 04:04 PM
اخواني الاعزاء. عندي مشكلة بسيطة صارت واتمنى منكم المساعدة وشكراً
في البداية رحت عند طبيب لتغيير التلبسية في احد الاضراس الخلفية. والدكتور للاسف مايعرف يشتغل فقام بكسر الضرس عند فك التلبسية بالخطأ. ولم يخبرني بذلك بعد ذلك قام بحشو الضرس المكسور ووضع تلبيسه مؤقته. عموما بعد خروجي اتاني نزيف شديد في اللثة خصوصا عند التفريش وبعدها حصل لي خراج. عموما ذهبت توقفت عن العمل معه وذهبت لدكتور ثاني فقام بفك التلبيسه وخلع الضرس وبعد الخلع اشعر بالم بسيط في الفك واعلى الفك. حينها اخبرني ان جزء من العظم متأكل بسبب البكتيريا. عموما بعد خلع الضرس لاازال اشعر بوجود الخراج او شي مثل الخراج لا اعلم قاسي( مثل العظم) مع ترهل بسيط في اللثه. سألت الدكتور وقال لي هذا امر طبيعي وهذا بسبب البكتيريا وسيزول بعد فترة وطلب مني ان اواظب على حبوب انتي بايودك.

عموما ولاني لست موجود في السعودية فقلت نسأل اهلنا هنا ان شاء الله نجد فيهم اهل الخير ولاني اطمئن لكم اكثر فنجد منكم نصيحة او تعليق لما حدث ولكم مني جزيل الشكر.

d z e k o
8th May 2012, 05:31 PM
انا اشوف ان خلقة الله حلوه

Mesha
9th May 2012, 04:05 AM
السلام عليكم

تشكرون ع المجهود ↜❀إبدعتوآ❀↝

انا عندي أكثر من شغله اسئل عنهآ ، تحملوني :)

أبغآ أعرف بـ أخر جلسه في تقويم الآسنآن

الدكتور شنو يسوي بالضبط ( طبعاً غير قياسات الريتنر )

كيف يشيل التقويم وكيف يشيل بقايا الماده اللاصقه ع السن
- دورت ب عمو قوقل واليوتيوب ومالقيت شي -

الشغله الثانيه

الضرسين اللي قبل الاخير بالفك السفلي - اللي مثبت فيهم التقويم -

صاير فيهم انحراف ع دآخل ، قلت للدكتور عنهآ قال دام ان الاسنان تتطابق ومافي ضرر منها ف عادي

كلامه صحيح وامشي عليه ؟ والا اقوله يرجعهم لمكانهم

<~ ناويه تحجر للدكتور ههههآ

وهالضرس - اللي مثبت فيه التقويم - فيه فراغ بينه وبين اللي وراه - اخر ضرس - < ي رب فهمتوهآ طبعاً بكل الجهتين من الفك السفلي

عادي هالفراغ او لا !!!

( انا اقول انو عادي عشان ضرس العقل لو طلع مايزاحم الاسنان )

والباقي بعدين :× هههه

بنوتة شطورة
10th May 2012, 08:55 AM
انا الحين بيطلع سن العقل وعمري 25 من جد مدري ايش يحس فيه علي العموم هو مره تعبني له فتره يلتهب ويرجع لوضعه الطبيعي بس الا صار اخر مره التهب لدرجة ماقدرت افتح فمي الا بعد ابره مسكنة اخدتها بالعضل فهل تنصحوني اشيله ولا اخليه يكمل ويطلع لانو هادي المره شق وطلع نص الضرس

طَير ،
11th May 2012, 11:19 AM
الظاهر ياجماعة الخير إن ضروسي العقل الأربعة كلهن بيطلعن لي ض2 .
- حبيت أسأل عن دكتور شاطر يشيلهم ، لمين أروح ؟ .
- وأحسن يكون تحت تخدير موضعي ولا تخدير عام ؟ ،
- خلعه مثل ألم خلع السن العادي ؟ أشوف الناس يقولون قمنا نرافس ، قلت مدري يمكن يهولون =/ .
- المضاعفات شديدة ؟ إلى درجة ما أقدر أكل ؟ .

من فترة كان فيه أنتفاخ بمكان السن ، لكن ماطلع شيء ، لا السن ولا جزء منه .

أشتياقي
11th May 2012, 07:59 PM
السلام عليكم ورحمة الله

كنت مركبه تقويم وفكيته من قبل خمس سنوات تقريبا والنتيجه وقتها الحمدلله ممتازه وكان في مستشفى الملك سعود وطلبت من الطبيب المثبت ورفض بحجة عدم الحاجه له بس الاستمرار على الريتنر لسنه والتزمت بالتعليمات

قبل اربع شهور تقريبا حصل فراغ بين الناب والسن اللي جنبه وراجعت الطبيب وكانت خطة العلاج هو اني استمر على الريتنر مره ثانيه لحد مايرجع السن لوضعه الطبيعي وبعدها يركب الثابت (بعد ماكان رافضه )
وشد على الريتنر من جهة السن المتضرر بس ولما البسه احس بألم (خلى الريتنر مقوس بس من جهة السن المتضرر )
بعدها بفتره صار السن يتخلخل وراجعته وسوى اشعه وقال سليم بس يمكن مع الضغط عليه صار يتخلخل
وامر اني اترك الريتنر لحد مايثبت السن من نفسه وقال راجعيني بعد اربع شهور وهذ الكلام من اسبوع بس
لكن الان بعد ماتركته رجعت الفتحه مره اخرى وتقدم السن ومازال يتخلخل

يعني كنت بمصيبه الفراغ وصرت بمصيبتين الفراغ والتخلخل

المشكله عارفه لما ارجعله ماراح يفيدني

هل راح يتأثر سني ولاكيف

وكيف ترجع اسناني مثل اول

وهل التنظيف راح يأثر عليه (لان ناويه اسوي تنظيف )

نفسيتي متأززززمه مرررره حاسه ان السن خلاص ماله حل واسناني ماعادت مثل اول مافكيت التقويم عنها

ليلو
16th May 2012, 02:33 PM
الظاهر ياجماعة الخير إن ضروسي العقل الأربعة كلهن بيطلعن لي ض2 .
- حبيت أسأل عن دكتور شاطر يشيلهم ، لمين أروح ؟ .
- وأحسن يكون تحت تخدير موضعي ولا تخدير عام ؟ ،
- خلعه مثل ألم خلع السن العادي ؟ أشوف الناس يقولون قمنا نرافس ، قلت مدري يمكن يهولون =/ .
- المضاعفات شديدة ؟ إلى درجة ما أقدر أكل ؟ .

من فترة كان فيه أنتفاخ بمكان السن ، لكن ماطلع شيء ، لا السن ولا جزء منه .



بالنسبة لأسماء الدكاترة أعتذر عن الإفادة لإنعدام خبرتي في هذا المجال

الأفضل يكون تخدير موضعي على جلسات بحيث سن واحد في كل جلسه أو سنين في نفس الجهه كل جلسه لراحة المريض بالنسبة للأكل والشرب والحديث

الألم على حسب حالة السن إذا كان تحت اللثه فيحتاج لشق اللثه لإخراجه فيكون ألمه بالطبع أكثر من السن الخارج فوق اللثه

المضاعفات عبارة عن ألم مكان الخلع في أول يومين أو ثلاثه بعد الخلع, بالنسبة للأكل يكون في الجهة الأخرى
والمضاعفات تختلف من مريض لمريض على حسب حالة السن

(و)

ليلو
16th May 2012, 02:36 PM
انا الحين بيطلع سن العقل وعمري 25 من جد مدري ايش يحس فيه علي العموم هو مره تعبني له فتره يلتهب ويرجع لوضعه الطبيعي بس الا صار اخر مره التهب لدرجة ماقدرت افتح فمي الا بعد ابره مسكنة اخدتها بالعضل فهل تنصحوني اشيله ولا اخليه يكمل ويطلع لانو هادي المره شق وطلع نص الضرس

قد يكون الألم من اللثة التي تغطي السن الأفضل إزالتها عند الطبيب, إذا كان ضرس العقل في الجهه المقابلة غير موجود فالأفضل خلعه لعدم وجود فائدة منه

(و)

كروزر
17th May 2012, 12:49 PM
السلام عليكم ورحمة الله وبركاته
بسم الله الرحمن الرحيم

حبيت اسألك عن تقدم او (بروز) الفك السفلي ..
هل يحتاج الى تقويم اسنان او عملية جراحية ؟ ..
وشكرا..

مع العلم انني سألت دكتور على الفيس بوك . . وهذا مجمل حديثه معي . .


اولا يجب الذهاب لدكتور اسنان متخصص في التقويم ولكن بشكل مبدائي يمكن انا اساعدك ولكن اولا جاوب علي هذه الاسئله
اولا : ما عمر الشخص ( العمر طبعا 16 سنة )
ثانيا:هل البروز في الاسنان ام في عظم الفك والفرق في طريقه العلاج مختلف تماما



بسم الله الرحمن الرحيم ...... لو كنت سالتني من سنتين لكان الوضع افضل انظر يا اخي ... بالنسبه ل 16 سنه اعتقد ان الحل الافضل علي الارجح يكون جراحه وليس تقوبم علي الارجخ ولكن لتتاكد اذهب لطبيب اسنان متخصص في تقويم الاسنان فورا لان انت في فتره حساسه لان اكتمال نمو العظم اكتمل او اوشك علي الانتهاء وهذا ما سيظهره نتائج الاشعه ولذلك يستلزم لعلاج هذه المشكله ان تقوم بعمليه جراحيه بسيطه ان شاء الله ... اتمني لك التوفيق



انظر يا اخي القول الفاصل للحاله بعد رؤيه الاشعات كلها وحساب المسافات بين الاسنان ولذلك يجب ان تذهب لدكتور تقويم متخصص ... وشكرا واتمني لك التوفيق


سؤالي هو : هل ترى ان ماقاله الدكتور صحيح . . ؟

mahx99
17th May 2012, 07:25 PM
السلام عليكم و رحمة الله وبركاته
هذي اول مشاركه لي في المنتدى و اول إستفسار و اتمنى ان القى عندكم الفائده
إستفساري هو :انا عندي ثلاث اسنان في حادث مزح تكسرت و بقي منها اجزاء أقل سن هي السن الاماميه و بقي منها تقريباً أقل من ثلث السن , و بعد ماتكسرت الاسنان صارت الاسنان سودأ سئلت قالو عشان العصب مات و تضرر تاج السن فصار لونها اسود السؤال هنا هل ينفع لي ان اسوي تلبيس للاسنان مع ان فيه بعض الدكاتره المشي حالك و اللي يبغون الربح يقولون خلع و سئلت شخص مشاء الله عليه إستشاري و دكتور له سمعته فقال لي بأنه يمديني ان اسوي تلبيس للاسنان و لا احتاج للخلع .. و افيدوني ايش الحل

نوارة الدنيا
19th May 2012, 01:59 AM
ممكن سؤال
السن اللي تركيبة يعني اصطناعي ليش يصب دم من اللثة اللي حوله. وليش بعد فتره يبين المعدن اللي تحتة ؟

مافيه نـــك نيــم
21st May 2012, 06:47 PM
اخواني الاعزاء. عندي مشكلة بسيطة صارت واتمنى منكم المساعدة وشكراً
في البداية رحت عند طبيب لتغيير التلبسية في احد الاضراس الخلفية. والدكتور للاسف مايعرف يشتغل فقام بكسر الضرس عند فك التلبسية بالخطأ. ولم يخبرني بذلك بعد ذلك قام بحشو الضرس المكسور ووضع تلبيسه مؤقته. عموما بعد خروجي اتاني نزيف شديد في اللثة خصوصا عند التفريش وبعدها حصل لي خراج. عموما ذهبت توقفت عن العمل معه وذهبت لدكتور ثاني فقام بفك التلبيسه وخلع الضرس وبعد الخلع اشعر بالم بسيط في الفك واعلى الفك. حينها اخبرني ان جزء من العظم متأكل بسبب البكتيريا. عموما بعد خلع الضرس لاازال اشعر بوجود الخراج او شي مثل الخراج لا اعلم قاسي( مثل العظم) مع ترهل بسيط في اللثه. سألت الدكتور وقال لي هذا امر طبيعي وهذا بسبب البكتيريا وسيزول بعد فترة وطلب مني ان اواظب على حبوب انتي بايودك.

عموما ولاني لست موجود في السعودية فقلت نسأل اهلنا هنا ان شاء الله نجد فيهم اهل الخير ولاني اطمئن لكم اكثر فنجد منكم نصيحة او تعليق لما حدث ولكم مني جزيل الشكر.



ياغالي انت الان تمشي على العلاج وعندك طبيب يتعامل معك شخصيآ اعتقد ماتحتاج لنصائح وضعك في السليم واذا كنت خايف من اشياء خطيره تكلم مع دكتورك وصدقني هو اكثر واحد بيفيدك

ابتسام.
21st May 2012, 07:58 PM
السلام عليكم ورحمة الله ... لن أطيل عليكم سوف أبدء في مشكلتي انا اتعالج في كلية الرياض لطب الاسنان و الصيدلة توجهت لها بعد ان فقدت الأمل في جميع المستشفيات الحكومية والخاصة وبعد ان كنت ضحية لدكتور أسنان برد جميع أسناني و وضع لي تركيبات انا في غنى عنها ، من سن الخامسة عشر و انا لا املك اضراس نهائي سوى الضرس الاخير ، قرر لي الدكتور في الكلية تقويم وزراعة أضراس مايقلقني ويعكر نومي عملية زرع العظم في الفك السفلي وياخذو عظم من الفك العلوي ... انا ضحية دكاترة الاسنان هل تنصحوني بهذي الكلية او لا :لااا:لم يعد لدي اي طاقة لأي صدمات مع العلم ان عمري ٢٤ سنة :oh:

N.mandela
21st May 2012, 09:24 PM
السلام عليكم ورحمة الله ... لن أطيل عليكم سوف أبدء في مشكلتي انا اتعالج في كلية الرياض لطب الاسنان و الصيدلة توجهت لها بعد ان فقدت الأمل في جميع المستشفيات الحكومية والخاصة وبعد ان كنت ضحية لدكتور أسنان برد جميع أسناني و وضع لي تركيبات انا في غنى عنها ، من سن الخامسة عشر و انا لا املك اضراس نهائي سوى الضرس الاخير ، قرر لي الدكتور في الكلية تقويم وزراعة أضراس مايقلقني ويعكر نومي عملية زرع العظم في الفك السفلي وياخذو عظم من الفك العلوي ... انا ضحية دكاترة الاسنان هل تنصحوني بهذي الكلية او لا :لااا:لم يعد لدي اي طاقة لأي صدمات مع العلم ان عمري ٢٤ سنة :oh:



وعليكم السلام ورحمة الله وبركاته

كان الله في عونك ياختي والله يفرج همك

كلية الرياض صراحة ماعرف عنها شئ فا مقدر افتيك فيها لا بالايجاب او السلب

انا نصيحتي لك بما انك مرتي بتجربة سيئة (في حالة ان عندك القدرة المادية على الدفع ) انك تروحي لاطباء استشارين سعودين

عندك
د. طارق عبدالجبار في عيادات اورانس شارع العروبة
او د.عصام طشقندي في عيادات سيقال

وهم كلهم اعضاء هيئة تدريس عندنا وماشاء الله امانة وعلم وباذن الله شغلهم مضمون ونتيجة مرضية باذن الله

ابتسام.
22nd May 2012, 08:52 AM
جزاك الله الف خير...
الكلية كلها استشارين ولكن حامشي لدكاترة لو كشف وأخذ رايهم ... شاكرة لك الرد

ابتسام.
22nd May 2012, 08:57 AM
٥٣ مشاهدة مافي احد عندة خلفية عن الكلية ... وين فزعتكم يا اهل الرياض انا عمليتي يوم الخميس أفيدوني ... :(

اللولو
24th May 2012, 03:05 AM
السلام عليكم
امس سويت عملية قص لثه ببنج موضعي طبعا
صرف لي الدكتور مضاد amoxil ومسكن عند الحاجه + ثلج أتوقع عشان مايصير فيه تورم
غلطتي أني حطيت الثلج على الأسنان واليوم خدي وشفتي اللي فوق متورمين ومتنفخين مدري شي طبيعي والا لا ؟
وأيش الحل جداً مضايقتني !!!

bro f a n t a s t ! c
27th May 2012, 05:07 AM
ي الله إن تكتب لي من طلاب هالتخصص قلب2 ن2

راعي ال FJ
30th May 2012, 06:34 AM
السلام عليكم اخواني انا بسال كم سؤال وتحملوني :×

اللحين فيه عيادة بمستشفى الملك خالد الجامعي ؟ وكيف اقدر اقدم عليه ؟
وهل يطول الموعد على ما يردون علي ؟ وهل هو مجاني ؟؟

ادري اني طولت ويعطيكم العافية ن1

ليلو
30th May 2012, 02:01 PM
السلام عليكم اخواني انا بسال كم سؤال وتحملوني :×

اللحين فيه عيادة بمستشفى الملك خالد الجامعي ؟ وكيف اقدر اقدم عليه ؟
وهل يطول الموعد على ما يردون علي ؟ وهل هو مجاني ؟؟

ادري اني طولت ويعطيكم العافية ن1

وعليكم السلام والرحمه
فيه عيادات في كلية طب الأسنان في الدرعيه، تقدر تروح للطوارئ وتفتح هناك ملف يحتاج بس بطاقة الأحوال
الموعد على حسب العلاج الي تطلبه يمكن يسونه لك طلاب الإمتياز او الاطباء المختصين إذا كانت الحاله متقدمه او الطلاب السنة الجايه إذا كانت الحاله من ضمن نطاق دراستهم
والعلاج مجاني :)

(و)

راعي ال FJ
31st May 2012, 11:44 PM
الله يعطيك العافية غ6

طيب متى اقدر اروح لهم بالعطلة ؟ وهل يباشرون العلاج على طول والا بالاشهر ؟؟

ليلو
1st June 2012, 12:16 AM
الدوام من ٨ الصباح إلى ٤ العصر الافضل تروح بدري ، في قسم الطالبات الثلثاء ما عندنا طوارئ بس ما ادري إذا نفس الشي بالنسبة للطلاب
وعلى حسب الحاله يا يبدون علاج علطول او يعطونك موعد

(و)

راعي ال FJ
1st June 2012, 01:12 AM
لو بيطول الموعد كم يقعد يعني ؟؟

ليلو
1st June 2012, 10:27 AM
والله ما أدري بس أتوقع لو الحالة تناسب الطلاب بعد الإجازة

تتأكد منهم أحسن لأني ما اعرف نظامهم في المواعيد ايام الإجازة

(و)

نوارة الدنيا
4th June 2012, 01:08 AM
ممكن سؤال
السن اللي تركيبة يعني اصطناعي ليش يصب دم من اللثة اللي حوله. وليش بعد فتره يبين المعدن اللي تحتة ؟

وراكم مطنسيني ورادين على الاستفسارات اللي تحتي

Bar3oom
6th June 2012, 02:07 AM
سؤال وش الفرق بين بخاخ البنج وابرة البنج بالنسبة لقلع الاسنان ؟؟

اسنانـي
8th June 2012, 02:29 AM
السلام عليكم .....

ياليـــــــــــــــــــــ ـــــــــــــت اللي يقدر يساعدني بدكتورة اسنان تكون ممتازة
لأن اسناني ماعاد تتحمل حبيت اسألكم في هالمنتدى وخصوصا هالقسم فلاتبخلون علي
انتظر الرد بفارغ الصبر .

رجـــــــــــــــــــاء ردوا......

لغة الجمال
8th June 2012, 01:38 PM
السلام عليكم .....

ياليـــــــــــــــــــــ ـــــــــــــت اللي يقدر يساعدني بدكتورة اسنان تكون ممتازة
لأن اسناني ماعاد تتحمل حبيت اسألكم في هالمنتدى وخصوصا هالقسم فلاتبخلون علي
انتظر الرد بفارغ الصبر .

رجـــــــــــــــــــاء ردوا......

مانقدر نسوي دعايه لأحد مز1

شوفي عيادات سيقال دكاترتهم ممتازين بس ترى اسعارهم غاليه مره

`·.·``·.Muneerah
9th June 2012, 04:15 AM
الأخت نواره
السن التركيبه يحتاج له عنايه فائقه بالتفريش لأنه صناعي ,, يعني مو لأنه صناعي مفروض يكون خالي من المشاكل

الدم و إنحسار اللثه (نزولها عن مستواها الطبيعي اللي خلاها تبين المعدن)
معناته عندك ألتهاب لثه وعامل عمايله ,, يفضل تسوين تنظيف وتروحين أخصائي/استشاري تركيبات يتأكد لك من سلامة التركيبه وأنها مو مسبب لتهيج اللثه
ف بعض الحالات تكون مسويه بطريقه خاطئه وطالعه عن مستواها اللي يحفظ التوازن بين السن واللثه..

ما تشوفين شر

`·.·``·.Muneerah
9th June 2012, 04:17 AM
الأخ برعوم والله سؤالك غريب الفرق بينهم شاسع
البخاخ بعض الأطباء يستخدمونه كبنج سطحي للأغشيه مو للعظم والعصب اللي حول السن
ولا يكفي للخلع بتاتا لكنه يخفف ألم نغزة الأبره

`·.·``·.Muneerah
9th June 2012, 04:48 AM
مانقدر نسوي دعايه لأحد مز1

شوفي عيادات سيقال دكاترتهم ممتازين بس ترى اسعارهم غاليه مره

لووول سيقال مفروض تعطي طلاب الكليه نسبه :P

فعلا دكاتره سيقال كويسين وكمان اورنوس,,


وكمان أحنا :D

اسنانـي
9th June 2012, 04:54 AM
مانقدر نسوي دعايه لأحد مز1

شوفي عيادات سيقال دكاترتهم ممتازين بس ترى اسعارهم غاليه مره




الله يرفع قدرك ويحقق لك امنياتك من قلب والله ادعي مااحد عبرني الا انتي .
اعرفها سيجال بس مارحتها رحت سنايا .
انا نفسي احد يدلني على طبيبه ممتازة لاسناني كلها وللاماميه خاصـــــــــــــة .

عااادي دلوني يعني وين بتصلحون اسنانكم فيه ؟ مافيها شي رد كل ذا المشاهدات ورد واحد( شكرا يا لغة الجمال )

اسنانـي
9th June 2012, 04:58 AM
لووول سيقال مفروض تعطي طلاب الكليه نسبه :P

فعلا دكاتره سيقال كويسين وكمان اورنوس,,


وكمان أحنا :D


طيب الله يوفقك عطيني اسم .اعطوني اسماء اي مكان بس اسم وتكون دكتورة فضلا لا امرا .

`·.·``·.Muneerah
9th June 2012, 05:02 AM
طيب الله يوفقك عطيني اسم .اعطوني اسماء اي مكان بس اسم وتكون دكتورة فضلا لا امرا .

أنتي لو تحددي مشكلتك بالضبط نقدر نخدمك بمين أفضل دكتور ومعروف في هالمجال

إذا تبغي تجميلي

عندك د.خلود المنصور بعيادات سيقال

الدكتوره ما شاء الله رائعه فعلا بمجال الحشوات التجميليه..

اسنانـي
9th June 2012, 05:08 AM
أنتي لو تحددي مشكلتك بالضبط نقدر نخدمك بمين أفضل دكتور ومعروف في هالمجال

إذا تبغي تجميلي

عندك د.خلود المنصور بعيادات سيقال

الدكتوره ما شاء الله رائعه فعلا بمجال الحشوات التجميليه..


انا اسناني كلها تعبانه وماعاد تتحمل كل مااصلحها تخرب ماادري وش المشكله
يعني ماعاد تتحمل مغامرات دكاترة وتجارب (اللي احتاجه حشوات وتلبيس )
والله يسعدك ويوفقك عالرد

ندمانه
9th June 2012, 04:48 PM
يالله يارب لك الحمد والشكرعل كل حال ..مشكلتي بسيطه لكن ماالقى لها حل لكن انشاء الله تحلونها لي..

انا لبست اسناني الاماميه اثنان منها بجسر فيه اربع اسنان اماميه لكن بعد فتره بدء تغير في اسواد في اعلى اللثه وتغير لون التلبيسه عن اللون الطبيعي .. والله تعقدت جاتني حاله نفسيه اصبح حتى اقرب الناس لي يعايرني..الحبيب يقول تسعه الاف للزركون والعجاجي عند سمير حداد يقوب اللافا افضل من الزركون وان اللي يشوفك يقول اسنانك الطبيعيه ويقول الاربع الاماميه 16 الف ريال والميزانيه تعيانه.. تكفون وش افضل تلبيسه للاسنان الاماميه ..

ندمانه
9th June 2012, 05:51 PM
يالله يارب لك الحمد والشكرعل كل حال ..مشكلتي بسيطه لكن ماالقى لها حل لكن انشاء الله تحلونها لي..

انا لبست اسناني الاماميه اثنان منها بجسر فيه اربع اسنان اماميه لكن بعد فتره بدء تغير في اسواد في اعلى اللثه وتغير لون التلبيسه عن اللون الطبيعي .. والله تعقدت جاتني حاله نفسيه اصبح حتى اقرب الناس لي يعايرني..الحبيب يقول تسعه الاف للزركون والعجاجي عند سمير حداد يقوب اللافا افضل من الزركون وان اللي يشوفك يقول اسنانك الطبيعيه ويقول الاربع الاماميه 16 الف ريال والميزانيه تعيانه.. تكفون وش افضل تلبيسه للاسنان الاماميه ..


http://im18.gulfup.com/2012-06-09/1339253182541.jpg

اسناني مثل هذاي بس هذاي في تناسق يالالوان كنه طبيعيه ابي مثل هاللون بليز وش تنصحوني.. شكرا

عزف الايام
9th June 2012, 09:39 PM
السلام عليكم ورحمة الله وبركاته
اطيب التحايا لكم جميعا والله يبارك فيكم ويوفقكم لما يحه ويرضاه
وان يجعل هذه الاعمال في موازين حسناتكم لما شاهدته من هنا من تقديم المساعدات والنصائح لمن يحتاج استشارتكم
حقيقه انا عندي كم سؤال واتمنى تساعدوني فيه
جد محتاج النصيحه منكم وانا اتيت هنا عنوه لاني اثق بابناء هذا الوطن كما اعلم باني سوف استفيد مما سيقولونه لي اكثر من غيرهم حتى لو كانو اطباء متمرسين وعلى راس عملهم
لعلمي ويقيني بان اغلب المستشفيات والعيادات الخاصه هدفها في المرتبه الاولى تجاري وصحه المريض تاتي في المرتبه الثانيه
فقلما نجد من هو مخلصا لمهنته لذلك اتيت الى هنا وارجو من الله بان اجد اجابات لاسئلتي .
اولا كنت في السابق اعالج اسناني ي مستشفى الملك فهد وماشاء الله عليهم كانو اطباء الاسنان مخلصين جدا وترتاح لهم ومتقنين عملهم وهم من ابناء هذا الوطن
بعد ما توظفت انتقلت للمستشفيات الخاصه على التامين ولاحضت فرق كبير حيث انهم يهتمون للماده اكثر من المريض نفسه.
انا حاليا لدي مشكله في اسناني حيث انها متسوسه من الاعلى والطبيب نصحني بتلبيس 16 سن من الزيركون بتكلفه 46 الف تقريبا
وقام بنزع الاعصاب لبعض الاسنان وحشو العصب
بعد المراجعه الثانيه له شافني متردد بخصوص المبلغ قال بنزله لك الى 32 الف
والمشكله هنالك عيادات اسنان تسويه بارخص من كذا بكثير وبنفس نوعيه السن الزيركون وهنالك ايضا مركز في تركيا يعمل لك الاسنان كاملهتلبيسه مع السكن لمده اسبوع وتذكره السفر بمبلغ 18 الف تقريبا
يعني فرق كبير وانا محتار انا ما تهمني الفلوس بقدر ما يهمني العمل الجيد
اسئلتي :
1.ما افضل نوعيه تلبيسه اسنان موجوده وكم سعرها الزريكون او اللافا او اذا فيه نوعيه اخرى
2. هل من الظروري نزع الاعصاب عند تلبيس الاسنان
3. ابي نصيحتكم بمركز اسنان جيد او اذا كليه طب الاسنان تعمل التلبيسات حتى لو بمقابل عالي شوي ما عندي مشكله اهم شي القى عمل جيد
ياليت احد يفيدني الله يجزاكم بالخير
لاني ساحب على الدكتور من اسبوع ما ارتحت له قلت استشيركم اول ولانه حاطلي حشوات مؤقته اخاف تخرب واخرب شغله
هو احس انه جيد في عمله ومهتم لكن نصحني بعض الزملاء بالابتعاد عنه لتجربه مرو بها معه واخبروني ان اهتمامه بي فقط لمجرد اني بسوي التلبيسات عنده
انظر رايكم بخصوص اسئلتي ولكم جزيل الشكر والامتنان

`·.·``·.Muneerah
9th June 2012, 11:53 PM
http://im18.gulfup.com/2012-06-09/1339253182541.jpg

اسناني مثل هذاي بس هذاي في تناسق يالالوان كنه طبيعيه ابي مثل هاللون بليز وش تنصحوني.. شكرا

ليش ماحد نصحك بالزراعه؟

صراحه الأسنان الأماميه يبيلها علاج الأماميه يبيله دكتور فاهم وما ينفع معاها شغل اي كلام ..

أنصحك تدوري دكاترة أخصائين أو استشارين في التركيبات الثابته ويكونون ثقه وتاخذي كذا راي بعدين تقرري

`·.·``·.Muneerah
10th June 2012, 12:03 AM
هو بيلبسلك 16 سن ليه ؟؟! كل اللي عندك 28 هل عندك مشكله تجميليه تحتاج لهالنوع من التلبيسات؟ ولا أسنانك متضرره لدرجة ما ينفع إلا تتلبس؟
التلبيسه قصدك تركيبات التجيان ولا حاسب الحشوات البسيطه معاها؟؟

عموما ما اقدر افتي بحالتك وأنا مو شايفتها وكل اللي ذكرته معلومات حسابيه ,, أما بالنسبه لأسنانك فما أدري عن حالتها هل هي فعلا تستوجب علاج مكثف زي هذا ولا لا

اللي أقدر افيدك فيه هو انك تروحو لكلية طب الأسنان سواء كلية الرياض ولا قسمنا في الدرعيه وتخلي أحد الدكاتره يفحصك و أستشيره ويقدر يحولك لقسم مناسب يسويلك العلاج لو كان في مقدره للطلاب يسوونه لك

الأفضل طبعا في مثل هاذي المواضيع أخصائيين واستشاريين التركيبات الثابته أسئل عنهم وخذ عندهم موعد إستشاره بيفيدونك كثير ويريحون راسك ,,

ندمانه
10th June 2012, 09:31 AM
ليش ماحد نصحك بالزراعه؟

صراحه الأسنان الأماميه يبيلها علاج الأماميه يبيله دكتور فاهم وما ينفع معاها شغل اي كلام ..

أنصحك تدوري دكاترة أخصائين أو استشارين في التركيبات الثابته ويكونون ثقه وتاخذي كذا راي بعدين تقرري

>>>>>>>>>>>>>>>>>>>>>>>>
معليش الله يعينك علي وش تنصحني فيه وش رايك بعيادات العجاجي بدكتور سمير حداد احس هذا يبي بس ماده والسلام.. واي المواد االتجميليه في التلبيس لتحسين الشكل واظهار الجمال للاسنان..وانا ابي نفس لون اسناني اذا جيت الدكتور اقوله كذا وش رايك وبخصوص ماده اللافا ايهما افضل هي ولا الزريكون.. والله 16 الف ميلغ مو سهل خصوصا اني مو موظفه والله اني قاعده اجمع من شهر 12 اللي راح .. تكفى ساعدني الله يسعدك يحيااتك ويبلغك الجنه والسعاده بالدنيا والاخره..شكرا

`·.·``·.Muneerah
10th June 2012, 02:21 PM
جربي د.هدى طلبه بعيادات سيقال الدكتوره نصوحه ,وبتفيدك بهالموضوع

نوارة الدنيا
11th June 2012, 02:50 AM
شكرا على النصائح يا أخت منيرة

اابو حميد
15th June 2012, 07:31 AM
طيب الحين اذا جيت افتح ملف وين اروح بالضبط ؟؟؟

لغة الجمال
15th June 2012, 03:08 PM
روح كلية طب الاسنان بالدرعيه وافتح لك ملف

green apple
15th June 2012, 04:23 PM
السلام عليكم
عندي ضرس كانت فيه حشوة مؤقته بس للاسف طاحت وطاح معها باقي السن
يعني مابقى منه الا الجزء الي في اللثه
وقبل شهر تقريبا كنت استخدم نكاشه الاسنان و نزل دم من هالسن
والحين فيه انتفاخ صغير بوسطه فهل هو خراج او لا
وهل لازم اخلعه ؟!
دن2

>>>>>>>>>>>> يا رب صبرنا على هالاسنان :اب:

لغة الجمال
15th June 2012, 04:50 PM
^^^
استخدام نكاشة الاسنان يضر الاسنان المفروض ماحد يستخدمها بس المجتمع السعودي اتعود على هالعاده السيئه
اللي يبي ينظف يستخدم الخيط السني

انتي قصدك مابقى الا جذر السن يعني التاج كله طاح

وش شكل الانتفاخ زي الصورة هاذي

http://img.medscape.com/pi/emed/ckb/otolaryngology/1048885-1076860-1636tn.jpg

حلم فوق سحاب
15th June 2012, 08:27 PM
اناا كان عندي سن طلع عيوني . وفي النهايه قلعوه لي . من قبل سنه
بس الى الان احس بالم مكانه , ومكانه ملتهب . ايش السبب ؟ ابغى شيء يهديه لي تكفون

green apple
15th June 2012, 10:37 PM
^^^
استخدام نكاشة الاسنان يضر الاسنان المفروض ماحد يستخدمها بس المجتمع السعودي اتعود على هالعاده السيئه
اللي يبي ينظف يستخدم الخيط السني

انتي قصدك مابقى الا جذر السن يعني التاج كله طاح

وش شكل الانتفاخ زي الصورة هاذي

http://img.medscape.com/pi/emed/ckb/otolaryngology/1048885-1076860-1636tn.jpg


بالضبط :اب:

بس اصغر من الي بالصورة.

لغة الجمال
15th June 2012, 10:42 PM
طيب جربي تضغطين عليه بس على خفيف مره انتبهي !

اذا ضغطتي تحسين بداخله خراج او تحسينه tissue

green apple
16th June 2012, 01:15 AM
^^^^
بصراحه ما اعرف
جربت اضغط عليه بس يطلع دم :/:
أنا خايفه يكون خراج و اتبهذل معه واضطر اخلعه لو2
ما ودي في الخلع لأني ناويه أحط له وتد وبعدين البسه
مع العلم ان العصب مشيول

khalid 300
16th June 2012, 05:37 AM
السلام عليكم ... استفسار خاص بأخوي ...

هو خلص دراسته الثانوية وناوي يدخل المسار الصحي .. لكن استفساره ماذا (لو) ما قبله المسار الصحي ؟

هل يستطيع انه يحول على طول للمسار العلمي والهندسي ... ولا ينتظر للسنة الجاية ؟


يعني لو قدم ع الصحية وماقبلوه في فرصه انه يقدم ع العلمي والهندسي مباشرة ويبدأ الترم الجاي ؟


وشكراً مقدماً الجواب ضروري االله يعطيكم الف عافية

ANeeN ALRooH
16th June 2012, 03:00 PM
اذا حط الصحية رغبة اولى ومانقبل لاقدر الله يروح للرغبة الثانية دايركت ، طبعاً اذا كانت الرغبة الثانية مسار هندسي وعلمي

يعني ما يحتاج يقدم من جديد

لغة الجمال
16th June 2012, 03:43 PM
^^^^
بصراحه ما اعرف
جربت اضغط عليه بس يطلع دم :/:
أنا خايفه يكون خراج و اتبهذل معه واضطر اخلعه لو2
ما ودي في الخلع لأني ناويه أحط له وتد وبعدين البسه
مع العلم ان العصب مشيول


استشيري طبيبتك عزيزتي

green apple
16th June 2012, 06:39 PM
^^^
يعطيك العافيه
اخذت موعد لبكرا وان شاء الله خير :")

لغة الجمال
18th June 2012, 11:34 PM
السلام عليكم دكاتره كيفكم ض2

انا عندي مشكله بأسناني متعبتني والله :(

انا اسناني الحمدلله مافيها سوس ولا شئ ومسويه لها حشوات كمبوست وفيه اثنين شايله عصبهم :(
بس المصيبه لما اكل سكريات تألمني مره كان فيها سوس والله عذبتي والمصيبه الادهى اني هالالم اكثر شئ يكون في الاسنان اللي مشيول عصبها
غيرت الحشوات ونفس الشئ ماتغير ولازال الالم مستمر وقوي مره

ورحت لكذا دكتور يقولون لي كيف تحسين في اسنان مافيها اعصاب مب مصدقيني :(

وشكرا لكم ن2

Hallucination
19th June 2012, 12:44 AM
-

السلام عليكم ورحمه الله وبركاته

مساء الخير
أبغى استشيركم بشغله
كنت مركبه تقويم وأنا من النوع اللي الحمدلله احافظ على أسناني مره واحب اعتني فيها
وسوى لي الدكتور تنظيف بعد التقويم وانحاست اسناني صارت صفراء مره :6:
اللي حولي يقولون انتي توسوسين بس انا احس انها صفراء
معدل شربي للقهوه والشاهي عادي وفي بعض الايام يكاد ينعدم القهوه العربيه هذي ميب في قاموسي ابد ابد يعني مافيه مسبب بارز !
ابي انظفها وش تنصحوني نوع التنظيف ؟
يعني لما اطلب من الدكتور او الدكتوره نوع التنظيف وش اطلب منه + ممكن ترشحون لي عياده نظيفين ومايستخدمون القلفز على كم مريض زي بعض العيادات جد1
+ ابغى ترشحون لي غسول حق فم كويس لأني شفت نوعيات كثير واحترت بينهم صراحه ذ1


شكرا لكم يا أطباء المستقبل (f)

لغة الجمال
19th June 2012, 12:53 AM
^^
بالنسبه لسالفة القلفز مستحيل ياعزيزتي يستخدم القلفز لكم مريض مستحيل مستحيل ض2 يمكن مانتبهتي له وهو يغير ض2

غسول الفم استخدمي كولجيت كويس ض2

ليلو
19th June 2012, 01:08 AM
-

السلام عليكم ورحمه الله وبركاته

مساء الخير
أبغى استشيركم بشغله
كنت مركبه تقويم وأنا من النوع اللي الحمدلله احافظ على أسناني مره واحب اعتني فيها
وسوى لي الدكتور تنظيف بعد التقويم وانحاست اسناني صارت صفراء مره :6:
اللي حولي يقولون انتي توسوسين بس انا احس انها صفراء
معدل شربي للقهوه والشاهي عادي وفي بعض الايام يكاد ينعدم القهوه العربيه هذي ميب في قاموسي ابد ابد يعني مافيه مسبب بارز !
ابي انظفها وش تنصحوني نوع التنظيف ؟
يعني لما اطلب من الدكتور او الدكتوره نوع التنظيف وش اطلب منه + ممكن ترشحون لي عياده نظيفين ومايستخدمون القلفز على كم مريض زي بعض العيادات جد1
+ ابغى ترشحون لي غسول حق فم كويس لأني شفت نوعيات كثير واحترت بينهم صراحه ذ1


شكرا لكم يا أطباء المستقبل (f)

وعليكم السلام والرحمه

حبيبتي أول شي لازم تفرقين بين التنظيف والتبييض

التنظيف ينظفون الأسنان من الplaque & calculus إلي هي عبارة البكتيريا إلي تتجمع على الأسنان والتصبغات الخارجيه المتراكمه و الجير وتكون نسبتها عاليه للي حاطين تقويم أسنان بسبب صعوبه التنظيف

التبييض هو تغيير لون الأسنان الأساسي له انواع كثيرة منها:
بالليزر عند طبيب الأسنان إحتمال يسبب حساسيه للأسنان
وفيه التبييض المنزلي عبارة عن قالب يسوى عند طبيب الأسنان, يوضع فيه الماده المبيضه عند النوم لمده يحددها الطبيب
وفيه الveneer أو عدسات الأسنان
رأي الشخصي أنصحك بالتبييض المنزلي مز1

بالنسبة للقلفز إذا كنتي شاكه بنظافتها فلك الحق بمطالبة الطبيب بتغيرها قدامك

وغسول الفم هو إختيار شخصي ما فيه شي أحسن من شي بس يفضل تختارين من شركه معروفه زي سونسوداين كمثال مز1

(و)

Hallucination
19th June 2012, 05:05 AM
^^
بالنسبه لسالفة القلفز مستحيل ياعزيزتي يستخدم القلفز لكم مريض مستحيل مستحيل ض2 يمكن مانتبهتي له وهو يغير ض2

غسول الفم استخدمي كولجيت كويس ض2

والله العظيم دكتوري حق التقويم كان يلمس مقابض الأبواب بيده ويستخدم القلفز على أكثر من مريض وللأسف إكتشفت هالشيء في الموعد الأخير ض2
وطالبت بـ تغيير القلفز طبعا بايعه عمري انا غ1
شفت كولجيت بس ثلاث او اربع انواع واحد زهري وواحد ازرق وواحد اخضر وواحد شفاف
هل الفرق في النكهه والنتيجه وحده ؟

Hallucination
19th June 2012, 05:09 AM
وعليكم السلام والرحمه

حبيبتي أول شي لازم تفرقين بين التنظيف والتبييض

التنظيف ينظفون الأسنان من الplaque & calculus إلي هي عبارة البكتيريا إلي تتجمع على الأسنان والتصبغات الخارجيه المتراكمه و الجير وتكون نسبتها عاليه للي حاطين تقويم أسنان بسبب صعوبه التنظيف

التبييض هو تغيير لون الأسنان الأساسي له انواع كثيرة منها:
بالليزر عند طبيب الأسنان إحتمال يسبب حساسيه للأسنان
وفيه التبييض المنزلي عبارة عن قالب يسوى عند طبيب الأسنان, يوضع فيه الماده المبيضه عند النوم لمده يحددها الطبيب
وفيه الveneer أو عدسات الأسنان
رأي الشخصي أنصحك بالتبييض المنزلي مز1

بالنسبة للقلفز إذا كنتي شاكه بنظافتها فلك الحق بمطالبة الطبيب بتغيرها قدامك

وغسول الفم هو إختيار شخصي ما فيه شي أحسن من شي بس يفضل تختارين من شركه معروفه زي سونسوداين كمثال مز1

(و)

اها الحين فهمت التنظيف = تنظيف من التصبغات والجير
التبييض = تغيير لون الأسنان
طيب التبييض المنزلي ذا اول مره اسمع به صراحه , كنت اسمع بلزقات كرست جش2
هل هو افضل من وجهة نظرك من لزقات كرست مثلا ؟
انا ما ابي يخربون اسناني ويشيلون طبقات ابي شي طبيعي وعادي
وبعدين انا اخاف منكم يا اطباء الاسنان اخاف اطلب شي ويقول تعلميني شغلي انتي خليني اشتغل غ1
وهذا شئٌ لا أريده
شكرا لك (f)

ليلو
19th June 2012, 05:31 AM
اها الحين فهمت التنظيف = تنظيف من التصبغات والجير
التبييض = تغيير لون الأسنان
طيب التبييض المنزلي ذا اول مره اسمع به صراحه , كنت اسمع بلزقات كرست جش2
هل هو افضل من وجهة نظرك من لزقات كرست مثلا ؟
انا ما ابي يخربون اسناني ويشيلون طبقات ابي شي طبيعي وعادي
وبعدين انا اخاف منكم يا اطباء الاسنان اخاف اطلب شي ويقول تعلميني شغلي انتي خليني اشتغل غ1
وهذا شئٌ لا أريده
شكرا لك (f)

والله ما ادري اول مره اسمع بلزقات كرست :s
التبييض المنزلي اكثر من دكتور مدحه لي بس للامانه ما شفت نتيجته على احد
الveneer عبارة عن شيل طبقة خارجية من الاسنان ووضع ماده افتح من السن مكانها وهو شي ما تبغينه
تقدرين تاخذين موعد إستشارة عند طبيب الأسنان فيكون هو عارف انك جايه للإستفسار فقط وتسألينه عن الطريقة المناسبة لحالتك :)

(و)

لغة الجمال
19th June 2012, 05:36 AM
والله العظيم دكتوري حق التقويم كان يلمس مقابض الأبواب بيده ويستخدم القلفز على أكثر من مريض وللأسف إكتشفت هالشيء في الموعد الأخير ض2
وطالبت بـ تغيير القلفز طبعا بايعه عمري انا غ1
شفت كولجيت بس ثلاث او اربع انواع واحد زهري وواحد ازرق وواحد اخضر وواحد شفاف
هل الفرق في النكهه والنتيجه وحده ؟

اي الفرق بالنكهه انا استخدم الازرق اللي بنكهة النعناع طبعا تتمضمضين فيه لمدة دقيقتين ومن ثم تبصقينه بدون ماتتمضمضين بمويه بعده لان الفايده بتروح ض2

وبالنسبه للدكتور للأسف الشديد كلمة دكتور حرام عليه وصخ الله يقرفه

d z e k o
19th June 2012, 12:17 PM
لغة انصحك تتحملين الالم
و بعدها لمن تخلصين دراستك ,يكون مشروع بحثك عن حالتك غ1

\\



استهبل ترى والف سلامة .. روحي لواحد ثاني .. قلب2
, والافضل تقلعين عن السكريات مره وحده لانها ساس البلى :لااا:

ameer220
19th June 2012, 01:11 PM
السلام عليكم

حبايبي حبيت استفسر هل طواريء الدرعيه يداومون هالايام والا لا
انا حالتي معقده ومستعجله بنفس الوقت واتمنى لو كان فيه فرصه للعلاج تبع الكلية حتى لو بمقابل
لاني ياما انكويت من المستشفيات الخاصه
وهل لو عالجت في الكليه بمقابل تركيبات او زراعه هل يتغير ملفي بمستشفى الملك خالد واصير اعالج بمقابل عندهم ايضاً
والا الكلية والمستشفى منفصلين

لغة الجمال
19th June 2012, 05:04 PM
^^^
الكليه ماتاخذ منك مقابل الا لاشياء بسيطه والمبلغ بيكون زهيد لان الكليه تعليميه

ليلو
19th June 2012, 05:30 PM
السلام عليكم

حبايبي حبيت استفسر هل طواريء الدرعيه يداومون هالايام والا لا
انا حالتي معقده ومستعجله بنفس الوقت واتمنى لو كان فيه فرصه للعلاج تبع الكلية حتى لو بمقابل
لاني ياما انكويت من المستشفيات الخاصه
وهل لو عالجت في الكليه بمقابل تركيبات او زراعه هل يتغير ملفي بمستشفى الملك خالد واصير اعالج بمقابل عندهم ايضاً
والا الكلية والمستشفى منفصلين

وعليكم السلام والرحمة

فيه طوارئ في الدرعيه، لفتح الملف لازم بطاقة الأحوال للسعوديين و إثبات لغير السعوديين

التركيبات تدفع قيمة شغل المعامل و الزراعة إذا ما كنت غلطانه ١٠٠٠ ريال

الكلية ومستشفى الملك خالد منفصلين و ملفاتهم تختلف

(و)

`·.·``·.Muneerah
19th June 2012, 06:01 PM
السلام عليكم دكاتره كيفكم ض2

انا عندي مشكله بأسناني متعبتني والله :(

انا اسناني الحمدلله مافيها سوس ولا شئ ومسويه لها حشوات كمبوست وفيه اثنين شايله عصبهم :(
بس المصيبه لما اكل سكريات تألمني مره كان فيها سوس والله عذبتي والمصيبه الادهى اني هالالم اكثر شئ يكون في الاسنان اللي مشيول عصبها
غيرت الحشوات ونفس الشئ ماتغير ولازال الالم مستمر وقوي مره

ورحت لكذا دكتور يقولون لي كيف تحسين في اسنان مافيها اعصاب مب مصدقيني :(

وشكرا لكم ن2

أهلا لغة

شوفي سالفه أن الدكتور يقولك سن مافيه عصب مفروض ما تحسين هاذي المفروض ما تصير
فيه اختبارات يسويها للسن عشان يشخص مشكلتك

وما ادري انتي بأي مرحله وهل تعرفي خطوات التشخيص ولا لا فبذكرها للفائده

أولا يجرب أحدى الأختبارات الخاصه بالعصب مثل الكولد تست يعرف اذا فيه شي عايش من العصب,

ثانيا بيركوشن تست عشان يعرف الألم من اجذور السن (خراج) أو من اللثه أو اذا كان السن مكسور لا سمح الله

ثالثا الأشعه

اذا كل هذا ما نفع يفتح السن بإزالة الحشوه ثم البحث عن القنوات والتأكد من سلامتها جميعا.

يفضل تروحي لإستشاري عصب يشخص لك كويس

ماتشوفين شر

لغة الجمال
19th June 2012, 06:10 PM
^^^
هلا قلب2

ايه اعرف الخطوات سوها لي ماعاد الكولد تست وواحد من الاسنان غيرت الحشوة ولازال الالم موجود
وبخصوص الاسنان اللي مافيها اعصاب غيروا لي الحشوة واستخدموا الهاند بيس بدون بنج وماحسيت بشئ ايش معنى السكريات هي اللي توجعني

ورحت لأستشاري اعصاب وخريج من كليتنا عشان اتأكد قال يمكن انتي اسنانك تتحسس بزياده وبعطيك ماده تحطينها على السن عشان تقفل Dentinal tubules ويخف عليك الألم

مناي رضا ربي
21st June 2012, 01:09 AM
[/COLO...............]


السلام عليكم ..


[COLOR="yellowgreen"]
لو سمحتم انا ابغى اراجع عند كلية الاسنان اللي بالملز ..


فـابسألكم انا أبعمل /
حشوات للاسنان _ وتلبيس للاسنان 6 الامامية إن شاء الله .


بحدود كم تكون التكلفة .؟



....................

و بالنسبة لرقم العيادات انا اتصلت على الرقم اللي حاطينه بالنت ومااحد يرد

لو في رقم آخر أعطونيه بارك الله فيكم .


.................................................. ..................................


جاوبوا جزاكم الله كل خير ..

ليلو
21st June 2012, 01:28 AM
[/COLO...............]


السلام عليكم ..


[COLOR="yellowgreen"]
لو سمحتم انا ابغى اراجع عند كلية الاسنان اللي بالملز ..


فـابسألكم انا أبعمل /
حشوات للاسنان _ وتلبيس للاسنان 6 الامامية إن شاء الله .


بحدود كم تكون التكلفة .؟



....................

و بالنسبة لرقم العيادات انا اتصلت على الرقم اللي حاطينه بالنت ومااحد يرد

لو في رقم آخر أعطونيه بارك الله فيكم .


.................................................. ..................................


جاوبوا جزاكم الله كل خير ..



وعليكم السلام والرحمة

بالنسبة للحشوات مجانيه

التلبيسات للأسنان الأماميه لأيش تحتاجينها ؟ يعني فيها سحب عصب ولا تجميلي

والرقم للأسف مو عندي إن شاء الله أحد من الأعضاء يفيدك

(و)

لغة الجمال
21st June 2012, 01:31 AM
مااتوقع مكتب المواعيد يداوم هالايام

راجعيهم بداية السنه مع عودة الطلاب وبيكونون موجودين معانا

ليلو
21st June 2012, 02:37 AM
^^
الإمتياز عندهم دوام
تقدرين تراجعينهم عند الطوارئ الدور الأرضي وتشرحين لهم مشكلتك

(و)

لغة الجمال
21st June 2012, 02:42 AM
^^
ايه اعرف اني اقصد مكتب المواعيد اللي بالدور الاول ض2

مناي رضا ربي
21st June 2012, 05:01 AM
اول شي ::: شكرا ياللي رديتوا الله يسعدكم في الدنيا والاخرة .





بالنسبة للحشوات مجانيه

التلبيسات للأسنان الأماميه لأيش تحتاجينها ؟ يعني فيها سحب عصب ولا تجميلي



- لا ، مسحوب العصب و يحتاجلها تلبيس .. ودي اعرف اذا بتكلف او لا ؟



- فيه مواعيد حاليا والا مع بداية الدراسة ..؟؟

ليلو
21st June 2012, 04:14 PM
- لا ، مسحوب العصب و يحتاجلها تلبيس .. ودي اعرف اذا بتكلف او لا ؟



- فيه مواعيد حاليا والا مع بداية الدراسة ..؟؟

تكلف شغل المعمل بس مدري والله كم

فيه الحين دكاترة الإمتياز يداومون على حسب حالتك يعطونك موعد الحين او بعد الإجازة

(و)

ZIZO2012
21st June 2012, 10:48 PM
السلام عليكم ورحمتة الله بركاتة ..

مساءكم الخير !!

حبيت أستفسر
أذا كان الضرس او السن من احد الاسنان مسوس كيف أعرف أنه يحتاج خلع أو لا يعني بدون ماأروح الى للطبيب < مو عشان أني اخاف من الطبيب لا بالعكس بس حبيت أسئل :)

و أعرف أنه في شي أسمه الحشوة بس حبيت أستفسر عن الخلع فقط ..
فرضآ لو دكتور شال لي الضرس او السن هل يحتاج تركيبة أو زراعة الاسنان ولا يطلع واحد جديد ؟


و بس هذا الى عندي و أعتذر عن أخطأ املائية :)

تحيتي لكم ..

المبير
21st June 2012, 10:51 PM
ضروسي احم تفاقم وضعها
4 ضروس خلفيه كلها مسوسه حتى واحد فيهم اناكل نصه
الله لا يعود الشابوره خخخ
شغال ابلع بهالبونستان الحين يخفف المها بس ما يمدي يخلص المفعول الا يضرب راسي

المشكلة ودي اصلح وغالي سلامات وين 6 الاف ع الواحد @_____@

لو رحت المستشى الجامعة مجانا ؟؟بس بصير همستر لطلاب الامتياز خخخ

ليلو
21st June 2012, 11:42 PM
ضروسي احم تفاقم وضعها
4 ضروس خلفيه كلها مسوسه حتى واحد فيهم اناكل نصه
الله لا يعود الشابوره خخخ
شغال ابلع بهالبونستان الحين يخفف المها بس ما يمدي يخلص المفعول الا يضرب راسي

المشكلة ودي اصلح وغالي سلامات وين 6 الاف ع الواحد @_____@

لو رحت المستشى الجامعة مجانا ؟؟بس بصير همستر لطلاب الامتياز خخخ

في كلية طب الأسنان في الدرعيه العلاج مجاني ما عدا التركيبات لازم تدفع لشغل المعمل

وبالنسبة لطلاب الإمتياز لا تخاف هم ألحين أطباء رسمياً وفاهمين شغلهم كويس مز1

(و)

ليلو
21st June 2012, 11:54 PM
السلام عليكم ورحمتة الله بركاتة ..

مساءكم الخير !!

حبيت أستفسر
أذا كان الضرس او السن من احد الاسنان مسوس كيف أعرف أنه يحتاج خلع أو لا يعني بدون ماأروح الى للطبيب < مو عشان أني اخاف من الطبيب لا بالعكس بس حبيت أسئل :)

و أعرف أنه في شي أسمه الحشوة بس حبيت أستفسر عن الخلع فقط ..
فرضآ لو دكتور شال لي الضرس او السن هل يحتاج تركيبة أو زراعة الاسنان ولا يطلع واحد جديد ؟


و بس هذا الى عندي و أعتذر عن أخطأ املائية :)

تحيتي لكم ..

وعليكم السلام والرحمة

يعتمد إذا كانت الحاله ما تصلح لحشوه أو سحب عصب فهو غالبا لأن السن متآكل بشكل كبير وواصل للعصب أو لأن تحته خراج ومسبب إلتهابات أو مكسور كسر طولي

إذا خلعت سن ما يطلع واحد جديد إلا إذا كان سن لبني ( أسنان الأطفال ) الأفضل عمل زرعه للمحافظة على مستوى عظم الفك ثم التركيبة لمنع الأسنان المجاورة لمكان الخلع من التحرك و لإسترجاع وظيفة السن في المضغ و المظهر

(و)

ZIZO2012
22nd June 2012, 02:00 AM
أهااه فهمت عليك
مشكووور على المعلومة .

Khulood Almutiri
27th June 2012, 04:54 AM
السلام عليكم و رحمة الله ..

عندي سؤالين إن شاء الله تعرفون إجاباتهم ..
في حالة بروز الأسنان الأمامية في الفك العلوي هل ضروري الخلع عند تركيب التقويم؟ أو فيه إمكانية يتركب تقويم الأسنان بدون خلع ؟

الثاني: لو فيه تلبيسات و ضرس تركيبة هل تتأثر عند أخذ المقاسات لتركيب التقويم؟ أخاف يطيحون أو تتحرك !

الصآمد
28th June 2012, 12:00 AM
السلام عليكم . تكفوووووون لا تخلووون أختكــم :(

أنا اسناني الخلفيـــة رحت لمستشـفى اهلي , شالوا نص اسناني يبغى لي زراعة او تركيب :(

وأسناني الامامية سويت لها فينير عن سيجال :( وأكلوا مني بس على 4 اسنان 17 الف ريال

والان ودي اروح لمستشفى البنات بالملز يحولوني على دكتورة كويسة

ابغــى اعرف كيف الطريقة والاليــة عشان اروح لدكتورة كوويسة :( مااني فااهمة اي شئ سسسساعدووووني
والان بالصيف الستشفى مفتوووح ؟؟؟؟؟؟؟

ليلو
28th June 2012, 12:56 AM
السلام عليكم . تكفوووووون لا تخلووون أختكــم :(

أنا اسناني الخلفيـــة رحت لمستشـفى اهلي , شالوا نص اسناني يبغى لي زراعة او تركيب :(

وأسناني الامامية سويت لها فينير عن سيجال :( وأكلوا مني بس على 4 اسنان 17 الف ريال

والان ودي اروح لمستشفى البنات بالملز يحولوني على دكتورة كويسة

ابغــى اعرف كيف الطريقة والاليــة عشان اروح لدكتورة كوويسة :( مااني فااهمة اي شئ سسسساعدووووني
والان بالصيف الستشفى مفتوووح ؟؟؟؟؟؟؟



تقدرين تروحين لكلية طب الأسنان في الملز عند الطوارئ في الدور الأرضي فيه طبيبات الإمتياز عندهم دوام

تحتاجين بطاقة الأحوال أو دفتر العائلة للسعوديات أو إثبات لغير السعوديات لفتح الملف

(و)

AA~
29th June 2012, 11:06 AM
انا سويت orthognathic surgery بس ما ادري وش صار و النتيجه مو كويسه سمعت من الدكاتره و هم يكلمو بعض انه عندي كلاس تو و لما بحثت اتوقع انه قصدهم كلاس تو مال اكلوجن المهم انه للحين عندي اوبن بايت :( و قالوا ممكن تنحل بالتقويم عادي بس لسى دكتوري بإجازة ..
اللي انا احسه لما ابتسم فيه جهه تطلع اللثه و جهه لا ، الجهه اللي تطلع اللثه لما اسكر اسناني تنطبق اسناني قبل جهه اللي اللثه ما تطلع ( فهمتوا شيء ؟ :p ) ايه صح و هذي الجهه اللي تطلع منها اللثه هي الجهه اللي حسيت فيها بالم في المفصل عكس الجهه الثانيه ابدا ما كان فيها اي الم .. المهم قال لي دكتور انتي ممكن تحتاجين عمليه ثانيه بس يحركون المعادن مدري وشسمها اللي قدام و ينزلون اسناني الاماميه إذا دكتور التقويم قال ما تنحل

يعني انا قريت عن العملية قبل اسويها و ما قريت انه ممكن يصير زي ما صار لي هل اللي صار شيء طبيعي، نادر، خطآ، انا السبب يمكن لان بعد العملية نمت على جنبي، او لانهم ما ركبوا الالاستكز الا بعد العمليه بيوم ؟

أبي أعرف ايش السبب ؟ ليش صار فيني كذا ؟ و هل ممكن تنحل بالتقويم ؟ طيب قص اللثه بالليزر ما ينفع ؟ ما ابي اسوي عمليه ثانيه :(

DENTAL-MAN
29th June 2012, 12:58 PM
انا سويت orthognathic surgery بس ما ادري وش صار و النتيجه مو كويسه سمعت من الدكاتره و هم يكلمو بعض انه عندي كلاس تو و لما بحثت اتوقع انه قصدهم كلاس تو مال اكلوجن المهم انه للحين عندي اوبن بايت :( و قالوا ممكن تنحل بالتقويم عادي بس لسى دكتوري بإجازة ..
اللي انا احسه لما ابتسم فيه جهه تطلع اللثه و جهه لا ، الجهه اللي تطلع اللثه لما اسكر اسناني تنطبق اسناني قبل جهه اللي اللثه ما تطلع ( فهمتوا شيء ؟ :p ) ايه صح و هذي الجهه اللي تطلع منها اللثه هي الجهه اللي حسيت فيها بالم في المفصل عكس الجهه الثانيه ابدا ما كان فيها اي الم .. المهم قال لي دكتور انتي ممكن تحتاجين عمليه ثانيه بس يحركون المعادن مدري وشسمها اللي قدام و ينزلون اسناني الاماميه إذا دكتور التقويم قال ما تنحل

يعني انا قريت عن العملية قبل اسويها و ما قريت انه ممكن يصير زي ما صار لي هل اللي صار شيء طبيعي، نادر، خطآ، انا السبب يمكن لان بعد العملية نمت على جنبي، او لانهم ما ركبوا الالاستكز الا بعد العمليه بيوم ؟

أبي أعرف ايش السبب ؟ ليش صار فيني كذا ؟ و هل ممكن تنحل بالتقويم ؟ طيب قص اللثه بالليزر ما ينفع ؟ ما ابي اسوي عمليه ثانيه :(

1- انتي وش حالتك بالاساس من البدايه وكم لك من سويتي الجراحه؟

2- على اي اساس قلتي ان النتيجه مو كويسه

3- عادة التقويم الجراحي يتكون من ثلاث مراحل تقويم - جراحه - تقويم فانتي تعديتي الثلثين وتعديتي المرحله الاصعب وهي الجراحه ولكم لا زال امامك
مرحله مهمه الي هي الفينشنق بالتالي من المبكر الحكم الان على النتيجه وانتي لا زلتي بمرحلة العلاج

عند من سويتي عمليتك؟

AA~
29th June 2012, 10:36 PM
1- انتي وش حالتك بالاساس من البدايه وكم لك من سويتي الجراحه؟

2- على اي اساس قلتي ان النتيجه مو كويسه

3- عادة التقويم الجراحي يتكون من ثلاث مراحل تقويم - جراحه - تقويم فانتي تعديتي الثلثين وتعديتي المرحله الاصعب وهي الجراحه ولكم لا زال امامك
مرحله مهمه الي هي الفينشنق بالتالي من المبكر الحكم الان على النتيجه وانتي لا زلتي بمرحلة العلاج

عند من سويتي عمليتك؟

أنا عندي اوبن بايت و اراجع مع دكتور الدريس وسويت الجراحه بالجامعي مع دكتوره هندي و ح اكمل شهر بكره
كان عندي اوبن بايت و بعد العمليه قالت انا عندي كلاس تو و حتى لما شافني دكتور كندي قالي يمكن تحتاجين عمليه ثانيه لان اسناني تتسكر مع ورى قبل ما تتسكر مع قدام يعني ستل عندي اوبن بايت
و انا لما ابتسم احس في جهه اللثه لسى تطلع عكس الجهه الثانيه لا ما تطلع بس هذي كل المشكله ..

DENTAL-MAN
29th June 2012, 11:44 PM
ان شاء الله ما تحتاجين عمليه ثانيه

الاوبن بايت ممكن تنحل من غير عمليه وبالتقويم بما يسمى اجهزة التدعيم والارساء المؤقته Temporary Anchorage Devices

http://www.youtube.com/watch?v=0vW85OUdXkA

AA~
30th June 2012, 12:59 AM
ان شاء الله ما تحتاجين عمليه ثانيه

الاوبن بايت ممكن تنحل من غير عمليه وبالتقويم بما يسمى اجهزة التدعيم والارساء المؤقته Temporary Anchorage Devices

http://www.youtube.com/watch?v=0vW85OUdXkA

كويس إن شاء الله ما احتاج عمليه اجل

شكرا يعطيك العافيه

طموح انثى‘‘
30th June 2012, 04:29 AM
صباح / مساء الخير

انا تقريبا اكثر من نص اسناني مسوسه ومدري ليه بالرغم من اني مسوسه بتنظيف اسناني :ط:

لو رحت عند الدكتوره ايش بتسوي بتخلعهم مثلا او حفر وهل توجع او لا


سؤال ثاني : انا عندي سن سويته من سنتين سوا لي الدكتور تلبيسة للسن والحين السن لي اكثر من اربع ايام مو قادره اتكلم او اكل بسببه
شو لازم اعمل
انا بخاف روح عند الدكتور ويقول لي بيشيل التلبيسة ويرجع يركبها

سوري بس عندي خوف من دكتور الأسنان


وصحيح لو رحت كلية البنات يستقبلوني فورا او مواعيد طويله

وشكرا لكم مقدما

Lama A
30th June 2012, 08:01 PM
لو رحت عند الدكتوره ايش بتسوي بتخلعهم مثلا او حفر وهل توجع او لا
يجيك ألم منهم اذا شربتي حار وبارد ولا فجأة يجي الألم بدون شيء؟ ولا مافيه ألم ابد؟


وصحيح لو رحت كلية البنات يستقبلوني فورا او مواعيد طويله
أعتقد طالبات الامتياز موجودات بالصيف، بس ما ادري اذا يقبلونك بسرعة أو لا

xoa
3rd July 2012, 10:31 AM
السلام عليكم ورحمة الله ... عندي استفسار بسيط وهو هل في دوام حاليا في كلية طب الاسنان ؟؟

وبالنسبة لو عندي مشكلة وتحتاج لحل سريع يعني صعب اني استنى موعد هل في امكانية انهم يعالجوني بنفس الوقت ؟؟

تحياتي ..

Speechlessi
4th July 2012, 01:41 PM
السلام عليكم

انا ابغى شخص عنده ضمير حي يرد علي لاني تعبت نفسيا من وضعي ومن اطباء الاسنان

خلعت اسنان العقل السفليه
1 - في الجهه اليمنى بعد الخلع حدث عندي تراجع للثه بسبب الجراحه ( لي شهرين مسويتها ) هل هذا طبيعي ولا الدكتور اللي سواها ( زبال ) ؟
2- في الجهه اليسرى خلعت سن العقل والسن اللي امامه ( السابع والثامن ) طبعا البنج سيئ صراخ طول عمليه الخلع # اتلهبت اللثه وانتفخت بعد الخياطه ## الطااامه الكبرى السن السادس ( ملبس ) بعد عمليه الخلع الميكانيكيه لما رجعت البيت طاح الكراون وشفت السن مكسور يعني انكسر السن القاعده ,,

اللحين المشكله :: ( بعد ماانكر السن رجعت للدكتور قال مااقدر ارجع الكراون لان اللي ركبه لك غلطان مركبه زي الطربوش على السن يعني اشتغل على شغل سيئ مااقدر !! وحك فيه شوي شال حشوة وحط حشوه ثانيه بدون مايركب التاج !! قال متاكل العظم حاليا لا شكليا ولا وظيفيا حل المشكله !!! السن مايتطابق مع السن اللي فوقه جدا منخفض السن السفلي ! للان ماادري هل الجذر سليم ولا انكسر بعد !! وش الحل !! يادكاتره !! ماقتنعت بكلامه ابدن

3- عندي السن السابع من فوق في الجهه اليسرى ايضا يقول لي الدكتور يحتاج خلع ( مستوعبين الان خلعت 3 وهذا الرابع) فيه ديب كاريز ومنكسر جزء منه لكن لما امسكه جدا قووي !! يقول لي مافيه امل يادكاتره متى اقول هالسن المسوس مافيه امل متى علموني ؟؟

4 - عندي الاسنان الاماميه من الداخل السطح الداخلي فيه خطوط سوداء هل هي سوس ؟؟ اتثار بالحار والبارد ؟ هل في بوادر اصابه في العصب ؟؟

5- اللثه سويت تنظيف للجير ولازالت اللثه لونها بااااهت ومنتفخه في بعض الاماكن .. هل يتوقف تراجع اللثه بعد التنظيف ولا يستمر التراجع !! طيب الجيب اللثوي بين الاسنان وش ححله

6- المفصل الصدغي عندي مشاكل في المفصل الفك والام في الاذن الجهه اليسرى !! مع الخلع وشغل الورشات ززززاااد .. متى يتاكل مفصل الفك !! بعد كم سنه تقريبا ؟ هل الخلع يزيد من سوء المشكله ؟؟

7- الامقلم عادة هو يكون هارد !! ولا لين ؟؟ لاني اشوفه يابس وهم يحطونه !!! > شغل زبالين !!

8 - عندي سن في الفك العلوي فوقه بروز قاسي كنه عظم في الاعلى في سقف الفك ههذا وشو ؟؟جيب آبسس ؟؟


ارجو الرد بالتفصيل مشكورين !!

ZIZO2012
4th July 2012, 09:04 PM
السلام عليكم ورحمته الله
حبيت استفسر بخصوص قسم أصلاح الاسنان
وش يصلحون بالاسنان يعني وش يعملون بضبط
لانه عندي فراغات بين الاسنان بس الفراغ مرره صغير و دي اسدها معا انه الدكتور حقي قال مايصلح نحط حشو عليه لانه بيطيح بعد فتره !<

وانتظركم <<<

ليلو
4th July 2012, 11:00 PM
السلام عليكم ورحمة الله ... عندي استفسار بسيط وهو هل في دوام حاليا في كلية طب الاسنان ؟؟

وبالنسبة لو عندي مشكلة وتحتاج لحل سريع يعني صعب اني استنى موعد هل في امكانية انهم يعالجوني بنفس الوقت ؟؟

تحياتي ..

وعليكم السلام ورحمة الله وبركاته

فيه دوام فيه كلية طب الأسنان ( الملز والدرعية )

على حسب الحالة، في الفحص يتحدد

(و)

Metoo
5th July 2012, 12:40 AM
السلام عليكم ..,

اللحين بعد ما اشيل العصب في الضرس واحط حشوه دائمه المفروض ضرسي ما يؤلمني ابدا بعدها ولا .؟

انا ضرسي يؤلمني بعدها (=

هل الامر طبيعي ولا فيه اشكاليه ؟

Samar.o
13th July 2012, 11:05 PM
بسم الله الرحيم ..
الف شكر لطلبتنا الرائعين
لدي استشارة
انا قبل سنتين رحت اعالج عند دكتور وكانت اسناني جدا معدومة من التآكل والسوس
قال ان اسناني ضعيفة وماراح تتحمل التقويم
فا عمل عليها حشوة وترقيع بنفس لون الاسنان ..
ماكنت اعرف بالاسنان وماكنت متوقعة احتاج للتقويم
بس الحين رجعت اراجع في دكتور قالي لو ركبتي تقويم راح تتكسر الاسنان
وفي دكتور قالي سوي تقويم مع العلم ان التقدم اللي بأسناني بسيط لكن ماثر على وجهي وعلى ابتسامتي
وقريت عن التقويم اللامرئي وين ممكن اسويه وهل يناسب وضعي :( !
رايكم في حالتي وش ممكن اسوي

DENTAL-MAN
14th July 2012, 06:30 PM
بسم الله الرحيم ..
الف شكر لطلبتنا الرائعين
لدي استشارة
انا قبل سنتين رحت اعالج عند دكتور وكانت اسناني جدا معدومة من التآكل والسوس
قال ان اسناني ضعيفة وماراح تتحمل التقويم
فا عمل عليها حشوة وترقيع بنفس لون الاسنان ..
ماكنت اعرف بالاسنان وماكنت متوقعة احتاج للتقويم
بس الحين رجعت اراجع في دكتور قالي لو ركبتي تقويم راح تتكسر الاسنان
وفي دكتور قالي سوي تقويم مع العلم ان التقدم اللي بأسناني بسيط لكن ماثر على وجهي وعلى ابتسامتي
وقريت عن التقويم اللامرئي وين ممكن اسويه وهل يناسب وضعي :( !
رايكم في حالتي وش ممكن اسوي

هناك تناقض واضح في سؤالك التقدم البسيط باسنانك حسب ما قلتي وبما انه بسيط فلا اعتقد انه يؤثر على شكل الوجه والابتسامه

صحيح يكون هناك تاثير على الوجه والابتسامه ولكن بالحالات المتقدمه وليست البسيطه


بناء على ما ذكرتي وان التقدم بسيط بالاضافه لضعف اسنانك من الاساس فلا انصحك بالتقويم ابدا ً

green apple
17th July 2012, 10:12 PM
السلام عليكم :")

وكل عام وانتم بخير 3>

خالتي تبي تسوي تركيب للاسنان الاماميه

فقالت لها الدكتورة رح تسوي لها تركيبه من الذهب

فأنتم ايش رأيكم في الذهب وهل تنصحونها بمادة ثانيه ؟

وتقول انهم خيرونها يا انها تخلي الوتد من ذهب اما التلبيسه بورسلين لحاله OR تخلي التلبيسه ذهب وفوقه بورسلين مع بعض. فانتم وش تشوفون الافضل ؟

وكمان قالت الدكتورة انها تحتاج عمليه للثه فايش طبيعه هالعمليه؟ وهل هي متعبه وتاخذ وقت طويل؟

المبررر
18th July 2012, 06:34 AM
السلام عليكم :")

وكل عام وانتم بخير 3>

خالتي تبي تسوي تركيب للاسنان الاماميه

فقالت لها الدكتورة رح تسوي لها تركيبه من الذهب

فأنتم ايش رأيكم في الذهب وهل تنصحونها بمادة ثانيه ؟

وتقول انهم خيرونها يا انها تخلي الوتد من ذهب اما التلبيسه بورسلين لحاله OR تخلي التلبيسه ذهب وفوقه بورسلين مع بعض. فانتم وش تشوفون الافضل ؟

وكمان قالت الدكتورة انها تحتاج عمليه للثه فايش طبيعه هالعمليه؟ وهل هي متعبه وتاخذ وقت طويل؟


الذهب كويس نفــيس ومايتآثر ولا يتفاعل مع الأكل مز1

Dr.hUsSaM
19th July 2012, 04:00 PM
آلسلآم عليكم ,, كيف حآلكم يآدكآتره ,, عندي كم سؤآل ,,
آنآ كآن عندي سن يوجعني له 3 سنين آلظآهر سآحب عليه ,, آلمهم آليوم رحت عند دكتور وشآلي آلعصب وسوآلي حشوه ض2 ,, سؤآلي آلحين وش يصير آذآ شآل آلعصب ,, يعني يآثر علي في شي آو لآ ..؟

وسؤآلي آلثآني ,, آنآ عندي آللثه ملتهبه مدري شفيهآ مسببتلي آلم ,, آلمهم آلدكتور قآلي آليوم عشآن سن آلعقل بيطلع لك ,, مآتعرفون مسكن له آو آي شي ..؟

بحر21
20th July 2012, 12:39 AM
:و:انا انسسسانه عندي فوبيا من طبيب الاسنان :/::ل6:
ابي اسال كم ابرة بنج مسموح يدي طبيب الاسنان المريضجش2جر1
الله يفرج على الي بجاوب علي قلب2

ليلو
21st July 2012, 11:53 PM
آلسلآم عليكم ,, كيف حآلكم يآدكآتره ,, عندي كم سؤآل ,,
آنآ كآن عندي سن يوجعني له 3 سنين آلظآهر سآحب عليه ,, آلمهم آليوم رحت عند دكتور وشآلي آلعصب وسوآلي حشوه ض2 ,, سؤآلي آلحين وش يصير آذآ شآل آلعصب ,, يعني يآثر علي في شي آو لآ ..؟

وسؤآلي آلثآني ,, آنآ عندي آللثه ملتهبه مدري شفيهآ مسببتلي آلم ,, آلمهم آلدكتور قآلي آليوم عشآن سن آلعقل بيطلع لك ,, مآتعرفون مسكن له آو آي شي ..؟

وعليكم السلام ورحمة الله وبركاته

1/ الأفضل تسوي للسن تلبيسه لأنه مع الوقت يصير السن هش ويمكن ينكسر عليك !

2/ أخوي ما نقدر نوصف لك مسكن لازم طبيبك الخاص يوصفلك لأنه أكيد كشف عليك وعارف حالة اللثه و حالتك الصحيه فـ أسأله هو أخبر !مز1 ولازم تهتم بنظافة الفم وخصوصا المنطقة الملتهبه علشان ما يلتهب زيادة ويسبب لك أمراض إنت في غنى عنها :)

(و)

ليلو
21st July 2012, 11:55 PM
:و:انا انسسسانه عندي فوبيا من طبيب الاسنان :/::ل6:
ابي اسال كم ابرة بنج مسموح يدي طبيب الاسنان المريضجش2جر1
الله يفرج على الي بجاوب علي قلب2

يعتمد على نوع البنج ووزن المريض و سبب إعطاء البنج

بس عادة الطبيب يعطي إبرة وحده أو ثنتين بالكثير

(و)

AA~
22nd July 2012, 04:57 PM
انا سويت orthognathic surgery بس ما ادري وش صار و النتيجه مو كويسه سمعت من الدكاتره و هم يكلمو بعض انه عندي كلاس تو و لما بحثت اتوقع انه قصدهم كلاس تو مال اكلوجن المهم انه للحين عندي اوبن بايت :( و قالوا ممكن تنحل بالتقويم عادي بس لسى دكتوري بإجازة ..
اللي انا احسه لما ابتسم فيه جهه تطلع اللثه و جهه لا ، الجهه اللي تطلع اللثه لما اسكر اسناني تنطبق اسناني قبل جهه اللي اللثه ما تطلع ( فهمتوا شيء ؟ :p ) ايه صح و هذي الجهه اللي تطلع منها اللثه هي الجهه اللي حسيت فيها بالم في المفصل عكس الجهه الثانيه ابدا ما كان فيها اي الم .. المهم قال لي دكتور انتي ممكن تحتاجين عمليه ثانيه بس يحركون المعادن مدري وشسمها اللي قدام و ينزلون اسناني الاماميه إذا دكتور التقويم قال ما تنحل

يعني انا قريت عن العملية قبل اسويها و ما قريت انه ممكن يصير زي ما صار لي هل اللي صار شيء طبيعي، نادر، خطآ، انا السبب يمكن لان بعد العملية نمت على جنبي، او لانهم ما ركبوا الالاستكز الا بعد العمليه بيوم ؟

أبي أعرف ايش السبب ؟ ليش صار فيني كذا ؟ و هل ممكن تنحل بالتقويم ؟ طيب قص اللثه بالليزر ما ينفع ؟ ما ابي اسوي عمليه ثانيه :(

اللي صار انه فيه واحد ملي ما انقص عشان كذا ستل عندي اوبن بايت :( و احتاج عمليه ثانيه اما انهم يقصون من فوق او يقدمون الفك اللي تحت فإذا ممكن ايش تسمى عمليات تقديم الفك هذي بالانقلش ؟

DENTAL-MAN
26th July 2012, 09:55 PM
اللي صار انه فيه واحد ملي ما انقص عشان كذا ستل عندي اوبن بايت :( و احتاج عمليه ثانيه اما انهم يقصون من فوق او يقدمون الفك اللي تحت فإذا ممكن ايش تسمى عمليات تقديم الفك هذي بالانقلش ؟

mandibular advancement

d z e k o
2nd August 2012, 05:49 PM
ادري ابثرتكم من قبل
بس هالمره شئ جديد ض2

فيه حبة تحت لساني " هي طبعا موب تحته لانه جايه تحت السن السفلي من جهة اللسان > حد فهم حاجه
المهم كانها من الحبوب ذيك اللي تجي بالوجه مليانه شئ ض2 > الله يقرفك
وكل ما فقعتها ترجع لها الحين قرابة شهر غ1

تتوقعون وش سالفتهاا
ضغط نفسي من الصيفي مز1 ولا لازم مراجعه

طبعا هي موب زي حالتي الاولى سمبل هربس فايروس ض2

Memozme
2nd August 2012, 09:42 PM
الله يعافيكم حابه اسئلكم عن شغله
عندي مشكلتين باسناني..

الاولى .. احد الاضراس الاماميه اللي تحت ع اليسار. عمل له الدكتور حشوه بدون يعني يحفر السن..
وخلاص مشت الايام هالكلام من 8 سنوات..
وهالسن اللي عمله.. من سنه رحت اراجع ع اسناني قال الطبيب مين حشى سنك ذا؟ اولا عليه تراكم جير مش طبيعي... واساسا السن يوجعني بعض المرات..
المشكله انو وانا المس فكي السفلي . باسفل السن المس حبة قاسيه توجعني.. ع نهايه الفك.. باتجاه السن . يعني قدام ببداية الفك .. وكل ما اضغط توجعني .. ومره ضغطتها قوه ونمت . وصحيت لقيت وجهي منفوخ. القسم الايسر.. ايش هالحبه؟ وايش سببها ؟ وكيف علاجها . اليوم برضو صحيت وربي اكلمكم وجهي منفوخ :(

ايش علاجها؟ عمليه جراحيه او ايش؟؟؟ خصوصا هي فيني من زمان..من بعد حشوة الدكتتور الاول النحيس...!

السؤال الثاني...
عندي ضرس تحت ع اليمين..
تحت حشيته عند وحدة ماتخاف الله. فلبينيه. قطعت اعصابه وحشته وسكرته.ولا ركبت تاج. ومرت الايام وطاحت الحشوة ورحت للدكتور قال لازم خلع لانو مسوس .. مع انه مايوجعني ولا يطلع ريحة .. وماله راس السن يعني راس السن او تاجه ماركبو لي لانهم مش ناس اطباء ..!! فصعبه اخلعه يقدر ينظفه ويركب تاج.؟؟؟؟ حرام انا اادفع ثمن اغلاط غيري . اذا مسوس ومحفور للاخير يقدر ينظف السوسه صح؟
خصوصا انو تحت ماعندي الا هالضرس وضرس العقل..
فقط! يعني لو خلعته مارح يضل لي الا ضرس بالشق الايمن!! مستحيل!
واننا مستعدة ادفع 5 الاف ع هالضرس بس ماخلعه.. هل تتوقعو فيه حل وامل لضرسي؟

. ارجوكم ردو ع كل اسئلتي شايله هم وتعبانه
:(

ليلو
4th August 2012, 09:46 PM
ادري ابثرتكم من قبل
بس هالمره شئ جديد ض2

فيه حبة تحت لساني " هي طبعا موب تحته لانه جايه تحت السن السفلي من جهة اللسان > حد فهم حاجه
المهم كانها من الحبوب ذيك اللي تجي بالوجه مليانه شئ ض2 > الله يقرفك
وكل ما فقعتها ترجع لها الحين قرابة شهر غ1

تتوقعون وش سالفتهاا
ضغط نفسي من الصيفي مز1 ولا لازم مراجعه

طبعا هي موب زي حالتي الاولى سمبل هربس فايروس ض2

إحتمال تكون خراج abscess من أحد الأسنان أو mucocele إلي هي عبارة عن حبة تطلع من تمزق الغدد اللعابية في الفم بس عادة لما تنفجر الحبة يكون مكانها قرحه مؤلمة

طبعاً ما نقدر نحكم بدون الفحص فالأفضل تراجع الطبيب

(و)

ليلو
4th August 2012, 10:06 PM
الله يعافيكم حابه اسئلكم عن شغله
عندي مشكلتين باسناني..

الاولى .. احد الاضراس الاماميه اللي تحت ع اليسار. عمل له الدكتور حشوه بدون يعني يحفر السن..
وخلاص مشت الايام هالكلام من 8 سنوات..
وهالسن اللي عمله.. من سنه رحت اراجع ع اسناني قال الطبيب مين حشى سنك ذا؟ اولا عليه تراكم جير مش طبيعي... واساسا السن يوجعني بعض المرات..
المشكله انو وانا المس فكي السفلي . باسفل السن المس حبة قاسيه توجعني.. ع نهايه الفك.. باتجاه السن . يعني قدام ببداية الفك .. وكل ما اضغط توجعني .. ومره ضغطتها قوه ونمت . وصحيت لقيت وجهي منفوخ. القسم الايسر.. ايش هالحبه؟ وايش سببها ؟ وكيف علاجها . اليوم برضو صحيت وربي اكلمكم وجهي منفوخ :(

ايش علاجها؟ عمليه جراحيه او ايش؟؟؟ خصوصا هي فيني من زمان..من بعد حشوة الدكتتور الاول النحيس...!

السؤال الثاني...
عندي ضرس تحت ع اليمين..
تحت حشيته عند وحدة ماتخاف الله. فلبينيه. قطعت اعصابه وحشته وسكرته.ولا ركبت تاج. ومرت الايام وطاحت الحشوة ورحت للدكتور قال لازم خلع لانو مسوس .. مع انه مايوجعني ولا يطلع ريحة .. وماله راس السن يعني راس السن او تاجه ماركبو لي لانهم مش ناس اطباء ..!! فصعبه اخلعه يقدر ينظفه ويركب تاج.؟؟؟؟ حرام انا اادفع ثمن اغلاط غيري . اذا مسوس ومحفور للاخير يقدر ينظف السوسه صح؟
خصوصا انو تحت ماعندي الا هالضرس وضرس العقل..
فقط! يعني لو خلعته مارح يضل لي الا ضرس بالشق الايمن!! مستحيل!
واننا مستعدة ادفع 5 الاف ع هالضرس بس ماخلعه.. هل تتوقعو فيه حل وامل لضرسي؟

. ارجوكم ردو ع كل اسئلتي شايله هم وتعبانه
:(

بالنسبة للسؤال الأول :

ما نقدر نحكم على شغل الطبيب إلي سوى الحشوة بدون فحص السن وعلى أي أساس حط الحشوة , وسبب تراكم الجير هو عدم تنظيف الأسنان بطريقة صحيحه بالعدد المطلوب ( يجب إستخدام فرشاة الأسنان 3 مرات يومياً وإستخدام الخيط السني مرة واحده )
والحبة لازم يؤخذ لها أشعه وتفحص مع الأسنان لمعرفه المشكله

السؤال الثاني :
تعتمد على حالة السن فبعض الأسنان ما تتحمل وإحتمال كبير ينكسر السن لأن العصب مسحوب منه من فترة
الأفضل تاخذ إستشارة عند طبيب ثاني وإذا لازم الخلع تقدر تسوي زراعه وتعوض السن مع الأسنان إلي جنبه

(و)

ARSENALy
13th August 2012, 02:31 PM
السلام عليكم
انا عندي مشكلة في تداخل الأسنان الأربعة الأمامية السفليه
يعني ثنين للخلف وثنين للأمام اتوقع بسبب كبر الأسنان بشكل عام مالقوا مكان حس1
ابغى اسأل عن الأجراء التصحيحي للأسنان في للحالة ؟
وإذا عندكم علاج في العيادة ؟
او اروح عيادات خارجية وايش العيادة الي تنصح فيها ومايكون سعرها غالي
وشكرا

S.a.n.R.e.M.o
26th August 2012, 11:27 AM
السلام عليكم

انا تعبت مع الدكتوره حقتي وياليت تفيدوني ! لي 7 سنين وبدخل بالسنه الثامنه وانا مسويه تقويم !!

انا لما رحت اعمل تقويم كان على اساس الفك العلوي يحتاج تقويم , قالو لا حتى السفلي يحتاج بعد لانه متقدم :لي: !

وقالو لي تحتاج اسنانك سنه ونص , وجلست 7 سنين !! اول سنتين كنت منضبطه بالمواعيد , بس بعدين اعترف اني غلطانه وصرت اتأخر :لي: احيانا اجي كل شهر احيانا كل شهريين او شهر ونص , وهو الغالب !

قبل 4 او 3 سنوات ونص فكته لي وركبت لي المتحرك , وبعده بسنه يمكن تحركت اسناني اللي تحت :لي: وقالت لأن لثتك تعبانه ورجعت ركبت لي تقويم ثابت ثاني قبل 6 شهور من جديد بالفك الأسفلي , وقالت قبل رمضان بنفكه وخلص رمضان ولسه مافكته , لان اسناني ما ضبطت لحد اللحين , كل مره اقولها متى بتضبط متى بتفكينها تقول لثتك تعبانه , مع اني افررش , واتمضمض :لي: تعبت والله , و الأسنان العلويه اللحين حاطه لي تقويم متحرك وتقول لي بس إلبسيه عند النوم , من سنه ونص على هالحاله , قبل كانت تقول لي إلبسيه على طول بس وقت الأكل اشيله .
وكل مره اقولها متى اخلص منه واشيله تقول لثتك تعبانه عشان كذا لسًه ما ضبطت اسنانك :لي: مع انها قد سوت لي عمليه للثه بس مافاد ورجعت التهبت اللثه !!


تعبت ومتحسفه اني رحت مستوصف اهلي :لي: وخايفه بعدييين تطيح اسناني !! (الدكتوره فلبينيه )

افيدوني جزاكم الله خير

رمادُ أُنثى
26th August 2012, 12:08 PM
السلام عليكم ورحمة الله وبركاته

مشكورين على جهودكم وردودكم المفيدة


حقيقةً أنا تساؤلي لي أكثر من سنة أبي أطرحه وأتردد في الطرح
لكنني عزّمت الآن وتوكلت /
مشكلتي يا أفاضل أنني أريد عمل تقويم لأسناني

فقط ترجيع بسيط للأسنان وضمها جيداً

كنت عاملة تقويم وأنا بالثانوي عند دكتور سوري
لكن للأسف فك الدكتور لي التقويم و( السن اللي بعد الناب طالع لبرا )
كنت أقوله كيف يا دكتور تفكه وهو بالشكل هذا كان رده لي ( بيزبط بيزبط !! )
وكمان السينة ( أي الأسنان الأمامية الفوقية والتحتية ماهي فوق بعض الجزء اللي فوق ميّله لي على اليمين شوي )
وبصراحة كانت تجربة تقويم فاشلة لأنه ما عمل لي في أسناني أي شيء يُذكر !!


أتمنى منكم مشكورين ..
اقتراح أسماء عيادات فيها دكتورات تقويم أودكاترة شاطرين
لأني فعلاً أحتاج أسوي تقويم جديد
وياحبذا لو كانت أسعارهم مقبولة ..


وشاكرة لكم من قبل ومن بعد
:ورده:

غير النآس
31st August 2012, 01:10 AM
السسلام عليكم

لو سمحتوا هل ينفع ربط الأسنان ان كنت مسويه تلبيس ل اسناني
التلبيس من زمان تقريباً ١٠ سنوات والحمدلله ثابت
بس هل اقدر اسوي ربط ل الأسنان وفيه تلبيس !!

وكم سعر ربط الاسنان بلييز

un 3aglh
6th September 2012, 11:41 PM
السلام عليكم
احتاج لاسماء دكاترة ممتازين بزراعة الاسنان ويفضل باماكن عملهم سواء اهلي او حكومي

شكرا جزيلا مقدما

Noura.912
8th September 2012, 03:48 PM
.
.

السلام عليكم ..

انا جتني عقده من حقين الاسنآن بششكل !!
وبقولكم قصتي :D

اول كآنت اسنآني مررره جمييله وتلقفت ذآك اليوم ورحت مع امي لحقت الاسنان وقآلت خل اشوف اسنآنك واجلس ع الكرسي وقآمت تقولي اسنآنك ابدد مب زينه !
ورحت لها وشآلت سوس بالسن الامامي وينقلب لون سني وردي :) ابدد مانهبلت حتى هي حسيتها توترت

طبعا سحبت عليها ورحت لاخصائي وقعدت على اسناني 8 شهور وانا اجيه بالاسبوع مرتين !!!!!! =""(
ودي بس اعرف وش كان يسوي والله لوه زرآعه ولا تقويم !

ذآك اليوم رحت عاد لـ سيجال ودخلت طلال القناع اظن اسمه وقالي سنك الامامي يبيله تلبيسه عقب ذا الحوسه والله وانا احاكيه ودي اصيح
معليه يعني سن امامي واللي فوق خررربت ابتسآمتي ="( واللحين اصلن لونها مب زي لون اسناني الباقيه !

وانا عندي 8 تسوسات , واربع تلبيسه مع عصب :)
طلعت ذآك اليوم من عنده وانا صآكه فيني الدنيا بشششكل !

الزبده اللحين !
ابي احد يزين اسنآني وبتخدير كآمل لاني جد جد طفشششت , وسيجال على مدح الناس وكذآ بس معليه اسعآره + مواعيده متى ل متى
وانا ابي افتك =( .. ابي اقوم والقى اسناني كلهااا مزينه !



حلولكم وارآئكم ؟

ZIZO2012
12th September 2012, 10:38 AM
السلام عليكم
بسأل عن كلية الطب بالدرعية انا اعرف فيه اطباء امتياز
اخبر عندهم الطوارئ يعني ادخل على طول > هذا الكلام قبل رمضان تقريبآ
ومادري الحين فيه الطوارئ ولالا لو بروح لهم يدخلوني على طول ولا لازم موعد ؟

ارجو الافادة ضروري
وشكررآ

ليلو
12th September 2012, 02:41 PM
السلام عليكم
بسأل عن كلية الطب بالدرعية انا اعرف فيه اطباء امتياز
اخبر عندهم الطوارئ يعني ادخل على طول > هذا الكلام قبل رمضان تقريبآ
ومادري الحين فيه الطوارئ ولالا لو بروح لهم يدخلوني على طول ولا لازم موعد ؟

ارجو الافادة ضروري
وشكررآ

وعليكم السلام

فيه طوارئ في الدرعية وعلى حسب حالتك إما يعالجونك علطول ولا يعطونك موعد

(و)

ZIZO2012
12th September 2012, 03:01 PM
وعليكم السلام

فيه طوارئ في الدرعية وعلى حسب حالتك إما يعالجونك علطول ولا يعطونك موعد

(و)



اوكيه ..
بس عندي تسوس و ابي احط حشوات ..
يعني شي بسيط ان شاءالله
يعطيك العافيه

عيونك دنيتي
14th September 2012, 02:53 AM
السلام عليكم
انا مركبه تقويم من 4 شهور وكل شهر اشد والدكتور قال بيجلس فيني سنه ونص والحين لظروفيي ابي اقول للدكتور يشد كل اسبوعين
مشكلة اسناني الاماميه فيها فراغ وبزرع سنين رباعيه
سؤالي 1/هل فيه ضرر باني اشد كل اسبوعين
2/وتتوقعون فيه مستشفى بالرياض عندهم زراعه فوريه للاسنان ولا لازم انتظر 6شهور زي ماقريت قبل تركيب السن
ورشحولي مستشفى زراعه كويسسسس
وجزاكم الله خير

D.Hamad
20th September 2012, 03:56 PM
السلام عليكم
بغيت أستفسر هل فيه قسم لطب الأسنان في المستشفى الجامعي ؟
أعاني من طقة في الفك وأريد العلاج في الجامعي

اسيل العارضي
21st September 2012, 09:26 PM
السلام عليكم .. مشكورين على جهدكم الاكثر من رائع .. انا زميلتكم من كليه التمريض .. عندي مشكله بسيطه قلت اكيد انتم اللي بتفيدوني . انا قبل اسبوعين شلت ضروس العقل الي بالجهه اليسار فوق وتحت الي فوق الحمد الله مافيى اي مشاكل .. بس الي تحت وماادراك ماللي تحت سوالي جراحه شق اللثه وطلع الضرس وخيطها وقال بعد اسبوع تعالي نفك الخيوط ويوم انه صار بعد اسبوع رجعت وفكه الخيوط بس من بكره حسيت بوجع في فكي السفلي واذني ولوزتيني مادري هو منه ولا من وش مع انه قال لاتاكلين بروفين وقفي المضاد بس الم براسي مو طبيعي وقال استمري على المضمضه ومستمره للحين عليها بس وش اشسوي وعلى فكره اشوف بالمرايه مكان الخياط في حفره صغنونه ليش كيذا طالع :لي::لي: ياليت تردون لي واسفه على الاطاله

فهدمحمد
23rd September 2012, 09:09 AM
السلام عليكم ورحمة الله وبركاته:


اخواني انا تعبت وانهكتني عيادات الفلس كل واحد اروح له يجرب علي

بداية مشاكلي الام قديمة المهم ماله داعي اشرح لكم باخش في الموضوع دغري
______________


راجعت عيادة لخلع ضرس العقل,,,الاخ اشتغل ساعة الا ربع بعدها قال انت تحتاج عملية جراحية راجعني يوم الثلاثاء الصباح و الكلام صباح الاحد
طبعا الضرس سحبه شوي وكان الم لا يوصف ولا ينقال ,,, طلعت توكلت على الله للبيت لم استطيع تحمل الالم الخيالي رحت لعيادة ثانية خلع الضرس في دقيقة , حسيت ان شغله كويس قلت يلزمني اراجع عنده
جيته لضرس يشيل العصب .
انا اشتغلت فيه قبل عند دكتور وحط زي القطنه مؤقتة للجلسة الاخرى , انا كملت عند دكتور ثاني المهم شال القطنة و استخدم اداة مثل(الدبوس) ع مكان الضرس (تنغيز) ههههههه طبعا يقول استخراج صديد في اسفل الضررس عند العصب
المهم الالم لا يزال موجود و احس انه حق فلوس فقط لا غير

انا ابي منكم حاجتين .

س - كلية الطب اللي بجانب وزارة الداخلية هل فيها عيادات للرجال اراجع وافضل دكتور او دكتورة و هل تنصحوني فيها وكيف مواعيدهم وماهي اسعارهم ؟؟؟؟؟

اذا ما تنصحوني فيها ياليت تعطوني عيادة بديلة .

احدثكم من قلب الألم و الوجع ههههه يا ربآآآآهـ الضرس مولع ع الآخر

ليلو
23rd September 2012, 11:22 AM
السلام عليكم
انا مركبه تقويم من 4 شهور وكل شهر اشد والدكتور قال بيجلس فيني سنه ونص والحين لظروفيي ابي اقول للدكتور يشد كل اسبوعين
مشكلة اسناني الاماميه فيها فراغ وبزرع سنين رباعيه
سؤالي 1/هل فيه ضرر باني اشد كل اسبوعين
2/وتتوقعون فيه مستشفى بالرياض عندهم زراعه فوريه للاسنان ولا لازم انتظر 6شهور زي ماقريت قبل تركيب السن
ورشحولي مستشفى زراعه كويسسسس
وجزاكم الله خير

وعليكم السلام ورحمة الله وبركاته

١/ إيه فيه ضرر، إحتمال الجذر يبدأ يتآكل و الأربطة إلي تمسك الأسنان تضعف مما يؤدي لسقوط الأسنان .

٢/ للأسف ما عندي خبرة بالنسبة للمستشفيات إلي تزرع أسنان

(و)

ليلو
23rd September 2012, 11:25 AM
السلام عليكم
بغيت أستفسر هل فيه قسم لطب الأسنان في المستشفى الجامعي ؟
أعاني من طقة في الفك وأريد العلاج في الجامعي

وعليكم السلام ورحمة الله وبركاته

فيه قسم لطب الأسنان في الدرعية خاص بكلية طب الأسنان مختلف عن المستشفى الجامعي




http://i48.tinypic.com/21malas.png
:



تقدر تفتح ملف ببطاقة الأحوال و في الطوارئ يحولونك على القسم المناسب للعلاج

(و)

ليلو
23rd September 2012, 11:42 AM
السلام عليكم .. مشكورين على جهدكم الاكثر من رائع .. انا زميلتكم من كليه التمريض .. عندي مشكله بسيطه قلت اكيد انتم اللي بتفيدوني . انا قبل اسبوعين شلت ضروس العقل الي بالجهه اليسار فوق وتحت الي فوق الحمد الله مافيى اي مشاكل .. بس الي تحت وماادراك ماللي تحت سوالي جراحه شق اللثه وطلع الضرس وخيطها وقال بعد اسبوع تعالي نفك الخيوط ويوم انه صار بعد اسبوع رجعت وفكه الخيوط بس من بكره حسيت بوجع في فكي السفلي واذني ولوزتيني مادري هو منه ولا من وش مع انه قال لاتاكلين بروفين وقفي المضاد بس الم براسي مو طبيعي وقال استمري على المضمضه ومستمره للحين عليها بس وش اشسوي وعلى فكره اشوف بالمرايه مكان الخياط في حفره صغنونه ليش كيذا طالع :لي::لي: ياليت تردون لي واسفه على الاطاله

وعليكم السلام ورحمة الله وبركاته

الحفرة الي طالعه هي مكان السن السابق

والألم يمكن يكون إلتهاب الافضل تراجعين الدكتور إلي خلع لك للكشف على مكان الخلع

(و)

ليلو
23rd September 2012, 11:46 AM
السلام عليكم ورحمة الله وبركاته:


اخواني انا تعبت وانهكتني عيادات الفلس كل واحد اروح له يجرب علي

بداية مشاكلي الام قديمة المهم ماله داعي اشرح لكم باخش في الموضوع دغري
______________


راجعت عيادة لخلع ضرس العقل,,,الاخ اشتغل ساعة الا ربع بعدها قال انت تحتاج عملية جراحية راجعني يوم الثلاثاء الصباح و الكلام صباح الاحد
طبعا الضرس سحبه شوي وكان الم لا يوصف ولا ينقال ,,, طلعت توكلت على الله للبيت لم استطيع تحمل الالم الخيالي رحت لعيادة ثانية خلع الضرس في دقيقة , حسيت ان شغله كويس قلت يلزمني اراجع عنده
جيته لضرس يشيل العصب .
انا اشتغلت فيه قبل عند دكتور وحط زي القطنه مؤقتة للجلسة الاخرى , انا كملت عند دكتور ثاني المهم شال القطنة و استخدم اداة مثل(الدبوس) ع مكان الضرس (تنغيز) ههههههه طبعا يقول استخراج صديد في اسفل الضررس عند العصب
المهم الالم لا يزال موجود و احس انه حق فلوس فقط لا غير

انا ابي منكم حاجتين .

س - كلية الطب اللي بجانب وزارة الداخلية هل فيها عيادات للرجال اراجع وافضل دكتور او دكتورة و هل تنصحوني فيها وكيف مواعيدهم وماهي اسعارهم ؟؟؟؟؟

اذا ما تنصحوني فيها ياليت تعطوني عيادة بديلة .

احدثكم من قلب الألم و الوجع ههههه يا ربآآآآهـ الضرس مولع ع الآخر

وعليكم السلام ورحمة الله وبركاته

بالنسبة لكلية الطب المجاورة لوزارة الداخلية للأسف ما اعرفها

بس تقدر تعالج في كلية طب الاسنان في الدرعية

تفتح ملف ببطاقة الأحوال و في الطوارئ إن شاء الله يكملون لك علاج الضرس

(و)

steelth
24th September 2012, 11:29 PM
السلام عليكم
الصراحة اشكركم ع المجهودات الجميلة في تقديم الاستشارة والفائدة هنا ...

وانا عندي استفسار
انا السمستر اللي راح جيت كلية الاسنان بالدرعية تبع الاولاد وفتحت ملف عند الطوارئ ...
حولتني ع الدور الثاني قسم الجراحة ..عشان خلع اضراس العقل جراحيا

سلمت الورق والاشعة وقالت الرسبشن فلبينية رح نتصل عليك ونحدد موعد وغالبا يكون يوم احد ..وبس 15 بيشنت كل احد
ومر كذا شهر وم اتصلوا ف راجعتهم قالت تعالي ع بداية الدراسة ( يعني الحين ) ..

ف سؤالي ! كيف احدد موعد .. استنى اتصال او اروح عند احد معين ؟ او السالفة كلها خطأ ؟
والسؤال الثاني مين يشيل الاضراس بالجراحة .. استشارييين ولا متدربين ؟

واذا احد من الكلية يقدر يفيدني للموعد بكون له شاكرة لان جيتي للكلية صعبة
واسفة ع الاطالة ومررة شكرا لكم

ليلو
26th September 2012, 03:21 PM
السلام عليكم
الصراحة اشكركم ع المجهودات الجميلة في تقديم الاستشارة والفائدة هنا ...

وانا عندي استفسار
انا السمستر اللي راح جيت كلية الاسنان بالدرعية تبع الاولاد وفتحت ملف عند الطوارئ ...
حولتني ع الدور الثاني قسم الجراحة ..عشان خلع اضراس العقل جراحيا

سلمت الورق والاشعة وقالت الرسبشن فلبينية رح نتصل عليك ونحدد موعد وغالبا يكون يوم احد ..وبس 15 بيشنت كل احد
ومر كذا شهر وم اتصلوا ف راجعتهم قالت تعالي ع بداية الدراسة ( يعني الحين ) ..

ف سؤالي ! كيف احدد موعد .. استنى اتصال او اروح عند احد معين ؟ او السالفة كلها خطأ ؟
والسؤال الثاني مين يشيل الاضراس بالجراحة .. استشارييين ولا متدربين ؟

واذا احد من الكلية يقدر يفيدني للموعد بكون له شاكرة لان جيتي للكلية صعبة
واسفة ع الاطالة ومررة شكرا لكم

وعليكم السلام ورحمة الله وبركاته

الأفضل تراجعينهم مره ثانية وتأخذين موعد من قسم الجراحة إلي رحتي له من قبل
ولو رفضوا يعطونك موعد في قسم المواعيد أدخلي على الطوارئ وأطلبي منهم موعد للخلع

والخلع الجراحي يسويه بس الاطباء المتخصصين في الجراحة

(و)

steelth
26th September 2012, 04:43 PM
اوكي الله يعطيك الف عافية ان شالله اراجعهم قريب وان شالله يفيدوني

أروى ـآا
29th September 2012, 07:39 PM
السلام عليكم و رحمة الله و بركاته


أنـا حابة أعمل تقويم لأسناني ان شاء الله , و مبدئيا ً دكتورة التقويم قالت أحتاج حوالي سنة و نص للعلاج ,
لكني محتـارة بين التقويم العادي و الـ damon :|

ودي أعرف سلبيات damon لأني أعرف إيجابياته و محاسنه , و تقريبا ً كم يكون الفرق في السعر بينه و بين
التقويم العادي في مثل حالتي 3)

شاكرة و ممتنة (f)

حقق حلمي
29th September 2012, 08:54 PM
السلام عليك :
دكتور_ة هل خلع ضرس العقل جراحيا له مخاطر يعني لو كان ضرس العقل مايسبب اي الم للشخص واراد فقط التخلص منه لانه تحت اللثة راح ياثر عليه صحيا ؟
السؤال الثاني : انا عملت ثلاث حشوات للفك العلوي ع اليمين واحدة وع اليسار اثنتان وكلهم قبل اضراس العقل
واضراس العقل مشكلتها انها كلها مصابة بالتسوس بس ماوصل للعصب لاني ناوية اخلعهم فهل الالم راح يكون بزيادة اقصد الم الحشو لانهم قرب اضراس العقل ام لاعلاقة له بدلك ؟
وشكرا وعدرا ع الركاكة في الاسلوب كتبت الاسئلة ع عجل ....

MED 432
29th September 2012, 10:15 PM
يمدي اركب تقويم عندكم ؟؟

علما لاني احب اختبركم

ولا الدراهم ماهمتني

كر1كر1

حقق حلمي
30th September 2012, 08:44 PM
وعليكم السلام : اعتدر ع كثرة الاسئلة لكن تدكرتها اليوم اعانكم الله
الم الاسنان بعد الحشو اللي اعرفه انو ادا استمر اكثر من اربع اسابيع يراجع الطبيب ابغى اعرف بالضبط ماهي اسباب الالم الطويلة هده هل هي حساسية بالاسنان بسبب الحشو
ام ان الطبيب لم يتقن عمل الحشوة ولو تركت الاسنان بدون مراجعة الطبيب هل يسبب فقدان للسن لاسمح الله
وكيف يكون علاج الم مابعد الحشو ادا استمر طويلا
السؤال الاخير هل تركيب السن له علاقة بسرعة التسوس يعني ادا كانت طبيعة الاسنان مند الولادة ومع نمو الانسان ضعيفة هل هدا هو السبب في سرعة التسوس مع انو يتم المحافظة عليها لانو من واقع التجربة فيه اناس لايهتمون بنظافة الاسنان ومع دلك لاتوجد عندهم اسنان تم خلعها والتسوس عندهم قليل وشكررررا

*&* ســديــم*&*
1st October 2012, 03:39 AM
أهلا بدكاترة المستقبل
عندي استفسار اتمنى تفيدوني


انا كان عندي الم خفيف بضرسي المحشو اذا اكلت احيان ومن الماء البارد خفيف سويت اشعة قالي عصب حولي للاخصائية وحفرته وقالت موعصب حطتلي حشوة

مؤقته وقالت اذا مافي الم لاتجيني وسوي دائمة انا لي 5 ايام ماحسيت بحاجه بس قبل شوي اكلت وحسيت بألم خفيف مع الطحن فهل طبيعي لأن السوس اصلا عميق

وبيزول ان شاءلله مع الدائمة او ممكن يكون عصب لاسمح الله

شاكرة لكم

ليلو
1st October 2012, 07:35 PM
السلام عليكم و رحمة الله و بركاته


أنـا حابة أعمل تقويم لأسناني ان شاء الله , و مبدئيا ً دكتورة التقويم قالت أحتاج حوالي سنة و نص للعلاج ,
لكني محتـارة بين التقويم العادي و الـ damon :|

ودي أعرف سلبيات damon لأني أعرف إيجابياته و محاسنه , و تقريبا ً كم يكون الفرق في السعر بينه و بين
التقويم العادي في مثل حالتي 3)

شاكرة و ممتنة (f)

للأسف عزيزتي ما عندي أي فكرة عن الفرق

(و)



السلام عليك :
دكتور_ة هل خلع ضرس العقل جراحيا له مخاطر يعني لو كان ضرس العقل مايسبب اي الم للشخص واراد فقط التخلص منه لانه تحت اللثة راح ياثر عليه صحيا ؟
السؤال الثاني : انا عملت ثلاث حشوات للفك العلوي ع اليمين واحدة وع اليسار اثنتان وكلهم قبل اضراس العقل
واضراس العقل مشكلتها انها كلها مصابة بالتسوس بس ماوصل للعصب لاني ناوية اخلعهم فهل الالم راح يكون بزيادة اقصد الم الحشو لانهم قرب اضراس العقل ام لاعلاقة له بدلك ؟
وشكرا وعدرا ع الركاكة في الاسلوب كتبت الاسئلة ع عجل ....

السؤال الأول : يعتمد على موقع السن فوقي أو تحتي و العناصر المجاورة له " الجيوب الأنفية , أعصاب ... " لازم تاخذين أشعه قبل خلعه لتحديد موقعه والمخاطر المتوقعه

السؤال الثاني : عفوا بس ما فهمت السؤال الألم من أي منطقة ؟

(و)



يمدي اركب تقويم عندكم ؟؟

علما لاني احب اختبركم

ولا الدراهم ماهمتني

كر1كر1

التقويم في كلية طب الأسنان فقط لأعضاء هيئة التدريس وذويهم

(و)



وعليكم السلام : اعتدر ع كثرة الاسئلة لكن تدكرتها اليوم اعانكم الله
الم الاسنان بعد الحشو اللي اعرفه انو ادا استمر اكثر من اربع اسابيع يراجع الطبيب ابغى اعرف بالضبط ماهي اسباب الالم الطويلة هده هل هي حساسية بالاسنان بسبب الحشو
ام ان الطبيب لم يتقن عمل الحشوة ولو تركت الاسنان بدون مراجعة الطبيب هل يسبب فقدان للسن لاسمح الله
وكيف يكون علاج الم مابعد الحشو ادا استمر طويلا
السؤال الاخير هل تركيب السن له علاقة بسرعة التسوس يعني ادا كانت طبيعة الاسنان مند الولادة ومع نمو الانسان ضعيفة هل هدا هو السبب في سرعة التسوس مع انو يتم المحافظة عليها لانو من واقع التجربة فيه اناس لايهتمون بنظافة الاسنان ومع دلك لاتوجد عندهم اسنان تم خلعها والتسوس عندهم قليل وشكررررا

لتحديد سبب الألم بعد الحشوة يجب فحص السن والحشوة والأسنان المجاورة وتحديد نوع الألم فقد تكون حساسية من المادة المستخدمه في الحشوة أو الحشوة كبيرة وقريبة من العصب أو أن هناك فتحات صغيرة جدا بين السن والحشوة مسببة للألم
الأفضل مراجعة الطبيب للتأكد من السبب فقد لايكون الألم من مكان آخر

بالنسبة للسؤال الأخير التسوس أسباب كثيرة ومتداخله ببعضها البعض غالباً يكون من عدم تفريش الأسنان أو التفريش بطريقة خاطئة
الأسباب الأخرى إصابة الشخص بأمراض تسرع من التسوس مثل السكر و نقص الكالسيوم أو أن الأسنان مزدحمه في الفم مما يصعب تنظيفها ويؤدي للتسوس

(و)



أهلا بدكاترة المستقبل
عندي استفسار اتمنى تفيدوني


انا كان عندي الم خفيف بضرسي المحشو اذا اكلت احيان ومن الماء البارد خفيف سويت اشعة قالي عصب حولي للاخصائية وحفرته وقالت موعصب حطتلي حشوة

مؤقته وقالت اذا مافي الم لاتجيني وسوي دائمة انا لي 5 ايام ماحسيت بحاجه بس قبل شوي اكلت وحسيت بألم خفيف مع الطحن فهل طبيعي لأن السوس اصلا عميق

وبيزول ان شاءلله مع الدائمة او ممكن يكون عصب لاسمح الله

شاكرة لكم

الحشوة المؤقته ما تمسك بالسن بشكل كامل فتسمح بمرور الأكل والشرب بين السن والحشوة مما يسبب ألم إذا كانت الحشوة عميقة

راجعي دكتورة الحشوات في أقرب فرصه ولما تشيل الحشوة راح تتأكد إذا كان وصل للعصب أو لاء

(و)

Dr.Talal.K.G
1st October 2012, 09:14 PM
السلام عليكم ..

اليوم ولله الحمد صررت عاقل ،،

ضروس العقل قامت تعورني !!
وحاس بصداع وآلام في مؤخرة الفك السفلي وعندي انتفاخ في الـ(Lift mandible jaw) بالضبط عند مكان ضرس العقل ..
هل أفتح ملف لي بالكلية وأراجع الطبيب ولا أروح عيادات خاصة؟
اضافة/ القواطع السفلية صارت مايلة بسبب الضغط وأصلا الفك عندي صغير ..

وش رايكم !!
أفيدوني أثابكم الله

مخرج:
" لا وجع إلا وجع الضرس .. ولا هم إلا هم العرس"

موفقين قلب2

حقق حلمي
2nd October 2012, 12:28 PM
شكككرا جزيلا دكتورة ليلو .... الحمد لله دهبت الالام اللي بعد الحشو تحسنت كثير بفضل الله ... كانت في الفك العلوي مثل ماقلت اني حشيت ع جهة اليمين حشوة واحدة قبل ضرس العقل واثنتان ع جهة اليسار نفس الشيء قبل ضرس العقل .... الان اللي ابغى له اجابة شااافية هل اضراس العقل ادا تمت ازالتها جراحيا هل لها مخاطر ؟؟؟
مع العلم انها متسوسة والتسوس لم يصل ال العصب بحكم انو سبق ان عملت اشعة قبل حشو الاسنان ... اهي ظاهر جزء منها والباقي مدفون تحت اللثة ... طيب لو تمت ازالة العصب فقط بدون ازالة مع العلم انها متسوسة ال حد ما فوق المتوسط خلاص ماعاد يحتاج ال ازالتهم جراحيا ام مادا ؟؟؟ متع الله الجميع بالصحة والعافية ...........

ليلو
3rd October 2012, 04:31 PM
السلام عليكم ..

اليوم ولله الحمد صررت عاقل ،،

ضروس العقل قامت تعورني !!
وحاس بصداع وآلام في مؤخرة الفك السفلي وعندي انتفاخ في الـ(Lift mandible jaw) بالضبط عند مكان ضرس العقل ..
هل أفتح ملف لي بالكلية وأراجع الطبيب ولا أروح عيادات خاصة؟
اضافة/ القواطع السفلية صارت مايلة بسبب الضغط وأصلا الفك عندي صغير ..

وش رايكم !!
أفيدوني أثابكم الله

مخرج:
" لا وجع إلا وجع الضرس .. ولا هم إلا هم العرس"

موفقين قلب2

وعليكم السلام ورحمة الله وبركاته

ما دامك في الكلية أطلب من أحد طلاب سنة ثالث يفتح لك ملف في الأورال دايقنوزز والدكتور المشرف متخصص في تشخيص أمراض الفم فيفيدك إن شاء الله :)

و بالنسبة للقواطع مالت من حك الأسنان ببعض أو لما تضغط أسنانك العلوية على السفلية بقوة لمدة طويلة ؟ أو من أزدحام الأسنان في الفك ؟

(و)



شكككرا جزيلا دكتورة ليلو .... الحمد لله دهبت الالام اللي بعد الحشو تحسنت كثير بفضل الله ... كانت في الفك العلوي مثل ماقلت اني حشيت ع جهة اليمين حشوة واحدة قبل ضرس العقل واثنتان ع جهة اليسار نفس الشيء قبل ضرس العقل .... الان اللي ابغى له اجابة شااافية هل اضراس العقل ادا تمت ازالتها جراحيا هل لها مخاطر ؟؟؟
مع العلم انها متسوسة والتسوس لم يصل ال العصب بحكم انو سبق ان عملت اشعة قبل حشو الاسنان ... اهي ظاهر جزء منها والباقي مدفون تحت اللثة ... طيب لو تمت ازالة العصب فقط بدون ازالة مع العلم انها متسوسة ال حد ما فوق المتوسط خلاص ماعاد يحتاج ال ازالتهم جراحيا ام مادا ؟؟؟ متع الله الجميع بالصحة والعافية ...........

المخاطر بعد إزالة أضراس العقل زي مخاطر الجراحة يعني لازم تهتمين بنظافة المكان عشان ما يلتهب

إذا كان جزء من السن تحت اللثة وعمرك فوق ال ٢٣ - ٢٥ فالأفضل تخلعينه ( السن ما راح يطلع زيادة بعد هذا العمر ) لأن الأكل يتجمع تحت اللثة إلي مغطيه السن فيا يتسوس السن وهو الوضع إلي صاير عندك أول تلتهب اللثة من الضغط من السن في الجهة المقابلة وتسببلك مشاكل إنتي في غنى عنها

(و)

Dr.Talal.K.G
3rd October 2012, 08:47 PM
وعليكم السلام ورحمة الله وبركاته

ما دامك في الكلية أطلب من أحد طلاب سنة ثالث يفتح لك ملف في الأورال دايقنوزز والدكتور المشرف متخصص في تشخيص أمراض الفم فيفيدك إن شاء الله :)

و بالنسبة للقواطع مالت من حك الأسنان ببعض أو لما تضغط أسنانك العلوية على السفلية بقوة لمدة طويلة ؟ أو من أزدحام الأسنان في الفك ؟


(و)

من ازدحام الأسنان .. :)


شكرا ليلو قلب2

ليلو
4th October 2012, 12:47 PM
من ازدحام الأسنان .. :)


شكرا ليلو قلب2

تحتاج إستشارة مع طبيب مختص بالتقويم Orthodontist :)

(و)

حقق حلمي
4th October 2012, 06:50 PM
شكرا دكتورة ليلو بس حبيت اعرف نوع العلاج بالضبط لانو انا كنت عاملة حشو للاضراس الخلفية في الفك السفلي واحد ع اليمين والثاني ع اليسار
الحشوة اللي ع اليمين ظهر فيها تسوس وغيرتها اما الاخرى ظهر فيها تصبغ وكمان غيرتها والحمد لله
الان باقي الحشوات اللي عملتها لاسناني كانت بسيطة جدا لان التسوس فيها بسيط جدا ولا احس باي الم فيها
ماعدا الاضراس الخلفية فقط ولها حوالي الاسبوعين ادا شربت شيء بارد فقط تؤلمني
طيب لاسمح الله ادا لم يدهب الالم ابغى اعرف نوع العلاج لمثل حالتي حتى اكون ع بينة ؟؟؟
اللي اعرفه انو لازم اخد اشعة للاسنان وبعدين ماهو العلاج لاني سبق وقرات انو فيه حشوات عازلة لحساسية الاسنان يعني توضع مادة عازلة ثم توضع الحشوة
او ان الدكتور يغير الحشوة ولا علاج عصب ... الخ اريد ان اعرف معلومات ممكن تفيدني قبل ان اقدم ع اي علاج .... ماابغى ادفع تكاليف ثم اندم عليها لعدم معرفتي بطرق وانواع العلاج المناسبة
واعتدر ع الالحاح وكثرة الاسئلة د ليلو الله يسعدك

sigo0
7th October 2012, 12:43 PM
هل هناك عيادة لطلاب الجامعة؟ واذا ايه وينها؟ وكيف آخذ مواعيد؟ وماهي الخدمات اللي تقدمها؟

omar94
7th October 2012, 07:17 PM
حبيت اسأل وشو لون سكراب طلاب طب الاسنان

سارووونة
8th October 2012, 07:38 PM
السلام عليكم أخواني .. أنا طالبة في كلية الطب و اريد التحويل الى كلية طب الأسنان .. حبيت استفسر عن النظام و كيفية التحويل .. و هل في امكانية أبدا الترم الثاني !

Dr.MooDy
8th October 2012, 07:57 PM
حبيت اسأل وشو لون سكراب طلاب طب الاسنان

تدرجات اللون الأزرق .. قلب2

وهاذي صورة للتوضيح .. (f)


http://www.medcatalog.com/images/AAA/2pockets.jpg

omar94
8th October 2012, 09:40 PM
تدرجات اللون الأزرق .. قلب2

وهاذي صورة للتوضيح .. (f)


http://www.medcatalog.com/images/AAA/2pockets.jpg

طيب والبشري وشلون السكراب حقهم ؟ اخضر؟

Dr.MooDy
8th October 2012, 10:09 PM
^

لا يالغالي البشري والأسنان يلبسون نفس اللون .. لكن تقدر تقول إن طلاب الأسنان يفضّلون يلبسون أزرق فاتح يميل للسماوي قلب2

الهَوى
8th October 2012, 10:16 PM
صح انه تخصصي بس توني ماعرف ليش الآلام تصير .. ومستحيل ادخل عيادة اسنان اتعالج ض2
قلت بستفسر هنآآ وعلى الله


المهم :|

من كم يوم صارت لي مشكلة , بين الـ premolars احس فيه فراغ اذا تحسسته باللسان
مدري كيف المهم انه يألللم خاصة اذا شربت شي .. مع العلم انه مافي تسوس ولا شي

وش ممكن يكون ؟

وشكرا قلب2

الهَوى
8th October 2012, 10:17 PM
^

لا يالغالي البشري والأسنان يلبسون نفس اللون .. لكن تقدر تقول إن طلاب الأسنان يفضّلون يلبسون أزرق فاتح يميل للسماوي قلب2

مو الأخضر الفاتح للأسنان ؟

مـسـحـة طبية~
8th October 2012, 11:06 PM
يسعد مساءكم
عندي استفسار بسيط
بالنسبة للفراغات الصغيرة بين الاسنان ايش الافضل التلبيسة الدائمة وللا القشرة التجميلية ؟
مع انه مو مقتنعة بالتقويم لانه يطول

شكرا مقدما..

Dr.MooDy
8th October 2012, 11:24 PM
مو الأخضر الفاتح للأسنان ؟

لا يا غالي .. الأخضر لطلاب الإنتيرن ( طلاب الإمتياز والمعيدين ) قلب2(f)

D e C e N T
9th October 2012, 06:57 AM
السلآم عليييكم ورحمة الله وبركااته ..

شبابين وشبابات .. أنا عندي مشكلة مقلقتني من أمس تقريبا والألم ما يفآرقني !
طبعا طلعت من الدوام ورحت ع كليتكم لقيتها مقفلة وقالولي تعال الأربعاء !

الألم شديد ف رحت لعيادات أتوقع إسمها عيادات الدكتور محمد المفرح على طريق الملك عبدالله
وقابلت الدكتور قالي إنت عندك مشكلتين الأولى هي إن الضرس اللي فوق اللي مسويله حشوة قبل 4 شهور يحتاجله سحب عصب والثانية واللي هي سبب الألم ذا اللي هو ضرس العقل

ووصفلي دواء مسكن اللي هو بروف 400 ! خذيته وبرضو حاس بألم ضرس العقل

وتقريبا اليوم صحيت عالساعة 6 والألم من جهة ضرس العقل مو مخليني أذاكر أو آكل !
وش تنصحوني أسوي بالضبط ؟ أعالج ع حسابي الخاص وأكلم الدكتور اللي رحتله أمس ؟ أو أنتظر وأعالجه بعياداتكم وبالنسبة للعلاج هذي بتكون أول مرة لي وأنا مو عارف شلون أسجل وكذا !

الألم رهيييييب بشكل موب طبيعي . . سآعدوني لو تكرمتّوآ

Dr.hUsSaM
9th October 2012, 08:37 AM
عندي سؤال انا رمضان اللي فات رحت لدكتورة اسنان عشان سن عندي ،، المهم هي ٣ جلسات الاولى سوت لي تنظيف وشيل عصب


الثانيه حطت لي حشوه مؤقته وقالت تعال بعد يومين اركب لك الدائمه ،، الوكاد اني سحبت عليها من رمضان الى يومكم هذا ،،


و الحشوه المؤقته موجوده في ضرسي للحين ض2 ،، هل هذا الشي ممكن يضرني او لا ..؟

ليلو
10th October 2012, 05:46 PM
هل هناك عيادة لطلاب الجامعة؟ واذا ايه وينها؟ وكيف آخذ مواعيد؟ وماهي الخدمات اللي تقدمها؟

كلية طب الأسنان في الدرعية, تفتح ملف عند الطوارئ ببطاقة الأحوال و العلاج يشمل كل شي متعلق بالأسنان " حشوات , تركيبات ثابته ومتحركه, سحب عصب, تنظيف لثة, خلع "


http://i48.tinypic.com/21malas.png




(و)


السلام عليكم أخواني .. أنا طالبة في كلية الطب و اريد التحويل الى كلية طب الأسنان .. حبيت استفسر عن النظام و كيفية التحويل .. و هل في امكانية أبدا الترم الثاني !

وعليكم السلام ورحمة الله وبركاته

نظام الدراسه في الكلية سنوي فما فيه مجال للتحويل الترم الثاني

وعلى حد علمي غير مسموح للتحويل لكلية طب الأسنان أو كلية الطب البشري

(و)



صح انه تخصصي بس توني ماعرف ليش الآلام تصير .. ومستحيل ادخل عيادة اسنان اتعالج ض2
قلت بستفسر هنآآ وعلى الله


المهم :|

من كم يوم صارت لي مشكلة , بين الـ premolars احس فيه فراغ اذا تحسسته باللسان
مدري كيف المهم انه يألللم خاصة اذا شربت شي .. مع العلم انه مافي تسوس ولا شي

وش ممكن يكون ؟

وشكرا قلب2

الفراغ تقصد الأسنان تحركت وصار بينهم فراغ أو اللثه نزلت عن مستوى السن ؟

والألم يجي لما تشرب شي بارد أو حار ؟ وبس عند الشرب ؟

(و)



يسعد مساءكم
عندي استفسار بسيط
بالنسبة للفراغات الصغيرة بين الاسنان ايش الافضل التلبيسة الدائمة وللا القشرة التجميلية ؟
مع انه مو مقتنعة بالتقويم لانه يطول

شكرا مقدما..

لتسكير الفراغات الصغيرة بين الأسنان فيه أكثر من حل

1- التقويم ويعتبر أفضل حل
2- الحشوة البيضاء composite
3- القشرة التجميليه - العدسات
4- تلبيسة دائمه - لتركيبها يتم إزالة جزء من السن يعتبر كبير نسبياً

العلاج المناسب يعتمد على حالة الأسنان فلازم الفحص الإكلينيكي و على رغبة المريض

(و)

السلآم عليييكم ورحمة الله وبركااته ..

شبابين وشبابات .. أنا عندي مشكلة مقلقتني من أمس تقريبا والألم ما يفآرقني !
طبعا طلعت من الدوام ورحت ع كليتكم لقيتها مقفلة وقالولي تعال الأربعاء !

الألم شديد ف رحت لعيادات أتوقع إسمها عيادات الدكتور محمد المفرح على طريق الملك عبدالله
وقابلت الدكتور قالي إنت عندك مشكلتين الأولى هي إن الضرس اللي فوق اللي مسويله حشوة قبل 4 شهور يحتاجله سحب عصب والثانية واللي هي سبب الألم ذا اللي هو ضرس العقل

ووصفلي دواء مسكن اللي هو بروف 400 ! خذيته وبرضو حاس بألم ضرس العقل

وتقريبا اليوم صحيت عالساعة 6 والألم من جهة ضرس العقل مو مخليني أذاكر أو آكل !
وش تنصحوني أسوي بالضبط ؟ أعالج ع حسابي الخاص وأكلم الدكتور اللي رحتله أمس ؟ أو أنتظر وأعالجه بعياداتكم وبالنسبة للعلاج هذي بتكون أول مرة لي وأنا مو عارف شلون أسجل وكذا !

الألم رهيييييب بشكل موب طبيعي . . سآعدوني لو تكرمتّوآ

وعليكم السلام ورحمة الله وبركاته

أخوي تقدر تجي لعيادات كلية طب الأسنان في الدرعيه يوم السبت الصباح وتجيب معك بطاقه الأحوال وعند الطوارئ تفتح ملف ويفحصونك و بيقدمون لك العلاج المناسب إن شاء الله

(و)


عندي سؤال انا رمضان اللي فات رحت لدكتورة اسنان عشان سن عندي ،، المهم هي ٣ جلسات الاولى سوت لي تنظيف وشيل عصب


الثانيه حطت لي حشوه مؤقته وقالت تعال بعد يومين اركب لك الدائمه ،، الوكاد اني سحبت عليها من رمضان الى يومكم هذا ،،


و الحشوه المؤقته موجوده في ضرسي للحين ض2 ،، هل هذا الشي ممكن يضرني او لا ..؟

إحتمال الحشوة المؤقته تطيح وفي هذي الحاله لازم تعيد علاج العصب لأن السن يكون تلوث

وإحتمال السن ينكسر إذا كان مقدار التسوس إلي كان موجود كبير والباقي من السن ما يتحمل الأكل عليه أو العض

فإما تستبدل الحشوة المؤقته بحشوة دائمة أو تلبيسه

(و)

الهَوى
10th October 2012, 08:01 PM
الفراغ تقصد الأسنان تحركت وصار بينهم فراغ أو اللثه نزلت عن مستوى السن ؟

والألم يجي لما تشرب شي بارد أو حار ؟ وبس عند الشرب ؟


لآ مانزلت عن اللثة او تحركت , الفراغ بسطح السن الي تحت
الـ occlusal مدري شسمه .. بينهم احس فيه زي الحفر

ومع البارد الألم .. عند الأكل بعد بس اخف من الشرب


الله يوفقك قلب2

ليلو
10th October 2012, 09:29 PM
لآ مانزلت عن اللثة او تحركت , الفراغ بسطح السن الي تحت
الـ occlusal مدري شسمه .. بينهم احس فيه زي الحفر

ومع البارد الألم .. عند الأكل بعد بس اخف من الشرب


الله يوفقك قلب2

هو يحتاج فحص بس أتوقع أنه تسوس في lingual groove وقريب من العصب أو كسر في السن

http://img202.imageshack.us/img202/2060/phuppimagejt.jpg

*هوMLDG

يحتاج أشعه وفحص إكلينيكي

(و)

الهَوى
11th October 2012, 01:22 AM
هو يحتاج فحص بس أتوقع أنه تسوس في lingual groove وقريب من العصب أو كسر في السن

http://img202.imageshack.us/img202/2060/phuppimagejt.jpg

*هوMLDG

يحتاج أشعه وفحص إكلينيكي

(و)


أهآآ .. بلحّق عليه قبل لا يزيد h1

الله يعطيك العافية ي دكتورة

Dr.Belle
11th October 2012, 02:52 AM
ي جميلين انا مسوية برايسيز قبل ثلاث سنين تقريباً وبصراحة لما شلته لقيت أسناني دماااااار اللي كانت حشوة فضية صار لونها اسود هذا غير التسوس اللي بالفك السفلي ف اربع اضراس يمكن وبعض اسناني تغير مكانها والفك العلوي احس انو تقدم شوي وكمان سحبت اعصاب كثير من اربع اضراس يمكن وخايفة ع اسناني والاحظ عندي نمو اضراس جديدة ف نهاية الفكين خايفة تكون ضروس العقل ...!
والحين افكر اتعالج من جديد واسوي برايسيز ثاني بعد العلاج إن شاء الله ..!
يصير اسوي ولا لأ بس مرة وحدة بالعمر..!؟

حقق حلمي
11th October 2012, 02:25 PM
لم يتم الرد على سؤالي في الصفحة السابقة :لي: اريد فقط ان اعرف هل هناك حشوة عازلة تمنع حساسية الاسنان عند اكل او شرب الاشياء الباردة
بمعنى هل توجد مادة عازلة يضعها الطبيب لمنع تحسس الاسنان ثم توضع الحشوة الاساسية
هل هدا العلاج مناسب لمن استمر لديهم الالم بعد الحشو اكثر من شهر ؟؟؟
ام انه لابد من تغيير الحشوة ,,, انتظر الاجابة الله يعافيكم

ليلو
12th October 2012, 12:54 PM
لم يتم الرد على سؤالي في الصفحة السابقة :لي: اريد فقط ان اعرف هل هناك حشوة عازلة تمنع حساسية الاسنان عند اكل او شرب الاشياء الباردة
بمعنى هل توجد مادة عازلة يضعها الطبيب لمنع تحسس الاسنان ثم توضع الحشوة الاساسية
هل هدا العلاج مناسب لمن استمر لديهم الالم بعد الحشو اكثر من شهر ؟؟؟
ام انه لابد من تغيير الحشوة ,,, انتظر الاجابة الله يعافيكم

إذا كانت التسوس عميق فالطبيب يضيع حشوة عازلة تحت الحشوة الدائمة

وإذا كانت الحساسية مستمرة لفترة طويلة فإما توضع نوع من انواع الحشوات على أطراف الحشوة الدائمة لإغلاق الفتحات الصغيرة ( في حال وجودها ) او يتم تغير الحشوة

(و)

ولكن!
13th October 2012, 06:20 PM
السلام عليكم
لو سمحتوا ابغا استفسر عن عيادات الملز
كيف اخذ موعد ؟ صار لي اسبوع اتصل على الرقم الموجود بالموقع ومحد يرد
وبما اني مابعد فتحت ملف ينفع اروح الطوارئ وهم يحددون لي موعد؟
وايش الفرق بين عيادات الملز والدرعية ؟؟

شكراً

ليلو
13th October 2012, 07:50 PM
السلام عليكم
لو سمحتوا ابغا استفسر عن عيادات الملز
كيف اخذ موعد ؟ صار لي اسبوع اتصل على الرقم الموجود بالموقع ومحد يرد
وبما اني مابعد فتحت ملف ينفع اروح الطوارئ وهم يحددون لي موعد؟
وايش الفرق بين عيادات الملز والدرعية ؟؟

شكراً

وعليكم السلام ورحمة الله وبركاته

تقدرين تجين للكلية في الملز ويفضل الصباح تفتحين ملف عند الطوارئ ببطاقة الأحوال او دفتر العائلة للسعوديين والجواز لغير السعوديين وفي الطوارئ راح يعالجونك إذا كان من ضمن إختصاصهم أو يتم تحويلك للقسم المناسب

عيادات الملز للطالبات وعيادات الدرعية للطلاب

(و)

Juma
19th October 2012, 10:45 AM
السلام عليكم ورحمة الله وبركاته

الله يعطيكم العافية جميعاً ويجزاكم خير على جهودكم.

قبل أمس الأربعاء ركبت تقويم وأمس الخميس لاحظت تغيير بلون الأسنان الخلفية اللي مثبت عليها حلقة التقويم، صارت رمادي مزرق!
هل هذا طبيعي بسبب المعادن، أو أروح للطبيب؟
وشكراً

ليلو
19th October 2012, 07:38 PM
السلام عليكم ورحمة الله وبركاته

الله يعطيكم العافية جميعاً ويجزاكم خير على جهودكم.

قبل أمس الأربعاء ركبت تقويم وأمس الخميس لاحظت تغيير بلون الأسنان الخلفية اللي مثبت عليها حلقة التقويم، صارت رمادي مزرق!
هل هذا طبيعي بسبب المعادن، أو أروح للطبيب؟
وشكراً

وعليكم السلام ورحمة الله وبركاته

الافضل تسألين الطبيب الي ركب لك التقويم لان هو الي يعرف نوع المادة الي مصنوعه منها حلقة التقويم واذا تسبب تغير لون الاسنان او لا

(و)

" N "
20th October 2012, 02:30 AM
السلام عليكم

لو سمحتوا الكلية تسوي زراعة أسنان ؟
اذا ايه بكم الضرس الواحد؟
و مواعيدها تطول زي الشميسي والا لا ؟

وشكرا :)