المساعد الشخصي الرقمي

مشاهدة النسخة كاملة : جامعة الملك سعود بن عبد العزيز للعلوم الصحية ( كلية الحرس ) أسئلتكم هنا



الصفحات : [1] 2

Dr.Day
2nd July 2010, 11:56 AM
السلام عليكم ورحمة الله وبركاته


حبيت أطرح الموضوع هنا للي يسألون عن جامعة الملك سعود بن عبد العزيز للعلوم الصحية


كلية الطب في مدينة الملك فهد الطبية + كلية الحرس اصبحت الآن تحت مسمى :
جامعة الملك سعود بن عبد العزيز للعلوم الصحية


نبذة عن الجامعة :
هي جامعة متخصصة في العلوم الصحية ( الطب البشري - طب الأسنان - الصيدلة - العلوم الطبية - التمريض )
للطلاب : الطب البشري , العلوم الطبية , الصيدلة , طب الأسنان .
للطالبات : الطب البشري , التمريض .


القبول في الجامعة :
يتم القبول فوريا في الجامعة وباحتساب النسبة التالية :
الثانوبة العامة : 35%
القدرات :30%
التحصيلي :35%



سنوات الدراسة
لخريجي الثانوية العامة :
سنتان تحضيريتان مؤَهـلة لسنوات التخصص
بعدها 4 سنوات في التخصص إن كان طب , وتختلف هذه الأربع سنوات باختلاف التخصص.



وللمزيد :


رابط إعلان القبول والتسجيل في الجامعة :
http://www.ksau-hs.edu.sa/Arabic/Announcement/Pages/annoucement19.aspx (http://www.ksau-hs.edu.sa/Arabic/Announcement/Pages/annoucement19.aspx)
موقع الجامعة : www.ksau-hs.edu.sa (http://www.ksau-hs.edu.sa)
منتدى الطلبة : www.ksau-hs.com (http://www.ksau-hs.com)


وأي سؤال أنا حاضرة هنا :")

zezo0oo
2nd July 2010, 01:16 PM
يعطيك العافية اختي على الطرح وموضوع جاء في وقته وكثير طلاب يسالوا عن هذه الجامعة والفرق بينها وبين سعود

ماقصرتي وكثر الله من امثالك

ن2

Me$ћaaŁ
2nd July 2010, 01:46 PM
شكرـآ لكِ علىآ طرح الموضوع

السـوأل الي يسدح نفسـه :)

وضع شهادات هالجـآمعـة ... هل تقارن بشهادات جـآمعـة سعـود الشهيرهـ ...

Dr.Day
2nd July 2010, 03:28 PM
زيزو :
هذا واجبنا

مشعل :
إي الجامعة معتمدة من وزارة التعليم العالي , لكن لساتها مُفتتحه عام 1426 هـ

- Deemah -
2nd July 2010, 05:35 PM
موضوع في وقته ،
يعطيك العافية Dr.Day : ) .

(f)

د.حمـــامه
2nd July 2010, 06:16 PM
طبعا الحمدلله انا طب جامعة سعود

بس حابه اعرف

عندهم موحد مثلنا وبعده تخصص او لا

سنتين تحضيري <مو طويله

كيف طبيعة الدراسه فيها < اقصد المواد < كل الاقسام لهم نفس التحضيري


اربع بعده طب !!


يعني دراسة التخصص بس اربع سنوات وبعده امتياز


كاني سمعت انهم يطبقون نظام البلوكات والا لا ؟؟!!



الف شكر



ن2

i~MooD
3rd July 2010, 05:10 AM
هل السنتين التحضيري تساوي اول سنتين طب في جامعة سعود ,
وهل صحيح اني ادخل على اني طالب طب , وضامن مقعدي مو زي جامعة سعود ؟
وكم اقل نسبة مركبة تم قبولها للعام الماضي اذا تعرفون لان موقع الجامعة مو موضح اي شي ,
ويعطيكم العافية ,

Dr.Day
3rd July 2010, 09:43 AM
ديمة
يّعافيك ()


د. حمــامــة
إحنا سنتين تحضيريتين , وبعدها تدخلين نظام البلوكات اللي هي 4 سنوات طب وبعدها سنة الامتياز
وخلال السنتين التحضيرية نأخذ كورسات الإعداد العام ( كورسات الإنقلش , و البيسك ساينسز ) في السنة الأولى , السنة الثانية تصير مواد متعمقة أكثر شوي مثل الأناتومي , والبايوكمستري .


وطبيعة دراستنا مثل ما قلت تأخذين سنتين تحضيرية للكل طبعا, وبعدها تختلف السنوات باختلاف التخصص اللي دخلتيه , طب أو تمريض .


()


آي- مود
نعم, السنتين التحضيريتين محتسبة من سنوات الدراسة السبع سنوات .
وتدخل ضامن المقعد كطالب طب .
أقل نسبة مركبة , اختلف الكلام حولها , لكن الأكثرية يقولون 91%

مدري؟
3rd July 2010, 10:16 AM
^^^^^^^^^^^^^^^^^^

مركبه :

تحصيل + تراكمي ثانوي + قياس
؟

ن2

Dr.ZODIAC
3rd July 2010, 10:34 AM
كم المكافآت عندكم << هذا اللي همك !! ض4

Dr.Day
3rd July 2010, 11:42 AM
مدري؟
نعم المركبة ( الثانوية العامة + القدرات + التحصيلي )

د.زودايك
1000 ريال

د. دكتور
3rd July 2010, 11:47 AM
السلام عليكم اخوي..

انا تخرجت من السنه التحضيريه بالقصيم بمعدل ممتاز هل استطيع احول الى هذي الجامعه او انهم يقبلون لخريجي الثانوي فقط؟؟

Dr.Day
3rd July 2010, 11:52 AM
د. دكتور
حسب معرفتي كلية الطب فقط لخريجي السنة هذي .
وبإمكانك تدخل منتدى الطلبة , مسوين لقاء مع عميد القبول والتسجيل , أكيد حتلاقي إجابة.

مدري؟
4th July 2010, 12:53 AM
طيب معليش فيه سؤال يطرح نفسه :×

الحين اقدر اقدم ع اكثر من جامعه ؟؟


يعني اقدم في سعود

واقدم في جامعة الملك سعود بن عبد العزيز للعلوم الصحية
ض2 ؟

ن2


ادري موب هنا محله بس سلكوا لي عب1

طموحي الجنون
4th July 2010, 04:15 AM
شوفي تسجيل لهم موحد

من هنا

نظام القبول الإلكتروني بالجامعات الحكومية بالرياض - الصفحة الرئيسية (http://w2.rgu-admit.net/)

بس انتي عليك تحددي رغباتك

تبي جامعة ملك سعود تحضيرية كليات صحية اول

او

جامعة الملك سعود بن عبد العزيز للعلوم الصحية تكون خيارك اول

بحيث لو كانت نسبتك مرة عالية يقبلونك في رغبتك الاولى

وان ماتمت برغبتك ثانية وهكذا ,,

//

دليل جامعات واقسام ونسب مطلوبة

http://ksu.edu.sa/sites/KSUArabic/Deanships/dar/Documents/Book%20Final%20Output%20File.pdf

//

شكرا ل صاحبة الموضوع جزيتي خيرا عليه

ن2

مجهول 426
4th July 2010, 08:23 AM
^^^

طموحي يعني تقدر تقدم للجامعتين من هذا الموقع او كيف ؟

د.حمـــامه
4th July 2010, 10:32 AM
^^


مجهول اجاوبك عن طموحي ض2


ايوه الموقع هذا هو موقع التقديم الالكتروني الموحد للجامعات الاربع بالرياض

جامعه الملك سعود

جامعة الملك سعود بن عبد العزيز للعلوم الصحيه

جامعة الاميره نورة & جامعة الامام محمد بن سعود <~ اتوقع كذا الاسم :×

بالتوفيق لجميع خريجي الثانويه

والله يوفق كل طالب وطالبه ويحقق له اللي يبي

Dr.Day
4th July 2010, 12:08 PM
مدري؟
نظام الطالبات غير عن نظام الطلبة , لذلك التقديم بالنسبة للطالبات عن طريق ترتيب الرغبات .
بحيث يختارون لك الرغبة الأولى , إذا ما صار يختارون الثانية , وهكذا . وبذلك يكون القبول في جامعة وحدة

طموحي الجنون
ولو هذا واجبنا

مجهول 426
لا ما تقدر تقدم على جامعتين إلا بترتيب الرغبات :"(

د.حمـــامــة
شكرا

مجهول 426
4th July 2010, 03:01 PM
د.حمامة
Dr.day


شكرا لكم


ن2

John Travolta
7th July 2010, 08:47 PM
والله حلوهـ .,

بالتوفيق للي يبي يدرس فيها قلب2

MisS-MatH
7th July 2010, 08:55 PM
بالتوفيق للجميع

Stethoscope
8th July 2010, 04:26 AM
هل بأمكان طالبه من جامعه الملك سعود تخصص علوم طبيه ، تحول عندكم لتخصص طب بشري ؟!

وكم المعدل المطلوب ..



أو لا زم تقدم من جديد بشهاده الثنوي ؟!

Dr.Day
8th July 2010, 12:49 PM
^

لأ للأسف , لأن الجامعة ما فيها تحويل

mdor
8th July 2010, 05:07 PM
احب اشكر الاخ العزيز الي فتح الموضوع للتعريف بجامعتنا العزيزه >>>عزيز وعزيزة والكل اعزاء هع

احب انصح كل من يفكر بالانضمام لنا بان يضع بحسابه الضغط المهول مقارنه بالجامعات الاخرى

محبكم mdor

Me$ћaaŁ
9th July 2010, 01:37 PM
سوال ياشباب

الحين طلاب الجامعه وين يدرسون

المدينة الجامعية الخاصة بالحرس الى حد الان لم يتكتمل بناءها ..

طلاب السنتين الماضيات .. وين درسوا ؟ < الي بالرياض ..

Dr.Day
9th July 2010, 07:50 PM
درسوا في مقر الجامعة في خشم العان , بجانب المدينة الجامعية التي يتم الآن بناؤها.

Dr.Roْroْ
10th July 2010, 10:17 AM
^
^
ايش سالفة الكشف الطبي !!!:×

Dr.Day
10th July 2010, 12:26 PM
الكشف الطبي يتم بعد استلام اشعار القبول في الجامعة

Dr.Roْroْ
10th July 2010, 04:41 PM
يعني كشف عن ايش !
ويعطونك موعد محدد زي المقابلات
واللي تفوت عليه ماينقبل والا عادي اي وقت $:

Dr.Day
10th July 2010, 06:45 PM
هو كشف عام عن الحالة الصحية للطالب المُستجد , بعد ما تستلمين إشعار القبول
لا ماله وقت محدد , لكن لا تتأخرين أكثر من اسبوعين بعد استلام الإشعار

بالنسبة للمقابلات فما أقدر أفتيك فيها , لسى للآن ما بدأت

Just you
11th July 2010, 02:00 AM
السلام عليكم


عندي استفسار بالنسبة للطلاب : هل أقدر أقدم على الكلية الصحية لجامعة الملك سعود وأقدم بعد على كلية الحرس ..؟

وهل اذا انقبلت في الثنتين أختار الي أبي ولا كيف الطريقة ..؟ >> ما يمديني يا الثقة a020


تحياتي ،،،

قمة المجد
11th July 2010, 02:05 AM
على حسب ترتيب الرغبات يعني اذا كانت نسبتك من النسب العاليه

ياخذون لك الرغبه الاولى وان اكتفوا من الرغبه الاولى بنسب اعلى من نسبتك يرحون للثانيه

وهكذا .على حسب ما اعتقد بس الافضل اجزم وش تبي

واستخير وعلى هذا الاساس رتبي الرغبات

Dr.Day
12th July 2010, 09:18 PM
just you

التقديم على جامعة الملك سعود بن عبد العزيز للعلوم الصحية عن طريق الرابط :
http://registration.ksau-hs.edu.sa/reg_sys_2010/ (http://registration.ksau-hs.edu.sa/reg_sys_2010/)

F!ras } ~
13th July 2010, 08:23 PM
Dr.Day


آشكرك على هالخطوة الرآئعة ! ., للتعريف عن جآمعتنآ }

وآن شآء الله نكون لك خير عون لكـ } ونفيد الجميع ! .,



معلومة بسيطة حبيت آعلق عليهآ لآ وجود ! لجآمعة بمسمى الحرس لا سآبقآ ولا حآليا !

الجآمعة افتتحت " بآسم جآمعة الملك سعود بن عبدالعزيز للعلوم الصحية "

وبعد كذآ ضموآ لهآ مدينة الملك فهد الطبية " عشآن يعترف فيهآ "! .,



مشرف قسم السنة التحضرية الأولى ( سآبقآ ) :) ! :

فرآس العتيق ~



شكرآ لكـ مرة آخري Dr.Day } عالسبق

افلاطوني
14th July 2010, 09:43 AM
حيالله فراااس



نورت الحته كلهاااا




:)

أبوحنشل
14th July 2010, 07:58 PM
كل ماقرأت عن الجامعة زادت فينا الحيره ....


يا شباب أنا محتار بين جامعة الملك سعود جامعة الملك سعود للعلوم الصحية(( جامعة الحرس اختصار)) ...
كل ما استشرت أحد قال جامعة الملك سعود هي الأقوى في مجال الطب وجامعة الحرس (( اختصار )) ما سمعنا عنها شيء ..
فالسؤال ماهي نظرة الناس للمتخرجين من هالجامعة هل يعاملون كمعاملة المتخرجين من الملك سعود أم أن الجميع يفضل خريجي جامعة الملك سعود كما في السابق ؟؟!

أتمنى إجابة تشفي الغليل لأني من جد حاير ومحتار ...

Dr.Roْroْ
14th July 2010, 11:36 PM
^
^
me 2
نفس السؤال كثير يقولون نفس الشي
:/
خاصه للبنات بما انو لسا ثاني دفعه هالسنه
هل دراستكم مرتبه والا حايسينكم لآنكم اول دفعه

F!ras } ~
15th July 2010, 12:48 AM
كل ماقرأت عن الجامعة زادت فينا الحيره ....


يا شباب أنا محتار بين جامعة الملك سعود جامعة الملك سعود للعلوم الصحية(( جامعة الحرس اختصار)) ...
كل ما استشرت أحد قال جامعة الملك سعود هي الأقوى في مجال الطب وجامعة الحرس (( اختصار )) ما سمعنا عنها شيء ..
فالسؤال ماهي نظرة الناس للمتخرجين من هالجامعة هل يعاملون كمعاملة المتخرجين من الملك سعود أم أن الجميع يفضل خريجي جامعة الملك سعود كما في السابق ؟؟!

أتمنى إجابة تشفي الغليل لأني من جد حاير ومحتار ...



آخوي /

محد رح يقدريعطيك الاجآبة الوآفية ! .,

الي يقولونه الغير مجرد آرآء ! ., آدخل الي يرتآح له قلبك بعد ما تستخير ! ., لكن انا رح آعطيك نبذة عن جآمعتي تعليقآ على كلآمك ! .,


آول شي لما آنت قلت استشرت ! بصرآحة استشرت مين ؟
هل هم ممن ! ينتمي للمجآل الطبي ؟! عشآن يحكمون !

بصرآحة ما يعني آن النآس ما تسمع بالجآمعة يدل على ضعفهآ آو غيره ! .,
وزير الصحة الحآلي ! .,هو آحد مؤسسي الجآمعة ! ., ورئيسهآ السابق !

آخو وزير الصحة ! " يدرس معي بنفس الكلآس " ! وآبد لا بوآسطة ولا شي !
لاني آعرف نسبته ! ف5


النسبة المركبة للطلآب وقفت على 91 ! بالنسبة لدفعتنا !
وهذآ يدل على آنه الطلآب يعتبرون من افضل الطلآب على مستوى المملكة !! .,


آختبار هيئة التخصصات الصحية ., طلآب الجآمعة حصلوآ على آعلى معدل !
مقآرنة ببآقي طلآب الكليات الأخرى ! ., !


الدرآسة " مكثفة " جدآ ! ضغظ " مهول " ! نوآجهه حنآ يا طلآب التحضيرية !بات1
فمآ بالك بطلآب الطب ! .,

منآهج مكثفة جدآ + كل اسبوع " ميد تيرم ! + كويزآت شبه يومية + بحوث + تقارير مختبر ! شبه اسبوعية ! الخ !

وآن شاء الله مع آكتمآل المبآني الجديدة رح تسمع بالجآمعة ! بكل مكآن ., :) !


----> طبعآ آنا تكلمت عن جآمعتي وفقط ! ., مآ آقدر آعطيك آي كلآم عن اي جآمعة آخرى :)


ـــــــــــــــــــــــــ ـــــــــــــــــــــــــ ـــ




^
^
me 2
نفس السؤال كثير يقولون نفس الشي
:/
خاصه للبنات بما انو لسا ثاني دفعه هالسنه
هل دراستكم مرتبه والا حايسينكم لآنكم اول دفعه


آن شاء الله يردون عليك طآلبات الجآمعة واذا ما ردوآ رح اسوي لهم تنبيه بالمنتدى عندنآ

آو بأمكانك ان تسجلين عندنا وتسألين على رآحتك شوفي رآبط المنتدى ! موجود بالموضوع ! ,


بس عمومآ وضع البنات مثلنا .,

الاسئلة " موحده " معهم ! ., وحتى الكويزآت للمواد العلمية ايضا شبه موحدة ! .,,


موفقين قلب2 }


آخوكم /

فرآس العتيق .,

أبوحنشل
15th July 2010, 01:20 AM
^
^
^
^

يعطيك ألف عافية يا أخوي والشهادة لله كفيت ووفيت وما قصرت ....
والله يسر لنا الأمور ...


على فكرة ...وش المقابلة الشخصية ؟؟ يعني يحتاج نتجهز لها ؟؟ .....

ماجدم
15th July 2010, 10:32 AM
السلام عليكم
ودي أسأل فيه سكن للطلاب لأني من خارج منطقة الرياض

Dr.Day
15th July 2010, 10:59 AM
F!ras}~
العفو , هذا واجبنا .

ماجدم
لايوجد سكن .

Just you
15th July 2010, 05:10 PM
السلام عليكم

عندي استفسارين بسيطة : -
الاول : هل أقدر أقدم على الكلية الصحية لجامعة الملك سعود وأقدم بعد على كلية الحرس ..؟

وهل اذا انقبلت في الثنتين أختار الي أبي ولا كيف الطريقة ..؟ ( نفس السؤال الي فوق ما لقيت اجابة على سؤالي ^^ )

الثاني : دوام الطلاب وينه فيه بالضبط وهل هو بعيد ولا قريب :)

تحياتي ،،

افلاطوني
15th July 2010, 05:32 PM
just you


الاول : هل أقدر أقدم على الكلية الصحية لجامعة الملك سعود وأقدم بعد على كلية الحرس ..؟

ايه تقدر وبكل اريحية


لانهم جامعتين من فصلتين وكل وحده لها هيكلها الاداري الخاص



وهل اذا انقبلت في الثنتين أختار الي أبي ولا كيف الطريقة ..؟ ( نفس السؤال الي فوق ما لقيت اجابة على سؤالي ^^ )


امممم


بالنسبة لهالسؤال


بقولك على حسب المنطق



الحرس الاحد القادم بيوقف التسجيل وبنفس هاليوم تعلن النتائج


يعني بيكون عندك علم اذا انقبلت فيها ام لا قبل لا يفتح التسجيل بجامعة الملك سعود


الثاني : دوام الطلاب وينه فيه بالضبط وهل هو بعيد ولا قريب



الدوام بمنطقة خشم العان




ارجو ان اكون افدتك



وياريييت


انك متحرمنا من دعواتك



:)

قمة المجد
16th July 2010, 01:12 AM
^
خاصه للبنات بما انو لسا ثاني دفعه هالسنه
هل دراستكم مرتبه والا حايسينكم لآنكم اول دفعه

لا والله الحمد لله كانوا مره مهتمين فينا

صح ان ضغط كان جامد يعني كل اسبوع ميد

وهذا موحد للطلاب والطالبات

يعني فيه اشياء طالبنا بتغيرها وقالوا انه تطبق

السنه القادمه اذا كان فيه امكانيه ان شاء الله

والعيب الوحيد ان الكلية ما كانت مهيئة لدراسة الطب يعني

ما كان فيه معامل علشان تطبيقين فيها لان الكلية بالأساس للتمريض

والطب مؤقت لحين افتتاح الكلية ان شاء الله

وهم طبعا متفهمين الوضع ويشتغلون على اساس الامكانيات الحاليه

ماراح يطلبونك تسوين شي مو موجود لك اساسا .

ما فيه شي كامل بس الحمد لله ما كان فيه تخبط حوسه قياسا عل انها اول سنه .

Dr.Hala
16th July 2010, 01:15 AM
السلام عليكم

عندي استفسارين بسيطة : -
الاول : هل أقدر أقدم على الكلية الصحية لجامعة الملك سعود وأقدم بعد على كلية الحرس ..؟

وهل اذا انقبلت في الثنتين أختار الي أبي ولا كيف الطريقة ..؟ ( نفس السؤال الي فوق ما لقيت اجابة على سؤالي ^^ )

الثاني : دوام الطلاب وينه فيه بالضبط وهل هو بعيد ولا قريب :)

تحياتي ،،


الاول : تقدر تقدم على الثنتين بس الطريقه انها رغبات لو فرضاً حطيت الرغبه الاولى جامعه الملك سعود بن عبد العزيز للعلوم الصحيه .. والرغبه الثانيه جامعه الملك سعود " كليات صحيه "
وهكذا ....
الخيار بيكون بالترتيب .. اذا نسبتك قبلتك بالرغبه الاولى معناة انه ماعندك الا الخيار الاول الي هو جامعه الملك سعود بن عبد العزيز للعلوم الصحيه .. واذا انقبلت بالرغبه الثانيه معناة انه ماعندك الا خيار جامعه الملك سعود " كليات صحيه " وهكذا ...

الان التقديم آلي مستحيل تنقبل في كليتين ! بمجرد يتم قبولك في احدى الجامعات يلتغى اسمك من جميع الجامعات الاخرى ، عشان يصير فيه فرص ! النظام الآلي قبلك بالرغبه الاولى يعني خلاص انقبلت فيها مافيه فرصه تنقبل في قسمين مختلفين !

بالنسبه للسؤال الثاني : زي ماقالك الاخ افلاطوني في منطقه خشم العان بالقرب من مستشفى الحرس الوطني ..،


موفقين جميعاً ..،

حلم منتظر
17th July 2010, 10:22 AM
انا قرأت الموضوع من البدايه الى النهايه وحسيت ( بعصف ذهني رهيييب )

وش الفرق بين الجامعتين ؟

وقرأت في واحد يقول ان كان في قبول وبدون واسطه ؟ هل يعني ان الجامعة تقبل اي نسبه ؟

ووش الفرق بين جامعة سعود التحضيريه - كليات صحيه -
وبين جامعة سعود للعلوم الصحيه ؟

ياليت تفيدونا وبأسرع وقت ..

وهل التسجيل انتهى .. والا يمدي نلحق ؟

Dr.Day
17th July 2010, 12:01 PM
حلم منتظر
الفرق بين الجامعتين هو أن جامعة الملك سعود تدخل منافسة السنة التحضيرية مع مئات الطلاب حتى تدخل الطب أو أي تخصص صحي .
جامعة الملك سعود بن عبد العزيز , إذا دخلت السنة التحضيرية تضمن الطب .
وهذا هو أهم فرق . فروق ثانية من ناحية الدراسة وقوتها في جامعة الملك سعود بن عبد العزيز والتأهيل الأقوى للطالب.

النسب تعتمد لكل دفعة نسبة توقف عليها , دفعة 430 وقفت على تقريبا 90% ( القدرات , التحصيلي , الثانوي ), وبشكل عام الجامعة تقبل أصحاب النسب العالية .

جامعة الملك سعود بن عبد العزيز للعلوم الصحية , ما فيها اي قسم غير الأقسام الصحية ( طب بشري , طب أسنان , تمريض , علوم طبية , صيدلة ) , لذلك اسمها صحية .

تقفل بوابة التسجيل على هذا الرابط يوم الأحد ( غدا") للطلاب
http://registration.ksau-hs.edu.sa/reg_sys_2010/ (http://registration.ksau-hs.edu.sa/reg_sys_2010/)
للطالبات : التسجيل عن طريق البوابة الإلكترونية الموحدة
http://w1.rgu-admit.net/ (http://w1.rgu-admit.net/)

kdesh
17th July 2010, 12:19 PM
السلام عليكم
عندي سؤال بسيط انا ابغى ادخل طب بشري فهالجامعة اقدر اذا ماقبلوني فالطب للسنة التحضيرية ادخل العلوم الطبية التطبيقية واشد حيلي فالسنة التحضيريه وبعدها ادخل طب ؟؟؟؟؟

a s e r
17th July 2010, 01:54 PM
مشكورين على جهدكم ..

والله يوفقكم ..

سؤال ..

طيب الحين فيه طلاب تخرجو ولا لا ..

والدراسه هل تكون في مستشفى جامعي ..

وهل الدراسه سهله ولا صعبه ..

اللغه الـ E تعتبر عائق لـ الطالب ..

ومشكورين

Dr.Day
17th July 2010, 02:58 PM
Kdesh
الجامعة لا تقبل التحويل سواء من خارج الجامعة إليها أو من قسم إلى آخر , إلا في حالة حصول الطالب على معدل أقل من 3.5 في نهاية الفصل الأول من السنة الثانية .
وبإمكانك الاتصال على عمادة القبول والتسجيل في الجامعة
47264 / 2520088


a s e r
العفـو
موجود طلاب تخرجوا من الجامعة , وأيضا طالبات من كلية التمريض
والدراسة في مباني الجامعـة , وفيه تطبيق بمستشفى الملك فهد ( الحرس ) .
وبالنسبة لصعوبتها , فيها نوع من الصعوبة , وضغط كبير نوعا ما .
واللغة أبدا ما تعتبر عائق.

a s e r
17th July 2010, 03:04 PM
Dr.Day

يعطيك الف عافيه ..

حلم منتظر
18th July 2010, 03:54 PM
Dr.Day


جزاك الله خير ,,, وربي يسعدك

Just you
18th July 2010, 07:40 PM
يعطيك ألف عافية ما قصرتوا

عندي سؤال بسيط : الحين القبول للطب سكر ومواعيد المقابلات الشخصية راح تكون عن طريق رسائل على رقم الجوال حبيت أسأل الرسائل لجميع الطلاب راح تكون يوم الاحد ولا كيف ..؟

يعني لو واحد مقابلته مثلا يوم الثلاثاء رسالة القبول تجيه الاحد ولا الاثنين ..؟

يا ليت تفيدونا :)

أبوحنشل
18th July 2010, 08:25 PM
متى يرسلون رسايل القبول؟؟ ...

أذن العشاء وما شفنا شيء ..

هذا وش يعني ؟؟ فيه أحد يا شباااااااب وصلت له رسالة على الجوال أو الإيميل !!

Just you
18th July 2010, 09:12 PM
^^^^
انتظر ردك على رسالتي يا الغالي

حالمــه
19th July 2010, 10:37 AM
يعطيكم العافيه
توقعون هالجامعه بتزيد فرص قبولنا وتخفف الضغط على موحد جامعة سعود
وين مقر الجامعه للبنات بالرياض والا الخرج ؟؟؟؟؟>>>منلحسه
وكم دفعه درسو طب فيها طالبات ؟؟
وهي حكومه وليست خاصه ؟؟

اخت ليونه
19th July 2010, 10:51 AM
يعني جامعة الملك سعود للعلوم الصحيه تطلب
نسبة 90 % نسبه مركبه ولا نسبة ثانويه !!!!!!!!!!!!!! :what

اخت ليونه
19th July 2010, 10:55 AM
بليييييييييييييييييييييز شباب اللي وصلو مسج على ترشيحو للمقابله الشخصيه للطب
يبلغنا كم نسبتو المركبه اذا ماعندكم مانع
بس نبغى نطمأن نحنا البنااات بللللللللللللليز :ل6:

Dr.Day
19th July 2010, 12:27 PM
حالمـــه
الجامعة تقبل 40 طالبة لدراسة الطب
الجامعة في منطقة خشم العان , بجانب مستشفى الملك فهد - طريق الشيخ جابر الصباح - .
دفعة وحدة درست للآن بالجامعة , وبعد انضمام كلية الملك فهد الطبية , صار فيه دفعات أكبر .
والجامعة حكومية

اخت ليونه
وقفت النسبة للعام الماضي على قرابة 90% المركبة ( التحصيلي , القدرات , الثانوي )
وكل دفعة حسب شطارتها

ملوكي
19th July 2010, 08:43 PM
يعطيكم العافيه يارب
اممممم ابغا اسجل بجامعة الملك سعود للعلوم الصحيه و جامعة الملك سعود انا كذا ولا كذا بسجل فيهم كلهم بس ابي اعرف الفرق ؟؟ وهل صحيح ان جامعه الملك سعود للعلوم الصحية اذا تخرجت اشتغل تبع الحرس الوطني ؟؟؟ >> ما ادري وش الساااالفه ترااا هع
ويسلموو

Just you
19th July 2010, 11:54 PM
^^^^^
جامعة الملك سعود بن عبدالعزيز للعلوم الصحية ( كلية الحرس ) انتهى التسجيل فيها لكلية الطب

F.A.H.R
20th July 2010, 03:47 AM
أنا قبلوني و طلبوا مني احضر المقابلة بس ما حضرت :] ..
لاني اعرف دكاترة كثيرين نصحوني بكلية الطب في جامعة الملك سعود :] ..

Dr.Roْroْ
20th July 2010, 05:04 AM
^
وفرت مقعد:×
الحين ليش منتداكم مافعلني لي يوم مسجله مافعلوني

:ل6:
هذي اولها :لااا:
>> احس مكاني غلط بس ماعرفت وين اروح اشتكي فيهas076

قمة المجد
20th July 2010, 06:17 AM
اذا عندك اي سؤال اختي Dr.Roroاسألي

هناك منتدانا وهنا منتدنا ن1

Dr.Day
20th July 2010, 11:51 AM
ملوكــي
راجعي الموضوع من الأول وبتلاقين الفرق
الوظيفة , مو شرط تتوظفين في الحرس

Dr.Roْroْ (http://www.cksu.com/vb/member.php?u=78879)
تفعيل العضوية حسب ما أعرف , عن طريق إيميلك , تصلك رسالة التفعيل موجود فيها الكود

أسوووم
20th July 2010, 01:05 PM
مرحبا
أخباركم ؟؟
حبيت أسأل كليه الطب في جامعه سعود بن عبد العزيز للعلوم الصحيه ( كليه الحرس ) إختلاط " من حيث الدراسه " سمعت أنها اختلاط
فيا ريت تردون

Atheer..
20th July 2010, 01:52 PM
السلام عليكم

ممكن ايميل اي احد من المسؤولين بجامعة الملك سعود بن عبدالعزيز غير ايميل عمادة القبول والتسجيل اللي بدايته dar .. ؟

a s e r
20th July 2010, 01:56 PM
شكلنا مو مقبولين بـ الطب البشري ..


اذا انقبلت بـ طب الاسنان يمديني احول لـ بشري ؟؟؟

Dr.Day
20th July 2010, 02:55 PM
أسوووم
الآن دراستنا ما فيها إختلاط أبدا بقاعات الدراسة , الاختلاط في المستشفى .

Atheer
رقم العمادة 012520088
تحويلة : 47264

a s e r
نظام الجامعة الحالي يمنع التحويل , أضف إلى أن القسم جديد وأنتم أول دفعة .

a s e r
20th July 2010, 03:06 PM
Dr.Day

اوما عاد

مشكوووره

أسوووم
20th July 2010, 03:39 PM
Dr.Day

مشكوووووووووووووره

Dr.Roْroْ
20th July 2010, 05:02 PM
شكرررا
والحمد الله غيرت الايميل ووصلتني الرساله:×
قمة المجد قلب2:ورده:

بنت البدر
20th July 2010, 10:04 PM
بسسأل عن كلية التمريض

مآهي معايير القبول فيهآ ؟

انا طلع لي من ضمن الرغبات

برنامج السنه التحضيريه للكليات الصحيه - انتظام - فصل اول - جامعة الملك سعود

بس :(

ماطلع لي كلية تمريض ولا شيء يمكن عشان نسبتي

بس انا ابي تمريض وش الحل :(

Me$ћaaŁ
20th July 2010, 10:24 PM
^
^
الحل ياشيخ
الحين النظام موحد تدرس التحضيرية
بعدها تختار تخصصك بطريقة ترتيب الرغبات

وتقدر تحط التمريض اولا ..

لان التمريض مدرج في البرنامج الموحد للسنة التحضيرية

بنت البدر
20th July 2010, 10:37 PM
طيب عارفه بس مو على كل حآل انقبل دف2

لان نسبتي مرة ميح ض2

فيمآ لو مانقبلت فيه ، اقدر اجيب معدل حلو بأي قسم واحول له ؟ as050

قمة المجد
20th July 2010, 10:38 PM
مرحبا
أخباركم ؟؟
حبيت أسأل كليه الطب في جامعه سعود بن عبد العزيز للعلوم الصحيه ( كليه الحرس ) إختلاط " من حيث الدراسه " سمعت أنها اختلاط
فيا ريت تردون


:لااا::لااا:

لا مو صحيح ذا الكلام الاختلاط بس بالمستشفى مثل كل الجامعات اما الدراسة مفصولين تماما

a.fahad
24th July 2010, 03:32 AM
مرحبا
انا انقبلت بالجامعة قسم تمريض هل اقدر احول طب
ثانيا ايش الفرق بين مبنى الحرس والمبنى مدينة لملك فهد الطبية
ثالثا ايش التخصصات المتوفرة بالطب
لا تبخلون علي بالرد والله الموفق

Dr.Day
24th July 2010, 08:40 AM
a.fahad
لايوجد تحويل حاليا من كلية التمريض إلى الطب
مباني الحرس في مكان , ومباني مدينة الملك فهد في مكان آخر , لكن الجامعة نفسها .
التخصصات بعد التخرج

Dr.Ket Kat
24th July 2010, 09:49 AM
السلاام عليكم اخوي

عندي والله كم سؤال ياليت تجااوب علي

الحين انت قلت اللي ينقبل بهاذي الجامعه يكون الطب مضمون له .. مش هيكـ :)

طيب يعني الحين من ادخل السنه التحضيريه على طول يكون المسمى الوظيفي لي دكتوره ..؟؟!

عشــان توضح الصوره لكـ انا طلع لي زي كذا بالضبط ..

تم ترشيحك للمقابلة
الشخصية لـ برنامج السنة التحضيرية للكليات الصحية جامعة الملك سعود


يجب على الطالبة الحضور في المكان والموعد المحدد لها والا اعتبرت غير مجتازة للمقابلة الشخصية

يجب احضار أصل بطاقة الهوية الوطنية أو البطاقة الذكية الصادرة من المركز الوطني للقياس والتقويم مع صورة مصدقة من الشهادة الثانوية وأصل الثانوية العامة لمرشحات المقابلة الشخصية لكليتي الطب والتمريض بجامعة الملك سعود بن عبدالعزيز للعلوم الصحية
ولغير السعودية من أم سعودية يجب احضار أصل الإقامة وأصل هوية الأم السعودية وأصل شهادة الميلاد

مكان المقابلات الشخصية
مكان المقابلة الشخصية لمرشحات السنة التحضيرية للكليات الصحية بجامعة الملك سعود مبنى كلية الطب في مقر الجامعة بالدرعية

مكان المقابلة الشخصية لمرشحات كليتي الطب والتمريض بجامعة الملك سعود بن عبد العزيز للعلوم الصحية بمبنى كلية الطب لمرشحات الطب ومبنى كلية التمريض لمرشحات كلية التمريض، ويقعان بجوار مدينة الملك عبد العزيز الطبية و مستشفى الملك فهد بالحرس الوطني بخشم العان
مع تمنياتنا لك بالتوفيق


الحين انا ممرضه والا دختــوره :)



السؤال الثاني هل فيه سكــن طالبات والا لا ..؟؟

واذا فيه ياليت تعلمني وش الاوراق المطلوبه عشان اقدر ادخل فـ السكن

وربي يعطيكـ الف عافيه

Dr.Day
24th July 2010, 09:58 AM
Dr. Ket Kat

لم تقبلي في جامعة الكل سعود بن عبد العزي للعلوم الصحية .
إنما في البرنامج الموحد لجامعة الملك سعود هنا.

!! MaSTeR !!
24th July 2010, 10:14 AM
تدرسين سنه تحضيريه وبعد ما تخلص تتخصصين على حسب معدلك دختور او ممرضه

وعن السكن مدري

Don
24th July 2010, 01:01 PM
السلاام عليكم اخوي

عندي والله كم سؤال ياليت تجااوب علي

الحين انت قلت اللي ينقبل بهاذي الجامعه يكون الطب مضمون له .. مش هيكـ :)

طيب يعني الحين من ادخل السنه التحضيريه على طول يكون المسمى الوظيفي لي دكتوره ..؟؟!

عشــان توضح الصوره لكـ انا طلع لي زي كذا بالضبط ..

تم ترشيحك للمقابلة
الشخصية لـ برنامج السنة التحضيرية للكليات الصحية جامعة الملك سعود


يجب على الطالبة الحضور في المكان والموعد المحدد لها والا اعتبرت غير مجتازة للمقابلة الشخصية

يجب احضار أصل بطاقة الهوية الوطنية أو البطاقة الذكية الصادرة من المركز الوطني للقياس والتقويم مع صورة مصدقة من الشهادة الثانوية وأصل الثانوية العامة لمرشحات المقابلة الشخصية لكليتي الطب والتمريض بجامعة الملك سعود بن عبدالعزيز للعلوم الصحية
ولغير السعودية من أم سعودية يجب احضار أصل الإقامة وأصل هوية الأم السعودية وأصل شهادة الميلاد

مكان المقابلات الشخصية
مكان المقابلة الشخصية لمرشحات السنة التحضيرية للكليات الصحية بجامعة الملك سعود مبنى كلية الطب في مقر الجامعة بالدرعية

مكان المقابلة الشخصية لمرشحات كليتي الطب والتمريض بجامعة الملك سعود بن عبد العزيز للعلوم الصحية بمبنى كلية الطب لمرشحات الطب ومبنى كلية التمريض لمرشحات كلية التمريض، ويقعان بجوار مدينة الملك عبد العزيز الطبية و مستشفى الملك فهد بالحرس الوطني بخشم العان
مع تمنياتنا لك بالتوفيق


الحين انا ممرضه والا دختــوره :)



السؤال الثاني هل فيه سكــن طالبات والا لا ..؟؟

واذا فيه ياليت تعلمني وش الاوراق المطلوبه عشان اقدر ادخل فـ السكن

وربي يعطيكـ الف عافيه



كلية الحرس اسمها : جامعة الملك سعود بن عبد العزيز للعلوم الصحية
والقبول اللي جاك قبول لجامعة الملك سعود بالدرعية
طبعا تدرسين سنة من دون ما تتخصصين يعني ممكن تصيرين طب بشري أو أسنان أو علوم طبية ... إلخ على حسب معدلك اللي تجيبينه في السنة التحضيرية

flower princess
24th July 2010, 01:46 PM
متى يرسلون نتائج القبول للطلاب في التخصصات جامعة الملك سعود الصحية ؟؟؟؟؟

Dr.Day
24th July 2010, 03:31 PM
flower Princess
انتهت مقابلات الطلاب للطب , وبدأو بطلاب طب الأسنان والصيدلة حسب ما وصلني

a.fahad
24th July 2010, 04:13 PM
معليش اخر استفسار :×
1-يعني اقدر ادرس بمدينة الملك فهد
2-يعني كم عدد سنوات داسة الطب 2 تحضيري 4 طب 1امتياز وبعده ايش

رائد 123
25th July 2010, 07:25 AM
آلسلآم ‘ عليكم ..
تسلمون ، ع الطرح آلروع‘ـه ..
آلله يخليكم ، ‘

أنآ حبيت أستفسر ‘
عن ، آلعلوم ‘ آلطبيـه آلتطبيقيـه ..

هل لهآ مستقبل ‘
وهل هي صع‘ـبه ،،

وسؤآل ، مدري وش يحس فيـه ..

( فيه وأحد يقولي ، ) انك اذا تخرجت منهآ مآتسمى دكتور ..
أقصصد ، اذا درست العلوم الطبيه التطبيقيه
وخلصت سبع سنوآت ، وش آسمى ؟


تحيآتي آلحآره وآلبآرده ، لكم ..

Doc Roby
25th July 2010, 08:47 AM
a.fahad
مبنى كلية الطب في مدينة الملك فهد لا يدرس فيه إلا طلاب السنوات الماضية منذ أعوام
يعني ما فيه طلاب يدرسون تحضيري فيها ..
التحضيري بيكون في منطقة خشم العان ، قدام مستشفى الحرس الوطني ، و بتكمل هناك ..

رائد 123
علوم طبية له مستقبل أكيد ،
و بيكون اسمك بعد التخرج أخصائي ،
و يُقال أنه سيتم تحويل المسمى الوظيفي لخريجي العلوم الطبية لدكتور ..
لكن لم يُعتمد بعد ..

طموحي الجنون
25th July 2010, 12:22 PM
( فيه وأحد يقولي ، ) انك اذا تخرجت منهآ مآتسمى دكتور ..
أقصصد ، اذا درست العلوم الطبيه التطبيقيه
وخلصت سبع سنوآت ، وش آسمى ؟


تسمى اخضائي,,

علوم طبية ب سعود بس 5 سنوات ونص مو سبعه,,

سنة تحضري+ ترم موحد+3 سنوات تخصص بقسمك +سنة امتياز,,

بجامعة سعود بن عبدالعزيز مدري كيف نظامهم

بالتوفيق

ن2

Dr.Hala
25th July 2010, 02:33 PM
يعطيك العافيه DOC ROBY قلب2 و طموحي الجنون قلب2..~


د. رائد >> طبعاً العلوم طبيه له مستقبل !!! زيه زي مستقبل الطب والصيدله والخ ....!


بما انه قسم طبي ويندرج تحت الاقسام الطبيه !! فالاكيد " بإذن الله " انه له مستقبل !!!

ومسماك اذا تخرجت زي ماقالوا الاخوات " اخصائي " وتقدر اذا تخرجت تكمل طب !!!

في المسار الثاني للطب " في جامعه الملك سعود بن عبد العزيز ! وهم خريجي العلوم والعلوم طبيه !! يكملون بعد مايتخرجون من علوم طبيه >> اتوقع يدرسون 3 سنوات او سنتين وبعدها تتخرج بشهاده طب !! < هذا والله اعلم !!

لو تبي تتصل عليهم وتستفسر اكثر ..~


بس الاكيد بإذن الله ان له مستقبل كبييير !! و لا يهم المسمياات اهم شي الواحد يثبت نفسه ويخدم المكان الي هو فيه بأفكاره وانجازاته ..~


موفق يارب ..~

مرحبا999
26th July 2010, 06:09 AM
اخواني انا عندي بككالوريوس احياء دقيقه وماجستير تنوع احيائي كيف التقديم

امل منكم التوضيح

هل يوجد برنامج دكتوراة في كلية الحرس او كلية الطب في جامعة الملك سعود
فيما يخص المختبرات الطبية

مرحبا999
26th July 2010, 12:24 PM
آلسلآم ‘ عليكم ..
تسلمون ، ع الطرح آلروع‘ـه ..
آلله يخليكم ، ‘

أنآ حبيت أستفسر ‘
عن ، آلعلوم ‘ آلطبيـه آلتطبيقيـه ..

هل لهآ مستقبل ‘
وهل هي صع‘ـبه ،،

وسؤآل ، مدري وش يحس فيـه ..

( فيه وأحد يقولي ، ) انك اذا تخرجت منهآ مآتسمى دكتور ..
أقصصد ، اذا درست العلوم الطبيه التطبيقيه
وخلصت سبع سنوآت ، وش آسمى ؟


تحيآتي آلحآره وآلبآرده ، لكم ..


تطلع اخصائي وان اخذت الماستر اخصائي اول والدكتوراه اخصائي استشاري

اموره الشطوره
26th July 2010, 07:04 PM
upppppppppppppppppppppppp

كيفيه المقابله لاشخصيه نرجوا الافاده

a.m.m
26th July 2010, 07:47 PM
هلا والله اختي >>اموره الشطوره
المقابله الشخصيه جداا بسيطه ولاتشيلين همها ابد .. عباره عن اسئله عامه ..
يعني تسألك ايش السبب اللي جعلك تدخلين كلية الطب.. وهل استشرتي احد عند اتخاذك للقرار .. ومن هو قدوتك في الحياه ..وايش هواياتك ..وماهو سبب اختيارك لجامعة الملك سعود بن عبد العزيز .. وغيرها من الاسئله البسيطه التي تقيس شخصيتك ..
يعني بشكل عام المقابله مامنها خوف ابدااا ...
موفقه ..~

رابح 999
28th July 2010, 02:29 PM
السلام عليكم ورحمه الله وبركاته

اشكرك يا دكتر دي

يا شباب انا عندي عدة استفسارات واللي يرحم والدينكم جاوبوني عليها ولا احد يطنش الموضوع


انا سجلت بطب الاسنان والصيدلة والعلوم التطبيقية بس ما عرفت كيف ادخل على النتائج

ابي احد يفيديني وانا نسبتي عالية جدا ومؤهل للقبولل

هل احد منكم شاف النتائج حقة طب الاسنان والصيدلة والعلوم التطبيقية


ارجو الرد ولا احد يطنش الموضوع لاني ما اعرفت ادخل على النتائج حقة الحرس

انا شفت مواعيد المقابلة الشخصية بس يوم دخلت على اسم المستخدم

ما شفت شئ جديد ولاهم حددو اني انقبلت او ما انقبلت

وابيكم تفيدونا عاجل

وشكرا لكم

حسآيف
28th July 2010, 02:55 PM
مشكورين على طرح الموضوع

حآبه اسئلكم
انا الحين انقبلت في التمريض بالحرس
وعطوني اوراق اكملها
من ضمن هذي الاوراق ورقه مكتوب فيها حضور الانشطه"طبعا هي قالت لي لازم توقعين كل الاوراق"
الكلام اللي مكتوب في هذي الورقه

لامانع لدي من خروج ____________ من سكن الطالبات لكلية التمريض بالحرس الوطني بالرياض لحضور اي نشاط معد من قبل الكليه سواء كان داخل حرم الكليه او خارجها مثل النادي الصحي التابع للحرس والرحلات التعليميه او غير التعليميه ورحلات التسوق والمؤتمرات والمتاحف والمهرجان والمطاعم ...الخ وبمرافقة إحدى موظفات الكليه على ان يكون خروجها من السكن في الفتره الصباحيه او المسائيه,خلال ايام الاسبوع او اجازة نهاية الاسبوع..


طيب وش معناته؟
لاني سمعت انو مافي سكن للطالبات
و اصلا حتى لو فيه ماني محتاجته بيتي قريب منهم

ممكن احد يفهمني الله يعطيكم العافيه

رابح 999
28th July 2010, 07:41 PM
يا شباب يا عالم ردو على كتاباتي


ليش ما تردون على كلامي ابي احد يعلمني هل طلعت نتائج الصيدلة وطب الاسنان


انا سجلت وما عرفت اطلع النتيجة كيف اطلع النتيجة حقة طب الاسنان والصيدلة والعلوم التطبيقية



افيدونا ردو على كلامي اللي فووووق



وجزاكم الله خير

Dr.Day
28th July 2010, 08:21 PM
رابح 999
بإمكانك الاستفسار عن طريق عمادة القبول والتسجيل 012520088 تحويلة 47264
والاطلاع على هذا الرابط : http://www.ksau-hs.edu.sa/Arabic/Announcement/Pages/annoucement19.aspx (http://www.ksau-hs.edu.sa/Arabic/Announcement/Pages/annoucement19.aspx)


حسآيف
المقصد من الورقة أحيانا نطلع زيارات , مثل مرة طلعنا دار المسنات , فـبدل ما كل مرة يعطوك ورقة إذن هذي تكفي .
فيما لو كنتي من طالبات السكن ( وأعتقد أن السكن أُلغي هذي السنة والله أعلم ) , فيخبرون ولي أمرك أنه من الممكن تطلع منه معنا خلال الفترات المذكورة .

منتدى الطلبة
www.ksau-hs.com (http://www.ksau-hs.com)

همسة انثى
31st July 2010, 03:35 AM
مساء الورد

اذا درست سنه تحضيريه بجامعه الملك سعود اقدر احول لكليه العلوم التطبيقيه

تكفووون ردو علي

Dr.Day
31st July 2010, 09:03 AM
همسة انثى
نظام الجامعة لا يقبل التحويل سواء كان من الأقسام داخل الجامعة , أو التحويل إلى الجامعة نفسها
تخصصات الطالبات المتاحة حاليا : الطب البشري , التمريض .

F!ras } ~
1st August 2010, 07:00 AM
همسة انثى
نظام الجامعة لا يقبل التحويل سواء كان من الأقسام داخل الجامعة , أو التحويل إلى الجامعة نفسها
تخصصات الطالبات المتاحة حاليا : الطب البشري , التمريض .


يعطيك العآفية d.day }

نأسف عالآنقطآع لظروف السفر .,


حبيت آضيف بالنسبة للطلآب ممكن اذا آنقبل طب
ومعدله مآ يأهله آنه يكمل طب .,

يحول الي آحد اقسام العلوم الطبية .,

همم عالية
5th August 2010, 09:25 PM
يا شباب انا جتني رساله تقول جامعة الملك سعود للعلوم الصحيه تدعوك للمقابلة الشخصية بإحدى الكليات التاليه الصيدله والعلوم التطبيقيه يوم السبت .. لحد هنا اوك ..

بس انا مقبول بالملك سعود هندسه والاثنين يطلبون أصل شهادة الثانويه العامه ..

والهندسه اخر موعد لارسال المستندات ع البريد الممتاز الاثنين ..

يعني اخاف اروح للمقابله واعطيهم المستندات بعدين يقولون لي تم اكتفاء المقاعد ..

ويكون راح علي موعد الهندسه ..

فإستفساري هل اقدر اذا خلصت المقابله اقول لهم انتم قابليني ولا اروح للهندسه ..؟

وياليت واحد يقول لي وين المكان اللي بأسوي فيه المقابله الشخصيه ..

آسف ع الاطاله والله يعطيكم الف عافيه بإنتظار ردودكم ..

زمـهريرا
6th August 2010, 12:36 AM
^
^


اللي أعرفه إن جامعة الملك سعود بن عبدالعزيز للعلوم الصحية يقبلونك في نفس الوقت .. ~
يعني أول ما تخلص من المقابلة بـ يقولون لك إذا أنت مقبول عندهم ولا لا ..
إذا انقبلت أخذوا الشهادة الأصل وإذا لا عطوكـ إياها وبعدها تروح للهندسة ..

بس ماني متأكدة ليت أحد يفيدك أكثر مني ..
والله يوفقك وتنقبل باللي تبيـه (f)

!! MaSTeR !!
9th August 2010, 02:20 AM
Dr.Day

جزاك الله وجعله في موازين حسناتك

بالتوفيق لك في تخصصك

وفالك الوثيقه ,,,

MBL
1st September 2010, 10:58 AM
السلام عليكم
انا طالب في كلية العلوم تخصص احياء دقيقه ابغى اكمل طب بشري او اذا ما حصل علوم طبية تطبيقية , هل ممكن يقبلوني جامعه الملك سعود بن عبدالعزيز للعلوم الصحيه , مع العلم ان المعدل مو بالمستوى المطلوب او المرغوب من الجامعه والي هو اعتقد يبغبون 3.75 اذا ما كنت غلطان , السؤال هل ممكن تقبلني الجامعه على طب بشري اولاً واذا ما حصل هل ممكن تقبلني علوم طبية ثانياً " بالاقناع - بالشفقه - بالرحمه - بواسطه - اي شي .. الخ " ولا قبولهم صعب ومستحيل واشيل الفكره من راسي ؟! , ويعلم الله ان العلوم الطبيه محبوبه عندي من الفطرة والطفوله ابتداءاً من مادة الاحياء الي في المدارس الي كنت اعشقها لنخاع

اتمنى الله يوفقكم في الدنيا والاخرة ويفرج همكم وكربكم "دعوه صائم " الي يقدر يجاوبني يقولي

شاكرين لكم

Dr.Day
1st September 2010, 02:26 PM
MBL
وعليكم السلام ورحمة الله
ممكن تكون فيه فرصـة , وبإمكانك تتصل على عمادة القبول والتسجيل ( اليوم آخر يوم لدوامات القطاعات الحكومية )
012520088 تحويلة : 47264

وهنا ملتقى الطلبة
www.ksau-hs.com (http://www.ksau-hs.com)
وهنا موقع الجامعة
www.ksau-hs.edu.sa (http://www.ksau-hs.edu.sa)

ShOsHo
5th September 2010, 04:36 AM
ياجماعه انا خريجة كلية علوم طبيه تطبيقيه وعلى راس العمل حاليا ابي اكمل طب بشري في جامعة الملك سعود بن عبدالعزيز بالحرس هل من الممكن ؟؟؟؟
انا خريجة 2006
طيب هل في طريقة اكمل فيها طب بشري ولا انسى الموضوع؟؟؟
وهل يصرفون مكافات ولا لا؟؟؟

ShOsHo
7th September 2010, 05:14 AM
السلام عليكم

انا اعرف ان جامعة الملك سعود بن عبدالعزيز بالحرس الوطني تعطى الطلاب

فرصة دراسة الطب بعد العلوم الطبيه والصيدله وللاسف انها مافتحت المجال للبنات الى الان

اسئلتي:

هل فيه مجال ادرس الطب بالخارج وابتعث من قبل وزارة التعليم العالي او اي منشأة تتكفل بدراستي؟


ممكن تعطوني اسماء الجامعات سواء عربيه او اوربيه او كنديه او امريكيه اللى تعطيني بكالوريس الطب بعد بكالوريس العلوم الطبيه وتسوي معادله للمواد انا سمعت ان

mcmaster university عندها هالبروقرام ياليت احد يفيدني؟


انا متخرجه من العلوم الطبيه لي 4 سنوات والف شكر لكل من ساعدني والله يحقق لك كل مبتغاه

F!ras } ~
17th September 2010, 11:50 PM
^
^

http://www.ksau-hs.com/vb/showthread.php?t=2365


رآجعي هالموضوع ! ,

ممكن يفيدك , نآقشوآ آكثر من مسألة من ضمنها سؤآلك ! ,

وردة تحت المطر
21st September 2010, 01:53 AM
بغيت أسالكم مافيه سكن قريب من الحرس الوطني لكليه العلوم الصحيه...ودي ادرس تمريض بس قالوا لي مافيه اسكان...
بالله عليكم وش اسوي الحين ؟؟؟ ابي مشورتكم .؟

قمة المجد
21st September 2010, 07:58 AM
شوفي اختي مالك الا تاخذين شقة بالاحياء القريبة من الجامعة اما لو مافيه احد من اهلك يقدر يروحي معاك سمعت ان فيه سكن خاص للطالبات مثل ابراج الخالديه وربي يسهل امرك

وردة تحت المطر
27th September 2010, 11:04 AM
مشكوره اختي قمه المجد..بس ابي اسآلكم ماتعرفون طالبات ساكننين في اسكان قريب من الكلية..؟

F!ras } ~
27th September 2010, 02:39 PM
^
^

والله هاليومين , قآعدين ننقل " تدريجيآ " للمبآني الجديدة والحرم الجآمعي ! ,

فآحتمال , على وقت فترة التسجيل القآدمة يكون فيه سكن ! ,


الله آعلم , بامكآنك تتصلين على العمآدة ورح يقولون لك اذا بيفتحون عالسنة الجاية سكن ولا لا ! ,

وردة تحت المطر
28th September 2010, 04:34 AM
فراس...ماتقصر ممكن تتآكد لي اذا بيفتحوا ولا لا.. لاني اتصل عليهم ومايردون علـي.َ.

نفسي أعرف اذا بيفتحوا هالسنه عشان استعد من الانَ.

وشكرا..

JIMMY
28th September 2010, 03:57 PM
أحيكم على الموضوع البطل هذا
أستفساري
انا طالب في العلاج الطبيعي تونى ماتخرجت
سمعت وسمعت الكثير يقولون ان في فرصه تكمل دراسة "بكلية الطب" في جامعة الحرس
اذا ممكن ؟؟؟
ابي اعرف المعدل المطلوب + السنوات اللى بدرسها + هل في مكافات للطالب ؟؟
وشكرا
قلب2

Dr.Day
29th September 2010, 06:54 PM
JIMMY
عمادة القبول والتسجيل:
الرياض : 012520088
تحويلـة : 47624

ShOsHo
29th September 2010, 07:43 PM
مرحبا

ارجوكم هل فيه جامعة او كلية خاصة لدراسة الطب اسمها "الحياة"

كلية الحياة او جامعة الحياة

دار الحياة؟؟؟

لدراسة الطب البشري في الرياض

اتمنى تفيدوني بليز

د. زلزال
1st October 2010, 08:51 AM
الصراحه ما تقارن كليه الطب بجامعه الملك سعود بحقت الحرس يكفي انه ما رفع ترتيب جامعه الملك سعود الا كليه الطب وبعد كم سنه متأسسه كليه الطب حوالي 40 سنه وحقت الحرس مالها الا 4 سنوات او 5 يعني كأنك تقارن بين السماء والارض وشهاده كليه الطب بجامعه الملك سعود اقوى بكثييييير من الحرس يعني اذا كان ودك تكمل الدراسه برا علطول يقبلونك اذا كنت من طلاب جامعه الملك سعود كليه الطب يعني تضمن انك تكمل برا بألمانيا او امريكا او اي دوله وبالتوفيق للطلاب اللي في كليه الطب في جامعه الملك سعود او اللي بالحرس وسلاااام

Doc Roby
2nd October 2010, 12:52 AM
أخي د. زلزال ،

طبعا قوّة و عراقة كلية الطّب بجامعة الملك سعود لا يختلف عليها عقلان ، بكفائتها في الوطن العربي ،

لكن أيضا كلية الطب بالحرس الوطني لها ما يُميّـزها الكثير ! ،
كـ بداية لجامعة تخصصت في العلوم الصحية ، أبهرت الكثير بإنجازاتها في غضون أعوام قليلة !
من ضمنها حصول طلابهم على المركز الأول في البورد السعودي ، في برنامج الطّب التكميلي ،
كذلك هي مُعترف فيها عالميـّا ، و نظامها مُستمد من إحدى جامعات إستراليا بسيدني ،
و الأهم ، ارتفاع النسب المركبة للطلاب المقبولين فيها ، ما يزيد من قوّة انتاجها ..
و ان كانت أعداد المقبولين قليلة ، فـ هالشئ يرفع جودة المُخرجات عندهم ..

لا أظن أنها جامعة يُستهان بها حسب وصفك - كأنك تقارن بين السماء و الأرض - !
لها مستقبل مشرق و قوي بإذن الله ،

lulit
2nd October 2010, 03:29 AM
ممكن سؤال ،، !

انا سنه تحضيريه علميه ،، في سعود طبعا ،، ممكن اقدر احول للحرس بالترم الثاني كليات صحيه ويعادلون لي المواد او عالآقل ادرس ترم صيفي ،،

المهم بأي طريقه ابي احول صحيه ،، :(

د. زلزال
2nd October 2010, 04:17 PM
ازيلك اقعدي بجامعه الملك سعود والله افضل شهاده اقوى هذه نصيحه لكي وانتي اختاري اللي يريحك

د. زلزال
2nd October 2010, 04:20 PM
شوفي Doc Roby
هي مو شينه بس مو احسن من كليتنا هناك الواحد يكرف كرف الويل وبعدين وين راح يروح شهادته مو قويه لما يقدم على جامعات في المانيا وامريكا بس كليتنا شهادتها اقوى يعني يقبلونا بالراااااااااحه حتى لو كان المعدل مو مره قوي

Doc Roby
2nd October 2010, 06:39 PM
اييوه صحيح ،
و كذلك معروف عن الطلبة المتخرجين من كلية الطب بسعود باجتيازهم للبورد الأجنبي كالأمريكي و الكندي ..
و أتوقع لكلية الطب بالحرس قوّة شهادة مستقبلا ، بما انه لها بداية قويّة و إنجازات باهرة ،

عموما ، تظل الجامعتين حاملتين لمزايا رائعة ، من أبرزها المستشفيات الجامعية الكبيرة ،
وكلّها تعطي البلد مكانة في التعليم العالي ، خصوصا في المجال الصحي ،

:
.

طلعنا برآ الموضوع ، و نعتذر لصاحبته ..
سوري =)

د. زلزال
2nd October 2010, 10:52 PM
انا معك بس مهما يكن فيه فروقات شاسعه الان بس بعدين يمكن تتطور حقت الحرس ما حد قال لا بس برضو كليتنا تبي تتطور يعني الدعوه نسبه وتناسب
عموما الله يوفقنا ويوفقهم وانشاء الله نرفع سمعه البلد في انحاء العالم واعتذر من صاحبه الموضوع

شهلا
3rd October 2010, 11:21 PM
قريت هنا اضن بالصفحه 5 انوا خريجين العلوم الطبيه يدرسون تغير مسماهم الى دكتور؟؟

ماقد سمعت هالكلام بحياتى هل هذا صحيح؟؟ ووين يصير ؟

anahawi
4th October 2010, 01:10 PM
سؤال ممكن الله يحفظكم جميعا

انا الان بكلية العلوم الطبيه التطبيقيه جامعة شقراء سنه تحضيريه ولأن الطب هو طموحي الاول هل بالامكان الانتقال لهذه الجامعة بعد السنه التحضيريه اذا جبت معدل حلو واكمال دراستي كطالب طب

محتار باختيار القرار

Dr.Day
5th October 2010, 04:54 PM
نظام الجامعة الحالي , لا يقبل التحويل بين تخصصات الجامعـة , أو حتى التحويل من جامعة أخرى إليها .

ShOsHo
6th October 2010, 07:53 PM
متى تفتح بس للبنات حاملات بكالوريس صيدله او علوم طبيه؟؟؟

وردة تحت المطر
26th October 2010, 10:17 PM
هيآ ياااعضاء فتحوا سكن للطالبات ولا باقي...

Dr.Day
28th October 2010, 08:22 AM
حاليا لا يوجد سكن جديد للطالبات
بإمكانك طرح استفسارك على عمادة القبول والتسجيل عن فتح مسارإكمال دراسة الطب لحاملات البكالوريس من الصيدلة والعلوم الطبية

فلورنس
6th November 2010, 09:40 AM
انا بجامعة الاميرة نورة وبصراحة ودي احول عندكم اقدر والا لا لاني درست سنة تحضيرية ومعدلي 4,3

2na
18th January 2011, 11:56 AM
التسجيل في الحرس موحده مع نظام القبول والتسجيل ولا غير

ماله دخل في جامعة الملك سعود والسنة التحظيرية تبع سعود ؟؟؟؟؟؟؟؟؟؟؟؟؟؟؟؟


وبسال في احد النسبة المركبهه كانت 79 ودخل بالواسطه :(

Dr.Day
18th January 2011, 06:53 PM
فلورنس
نظام الجامعة لا يقبل التحويل بين التخصصات داخلها , أو التحويل من جامعة أخرى إليها.

2na

جامعة الملك سعود بن عبد العزيز للعلوم الصحية جامعة تابعة لوزارة التعليم العالي , ومتخصصة في العلوم الصحية : الطب , الصيدلة , طب الأسنان , العلوم الطبية , التمريض .


التسجيل للطلاب عن طريق موقع الجامعة .
وللطالبات عن طريق بوابة القبول الموحد الإلكترونية .

ebtehal2010
21st January 2011, 02:18 PM
جامعة الملك سعود بن عبد العزيز للعلوم الصحية جامعة تابعة لوزارة الصحه :)

Dr.Day
24th January 2011, 01:43 PM
الجامعة تابعة لوزارة التعليم العالي كأي جامعة حكومية في المملكة

ebtehal2010
25th January 2011, 04:13 PM
اممم يمكن

ShOsHo
25th January 2011, 06:42 PM
فيه احد فيدنا عن كليات العالميه الاهليه

F!ras } ~
14th April 2011, 10:23 PM
فيه احد فيدنا عن كليات العالميه الاهليه

الصفحة مخصصة للآستفسآر عن

جآمعة الملك سعود بن عبدالعزيز للعلوم الصحية : )


بالتوفيق : )

Dr.One1
14th April 2011, 10:54 PM
^ ^

آنت فراس اللي هنآك غ1


يآخي أنتآ بطططل :ورده: ض2


الله يوفقك يآ رب ،، كنت آتمنى آكون معكم والله لكن الحمدلله على ما قسم وما قدر قلب2 :)

F!ras } ~
14th April 2011, 11:08 PM
^
^


آيه نعم انا :×


حبيبي والله تسلــــــم عب1،

و الخيرة فآللي كتبه ربـــكـ قلب2



ويآك ، وشد حيلك

كلها شهــــرين وآن شآء الله تبشرنا بقبولك في كلية الــطب



لك مني خآلص الدعوات بالتوفيق ،

شد حيلك مرة ثآنية ! :ورده:

nosalosa
21st April 2011, 02:41 AM
طيب سؤال بخصوص برامج الماجستير في جامعة الملك سعود للعلوم الصحية
ماحد جاب طاريها
وين طلاب وطالبات الماجستير
وهل برامجهم معتمده من التعليم العالي والهيئة السعودية للتخصصات الصحية
اممممم
كيف طبيعة الدراسة والدوام كيف هل يوميا ام ايام متفرقة من الاسبوع
ياريت اللي عنده اي معلومة لو بسيطه ... يذكرها
وشكرا

Dr.Day
21st April 2011, 12:24 PM
nosalosa

توجد لدينا برامج خاصة لطلبة الماجستير
وبرامجنا معتمدة حسب ما يصرّح به مسؤولي الجامعة

طبيعة الدراسة مختلفة من برنامج لآخر

بإمكانك زيارة موقع الجامعة , والتواصل مع عمادة الدراسات العليا

www.ksau-hs.edu.sa

ما لا نهاية
21st April 2011, 07:53 PM
اشكرك اختي ع الموضوع
السؤال الاول سمعت من مصدر موثوق انهم بيزيدون مقاعد طلاب كلية الطب (اتكلم عن الرياض)
فما عندك معلومات كم بيصير عدد الطلاب ؟؟ العام كانوا 85 ماتدرين هالسنة كم؟؟
الثاني/نظام الجامعة نسيت اسمه صراحة اللي هو مبني على حل المشكلات ومدري ايش هل
هالنظام معمول به في جامعة الملك سعود الاصليةa020
والاخير/هل تدخل في هالجامعة الواسطات؟؟

F!ras } ~
21st April 2011, 08:51 PM
اشكرك اختي ع الموضوع
السؤال الاول سمعت من مصدر موثوق انهم بيزيدون مقاعد طلاب كلية الطب (اتكلم عن الرياض)
فما عندك معلومات كم بيصير عدد الطلاب ؟؟ العام كانوا 85 ماتدرين هالسنة كم؟؟
الثاني/نظام الجامعة نسيت اسمه صراحة اللي هو مبني على حل المشكلات ومدري ايش هل
هالنظام معمول به في جامعة الملك سعود الاصلية
والاخير/هل تدخل في هالجامعة الواسطات؟؟

رح اجآوبك من بعد اذن الاخت Dr.day


العدد بيزيد بعد آكتمال المبآني الجديدة !

على حسب علمي ، انو مآرح تكتمل السنة هذي آو بمعنى آخر الزيادة بالعدد ،

مآ رح تكون هذي السنة ! ، السنة الي بعدها اتوقع .. !


لكن عمومآ آعداد القبول ، احيانا " ينضغط " عالجآمعة فيها

كآن يفترض انها ما تقبل آكثر من ٤٠ طآلب حسب الخطط

لكن وزآرة التعليم ضغطت عليهم عشآن يرفعون الآعدآد

--> وهذآ الكلام من شؤون الطلاب عندنا ح4


------

النظآم آسمه " pbl "

وآلي آعرفه آن جآمعة الملك سعود بدآت بتطبيقه من دفعة ٤٢٩ .. !

* مافي شي اسمه اصلي ولاتقليد حنآ جآمعة وهم جامعة ف5



وبالنسبة للوآسطآت ، آتوقع تدخل في كل الجآمعات ، وهو شي وآقع

لكن مآ آعرف آحد شخصيآ قآلي انا دخلت بوآسطة ، مآ آتوقع انه شي يفتخر فيه الوآحد

بآلذات لمآ يكون آغلب الطلاب الي معك بالدفعة نسبهم المركبة من ٩٢ وفوق !

والبعض يربط بين وجود طلاب او طالبات اهلهم دكآترة بالمستشفى عآساس انه وآسطة وغير مستحق

مع آني مآ آشوف آي علاقة ، يعني فرضآ في المستقبل ، مآ رح آدخل عيالي بكلية الحرس

عشاني والله آشتغل بالحرس ؟


بالتوفيق :ورده:

ما لا نهاية
21st April 2011, 09:11 PM
pbl ما دامه مطبق في جامعة سعود الاصلية
طيب وش الفرق بين جامعتكم عنها؟؟غير ضمان التخصص ؟؟
وهل بعد التخرج ما اشتغل غير بالحرس؟؟
والسؤال اللي اتمنى انك تجاوب عليه بدون دبلوماسية
كم راتب الطبيب المقيم في الحرس؟؟؟
طيب انا بعرف انا عندي واحد مدير شؤون الموظفين بالحرس واستشاري بالحرس من جماعتنا
تتوقع يقدرون يسوون لي شي في القبول علما ان نسبتي ان شاء الله عالية!!!

والف شكر يا فراسdb2

Dr. AL Joharah
22nd April 2011, 02:07 AM
أنا حـابة اسأل كم عدد المقاعد المحددة في كلية الطب للطلاب و كم عدد المقاعد المحددة للطالبات .

Dr.Day
22nd April 2011, 12:35 PM
ما لا نهاية

الفرق يكون غالبا في طريقة التدريس , والتركيز على الطلاب كذلك التخصص
وما في ضمان شغلك في مستشفى الحرس بعد التخرج , لكن فترة التطبيق تكون هناك
و مثل ما قال الأخ F!ras } ~ ممكن تخدمك الواسطة في القبول , لكن حقيقة ما تخدمك في دراستك
وكونك تقول نسبتك عالية فباعتقادي ما تحتاج واسطة


Dr. AL Joharah
الطلاب حاليا:
تقريبا 80 للطب
والطالبات حاليا:
42 طالبة للطب

flower princess
22nd April 2011, 09:13 PM
هل أقدر أكمل طب في الحرس وأنا خريجة كيمياء جيوية جامعة الملك سعود ؟؟؟

F!ras } ~
23rd April 2011, 12:59 AM
^
^

حآليا لآ ،

كله معتمد عالطآقة الاستعآبية للجآمعة = بعد مآ تفتح المبآني الجديدة كلهآ ، ممكن يفكرون يفتحون للطآلبات !


الله الموفق

ما لا نهاية
23rd April 2011, 07:07 PM
طيب ،، سؤال الحين الاختلاط يبدا من سنة كم؟؟:×

وعندي سؤال بعد،، انا ناويت اختبر توفل أو ايلتس هل احد هالاختبارين راح يعطيني امتيازات
في التحضيرية يعني مثلا تقل الساعات أو سمثنق من هالقبيل ؟؟h1

مع السلامة لو2

Dr.Day
23rd April 2011, 08:45 PM
ما لانهاية

الدراسة تكون منفصلة , لذلك لا يوجد اختلاط خاصة في السنتين التحضيريتين .
سنوات الدراسة بعدها يكون فيها تطبيق ميداني في المستشفى.

أما شهادات اللغـة ما عندي خلفية عن ما إذا كانت تخدمك , لكن بشكل عام برنامج الدراسة عندنا موحد للجميع
الكل يأخذ نفس الساعات , ونفس المواد

F!ras } ~
24th April 2011, 01:06 AM
^

شهآدآت اللغة مآتفرق ، في عدد لا بآس به من الطلاب معهم شهآدآت توفل ،
ولا آختصر عليهم شي : )

وبعضهم جآب " ١٠٠ " و " ٩٩ " في آختبار تحديد مستوى اللغة الي تسويه الجآمعة !
ومع ذلك ما فآدهم شي

هاااجر
24th April 2011, 07:09 PM
السلام عليكم

حبيت اسالكم اذا جيت اقدم على الجامعه وانا من سكان الرياض تطلع لي جامعات من غير جامعات الرياض

Dr.Day
24th April 2011, 08:23 PM
هاااجر

وعليكم السلام, كنوع من فتح باب الخيار لك.
بإمكانك تجاهل الجامعات خارج مدينة الرياض

nosalosa
25th April 2011, 11:01 PM
كيف يكون اختبار الانجليزي اللي هو في فترة القبول
هل نفس نظام التوفل؟؟

F!ras } ~
25th April 2011, 11:59 PM
^
^

اذا قصدك عندنا ؟

اختبار من ١٠٠ سؤال


جزء استماع

جزء كلمات

جزء قوآعد

وقطعتين : )


والاختبار مايآثر لا في معدلك ولا درجاتك !
مجرد تحديد لمستواك ،


لان القروبات عندنا يقسمونه بحيث القروب الواحد يكون في جزء لغتهم عالية
وجزء لغتهم متوسطة وجزء ضعيفة !

يعني فقط لتحديد القروبات :)

nosalosa
26th April 2011, 02:05 AM
^
يعطيك العافية اخ فراس
واللي فهمت من كلامك ان القبول مايعتمد على درجتك في الاختبار هو فقط لتحديد المستوى وتوزيعكم على القروبات
صح؟
هل اختباركم كان في مبنى الادارة قاعة اختبار الانجلش؟
لأن جالسه اقيس الماجستير عليكم اتوقع نفس الانظمة
ومشكور مرة اخرى وبالتوفيق للجميع

F!ras } ~
28th April 2011, 04:38 PM
^
^

ايوه مآله دخل بالقبول : )

والاختبار كان في نفس مبنى الكلية .. مو في مبنى اداري : )


..

وبالنسبة للمقارنة ما اتوقع انه نفسه خخخ ،

يمكن عندكم اللغة تكون متطلب ! عكسنا حنا الي ندرس سنة ونص لغة

عشان كذا ممكن يطلبونها منكم بس مننا لا : )

..

والمشكلة ان حتى الي يدخلون منتدى جآمعتنا هم الطلاب الي متخرجين من الثانوي !

فمآ نقدر نعطيك معلومات عن الماجستير ، افضل حل تكلمين الجامعة نفسها او تجين الجامعة عندنا

وتسآلين هناك الطالبات ..

nosalosa
1st May 2011, 06:49 AM
^^
شكرا وماقصرت
وبالفعل مشكور عالتنبيه اتوقع فيه فرق
الله يسهلها
وبالتوفيق :)

طموحي الجنون
9th July 2011, 02:12 AM
السلام عليكم

يعطيكم العافية ال حرس ع هالموضوع ض2

عندي كذا استفسار ياليت اللي عنده اي فكرة او معلومة صغيرة يفيدني فيها =)

1-حبيت اعرف الخطة الدراسية لطلاب الطب..يعني كل سنة ايش موادهم..

2-الدوام غالبا يتراوح مابين ساعة كم الى كم..
3-طريقة التقييم اقصد الاختبارات وكذا كيف تكون..
4-كيف تقيمكم لهيئة التدريس..
5-السؤال الاهم غ1 لو رجع بيكم الزمان لورا هل بتغيروا رايكم عن الحرس وودكم تدخلون سعود ايه او لا وليش..

شكرا جزيلا مقدما وربي يجزاكم خير..

B!do
9th July 2011, 02:31 AM
^^^

أنا وأنتي مسؤولين عن أخواننا حالين ! :0




غ1 ويك1

طموحي الجنون
9th July 2011, 02:44 AM
^

تحسين كر2

احس اني شوي واستخير عنه كر2


/

شوفي هالموضوعين ض2

http://www.cksu.com/vb/showthread.php?t=298795
http://www.cksu.com/vb/showthread.php?t=296894

ربي يكتبلهم اللي فيه الخير قلب2

Bitoo
9th July 2011, 04:18 AM
اذا ممكن بسأل عن الدراسه,
يعني بالضبط كيف يعطونكم نظام الـ PBL معمول فيه بأكثر من جامعه (الملك سعود والملك عبدالعزيز والقصيم) وكل يطبقه بطريقه ثانيه
فاذا ممكن كيف طريقتكم بالضبط؟
النقطه الثانيه عندكم سنه تحضيريه والا على طول طب؟ يعني اول سنه على طول فيزيولوجي واناتومي
والا سنه علميه بعدين طبيه؟ عارفه انه مافيه سنه تحضيريه لتحديد التخصص لكن فيه لكل تخصص سنه تحضيريه
يعني زي سعود من قبل يقبلون طب وياخذوا تحضيريه (صفريه) يدرسوا مواد علميه بعدين طب؟
مافهمت كيف تاخذوا بيسكس في سنه اولى ولا تبدون اناتومي الا سنه ثاني
وش تاخذون سنه اولى؟ وايش بالضبط تسوون يعني سنتين, كيف مايبدأ الـ PBL الا بعد سنه ثاني!
اذا ممكن يعني نشوف الخطه الدراسيه حقتكم؟

نقطه اخيره مستقبلاً هل المستشفى (الحرس) يلزمكم بسنوات خدمه معينه؟ يعني غصب تاخذوا الرزدنسي من عندهم؟
المعدلات عاليه لانها تحسب بطريقه ثانيه وتعطي 5٪ زياده لنسبه الثانوي اللي كل خريجين اخر كم سنه جايبينها كامل

شكراً

ayan
9th July 2011, 05:10 AM
السلام عليكم

يعطيكم العافية ال حرس ع هالموضوع ض2

عندي كذا استفسار ياليت اللي عنده اي فكرة او معلومة صغيرة يفيدني فيها =)

1-حبيت اعرف الخطة الدراسية لطلاب الطب..يعني كل سنة ايش موادهم..

2-الدوام غالبا يتراوح مابين ساعة كم الى كم..
3-طريقة التقييم اقصد الاختبارات وكذا كيف تكون..
4-كيف تقيمكم لهيئة التدريس..
5-السؤال الاهم غ1 لو رجع بيكم الزمان لورا هل بتغيروا رايكم عن الحرس وودكم تدخلون سعود ايه او لا وليش..

شكرا جزيلا مقدما وربي يجزاكم خير..

نفس الاسئله

مع ان اخوي مصمم الا يبي الحرس

بس ودي اعرف هم غيرنا او نفس الطريقه

GolDeN_BoY_
9th July 2011, 05:35 PM
آخوآنكم وعييين حس1

طموحي الجنون
9th July 2011, 11:50 PM
^

دف2

Dr.Day
10th July 2011, 01:24 AM
طموحي الجنون

وعليكم السلام ورحمة الله

1- برنامج كلية الطب :
السنتين التحضيريتين : http://com.ksau-hs.edu.sa/eng/index.php?option=com_content&view=article&id=292&Itemid=373
السنوات الإكلينيكية : http://com.ksau-hs.edu.sa/eng/index.php?option=com_content&view=article&id=307&Itemid=374
acadimics - midical program

2- الدوام يختلف بشكل عام يتركز بين الساعة 8 صباحا و 3 عصرا , ويصل للساعة 5 عصرا .

3- أسئلة الاختبارات MCQs ويحتسب لكل سؤال نسبة في أغلب المواد .

4- بشكل عام ممتازين , لكن يوجد أعضاء هيئة تدريس سيئة.

5- لا, لضمان المقعد وقوة برنامج الدراسة . مع العلم أن برنامج الدراسة عندكم تطور كثير للأفضل .

عفوا, وإياك .


Bitoo
طريقتنا كالتالي : في السنة التحضيرية الثانية ( الترم الرابع بالتحديد ) نبدأ في النظام , كنوع من التدريب للطلبة , 4 أسابيع, بواقع ساعتين للأسبوع .
الساعتين الأولى تكون لعرض الحالة , و تحديد أهم النقاط الرئيسية حتى يبحث الطالب فيها, وساعتين أخرى , تكون لمناقشة الحالة والمعلومات التي بحثها الطلبة وتفصيل بسيط فيها .

أما ما بعد السنتين التحضيريتين , فيتم تكثيف الساعات وتحديدها حسب الحالة , بما لا يقل عن 3 ساعات في الأسبوع .

سؤالك الثاني : سنتين تحضيرية , الأولى مواد اللغة الإنجيلزية بشكل مكثف وعرب وسلم , هذا للفصل الأول . الفصل الثاني , مواد اللغة الإنجليزية بشكل أقل تكثيف وعرب ومواد العلوم الأساسية .
التحضيرية الثانية , مواد اللغة الإنجليزية بشكل مخفف ( 6 ساعات تقريبا في الأسبوع ) وكيمياء حيوية , ومدخل لعلم النفس والسلوك وإحصاء وحاسب ومصطلحات طبية ضمن برنامج اللغة الإنجليزية.

لنقطتك الأخيرة ما عندي علم بهذا الإلزام .
عفواً

DR.balsam
10th July 2011, 11:12 AM
السلام عليكـــــــــــــم :.
هل الحرس يطلبون اختبار كفايات اللغة الانجليزية ؟؟؟؟

والعام الماضي قفل التسجيل على 91 ليش النسبة مرة كبيرة ما اعتقد ان اللي سجلوا كلهم نسبهم اعلى من 91 ؟؟؟؟؟

ayan
10th July 2011, 01:03 PM
جزاك الله خير dr.day

mdor
10th July 2011, 09:45 PM
السلام عليكـــــــــــــم :.
هل الحرس يطلبون اختبار كفايات اللغة الانجليزية ؟؟؟؟

والعام الماضي قفل التسجيل على 91 ليش النسبة مرة كبيرة ما اعتقد ان اللي سجلوا كلهم نسبهم اعلى من 91 ؟؟؟؟؟

لا ما يطلبون كفايات وبالنسه للنسبه اكيد كل الي انقبلو فوقها ولا تنسى 35% ثانوي وتحصيلي و 30% قدرات

Miss cutty
12th July 2011, 04:40 PM
طيب انا متخرجة في السنة التحضيرية بسعود بمعدل عالي بس ما حصل انو انقبل في الطب فيها

هل فيه أمل أدرس في الحرس من جديد ؟؟

دانية 20
12th July 2011, 09:39 PM
طيب انا متخرجة في السنة التحضيرية بسعود بمعدل عالي بس ما حصل انو انقبل في الطب فيها

هل فيه أمل أدرس في الحرس من جديد ؟؟

للأسف ما فيه أمل ..
ما يقبلوا الا اللي توهم متخرجين ثانوي أو اللي عندهم بكالوريوس علمي (مثل أحياء) أو صحي(مثل علوم طبية تطبيقية)

RAWABI.T.S*
14th July 2011, 08:40 PM
السلام عليكم
أنا محتاره أيش أحط رغبتي الأولى صحية الملك سعود
ولا الملك سعود بن عبدالعزيز الصحيه " الحرس " !
كم أقل معدل أجيبه عشان مايحولوني تمريض
وهل يحولوني في السنه التحضيريه ولا في أي سنه لو ما جبت يحولوني ؟

mdor
14th July 2011, 09:46 PM
السلام عليكم
أنا محتاره أيش أحط رغبتي الأولى صحية الملك سعود
ولا الملك سعود بن عبدالعزيز الصحيه " الحرس " !
كم أقل معدل أجيبه عشان مايحولوني تمريض
وهل يحولوني في السنه التحضيريه ولا في أي سنه لو ما جبت يحولوني ؟

لازم ماينزل المعدل عن 3 من 5

طموحي الجنون
14th July 2011, 10:59 PM
Dr.day

ربي يرضى عليك ويجزاك الجنة قلب2

احلى مافي نظامكم بلوك اونكولوجي :0قلب2

ن2

RAWABI.T.S*
15th July 2011, 01:30 AM
طيب بعد التحضيري هل ممكن يحولوني تمريض ؟

RAWABI.T.S*
15th July 2011, 02:37 AM
لووسمحتوا احد يجاوبتي أخر فرصه للتراجع بكره الظهر :(

ayan
15th July 2011, 08:19 AM
لووسمحتوا احد يجاوبتي أخر فرصه للتراجع بكره الظهر :(

انا ما ادري انتي تسألين عن اي كليه

بس راح اجاوبك بناء على الاثنين

شوفي انتي اذا انقبلتي طب او اي تخصص ثاني مالهم حق انهم يحولونك تمريض

الا اذا نزل معدلك عن 2 في ترمين متواصلين ففي هذه الحاله في جميع الكليات سوا الصحيه او غيرها

لهم الحق انهم يسحبون منك ملفك ولا تكملين معهم

بس طبعا اقل من 2 يعتبر مستوى متدني جدا اغلب الناس من 3 وفوق

كلية الحرس يتم فيها قبولك مباشره بالطب بس يبغالها نسبه مركبه عاليه جدا

اما سعود النسبه المركبه ليست عاليه جدا

بس يشترط لقبولك فيها انك تعدين السنه التحضيريه بمعدل عالي ويتم المفاضله بين الطالبات على التخصصات الموجوده
وبس

منوته
16th July 2011, 05:22 AM
أنـآ عندي استفسار هل في هذه الجامعه سنه تحضيريه و حسب المعدل ادخل اما تمريض او طب


لاني انقبلت تمريض و مآ أبيه وش الحل
بليز ساعدوني :( و وانا ابي طب :(

Dr.Day
16th July 2011, 10:48 PM
منوته

نظام الجامعة لا يقبل التحويل سواء من كليات داخل الجامعة أو من جامعة أخرى .

dr.Gp
17th July 2011, 12:18 AM
. السلام عليكم ...

سجللت عشاان هالسؤااال ..

الحين سامع الناس تمدح بجامعة الملك سعود الصحية .. وبصراحه انا ماني من اهل الرياض ولا اعرف فيها ولا شئ .. انا من اهل جدهـ ..
فهل تشوفون ان هالجامعة افضل من جامعة الملك عبد العزيز من الناحية الطبية ؟!! ..
واذا كان نعم ..
هل في هذه الجامعة سنة تحضيرية ؟؟
واذا كان نعم ..
هل تدرسون في السنة التحضيرية اللغة الانجليزية بشكل مكثف اي يعينك في دراستك للطب ؟؟

تحيآآآآآآآآتي

Dr.alanoud
17th July 2011, 02:37 AM
^

الجامعة قويّة ..

ايه نعمْ و هي سنتين تحضيرية ..

برنامج السنتين التحضيرية مُعدّ بعناية لتهيئة الطالب للطب , اللغة الانجليزية مكثّفة ويتمّ التركيز عليها بشكل كبير .. !

dr.Gp
17th July 2011, 03:06 AM
^^^^
طيب اخوي .. هل السنة التحضيرية تحدد مجالك يعني طب او صيدلة وو ..
او من بداية تسجيلك تحدد رغبتك ؟!

Dr.alanoud
17th July 2011, 03:32 AM
^
التخصص محدد من بداية تسجيلك بالجامعة ..

dr.Gp
17th July 2011, 02:49 PM
حلوو ..
طيب ممكن اعرف المواد الي يدرسوها في السنتين التحضيرية ؟!

mdor
17th July 2011, 09:10 PM
حلوو ..
طيب ممكن اعرف المواد الي يدرسوها في السنتين التحضيرية ؟!

تفضل http://com.ksau-hs.edu.sa/eng/index.php?option=com_content&view=article&id=370&Itemid=427

ANOUSHA
18th July 2011, 03:35 AM
فين مقرها ؟

mdor
18th July 2011, 03:48 AM
فين مقرها ؟

الرياض - خشم العان (( امتداد شارع جابر ))

ANOUSHA
18th July 2011, 03:53 AM
شكرا لك .

Dr.Fantastic
18th July 2011, 04:59 PM
السلآم عليكم ورحمة الله وبركآآتــه ..

تحيــة طيبة لجميــع من كتب وشآرك في هذآ الموضوع .. وبالاخص دكـتور دآي ~


آنــآ جآي هنــآ واقولهــآ باللهجــة العآميــة ( افضفض )

خلوني ابدآ ..

للاسـف جآمعــة سعــود الصحيــة .. قدمت عليهــآ وكنت مرتب الرغبآت بالشكل التالي ..

1 - طب بشري - الرياض
2 - طب اسنان - الرياض
3 - صيدلة - الرياض
4 - طب بشري - جدة
5 - علوم طبية تطبيقية - الرياض

......

آنــآ وضعت الطب البشري كرغبة اولى وكنت شبــه جآزم بقبولــي فيهــآ .. مع اني كنت محــتآر بينها وبين جامعة الملك سعود لكن قلت بقدم عليهم كلهم واستخير

الحمدلله نسبة المركبة 93.20

...

اليوم لمــآ رحت لجامعة الملك سعود - كلية الصيدلة - المقابلة الشخصية

سممعت واحد جنبي يقول ان سعود الصحية قبلوه صيدلة .. التفت وسلمت عليه .. قلت كيفك عسآك بخير ..

قآلي الحمدلله تمآم .. قلت انت تقول قبلوك صيدلة .. طيب كم المركبة .. قالي 89 قلت ماشاء الله بالتوفيق ..

والتفت وانا افكــر كيف مآ قبلوني ولا وصلني لحد الان شئ منهــم .. رجعت اليوم لتسجيلي .. ( مع اني مسجل بثآني يوم فتح فيه التسجيل )
ولا لقيت الا رغبتين ..
1 - التطبيقية
2 - المعلومات الصحية
> هنــآ انا استغربت كثير .. كيف يصير هالشئ وكيف ما يتصلون علي ويقولون هل انا قبلت او لا وحتى لو مآ قبلت المفروض انــو يرسلون رسآلة بالشئ هذآ ..

اللي قهرني اكثــر .. اني اليوم وانا داخل جامعة الملك سعود .. طالعت حولي .. والله فيه نآس معنا ايآم الدراسة مطنشين .. والحين يجي مثلي مثله ينآفس معآي على الطب يعني نسبته المركبة حول 80 ويكون زيي زيه !!
مع العلم انــنــآ بمدآرس حكوميــة فـ كيف بالاهلية !!


شئ يضآيق بصرآحــة ~ : (


" "
حبيت اقول اني اتصلت على جآمعة سعود الصحية بستفسر عن عدم قبولهم ولكن مآ جآني رد للان .. والتلفون جآلس يرن ولا حد يرد

Dr.Day
18th July 2011, 06:11 PM
Dr.Fantastic

بإمكانة مراجعة عمادة القبول والتسجيل , أو زيارة مقر الجامعة في الرياض .
علما بأن القبول في الطب البشري للطلاب هذه السنة توقفت النسب تقريبا على 92%

Dr.Fantastic
18th July 2011, 06:25 PM
^

يعني المفــترض انــي مقــبــول ؟ ! حس1

آممممم والله آنــآ محــتـــآ وبــقــوة بينهـــآ وبين جآمعة الملك سعود as076

Dr.Day
18th July 2011, 07:19 PM
يعتمد على شروط التقديم بالإضافة إلى درجات امتحان القبول , ونسبة الثانوية العامـة

dr.Gp
18th July 2011, 09:38 PM
اخواني .. طيب لها فرع في جدة .. وهل وهو بنفس مكانة فرع الرياض ؟؟

Metoo
18th July 2011, 09:56 PM
السلام عليكم .,

ضروري على وجه السرعه ابي اسم عميد جامعة الملك سعود بن عبدالعزيز ( الحرس ) .!!!

mdor
19th July 2011, 09:56 AM
عميد كلية الطب د. العلوان

Dr.Day
19th July 2011, 08:44 PM
dr.Gp

لها فرع في جــدة , وبنفس برنامج التدريس في مدينة الرياض

مترفهه
19th July 2011, 11:08 PM
طحت على الموضوع بالوقت المناسب :6:

بنت اختي ناجحه لثالث ثنوي ادبي ومررره ماهي راضيه تبي علمي من شان الطب طموحها العذري
( دخلت الادبي لأسبااب صحيه بداية السنه ) :0

والحين ضايقه فيها الدنيا
قالت لها وحده انو كلية الحرس يدخلونها الادبي اذا كانت النسبه فوق 90 h1h1h1h1h1
قلت لها استحاله h1 ماودي تأمل :لي:
واللي معطيتها المعلومه تقول وربي شايفه بعيوني طالبات ادبي مقبولات h1


بليز هل هذا صحيح ودي تتشجع حسبي الله ونعم الوكيل :0
لأنها ماهي متحمسه تدرس اساسا السنه الجايه:0
او فيه طريقه تحول او شي علمونا الله يوفقكم



والله يعطيكم العافيهad020ad020

Dr.Day
20th July 2011, 07:44 AM
مترفهه

ما أظن مفتوح القبول لخريجات القسم الأدبي

abhs50
21st July 2011, 11:26 PM
السسلآآم علييكم ..

امم عندي كم استفسار إذا تقدرون تفيدونني عن كلية التمريض ..

- كم سنه التحضيريه لكلية التمريض في كلية العلوم الصحيه ؟ زي الطب سنتين ؟؟

- واذا جبت معددل عاالي بالتحضيريه الترم الأول اقدر احول لجامعة الملك سعود تحضيريه صحيه ؟ او لازم بعد الترمين ممكن أفكر بالتحويل ؟؟ <<لأن فيه ناس قالوا جيبي بالترم الاول معدل عالي وحولي للتحضيريه الصحيه !!سط1

- وأساسا يقبلون جامعة الملك سعود تحويلي ؟؟يعني مثلا بغيت أحول السنه الجايه لهم سنه تحضيريه صحيه يقبلوني والا لا ؟؟؟لأني اعتقد يبَدٌّون بنات السنه الجايه على اللي قبلها , ولو ان السالفه كانت تحويل << اعتقادي صح والا غلط مس3 ..,



ربببي يعااافيكم ويجزاكم خيير عالموضووع ..

وبالتوفيييق ياارب للجميييع ..

shell code
22nd July 2011, 12:13 AM
اهلاً عزيزي .. أنا طلبوا مني أسوي تحليل دم وعطوني موعد بد يومين لتحليل دم مرة أخرى فهل هذا أمر عادي أو لا وشكراً

mdor
22nd July 2011, 01:51 AM
اهلاً عزيزي .. أنا طلبوا مني أسوي تحليل دم وعطوني موعد بد يومين لتحليل دم مرة أخرى فهل هذا أمر عادي أو لا وشكراً

ايه نعم عادي

سامي الششهري
22nd July 2011, 09:49 AM
ابي اسأل سؤال الحين المناهج في كلية الملك سعود للعلوم الصحيه يوزعونها مجاناً يعني ما أشتري انا اي كتاب ؟

انا ان شاء الله انقبلت نهائي عندكم علوم طبية علاج تنفسي بس باقيلي الفحص الطبي اول يوم برمضان

بس المشكله عندي الانقليزي (صفر)
ابي اسال في السنه التحضيريه بيضبطون وضعي ؟

Dr.Day
22nd July 2011, 11:07 AM
abhs50

وعليكم السلام ورحمـة الله
- نعم , سنتين تحضيريتين.
- لا يوجد نظام تحويل إلى جامعة الملك سعود بن عبد العزيز للعلوم الصحية , أو التحويل بين كلياتها . أما التحويل إلى جامعة الملك سعود السنة التحضيرية لا أعلم .


سامي الششهري
السنة الأولى تكون الكتب مجانية - لا أعلم عن نظام هذه السنة - .
وبقية السنوات يشتريها الطالب

اللغة الإنجليزية مهمة في السنة الأولى , نصيحة ترفع من مستواك , لأن أغلب المواد بترتكز عليها في تلك السنة .

سامي الششهري
22nd July 2011, 11:50 AM
abhs50

وعليكم السلام ورحمـة الله
- نعم , سنتين تحضيريتين.
- لا يوجد نظام تحويل إلى جامعة الملك سعود بن عبد العزيز للعلوم الصحية , أو التحويل بين كلياتها . أما التحويل إلى جامعة الملك سعود السنة التحضيرية لا أعلم .


سامي الششهري
السنة الأولى تكون الكتب مجانية - لا أعلم عن نظام هذه السنة - .
وبقية السنوات يشتريها الطالب

اللغة الإنجليزية مهمة في السنة الأولى , نصيحة ترفع من مستواك , لأن أغلب المواد بترتكز عليها في تلك السنة .

انا يوم رحت لهم قالوا الكتب مجانيه بس ماحددوا اي سنه

بس ابي اسأل مثلاً لو رحت لهم ومستواي نازل بالانقليزي بيرفعون مستواي بالسنه التحضيرية الاولى

وابي اعرف هم يبدون بالانقليزي من الصفر او كيف

واعرف انهم يوزعون الطلاب على شكل قروبات قروب مسوتاهم نازل بالانقليزي هذا القروب يبدون معه من الصفر ؟

oliver kahn
22nd July 2011, 01:19 PM
السلام عليكم أنا إنقبلت عندكم طب وسويت الفحص وإختبار تحديد المستوى المهم قالو لي بنتصل عليكم علشان البطاقات ياليت لو تعرف متى موعدهم ؟؟؟؟؟

Dr.Day
22nd July 2011, 03:58 PM
سامي الششهري

مناهج اللغة الإنجليزية لا تبدأ من الصفر ,لكن تبدأ من مستويات مبتدئة نوعا ما .
أما بالنسبة لمستواك في اللغة سيتطور حتما مع نهاية الفصل الأول خاصة إذا بذلت جهد في الدراسة.
لا يوجد توزيع للمجموعات حسب مستوى اللغة , كل مجموعة تحتوي طلاب مستوى مبتدي , متوسط , ومرتفع .

Oliver Kahn
وعليكم السلام , بطاقة الطالب Badge سيتم الاتصال بك لاحقا لإصدارها - غالبا - بعد العيد .


ملتقى طلاب وطالبات جامعة الملك سعود ين عبد العزيز للعلوم الصحية
www.ksau-hs.com

''memoo''
22nd July 2011, 09:33 PM
السلام عليكم

لو سمحتوا كم النسبه اللي قفلت عليها الكليات الصحيه السنه هذي ..

وشكرآ .

Dr.KH
22nd July 2011, 10:05 PM
الحين طلعو اسامي المقبولين في الطب ؟؟؟

سامي الششهري
23rd July 2011, 04:29 PM
سامي الششهري

مناهج اللغة الإنجليزية لا تبدأ من الصفر ,لكن تبدأ من مستويات مبتدئة نوعا ما .
أما بالنسبة لمستواك في اللغة سيتطور حتما مع نهاية الفصل الأول خاصة إذا بذلت جهد في الدراسة.
لا يوجد توزيع للمجموعات حسب مستوى اللغة , كل مجموعة تحتوي طلاب مستوى مبتدي , متوسط , ومرتفع .

Oliver Kahn
وعليكم السلام , بطاقة الطالب Badge سيتم الاتصال بك لاحقا لإصدارها - غالبا - بعد العيد .


ملتقى طلاب وطالبات جامعة الملك سعود ين عبد العزيز للعلوم الصحية
www.ksau-hs.com



يعطيك الف عافيه

انا ان شاء بادخل دورة انقليزي المستوى الاول في رمضان يعني تاسسي

تتوقع بينفعني ؟

وهل هو يكفي لدخول الجامعة ؟

Dr.Day
23rd July 2011, 09:28 PM
Dr.KH
نعم, تم الانتهاء من المقابلات الشخصية لطلاب كلية الطب .

سامي الششهري
اتقانك للغة الإنجليزية ليس شرطا لدخول الجامعة , لكن تعتمد عليها معظم مواد الترم الأول
أنصح بعمل امتحان تحديد مستوى , و بعدها تبدأ من المستوى المناسب لك
أيضا القراءة عامل أساسي ومهـم في تطوير اللغة , ابدا برنامجك الخاص في القراءة من الآن .

NajdF
23rd July 2011, 11:49 PM
طحت على الموضوع بالوقت المناسب :6:

بنت اختي ناجحه لثالث ثنوي ادبي ومررره ماهي راضيه تبي علمي من شان الطب طموحها العذري
( دخلت الادبي لأسبااب صحيه بداية السنه ) :0

والحين ضايقه فيها الدنيا
قالت لها وحده انو كلية الحرس يدخلونها الادبي اذا كانت النسبه فوق 90 h1h1h1h1h1
قلت لها استحاله h1 ماودي تأمل :لي:
واللي معطيتها المعلومه تقول وربي شايفه بعيوني طالبات ادبي مقبولات h1


بليز هل هذا صحيح ودي تتشجع حسبي الله ونعم الوكيل :0
لأنها ماهي متحمسه تدرس اساسا السنه الجايه:0
او فيه طريقه تحول او شي علمونا الله يوفقكم



والله يعطيكم العافيهad020ad020




حبيبتي يمديها تحول علمي ’
بدايه السنه الجديده تروح مركز ادارة التربيه والتعليم بالرياض حي المربع وراح يسوون لها اختبار ..
كثير بنات سووها و أجتازو الاختبار بعد .. لا يضيق صدرها ولا شي قلب2

مهضومة
21st August 2011, 12:12 AM
السلام عليكم ورحمة الله وبركاته
حابة استفسر استفسار بسيط اذا مثلا تخصصت في كلية الحرس طب بشري حتى بعد ما انهيت السنة التحضيرية بمعدل مثلا 3 أثبت على تخصصي طب ولا يمكن يحولوني تمريض بالعربي يكون كرسيي بالطب ثابت
أدري انه سؤال داخل عرض بس والله تعقدت نفسيا...ربي يوفقكم

Dr.Day
21st August 2011, 04:45 AM
وعليكم السلام ورحمة الله وبركاته

في حال تم قبولك في كلية الطب, يعتبر قبول نهائي

chem
17th February 2012, 08:02 PM
طيب معليش سؤال...


انا بكالوريوس كيمياء وابي اسجل دبلوم

ممكن احد يفيديني لو برابط او شي

شاكره لكم وممنونه

محب الرسول
18th February 2012, 11:34 AM
السلام عليكم ورحمة الله وبركاته

انا طالب مبتعث لدراسة الطب في الصين وهذي اول سنه لي لاكن هنا النظام بدون فاونديشن دايركت طب فا ابغى اسال هل باكاني التحويل الى جامعة اللملك سعود سنه ثانيه

لاني انا الان سنه اولى في الترم الثاني
وما هي شروط التحويل

wsswaas
18th February 2012, 03:06 PM
هل تتفاوت فرص التوضيف بين خريجي الملك سعود و الملك سعود بن عبد العزيز؟

وفقكم الله

ن2

GolDeN_BoY_
18th February 2012, 11:16 PM
هل تتفاوت فرص التوضيف بين خريجي الملك سعود و الملك سعود بن عبد العزيز؟

وفقكم الله

ن2


حسب علمي ان الاولية لهم للتخرج في مستشفياتهم ( الجامعي او الحرس ) على التوالي

مع انه ما فيه ذاك الفرق .. اللي يفرق CV الطالب وبحوثاته ومعدله ونشاطاته وممكن ( درجته في الـ USMLE )

3b3b92
19th February 2012, 01:14 PM
حسب علمي ان الاولية لهم للتخرج في مستشفياتهم ( الجامعي او الحرس ) على التوالي

مع انه ما فيه ذاك الفرق .. اللي يفرق CV الطالب وبحوثاته ومعدله ونشاطاته وممكن ( درجته في الـ USMLE )


You mean the SLE ض2

dr.3z
19th February 2012, 04:21 PM
معليش نظام الدرآسة بالجامعةة بلوكات مثل الملك سعود ~؟

بما إنكم تقولون الدرآسة صعبةة وكرف مثلآ لو ماعديت المادة أختبرها بالصيف دور أول أو أعيد الترم أو كيف

طالب تحضيرري
19th February 2012, 06:37 PM
للي يسال عن الفرق بالشهادة اعتقد جامعة الملك سعود اقوى بكثير يكفي انها اول جامعة سعودية وتصنيفها العالمي متقدم

Dr.Day
21st February 2012, 05:57 PM
تحدوهـ البشر

نعم بلوكات في كلية الطب ، لكن بعد السنتين التحضيريتين.

.
و لا أعلم عن نظام الإعادة ، إلا إنه حسب علمي يوجد فرصة لإعادة الامتحان مرة أخرى.

Dr.hUsSaM
22nd February 2012, 08:37 PM
يآربآهـ كم آنآ محتآر ,, مدري وش آدخل ,, :(

Dr.Natroo
23rd February 2012, 10:47 AM
يآربآهـ كم آنآ محتآر ,, مدري وش آدخل ,, :(

خلص الثانوية ومرفقاتها وبعدين فكر فيها ترى في وقت

:)

β A Đ Ę Я
24th February 2012, 06:16 PM
السلام عليكم .. أخباركم إن شاء الله بخير .. جيتكم وإن شاء الله تفيدوني

طبعا إن شاء الله أكون من طلابكم السنة الجاية .. قمت أقرا عن الجامعة وفهمت شوي وانلخمت شويات

أنا اللي فهمته .. اذا انقبلت بتخصص معين خلاص أخشه على طوول

بس على أي اساس يقبلوني على النسبة المركبة ولا اختبار القبول ولا المقابلة الشخصية ؟؟

وبخصوص النسبة المركبة .. أنا بالثانوية نسبتي ولله الحمد 100% وبالقدرات 88% .. كم يبي لي أجيب بالتحصيلي ؟ والقدرات بعد أرفعها ؟؟

وأنا أبغى طب بإذن الله .. ومابي غيره ^^"

وسؤال برضو مهم .. فيه سكن للطلاب بالجامعه وهل هو قريب ولا كيف ..؟ وإن كان فيه سكن ممكن صور له ^_^ ..؟

هذا اللي عندي أتمنى منكم إجابـتـي :) وشكراً

I c a n
25th February 2012, 11:21 PM
يبيلك تآخذ في التحصيلي +90

GolDeN_BoY_
2nd March 2012, 05:18 AM
طيب انا متخرجة في السنة التحضيرية بسعود بمعدل عالي بس ما حصل انو انقبل في الطب فيها

هل فيه أمل أدرس في الحرس من جديد ؟؟

بعد 8 شهور تقريبا .. قلب2


المسكلو كان حلو وواضح ،،

متفائله بكارديو اولى و اندوكراين ثاني ض2قلب2قلب2




سبحان الله مالك الا المكتوب لك .. :)

Dr.Natroo
2nd March 2012, 03:24 PM
المشاركة الأصلية كتبت بواسطة Miss cutty
طيب انا متخرجة في السنة التحضيرية بسعود بمعدل عالي بس ما حصل انو انقبل في الطب فيها

هل فيه أمل أدرس في الحرس من جديد ؟؟


بعد 8 شهور تقريبا ..

متأكد أخوي في تحويل ؟

وكم تقريبا المعدل اللي طالبينه ؟

GolDeN_BoY_
2nd March 2012, 03:35 PM
^


مين يقول فيه تحويل ؟


الاخت ميس كيوتي انقبلت في القبول الصيفي لان معدل التخصيص نزل للبنات ..


لا تقولني مالم اقله الله يصلحك ض2

Dr.Natroo
2nd March 2012, 04:22 PM
^


مين يقول فيه تحويل ؟


الاخت ميس كيوتي انقبلت في القبول الصيفي لان معدل التخصيص نزل للبنات ..


لا تقولني مالم اقله الله يصلحك ض2

معليش قلب2

حسبت في تحويل :×

:)

D.Gem
2nd March 2012, 04:56 PM
اقدر احول لها

Dr.Natroo
2nd March 2012, 05:02 PM
اقدر احول لها

انت تبي طب ولا صيدلة ؟

اما بخصوص التحويل فاللي اعرفه ممنوع وتقبل تقريبا 80 طالب في الطب.

موفق.

:)

Miss cutty
2nd March 2012, 10:13 PM
هههههه ،،

الحمدلله يارب قلب2

كتبت بعد "لعل الله يحدث بعد ذلك أمراً" ض2 >>~ ما اقتبست هذي يا يزيد ليش ض2

ما نسيت وقفتكم معاي خصوصاً بيدو ، قولدن ، ديزيكو ،، ن2
و كل اللي وقفوا معاي بموضوعي السابق ،، قلب2

نفع الله بي و بكم الاسلام و المسلمين يارب العالمين قلب2

I c a n
2nd March 2012, 10:30 PM
هههههه ،،

الحمدلله يارب قلب2

كتبت بعد "لعل الله يحدث بعد ذلك أمراً" ض2 >>~ ما اقتبست هذي يا يزيد ليش ض2

ما نسيت وقفتكم معاي خصوصاً بيدو ، قولدن ، ديزيكو ،، ن2
و كل اللي وقفوا معاي بموضوعي السابق ،، قلب2

نفع الله بي و بكم الاسلام و المسلمين يارب العالمين قلب2

آها :00: الله يوفقك قلب2. أحس إنك عانيتي ذيك الآيام :ورده::ورده:

ما لا نهاية
3rd March 2012, 11:22 AM
اشكرك اختي ع الموضوع
السؤال الاول سمعت من مصدر موثوق انهم بيزيدون مقاعد طلاب كلية الطب (اتكلم عن الرياض)
فما عندك معلومات كم بيصير عدد الطلاب ؟؟ العام كانوا 85 ماتدرين هالسنة كم؟؟
الثاني/نظام الجامعة نسيت اسمه صراحة اللي هو مبني على حل المشكلات ومدري ايش هل
هالنظام معمول به في جامعة الملك سعود الاصليةa020
والاخير/هل تدخل في هالجامعة الواسطات؟؟

الله يا الدنيا

هذا أنا الحين فيها

ومندبلتن تسبدي:لي:

β A Đ Ę Я
21st March 2012, 03:17 PM
السلام عليكم

بغيت أسأل قريت بأحد المواضيع إن الدراسه عندكم لو رسبت في مادة تعيد السنه من جديد

هل الكلام ذا صحيح .. وإن ماهو صحيح وش الإجراءات اللي تصير لو رسبت في مادة ..؟

وبخصوص السكن هل يوجد سكن للجامعه .. وإن كان لازم إني أستأجر حول الجامعه فلو ماعليكم أمر وش أسعار الشقق اللي حولها وهل هي بعيده ..؟


وبالتوفيق ...

Dr.Day
25th March 2012, 11:27 AM
BADER

حسب علمي ، يكون فيه فرصة للإعادة . و في حال نجحت تكون D حتى ولوحصلت في امتحان الإعادة على درجة عالية.

و للأسف لا يوجد سكن حاليا للطلاب أو الطالبات .

β A Đ Ę Я
25th March 2012, 09:53 PM
طيب الشقق اللي حول الجامعه هل هي قريبه أو بعيده ووش أسعارها تقريباً ..؟

طالبه علم2
25th March 2012, 10:04 PM
بجاااوبك اخوي ولو اني تو اشوف الموضوع

في فندق دوم
وكمااان شقق اعتبرها قريبه منها ماهي بعيده

β A Đ Ę Я
25th March 2012, 10:15 PM
طيب وش الأسعار ولو بشكل تقريبي أنا بروح إن شاء الله لو تم قبولي أكيد بس تعرف لازم أستفسر أول

الله لايهيينك ^__^

طالبه علم2
25th March 2012, 10:19 PM
والله ماااعرف الاسعار
بس ان شاء الله تكون رخيصه بس انا اللي سمعته انو يبنون الان وراها سكن للطلاب والله مااادري عن هذا الخبر هو صحيح او لا

ربي يكتبلك الخيره اخي

انا كان ودي فيهااا بس ربي مااااكتب والى لان كلما امر من عندها اكتم عبراااتي

عليك بالاستخااره اخي

β A Đ Ę Я
28th March 2012, 03:39 PM
جزاك الله خير أخوي

وإن شاء الله راح أستخير والخيره فيما يختاره الله ..

طمموحي الطب
15th April 2012, 02:48 PM
السلام عليكم ورحمه الله بركاته

بستفسر عن جامعه الملك سعود بن عبدالعزيز للعلوم الصحيه ((الحرس الوطني))

الللي اعرفه انها سنتين تحضيري
وسوالي هل ادرس الكيمياء والفيزياء والاحياء والرياضيات
ومن خلال هالسنتين لازم اجيب معدل مطلوب ولا اي معدل
وحابه اعرف تخصص طب الاسنان كم سنه
وهل يوجد قسسم للطب ف جده او بس تمريض
ياليت تفيدوني

wsswaas
16th April 2012, 12:08 AM
هل الجامعة تقدم MD?

Dr.Day
20th April 2012, 09:03 PM
طموحي الطب

نعم سنتين تحضيريين ، تدرسين خلالها اللغة الإنجليزية - العلوم الأساسية ( الأحياء - الكيمياد - الفيزياء ) - و العلوم الأساسية الطبية ( علم التشريح ٠ علم الأمراض - المناعة .. الخ ).
ما يختص بالمعدل ف لا يقل عن ٣.٥ حتى تتمكني من إكمال الدراسة
لايوجد طب أسنان للطالبات
و حتى الآن لا يوجد كلية طب للطالبات في فرع الجامعة بجدة.

طمموحي الطب
26th April 2012, 01:01 AM
مشكور اخوي جزاك الله خير
بس حابه اسال ف التمريض ؟؟
سمعت انو خمس سنوات سنتين تحضيري وسنتين تخصص وسنه امتياز؟؟
<<بجامعه الملك سعودللعلوم الصحيه فرع جده طبعا
والمعدل 3ونص للطب وولا للتمريض
واذا ماجبت المعدل المطلوب خلال السنتين التحضيري ايش هوا مصيري
وهل الانجليزي يشكل اهميه كبيره

وشششككرا

د.معاشي
26th April 2012, 01:41 AM
^
كلامك صحيح هناك سنتين تحضيرية

بس تكون ظاما من البداية التخصص
تفرق عن التحضيرية هنا (تحضيرية + ٣ سنوات نظري + امتياز ؛

د.معاشي
26th April 2012, 01:43 AM
نعم تقدم MD

الفراوله123
30th April 2012, 12:03 AM
السلام عليكم
بسأل عن الوظائف الاداريه بكلية الطب للبنات
كيف دوامهم؟؟ورواتبهم؟؟وهل الموظفات لهم ملفات بالحرس نفسه؟؟وش مميزات هالوظائف عن الوظائف الاداريه الحكوميه الاخرى؟

Hanoo AS.
18th May 2012, 01:53 AM
ايون ايون انا عندي سؤالين:مر2:
الحين ادري ان كلية الحرس تبع جامعة سعود اوكي ؟
بس هي اساسا تحت ادارة مين يعني ؟ امير ولا تتبع لادارة جامعة الملك سعود ؟
ابوي سالني قللت مدري :what

السؤال الثاني : زي ماقلتي الرغبات حقتي اول باول وعلى حسب درجاتك تنقبلين برغباتك
بس مو سعود يبون نسبه اكبر ؟ فكيف راح احط خياري الاول الحرس بعدين سعود ، وبالاساس سعود اعلى يعني من باب اولى ماقبلتني الحرس اكيد ماتقبلني سعود ولا ؟

وشكرا :×

breathless.
18th May 2012, 04:38 AM
^
كلية الحرس اللي هي نفسها جامعة الملك سعود بن العزيز الصحيه مو تابعه لجامعة سعود (اللي هي هذي الكلية غ1 )
يعني تعتبر جامعة غير بس تشابه اسماء

ومن ناحيه القبول بالعادة الحرس تطلب معدل قبول أعلى من تحضيريه سعود