المساعد الشخصي الرقمي

مشاهدة النسخة كاملة : الـ Dsl من الـ (أ) إلى الـ (ي) ..



WYSIWYG
14th November 2005, 05:40 PM
السلام عليكم ورحمة الله وبركاته ..
مساء الخير ، صباح الخير

..

كما نعلم أننا الآن في عصر التطور والتقدم التقني ، والـ DSL - Digital Subscriber Line من إحدى أفضل وسائل الإتصال بالإنترنت ،
وكما نعلم أن الـ (DSL) أريح وأوفر وأفضل وأحسن وأسرع وكل البيت يشتغل بنفس الوقت ووو ألخ .. من الدايل أب بكثيير وبمراحل ..
معدل الفواتير يتقلص إذا تم الإشتراك فيه ، بحسبة بسيطة :

- 300 ريال (تُدفع أول مرة رسوم تأسيس)
- رسوم الإشتراك الشهري لـ شركة الإتصالات السعوديه ( سرعة 128 kb بـ 90 ريال ، 256 kb بـ 100 ريال ، 512 kb بـ 120 ريال ، 1 mb بـ 150 ريال )
- رسوم الإشتراك الشهري لـ مزود خدمة الإنترنت ( سرعة 64 kb بـ 69 ريال ، 128 kb بـ 138ريال ، 256 kb بـ 207 ريال ، 512 kb بـ 349 ريال ، 1 mb بـ 646 ريال )
"أسعار الإشتراكات تتغير وتختلف من مزود خدمه إلى آخر" ..
(الأسعار تتغير دائما ًوهذي ليست بآخر الأسعار)

ويكثر السؤال حول الخطوات الواجب عملها للحصول على الـ (DSL) ..
سوف أحاول أن ألخصها في أمور يسهل إدراكها ،
وسوف نخصص مواضيع أخرى لطريقة عمل الشبكات المنزلية (السلكية ، اللاسلكية) إما شبكة (إنترنت ، نقل ملفات ، إشتراك في طابعة ، وغيرها ..) ..

المرحلة الأولى :
إذا أراد شخص أن يقدم على خدمة الـ DSL كل ما عليه هو الإتصال بـ (907) وطلب الخدمة ، والذي يحصل هو التأكد من أن الخط يدعم الـ DSL أو لا ؟
أي أنه يقبل أن يتم تحويله من (Analog to Digital) إذا تمت العملية بنجاح بعد أي مدة محددة ينتهي الآن أمر الإتصالات السعودية في أنها ركبت لك الخدمة ..

المرحلة الوسطى :
يأتي الآن دور مزود الخدمة (ISP) ، في أن تحصل على إشتراك بالسرعة التي ترغبها عن طريقهم والمتوفر للمنازل (64،128،256)
وكل سرعة لها تسعيرة محددة تؤخذ بـ (الشهر ، ثلاث شهور ، ست شهور ، سنة) وتختلف من شركة إلى آخر ..
السؤال الآن ما أفضل شركة تقدم هذي الخدمة ؟
الشركات كثيرة وكل شركة تنفرد بمزايا ..
ولكن طالما أن الشخص في دائرة الشركات العملاقة في هذا المجال فلا خوف عليه ، والتجربة أيضا ً لها دور فعّال ، شهر في شركة وشهر في شركة حتى يتم الإرتياح للإحداهم ..
وبعد التعاقد تعطى (إسم مستخدم) + (رقم سري) خاص بالإشتراك الشخصي لك ..

المرحلة النهائية :
إختيار المودم ، وطريقة التركيب ، تعريف الإشتراك ، سلكي لا سلكي ، وغيرها ..
وهذي المرحلة الي يكثر السؤال عنها تقريبا ً ..
إختيار المودم يكمن في إختيار نوعية الشبكة (سلكي - لا سلكي) وأنا بأعرض الأفضل لهما :

الشبكة السلكية :
مودم (Speed Toush 510) :
http://www.thomson-broadband.co.uk/products/images/extras/510E_image1.jpg
مواصفاته :
أربع منافذ (ويقبل أكثر) - كيبل (سلكي) - جدار حماية (Advanced Firewall) - سعره بين (300 - 350) ريال ..
وإذا أردت أن تكوّن به شبكة لا سلكية مع هذا المودم تستطيع أيضا ً عن طريق ربطه بواسطة (الكيبل) بـ Access Point ومنها يتم التوزيع لاسلكي للأجهزة وسلكي لبعض الأجهزة على حسب رغبتك ..
عيبه : تمديد الأسلاك بالبيت بين المودم للأجهزة .

الشبكة الاسلكية :
مودم (Speed Toush 580) :
http://www.thomson-broadband.co.uk/products/images/extras/580_image1.jpg
مواصفاته :
أربع منافذ (ويقبل أكثر) - كيبل (سلكي) - لاسلكي (Built-in Wireless) - جدار حماية (Advanced Firewall) ..
وإذا أردت أن تكوّن به شبكة لا سلكية مع هذا المودم تستطيع بدون الحاجة إلى Access Point لأنه من الأساس يقبل الاسلكي ولكن إذا أحتجت التوصيل إلى مسافة بعيدة خارج حدودة
(100 متر بدون حواجز - 30 متر بحواجز) تربطه بواسطة (الكيبل) بـ Access Point ومنها يتم التوزيع لاسلكي للأجهزة وسلكي لبعض الأجهزة على حسب رغبتك أيضا ً..

مودم (Wireless-G ADSL Gateway - Linksys WAG54G) :
http://www1.linksys.com/products/image180/wag54g.jpg
مواصفاته :
لاسلكي (Built-in Wireless) - جدار حماية (Advanced Firewall) - يدعم (Supports up to 5 IPSec) - لمعلومات أكثر إضغط هُـنا (http://www1.linksys.com/international/product.asp?coid=19&ipid=667)

Access Point - Wireless-G Access Point - Linksys WAP54G:
http://www1.linksys.com/products/image180/wap54gv1.1.jpg
مواصفاته :
لاسلكي (Built-in Wireless) - جدار حماية (Advanced Firewall) - لمعلومات أكثر إضغط هُـنا (http://www1.linksys.com/international/product.asp?coid=19&ipid=611)

وإختيار المودم يرجع لرغبة الشخص فيه ، جميع الي ذكرتها لكم هي أفضل الموجود لكلا الحالتين (السلكية ، الاسلكية) لذا يرجع الأمر الآن إلى الإختيار الشخصي ..

إذا ً سوف ألخص لكم الخطوات بإختصار :

1/ الإتصال بـ 907 وطلب الخدمة ..

2/ أخذ الإشتراك من مزود الخدمة ISP ..

3/ شراء مودم (سلكي أو لا سلكي) ..

4/ شراء كرت شبكة لمن لا يوجد عنده كرت شبكة وهي :
أ/ كرت شبكة داخلي يتركب على المذربورد للكيبل ، سعره (20 - 30) ريال ..
ب/ كرت شبكة لاسلكي داخلي يتركب على المذربورد مباشرة أو نوع Linksys يتركب مع منفذ الـ USB وكلها تقريبا ً سعرها واحد 180-200 ريال ..

5/ شراء(سبلتر) لخط البيت بحدود الـ 40 ريال ..
http://www.gsclimited.com/splitter.jpg
لأن الخط كما نعلم تحول من Analog to Digital لذا فالخط الآن يدعم الـ DSL + غير مشغول ..
لذا فهذي القطعة عبارة عن قسّام تركبه ، سلك يطلع منها للسنترال (إذا مهب سنترال للتلفون) وسلك للمودم وسلك جاي من برى ..

+ بالنسبة للاسلكي :
أ/ إذا كنت الإشارة ضعيفة فأنت تحتاج إلى مقوي إشارة :
إما :
الأول : تركب Access Point من شركة مثلا ً Linksys ..
أو :
الثاني : تركب مقوي إشارة عبارة عن قطعة صغيرة ..
لأن طبعا ً المودم الأساسي يبي يكون في الدور الأسفل والمقوي في الدور الثاني ..

ب/ بالنسبة لتركيب الشبكة (السلكية ، الاسلكية) غالبا ً الشركة مزودة الخدمة تقوم بعملية التركيب لك بالمنزل على حسب الطلب + مبلغ التركيب ..
ولكن إذا أراد الشخص أن يقوم بتركيبه بنفسه (أفضل) و واجهتة أي مشكلة إن شاء الله ما نقصر معه ..
ويحرص صاحب الشبكة الاسلكية على (Wireless Security) والموضوع هذا فيه شرح تفصيلي أيضا ً لهذي الـ Tools : مـذكرات هــــــــــــاكر(صفحة الشبكات) (http://www.cksu.com/vb/showthread.php?t=18921) ..

//

النهاية :
اتمنى أنني وفقت في الشرح والمعلومات ، واستقبل جميع إستفساراتكم بكل أريحية تامة ..
للمعلومية :
الموضوع هذا (Open & Free Source Code) بشرط الإشارة لصاحب الموضوع :) ..


تحياتي لكم ..

فهد الفيصل
14th November 2005, 09:00 PM
أخــوي WYSIWYG :)


تراي حضرت ماجستير + دكتوراه بسبة هالـ DSL لكن المنحوس منحوس وصل للكبينة لكن المشكلة من الكبينة الى البيت مايوصل يبي لها بنيه تحتيه وتكلف 10.000.000 ممكن تسلفنا أياها :D:D:D:D


يعطيك الف عـافـيـة :)

Hisham
15th November 2005, 06:16 PM
موضوع رائع ووافي اخوي Wysiwyg

يعطييك العافية و ما قصرت :)

WYSIWYG
22nd November 2005, 11:54 AM
أخــوي WYSIWYG :)
تراي حضرت ماجستير + دكتوراه بسبة هالـ DSL لكن المنحوس منحوس وصل للكبينة لكن المشكلة من الكبينة الى البيت مايوصل يبي لها بنيه تحتيه وتكلف 10.000.000 ممكن تسلفنا أياها :D:D:D:D
يعطيك الف عـافـيـة :)

على هذا الحال تستاهل دكتورها فخرية :) ، وعلى طاري البنيه التحتيه والسلف عندي لك حل :)
خدمة الإنترنت الفضائي (إضغط هُـنا) (http://www.saudisky.com/how.html) ..
والله يعافيك عزيزي ، شكرا ً لك ..

..


موضوع رائع ووافي اخوي Wysiwyg
يعطييك العافية و ما قصرت :)

الله يعافيك ويرضالي عليك عزيزي ،
شرفتنا :)

..

المستلج
22nd November 2005, 03:00 PM
تشكر يالغالي

بس حبيت استفسر عن أفضل الشركـات ، ، يكون دعمها الفني 24 ساعه
وأسعارها منـاسبة واهم شئ مجربــه

WYSIWYG
23rd November 2005, 10:30 AM
تشكر يالغالي
بس حبيت استفسر عن أفضل الشركـات ، ، يكون دعمها الفني 24 ساعه
وأسعارها منـاسبة واهم شئ مجربــه

العفو عزيزي ، وحياك الله ..
بالنسبة للشركات مثل ما ذكرت لك قبل طالما إنك بالشركات الكبيرة فلا خوف عليك ،
والشخص يجب أن يلعب دور المُجرب ..
عموما ً بأذكر لك ثلاث شركات دعمها الفني 24 ساعة + عملاقة بخدمات الإنترنت :
شركة جيل (صفحة الأسعار) ، "إضغط هُـنا" (http://www.jeel.com/new/arabic/prices.asp)
شركة أول نت (صفحة الأسعار) ، "إضغط هُـنا" (http://www.awalnet.net.sa/arabic/files/awal_dsl_price_list.asp)
شركة سعودي نت (صفحة الأسعار) ، "إضغط هُـنا" (http://www.saudi.net.sa/html/prices.php)

..

بالتوفيق ..

أبو دودي
10th December 2005, 08:22 AM
موضوع رائع ومجهود تشكر عليه ...

صرااحه أنا ماأتحمل إني أشغل النت بدون Dsl صراااحه صار من أهم المتطلبات عندي لكن على كل حال هو يستاهل والله يديمه علينا ..

اخوكم أبو دودي ..

Lo_alfredo
13th December 2005, 02:18 AM
لو سمحت إذا ممكن تشرح لي السبلنتر بالتفصيل !!

يعني سلك الـ Phone يروح لخط التليفون وسلك المودم يروح للمودم

لكن السلك حق الـ Line وين يروح ؟؟ أنت قلت أنه (( سلك جاي من برى )) ممكن توضح ؟؟

لأنه بصراحه تعبت وأنا أحاول أعرف المودم على الجهاز بدون فايدة


مع تحياتي لكم ...!!

لحن الحروف
13th December 2005, 03:50 AM
ياخوي صراحة خوفتني بموضوعك

انا قدمت على الخدمة من اسبوع من شركة الاتصالات وقالوا لي انثبري ثلاثة شهور انتظار

بس ما ادري هل بعد هالثلاثة شهور يشتغل عندي او انه معناها بعد ثلاثة شهور يشوفون هو المقسم حق حينا فيه الخدمه والا لا ؟؟؟؟؟


الشي الثاني الاشياء الي قلتها ذي كلها لما اطلب من مزود الخدمة يركبها لي كلها بدون وجع راس والا لازم انا اركبها

وهل التركيب للكمبيوتر المكتبي يختلف عن اللاب توب في الكيفية والسعر والا لا



وختاما لو بحمل ملف حجمه 40 ميجا على سرعة 128 كم يبغاله من الوقت ؟؟؟


واسفة على الاطالة وكثر الاسئلة

تحيات اختك


لحن الحروف

WYSIWYG
13th December 2005, 10:43 AM
موضوع رائع ومجهود تشكر عليه ...
صرااحه أنا ماأتحمل إني أشغل النت بدون Dsl صراااحه صار من أهم المتطلبات عندي لكن على كل حال هو يستاهل والله يديمه علينا ..
اخوكم أبو دودي ..

حياك الله عزيزي ،
وشكرا ً على هذا الإطراء الجميل ..

..


لو سمحت إذا ممكن تشرح لي السبلنتر بالتفصيل !!
يعني سلك الـ Phone يروح لخط التليفون وسلك المودم يروح للمودم
لكن السلك حق الـ Line وين يروح ؟؟ أنت قلت أنه (( سلك جاي من برى )) ممكن توضح ؟؟
لأنه بصراحه تعبت وأنا أحاول أعرف المودم على الجهاز بدون فايدة
مع تحياتي لكم ...!!

أهلا ً وسهلا ً ،
السبلتر مثل ما موضح بالصورة بثلاث منافذ ، وهي :
منفذ الـ Phone : يوصل بالسنترال أو جهاز التلفون مباشرة إذا مهب سنترال .
منفذ الـ Line : يوصل فيه السلك الي جاي من (البوكسية) بالخارج .
منفذ الـ Modem : توصل بالمودم مباشرة .
بالنسبة للمشكلة الي تواجهك إذا ما انحلت بسبب الأسلاك ، يا ليت تزودنا بنوع المودم حقك ،
تحياتي لك ..

..


ياخوي صراحة خوفتني بموضوعك
انا قدمت على الخدمة من اسبوع من شركة الاتصالات وقالوا لي انثبري ثلاثة شهور انتظار
بس ما ادري هل بعد هالثلاثة شهور يشتغل عندي او انه معناها بعد ثلاثة شهور يشوفون هو المقسم حق حينا فيه الخدمه والا لا ؟؟؟؟؟
الشي الثاني الاشياء الي قلتها ذي كلها لما اطلب من مزود الخدمة يركبها لي كلها بدون وجع راس والا لازم انا اركبها
وهل التركيب للكمبيوتر المكتبي يختلف عن اللاب توب في الكيفية والسعر والا لا
وختاما لو بحمل ملف حجمه 40 ميجا على سرعة 128 كم يبغاله من الوقت ؟؟؟
واسفة على الاطالة وكثر الاسئلة
تحيات اختك
لحن الحروف

حياك الله ،
وما فيه خوف إن شاء الله .. ولكن الخوف وش علاقته في موضوعي ؟
بالنسبة للتقديم على الإتصالات عن طريق الـ 907 لا مانع من الإتصال مرارا ً وتكرارا ً من باب ما جاء في الحرص على الشيء ،
والإتصال على 904 وطلب حضور فني لكي يكشف على مقسم البيت وإمكانية تحويلة ،
ولكن إن شاء الله الأمر يبي يتسهل ولو بعد فترة وجيزة ..
بالنسبة للتركيب تقدرين عند إشتراكك بالشركات الي ذكرتها مثلا ً بالرد #6 أنك تطلبين منهم خدمة التركيب ولها رسوم خاصة فيها تختلف من شركة إلى آخر ومن عدد الأجهزة الي بالبيت ،
وما تفرق نوعية الجهاز ..
تحميل الملفات بالنسبة للسرعة 128 كيلو بت = 15 كيلو بايت
// 256 كيلو بت = 32 كيلو بايت
// 64 كيلو بت = 8 كيلو بايت
،
بعض الشركات تعطيك في إشتراكات الـ 128 كيلو بت سرعة تحميل تتراوح بين الـ 15 - 29 كيلو بايت
رغم أن المعدل الطبيعي لها يجب أن يكون بين الـ 12 - 15 كيلو بايت ،
الـ 40 ميقا في سرعة الـ 128 كيلو بت =~ 17 - 20 دقيقة تقريبا ً ..
وحياك الله ، وبالتوفيق ..

..

MerMaiD
13th December 2005, 01:47 PM
مرحبا :)

يعطيكـ ألفـ عافيه خيوو ..

م. بسام السحيباني
14th December 2005, 11:34 AM
مشكوووووووووور أخوي
على هذا الموضوع الرائع

وبالنسبة للي طالبين DSL فأنصحهم يتحلون بالصبر ولامانع من الاتصال على 907 بشكل دوري
لأني طالبها قبل 9 شهور وما جتني إلا قبل أسبوع


لكن عندي استفسار أنا أستخدم مودم من نوع Speedtouch 585
بواير لس طبعا الاستفسار هو
في جهاز آخر مربوط بواسطة الشبكة اللاسلكية والبعد تقريباً 15-20 متر وجهازه Linksys من نوع USB
وتصل قوة الإشارة عنده 25-30
السؤال / مالذي تنصح بتركيبه لتصبح الإشارة لديه مرتفعة وأين يكون التركيب أقرب إليه أم إلي أم في المنتصف
وممكن اسم الجهاز ونوعه

WYSIWYG
14th December 2005, 02:45 PM
مرحبا :)
يعطيكـ ألفـ عافيه خيوو ..

مرحبتين ،
والله يعافيك ، شكرا ً على حضورك ..

..


عندي استفسار أنا أستخدم مودم من نوع Speedtouch 585
بواير لس طبعا الاستفسار هو
في جهاز آخر مربوط بواسطة الشبكة اللاسلكية والبعد تقريباً 15-20 متر وجهازه Linksys من نوع USB
وتصل قوة الإشارة عنده 25-30
السؤال / مالذي تنصح بتركيبه لتصبح الإشارة لديه مرتفعة وأين يكون التركيب أقرب إليه أم إلي أم في المنتصف
وممكن اسم الجهاز ونوعه

أهلا ً وسهلا ً ،
بالبداية جهازك المودم يغطي مسافة (Typical Indoor coverage: 60m) ،
طبعا ً له أربع منافذ للكيبل RJ45 + الـ Wireless ،
غالبا ً يا عزيزي الأجهزة تعمل على تغطية بحدود (25 - 30) متر ، إذا كان هناك عزل (داخل المنزل) ،
سأتحدث عن طريقة بإفتراض أن البيت دورين وهذي بعض الإقتراحات :
الأول : الدور الأول فيه المودم - الدور الثاني يُركب فيه Access Point من شركة مثلا ً Linksys
ويوصل بينهم بيكيبل (RJ45) ، ولا يحتاج أي جهاز إلى مقوي إشارة بعد ذلك ..
الثاني : الدور الأول فيه المودم - الدور الثاني يُركب فيه مقوي إشارة عبارة عن قطعة صغيرة تشبك بالكهرب
بدون توصيل كيبل من المودم ..
الثالث : يوضع المودم في منتصف البيت بالدور الأول - كل جهاز بالدور الثاني يُركب فيه مقوي إشارة عن طريق الـ USB ..


..

م. بسام السحيباني
14th December 2005, 04:04 PM
أخوي
Wysiwyg

مشكوووور أخوي على هذه الحلول والمتابعة الرائعة لاحرمناك

الحل الثاني والثالث مقبولين
لكن ممكن أسماء القطع ولو قدرت على صور لها وكم أسعارها تقريباً
وكم قوة الإشارة التي يكون عندها الاستقبال جيداً

WYSIWYG
14th December 2005, 04:41 PM
أخوي
Wysiwyg
مشكوووور أخوي على هذه الحلول والمتابعة الرائعة لاحرمناك
الحل الثاني والثالث مقبولين
لكن ممكن أسماء القطع ولو قدرت على صور لها وكم أسعارها تقريباً
وكم قوة الإشارة التي يكون عندها الاستقبال جيداً

العفو ولو عزيزي ،
بالنسبة للحل الأول :
(الأول : الدور الأول فيه المودم - الدور الثاني يُركب فيه Access Point من شركة مثلا ً Linksys
ويوصل بينهم بيكيبل (RJ45) ، ولا يحتاج أي جهاز إلى مقوي إشارة بعد ذلك ..)
تقدر تخلي الـ Access Point في منتصف البيت أيضا ً (الدور الأول) مع توصيلها بالكيبل من المودم + مقويات إشارة على الأجهزة ..
،
مقويات الإشارة الي تشبك بالجهاز من نوع Wireless USB Adapter كثيرة منها :
http://www.usr.com/support/5422/5422.jpg
USRobotics® 802.11g Wireless USB Adapter سعره : 125 ريال ..
..
http://www.i4u.com/images/xbox_360_wireless_adapter.jpg
Xbox 360 Wireless Network Adapter سعره : 380 ريال ..
..
http://images.belkin.com/F5D7050/STD1_F5D7050.jpg
Wireless G USB Network Adapter سعره : 225 ريال ..
..
http://img.shopping.com/cctool/PrdImg/images/pr/177X150/00/01/3b/54/da/20665562.JPG
Linksys USB200M USB Network Adapter سعره : 95 - 130 ريال ..
..
كرت الشبكة الاسلكية الداخلي :
http://www.usr.com/support/5417/5417.jpg
USRobotics® Wireless MAXg PCI Adapter سعره : 165 ريال ..
..
بالنسبة لمقوي الإشارة الي بالكهرب صراحة ما أذكر سعره ولا إسم شركته ،
ولكن بإمكانك بالعلومات هذي تسوي زيارة بسيطة لمحلات الكمبيوتر الواقعة في طريق العليا
وتبي تحصل على كل هذي الأمور ومن الممكن تختلف الأسعار يوم عن يوم ..

..

بالتوفيق ..

م. بسام السحيباني
14th December 2005, 06:50 PM
مشكوووووووور أخوي
على هذا الشرح الوافي

الآن مقويات الإشارة تختلف عن مستقبل الشبكة (كرت الشبكة ) أم هي نفسها
لأن الجهاز الآخر موجود فيه كرت شبكة USB من شركة Linksys

WYSIWYG
15th December 2005, 03:02 AM
مشكوووووووور أخوي
على هذا الشرح الوافي
الآن مقويات الإشارة تختلف عن مستقبل الشبكة (كرت الشبكة ) أم هي نفسها
لأن الجهاز الآخر موجود فيه كرت شبكة USB من شركة Linksys

العفو ولو ،
مقوي الإشارة ما يشبك بالجهاز مباشرة وله حالتين :
1/ إما يوصل بكيبل من المودم مباشرة مثل فكرة الـ Access Point .
أو
2/ إما يوصل بالكهرب فقط ويقوي إشارة المودم .
..
أنا كنت أقصد كروت شبكة لأن لها مدى في إستقبال الإشارة ،
ودام أن موجود عندك كرت شبكة ما فيه مشكلة ، كمل الحلقة الناقصة عندك عشان تضبط الوضع ..
..

م. بسام السحيباني
15th December 2005, 06:15 AM
ألف ألف شكر لك أخوي على هذا التوضيح الرائع
الذي أتحفتنا به
مع أنني أكثرت عليك في الطلبات
لكن إن شاء الله سيستفيد أعضاء المنتدى من هذا الموضوع المتميز

مشكور أخوي وما قصرت
وبانتظار المزيد من تميزك

د.شقراوي
15th December 2005, 09:39 PM
مرحبا


صراحة موضوع بطل ما قصرت اخوي WYSIWYG

الله يعافيك


لكن وينك اجتماع المشرفين كنا نتمى وجودك والله


----

بالنسبة لــ dsl لو يفكنا الله من الاتصالات ومشاكلهم راح نعيش بسلام

اذكر اول ما طلع الـ dsl رحت طاير متحمس ابي اشترك واخرتها رصوني شهرين انتظار وجا مندوب الشركة واسبوع ومرة يقول ما فيه اشارة ومدري ايش وكانوا يقصبون في الأسعار

خلاصة الكلام اني تبهذلت كثير في البداية

اتوقع الأمور تحسنت



سؤال اخوي ( واعذر جهلي )

انا الحين عندي usp مودم يشتغل في جهاز واحد منفذ واحد speed touch

يعني اشبك التلفون في المودم والمودم في الجهاز

سؤالي طال عمرك اذا بغيت اخليه wirless يعني واخلي جهاز الوايرلس في غرفتي

هل اشتري نفس جهاز حق اللي قلته ؟ والا فيه جهاز واستخدمه مع نفس المودم ؟

فيه واحد في مكتبة جرير بحدود 650 ريال ,, ويقولون سهل

وش رايك ؟

(( خوفي ان احد سأل هالسؤال قبل ))



لك الود

WYSIWYG
17th December 2005, 03:32 AM
ألف ألف شكر لك أخوي على هذا التوضيح الرائع
الذي أتحفتنا به
مع أنني أكثرت عليك في الطلبات
لكن إن شاء الله سيستفيد أعضاء المنتدى من هذا الموضوع المتميز
مشكور أخوي وما قصرت
وبانتظار المزيد من تميزك

العفو ولو عزيزي الكريم ،
سعدنا بالنقاش معك وفي إنتظار أي إشكال يواجهك ..
تحياتي لك ..

..

مرحبا
صراحة موضوع بطل ما قصرت اخوي WYSIWYG
الله يعافيك
لكن وينك اجتماع المشرفين كنا نتمى وجودك والله

مرحبتين ،
وشكرا ً على هذا الإطراء الجميل ،
إن شاء الله الإجتماعات القادمة يكون لنا نصيب فيها ..




سؤال اخوي ( واعذر جهلي )
انا الحين عندي usp مودم يشتغل في جهاز واحد منفذ واحد speed touch
يعني اشبك التلفون في المودم والمودم في الجهاز
سؤالي طال عمرك اذا بغيت اخليه wirless يعني واخلي جهاز الوايرلس في غرفتي
هل اشتري نفس جهاز حق اللي قلته ؟ والا فيه جهاز واستخدمه مع نفس المودم ؟
فيه واحد في مكتبة جرير بحدود 650 ريال ,, ويقولون سهل
وش رايك ؟
(( خوفي ان احد سأل هالسؤال قبل ))
لك الود

حتى لو السؤال متكرر الأهم توصلك المعلومات الي تبيها ،
بالنسبة للمودم حقك هو أتوقع : SpeedTouch 350i/360i ،
إذا تبي تشبك خط التلفون الي جاي من برى بالمودم ومن المودم للجهاز
على كذا ما تقدر تستخدم خط التلفون هذا !
خطك الآن أصبح digital يعني تقدر تستخدمه (تكلم - تستقبل) في نفس الوقت مثل ما ذكرت في فائدة السبلتر ..
عموما ً أنت الآن تبغى الإنترنت تصير عندك Wireless وتبغى تستفيد من المودم الي عندك ،
المشكلة طال عمرك إنك تحتاج Access Point فيها منفذ USB وهذي مهب موجودة !
لذا تبي تضطر إنك تشتري مودم Wireless والي عندك تكنسله ،
والمودم هذا حدوده دائرة نصف قطرها 100 متر مفتوحة - 30 متر مغقلة (بيت) ..
مثل : مودم (Speed Toush 580) وسعره تقريبا ً 400 - 500 ريال يبي يحل لك الإشكال كله ..

..

بالتوفيق ..

باحثة
29th December 2005, 07:16 AM
السلام عليكم
موضوع رائع ويليت قريته من زمان
والله يتبهذلت بهذلة بسبب DSLاول شي قالو لازم انتظر ثلاث شهور وبعدين قالو الخدمه راح تجي في شهر 6 /2006م يعني قطعت الرجاء انها تجي ولا دريت الا دقو قالو جت الخدمة

وطبعا الخلفيه ضعيفه عن هالخدمة صرت اتخبط ولا ادري وش اشتري ولو اقولكم طلعت برى الموضوع لكن اللي يبي يشترى اتمنى يتفحص السوق قبل لايسوي مثلي

المهم انا جهازي speed touch اربع منافذ كم اقصى مده يكون شغال فيها الجهاز وهل اذا طفيته وشغلتة يخرب لانه وحده قالت لازم ماطفينه وتشغلينه لازم يكون شغال فتره طويلة لايحترق ؟؟

WYSIWYG
31st December 2005, 12:07 AM
السلام عليكم
موضوع رائع ويليت قريته من زمان
والله يتبهذلت بهذلة بسبب DSLاول شي قالو لازم انتظر ثلاث شهور وبعدين قالو الخدمه راح تجي في شهر 6 /2006م يعني قطعت الرجاء انها تجي ولا دريت الا دقو قالو جت الخدمة

وطبعا الخلفيه ضعيفه عن هالخدمة صرت اتخبط ولا ادري وش اشتري ولو اقولكم طلعت برى الموضوع لكن اللي يبي يشترى اتمنى يتفحص السوق قبل لايسوي مثلي

المهم انا جهازي speed touch اربع منافذ كم اقصى مده يكون شغال فيها الجهاز وهل اذا طفيته وشغلتة يخرب لانه وحده قالت لازم ماطفينه وتشغلينه لازم يكون شغال فتره طويلة لايحترق ؟؟

وعليكم السلام ورحمه الله وبركاته ..
والشكر لله على أن الموضوع لقى الفائدة عن البعض ،
..
بالنسبة للمودم ممكن الي عندك (Speed Toush 510) ،
موضوع التشغيل والإيقاف مالها أي دخل بالمودم أو في خرابه ، من الأساس تقريبا ً كل 48 ساعة إذا كان شغال يفصل لمدة خمس دقايق مثلا ً في وقت يكون ما فيه إتصال (يعني محد يستخدم الجهاز) ،وطبعا ً مهب شرط ولكن ممكن يصير كذا ، وأنتي كذلك إذا ودك كل ثلاث أو أربع أيام تطفينه لمدة (عشر دقايق) عشان يبرد شوي مهب مشكلة ، الخلاصة تطفيه الجهاز أو جعله يشتغل طول الوقت مالها أي دخل في خرابه ..
..
بالتوفيق ..

باحثة
3rd January 2006, 12:47 AM
السلام عليكم

اشكرك اخوي على هالشرح وطولة البال

بس سويت فرمته لجهازي ومارضي يدخل على dsl عرفت انة بسب المودم التغى تعريفه جيت ابحملة ماعرفت اذا ممكن تشرح وش بس الخطوات لتعريف مودم Speed Toush 510

وشكراً

WYSIWYG
3rd January 2006, 02:01 AM
السلام عليكم

اشكرك اخوي على هالشرح وطولة البال

بس سويت فرمته لجهازي ومارضي يدخل على dsl عرفت انة بسب المودم التغى تعريفه جيت ابحملة ماعرفت اذا ممكن تشرح وش بس الخطوات لتعريف مودم Speed Toush 510

وشكراً

وعليكم السلام ورحمه الله وبركاته ..
العفو والشكر لله عزيزتي ،
إذا سويتي فورمات للجهاز ما فيه أي مشكلة أول ما تشبكين الكيبل حق الإنترنت يبي يسوي إتصال بالمودم ويشبك معك عادي ولا يلزمك تعريف للمودم ،
ولكن إذا بغيتي تدخلين على صفحة المودم عشان مثلا ً (تغير اليوزر - تغير الباسورد - تغير الإعدادات - مراقبة الشبكة - وغيرها)
إذا ً يجب عليك تعريف (Speed Toush 510) وهو على الطريقة التالية :
دخلي سي دي المودم ..
تأكدي أنك ما تستخدمين بروكسي عن طريق (أدوات - خيارات الإنترنت - إتصالات - إعدادت الـ LAN) ..
اكتبي بالمتصفح العنوان التالي :
10.0.0.138
أو
إذا طلعت لك الخيارات الي بالسي دي اختاري الخيار الثاني - بعدين أول خيار (السي دي مهب موجود معي الآن لذا استخدم الذاكرة :))
يبي يدخلك على صفحة المودم تبين تلقين على اليسار tools :
Basic - Advanced - Easy SetUp - 00e - .35 - and you complete
..
وبعدها يبي يتعرف المودم إن شاء الله ..

باحثة
3rd January 2006, 07:09 AM
هلا اخوي

يعني افهم انه حتى في تجديد الاشتراك يبي ادخل السي دي واعرفه ؟؟؟؟؟؟؟؟؟؟

على بالي في تجديد الاشتراك ادخل بس على الموقع واتبع الخطوات اللي ذكرت


تأكدي أنك ما تستخدمين بروكسي عن طريق (أدوات - خيارات الإنترنت - إتصالات - إعدادت الـ Lan) ..

كيف ماستخدمتة قصدك اشيل علامه الصح ولا امسح نهائي البروكسي

معليش على كثر الاسئله عليمية في ال دي سي ال

WYSIWYG
3rd January 2006, 10:43 AM
هلا اخوي
يعني افهم انه حتى في تجديد الاشتراك يبي ادخل السي دي واعرفه ؟؟؟؟؟؟؟؟؟؟
على بالي في تجديد الاشتراك ادخل بس على الموقع واتبع الخطوات اللي ذكرت
كيف ماستخدمتة قصدك اشيل علامه الصح ولا امسح نهائي البروكسي
معليش على كثر الاسئله عليمية في ال دي سي ال

أهليين ..

في حالة تجديد الإشتراك إذا لم يتغير (اليوزر-الباسورد) إذا ً لا يحتاج إلى الدخول لصفحة المودم ،
الدخول إلى صفحة المودم يلزمك تعريف المودم عشان مهب في مرة تبغين تدخلين للصفحة تدخلين السي دي
وصفحة المودم مثل ما ذكرت لك تدخلين لها إذا بغيتي تغيرين (اليوزر-الباسورد) ،
لأن غالب الشركات مثلا ً تتعاقد معهم على يوزر معين وفي كل فترة تسوي له تجديد بنفس (اليوزر-الباسورد) ،
،
بالنسبة للبروكسي ماتفتح لك صفحة المودم إلا إذا شلتي علامة الصح الي عند إستخدام البروكسي (إذا كان فيه بروكسي طبعا ً) ..
..

باحثة
8th January 2006, 07:15 PM
المودم اللي عندي Speed Toush 510)
سويت فرمته ولا راضي من كم يوم يدخل رحت حذفت تعريف البرنامج قلت بنزلة من جديد واحاول اعرفه مو راضي ؟؟؟؟؟افتح السي دي ويفتح سيت اب وبعدين تطلع لي رساله يعني مايكمل

مدورة الهين
8th January 2006, 07:58 PM
انا عندي نفس المشكلة انه حتى الاتصالات مو ظاهرة بعد ماعملت فورمات يعني لما اضغط اتصالات شبكة الاتصال واسوي اتصال مايطلع تكون الصفحه فاضية

م. بسام السحيباني
9th January 2006, 10:04 PM
طيب أختي باحثة

ممكن تكتبين الرسالة اللي تطلع لك أو تأخذين لها صورة

د ل خ 666
11th January 2006, 02:22 AM
يعطيك العافيه ,,,,,,,,,,,,,

WYSIWYG
11th January 2006, 06:08 AM
المودم اللي عندي Speed Toush 510)
سويت فرمته ولا راضي من كم يوم يدخل رحت حذفت تعريف البرنامج قلت بنزلة من جديد واحاول اعرفه مو راضي ؟؟؟؟؟افتح السي دي ويفتح سيت اب وبعدين تطلع لي رساله يعني مايكمل

أهلين ،
المشكلة ليست بالفورمات بل لا يوجد مشكلة من الأساس كل الي عليك سوي طريقة التعريف الي ذكرتها لك بالرد رقم #24 ،
وإن شاء الله كل شيء يبي يضبط ..

..


انا عندي نفس المشكلة انه حتى الاتصالات مو ظاهرة بعد ماعملت فورمات يعني لما اضغط اتصالات شبكة الاتصال واسوي اتصال مايطلع تكون الصفحه فاضية

مرحبا ،
لا تسوين شيء في إتصالات شبكة الإتصال أنتي عرفي المودم مثل ماهو موضح بالرد #24 وبعدها يبي يظهر لك الإتصال موجود عند الساعة ..
بالتوفيق ..

..


يعطيك العافيه ,,,,,,,,,,,,,

الله يعافيك وشكرا ً على زيارتك ..

..

باحثة
11th January 2006, 08:19 AM
معليش ابو سلطان اعطني وقت عشان اكتبها لانه بجهازي الثاني

اخوي Wysiwyg

طريقتك مانفعت لانه اصلا مايفتح المتصفح نهائي على الصفحه يعني اشبك المودم وادخل السي دي وامسح البروكسي واشيل منه علامه صح بس برضو مانفع شكل النظام بعد الفرمته ناقص ولا فيه شي

WYSIWYG
13th January 2006, 05:53 AM
اخوي Wysiwyg
طريقتك مانفعت لانه اصلا مايفتح المتصفح نهائي على الصفحه يعني اشبك المودم وادخل السي دي وامسح البروكسي واشيل منه علامه صح بس برضو مانفع شكل النظام بعد الفرمته ناقص ولا فيه شي

أهلن ،
وش المقصود بأن المتصفح ما يفتح أبدا ً ؟
هل يعني ما يفتح كـ نافذة متصفح ؟ أو ما يفتح الصفحة المطلوبة ؟
إذا ما يفتح كـ نافذة متصفح هذي مشكلة ثانية ..
أما إذا ما يفتح على الصفحة المطلوبة وهي صفحة المودم فيوجد مشكلة بالإعدادات الي سويتيها للتعريف ،
الحل مثل ما هو واضح قدامي للمشكلة أنك تدخلين السي دي وتحاولين تسوين التعريف عشان تقدرين تدخلين الصفحة ،
على فكرة الأنوار الي بالمودم الثلاثة لونها أخضر ؟ أو فيه وحده منهم تأشر (برتقالي) ؟
،
حاولي تسوين التعريف من السي دي بدون الدخول لصفحة المودم وهو أنك تعبين البيانات المطلوبة من يوزر وباسورد وغيرها ..

..

بالتوفيق ..

ياربي لاتبلانا
13th January 2006, 05:14 PM
اخوي WYSIWYG

أنا عندي مودم linksys - wireless G
والاتصالات اليوم يقولون انهم شبكوا الخط
لكن لما شبكت المودم لمبة الدي اس ال مانورت .. ونورت لمبة الانترنت الي جنبها ... ولمبة WLAN منورة بعد
دقيت على الاتصالات قالوا احنا شبكناه في البوكسية وانتهى شغلنا ... دقيت على سعودي نت قالوا هذي ماهي مشكلتنا
ايش المفروض اني اسوي انا الحين؟

باحثة
15th January 2006, 01:27 AM
وش المقصود بأن المتصفح ما يفتح أبدا ً ؟
هل يعني ما يفتح كـ نافذة متصفح ؟ أو ما يفتح الصفحة المطلوبة ؟
إذا ما يفتح كـ نافذة متصفح هذي مشكلة ثانية ..

لا اخوي يفتح كانافذه (ماني لهدرجه مسطولة ماعرف بس ال دي سي ال شغلته شغله )
المشكله انه مايفتح نفس الموقع 10.0.0.138 يعني المتصفح مايشتغل او مايتصفح بلاصح



أما إذا ما يفتح على الصفحة المطلوبة وهي صفحة المودم فيوجد مشكلة بالإعدادات الي سويتيها للتعريف ،
الحل مثل ما هو واضح قدامي للمشكلة أنك تدخلين السي دي وتحاولين تسوين التعريف عشان تقدرين تدخلين الصفحة ،
على فكرة الأنوار الي بالمودم الثلاثة لونها أخضر ؟ أو فيه وحده منهم تأشر (برتقالي) ؟

لا مايفتح على الصفحه المطلوبه واذا دخلت السي دي لما احاول اعرفه تطلع لي رساله .......بالنسبه لاانوار المودم شغاله اخضر لاني ادخل من جهازي الثاني عادي واتصفح

ومشكوووووووووووووور على طوله بالك

م. بسام السحيباني
15th January 2006, 08:29 PM
أختي ياربي لاتبلانا
اللمبة حقت الـ DSL ما تنور أبداً أو أنها تنور أحمر
واللمبة حقت الـ Internet منورة أخضر أم أحمر


أختي باحثة
إذا فتحتي العنوان 10.0.0.138 ماذا يعطيك المتصفح هل يعطي رسالة أم أنه ما يفتح بالمرة
وإذا ممكن الرسالة اللي تطلعلك إذا أردت تعريف المودم

باحثة
17th January 2006, 12:13 AM
هلا اخوي ابو سلطان
اذا فتحت المتفح يفتح عادي العنوان بس مايفتح لي شي بلمره هذا اولا

واذا جيت ابي اعرف المودم بعد ماحذفتة تطلع لي هالرساله



http://www.cksu.com/vb/uploads/6380/1137445693.jpg

باحثة
28th January 2006, 04:46 AM
??????????

لحن الحروف
30th January 2006, 12:13 PM
مرحبا اخوي معليش بنغثك شوي


اخوي أنا ركبت على جهازي DSL
مودم سلكي منفذ واحد USB
سرعة 128
لكن المشكلة انه ما اشتغل
لما اسوي اتصال يعطيني خطأ ويكتب لي

error 0678 : The remote computer did not respond . For further assistance ,click more Info or search help and support center for this error number
وانوار المودم الثلاثة يأشر منها الأخضر أما البرتقالي والأحمر ثابته

مزود الخدمه الي هو أول نت قالي العطل من شركة الاتصالات وانه ماركب الخدمة صح
وشركة الاتصالات جو وقالوا انهم صلحوه لكن المشكلة موجودة إلى الآن ماراحت
وأنا ضعت بين الثنين بين اول نت وبين شركة الاتصالات

ياخوي الله يرضى عليك شف لي صرفة اشتراكي بالـ DSL ماشي وانا ما استفدت منه

انواع القهر

وشكرا

WYSIWYG
31st January 2006, 07:20 AM
الأخت باحثة :
بالنسبة للرسالة الي تطلع لك معناها إنه في مشكلة بالتوصيل عندك
المودم مهب راضي يتعرف لأنه يقول ما فيه كيبل شبكة موصول بالجهاز !
التأكد مهب أن الكيبل موصول بالجهاز فقط ولكن التأكد هل أنه ينقل بيانات أو لا ؟
+
تأكدي هل مسوية تفعيل لـ TCP/IP عن طريق :
جهاز الكمبيوتر - لوحة التحكم - إتصالات الشبكة - إختاري أي إتصال - خصائص - تأكدي من القائمة الموجودة هل موجود فيها أو لا؟
إذا مهب موجود اضغطي على إضافة وسوي له إضافة ..
صراحة ً هل المشاكل بالتصور والتوقع الغير مرئي غير مُجدي ببعض المشاكل ..

..

لحن الحروف :
مرحبتين ،
بالنسبة للأنوار لازم يصير ثابت الأخضر وهذي غالبا ً مشكلة الإتصالات أو مشكلة بالتمديد الداخلي
لأن الكمبيوتر ما استقبل أي رسالة من المودم الآن ( هذا معنى الرسالة )
انصح بتوصيل المودم من البوكسيه الي (بالحوش أو الشارع) مباشرة بدون توصيله بالكمبيوتر لحظه التجربة هل تثبت على أخضر أو لا؟
+
عشان ما يروح عليك الإشتراك الي يحسب عليك أسرع طريقة حل أنه من أحد حقوقك أن الفني حق أول نت يسوي لك زيارة لحل المشكلة
عن طريق الإتصال بالرقم المجاني حقهم وطلبه ..

..

باحثة
8th February 2006, 02:36 AM
هلا اخوي

رحت وديت جهازي للمصلح بعد مادخت سبع دوخات والظاهر ان المشكله مثل ماقلت

وجزاك الله والجميع الف خير على نشاطكم ومواضيعكم والله فعلا استفيد من مواضيعكم استفاده ماتتخيلون

مـها
8th February 2006, 03:19 AM
السلام عليكم


أولا أشكر صاحب الموضوع على التقرير الوافي الذي إستفد منه بحق ..

سلمت يداهـ :)

طيب أنا عندي مشكله ركبت DSL وأشتغل مشكلته بطيئه جدا

ساعة أو ساعتين يصير سريع بعدين يرجع إلى حالته بطيئ ..

فأرجع أشبك السلك العادي :(

جربت جهاز آخر عليه يمشي تمام لكن كيف لي أن أعلم ما مشكلة جهازي ؟

م. بسام السحيباني
8th February 2006, 02:45 PM
أختي طالبة معرفة

من الممكن أن يكون هناك خطأ ببعض الإعدادات

أو أن يكون هناك برامج في جهازك تقوم بسحب السرعة قليلاُ

وغالباً بعد الفورمات تنحل المشكلة

تحيااااااااااتي

مـها
8th February 2006, 04:50 PM
مشكور أبو سلطان

يعني إذا فرمت الجهاز خلاص المشكلة تنتهي :)

طيب شلون طريقة الفرمته من غير ما تروح مستنداتي :(

ولا لازم أحفظها بمومري خارجي وبعدين أرجعها :)



يعطيك العافيه

WYSIWYG
8th February 2006, 10:38 PM
هلا اخوي
رحت وديت جهازي للمصلح بعد مادخت سبع دوخات والظاهر ان المشكله مثل ماقلت
وجزاك الله والجميع الف خير على نشاطكم ومواضيعكم والله فعلا استفيد من مواضيعكم استفاده ماتتخيلون

هلوين ،
ماشاء الله وعلى البركة ،
ووياك إن شاء الله بالخير ..

..


السلام عليكم
أولا أشكر صاحب الموضوع على التقرير الوافي الذي إستفد منه بحق ..
سلمت يداهـ :)
طيب أنا عندي مشكله ركبت DSL وأشتغل مشكلته بطيئه جدا
ساعة أو ساعتين يصير سريع بعدين يرجع إلى حالته بطيئ ..
فأرجع أشبك السلك العادي :(
جربت جهاز آخر عليه يمشي تمام لكن كيف لي أن أعلم ما مشكلة جهازي ؟

وعليكم السلام ورحمه الله وبركاته ،
الشكر لله عزيزتي ..
بالبداية حل المشاكل بالفورمات يعتبر حل نهائي لأنه يتعبر آخر حل يفكر فيه الشخص ،
من شرحك للكلام أن المشكلة مقتصره على جهازك فقط لا غير ، لا مشكلة بالشركة ولا نوع السرعة ولا نوع الكيبل ولا نوع الشبكة ؟
ما هي برامج الحماية الموجودة على جهازك ؟
ما هي الأمور الي إذا سويتيها بالجهاز يتحول إلى بطيئ ؟
هل فيه شيء غريب في جهازك محملته من قريب تتوقعين سبب لك المشكلة من بعدها ؟
هل من أول ما ركبتي الـ DSL المشكلة هذي موجودة في جهازك ؟

..

مـها
13th February 2006, 04:57 PM
WYSIWYG


لك خالص الشكر على هذا الإهتمام

الحمد الله المشكلة أنحلت :)

ومن غير فرمته

أصدق التحايا ...

المنسية
21st February 2006, 03:12 PM
تدرووون هونت اركب دي اس ال

ياااكثر حوووسته على بالي شي بسيط ومايبي كل هذااا :(

لحن الحروف
10th March 2006, 01:59 AM
مشكووووور اخوي ويعطيك العافيه

بس للأسف نشبت بالاتصالات لحد ماجوا وزينوه واشتغل يوم وخرب بعدها

المودم ما يستقبل اشاره الدي اس ال

مديت سلك من البوكسيه ونفس الشي ماضبط

اتصلت على اول نت قالوا لا احنا ما نطلع لكم امحق دعم فني

والحين مضى شهرين على اشتراكي وانا ما استفدت شي

وش تنصحني به ياخوي هل الغي الخدمه من الاتصالات لانهم ياخذون مني 260 كل فاتوره زياده على الدايل اب

او انتظر

وعندي سؤال هل ممكن يكون السبب من المودم نفسه حتى ولو كان جديد
يعني يكون المودم هو اللي خربان ؟؟!!

وشاكره لك

الشــيرازيــه
10th March 2006, 08:54 AM
يعطيكـ العــافيه عزيزي على المجهود...http://smilies.sofrayt.com/fsc/lipstick%20mark.gif

وبصراحه معلومات مهمه للي مثلي ناوين يركبون ابوالشباب..http://smilies.sofrayt.com/%5E/_950/lamer.gif

جــاري الحفــظ..

***** سؤال ******

شلون اشترك بأتصال اوربت الفضائي ؟


******************

WYSIWYG
10th March 2006, 04:13 PM
WYSIWYG
لك خالص الشكر على هذا الإهتمام
الحمد الله المشكلة أنحلت :)
ومن غير فرمته
أصدق التحايا ...

ماشاء الله ، وع البركة مؤخرا ً ..
تحياتي لك ِ ..

،


تدرووون هونت اركب دي اس ال
ياااكثر حوووسته على بالي شي بسيط ومايبي كل هذااا :(

الحوسه في كل مكان عزيزتي ، ولكن أتوقع لو تفكرين مرة ثانية بأمر جدي تبي تتغير نظرتك !
تحياتي لك ِ ..

،


مشكووووور اخوي ويعطيك العافيه
وش تنصحني به ياخوي هل الغي الخدمه من الاتصالات لانهم ياخذون مني 260 كل فاتوره زياده على الدايل اب
او انتظر وعندي سؤال هل ممكن يكون السبب من المودم نفسه حتى ولو كان جديد
يعني يكون المودم هو اللي خربان ؟؟!!
وشاكره لك

العفو ولو ، وحياك الله ..
دام أنه اشتغل مرة إذن نستبعد أن المودم خربان وكل شيء جايز !
ولكن الأفضل تتصلين على 904 (قسم الأعطال بالإتصالات السعودية) وتطلبين فتح أمر إصلاح
على أساسه يجيكم فني خلال 24 ساعة يشوف البوكسيه هل فيها إشارة DSL أو لا ؟
وفي نفس الوقت حاولي تجرين مرة ثانية بنفسك هل رجعت الإشارة أو لا ؟
بالتوفيق ..

،



[B]يعطيكـ العــافيه عزيزي على المجهود...http://smilies.sofrayt.com/fsc/lipstick%20mark.gif
***** [COLOR="Red"]سؤال ******
شلون اشترك بأتصال اوربت الفضائي ؟
******************

الله يعافيك عزيزتي ،
بالنسبة للإنترنت عن طريق الستلايت عندك خيارين : أوربت أو saudisky.com
وطريقة الإشتراك والمعلومات حول الخدمة في موقع الشركة نفسها ،
بالنسبة لي ما انصح فيها لأنها غالبا ً خدمة download أما الـ upload سوف يكون عن طريق الـ dial-up ،
أو أنك تشتركين في كل الخدمتين وهذا يبي يطلع غالي جدا ً عليك لذا الأفضل والأريح خدمة الـ DSL ..
بالتوفيق ..

،

الشــيرازيــه
10th March 2006, 05:52 PM
بالنسبة لي ما انصح فيها لأنها غالبا ً خدمة download أما الـ upload سوف يكون عن طريق الـ dial-up ،
أو أنك تشتركين في كل الخدمتين وهذا يبي يطلع غالي جدا ً عليك لذا الأفضل والأريح خدمة الـ DSL ..


مــافهمت..وش download و upload

<<< قروية ماتدل شي بالنت

ويعطيك العافيه

WYSIWYG
13th March 2006, 04:29 AM
مــافهمت..وش download و upload
<<< قروية ماتدل شي بالنت
ويعطيك العافيه

مرحبا ،
بداية ً اعتذر عن كتابة المصطلح باللغة الإنقليزية ،
download = التحميل = الإستقبال
upload = الرفع = الإرسال

..

باحثة
18th March 2006, 09:37 PM
مشكووووور اخوي ويعطيك العافيه

بس للأسف نشبت بالاتصالات لحد ماجوا وزينوه واشتغل يوم وخرب بعدها

المودم ما يستقبل اشاره الدي اس ال

مديت سلك من البوكسيه ونفس الشي ماضبط

اتصلت على اول نت قالوا لا احنا ما نطلع لكم امحق دعم فني

والحين مضى شهرين على اشتراكي وانا ما استفدت شي

وش تنصحني به ياخوي هل الغي الخدمه من الاتصالات لانهم ياخذون مني 260 كل فاتوره زياده على الدايل اب

او انتظر

وعندي سؤال هل ممكن يكون السبب من المودم نفسه حتى ولو كان جديد
يعني يكون المودم هو اللي خربان ؟؟!!

وشاكره لك

هلا اختي

نفس المشكله صارت عندي وحلها بسيط
تاكدي ان كل التلفونات اللي بيتكم مفصوله يعني مو مشبوكه بنفس فيش التلفون
لانه اشتغل عندي وبعدين طلع عطلان وبالصدفه فصلت الافياش تبع كل التلفونات اللي فوق واللي تحت الا خط ال دي سي ال طبعا
وعلى طول ولعت الاشاره برتقاليه...جربي وطمنينا

بنت الملز
16th April 2006, 07:14 PM
السلام عليكم

عندي سؤال بالنسبة للمودم اللي عندي هو LINKSYS

سويت الاعدادات على الجهاز الأول عن طريق الدخول لاعدادت المودم

وتغيير اسم المستخدم والرقم السري

بس كيف اسوي اعدادت الأجهزة الأخرى لازم أغير اعدادت المودم في الأجهزة الثانية

مثل ما سويت في الجهاز الأول؟؟

واذا كان لأ فماهي الطريقة لعمله هل هي من ال internet option-connection-lan setting؟؟؟؟

أرجوا افادتي

وشكرا

RoMeNkOo
16th April 2006, 11:57 PM
<--- طلبه .. ما باقي عليه غير 24 ساعة ..

بعد إنتظار .. سنه ونص ..


لوووول ...

WYSIWYG
20th April 2006, 01:38 AM
..


السلام عليكم
عندي سؤال بالنسبة للمودم اللي عندي هو LINKSYS
سويت الاعدادات على الجهاز الأول عن طريق الدخول لاعدادت المودم
وتغيير اسم المستخدم والرقم السري
بس كيف اسوي اعدادت الأجهزة الأخرى لازم أغير اعدادت المودم في الأجهزة الثانية
مثل ما سويت في الجهاز الأول؟؟
واذا كان لأ فماهي الطريقة لعمله هل هي من ال internet option-connection-lan setting؟؟؟؟
أرجوا افادتي
وشكرا

وعليكم السلام ورحمه الله وبركاته ،
دام أنك مسوية الإعدادات بجهاز واحد خلاص كل الأجهزة الثانية تقدر تدخل عادي
ما يحتاج في كل جهاز تسوين إعدادت للمودم ، لأن المودم إعداداته وحده تسوينها أول مرة بس ..
بالتوفيق ..

،


<--- طلبه .. ما باقي عليه غير 24 ساعة ..
بعد إنتظار .. سنه ونص ..
لوووول ...

ع البركة :)
وإن شاء الله ما يصير فيه تأخير أو تأجيل ثاني ،
بالتوفيق ..

..

بنت الملز
20th April 2006, 11:54 AM
طيب هل هو حيكتشف اعدادت المودم لحاله

يعني بس أشبك الكيبل وهو حيشتغل؟؟

ولا لازم أسوي اعدادت من ال lan setting

وشكرا

RoMeNkOo
20th April 2006, 02:14 PM
أبشـــــرك ..

خلصت منهم .. وحددت السرررعة ..

وباقي الإشتراك .. بسس

شريت مودم سبيد توتش .. وشريت السبلتر ..

وإنتهينا .. بحح بحح ..

WYSIWYG
21st April 2006, 12:30 AM
..


طيب هل هو حيكتشف اعدادت المودم لحاله
يعني بس أشبك الكيبل وهو حيشتغل؟؟
ولا لازم أسوي اعدادت من ال lan setting
وشكرا


مرحبا ،
إذا كان نوع التوصيل سلكي (كيبل) المفترض ما تسوين له شيء على طول تشبكين الكيبل
بالكميبوتر أيا ً كان نوعه (Personal Computer or Laptop) ومباشرة يشتغل ،
وإذا كان نوع الإتصال لا سلكي تسوين بحث عن الشبكة وبعدها تدخلين عليها مباشرة ،
مجرد جهاز واحد من البداية تسوين فيه إعدادت المودم من يوزر وباسورد مزود الخدمة (الإشتراك)
ويوزر وباسورد للمودم نفسه كحماية ..
العفو ولو ..

..


أبشـــــرك ..
خلصت منهم .. وحددت السرررعة ..
وباقي الإشتراك .. بسس
شريت مودم سبيد توتش .. وشريت السبلتر ..
وإنتهينا .. بحح بحح ..

Great, I'm glad for this news
Keep in touch if you have any question

..

RoMeNkOo
25th April 2006, 12:49 AM
وهااااااااهو ..

يرررزح بعمره ..

<-- شابك الدي اس ال ..

لووووووووووووووووووووووول .

إيه هذي الحياة ..

خخخخخخخخخخخخخخخخخخخخخخخخ

المستلج
20th May 2006, 09:51 AM
السلام عليكم

عندي سوالين

ألا وهم
عندي مودم سبيد تش 585 وفيه واير لس
وعندي لاب توب ولاعرفت كيف استخدام اللاب توب بالواير لـس مع أن في الديسك توب الدي اس ال شغال

سويت بحث عن الاجهزة الموجوده حصلي لي المودم لكن ماعرفت الطريقه اللي اقدر ادخل عن طريقه


وعندي مشكله ثانيه بعد


وهو الدي اس ال عندي يفصل واااجد

سوالي

هل لازم امد سلك من البكسيه مباشره للمودم ؟؟ وو شلون اعرف سلك البكسيه ؟؟ لان محاتسكم مشبكين سنترال وعندنـا ثلاث خطوط ؟؟ وإذا كانت الدعوه يبي لها شغل هل تعرفون فني يعرفون للاسلاك والتشبيكـات إذا تعرفون تكفون عطوني رقمه على الخاااص بس يكون واحد فااااهم


علما ان حاليـا أشبك بالمودم أحد الاسلاك الفرعيه للخط المقدم عليه للدي اس ال

WYSIWYG
21st May 2006, 01:16 AM
وعليكم السلام ورحمه الله وبركاته ،

بداية ً ، بالنسبة لمشاكل التوصيل والأسلاك بعض المرات تكون صعبه الشرح للمستخدم ،
تقدر أنت لو صارت لك مشكلة بالأسلاك لأنه من حقك تتصل على مزود خدمة الإنترنت عندك ، وتطلب فني يجي للبيت يصلح لك المشكلة ..
ثانية ً ، هذي مواصفات المودم حقك : إضغط هُـنا (http://www.speedtouch.com/prod585.htm) ..
ثالثا ً ، إذا سويت بحث باللاب توب ووجدت إشارة الإتصال ، تسوي عملية إتصال عليها عن طريق الضغط على إسم الشبكة الموجودة ،
على أساسه يبي يتصل هو بالشبكة .. إذا طلعت لك مشكلة في طلب رقم سري أو إسم مستخدم كنت أنت مسويهم حماية للمودم ، تدخلهم من جديد ..
(بحث عن شبكة - إختيار الشبكة - الضغط على إتصال بالشبكة - تصبر شوي وبعدين يتصل بالشبكة بكل أريحية تامه) ..
رابعا ً ، بالنسبة للتوصيل وإن الإنترنت يفصل ، هل الفصل من المودم أنه ما يوصل إشارة ؟ أو الفصل من الإنترنت إنها ما توصل للمودم بعض الأوقات ؟
لو عندك مثلا ً ثلاث أو عشرة خطوط ما فيه أي مشكلة لك مثل ما تفضلت طريقتين :
أ/ البسكية المقصود فيها (العلبة) الموجودة على جدار البيت وفيها الخط ، إذا عندك ثلاث خطوط تبي تلقى ثلاث بوكسيات ،
طريقتها تفتحها وتطلع السلكين وتسوي عملية توصيل وتجرب هذا أي خط من الثلاثة والي عليه الإنترنت .. وبعدها تشبكه بالمودم عن طريق سلك يوصل إلى داخل البيت ..
ب/وهذي الطريقة الي نستخدمها في بيتنا ، وهي السلك الي جاي من الأساس من البوكسية إلى السنترال ، قبل ما يدخل السنترال يعني جمب السنترال اشبك عليه الـ (سبلتر) - سلك يطلع منها للسنترال (إذا مهب سنترال للتلفون) وسلك للمودم وسلك جاي من برى .. (فقط لا غير) ..
// ممكن المشكلة أنك تشبك بأحد الأسلاك الفرعية داخل البيت !!
بعض البيوت الآن تسوي عملية توصيل شبكة إنترنت (DSL) منزل عن طريق التوصيل إلى كل الأسلاك الفرعية بشرط :
أن يكون التوصيل الداخلي بسلك (كيبل) نوعه مثلا ً : RJ-45 ..

..

بالتوفيق ..

المستلج
21st May 2006, 04:29 AM
الله يعافيك يالغالي

وبرجع وعندي واجد اسئله لاني الشغلات اللي قلت عليها يبي لها مزمزة

لذلك ماتعرف رقم فني حق اسلاك مضبوطـ يصلح الشلغه كلها لاني منيب عارف لو اطير واوقـع

ثاني شئ
هل السلك العادي حق خط التليفون يجي منه انواع !!

لاني سمعت أن أبو 15 ريال ماش تفصيله واجد !!


وبالنسبه


البسكية المقصود فيها (العلبة) الموجودة على جدار البيت وفيها الخط ، إذا عندك ثلاث خطوط تبي تلقى ثلاث بوكسيات ،
طريقتها تفتحها وتطلع السلكين وتسوي عملية توصيل وتجرب هذا أي خط من الثلاثة والي عليه الإنترنت .. وبعدها تشبكه بالمودم عن طريق سلك يوصل إلى داخل البيت ..

يعني اسحب السلك من برى البيت وامده لغرفتي !!

على الحاله ذي إذا جاء مطر ولا احد وطاه بيفصل على طول :p


المشكله انا شاري بطاقه شهر تجريبه قلت إذا مشى الحال كان بها ولا هونا لذلك الفني ماضنيت أنه بيجي


بالنسبه للواير لـس اسوي بحث واحصل الجهاز بس إذا ضغطت عليه مرتين يقول لي دخل الرقم السري !!
مع العلم ان ماحطيت رقم سري ولاشئ على المودم اللهم حاط رقم سري على الجهاز نفسه :p

وبسال بعد هل لازم يكون عندي سبلتر !!
لاني إلى الان ماشريت واخاف يكون الفصل المتكرر أني ماركبته

أن يكون التوصيل الداخلي بسلك (كيبل) نوعه مثلا ً : RJ-45 ..

اقدر احطه الحين ولالازم من الاسـاس في بدايه التركيب والتوصيل !!

ومن وين احصله ومن وين ألقـاه
في راسي اسئله وش كثرهـا

تكفى افزعوا لي
خلوني احمل افلام fv2

م. بسام السحيباني
21st May 2006, 10:15 PM
سوف أقوم بالإجابة على بعض أسئلتك أخوي المستلج
بعد إذن أخوي العزيز WYSIWYG

الله يعافيك يالغالي

وبرجع وعندي واجد اسئله لاني الشغلات اللي قلت عليها يبي لها مزمزة

لذلك ماتعرف رقم فني حق اسلاك مضبوطـ يصلح الشلغه كلها لاني منيب عارف لو اطير واوقـع

ممكن مقدم الخدمة اللي أنت مشترك عندهم دق عليهم وحيجي هو ويزبط لك كل شيء



يعني اسحب السلك من برى البيت وامده لغرفتي !!

على الحاله ذي إذا جاء مطر ولا احد وطاه بيفصل على طول :p

لا لا توصل شغل أي كلام سو لك شغل مضبوط ولا راح يفصل أبداً وثاني شيء تأكد إن المشكلة من التوصيلة الداخلية للبيت مو من السلك اللي واصل لك من الشارع لأن هناك احتمال ضعيف يكون من السلك حق الشارع



المشكله انا شاري بطاقه شهر تجريبه قلت إذا مشى الحال كان بها ولا هونا لذلك الفني ماضنيت أنه بيجي

أنصحك بجيل لأني جربت 4 شركات أفضلهم جيل اتصال ثابت والتحميل بأقصى حد مسموح بدون بطء وفي جميع الأوقات أما بالنسبة لسعودي جيدة لكن مع الأسهم لا تقرب الانترنت بوقت الأسهم ولا ما تقدر تحمل لا ملفات ولاشيء (أحمل ملف باوربوينت العصر ما يحمل يقطع بالنص لكن من بكرى الظهر تمام التمام ) لكن الاتصال أغلب الأحيان ثابت
وبالنسبة لأول نت في المرتبة الثالثة لكن سرعة الاتصال ما هي ثابتة وقت الذروة تقل السرعة أما SPS شهر مضبوط والشهر الثاني ما تصدق على الله يقضي الاشتراك وتفتك


بالنسبه للواير لـس اسوي بحث واحصل الجهاز بس إذا ضغطت عليه مرتين يقول لي دخل الرقم السري !!
مع العلم ان ماحطيت رقم سري ولاشئ على المودم اللهم حاط رقم سري على الجهاز نفسه :p

تحصل الرقم ملصق على الكتالوج اللي جاي مع المودم


وبسال بعد هل لازم يكون عندي سبلتر !!
لاني إلى الان ماشريت واخاف يكون الفصل المتكرر أني ماركبته

مو لازم يكون عندك سبلتر ما تستخدم السبلتر إلا إذا كنت تتستخدم الخط كتلفون أنا ما عندي سبلتر لأني استخدم الانترنت فقط


اقدر احطه الحين ولالازم من الاسـاس في بدايه التركيب والتوصيل !!

تقدر تحطه متى ما بغيت لأنه يجي كوصلة من السلك اللي جاي من البوكسيه ويوزع سلك للتلفون وسلك للانترنت


ومن وين احصله ومن وين ألقـاه

ممكن تحصله عند جرير وأغلب المحلات اللي يبيعون أجهزة الانترنت


في راسي اسئله وش كثرهـا

تكفى افزعوا لي

اسأل ما أردت فنحن هنا لخدمة أعضاء هذا المنتدى

خلوني احمل افلام

لا تنسانا أخوي من الأفلام اللي تتحملها

المستلج
22nd May 2006, 01:55 AM
الله يعافيك يابو سلطـان


وابشر بعزك إن شاء الله



ماودي اتعبكم معي زيـاده لان شرحي زي وجهي

لذلك إذا أي واحد يعرف رقم فني حق اسلاك فاهم يعطني رقمـه

غريب الراي
23rd May 2006, 04:47 PM
اخوي ممكن تقولي
عن نوع مودم زين ويكون وايرلس

م. بسام السحيباني
23rd May 2006, 08:17 PM
أخوي غريب الرأي

خذ لك مودم Speed Touch 585i

هذا من أفضل الأنواع ويدعم الواير لس ومشاكله قليلة

RoMeNkOo
23rd May 2006, 08:44 PM
Speed Touch 585i


عنــــدي وجدا ً ممتــاز .,,


وحلوو ,,


ومن يوم شريته ما قطع معي إلا مره وحدهـ بسس ,,

غريب الراي
25th May 2006, 12:24 AM
ابو سلطان
و
رومنكو


يعطيكم العافية
وشريت اللي نصحتوني فيه



بس المشكلة الحين بالاتصالات
دقوا علي وقالولي وصل الخط عندك

والحين اجرب مافيه اشارة واتصلت على 904 وبيكشفون عليه

م. بسام السحيباني
25th May 2006, 12:41 AM
أخوي غريب الرأي

إذا شبكت المودم بالجهاز وشغلته فيه لمبة مكتوب جنبها Dsl إذا ولعت خضراء معناه إن الـ Dsl الخط واصل إذا ما ولعت معناه أنه ما وصل

وأي استفسارات أخرى إحنا حاظرين

فهد الفيصل
25th May 2006, 02:31 AM
بس المشكلة الحين بالاتصالات
دقوا علي وقالولي وصل الخط عندك

والحين اجرب مافيه اشارة واتصلت على 904 وبيكشفون عليه

اخوي غريب الرأي لو يقولون لك الاتصالات ان الاشارة واصلتك

تأكد من التمديدات الداخليه ولو تمد سلك من البكسية على طول للمودم يكون أفضل

غريب الراي
25th May 2006, 10:48 PM
اخوي ابو سلطان
الاشارة تولع وتطفى ماهي ثابته

اخوي حرب
بجرب وبردلك خبر




ويعطيكم العافية

طبيب نااااجح
8th June 2006, 07:58 PM
أخ WYSIWYG
انا اتصلت على الاتصالات وطلبت الخدمه ،،، وسألته كم هي الرسوم الشهريه ،،،، وقالي على حسب السرعه اللي تبي ،، قالي اعلى سرعه هي 512 ورسومها في الشهر 120ريال ،،، قلت طيب فيه رسوم ثانيه قال لا ،، قلت طيب غيرها فيه شركه تجي تركب والا اللي تزود الخدمه لها رسوم ،، قال: لااااااااااااالا ،/ فممكن احد يقولي اللي يحدد السرعه هي شركة الاتصالات ، ام الشركه اللي تزود الخدمه ،،، وهل الاخيره تاخذ رسوم غير الاتصالات ،،،

م. بسام السحيباني
8th June 2006, 08:32 PM
بالنسبة لسؤالك أخوي طبيب نااااجح

الاشتراك من عند الاتصالات للسرعة 512 بـ 120 ريال شهرياً
أما الاشتراك بسرعة 256 بـ 100 أو 110 ماني متأكد
أنت تآخذ أحد السرعتين وإذا أخذت 512 بإمكانك تشترك (من مزود الخدمة ) شهر بـ 512 والشهر الثاني بـ 128 أنت وكيفك لكن إذا اشتركت بسرعة 256 ما تقدر تشترك من مزود الخدمة بـ 512 لازم تغيرها من الاتصالات لكن بإمكانك تشترك بـ 256 أو 128 أو 64

أما بالنسبة للرسوم فتكون كالآتي (بافتراض أنك مشترك بـ 512 )
120 شهرياً (ثابتة) هذي للاتصالات
420 شهرياً (متغيرة حسب السرعة التي تريدها) تذهب لمزود الخدمة الذي سوف تأخذ منه بطاقة الاتصال ( هذا السعر من شركة جيل )

هذا بافتراض أنك اشتركت بسرعة 512 وهناك سرعات أخرى أقل تكلفة

أتمنى أن يكون الشرح واضح وأي استفسار نحن بالخدمة

و ر د
11th June 2006, 04:03 PM
السلام عليـكم ...
يعطيكم ألـف عافيـة ...
أنا عندي مشكلة بسيطة , إن شاءالله ألقى لها حل عندكم ..
ركبنا الـ Dsl من كم يوم .. والحمدلله سرعة التصفح ممتازة . طبعا التعليق شـر لابد منه ,

المشكلـة .. أنه مايحمل أي برنامج .. لي وقت وأنا أبي أحمل الماسنجر بلس , لكن للأسف يوصل لحد 7% أو 14%
ويعلـق .. ماأدري إذا ألقى عندكم حل .. بدون ماأوديه لأي محل يركبه لي ..

م. بسام السحيباني
12th June 2006, 02:14 AM
أختي و ر د

إذا ممكن تفاصيل أكثر عن المشكلة من ناحية
الأجهزة كيفية التركيب ( شبكة أو عادي )
الاشتراك ( السرعة واسم الشركة )
هل الإعدادات الداخلية للمودم منفذة بشكل صحيح

و ر د
12th June 2006, 03:37 PM
أهلين ..

الشركـة Cyberia والسرعـة 128

والأجهزة موصلة بشبكة لاسلكية

طبيب نااااجح
12th June 2006, 04:55 PM
أبو سلطان مشكور ولاهنت يالغالي ،،،
الشركه قالت 10 ايام وهو عندك ،،،،، وهلحين صارلي حولي 20 يوم ولا حس ولا خبر ،،، شكله بيطول شوي 0000
اشكر اخوي مره ثانيه

م. بسام السحيباني
13th June 2006, 02:29 PM
أختي و ر د

ما ذكرتي لنا نوع المودم والجهاز المتصل فيه المودم
ونوعية جهازك هل هو ديسكتوب أم لابتوب
وقوة الإشارة
وهل التصفح شغال ممتاز بكل وقت
وهل المشكلة شاملة جميع ملفات التحميل ( يعني أي ملف تحملينه يقطع في المنتصف )
أم خاص بماسنجر بلس

أرجو الإجابة بالتفصيل لتشخيص المشكلة بشكل صحيح


أخوي طبيب نااااجح
لا شكر على واجب أخوي
وبالنسبة لشركة الاتصالات ردد يا ليل ما أطولك
أنا انتظرت 9 شهور بعدها تم التوصيل

واحنا بالخدمة دائما

و ر د
13th June 2006, 09:36 PM
أهلين ..
شكـرا لاهتمامـك ..

المودم 585 Speed Toush
وقوة الإشارة ممتازة
والتصفح سريع في كل وقت

مع العلم ان اللابتوب والديسكتوب نفس المشكلة ..
عادي أي برنامج ممكن يتحمل .. ماعدا الماسنجر بلس


http://www.cksu.com/vb/uploads/14933/1150223651.jpg

WYSIWYG
13th June 2006, 10:30 PM
الأخت / و ر د :
بالنسبة للمشكلة المتكررة في كلا الجهازين أو بالأصح بالشبكة الاسلكية الموجودة عندك ،
من الممكن أنها تكون مشكلة بالحماية الموجودة في المودم أو الأكسس بوينت أو برنامج حماية موجود في كلا الجهازين ،
عموما ً باعطيك رابط للبرنامج الي تبغينه مضغوط ببرنامج WinZip ، من باب التحايل على الحماية الموجودة عندك ،
للتحميل (http://www3.upload2.net/download/s5K4QXhW9j7z03G/MsgPlus-362.zip) ..

//
بالنسبة لشركة الإتصالات السعودية على حد علمي بالإعلان الصادر عنها أنها تركب أسبوعيا ً من 600 - 800 خط DSL ،
ولكن المشكلة ليست بالكم ؟ ولكن المشكلة بالكيف ؟
بحيث البنية التحتية لأغلب المقسمات لا تدعم الخط الرقمي ، لذا هم الآن في مشكلة جعلها تدعم وهذي من الممكن أنها تاخذ وقت
عند بعض المقسمات ، وهذا كله لا يعني تحمل العميل للوقت ،


بالتوفيق ..

قطرات من المطر
13th June 2006, 10:58 PM
اولا شكرا على الموضوع
ثانيا عندي مشكله وان شاء الله انها ماهي صعبة واتمنى الاقي حلها عاجــــــــــــــــــــــ ـــــــــــــــــــلا
اذا كان عندي Dslبس على جهاز واحد ايش الخطوات اللي لازم اسويها عشان يكون لجهاز ثاني
مع العلم ان ان الثاني الشبكه لاسلكي والا ول سلكي
ومشكوووورر

WYSIWYG
14th June 2006, 01:17 AM
الأخت / قطرات من المطر :
العفو ، والشكر لله ،

طريقة حل سؤالك سهلة جدا ً ،
خدمة الـ DSL إذا وصلت لخطكم ، كل ما عليك هو إختيار نوع الشبكة ،
سلكي أو لا سلكي ، وعن طريقة تقدرين تشبكين أكثر من جهاز على الشبكة هذي ،
إذا كان سلكي عن طريق توصيل كيبل من المودم إلى الأجهزة ،
إذا كان لا سلكي عن طريق دخول الأجهزة إلى المودم لاسلكي بواسطة البحث عن شبكة ومن ثم الدخول فيها لاسلكي ،
اتمنى أن الصورة اتضحت ..

بالتوفيق ..

و ر د
14th June 2006, 01:51 PM
. . . تـــــم التحميــل . . .

Wysiwyg

شكــرا جزيــلا ..

أبـوسلطان

مشكور وماقصرت ..

سُهى
27th June 2006, 02:14 AM
يعطيك الف عافيه .. تسلم أيديك على هيك موضوع ..

لكن ...
أنا اللي مشكلتي عويصه
أشوف الدي اس ال ولا أقدر أستخدمه .. قهرر
وأتمنى تسعفني بحل .. وقرأت المشاكل اللي في الردود السابقة ومالقيت شيء مثل مشلكتي ..
لكن .. لو تشوف أنت أن سؤالي مكرر ياليت تسوي لي إشارة للحل في الردود السابقة وأكون شاكرة لك :) ..

أنا طلبت الدي اس ال ووصلني في يومين وش حليلهم معي
وطلبت الخدمه من الشركه المزوده ورحت لفرع الشركه وأستلمت المودم هذا
http://www.speedtouch.co.uk/images/products/speedtouch500.jpg

لكن رقم الموديل
speedTouch 546v6

وشبكته وخلاص كل شيء أوكي
وصارت تطلع علامة الإتصال في شريط المهام على سطح المكتب
ومن الخطوة 3 المكتوبة في الدفتر- خطوة تفعيل بطاقه الإشتراك - اللي أخذته من مكتب الإشتراكات تبع مزود الخدمة أني أفتح صفحة نت وأكتب في الرابط هذا العنوان
10.0.0.138
ولما أكتبه عشان أكمل الخطوات مايتغير شيء ولا يفتح شيء أبداً ونفس المشكله تحصل لما أحاول أفتح أي رابط ثاني
إلا إذا استخدمت الدايل اب .. يعني ما أستفدت شيء
وأتصلت على الدعم الفني وقالوا لي أنه ينقص جهازك كرت شبكه , لكن أنا سويتها على جهاز لاب توب ولازم يكون فيه كرت شبكه جواته خاصه أنه له فتحه , قالي أجل يحتاج تعريف ..! حسيت أنه ماعنده سالفه
وأتصلت على محل كمبيوتر وسألت الفني اللي فيه قالي لا إذا لاب توب لازم يكون فيه كرت شبكة .. لكن ماأدري المشكله وين ..
وحتى السي دي الي أخذته من مكتب الإشتراكات قالي مو ضروري تحملينه إذا سويت الخطوة 3 , ولما عجزت من الخطوة 3 وماقدرت أسويها , حاولت أحمل السي دي لعله ينفع , لكن صارت مشكله أنه لما أوصل للخطوة الأخيرة في التحميل يطلب مني معلومات أنا ماأعرفها , والمعلومات هذي مفروض تكون على المودم أو على الكرتونه تبعه لكن للأسف ماحصلت على مطلوبي , كذا يطلع
http://www.freephotopost.com/uploads/f20d17ca48.gif
لكن لما أفتح صفحه نت وأحط رابط أي موقع مايفتح شيء ابداً , تطلع لي صفحه بيضاء ..
مع العلم أن ثلاثة فتحات في المودم تكون منورة ماعدا وحدة واللي هي حقت الأنترنت ماتنور ..؟

وأنا مرة تعبت كل أمس وأنا جالسة عليه أحاول , لا على اللاب توب نافع ولا على البي سي ..

أسفه كثير ع الإطالة ..
شكراً مقدماً ..

WYSIWYG
27th June 2006, 05:05 AM
عزيزتي Bent :
الله يعافيك ، وإن شاء الله نقدر نحل مشكلتك الآن ،
أول شيء المودم حقك نوعه SpeedTouch 580 سكلي ، هو من أفضل أنواع المودمات السلكلية ،
المشكلة مو راضي يفتح لك أي صفحة ولا حتى صفحة الـ 10.0.0.138 ،
يعني أن المودم يلزمه تعريف بالبداية بعض المرات ، والأنوار الي على المودم لازم تصير الثلاثة خضراء وهذي بعد ما تدخلين
معلومات الإشتراك حقك ، أول شيء احذفي التعريف / التثبيت الي سويتيه الآن ،
وسوي التعريف من جديد ، دخلي السي دي ، يبي يقولك تثبيت سريع أو شيء من هذا القبيل ، اضغطي عليه ،
بعدها فيه خيار بالواجهة الرئيسية هو أنه يختبر التعريف بأنه يفتح لك الصفحة 10.0.0.138 ، توماتيك عن طريق الضغط على زر الإختبار ،
في هذي الحالة لو تفتح لك الصفحة معناها المودم تعرف عندك ولا فيه أي مشكلة كل ما عليك هو إدخال بيانات الإشتراك الجديد
وتسوين لها عملية حفظ بالكامل عشان مهب كل ما طفى المودم تسوينها من جديد ،
سؤال المودم عن الرقم الي طلع لك هذا شيء غريب مرة !!
أول مرة أشوفها !! أنا مسوي تثبيت لأكثر من جهاز بنفس الموديل هذا ولا قد طلعت لي هذي الرسالة !!
عموما ً احذفي التثبيت ، وسويه من جديد بالطريقة الي قلت لك ، ولو طلب منك الرقم هذا حاولي تدورين زين زي ما هو مكتوب بالصورة
مهب معقولة الصورة غلط !! ودقي على الشركة الي شريتي منهم المودم اطلبي الرقم ،
وبعدين يا ليت تسوين توقيف / unable لـ برنامج مكافي وقت ما تسوين تعريف / تثبيت ..

،

بالتوفيق ..

سُهى
27th June 2006, 08:18 PM
Wysiwyg
مشكور كثير .. علقت على رقم الدعم الفني .. لحد ماتكلمت مع فني شكله ماشاء الله مرة شاطر قدر يفهم المشكله بس عطاني إعدادات وأشتغل وصار تمام .. وما أحتجت أني أثبت البرنامج خلاص

لكن صايرة اللمبة حقت الأنترنت مو ثابته طول الوقت .. تثبت شوي وتقطع شوي وحتى تخرب علي بعض صفحات الأنترنت تصير ماتفتح .. ظنك المشكله بالخط ولا شيء ثاني ؟

ومشكور كثير على جهودك معانا مسيو :)

WYSIWYG
28th June 2006, 12:13 AM
عزيزتي Bent :
جيد جيدا ً وعلى البركة الـ Dsl ،
النور حق الإنترنت لازم يكون ثابت على اللون الأخضر ،
إذا صارت تأشر لون برتقالي يعني الإشتراك خلص أو ما فيه إنترنت ،
لذا إذا قدرتي تدخلين على صفحة المودم الي هي : 10.0.0.138
ولازم قبل ما تدخلين تغيرين الإعدادات بالمتصفح أنك تخلين التصفح بدون (بروكسي) عشان تقدرين تدخلين الصفحة ،
وبعدها تأكدي من حفظ معلومات الإشتراك ، وإذا ما زالت المشكلة مستمرة بأن النور يأشر ، دقي على الشركة المزودة للخدمة
عشان يتأكدون من إشتراكك وش مشكلته ،

بالتوفيق ، تحياتي ،

سُهى
28th June 2006, 02:31 AM
يبارك بعمرك ..
بس ماأمدى الإشتراك يخلص , توني مالي يومين وأنا مشتركة سنه :)
والنور أول شيء كان يأشر لون أخضر - مو برتقالي - والحين له فترة ثابت وأتمنى يستمر يارب ..

شكراً لإهتمامك ..
ربي يوفقك ..

م. بسام السحيباني
28th June 2006, 02:38 PM
أختي Bent
معليش بتلقف شوي

أي لمبة اللي مهي ثابتة هل هي Internet ولا لمبة الـ DSL

أرجو التوضيح

سُهى
28th June 2006, 07:59 PM
هلا أبو سلطان
النور حق الأنترنت هو اللي يأشر أخضر - مو برتقالي -
يعني تثبت شوي وتأشر شوي .. وتخرب علي بعض الصفحات ماتصير تفتح كاملة !

شاكرة لك إهتمامك ..

WYSIWYG
28th June 2006, 10:24 PM
عزيزتي Bent ،
الأنوار الموجودة ثلاثة :
واحد للكهرب ، الثاني للشبكة ، الثالث لوجود الإنترنت (Dsl) ،
وهي يا تصير برتقالي أو أخصر ، عشان يصير الإتصال يشتغل تمام لازم كلها أخضر مستمر ،
طبعا ً الي يأشر الثالث ، إذا يأشر برتقالي قلت لك المعنى وهو أحد أمرين :
الإشتراك مخلص أو الإنترنت مقطوع لسبب ما ،
إذا كان يأشر أخضر معناها الإتصال (الإشتراك) مهب ثابت فيه مشكلة
أنه كل شوي يقطع عليك الإتصال ، في هذا الأمر تراجعين مزود الخدمة حقك بخصوصه ،
..

بالتوفيق ..،

م. بسام السحيباني
29th June 2006, 05:31 PM
مشكوووووور أخوي Wysiwyg
على اهتمامك وردك على الأخت

سُهى
29th June 2006, 08:28 PM
Wysiwyg , أبوسلطان

إن شاء الله خلاص كل شيء اوكي عندي ..

شاكرة لكم إهتمامكم وسرعة تجاوبكم ..
ممنونتكم أنا :)

نجوووود
7th July 2006, 08:51 PM
مرحبا
Wysiwyg
مشكور على الموضوع الراااااائع
لكن عندي شيء وحبيت اسألك فيه ,,
انا جهازي لاب توب والقط إشارات تصال لا سلكي ويكون عندي الاشاره ممتازه
((( انا ما عندي الدي أس ال ))
حاولت الاتصال لكن تتجيني مسج أدخل رقم شبكة الاتصال تتكون من 8 حروف أو ارقام
واذا سويت اصلاح يطلع مسج مكتوب أتصل بمدير الشبكة
حاولت لكن ما فيه فايده
<<<<<<< ودها تلقط الاشارات ةتدخل النت ببلاش من جيرانهم
بس وربي انا مقهوره الاشاره قويه ولا اقدر ادخل النت في طريقة اقدر اشبك فيها
أو احط رقم معين
مشكور اخوي واتمنى الرد عليه
7
7
7

RoMeNkOo
7th July 2006, 08:53 PM
نجوود ..

يمكن تكوون ممنوعه برقم سري تدخليها ..

WYSIWYG
7th July 2006, 10:54 PM
نجوود ،
حياك الله ، والشكر لله عزيزتي ،
بإختصار شديد ودك تسوين زيارة على شبكة الجيران وتدخلين الإنترنت من عندهم بحسن نيّه صح ؟ ض1
طبعا ً مثل ما هو واضح أن الجيران مسوين حماية على الشبكة حقتهم من جيرانهم الي مثلك ض1
لذا مقفلين الشبكة ، فما تقدرين تدخلين بالطريقة النظامية ، وإذا كانت لك علاقة معهم خليهم يعطونك رقم الشبكة ويضيفونك معهم بالشبكة ،
ذكرتيني بالموضوع هذا : مـذكرات هــــــــــــاكر(صفحة الشبكات) (http://www.cksu.com/vb/showthread.php?t=18921) ،

..

بالتوفيق ،

ماهيتاب
9th July 2006, 12:06 AM
السلام عليكم و رحمة الله وبــركاته
.
أتمنى إنكم بخير و عافية جميــعا : )
.
.
عندي مشكلة في جهاز المودم

http://www.speedtouch.co.uk/images/products/speedtouch500.jpg
.
له كم يــوم لمبة الوصول للنت ما تشتـغل !!
بس تكــون عبارة عن إشارات سريعة جدا باللون الأحمر !!
.
.
كذا فجـأة بدون مقدمات !!
.
الاشتراك ما خلص !! ( سعـودي نت )
.
حاولت فيه .. بس ما فيه أمل :(
.
.
يا ليت عندكم حل له !!
.
.
( صراحة ما أدري صح مكان الاستفسار هنا ؟؟!! )
و مشكــورين مقدماً ,,

م. بسام السحيباني
9th July 2006, 12:34 AM
أختي ماهيتاب
أنتي قصدك اللمبة حقت الـ Internet هي اللي تولع أحمر
طيب شيكي على شركة سعودي واستفسري منهم ممكن يكون مشكلة من عندهم
وهل جربتي إنك تطفين الجهاز مدة وتعيدين التشغيل
وهل فيه أحد دخل على الأعدادت حقت الراوتر

بانتظار ردك

ماهيتاب
9th July 2006, 02:39 AM
.
هلا كيــفي ..
.

أنتي قصدك اللمبة حقت الـ Internet هي اللي تولع أحمر
إيــه ..
بس ما تولع بس تأشر بسرعه : (
.
.

طيب شيكي على شركة سعودي واستفسري منهم ممكن يكون مشكلة من عندهم
شيكت واتصلت .. ما في فايده : (
.
.

وهل جربتي إنك تطفين الجهاز مدة وتعيدين التشغيل
إيه .. جربتها كثيــر : (
.
.

وهل فيه أحد دخل على الأعدادت حقت الراوتر
لا !!
.
.
شكرا لك ,,

WYSIWYG
9th July 2006, 07:51 PM
عزيزتي ماهيتاب ،

بالنسبة لـ ظهور النور الأحمر في مكان الـ (@) ، له عدة أسباب :
1/ الإشتراك مخلص . (هذا مرفوض)
2/ الإشتراك موقف من مزود الخدمة .
3/ الإنترنت ما توصل للبيت (يعني انقطعت فجأة) .
4/ الـ DSL مقطوعة عن طريق الإتصالات .
5/ التوصيلات بالبيت أحد غيرها أو صار فيها شيء (المعنى أن الإنترنت ما يوصل للمودم) .
6/ يكون أحد داخل على صفحة المودم ( 10.0.0.138) ومغير شيء بالإعدادت من إشتراك / كلمة سرّ .
،
بعد ما تتأكدين من جميع الأمور هذي ، وخاصة التوصيل داخل البيت ، اتصلي على (904) واطلبي (فنّي) يجي (يصلح / يشوف) وش المشكلة الموجودة خارج البيت ؟

..

تحياتي لك ِ ،

جوووودي
12th July 2006, 08:30 PM
×
×
×
×
ماهيتاب احنا صار معنا هذي الحركه قبل شهر تقريباً بس مارجع طبيعي الا يوم اتصلت بخدمة العملاء تبع الشركه وقال لازم تسوين سوفت وير للمودم...

غير كذا أنا عندي بروبلوووم :(

عندي Wireless يشتغل كويس وتجيني الإشاره اكسلنت بس مايدخل النت يعني لما أفتح انترنت اكسبلور تجي cannot find server :confused:
مع العلم انه يشبك باالكيبل عادي بس لما أشبك باالكيبل يصير عند شعار الاتصال لما اضغط خصائص رقم اسمه
Default Gateway بس لما أشغله بـ Wireless مايصير فيه هذا الرقم ...؟؟؟:(

مين يعرررف ايش المشكله لاني بجد طفشت من الكيبل...!!

حمامة الدار
13th July 2006, 02:50 PM
أخوي يعطيك ربي العافية

بصراحة جت في وقتها <<<<< بتركب دي اس ال وما تعرف كثير من هالمعلومات


يسلمو ,,,,,

WYSIWYG
14th July 2006, 08:40 PM
عزيزتي جوووودي ،
مشكلتك ماله حل مُعين و واحد ، ولكن بأحاول إن شاء الله بالطريقة هذي ،
أول شيء الكيبل معك يشتغل تمام وما فيه أي مشكلة ،
ولكن المشكلة في الـ Wireless ، وأنتي تتوقعين المشكلة من الـ (Default Gateway) ،
عموما ً أبيك تشوفين الرقم حق الـ Default Gateway ، وتحفظينه بالإضافة إلى IP Address + Subnet Mask ،
وبعد ما تشبكين الإتصال عن طريق الـ Wireless ، اضغطي على الإتصال (بجمب الساعة) - اضغطي على (Properties) -
اضغطي على (Internet Protocol (TCP/IP)) - اضغطي على (Properties) - اختاري (Use the following IP address) -
اكتبي الـ IP Address + Subnet Mask + Default Gateway ، من الي حفظتيهم بالبداية ، وخانات الـ DNS الي تحت خليها فاضيه ،
وبعدها (Okay - Okay) ، وبعدها يبي يسوي لك الإتصال ، وإذا ما ضبط ارجعي واختاري الإختيار التالي :
Obtain an IP address automatically ، وتأكدي هل تستخدمين IP للتصفح أو لا ،
وإذا ما زالت المشكلة تواجهك ، إن شاء الله نحاول بطرق آخرى ،
تحياتي لك ِ ،

..

حمامة الدار ،
أهلا ً وسهلا ً ، والله يعافيك عزيزتي ،
شرفتي ،

..

جوووودي
15th July 2006, 12:35 PM
^
^
^
^
^
حب2




يسعدك ربي ضبط معااااااي ماتتصور قد ايش انبسطت....

مرررررره شكـراً تعبتك معاااااي...

fv6

جوووودي
27th July 2006, 01:57 PM
as076

ياكثري وأسئلتي..!!

معليش بسأل سؤال عن خط الـ D.s.l يصير انهم ينقلووونه من حي لحي ...!!
يعني انا ماصدقت على الله يركب في بيتنا ....مادريت الا انو احنا بنطلع من بيتنا:| ...؟؟

خالد القمّاش
27th July 2006, 03:48 PM
as076

ياكثري وأسئلتي..!!

معليش بسأل سؤال عن خط الـ D.s.l يصير انهم ينقلووونه من حي لحي ...!!
يعني انا ماصدقت على الله يركب في بيتنا ....مادريت الا انو احنا بنطلع من بيتنا:| ...؟؟
للأسف ماتقدرين:(
قلوبنا معك،، سمعت إن الكبائن اللي ماتدعم الـDSL حالياً ماراح تدعمها إلا على نهاية السنه
الله يعينك وإن شالله تلقين خطكم الجديد يدعم الـDSL بدون مشاكل
:)
تحيتي وتقديري،،

كاندي
17th October 2006, 09:26 AM
مرحبا

يعطيك الف عافيه

من فتره وانا ابي اعرف كل شي عنه

وانت الله يجزاك خير ما قصرت كفيت ووفيت

الكيحاوي
28th October 2006, 11:59 PM
مشكووووووووووووور ع الموضوع الحلو .............

وانا ركبته والحمدلله بدون اي مشاكل................ لان الفني سوى لي كل شي..................

وصراحه اريح واحسن واوفر من الايزي نت اللي مشخ ظهورنا بالفواتير الله لايعيديه....................

تحياتي لكاتب الموضوع واحييه لرحابة صدره وسعة معرفته ..........................

تحياتي

م. بسام السحيباني
29th October 2006, 06:52 PM
ألف ألف مبروك أخوي

وأي شيء يطرى ببالك حطه هنا

وإن شاء الله ما نقصر

MeMeE_86
9th November 2006, 01:50 PM
مرحبا....مشكووووور على الموضوع من جد استفدت منك مع اني مركبه DSL والحمدلله ماشي حاله....ومن جد اريح من اول بكثير واسرع عالأقل خط التلفون ما ينشغل :)
يعطيك العافية

ATLAS
9th November 2006, 03:46 PM
مشكور على هذا الموضوع الرائع

نفحة أمل
29th December 2006, 09:37 PM
أخي الكريم الحقيقه يعطيك العافيه عالشرح..
بس عندي مشكله بسيطه
يطلب مني السيريال نمبر لما أجي أثبت المودم على اللاب توب حقي ويعطيني خانه مستطيله تبتدئ بcpهذي عرفتها وقدرت أجيبها بس فيه خانه جنبها بين قوسين يحطها ما أعرف لها قيمه ومو مكتوبه لا على كرتونه الجهاز ولا على الجهازنفسه..
بجد محبطه عذبني هالمودم وأتعبني كثير..
ممكن تساعدني وتعلمني وشلون أركبه
نوع المودم حقيSPEED TOUCH 546V6

WYSIWYG
30th December 2006, 03:46 AM
مرحبا ،

كاندي ، الكيحاوي ، ana_ana_a3jbk_ana ، ATLAS
الشكر لله ، والله يعطيكم العافية على مشاركاتكم المميزة ،
تحياتي لكم واحد ووحده ..
،
K I F Y ، حياك الله ، وعساك على القوه عزيزي ،
،
نفحة أمل ،
المشكلة مهب واضحه بالمرة لي ، يا ليت تقولي لي وشو بالضبط المطلوب منك؟
وبعدين يا ليت تسوين Print Screen للأيقونة الي تطلع لك عشان تصير أوضح ،
..
بالتوفيق ،

نفحة أمل
30th December 2006, 05:45 PM
شكرا أخوي شكرا..
ناديت جدي وعلمني اليوم :)
وكلش تمام عندي:):)
دمت معطاءا..
كل سنه وأنت طيب

الطالبة الرقمية
3rd January 2007, 05:13 AM
يعطيك الف عاافيه ع الموضوع


تسلم خيو

سـارووونه
13th January 2007, 10:12 AM
استفسار :منفذ الـ Line : يوصل فيه السلك الي جاي من (البوكسية) بالخارج

هل يحتاج الى فني تركيب؟؟؟

م. بسام السحيباني
13th January 2007, 11:07 AM
هلا فيك خيتوو

إذا كان التوصيل صحيح وتمام ما يحتاج فني
مجرد شبك السلك في هذا المنفذ
إما إذا كان التسليك الداخلي مو مضبوط
مثلاً عندكم خطين وتبغين واحد منهم يوصل لغرفة معينة
فهذي يبغى لها فني يضبط لك التسليك

خالد عبدالرحمن
29th January 2007, 11:59 AM
الله يعطيك ملياااااااااااااااااار عافية

ســـــــؤال يابعدي

القى مقوي لا سلكي و مسافته تتعدى من 30 إلى 50متر ؟

أنصحكم بـشركة أول نت
مجربها وفل الفلذ1

عاد الحين خفظوا الاسعار و صارت سعتهم أكبر;)

خالد عبدالرحمن
29th January 2007, 12:12 PM
as076

ياكثري وأسئلتي..!!

معليش بسأل سؤال عن خط الـ D.s.l يصير انهم ينقلووونه من حي لحي ...!!
يعني انا ماصدقت على الله يركب في بيتنا ....مادريت الا انو احنا بنطلع من بيتنا:| ...؟؟


انا قلت بنقله من بوكسيه لبوكسيه ما بينهم الا 20 متر بس

قالوا تبطي عظم

م. بسام السحيباني
29th January 2007, 06:57 PM
أخوي افلقني ان نجحت

يختلف المدى إذا ما كان فيه حواجز ولا ما فيه
ونوعية الحواجز هذي
لكن المقويااات في أغلبها تقريباً مداها مع الحواجز
من 20 إلى 45 متر وبدونها تصل إلى 100 متر

أي استفسار احنا حاضرين

abdulaziz alanazi
22nd February 2007, 02:14 AM
مشكوووووور على المعلومات

د.متفائــلة
10th March 2007, 07:29 PM
معلومات رائعة وجهد تشكر عليه ..


فيه اشياء توي اعرف عنها ..:)


وفقك الله

..

بنت السعودية60
9th April 2007, 01:31 PM
السلام عليكم ورحمة الله وبركاته ....

نشكر جهودك المبذوله WYSIWYG ولكني مازلت حائرة بين السرعة والشركة واختيار المودم الصحيح رغم اني استفدت من موضوعك الكثير واضفت لخبراتي الكثير عن الدي اس ال

فقد تم تأسيس خدمة ال دي اس ال ولكني مازلت حائرة ....

في اختيار المودم - الشركة - السرعة المناسبة لاستعمالاتنا فكم نحتاج من اجهزة
أتمنى أن تنقذني من تلك الحيرة في الاجابة عليها اتمنى أن تضع نفسك مكاني .
فماذا ستستعمل مما ذكرت ...

RoMeNkOo
9th April 2007, 01:37 PM
معليش اخوي WYSIWYG أعذرني راح اجاوب مع انو ما راح اكون مثلك ومثل خبرتك :) ..

اختي , تعتمد السرعة على عدد مستخدمي الأنترنت عندكم بالبيت أو مكان الدي اس ال ..
ونوع المودم لو كنتي تستخدمين الواير لـس فأنـا اتوقع انو الأفضـل والعملي أكثر هـو سبيد توتش ..
واير لس + اربع منافذ شبكة محلية ..

الشركة أفضل الشركـات حاليـا ً جيـل وتليهـا نسمـا ومن ثـم سعودي نت وغيرهـا ..

بالتوفيق لـك واتمنى لك استمتاع اكثر وانترنت سريع خالي من الإنقطاعات يارب ..

:رو1:

اجود واحد
9th April 2007, 01:46 PM
السلام عليكم ورحمة الله وبركاته ....

نشكر جهودك المبذوله WYSIWYG ولكني مازلت حائرة بين السرعة والشركة واختيار المودم الصحيح رغم اني استفدت من موضوعك الكثير واضفت لخبراتي الكثير عن الدي اس ال

فقد تم تأسيس خدمة ال دي اس ال ولكني مازلت حائرة ....

في اختيار المودم - الشركة - السرعة المناسبة لاستعمالاتنا فكم نحتاج من اجهزة
أتمنى أن تنقذني من تلك الحيرة في الاجابة عليها اتمنى أن تضع نفسك مكاني .
فماذا ستستعمل مما ذكرت ...

بالنسبه للمودم مثل ماقال اخوي رومنكو

اما مزود الخدمه
على الرابط باذن الله يفيدك

هــنــــا (http://www.cksu.com/vb/showthread.php?t=41462)

احاسيس مظلمة
18th April 2007, 08:12 PM
عندي سؤال بس غبي معليييييييييييييييييييش؟


اخوي مركب دي اس ال عنده وقالي ممكن اذا جهازي فيه واير لس انه يشبك معاي الانترنت

اوكي؟

طيب حاولت اشبك مو راضي ايش الطريقة علموني الله يوفقكم

خالد القمّاش
18th April 2007, 08:43 PM
الأخت احاسيس
يعني عندك واير لس ولا قدرتي تتصلين؟!
+
وش الرساله اللي تظهر لك إذا مارضى يشبك؟

احاسيس مظلمة
18th April 2007, 09:42 PM
الواير لس مو عندي عند اخوي ...............
وحاولت اشبك من جهازي لأن جهازي فيه نظام الواير لس ولا راضي يشبك ...................مدري ليه؟




ملاحظة:أنا ما عندي اي خلفية كبيرة عن الواير لس وهذه الاشياء

خالد القمّاش
18th April 2007, 10:18 PM
اللي كنت أقصده إن الجهاز حقك فيه وايرلس
أوك طيب هل الواير لس شغّال عندك ولا لأ
بـ معنى هل تقدرين تسوين بحث عن الشبكات وتطلع لك شبكة أخوك وماتقدرين تتصلين عن طريقها ولا من الأساس ماتقدرين تسوين بحث
وياليت برضو تقولين نوع جهازك وشو

بـ التوفيق إختي
:)
تحيتي وتقديري،،

انجلش
20th April 2007, 11:54 AM
السلام عليكم...

عندي سؤال:
هل صحيح ان السلك افضل من الوايرلس من ناحيه قوه الاشاره...؟؟
احسن امد لي سلك والااشبك لاسلكي؟

لاني بصراحه ماعندي وايرلس بجهازي :)

خالد القمّاش
20th April 2007, 12:32 PM
وعليكم السلام انجلش
أفضل لأنه مايفصل إذا إنقطعت الإشاره مثل الوايرلس
ولكن هو ماله إشاره بـ مجرد ماتشبكينه يتصل وإذا فصلتيه يقطع الإتصال
الوايرلس ميزته إنه بدون حوسة أسلاك

بـ التوفيق إختي
:)
تحيتي وتقديري،،

انجلش
20th April 2007, 06:25 PM
عارفه ان ماله اشاره....

بس انا قصدي هل هو اسرع؟؟

وشكرا

RoMeNkOo
20th April 2007, 06:38 PM
إيـه نعـم ..
أسـرع من الوايرلـس ..
بعـد التجربـة طبعـا ً ..

خالد القمّاش
20th April 2007, 07:02 PM
كـ سرعة إنترنت مافيه فرق
ولكن كـ سرعة نقل بيانات بين المودم والجهاز فيه فرق

بـ التوفيق إختي
:)
تحيتي وتقديري،،

WYSIWYG
21st April 2007, 01:09 AM
بداية ً أشكرك جميع من شارك بالردود .. وعن نفسي لن أزيد عن ما قالوا إلا القليل ..

بنت السعودية .. صراحة أنا بعيد كل البعد عن جديد أجهزة المودم وأسعار وشركات الـ DSL ، ولكن بأقولك الي أعرفه عن واقع الخبره القديمة في الـ DSL .. بالنسبة للشركة عن واقع تجربة شخصية هي شركة جيل لخدمات الإنترنت .. ممكن البعض يعارض ولكن أنا أشوف أنها من أفضل الشركات وفي خلال الخمس الخمس سنوات ما شفت عليها ولا شيء ولله الحمد .. السرعة لا تاخذين أقل من 256 .. أما بالنسبة للمودم SpeedTouch وهو تحت إسم شركة Thomson الآن .. مثل ما هو بالموقع هذا النوع / الموديل : هُـنا (http://www.thomson-broadband.co.uk/codepages/content3.asp?c=7&ProductID=476) .. هذا فيه ميزه سلكي ولا سلكي بنفس الوقت .. وهو ممتاز جدا ً .. وإن شاء الله ما يكون عندك أي مشكلة بأي مودم تستخدمينه ..

..

احاسيس مظلمة .. أفضل حل أنك تروحين لأخوك وتقولين له هذا جهازي .. خلني ادخل على الشبكة حقتك .. وصلى الله وبارك .. أو أنك تتبعين التالي :
My Computer - Control Panel - Network Connections - Wireless Network Connection - Enable
وبعدها يبي يشتغل الإتصال الاسلكي .. وبعدها تقدرين تسوين بحث على الشبكات الموجودة ومنها تدخلين على شبكة أخوك العزيز بكل أريحيه تامه ..

..

انجلش .. مثل ما ذكر لك بالنسبة لإنترنت ما فيه فرق بالسرعة .. أما بالنسبة لنقل الملفات بين أجهزة الشبكة والمودم .. فإن الكيبل أسرع لأن سرعته Mbps 100 والاسلكي 56 Mbps تقريبا ً .. ولكن كلها بالنسبة لنا ما تفرق كلها سرعة عالية !! .. ولكن الاسلكي للأجهزة الأكثر من ثلاثة بالبيت أفضل / أرتب / أريح / أجمل ..

..

بالتوفيق للجميع ..

انجلش
23rd April 2007, 02:48 PM
يختلف المدى إذا ما كان فيه حواجز ولا ما فيه
ونوعية الحواجز هذي
لكن المقويااات في أغلبها تقريباً مداها مع الحواجز
من 20 إلى 45 متر وبدونها تصل إلى 100 متر


حبيت اسأل عن المقويات؟؟
اذا ممكن تفاصيل زياده لو سمحتوا...
يعني تقريباً 25متر
وش الاجهزه اللي احتاج والاعدادات .... الخ..

صوت الالم
23rd April 2007, 04:27 PM
مشكووووووووور يعطيك الف عافية كفيت ووفيت انا كنت ابي اشترك بس ماعندي معلومات كافية بس بعد طرحك عرفت كل التفاصيل0
تحياتي لك0

م. بسام السحيباني
26th April 2007, 01:01 AM
هلا فيك خيتوو انقلش
بالنسبة للمقويات في المدى اللذي ذكرتيه
أغلب المقويات المتوفرة بالسوق تدعم النطاق هذا
ويفضل أن تكون من نفس الشركة تبع المودم
لكي يتم التوافق بينهما بسهولة

المملوووحة
26th April 2007, 02:49 PM
بليييييييييييييييييييز ساعدوني انا اشتريت مودم speedtouch 585 v6

كل شي شبكته بالطريقة الصحيحة لكن مو راضي يفتح اي صفحة

اللمبه حقت الانترنت حمراء
dsl ------------ خضراء
wlan------------ حمراء
ethernet-------ماتشتغل

ماني عارفة ايش المشكله بلييييييييييييز ابي حل

م. بسام السحيباني
26th April 2007, 03:29 PM
هلا فيك خيتووو
أنتي شابكة الاتصال عن طريق الوايرلس ولا عن طريق كيبل

وما دام عندك لمبة الانترنت حمراء معناته إنو عندك مشكلة
ممكن ما دخلتي اسم المستخدم والباسوورد بشكل صحيح

المملوووحة
26th April 2007, 03:53 PM
شكرا
صحيح عندي خطا بالاعدادات وصلحتها
بس السرعة عندي 256 وطالع عندي 54 ممتاز

م. بسام السحيباني
26th April 2007, 04:55 PM
هلا فيك خيتووو
السرعة التي تظهر لما تتصلي بالشبكة ليست هي
السرعة الفعلية للانترنت بل سرعة نقل البيانات خلال الشبكة
يعني من جهاز إلى جهاز داخل الشبكة

أما سرعة اتصالك بالنت فتقدري تشوفيها عن طريق الرابط التالي
لقياس سرعة اتصالك بالانترنت (http://promos.mcafee.com/speedometer/test_0150.asp)

انجلش
26th April 2007, 05:12 PM
مشكور كيفي عالرابط...
من جد خطير

بس بسأل.... مره ثانيه عن المقويات...
كم اسعارها تقريباً؟
وهل يصلح اشتريها من اي مكان واركبها انا ؟؟
والا لازم برمجه واعدادات؟

م. بسام السحيباني
26th April 2007, 05:17 PM
هلا فيك خيتووو
فيه أكثر من نوع من المقويات
فيه مقويات تشبك على الكهرباء وهي تقوم بوظيفتها
اللي هي تقوي أي إشارة في نطاقها بس
وفيه مقويات لازم يمد لها سلك من المودم الأساسي
وأسعااارها على ما أظن ماني متأكد تتراوح بين 200 ريال
اممم هي ممكن تآخذيها من جرير وعلى طوول أول ما تركبيها
هي تسوي كل شيء أنتي ما عليك شيء

وفيه مودم + مقوي يجي جااهز هذا تحصلينه من شركة LinkSys
سعره تقريباً بـ 500 ريال

وعطيني وقت اتأكد منها ومن أسعارها وأرد عليك في وقت لاحق

اجود واحد
26th April 2007, 05:19 PM
بالنسبة للشركات قبل ما تشترك اتصل على الدعم الفني للشركة في وقت الذروة

اذا رد عليك بسرعة يعني انه لاتوجد لديهم مشاكل اما انك ترص نص ساعة على شان يرد هاذي دور احد الاتصال

انجلش
28th April 2007, 08:17 PM
شكرا كيفي .....
:)
بانتظارك

RoMeNkOo
28th April 2007, 08:20 PM
مساء الأنوار ..
رفضت إلا أجرب سعودي نـت ولو شهـر مز1 ..
وشريـت واليوم ثالث يـوم والأمـور تمــام :) ..
عمومـا ً الأفضـل نسمـا بالنسبـة لـي , وحاليـا ً وقفـت الإشتراك عشـان أجرب سعودي نـت بعـد تخفيضاتهـم ..
وللحيـن نقـول زينـة نسبيـا ً ..

المملوووحة
29th April 2007, 08:46 PM
Thank you kify
على المعلومات المفيدة
بس انا مشكلتي انه فجأة ال dsl يقطع وتصير اللمبه حمراء وتصير الصفحة تهتز ومايدخل على اي شي
ويصير لازم ادخل على صفحة speed touch واعيد المعلومات واطفي المودم فترة

ماني عارفة من مين المشكلة المودم او الشبكة

م. بسام السحيباني
29th April 2007, 10:38 PM
هلا فيك خيتوو
هل تقصدين الـ DSL
ولا الـ Internet

اجود واحد
30th April 2007, 12:35 AM
Thank you kify
على المعلومات المفيدة
بس انا مشكلتي انه فجأة ال dsl يقطع وتصير اللمبه حمراء وتصير الصفحة تهتز ومايدخل على اي شي
ويصير لازم ادخل على صفحة speed touch واعيد المعلومات واطفي المودم فترة

ماني عارفة من مين المشكلة المودم او الشبكة

انا نفسك بس الانترنت هي الي تكون حمراء

م. بسام السحيباني
30th April 2007, 07:37 PM
هلا فيك
إذا كانت على طوووول
فمعناته في مشكلة في إعدادات الإشتراك لديك
لكن في بعض الأحياان ينفصل من المزود مدة
قد تصل من 5 دقائق إلى ساعتين وأكثر
لو زادت عن ساعتين بإمكانك الاتصال على الشركة
المزودة لخدمة الانترنت

انجلش
6th May 2007, 01:41 PM
السلام عليكم....

انا مشكلتي ان اذا دق احد على التلفون فصل الدي اس ال...
ركبت سبلتر بس على فيش واحد ووصلته بجهاز تلفون واحد ومعه المودم....
بس فيه اجهزة تلفون ثانيه بالبيت...... تلفوننا عادي مو سنترال.

وش ممكن اسوي عشان احلها؟؟؟.... لازم فني... والا ايش؟؟

خالد القمّاش
6th May 2007, 03:03 PM
وعليكم السلام
بسيطه جداً وماتحتاج فني
ركبي السبلتر قبل نقطة تفرع السلك الأساسي في البيت ومن هناك إسحبي سلك لـ DSL
وصلى الله وبارك

انجلش
6th May 2007, 05:17 PM
اخوي خالد هذا اللي انا مسويه....
بس قالوا مايصلح يشتغل تلفون ثاني من فيش ثاني ...راح يفصل النت اذا دق..
يعني ماقدر استخدم الا اللي خارج من السبلتر.......

خالد القمّاش
6th May 2007, 05:33 PM
أنا أقصد السلك اللي جاي من برا البيت
يعني فيه بوكسيه صغيره عند باب البيت السلك اللي طالع منها هذا هو اللي أقصده

انجلش
6th May 2007, 07:12 PM
ركبت سبلتر من البوكسيه اللي برا... بس المشكله اني لازم اخلي السلك يجي من برا وامده للمكان اللي فيه المودم.... عشان اشبكه فيه..
مافيه طريقه مااضطر فيها لمد سلك من الحوش.؟؟
يعني اذا ابي اشبك المودم من مكان ثاني بابيت..؟

وشكرا.......... وسووري على كثره الاسئلة

م. بسام السحيباني
6th May 2007, 08:48 PM
اممم طيب خيتوو

أول شيء سوووري على التأخير
بالنسبة لمقويات الإشارة تعرفين اختبارات

بالنسبة للمقويات فيه نوعين منها فيه نوع تشبكيه
على الكهرباء وبس ويحتاج كيبل فقط لتعريف المقوي
بالمودم عشاان ما يلتقط ولا يقوي إلا إشارته فقط يعني
تشبكيه شوي لما يتعرف على المودم وتفصلي الكيبل والكهرباء
يبقى شغال على طووول

طبعاً فيه أنواع كثيرة فيه من لينكسس وفيه من يو اس ريبوتكس
لكن بما إن المودم عندك سبيدتتش فتآخذي مقوي من سبيدتتش
وانتبه فيه نوعين ممكن تلخبطي بينهم فيه النوعية الأولى
اللي يكون مقوي وبرضو اكسس بوينت هذا لازم يكون الكيبل
متصل فيه على طووول وهذا ما تبغينه أنتي
فيه النوعية الثانية اللي فقط مقوي هذا زي ما قلت لك الطريقة
فوووق لكن ما حصلته عند جرير حصلت النوع الأول بس
ممكن تشوفي محلات ثانية أو تتصلي على وكيل السبيدتتش
اللي هو الجماز وتستفسري منه
وبالنسبة للسعر يتراوح بين 200 إلى 350
النوعية الأولى حصلتها عند جرير بـ 299 ريال


وبالنسبة لمشكلة السبلتر
ممكن تسوي الطريقة هذي بس يبغى لها واحد فاهم إنه
تركبي السبلتر عند البوكسية اللي برا وتشوفي السلك اللي
طالع للغرفة اللي فيها المودم تشبكي فيه خط الـ DSL يصير
الغرفة هذيك بس ما فيها إلا DSL تلفون ما فيه
ولو فيه مشبكين بالغرفة ممكن تخلي واحد DSL والثاني
تخليه تلفون عاادي

أتمنى تكون وضحت الفكرة
وسوري على التأخير

انجلش
6th May 2007, 09:14 PM
شكراااااااااااا كيفي على المعلومات....

اتوقع لو بشتري باخذ اللي بس على الكهرباء..


لكن بما إن المودم عندك سبيدتتش
من قالك ان المودم حقي سبيدتتش؟ >>> فيه ناس بتصيح..

السبلتر .. مثل ماقلت ركبناه بالبوكسيه بس باقي نمد سلك للمودم......
والله يعين..

م. بسام السحيباني
6th May 2007, 09:25 PM
بيكون أفضل لو مديتي
سلك مباشر للمودم
بيكون أسرع والتقطيع بيروووح

انجلش
7th May 2007, 10:42 PM
تم بحمد الله كل شي ....
اشتغل النت ... والى الان مافيه مشاكل>> ماكملت نص ساعه.

بس بقول وش سويت.... للفائدة.
انحلت مشكله التقطيع باني ركبت سبلتر في كل جهاز تلفون...
يعني ما اضطريت امد سلك من برا يوصل للمودم... كذا اريح وافضل..


وشكرا على مساعدتكم.

م. بسام السحيباني
8th May 2007, 12:59 AM
انقلش
مبرووووك وتتهنوا فيه ياا رب

وييين كل تلفون
قولي إنك رطبتي سبلتر برا وسلك
دخلتيه للتلفون والثاني وصلتيه للمودم
صح

انجلش
8th May 2007, 02:07 AM
انقلش
مبرووووك وتتهنوا فيه ياا رب

وييين كل تلفون
قولي إنك ركبتي سبلتر برا وسلك
دخلتيه للتلفون والثاني وصلتيه للمودم
صح


الله يبارك فيك...
واتهنا فيه يارب..

صح... بين كل تلفون وفيشه ركبت سبلتر...
والتلفون اللي اشبك فيه المودم... ركبت سبلتر سلك يطلع للتلفون وسلك للمودم.

م. بسام السحيباني
8th May 2007, 02:38 PM
يعني خيتووو
بافتراض عندك 5 تلفونات
يعني ركبتي 5 سبلتر
<< مو مستوعب

انجلش
8th May 2007, 07:07 PM
يعني خيتووو
بافتراض عندك 5 تلفونات
يعني ركبتي 5 سبلتر
<< مو مستوعب

ايه ركبت على عدد التلفونات...

توني انتبه انك كاتب بالرد اللي قبل >> (وييين؟)
مدري وش كنت احسبها ... بس احسبك تأكد كلامي..

ليش مو مستوعب؟