المساعد الشخصي الرقمي

مشاهدة النسخة كاملة : نجم 102؟



المشاكــس
15th September 2005, 12:39 AM
السلام عليكم
مساكم الله بالخير
نجم 102
استفسار يبي له شرح؟ وافي..........
اولاً : هل المادة صعبة؟
هل جميع الشرح باللغة الانجليزية؟
هل الأسئلة والاختبارات جميعها بالانجليزي
دكتور 102 عندنا من بلاد الهند والبنغال!!!!!
بس يدخل ويتكلم بالنجليزي ويطلع والله بعض الطلاب ما يدري وين الله حاطه فيه
وش الحل؟؟؟؟؟؟
حتى سئلته اقول له هل الاطلس و المورد مسموح به ؟؟يقول ما فيه معلوم..............
يناس وش ذا الكلام.................
اذا احد تكلم بالعربي سكته وجلسه ؟
دوروا لنا حلد
مع العلم ان مادة نجم102 اهم مادة في السنة الاولى بسبب المعدل
والسلام عليكم........

yoyo
15th September 2005, 12:45 AM
حتى انا يدرسني البنغالي وانتظر الرد مثلك ومانقول الا الله يعين وبنجتهد والباقي على ربنا بس اهم شي ننتبه له في الشرح بتركيز ونراجع في البيت ..
انت اي مجموعه ..؟؟
بالتوفيــــــــــــــق

NIGHTMARE
15th September 2005, 01:17 AM
المادة ماهي صعبة...مادة معدل
طبعا الشرح بالانجليزي وكذلك الاسئلة والقاموس ممنوع (يكون في علمك حتى مواد التخصص -عال-هال-نال كلها اختبراتها انجليزي اسئلة واجوبة)
الحل :
لن يصلح امر اخر هذه الأمة الا ما صلح به اولها.
ذاكر زين وشدحيلك وحاول تاخذ لك كورس في اي معهد

ابو ريناز
15th September 2005, 01:27 AM
وعليكم السلام :) .

أهلاً وسهلاً .. :) ، شكلك معنا في مجموعة 11 :) .. الصراحة الدكتور اللي معنا جيّد ..
صحيح انه مايعرف العربي ابداً ! .. ولكن الحمدلله فهمنا على قد حالنا .. :)

وبدون زعل .. الغلط من الطالب اللي جاي للجامعة وهو ماتعلّم انجليزي لو بنسبة 25 % .. ! :)

حياك ربي ،، :)

أقرب البعيد
15th September 2005, 01:37 AM
102 نجـــم اممممممممم

شــف اخــوي بصراحة المادة هذي يعني وش اقول لك لو اقول انها اهم مادة راح تمر عليك فى الجامعة كلها يمكن اكون مقصر

بالذات هذي المادة لو جبت فيها معدل راح تتخرج بأذن الله وانت مرتاح يعني لا قدر الله لو تعثرت مستقبلا وانت جايب معدل كويس فى النجم ما راح يضرك كثيــر...

-------------------
هل جميع الشرح بالانجيلزي .؟؟
اي نعم وهي افضل طريقة لتعلم المادة

-----------------
هل الاسئلة والاختبارات بالانجليزي ؟
اكيـــد ولا فيها كلام بعد ..so4::D
---------------------
دكتوركم من الهند مدري البنغال بالعكس انا انبسط على الدكتور اللى كذا لانك تضطر انك تنتبه معه علشان تفهم وش يقول ..

وبعدين سالفة الهند والبنغال الله يعنيك فى الحاسب بتقابلهم كثيــر وبصراحة افضل دكاترة حاسب درسوني الى الحين كانوا هنود..

-------------------------
الاطلس والمورد غير مسموح فيها ابد وتعتبر غــش اذا دخلتها فى الاختبار واصلا لو بتدخلها وتجلس تترجم كل كلمة راح الاختبار وانت ما حليت شي ..

------------------------
الحل انك تذاكرها وبس;)

----------------------


أقــــرب البعيـــد

المشاكــس
15th September 2005, 01:48 AM
اشكركم اخواني والله يعين

ابن درعاااان
15th September 2005, 03:45 AM
السلام عليكم
ممكن سوال آخر لو سمحتوا:
كيف تتم مذاكرتها ذي 102 نجم
هل الحل الوحيد للي مايعرفوا إنجليزي يدخلون معهد مع العلم إنه مافي وقت للمعهد والمذاكرة والجامعة
هلى في حل ثاني لكيفية مذاكرتها ؟

وعلى فكرة كيف تتم مذاكرة الريض 101 وهل يحتاج مدرس خصوصي وكمان 112عال هل تحتاج مدرس خصوصي؟
وشكرا

دندور
15th September 2005, 12:22 PM
سلام

102 نجم هاذي اهم ماده في اول مستوى
لأن لها تأثير كبير على المعدل 6 ساعات
احرص عليها
تراها مو صعبه
بس اصعب شي اتذكره لما يسألون عن معنى مماثل للكلمه
ويقول استخرجه من القطعه
انا كنت احوس هنا

وبعد شد حيلك في الشهري تراه غالبا اصعب من النهائي
و ذاكر كل يوم بيومه
..................................................

101 ريض اسهل منها ما فيه
ذاكر كل يوم بيومه
ما يحتاج مدرس

112 عال ما اعرف وشي
بس اذا هي C فشد حيلك
وانس فكره مدرس خصوصي
اعتمد على نفسك
وترى C من اجمل لغات البرمجه واهمها



و بالتوفيق

الأصيلة
15th September 2005, 02:52 PM
السلام عليكم
من خبره في هذي الماده ترااااااها من جد من جد تافهه لو ذاكرتها كويس
طريقة المذاكرة
ركز على الكلمات
وراح تفيدك كثير كثير
وانا طريقتي اقرا جميع القطع واي كلمة مااعرفها اجيب معناها حتى لو الدكتورة ماقالتها لانها بعض الاحيان تعتبر انها معروفة
واحفظ الكلمات حفظ
الامتحان غالبا عندنا احنا البنات
قطعة وعليها اسئلة
بعض الأسئلة تقولك مثلا
what does ____ stand for?
يعني الكلمة الي في الفراغ (طبعا هو مايكون فراغ هي تحط كلمة جواه من داخل القطعة) اختصار ايش
تلقاها بالقطعه
زي ksu هي اختصار king saud university
وطبعا كلمات او كلمه تقولك جيب معناها من القطعة
وهذي تعتمد على كونك تحفظ الكلمات او تفهمها حسب طريقتك
واسئلة القطعة اهم شي وعليها اكثر درجات
ولو سويت زي ماقلت لك وحفظت جميع الكلمات بتكون القطعة بالنسبة لك واضحة انشاء الله
وطبعا القواعد
لو شديت حيلك بتجيب فيها A+ بالراحة بس شد حيلك مضبوط
وعلى فكره حقين الانجليزي بجميع انواعهم يحبون المشاركة ومايحبون الي يحكي عربي
اجلس قدام وحاول تشارك

والريض سهللل جدا خصوصا انكم توكم طالعين من الثنوي

وماتحتاجون مدرسين انشاء الله في هذي المادتين
والمعاهد خصوصا الي تعطي دورات سريعة ماعندها الا الخرطي

محمد الغنيمي
18th September 2005, 10:26 AM
الله يوفقك اخوي المشاكس

لكن من شاف مصيبة غيره هانت عليه مصيبته

حنا كل المحاضرات بالإنجليزي

رياضيات و 5 مواد انجليزي و بعدين فيز و عال

و عندنا دكتور باكستاني مدري هندي لكن و الشهادة لله انه يوصل المعلومة و هو ما يعرف عربي

و انا لغتي الانجليزية ( سماع و محادثة ) تقدر تقول ضعيفة لكن افهم عليه

لكن المهم اننا داخلين هالكلية حباً في التخصص مو كالغالبية ورى الخيل يا شقرا و يا كثرهم في شعبتي

يالله على كلام اللي سبقون : بتتعود تدريجاً و تمشي زي المويا

تحياتي لك عزيزي

محمد الغنيمي
18th September 2005, 10:33 AM
ذاكر زين وشدحيلك وحاول تاخذ لك كورس في اي معهد

حنا في الإمام عندنا كورس انجليزي مكثف لمدة سنة كاملة غير داخل في المعدل
لكن فيه نجاح و رسوب و الدراسة في الكلية 5 سنوات أيضاًُ


هل الحل الوحيد للي مايعرفوا إنجليزي يدخلون معهد مع العلم إنه مافي وقت للمعهد والمذاكرة والجامعة

الحل حالياً لو إنك مصمم على الحاسب و بتتحمل الصعوبة .. هو الإمام
السنة الأولى دورة مكثفة في الإنجليزي و الرياضيات و الفيزياء و مقدمة في الحاسب


لأن لها تأثير كبير على المعدل 6 ساعات

حنا عندنا الـ 101 نجم تاخذ 15 ساعة


وترى C من اجمل لغات البرمجه واهمها

.. صحيح ..