المساعد الشخصي الرقمي

مشاهدة النسخة كاملة : لاستفساراتكم :عن القبول ونظام الدراسه بكلية طب الأسنان.



الصفحات : 1 [2]

لغة الجمال
16th June 2011, 12:40 AM
^^^
حولي سنه تحضيريه على جامعة الملك سعود وتنافسي على المقعد

كوكا موكا
16th June 2011, 12:46 AM
كيف احول ؟؟
يعني اروح للجامعه واقدم اوراقي وبس ؟؟

قريت بموقع الجامعه انه لازم اكون درست فصلين دراسيين
وانا مادرست الا فصل واحد :(


الله يسعد قلبك يا لغة الجمال :)

لغة الجمال
16th June 2011, 07:17 PM
صراحه مااعرف شئ عن أنظمة التحويل
بس ان شاء الله يكون سهل كثير بنات يحولون وخصوصا ان نسبتك حلوة (مشاء الله)
روحي لعليشة بوابة 9 مبنى شؤؤن الطالبات اعتقد كذا اسمه واستفسري عن كل شئ
او احسن حل انك تقديمين هالسنه على جامعة الملك سعود كطالبه مستجده (اذا كانت نسبتك 97 ثانوي وقدرات وتحصيلي كويسه = يعني نسبتك المركبه ماتقل عن 83 ) ففيه امل كبير تنقبلين السنه الجاية سنه تحضيريه للكليات الصحيه ان شاء الله وتدرسين سنه تحضيريه وتتنافسين ع المقعد بالطب لاتسحبين ملفك اذا اذا انقبلتي بسعود
موفقه ان شاء الله ن2

dentistd44
18th June 2011, 11:37 PM
السلام عليكم و رحمة الله و بركاته ..

حبيت أعرف إذا كان معدلي بالتحضيري 4.8 يدخلني طب أسنااااااااان (( حلم حياااااااااتي ل1ل1 ))

و الله إني شايلة هم إنهم مايقبلوني .. مع العلم إن بعد بكره اختباري فيزياء و هو آخر اختبااااااااااار لي بالتحضيرية

ماني قادر أذاااااااااااكر .. عن جد مرررررررة متأزمة .. فحبيت أعرف أقل معدل دفعتكم انقبلت فييييييييييييه ...

و متى طلعت تخصصاتكم ....

فرجوا علي ربي يفرج عليكم ...

Dr.new10
18th June 2011, 11:47 PM
معدل القبول يختلف من دفعه لدفعه .. على حسب شطارتهم


لكن .. لو كان فعلاً معدلك 4,8 أقدر أقولك و بنسبة كبيره انك ح تصيرين طبيبة أسنان .. إن شاء الله

ULNA
19th June 2011, 06:44 AM
اولا شدي حيلك وذاكري زين ولا تخربينها في اخر اختبار
شوفي احنا العام وقف القبول عند 4.79 وطلع تخصيصنا بعد اسبوعين تقريبا
انشاء الله معدلكي يدخلك اسنان

dentistd44
19th June 2011, 02:22 PM
Dr.new10
ULNA
ربي يوفقكم و يجزاكم خيييييييييييييير ... و يزيييييييييييدكم من فضله و خيره ... و يسعدكم يا رب دنيا و آخررررررررررررررره ...

dr-n
20th June 2011, 01:09 PM
السلام عليكم

ابي استفسر عن نظام الدراسه بجامعة الملك سعود
اللي اعرفه ان لازم ادرس سنه تحضيريه بعدين ادخل تخصص طب الاسنان
واول سنه في طب الاسنان تكون عن الاناتومي وكذا
وسنه التخصص هل هي بداية السنه الثانيه؟
يعني ادرس اندو ورستو والاشيا هذي في اول ترم من السنه الثانيه والا بثاني ترم ؟؟

وممكن تعطوني رقم الاداره بكلية طب الاسنان ابي استفسر منهم

انتظركم

حبيب الملاين
20th June 2011, 03:21 PM
اخوكم في التحضيرية

ومعدلي بأسوء شي بيوقف على

4.4

أهل تتوقعون انه يدخلني أسنان

لغة الجمال
20th June 2011, 03:34 PM
اتوقع العام وقف القبول عند 4.35
ان شاء الله في امل
الامل بالله كبير

لغة الجمال
20th June 2011, 03:38 PM
اهلا
سنه اولى مب اناتومي فقط
فيه مواد كثير من ضمنها الاناتومي
بس الاندو والرستو لسى
ومتى نخذها ماادري
هذا الرئيسه للكليه
http://dent.ksu.edu.sa/ar
وهذي الصفحه في ارقام للتواصل معهم
http://dent.ksu.edu.sa/ar/telephonebook
ن2

نوووحي
22nd June 2011, 10:22 PM
السلام عليكم عب1
اتمنى ان تكونون باحسن حال
حبيت استفسر ولا احد ينفجر علي
انا توني مخلص التحضيرية ومعدلي 4.21 هل لي امل اخش اسنان

والله معدلي الفصل الاول كان 3.85 وحااااااااااولت ارفعه بكل ما اعطيت من قوووة
ارجو الافـــــــــــــــادة؟؟؟ ؟عب1

P E R D U
23rd June 2011, 05:18 AM
والله يا أخي حسب مستوى الدفعة ، اذا كانت معدلاتهم عالية بيكون المعدل المطلوب عالي والعكس صحيح ..
يعني مثلا دفعتي كانت اقل دفعة معدل وقف على 3.88 بينما السنة الماضية مثلا اعتقد وقف على 4.30 ..
بس غالب الدفعات معدلك يؤهلك للدخول ، لان معدل السنة الماضية كان استثنائي بصراحة ، ما شاء الله ..
يعني تختلف من سنة الى أخرى ..

بالتوفيق


ن2

Tooth Fairy
24th June 2011, 09:06 PM
انا أبي أعرف التحويل ممكن أو لا؟

أنا طالبة أسنان بجامعة الملك عبدالعزيز هل من الممكن أني أحول الترم هذا أو الترم الجاي لعندكم ؟
أو إذا حولت أعيد الموحد ؟
هل قد حصل يعني طول دراستكم بكلية طب الأسنان و جاكم أحد محول من برا ؟؟؟


لو أحد عنده فكرة يخبرني بليز ..

زمـهريرا
25th June 2011, 04:30 PM
السلام عليكم (f)
ممكن إجابات سريعة لو سمحتم قلب2
سمعت إن كلية طب الأسنان للبنات في السنة الواحدة
ما يقبلون إلا 40 طالبة صحيح هالكلام ؟؟
طيب فيه إمكانية للتحويل من كلية العلوم الطبية التطبيقية إلى كلية طب الأسنان بعد قضاء ترم كامل ؟؟
جزاكم الله خيراً (f)

P E R D U
25th June 2011, 10:17 PM
Tooth Fairy
ما عندي فكرة والله اذا ممكن تحولين او لا ..
اتوقع لها اجراءات مطولة ، افضل طريقة هي سؤال مسجل الكلية ، عاد الله اعلم كيف توصلين له ..

ن2




زمهريرا
ايه نعم 40 طالبة يزيدون او ينقصون شوي ..
التحويل شبه مستحيل من كلية أخرى ، الا اذا فيه واسطة قوية جدًا فممكن .. ض2

ن2

~Do it ~
25th June 2011, 10:26 PM
بالنسبة للتحويل من جامعة الى جامعتنا هذا اللي اعده شبه مستحيل ,,,

لكن بالنسبة لاستفسارك يا زمهريرا ,,

أعرف بنت حولت من طبية تطبيقية قسم صحة فم واسنان الى بكالوريوس أسنان عندنا ,,, بمعدلها فقط,,,وبعد ما درست سنة كاملة ,,,

لكن ترا يمكن فيها معادلة مواد وروحة وجية الى ما وافقوا لها ,,

اللي اعرفه انها لما حولت خلوها تدرس السنة الأولى أسنان من جديد , وتأخرت عن دفعتها ,, بسنة

ووحدة ثانية ,,, أظنها بواسطة قوية مثل ما تفضل PERDU

موفقات ,,

زمـهريرا
26th June 2011, 01:11 AM
PERDU و Do it
شكراً (f)
لكن ممكن أفهم كيف فقط 40 طالبة رغم إن أعداد طالبات الكليات الصحية أتوقع 600 تقريباً
كيف يوزعونهم على 5 أقسام صحية بهالطريقة ؟؟!

Yasmine Al-Awaji
26th June 2011, 02:06 AM
^
^

عدد الطالباتـــ بالتحضيري على عهدنا كانوا حول الخمسمية ...

40 أسنان

90 بشري

حول الـ 100 صيدلة

والباقي علوم طبية بم انه فيه مجال يشيل أعداد كبيرة ويتوزعون على أقسامه ...


(و)

Garnet
26th June 2011, 01:31 PM
عندي سوال
هل لو قبلت اسنان

كيف راح تكون الدراسة اول سنة
نظام بلوكات زي الطب ؟ ولا كيف

صدق يقولون انكم تاخذون مواد في كلية الصيدلة ؟

سوال اخير
المواقف الادوار الي قدام الكلية هل مسموح لنا نوقف فيها

لغة الجمال
26th June 2011, 04:52 PM
نظامنا سنوي بس مو بلوكات زي الطب
وفيه ماده وحده ناخذها من الصيدله اللي هي كيمياء حيوي
اما المواقف الادوار فأنا اوقف سيارتي قدام كليتنا بالملز ماادري عن الدرعيه مز1

Turki_Saad
26th June 2011, 06:05 PM
اخوي Garnet
بالنسبة للمواقف ما تقدر توقف بالادوار الا اذا صار ما في سيكيورتي وذولي ٢٤ ساعة مسنترين وقليل يكونون مو موجودين بس فيه مواقف الي هي قدام البهو انت بس اول ما تجينا لا اخليك توقف باحسن مكان :p ان شاء الله 

~Do it ~
27th June 2011, 12:14 AM
صباح الخير ,,

صحيح ما ذكرته Gladiolus
على دفعتي ,,, تقريبا 37 طب أسنان ,, 100 وشويه طب ,,, حوالي 150 صيدلة ,, والباقي علوم طبية ,,,

وبالنسبة لدراستنا ,,,

ندرس مواد من الطب ,,, ومواد من الصيدلة ,,, ومواد من العلوم اللي هي الكيمياء الحيوية مثل ما ذكرت لغة الجمال

بالتوفيق,,

حبيب الملاين
27th June 2011, 03:54 AM
شباب معكم اخوكم تحضيري 431

خلصت ولله الحمد

وطبعا السنة الماضية كان القبول عندكم موقف على 4.33

وانا جبت معدل 4.39

وحلمي الاول والاخير هو طب الاسنان

هل تتوقعون انه يمكن يقبولني او يمكن يرفعون نسبة القبول اكثر من 0.8

بصراحه خايف جدا جدا جدا جدا جدا جدا

وش رايكم انتم ؟

لغة الجمال
27th June 2011, 04:02 AM
^^^^
لا ان شاء الله فيه امل كبير جدا تدخل
توكل ع الله وادعي ربك والله يوفقك يارب
ن2

حبيب الملاين
27th June 2011, 07:18 AM
^^^^
لا ان شاء الله فيه امل كبير جدا تدخل
توكل ع الله وادعي ربك والله يوفقك يارب
ن2

الله يسمع منك امين يارب

mo7trf-20
27th June 2011, 09:38 PM
اهلا بالاطباء جر2

عساكم بخير


المهم بغيت منكم خدمه

انا الحمد لله جبت معدل تراكمي في السنه التحضيريه

4.43

و انا خايف انه مايدخلني اسنان \

و ممكن انتحر :لي::لي: اذا ما دخلت اسنان

لاني من 5 سنوات كان هذا هو حلمي
و ما ابي غيره

فهل احد من الدفعات السابقة كان معدة زي معدلي او اقل و دخل الاسنان

و اااااااسف اني اخذت من وقتكم .............

شبيه الليل
27th June 2011, 09:45 PM
أخوي اسمح لي ماأحد في هالكون عنده إجابة غير ربك سبحانه

والله تبي تحوس نفسك كذا

خلاص أنت سويت اللي عليك

الباقي عليك ياطويل العمر تصلي ركعتين اخر الليل وتدعي ربك والله ماراح يختار لك إلا اللي فيه الخيرة لك

ريح نفسك واستمتع بإجازتك ورزقك ماراح يضيع بإذن الله سبحانه

لغة الجمال
27th June 2011, 11:42 PM
اي في امل كبير ان شاء الله تدخل اسنان
العام وقف على 4.33 اتوقع
وانت 4.43 مشاء الله بالنسبه للأولاد ض2
ففيه امل كبير ان شاء الله بتدخل
الله يوفقك

خرج ولم يعد
28th June 2011, 05:17 AM
السلام عليكم اهل طب الاسنان.... اتمنى لكم النجاح و التوفيق و ان يحصل كل فدر على اللي يتمناه.
عندي استفسار بسيط:
انا توني منتهي من التحضيرية( المسار الصحي ) ونسبتي اقل من النسبة المطلوبة للطب البشري العام. هل اذا انقبلت في الاسنان وشديت حيلي اقدر احول ان شا الله؟ ( اذا لا هل فيه كلية صحية ثانية؟) واذا نعم هل بيكون الامر صعب ؟( من ناحية عدد الطلاب اللي يسونها و النسبة المطلوبة( اللي تتوقعونه) بالاضافة الى الاعتبارات الاخرى....( مثل لما ينقال لك لا تتوقع انك بنتجح عندي).
بالتوفيق للجميع.

Turki_Saad
29th June 2011, 04:30 AM
اخوي خرج ولم يعد

انت اذا انقبلت باي تخصص كمل فيه ايا كان هذا التخصص وبالنسبة للاسنان صدقني انه تخصص فضيع جدا وان دخلته بتحبه وقل تركي ما قاله :P لان كثير من الناس الي كانوا يتمنون البشري بعد ما دخلوا الاسنان يحمدون ربهم وجه وقفى انهم انقبلوا في الاسنان وما انقبلوا في البشري

وعلى قولتهم لكل حادث حديث بالتوفيق لك اخوي

`·.·``·.Muneerah
29th June 2011, 04:48 PM
^^^

ايوه بالضبط

في ناس يحمدون ربهم انهم ما حطوا بشري اول رغبه ض2


لكن إذا أنت مصمم على البشري جرب قدم في الملك فهد الطبيه

d z e k o
1st July 2011, 04:50 AM
طيب انا عندي سؤال

انا الحمد لله معدلي فوق 4.5

هل اذا ما تم قبولي بالطب البشري

راح يكون اتوماتيكيا قبولي بالاسنان

بحكم انها رغبتي التانيه ؟

:)

Be patient
1st July 2011, 11:23 AM
^^^^^
ايه بالظبط

قطعه حلا
3rd July 2011, 12:08 AM
بما انو احنا صرنا اصحاب دار نبي كيكه كبيره بمناسبة قبولنا بالاسنان ف5

Be patient
3rd July 2011, 12:11 AM
الف مبرووووك وان شاء الله قريب

kaeef-bs
3rd July 2011, 12:49 AM
السلام عليكم ورحمة الله وبركاته ..
زميلكم الجديد باذن الله ..
دعواتكم ..

P E R D U
3rd July 2011, 12:52 AM
^^^

وعليكم السلام ورحمة الله وبركاته ...

أهلًا أهلًا وألف مبروك ..
ما شاء الله نزل التخصيص ؟

kaeef-bs
3rd July 2011, 01:02 AM
الله يبارك فيك .. دعواتك لنا ..
ايه نزل .. وطب الاسنان قفل للعيال على ٤.٥١ ..
الا بسال الدراسه السنه هذي في المبنى الجديد ولا القديم ..
وهل المبنى القديم كئيب زي مبنى كلية العلوم ؟

ANeeN ALRooH
3rd July 2011, 01:13 AM
مبرووووووووووووك للي انقبلو حب2

يبيلكم موضوع ترحيب جامد حب2

ــ
(http://www.cksu.com/vb/member.php?u=101573)kaeef-bs (http://www.cksu.com/vb/member.php?u=101573)

لا المبنى القديم بتدرسو فيه

المستشفى يمكن يخلص على نهاية الفصل الاول على كلام الوكيل

المبنى يشبه مبنى كلية العلوم باستثناء العيادات ض1

kaeef-bs
3rd July 2011, 01:24 AM
^^
مشكوور على الرد ..
وان شاء الله ما ياثر علينا المبنى ..
وبالتوفيق للجميع ،،

Be patient
3rd July 2011, 01:32 AM
^^^^
صح تصميمه مشابه للكية العلوم بس لا تخاف مو كئيب يوسع الصدر ض1

kaeef-bs
3rd July 2011, 01:38 AM
الله يبشرك بالخير هذا اهم شيء ..
والله يا ان مبنى كلية العلوم كئيب اعوذ بالله ...
ما ادري كيف يتخرجون منه ناس ما شاء الله علماء ..
الا يمديني اسوي زياره للمبنى بكره ؟

d z e k o
3rd July 2011, 02:08 AM
^ ^

سوا زيارة ولا يهمك

البيت بيتك ض3 , والله يوفقك

قلب2

Be patient
3rd July 2011, 02:10 AM
مشاء الله كل هذا حماس ض1 ,,, لاحق على الكليةم4 واذا انت معزم رح عادي ض1

قطعه حلا
3rd July 2011, 06:06 PM
سؤال كبير

احنا راح ندرس بالملز صح

واللبس زي الطب تنوره والا سكراب

واللي عنده مواد السنه الاولى يا ليت يحطها

وكيفيه الدراسه وكذا

الدكتور الدكتاتوري
3rd July 2011, 06:16 PM
اصبري شوي بينزل موضوع مفصل وفيه كل التفاصيل والموضوع ايضا يشمل تفاصيل دقيقه مفيده
فالصبر ثم الصبر عشان تعرفي التفاصيل, مانبي نعطيكي معلومات ماتكون في مفصله لانه لو ماكنت
مفصله بتكون وسيعه او ضيقه لووول والله اني جايب العيد

قطعه حلا
3rd July 2011, 06:48 PM
طولتوا<< فيس ما يستحي على وجهه

لا عادي خذوا راحتكم

واسفين على الازعاج

كامب نو
3rd July 2011, 07:23 PM
الله لا يهينكم يا شباب اسرع علشان الواحد يعرف وين الدنيا مقبله فيه

وفي نقطه أتمنى تركزون عليها في التقرير اللي هي التوظيف بعد التخرج

هاذي أهم نقطه بالله ركزوا عليها

لأن كثير يقولون صعب تلقى وظيفه

P E R D U
3rd July 2011, 08:16 PM
ان شاء الله بيكون فيه موضوع تهنئة وبعدها بيكون الموضوع التعريفي ..
بالنسبة للتوظيف فلا تقلق ، كله كلام .. ض2

Lama A
4th July 2011, 12:27 AM
بالنسبة للبنات، حنا نلبس سكربز ض2 وفوقه بالطو، ولازم البالطو مايكون فوق الركبة، بس أول يوم لا تجون بسكربز، وتراه ينباع بالكلية بـ 90 ريال أتوقع
واللي تبغى تلبس تنورة عاادي، بس لازم تكون طويلة من جد! وسوداء، التنورة الرمادية ممنوعة، التنورة شوي راح يستقعدون لكم عليها خصوصاً من ناحية الطول

ان شاء الله راح نكلمكم بالكلية ونعلمكم عن كل شيء

لغة الجمال
4th July 2011, 01:42 AM
قايد سنه اولى بينزل قريب ان شاء الله
واعذرونا على التأخير
وعالبركه القبول
ن2

dangerwave
4th July 2011, 09:39 AM
السلام عليكم
كم وقف القبول السنه هذي بالنسبه للاولاد والبنات ؟؟

Miracle ~
4th July 2011, 10:18 AM
و عليكـُم السلامْ والرحمهـْ ..~

للبناتْ وقف على 4.89 الحمدُ لله
وللشباب وقف على 4.51

Dalal.D
5th July 2011, 01:18 AM
ما شاء الله القبول جدا عالي !
يا خوفي عى دفعة اختي يسكر على 5

مبروك للكل

*ما شاء الله*

Miracle ~
5th July 2011, 02:20 AM
أي نعم ، ما شاء الله
This year was literally a death race

ومع ذلك كان التنافس ولله الحمد شريف ، نصحح أخطاء بعض ونستفيد من الكل ، وكنا ولازلنا على قلب واحد ..~

الله يبارك في عـُمرك :)

أهم شيء تشد حيلها إن شاء الله وتبتعد عن المـُقارنات بالدفعات السابقة
لأن هذا اللي جعل الكثير يتهاونون للأسف ويقللون من تميز الدُفعهـْ ..~

دنادين
5th July 2011, 01:19 PM
السلام عليكمهن2

انقبلت طب اسنان ولله الحمد ,,:هي:

سؤالي :

- بهذه الفتره اللي هي من الحين الى بعد العيد .,هل فيه شي مهم بيصير او نسويه؟؟ << ابي احلل الاجاازةمس2

وكمان سبب ثاني ..رح اسافر وممكن ما يتوفر عندي نت عشان اتابع المنتدى :لي:

مثلا ,,

-سمعت انو رح تنزل جدوال واحنا نرتبها م1..هل هالشي صحيح ؟؟

- ندوام 12/10 ؟؟والا زي التحضيرية قبل باسبوع عشان الاسبوع التعريفي ؟؟:ؤ:

وبالنسبه لكيله البنات .,,وين موقعها بالظبط؟؟

وكيف حلوه زي التحضيرية ل1,,؟؟

مم واللبس ..,,؟!

مم ..ودي اسأل ..بس رح ننتظر الموضوع التعريفي عب1<<متى هوا ؟؟:هي:

Be patient
5th July 2011, 02:14 PM
^^^^
ان شاء الله اليوم راح تعرفين كل شي ض1

دنادين
5th July 2011, 02:45 PM
طيب بسس ابي جواب لهذه الاسئله ,,مس3


وباقي الاسئله بخليها بالموضوع التعريفي,,:×

,

Be patient
5th July 2011, 02:59 PM
السلام عليكمهن2

انقبلت طب اسنان ولله الحمد ,,:هي:

سؤالي :

- بهذه الفتره اللي هي من الحين الى بعد العيد .,هل فيه شي مهم بيصير او نسويه؟؟ << ابي احلل الاجاازةمس2

الشي والوحيد الي تسوينه انك تحللين الاجازة قبل اول يوم في الكلية

وكمان سبب ثاني ..رح اسافر وممكن ما يتوفر عندي نت عشان اتابع المنتدى :لي:

مثلا ,,

-سمعت انو رح تنزل جدوال واحنا نرتبها م1..هل هالشي صحيح ؟؟
الجداول تنزل لكم و ثابتة وما تتغير


- ندوام 12/10 ؟؟والا زي التحضيرية قبل باسبوع عشان الاسبوع التعريفي ؟؟:ؤ:
12 /10
وبالنسبه لكيله البنات .,,وين موقعها بالظبط؟؟
الملز
وكيف حلوه زي التحضيرية ل1,,؟؟

مم واللبس ..,,؟!

مم ..ودي اسأل ..بس رح ننتظر الموضوع التعريفي عب1<<متى هوا ؟؟:هي:
وباقي الاسئلة راح تعرفينها ان شاء الله

دنادين
5th July 2011, 03:05 PM
^
^
مرا شكراا ..يعطيك العافيه ..

TOUFI
10th July 2011, 05:07 PM
السلام عليكم ورحمة الله وبركاته



انا طالبة طب اسنان في جامعة القلمون في دمشق وبسبب الظروف الحاصلة رجعت للملكة
واتمنى اني ادرس في جامعة الملك سعود
بس ما ادري شلون الطريقه او كيفية التحويل ارجوكم تساعودني
انا اتممت مستوى واحد ولا يوجد في جامعات دمشق ما يسمى بالسنه التحضيريه فارجو تزويدي لما يلزم
لاتمكن من الالتحاق :(:(:(:(:(:(

ratiba
10th July 2011, 05:18 PM
السلام عليكم
انا طالبة سنة ثانية جراحة اسنان بالجزائر
عندي طموح نكمل دراستي عندكم لكن نحن ندرس بالفرنسية
ارجو ان تقبلوني كعضوة بينكم

لغة الجمال
11th July 2011, 04:19 AM
السلام عليكم ورحمة الله وبركاته



انا طالبة طب اسنان في جامعة القلمون في دمشق وبسبب الظروف الحاصلة رجعت للملكة
واتمنى اني ادرس في جامعة الملك سعود
بس ما ادري شلون الطريقه او كيفية التحويل ارجوكم تساعودني
انا اتممت مستوى واحد ولا يوجد في جامعات دمشق ما يسمى بالسنه التحضيريه فارجو تزويدي لما يلزم
لاتمكن من الالتحاق :(:(:(:(:(:(

http://dent.ksu.edu.sa/ar

هذا موقع الجامعه وفيه ارقام للتواصل ان شاء الله يفيدك اكثر مني :)

P E R D U
11th July 2011, 05:52 PM
السلام عليكم ورحمة الله وبركاته



انا طالبة طب اسنان في جامعة القلمون في دمشق وبسبب الظروف الحاصلة رجعت للملكة
واتمنى اني ادرس في جامعة الملك سعود
بس ما ادري شلون الطريقه او كيفية التحويل ارجوكم تساعودني
انا اتممت مستوى واحد ولا يوجد في جامعات دمشق ما يسمى بالسنه التحضيريه فارجو تزويدي لما يلزم
لاتمكن من الالتحاق :(:(:(:(:(:(

السلام عليكم
انا طالبة سنة ثانية جراحة اسنان بالجزائر
عندي طموح نكمل دراستي عندكم لكن نحن ندرس بالفرنسية
ارجو ان تقبلوني كعضوة بينكم
للأسف جامعة الملك سعود تقبل الطلبة السعوديين فقط خصوصًا في كليتي الطب البشري والأسنان ..
حسب معلوماتي انه قد يتم القبول في السنة التحضيرية ثم التخصص في الصيدلة او علوم طبية ،
لكنه احتمال بعيد لأن الأفضلية دائما لخريجي هذي السنة من الثانوية بالاضافة للسعوديين أو الأجانب لكن الأم سعودية ..

عمومًا تبقى فرصة القبول في الكليات الأهلية وهي كليتي الرياض والفارابي ...

بالنسبة للأخت توفي ، طيب ليش ما تحذفين ترم أو سنة الى ان تنتهي الأحداث وبعدها تكملين دراسة ؟

لغة الجمال
12th July 2011, 01:37 AM
بيردو يقبلون الاجانب اذا كانت الام سعوديه :)

N.mandela
12th July 2011, 02:59 AM
^^^
بالنيابة عن بيردو

اذا كانت الام سعودية من اب اجنبي يعاملون الابناء معاملة السعودين في كل شئ وليس في الجامعة فقط

P E R D U
12th July 2011, 08:22 PM
بيردو يقبلون الاجانب اذا كانت الام سعوديه :)

حسب علمي يس مثل ماقال أخينا مانديلا ..

متلخبطييين
12th July 2011, 09:13 PM
سلام عليكم ..

عندي سوعال صغير ..

هل فيه شي لنا لازم نسويه زي قاعدة البيانات اللي عند طلاب الطب البشري ..؟

شاكره لكم .. قلب2

الدكتور الدكتاتوري
12th July 2011, 10:22 PM
لا ابد بس تعالي اول يوم للكليه "بالملز" ويصير خير ان شاء الله

لغة الجمال
13th July 2011, 02:29 AM
حسب علمي يس مثل ماقال أخينا مانديلا ..

اي انا ادري
ماكنت اسأل
كنت اجاوب

nora432
14th July 2011, 02:36 PM
لما كنت اسوي تقويم
قالتلي الدكتورة انا مااعرف ايش محتاجه اسنانك روحي لدكتورة مختصه قبل التقويم
عشان التنظيف والحشوات

سؤالي : لو بغيت ادخل قسم طب تقويم أسنان
متى أتخصص وهل يلزمني خلال الدراسة أتعلم وأطبق جراحة وتركيب الأسنان
لأني صراحة مااتحمل اشوفها :(

نور2009
15th July 2011, 06:43 AM
السلام علييييييييييكم
عندي استفسار الله يخليكم
يصير احول من السنة التحضيرية للكليات العلمية الى صحيي اذا كان معدلي عاااااالي ؟؟
يصييير وكيف طيب :O

Lama A
16th July 2011, 04:53 PM
سؤالي : لو بغيت ادخل قسم طب تقويم أسنان
متى أتخصص وهل يلزمني خلال الدراسة أتعلم وأطبق جراحة وتركيب الأسنان
لأني صراحة مااتحمل اشوفها
تتخصصين بعد البكالوريوس (الـ 7 سنين)، وايه لازم تتعلمين تقريباً كل شيء بالبكالوريوس
لا تنسين الاستخارة


يصير احول من السنة التحضيرية للكليات العلمية الى صحيي اذا كان معدلي عاااااالي ؟؟
ما أعتقد، الا اذا عندك واسطة

تبآشير آلفرح
17th July 2011, 07:48 PM
السلام عليكم ورحمة الله وبركاته ..
حبيت استفسر الحين اذا تخرجت من البكالوريوس مسماي دكتورة اسنان عامة صح
طيب اتوظف بهالشهادة والا لازم اكمل مشواري الدراسي واتخصص ؟!!!
يعني الوظيفة تقتصر على شهادة البكالوريس والا لا ؟!!

ومشكورين

ليلو
17th July 2011, 09:51 PM
^^
صح تتسمين طبيبة أسنان عامة مز1
و تقدرين تتوظفين بشهادة البكالوريوس وتصيرين طبيبة عامة أو تتخصصين وتصيرين تعالجين في المجال إلي متخصصه فيه
(و)

N.m.m
26th July 2011, 07:59 PM
ما اعرف اذا المكان المناسب لسؤالي. بس بما ان اغلب المشرفين على هالصفحة اطباء اسنان. حابة استفسر عن شي ، وهو هل طب الاسنان افضل ام طب بشري من خبرة اصحاب فكرة العيادة. ايش ترشحون اكثر. من ناحية ايجاد الوظائف و الرواتب و الدراسة. ؟! واكون جدددداً شاكرة لو تجاوبوني. و شكراً مقدماً

Tomtrara
31st July 2011, 04:09 AM
ما اعرف اذا المكان المناسب لسؤالي. بس بما ان اغلب المشرفين على هالصفحة اطباء اسنان. حابة استفسر عن شي ، وهو هل طب الاسنان افضل ام طب بشري من خبرة اصحاب فكرة العيادة. ايش ترشحون اكثر. من ناحية ايجاد الوظائف و الرواتب و الدراسة. ؟! واكون جدددداً شاكرة لو تجاوبوني. و شكراً مقدماً

كل تخصص فيه الميزات وفيه السلبيات ...استخيري وشوفي اللي يريحك...
موفقة قلب2ن2

د.التميمي
1st August 2011, 07:44 AM
السلام عليكم ورحمة الله وبركاته

اسف اذا بزعجكم لكن محتاجكم والله

انا خلصت السنة التحضيرية وكان معدلي ما يدخلني لا طب ولا طب اسنان لان فيه غلط بالدرجات


عدلت درجاتي وصار معدلي يدخلني طب اسنان لكن ما يدخلني بشري ( الفرق بين معدلي و اخر معدل في البشري 0.03 بس )

المهم

انا انسانما قد فكر انه يكون طبيب اسنان ولا اعرف شي عن هالتخصص

اول شي في امل ينزل معدل البشري ؟

واذا مافي امل ايش تنصحوني اكمل طوارى ولا احول اسنان ولا اروح بعثة وادرس بشري ( ما احب الدراسة بالخارج وخوفي ما امشي ) ؟

انا يوم سالت عن طب الاسنان كان في رد اتكرراكثر من مرة ( ما بتلقى وظيفة حكومية ولازم يكون عندك راس مال تسوي فيه مشروع ويمكن يفشل المشروع ......)اتحطمت بصراحة

صح الكلام ذا ؟

واخيرا نظام الدراسة بالاسنان بلوكات ولا عادي ؟

اسف عالاطالة والله يعطيكم العافية

P E R D U
2nd August 2011, 12:46 AM
^^^


اول شي في امل ينزل معدل البشري ؟
قد ينزل درجة أو درجتين تقريبا ..


واذا مافي امل ايش تنصحوني اكمل طوارى ولا احول اسنان ولا اروح بعثة وادرس بشري ( ما احب الدراسة بالخارج وخوفي ما امشي ) ؟
والله يا عزيزي صعب أحد يفتيك في هالموضوع ، فهو عائد لك تمامًا ..
اللي أقدر أقول ان طب الأسنان تخصص جميل وغالبية الطلبة يحبونه بعد ما يتعمقون فيه رغم ان بعضهم ما كانوا يرغبونه ..
فكر بالمستقبل الوظيفي كوظيفة لك ، هل تشوف في مجال طب الطوارئ مثلا الاصابات والجرحى ... الخ ، هل ترى نفسك في مجال مثل كذا او لا وهكذا ..
هل تتوقع انك لو رحت بعثة بتمشي ووين بتكون وهذا الأهم وغالبا بتأخذ منك 8 سنوات في أغلب الدول بالاضافة للسنة اللي درستها هنا ..
يعني لازم تفكر في الموضوع من جميع جوانبه ..
ولا تنسى الاستخارة..


انا يوم سالت عن طب الاسنان كان في رد اتكرراكثر من مرة ( ما بتلقى وظيفة حكومية ولازم يكون عندك راس مال تسوي فيه مشروع ويمكن يفشل المشروع ......)اتحطمت بصراحة

صح الكلام ذا ؟

والله شوف يا عزيزي بالنسبة لأن ما فيه وظائف حكومية فهو كلام غير صحيح ، الآن كثير من الجامعات بتفتح وفرصة الاعادة في كليات الاسنان مفتوحة على مصراعيها ..
نسبة القوى العاملة السعودية في خارج المدن الرئيسية متدينة جدًا ..
نعم قد يكون فيه صعوبة في التوظيف في المدن الرئيسية ( الرياض - جدة - الدمام ) لكن مع ذلك فيه وظائف للمتميزين ..
أما بالنسبة لخارج المدن الرئيسية فالوظائف متوفرة ، وشف الخبر هذا قد يفيدك ..
http://www.alriyadh.com/2011/07/25/article653629.html


واخيرا نظام الدراسة بالاسنان بلوكات ولا عادي ؟
النظام عادي بس يكون سنوي طبعًا ..


ن2

د.التميمي
2nd August 2011, 07:57 AM
8888888888888888888

الله يعطيك العافية بيدرو

بس حبيت اسأل وانشالله ما اكون ثقلت عليك

تقريبا الدوام بالسنة الاولى من الساعه كم للساعه كم يوميا

Be patient
3rd August 2011, 04:39 AM
بعد اذن بيردو ,,,, هذا جدول سنة اولى العام الماضي الفصل الاول ومايختلف كثيير عن الفصل الثاني ,,, والاربعاء اوف ض1


http://www11.0zz0.com/2011/07/02/19/473049021.png

د.التميمي
3rd August 2011, 07:50 AM
بديت ارتاح نفسيا :لي:

د.التميمي
5th August 2011, 04:28 AM
يا ليت احد يجاوبني


انا راجعت جداول طب الاسنان ولقيت في السمستر الاول من السنة الثالثة والرابعة الدوام من 8 ل 5


سؤالي الدوام بالمستشفى ولا كل هالوقت بالجامعة محاضرات ؟

Be patient
5th August 2011, 04:49 AM
^^^^
على حد علمي مو كلها محاضرات يعني مثلا الصبح عيادات والظهر محاضرات او العكس ,,, وان شاء الله يفيدونك اكثر طلاب وطالبات ثالث ورابع

د.التميمي
6th August 2011, 05:43 AM
اسف على كثر الاسئلة

للي درسوا بالاسنان بسالكم

دراسة الاسنان صعبة ؟

لازم اذاكر اول باول ؟

انا طول عمري ما اذاكر الا اذا عندي اختبار وماشي الحمد لله

في طلاب كثير يشيلوا مواد ؟

عارف الاسئلة مالها داعي بس مابي ارسب بتخصص غير الي طول عمري ابيه لاني طول عمري ابغى بشري والحين بدخل اسنان ومابي اطول فيها

Be patient
6th August 2011, 08:05 AM
اسف على كثر الاسئلة

للي درسوا بالاسنان بسالكم

دراسة الاسنان صعبة ؟
هذه مسألة نسبية بين الطلاب بس كلنا نتفق انها يبلها جهد ومثابرة

لازم اذاكر اول باول ؟
والله تبي الصراحة يفضل ذلك علشان تتجنب الضغوطات الكبيرة ايام الاختبارات

انا طول عمري ما اذاكر الا اذا عندي اختبار وماشي الحمد لله
طبعا الناس قدرات بس زي ما قلت لو تعود نفسك انك تذاكر اول بأول راح تمشي وبتفوق بعد اما مذاكرة قبل الاختبار ممكن تمشي بس تكون تحت ضغط كبير

في طلاب كثير يشيلوا مواد ؟
بالنسبة للدفعتنا عدد قلييل جدا ما يتجاوزون 3 اشخاص من 70

عارف الاسئلة مالها داعي بس مابي ارسب بتخصص غير الي طول عمري ابيه لاني طول عمري ابغى بشري والحين بدخل اسنان ومابي اطول فيها
خذ راحتك ,,,, اهم شي استخر وفيه كثيير من الطلاب كانوا مثلك بالظبط واعرفهم شخصيا بس مع نهاية السنة حبوا التخصص , وابدعوا فيه ,, الله يكتب الي فيه الخير

د.التميمي
7th August 2011, 03:03 AM
طيب المعروف ان فيه اكتفاء من اطباء الاسنان في المدن الرئيسية زي الرياض وجدة

ابي اسال عن المدينة

هل فيها اكتفاء ولا لا

مع العلم ان مستشفى التخصصي بيفتح عندنا بالمدينة بس ما ادري متى يخلص

د.التميمي
8th August 2011, 05:01 AM
وحبيت اسال عن السكرب

لازم الفتحة دائرية ؟

بعض المواضيع تقول لازم وبعضها تقول لا ؟

سبكتر
23rd August 2011, 01:41 AM
ماهي شروط قبول الجامعه ؟؟

قسم طب الاسنان


وكم النسبه المطلوبه

وشكرا

Be patient
23rd August 2011, 03:41 AM
وحبيت اسال عن السكرب

لازم الفتحة دائرية ؟

بعض المواضيع تقول لازم وبعضها تقول لا ؟

فصل زي ما تبي

Be patient
23rd August 2011, 03:43 AM
ماهي شروط قبول الجامعه ؟؟

قسم طب الاسنان


وكم النسبه المطلوبه

وشكرا

اول شي تدخل سنة تحضيرية للكليات الصحية ثم تتنافس مع الطلاب على كليات الطب والاسنان والصيدلة والعلوم الطبية والتمريض والطوارئ وعلى اساس معدلك تنقبل اسنان

سبكتر
23rd August 2011, 04:53 AM
طيب

ممكن اعرف كم المعد المطلوب

وكم النسبه اللي راح تدخلني للجامعه

Be patient
23rd August 2011, 05:01 AM
بالنسبة للمعدل دخول الجامعة ما عندي علم بالظبط بس تقدر تروح قسم التحضيرية وهم يجاوبونك اما معدل القبول في الكلية هذه السنة وقف الظاهر على 4.50 ويمكن يتغير على حسب شطارة دفعتك

Dr. Faqeeh
31st August 2011, 10:19 AM
السلام عليكم ورحمة الله وبركاته
إخواني وأخواتي طلاب طب الأسنان بجامعة الملك سعود
كل عام وانتم بخير
أخوكم محمد فقيه طالب بالسنة الثانية من طب الأسنان بجامعة جازان
عندي رغبة بالتحويل بجامعتكم بعد ما اخلص من السنة الثانية ، ممكن تفيدوني في موضوع التحويل للكلية من حيث النسبة وكذا يعني معلومات . شاكر لكم

ليلو
1st September 2011, 05:17 AM
^^^

متطلبات التحويل (http://www.ksu.edu.sa/sites/KSUArabic/Students/ProsStds/Pages/TransfearReq.aspx)

إن شاء الله يفيدك

د.التميمي
1st September 2011, 10:03 AM
السلام عليكم ورحمة الله وبركاته

حبيت اسال السكراب ازرق فاتح ولا كحلي ؟

البوابة مو راضية تفتح معاي ؟وش الحل ؟

الاابتوب ضروري في الدراسة ؟

زهـــرة السوسن
1st September 2011, 12:15 PM
السلام عليكم ...

عندي سؤال لوحده من البنات ::

هل يصير تدرس في كلية اهلية طب اسنان ثم تحول لسعود اذا كان معدلها عالي ..

ANeeN ALRooH
2nd September 2011, 05:06 PM
دكتور تميمي

السكرب جب أي لون تبي

ــ

البوابة مارح تحتاجها جدولك بتستلمه أول يوم

أو ممكن يكون نفس هذا ماغيروه

http://dent.ksu.edu.sa/sites/default/files/1ST-year1.pdf

ـ

اللابتوب حقيقة أشوفه مهم

لان 95% من المراجع ملفات بوربوينت

وأفضل تذاكرها وهي ملونة ..

ويمديك تشتريها بعد مصورة من مكتبة زيروكس بس أحياناً تكون ملخبطة ولاتنسى ان الصور والكلام مو ملون ( مايفتح النفس للدراسة ) ض2

ANeeN ALRooH
2nd September 2011, 05:11 PM
زهرة السوسن ما أدري والله بس ان شالله يفيدك أحد الأعضاء : )

ليلو
2nd September 2011, 11:35 PM
زهرة السوسن

فيه بنت حولت العام من كلية أهليه بس لازم تسألين القبول والتسجيل قبل فلكل حالة ظروفها

(و)

د.التميمي
4th September 2011, 07:14 AM
السلام عليكم ورحمة الله وبركاته


انا فتحت الخطة وشفتها

الخطة خمس سنوات مع التحضيري

يعني بالامتياز بتكون ستة سنوات ( دراسة الاسنان كامله )

صحيح الكلام ذا ولا لا

Be patient
4th September 2011, 10:03 AM
^^^^^
ما عليك من الكلام الي في الخطة
دراسة الاسنان 7 سنوات وتقدر تدخل موقع الكلية وتتأكد

د.التميمي
5th September 2011, 02:44 AM
كلية طب الاسنان وينها ؟\

نفس كلية الصيدلة ؟

م.ع.ع
5th September 2011, 02:53 AM
^^^^^^^^^^^^^^^^^^^^^^^^^^^^^^^^^^^^^^

ايه نعم

Dr. Faqeeh
5th September 2011, 07:30 AM
هل للتحويل بعد السنة الثانية علاقة بنسبة التخصيص ؟

Be patient
5th September 2011, 10:15 AM
والله صراحة احنا طلاب ولا عندنا خلفية
هذا ايميل عمادة القبول والتسجيل
darweb@ksu.edu.sa)
وهذا رقم مركز القبول
77770 46 (01)
وهذا الموقع
http://ksu.edu.sa/sites/KSUArabic/Deanships/dar/Pages/contactus.aspx

s.o.b
5th September 2011, 04:10 PM
كلية طب الاسنان وينها ؟\

نفس كلية الصيدلة ؟

لا مو نفس الكلية بس جنبها
اول يوم في الصباح بتداومون في الصيدلة وو بعد الساعة 12 تروحون الاسنان
بالباص و رح يكون هذا ديدنكم طول السنة

right
9th September 2011, 03:16 PM
^

كلامك هذا بالنسبة للطالبات h1

الطلاب مبناهم واحد
يقسمهم جدار ض2


كلية الصيدلة والأسنان
نفس المبنى
تقدر تدخل من بوابة طب الأسنان او تدخل من الصيدلة وسيب يوديك للأسنان .

وهاج
16th September 2011, 04:51 PM
جزاك الله خير .. و يارب يجي اليوم اللي أدخل فيه هالكلية و أحقق طموحاتي ..

الله يعطيك العافية ..

johara
18th September 2011, 07:00 PM
السلام عليكم
انا سمعت ان الطب البشري صار 6 سنين مع التحضيرية اذا صدق هل الاسنان نفس الشيء ؟

ليلو
18th September 2011, 07:13 PM
^^^

حبيبتي نظام البشري لسى متغير من سنتين وصاير نظام بلوكات , في كل بلوك يدرسون عن جهاز معين في الجسم مثل جهاز التنفس لمدة شهرين مثلا وبعدها يروحون لبلوك ثاني ومعد يرجعون للبلوك الأول مره ثانيه
بس ما أتوقع أنه صار 6 سنوات ! الأفضل أنك تسألين عندهم للتأكد
لكل من لديه إستفسار عن كلية الطب .. يتفضل هنا =) - الصفحة 74 (http://www.cksu.com/vb/showthread.php?t=294933&page=74)

بالنسبة لنظام الأسنان نفسه ما تغير مز1

سنة تحضيريه + 5 سنوات دراسة + سنة الإمتياز ( التطبيق ) = 7 سنوات

(و)

على ربي توكلت
20th September 2011, 03:12 PM
السلام عليكم~
ماشااءالله اهني كل من دخل هالقسم ..ويارب ادخله قلب2~
بس للاسف انا تحضيري وصرت بليفل 1~
وبما ان الفاينل موحد بين كل المستويات اكيد بينزل معدلي~
وانا ابي طب اسنان احبه قلب2~
هل فيه احد منكم كان ليفل 1؟ وحصل على معدل مررتفع؟
ودخل طب اسنان؟
اتمنى تجاوبوني بصرآحه~
بالتوفيق قلب2~

~رعبوب~
21st September 2011, 09:14 AM
شباب تكفون هل فيه امكانية للتحويل من كلية التمريض الى اي كلية صحية لو اجيب معدل جداجدا عالي

وهل فيه امل ادخل كلية طب الاسنان و لا احد يحطم ويقول مالك امل او صعبه اذا ماعنده خلفية تكفون انا بانتظار ردودكم

لاني منجد محبط وانا وضعي كالتالي:

انا اصلا طالب في المسار العلمي والهندسي وقدمت طلب تحويل لوكيل الجامعة للشؤون الاكاديمية

وقابلته وقالي صعبه نحولك للمسار الصحي قالي يا اما انك تكمل بمسارك او تدرس التحضيرية الصحية ونحولك

بعدها على طول للتمريض قلت خلاااص ادرس التحضيرية الصحية وحولوني بعدها المهم توني مشيك ع البوابة

ولقيت التخصص تحضيرية مابعد التمريض المهم بما اني خلصت مواد المسار العلمي فيه فصل زي ماتعرفون مشترك

بين المسارين ولقيت المواد التالية:

فيز
كيم
حين
احص

بس مانزلي 145 نجم للاغراض الصحية وش تتوقعون السبب

المهم ياشباب تكفون اعطو ني حل انا طموحي طب الاسنان وانا راضي بأي كلية صحية اخرى بس التمريض ابدا مو طموحي

مع احترامي لهذا التخصص ولكل العاملين فيه بس والله اني اكره وظيفة الممرض وما احس اني افهم فيها

تكفون عطوني اي حل

Be patient
21st September 2011, 03:09 PM
اول شي الله يحقق طموحك
ثاني شي والله ما اقدر افتيك لان احنا طلاب ولا عندنا علم بالامور الادارية
تواصل عمادة القبول والتسجيل ولا تستسلم عن طموحك
موفق يارب

bad to the moon
24th September 2011, 06:34 PM
السلام عليكم
انا سمعت ان الطب البشري صار 6 سنين مع التحضيرية اذا صدق هل الاسنان نفس الشيء ؟

لا
الطـب 7 سنوات مع التحضيرية وسنة الامتياز ..

ثاني مره تعال عندنا واسأل ض3

بالتوفيق لك ..

Dr.Mosho
8th October 2011, 08:48 PM
السلام عليكم

اولا اشكر صاحب الموضوع علئ المجهود الطيب

و اشكر كل الطلاب الذين يبذلون جهدهم في الرد على استفسارات المستجدين

عندي سؤال بسيط

انا سمعت أني اقدر احول من طب الأسنان إلى الطب البشري ،.

طيب ماهي الشروط المطلوبه للتحويل من الأسنان إلى البشري ،.؟

و عندي سؤال آخر ،.: انا كنت اطمح إني ادخل طب أسنان

لكن البعض احبطوني و قالو انو صار إكتفاء وظيفي في طب الأسنان ،. هل هذا صحيح ؟!

و مشكورين الله يعطيكم ألف ألف ألف عافيه

و الله يوفقكم جميعا وين ما كنتم

ANeeN ALRooH
8th October 2011, 09:07 PM
انا سمعت أني اقدر احول من طب الأسنان إلى الطب البشري ،.

طيب ماهي الشروط المطلوبه للتحويل من الأسنان إلى البشري ،.؟ لا غير صحيح .. التحويل غير مسموح بين الاسنان والبشري

الا عاد اذا اتفقو عمداء الكليّتين


و عندي سؤال آخر ،.: انا كنت اطمح إني ادخل طب أسنان

لكن البعض احبطوني و قالو انو صار إكتفاء وظيفي في طب الأسنان ،. هل هذا صحيح ؟! الارزاق بيد الله اختي محد يدري وين يصير بعد التخصص

بس على كل حال أنا سمعت أنه في نقص كبير جداً لأطباء الأسنان السعوديين

Dr.Mosho
8th October 2011, 11:41 PM
مشكوووووووره و الله يعطيك العافيه

بس كلامك ريحني شوي من ناحيه الوظيفه

يعني بمعنى انو الآن الوزاره تبي موظفين سعوديين في قسم الأسنان ؟!

و بالنسبه للتحويل والله سمعت هذا الكلام من جامعتي ،. جامعه الدمام انو ينفع احول بين طب البشري و الأسنان

و كمان سألت شخص موظف في جامعتكم قال لي ينفع احول

بس مادري اذا غيروا النظام ،.

بس انتي متأكده مليون ٪ عن هذا التحويل انو ما ينفع ؟!؟!

ANeeN ALRooH
9th October 2011, 12:04 AM
الله يعافيك أختي .. بس أنا ولد ض2

هو الكلام هذا قاله وكيل كلية الأسنان ( انه غير مسموح )

بس اني متأكد مرة .. ما أقدر أجزم يمكن تغير الوضع مز1

بس على كل حال اذا كنتي في جامعة ثانية ليش ماتخشي تحضيرية للكليات الصحية وتتنافسي مع الطالبات على الطب :)

Dr.Mosho
9th October 2011, 12:48 AM
ليش اخش تبع كليات صحيه و اتنافس و انا دارسه سنه تحضيريه في جامعه الدمام مع العلم انو السنه التحضيريه في جامعه الدمام اقوى من جامعه الملك سعود ،.

انا اقول خلني على الأسنان احسن من إني اخرب على نفسي

و مشكووور و آسفه على بالي إنك بنت

بس انا اهم شي عندي الضمان الوظيفي لانو صعبه اتعب في الدراسه و اجتهد في الاخير مافي وظيفه ،.

d.vindo
9th October 2011, 12:55 AM
ههههههه طبيب بدون وظيفه
قويه هذي

Dr.Mosho
9th October 2011, 12:59 AM
اي في ناس أعرفهم ظلو بدون وظيفه دراسه على الفاضي

بس مو قسم طب أسنان

في علوم طبيه تخصص من التخصصات ليس مضمون وظيفيا

و قعدت البنت في البيت

Dr.Mosho
9th October 2011, 01:01 AM
و في ناس قالو لي مكتفيين من طب الأسنان

الان الطب البشري مضمون وظيفيا

ANeeN ALRooH
9th October 2011, 01:06 AM
أهم شي تحبي المجال اللي أنتي فيه وخلي آخر همك الوظيفة ^_^

Dr.Mosho
9th October 2011, 07:06 AM
مشكور اخوي

و ماقصرت ،. كلك ذوق

Dr.Mosho
10th October 2011, 03:33 PM
تم و لله الحمد

القرار بالدراسه في قسم الأسنان

لكن سؤالي الآن

اللي عنده الخطه الدراسيه تبع ٦ سنوات الدراسيه ياليت يحط لي الرابط ،.

و اللي عنده رابط الجدول هالسنه ياليت يحطه لي ،.

و سؤالي الثاني :

بالنسبه للمحاضرات هل هي لها hand out يعني الدكتور يعرضها على البور بوينت و نقدر نطبعها ؟!

و لا نكتب ،. ولا يكون من كتاب نشتريه ؟!؟

و ياليت احد يعطيني فكره عن الدكاتره هل هم متساهلين و لا شديدين ،. و الاسئله دقيقه و لا عاديه ،.( انا أتكلم لو واحد مذاكر زين ) كيف راح تكون الاسئله بالنسبه له ؟!

و بالنسبه للملابس ،. كيف وضعكم بالجامعه عادي اي لون ولا ملتزمين بلون معيّن ؟!

و آسفه إذا طولت

الله يوفقكم جميعا

ANeeN ALRooH
10th October 2011, 04:56 PM
الخطط الدراسية

http://dent.ksu.edu.sa/student/node/9

جداول جميع السنوات

http://www.cksu.com/vb/showthread.php?t=308471ذ (http://www.cksu.com/vb/showthread.php?t=308471%D8%B0)

بالنسبة للهاند اوت فيه دكاترة يعطو وفيه لأ

زي سنة أولى .. معظمها هاند اوت باستثناء مادة

سنة ثانية تعمقوا شوي وصار فيه دكاترة يرفضو يعطونا الهاند اوت

معظم الاختبارات يبيلك تذاكري صح لانه الأسئلة دقيقة .. اللي مذاكر ماعليه خوف :)

اللبس عند الطالبات


طــالبـــات :

بالكلية الزي الرسمي حيكون السكراب واللاب كوت طويل الين تحت الركبه ولازم حجاب والشعر مايطلع ولازم الاب كوت تكون الازرار مقفوله ولاّ ينزل لك انذار

السكراب تقدرين تشترينه من الكلية لان فيه فرع لمحل يبيع عندنا وعلى فكرة صحيح هو جاهز بس حلو

او اذا حبيتوا تفصلون عندكم الحسيكي واكسجين بس لازم بشهرين قبل وعلى فكرة الحسيكي قماش الاب كوت عنده فضيع جدا جدا عن تجربه واهمها انه مايمسك الشعر

اول يوم بيخلونكم تشترون لاب كوت من الكلية بس نصيحه لاحد يشتري لان شكله غبي جدا انا مالبسته ولا مرة ن2

Dr.Mosho
10th October 2011, 05:48 PM
اممممممم

طيب ليش ألبس حجاب ،. علشان راح يدرستنا دكاتره رجال ؟،

طيب بالنسبه للي ما يعطون هاند آوت وش الحل معاهم ؟! نكتب ورآهم مثلا ولا ايش كنار تسوون ؟!

و مشكوووور أخوي على مساعدتي ^_^

ليلو
10th October 2011, 06:01 PM
اممممممم

طيب ليش ألبس حجاب ،. علشان راح يدرستنا دكاتره رجال ؟،



تلبسين حجاب لأن في الكليه عمال نظافه + المسؤولين عن إعطاء الأدوات + المسؤولين عن إصلاح أعطال الأدوات في الكلنك + رجلين تقريباً في قسم الأشعه + رجال الأمن إلي عند الباب بالإضافه للدكاترة إلي يعطون بعض المحاضرات يعني تقريبا في أغلب الوقت بتلقين فوجهك رجل !


طيب بالنسبه للي ما يعطون هاند آوت وش الحل معاهم ؟! نكتب ورآهم مثلا ولا ايش كنار تسوون ؟!

أيوه نكتب وراهم ض1 سلايد سلايد إذا ما كانت المحاضرة موجوده في الأرشيف من الدفعات السابقه ض1

موفقه (و)

Dr.Mosho
10th October 2011, 06:24 PM
اهاااا .، ماشاء الله تتعبون ،.

طيب وش المواد اللي يبغى لها دفتر من سنه ثانيه و أولى ،.

و اللي عجبني بالموضوع الزي الرسمي أحلى حااااجه

و بالنسبه للون السكراب أي لون ولا لازم لون محدد ،؟!

إدري أسإلتي كثيره بس كل ما تذكرت سؤال أحطه و آسفه تعبتكم

و مشكووورين

اي صح و الأهم الجوال الكاميرا ،. في بنات يجيبون ولا ؟!

يعني الأمن عندكم مررره شديدين على هالموضوع ولا ماخذين راحتكم ؟!

ليلو
10th October 2011, 06:31 PM
طيب وش المواد اللي يبغى لها دفتر من سنه ثانيه و أولى ،

ما فهمت السؤال :$ إذا كان قصدك دفتر علشان تكتبين المحاضرات كل دفعه تقسم نفسها 5 أو 6 مجموعات كل مجموعه تكون مسؤولة عن كتابة محاضرة في الأسبوع بحيث تكتبها وترتبها و توزعها على باقي الدفعه لما تخلص :)
إما إذا كان قصدك دفتر لك تكتبين فيه ملاحظات فكل المواد تحتاج تكتبين فيها ملاحظات لنفسك " دفتر واحد كبير يكفي "


و بالنسبه للون السكراب أي لون ولا لازم لون محدد ،؟!



http://thumbs2.ebaystatic.com/m/mmUSQ-O6Qh72ohUbPjf5WDA/140.jpg

تقريبا نفس هذا اللون مز1



اي صح و الأهم الجوال الكاميرا ،. في بنات يجيبون ولا ؟!

يعني الأمن عندكم مررره شديدين على هالموضوع ولا ماخذين راحتكم ؟!

إيه عادي إحنا طالبات جامعه وطبيبات في المستقبل إن شاء الله مز1
والحمدلله ما عندنا أمن للتفتيش بس أمن عند البوابات (88)

(و)

Dr.Mosho
10th October 2011, 11:38 PM
اي اقصد دفتر اكتب فيه المحاضرات

بس ما شاء الله عليكم متعاونات << ان شاء الله على جيتي اشوف بنات متعاونين

و بالنسبه للجوالات اهم شي مافي تفتيش متعوده اصور بعض الأشياء المهمه في الدراسه

خصوصا ماده الاناتومي

بس عندي سؤال ،. انتي أي سنه ؟!

Mr.Mody
11th October 2011, 03:41 PM
السلام عليكم ورحمه الله وبركاته ..

كيفكم ان شـآء الله تمام ..

انا شفت الموضوع ذآ هو المناسب لطرح سؤالي ..

اللي هو ..

شروط التحويل من طب أسنان إلى طب بشري .. للطالبات ..

أتمنى اللي عنده خلفيه عن الموضوع ..

لا حرمكم الله الاجر ..

^_^

Dr.Mosho
11th October 2011, 03:57 PM
انا سألت هالسؤال من قبل اختي

قالو لي غير مسموح إلا اذا اتفقو عمداآء الكليتين

ليلو
11th October 2011, 07:43 PM
بس عندي سؤال ،. انتي أي سنه ؟!

سنة ثالث عزيزتي مز1

Dr.Mosho
11th October 2011, 08:47 PM
اهاااا

كويس ،. الله يوفقك ياااارب و يرزقك

كيف الاختبارات سهله و لا صعبه بالنسبه لك ؟،!

Dr.Mosho
11th October 2011, 09:22 PM
آسفه اخوي Mr.Mody ظنيتك بنت

كتبت لك ردي من دون ما أطالع للنك نيم

تحيتي  

قطعه حلا
11th October 2011, 11:09 PM
بالنسبه للتحويل من اسنان لبشري

للبنات اتوقع متاح بس اكيد بشروط

لانه عندنا بنت بكشف الاسامي مكتوب جنب اسمها حولت الى الطب البشري (يعني حولت من البداية قبل لا ندرس)

و نظام الاسنان يختلف تماما عن البشري


غيرو ما اعرف

Dr.Mosho
11th October 2011, 11:27 PM
طيب إختي ممكن تطلعينا على الشروط

حابه اشوف نظامكم

Dr.Mosho
12th October 2011, 03:20 PM
احس إني نشبت بأسئلتي محد رد علي

يلا المهم آسفه أزعجتكم في وقت دراسه و اختبارات

الله يوفقكم يارب و يسهل عليكم مثل ما سهلتو علي

تحيتي لكم

ليلو
12th October 2011, 06:34 PM
كيف الاختبارات سهله و لا صعبه بالنسبه لك ؟،!

أممم والله فيه وفيه :)

مشكله الإختبارات أن الوقت المتاح للمذاكره مرره قليل والمواد دسمه شوي وتحتاج وقت

زمـهريرا
15th October 2011, 04:12 AM
السلام عليكم
آممم هل فيه إمكانية لقبول الطالبات الأجنبيات في كلية الأسنان بـ سعود ؟
أو نورة إذا فتحوا الكلية السنة الجاية ؟

دنادين
15th October 2011, 06:11 PM
^
انا اعرف وحده اجنبيه مقبوله بشري ..

بس كان تقديمها للجامعه عن طريق سفارتهم ..

وطبعا كانت نسبتها ماشاء الله عاليه ..

بالتوفيق ..

ليلو
15th October 2011, 06:32 PM
السلام عليكم
آممم هل فيه إمكانية لقبول الطالبات الأجنبيات في كلية الأسنان بـ سعود ؟
أو نورة إذا فتحوا الكلية السنة الجاية ؟

من ثلاث سنوات كان شرط القبول للأجنبيات أن تكون والدتها سعوديه
ربما تغيرت الشروط الأفضل أن تسألي عمادة القبول والتسجيل

(و)

زمـهريرا
16th October 2011, 04:09 AM
شكراً

زهـــرة السوسن
1st November 2011, 12:32 AM
بسم الله الرحمن الرحيم ..

انا عندي سؤال ..
في وحده اعرفها تدرس تحضيريالحين تبغى تحول من جامعة الحدود الشمالية لجامعتكم طب اسنان
هل لازم تعيد التحضيريه او تدرس صيفي بعض المواد او تتحول مباشره يعني تحتسب لها التحضيريه من جامعتها الي حولت منها..
وهل في صعوبه بالتحويل الخارجي للاسنان او حتى البشري والصيدله ..
وهل في بنت حولت تعرفوها وكيف كانت حالتها ..
ومتى يبدأ التحويل ؟؟

ياليت القى الاجابه علشان ابشر البنت ..
الله يوفقكم في امتحاناتكم ومشكورين ..

--!!
5th November 2011, 08:26 PM
السلام عليكم ورحمة الله وبركاته

بس حبيت اسال احد عنده خبر اذا كلية الاسنان ( للبنات ) بتصير في الدرعيه السنة الجاية ان شاء الله ؟ او لها مبنى جديد ؟
او خلاص باقيه للابد في الملز ض2 ؟

ANeeN ALRooH
5th November 2011, 10:19 PM
بسم الله الرحمن الرحيم ..

انا عندي سؤال ..
في وحده اعرفها تدرس تحضيريالحين تبغى تحول من جامعة الحدود الشمالية لجامعتكم طب اسنان
هل لازم تعيد التحضيريه او تدرس صيفي بعض المواد او تتحول مباشره يعني تحتسب لها التحضيريه من جامعتها الي حولت منها..
وهل في صعوبه بالتحويل الخارجي للاسنان او حتى البشري والصيدله ..
وهل في بنت حولت تعرفوها وكيف كانت حالتها ..
ومتى يبدأ التحويل ؟؟

ياليت القى الاجابه علشان ابشر البنت ..
الله يوفقكم في امتحاناتكم ومشكورين ..

أفضل أختي تسألي في قسم المرشد الطلابي عشان تحصلي الاجابة الادق

ANeeN ALRooH
5th November 2011, 10:20 PM
السلام عليكم ورحمة الله وبركاته

بس حبيت اسال احد عنده خبر اذا كلية الاسنان ( للبنات ) بتصير في الدرعيه السنة الجاية ان شاء الله ؟ او لها مبنى جديد ؟
او خلاص باقيه للابد في الملز ض2 ؟

فيه مستشفى الاسنان بيخلّص ان شالله على الفصل الثاني السنة هذي

بس اللي سمعته انه السنة الجاية بيصير فيه طالبات سنة ثالثة وفوق

s.o.b
10th November 2011, 11:50 PM
على حسب كلام العميد لما جاء كليتنا اخر مرة انه السنة الجاية بتنقل الكلية للدرعية على بداية الترم

Dr. Faqeeh
30th November 2011, 08:47 PM
سلام عليكم يا أحباب ، ممكن أستفسر عن نظام الدراسة بالكلية سنوي ولا فصلي ؟

ANeeN ALRooH
30th November 2011, 08:51 PM
^^

سنوي ^_^

Dr. Faqeeh
30th November 2011, 08:53 PM
شكرا على سرعة التفاعل

ANeeN ALRooH
30th November 2011, 09:05 PM
^^

العفو .. حياك ^_^

marwa alkobitare
7th February 2012, 01:42 PM
السلام عليكم
أنا طلبة في كلية الأسنان جامعة دمشق سنة3 هل أستطيع إكمال الدراسة في السعودية علماً أنني سورية الجنسية ولكم الشكر

يوسف_93
8th February 2012, 07:07 PM
السلام عليكم ورحمة الله وبركاته
عساكم بخير اخواني
اتمنى منكم افادتي بمعلوماتكم
انا من الكويت وحاب ادرس تخصص طب الأسنان للعلم نسبتي 68% علمي
فاللي يعرف جامعات تقبلني يفضل بالرياض اتمنى الإفاااااااده
وانا بانتظاركم
وشكـــرا

يوسف_93
8th February 2012, 09:28 PM
ياجماعه ترى والله ناطر احد يفيدني ما ابي اتأخر اكثر
تكفوووووووووووووووووووووو وووووووون
اللي يقدر يفيدني لايقصر

d z e k o
9th February 2012, 01:14 AM
فيه عندنا جامعتين بالرياض , الملك سعود و الامام .
من الان اقلك نسبتك ضعيفة جداً لمنافسة الدخول . لكن اذا بتدرس بفلوسك بكليات اهليه او ابتعاث
هذا راجع لك .

عبدالحميد 34
9th February 2012, 02:01 AM
فيه عندنا جامعتين بالرياض , الملك سعود و الامام .
من الان اقلك نسبتك ضعيفة جداً لمنافسة الدخول . لكن اذا بتدرس بفلوسك بكليات اهليه او ابتعاث
هذا راجع لك .

ياخي نسبته 68% حتى لو يدرس بفلوسه بكليات اهلية او ابتعاث فما راح يقدر يمشي ابدا لإن اكيد مستواه بالمواد العلمية مدمور بلا شك

عبدالحميد 34
9th February 2012, 02:03 AM
السلام عليكم ورحمة الله وبركاته
عساكم بخير اخواني
اتمنى منكم افادتي بمعلوماتكم
انا من الكويت وحاب ادرس تخصص طب الأسنان للعلم نسبتي 68% علمي
فاللي يعرف جامعات تقبلني يفضل بالرياض اتمنى الإفاااااااده
وانا بانتظاركم
وشكـــرا

افضل حاجة لك اقعد في بيتكم لإن نسبتك بصراحة ما تؤهلك للدخول باية قسم

neuooo.14
9th February 2012, 03:11 PM
اولا بسم الله الرحمن الرحيم

انا طالب من دفعة 432
وحبيت اطرح عليكم استفسارات بسيطة وما راح اثقل ان شاء الله
انا احمد الله من طلاب الصحية في السنة التحضيرية جش1
وخطيت اول خطوة لحلمي وامنيت الوالدة قلب2
طبعا اعرف ان التوفيق من الله ونعم بالله
وان الرغبات مهمة قبل اي اختيار م1
سؤالي هو 1-عن طبيعة العمل عند طبيب الاسنان ؟
2- انا من رغباتي طبيب اسنان وصيدلة وش تنصحوني فيه انا ما اتكلم على الراتب ولا على الدراسة انا اتكلم عن طبيعة عمل ايهم افضل من وجهت نظركم ؟
3-هل طبيب الاسنان مطلوب لدى جميع المستشفيات الحكومية والخاصة ؟
اعرف اسئلتي جت بدري شوي بس حبيت اكون على بينا (88)
اتمنى انكم تفيدوني بخبرتك وتجاربكم جش1


Dr.naifقلب2

d z e k o
9th February 2012, 11:54 PM
^

shd 7elk w lkl 7adth 7deeth

ن2

يوسف_93
10th February 2012, 07:06 PM
فيه عندنا جامعتين بالرياض , الملك سعود و الامام .
من الان اقلك نسبتك ضعيفة جداً لمنافسة الدخول . لكن اذا بتدرس بفلوسك بكليات اهليه او ابتعاث
هذا راجع لك .

اشكرك اخوي d z e k o على اسلوبك الراقي بالرد
وهذا اللي ابيه اني ادرس على حسابي لأن ادري انه النسبه ضعيفه
واشكرك مره ثانيه على الافاده

Dr.wooow
10th February 2012, 07:37 PM
اهلين اخوي يوسف ايه ولله الحمد عندنا اكثر من جامعة في الرياض اهلية ... مثل: (جامعة الرياض لطب الاسنان والصيدلة ..وفي غيرها كثير )
شد حيلك اخوي و ما عليك من النااااس المثبطين ..:p:
موفق ..جش1

neuooo.14
11th February 2012, 04:23 PM
اولا بسم الله الرحمن الرحيم

انا طالب من دفعة 432
وحبيت اطرح عليكم استفسارات بسيطة وما راح اثقل ان شاء الله
انا احمد الله من طلاب الصحية في السنة التحضيرية جش1
وخطيت اول خطوة لحلمي وامنيت الوالدة قلب2
طبعا اعرف ان التوفيق من الله ونعم بالله
وان الرغبات مهمة قبل اي اختيار م1
سؤالي هو 1-عن طبيعة العمل عند طبيب الاسنان ؟
2- انا من رغباتي طبيب اسنان وصيدلة وش تنصحوني فيه انا ما اتكلم على الراتب ولا على الدراسة انا اتكلم عن طبيعة عمل ايهم افضل من وجهت نظركم ؟
3-هل طبيب الاسنان مطلوب لدى جميع المستشفيات الحكومية والخاصة ؟
اعرف اسئلتي جت بدري شوي بس حبيت اكون على بينا (88)
اتمنى انكم تفيدوني بخبرتك وتجاربكم جش1


Dr.naifقلب2


وين المساعدة ?

ANeeN ALRooH
11th February 2012, 09:37 PM
اولا بسم الله الرحمن الرحيم

انا طالب من دفعة 432
وحبيت اطرح عليكم استفسارات بسيطة وما راح اثقل ان شاء الله
انا احمد الله من طلاب الصحية في السنة التحضيرية جش1
وخطيت اول خطوة لحلمي وامنيت الوالدة قلب2
طبعا اعرف ان التوفيق من الله ونعم بالله
وان الرغبات مهمة قبل اي اختيار م1
سؤالي هو 1-عن طبيعة العمل عند طبيب الاسنان ؟
2- انا من رغباتي طبيب اسنان وصيدلة وش تنصحوني فيه انا ما اتكلم على الراتب ولا على الدراسة انا اتكلم عن طبيعة عمل ايهم افضل من وجهت نظركم ؟
3-هل طبيب الاسنان مطلوب لدى جميع المستشفيات الحكومية والخاصة ؟
اعرف اسئلتي جت بدري شوي بس حبيت اكون على بينا (88)
اتمنى انكم تفيدوني بخبرتك وتجاربكم جش1


Dr.naifقلب2
هلا أخوي حياك :)

طبيعة العمل من غير العدل نتكلم عنه في رد واحد غ1

لكن شف هالموضوع من الرد الثالث فيه وصف للتخصصات وطبيعة العمل ك1

http://www.cksu.com/vb/showthread.php?t=298243

ـ

الارزاق بيد الله ماتدري وين ممكن يكون رزقك فيه مز1

لكن في نقص أطباء اسنان في السعودية

احصائية تقولك انه لكل 3000 مريض طبيب اسنان واحد ض2

لاتفكر في الوظيفة بس اجتهد وحب التخصص اللي انت فيه وصدقني بتبدع قلب2

ن2

neuooo.14
11th February 2012, 11:34 PM
مشكووور اخوي ما قصرت قلب2
اخييراااا واحد رد علي



Dr,naifقلب2

ANeeN ALRooH
12th February 2012, 06:22 PM
العفو .. ^_^

حياك بأي وقت قلب2

Bar3oom
23rd February 2012, 03:44 PM
لدي سؤال هل تعرفون طالب غير سعودي يدرس بكليتكم ؟

ليلو
23rd February 2012, 05:00 PM
يوجد طالبات غير سعوديات كثير :)

(و)

Bar3oom
23rd February 2012, 05:15 PM
طيب كيف دخلوا لأني أعرف شخص يبغى يدرس بكليتكم :)

ANeeN ALRooH
23rd February 2012, 05:19 PM
ممكن تكون أمه أو أمها سعودية

وبالتالي يعامل كأنه طالب سعودي في الجامعة تماماً

Bar3oom
23rd February 2012, 05:20 PM
لالا أعرف الي أمهم سعودية عادي .. بس الي غير كذا يخشون عادي ؟

أهدآب
23rd February 2012, 05:24 PM
^
أتوقع لازم واسطة

ANeeN ALRooH
23rd February 2012, 07:19 PM
لالا أعرف الي أمهم سعودية عادي .. بس الي غير كذا يخشون عادي ؟

لا صعبة ..

حتى وقت الترشيح قبل سنتين لدفعتي 430

ماشاءالله واحد سوري جاب 4.97 ورغبته الاولى طب وحطوه صيدلة

مع أن الجامعة هي اللي قالتله تعال واحنا بندخلك رغبتك الاولى اذا جبت معدل

ومع كذا سحبو عليه والحين يدرس صيدلة

Dr. Faqeeh
24th February 2012, 07:10 PM
السلام عليكم ورحمة الله وبركاته
إخواني أنا طالب بالسنة الثانية في طب الأسنان بجامعة جازان ، هل أقدر أحول بعد ما أخلص سنة ثانية لجامعة الملك سعود ؟ ايش المطلوب مني عشان أحول ؟ أفيدوني بالله

neuooo.14
25th February 2012, 03:46 AM
معليش بس بغيت اعرف كم كرسي في طب الاسنان ؟
والسنة القادمة هل راح يكون هناك ذيادة في عدد الكراسي ؟



Dr.naifقلب2

d z e k o
25th February 2012, 03:07 PM
العادة حول ٧٠
بالتوفيق :)

Dr. Faqeeh
25th February 2012, 09:05 PM
استفساري فوق يا جماعة ما حد يساعدني ؟

ANeeN ALRooH
25th February 2012, 10:47 PM
والله ياخوي صعب التحويل ومهو مسموح في الكلية ..

حتى اللي بيحول من طب في نفس الجامعة صعبة ..

d z e k o
26th February 2012, 05:38 PM
^

نظام فاشل , المفروض مسموح بس بشروط معقولة موب ف واو

~رعبوب~
26th February 2012, 10:09 PM
^

نظام فاشل , المفروض مسموح بس بشروط معقولة موب ف واو

1000000+

ANeeN ALRooH
27th February 2012, 04:27 AM
موب ف واو

هذا اللي صاير

حتى من اللي جايين من التحضيرية ..

بعضهم معدلهم يالله موصل الاربعة وداخل للكلية ..

اذا التحضيرية ماقدر يجيب فيها معدل مرتفع بيمشي في الاسنان !

كذا خرب على نفسه وظلم غيره ..

ليلو
27th February 2012, 01:29 PM
هذا اللي صاير

حتى من اللي جايين من التحضيرية ..

بعضهم معدلهم يالله موصل الاربعة وداخل للكلية ..

اذا التحضيرية ماقدر يجيب فيها معدل مرتفع بيمشي في الاسنان !

كذا خرب على نفسه وظلم غيره ..

صادق

وحده من البنات دخلت ومعدلها ٣،٩ ! ما كملت شهر وهي طالعه، يعني لا هي الي كملت ولاهي الي خلت الكرسي للي يستاهله!

d z e k o
28th February 2012, 04:47 AM
^

تستهبلين ؟
هذول كيف ساكتين عنها ؟ حس1
المفروض نفس الطالبات يفضحونها استغفر الله ..

يعني 4.89 كانت مظهر فقط .. عشان البنات اللي ما انقبلوا يسكتون .!

Dr.wooow
28th February 2012, 05:24 PM
للأسف من اللي يسمع ..
بس حلووو اخذتها من قصيرها وطلعت ..

ليلو
28th February 2012, 06:09 PM
^^
هو الحمد لله هالظاهره مو كثيرة ولو صارت ما يقدرون يستمرون ولو استمروا لهم فترة ربي ماراح يبارك لهم لأنهم دخلوا بطريقه غير شرعيه !

أهدآب
29th February 2012, 01:29 AM
^
ما شوفها طريقة غير شرعية بعضهم بعد ما يطلع القبول يحولون يعني ماياخذون مكان احد بس عندهم واسطة فينضاف مقعد لهم صح هو غلط بس هي فرصة وجتهم ,,
مادري انا ما ألوم اللي تدخل بواسطة ألوم اللي اخترع نظام الواسطة ,,

لغة الجمال
29th February 2012, 11:45 AM
اللي يبرد قلبي انه في الاسنان لو ماانت من جد تحب التخصص كان ما تتحمل تجلس فيه ثانيه مز1
مارح يجلس احد في الكليه الا شخص يحب التخصص والدراسه من قلب ض2

أهدآب
29th February 2012, 05:32 PM
^
ههههههههههه من جد

Dr.wooow
29th February 2012, 06:59 PM
اللي يبرد قلبي انه في الاسنان لو ماانت من جد تحب التخصص كان ما تتحمل تجلس فيه ثانيه مز1
مارح يجلس احد في الكليه الا شخص يحب التخصص والدراسه من قلب ض2

قصدگ شخص متعود علىٰ الگرفٓ ،، ويك1

d z e k o
29th February 2012, 08:17 PM
اللي يبرد قلبي انه في الاسنان لو ماانت من جد تحب التخصص كان ما تتحمل تجلس فيه ثانيه مز1
مارح يجلس احد في الكليه الا شخص يحب التخصص والدراسه من قلب ض2

انتي تحبيه طيب ؟
لان قد قريت تعليق لك تقولين : كرهتي الكلية و دراستها ض2

بس فعلا الاسنان تخصص جميل وفيه حرفنه ض2قلب2
وهمتكم ي جراحين الوجه والفكين .. ض2قلب2

لغة الجمال
29th February 2012, 08:24 PM
اكرهه بس مايهون علي مز1

الهَوى
10th March 2012, 12:09 AM
السلام عليكم ورحمة الله وبركاته

انا طالب سنة تحضيرية , وبكرا ان شاء الله يبدا ترتيب الرغبات ,

أنا محتار , وجاي شاد الأمل بعد الله فيكم .. لـ تحديد مسآري
طبعا قاعدتي في الحياة , ماعندي شي اسمه (ادخل التخصص الي تحبه) ,
الكلام هذا قبل 29 سنة يمكن , بس الحين لا , الدنيا تغيريت ..

بالنسبة لي امشي على قاعدة ( حب ماتعمل .. لـ تعمل ماتحب ) !!

لو سمحتوا يا اصحاب الخبره ’
ابيكم تنصحوني , وش مميزات , وش سلبيات طب الأسنان
من حيث الدراسه والموآد والتطبيق , التخصصات , التعب بشكل عام
المستقبل .. الرواتب

تكفووون ابي هالمعلومات , ابي توجهوني
انتوا اخوان لي وان شاء الله اشوف نصايحكم واتبع الي ارتاح له

ومن ناحية الكرف , انا درست ثانوي مقررات
والتحضيرية كرفتنا لين امين , يعني مو مشكله ( :


اولا واخيرا بصلي الاستخاره
لاكن ما اقدر اتخلى عن نصايحكم ..

بإنتظاركم

أهدآب
10th March 2012, 12:29 AM
^
قاعدتك جداً جميلة انا أمشي عليها بعد :p لأن أساساً صعب نحدد وش نحب وحنا ماجربنا الشيء !
::
كان ودي أساعدك وأجاوبك بس أنا توي سنة أولى ومثلك أبغى أجوبة لهذي الأسئلة :p
واللي اعرفه عن الرواتب انه سلم الرواتب مثله مثل اللي متخرج من طب بشري ,,
أتمنى يساعدونك ببقية الأسئلة
الله يوفقك

ANeeN ALRooH
10th March 2012, 12:45 AM
هلا أخوي حياك :)


من حيث الدراسه والموآد والتطبيق , التخصصات , التعب بشكل عام
المستقبل .. الرواتبقبل ما ادخل الكلية كنت متوقع كل شي سهل وماكان عندي ذيك الخلفية الكبيرة عن التخصص

كنت محسب الأسنان كلها على بعضها تخصصين وبس

الدعوة اكبر من كذا ويوم دخلتها تبين العكس تماماً

الدراسة ، مافيه تخصص سهل في الجامعة .. أنت اللي تسهل التخصص عليك :)

المواد فيه منها السهل وفيه الصعب

مثل ماقلت اول ، الصعب بيصير عليك سهل لو تذاكره أول بأول ..

التخصصات ممكن تطلع عليها في الرابط التالي

http://www.cksu.com/vb/showthread.php?t=342093

التعب ، بشكل عام الكلية بتكرفك مز1

مع انه باقيلي على العيادات في سنة ثالث ومحدثك سنة ثاني

الا انه العملي ( pre clinic ) مسويلي هم .. مز1

المستقبل ، دائماً أقول الأرزاق بيد الله :)

بشكل عام التخصص مطلوب جداً وفيه نقص اطباء اسنان سعودين بشكل ماتتصوره ..

لكن ممكن القبول صعب في التخصصي والعسكري الخ ..

الرواتب ، ماعندي خلفية عنها لكن اخر مرة سمعت انها حول الـ 16 أول ماتتخرج

هذا اللي عندي ، أتمنى اني افدتك مز1

موفق ك1

I c a n
10th March 2012, 02:07 AM
قلب2قلب2قلب2قلب2قلب2قلب2قلب2 لب2قلب2قلب2قلب2قلب2قلب2قلب2ق لب2قلب2قلب2قلب2قلب2قلب2قلب2ق ب2قلب2قلب2

جد1جد1جد1جد1جد1جد1جد1جد1جد1جد1 جد1جد1جد1جد1جد1


:هي::هي::هي::هي::هي::هي::هي::هي:: ي::هي::هي::هي::هي::هي::هي::هي::ه ::هي::هي::هي::هي::هي::هي::هي:

Dr.Princesss
10th March 2012, 04:29 PM
طب الاسنان قلب2

الحمد لله على كل حال .. خيره ح4قلب2

Dr.Natroo
11th March 2012, 07:05 PM
بغيت احط الأسنان رغبة ثانية بس ما جازت لي :ؤ:

أكره تخصص الأسنان :p:

مع احترامي الشديد لمحبي هذا التخصص الجميل قلب2

d z e k o
11th March 2012, 07:50 PM
^

تخصص رائع بكل ما تحمله الكلمه من معنى .. قلب2
حطها الرغبة الثانية .. فهي لا تختلف عن الاولى من وجهة نظري .. قلب2

بل هي اكثر فن و روعه .. قلب2

و لا لا ي الاميره ؟ قلب2

::

d z e k o
12th March 2012, 06:59 PM
^

ما تسوون ماك تشكن سبايسي وذ اكسترا تشيز

:)

Dr.Natroo
12th March 2012, 09:21 PM
^

ما تسوون ماك تشكن سبايسي وذ اكسترا تشيز

:)

dzeko

أقول ما ودك تبادل اجي طب وانت ترجع تحضيرية ؟

ض2

ANeeN ALRooH
12th March 2012, 09:26 PM
^^

ترى حذفت رد فوق رد دزيكو يعني رده مو موجه لاحد

معليش كر1

Dr.Natroo
12th March 2012, 09:44 PM
^^

ترى حذفت رد فوق رد دزيكو يعني رده مو موجه لاحد

معليش كر1

ما عليك من دزيكو خله بحاله ض2

تعال اقلك وشرايك بطب الأسنان ؟

اقصد كيف حبيته ؟ وكيف بدت علاقتك معه ؟

أنا شخصيا احب الطب البشري بالضبط قسم الجراحة فقط قلب2

وما عندي رغبة ثانية بس الأهل ما يبوني اصير جراح يبوني اكون صيدلي عشان ما فيها تعب

ويقولون فيها مسؤولية يعني بالعربي خايفين علي واجد ض2

فما ادري وش اسوي ؟

كلام الوالدين ولا طموحي اللي ابيه

d z e k o
12th March 2012, 10:16 PM
^^

ترى حذفت رد فوق رد دزيكو يعني رده مو موجه لاحد

معليش كر1

ليش كذا .. :(
خليتني مثل الاهبل .. لاني قادر احذفه .. وكاني قاعد اكلم نفسي .. غ1

احذف ردي لاهنت . حس1
ي عبدالمحسن الاحمد ض1
و الله جد .. يالله قدام نتبادل خلني ارجع واحسن معدلي بالترم الثاني ..> احلم بها كر1

واذا على الاهل ترا ما وراهم غير وجع الراس اسحب عليهم > صقيق سوء ض4

Dr.wooow
13th March 2012, 03:00 PM
ايه والله التحضررية تهون بمليووون مره عن كررف الاسنان ,,:ؤ:
بس عاااد مستحيل ارجع انا ما صدقت اخلص ..م1

ليلو
13th March 2012, 04:31 PM
مشكلة التحضيرية النفسية وشيل هم التخصص

ولا هي ما عليها :p

(و)

Dr.Natroo
15th March 2012, 06:20 AM
مشكلة التحضيرية النفسية وشيل هم التخصص

ولا هي ما عليها :p

(و)

+1

~رعبوب~
18th March 2012, 01:57 AM
عندي سؤل يقعر بعصبي السمبثاوي الحين انا بتخصص دكتور البصريات علوم طبية هل اقدر احول طب اسنان والا بالمشمش اني احول لو اني عالم ذرَََََََة نووية ههههه

لا بس جد فيه امكانية للتحويل لطب الاسنان بصراحة لان لي رغبة شديدة بالكلية

d z e k o
18th March 2012, 04:18 PM
^

ليه ما تدخل صحة الفم بكليتكم .. حول عليها و اعتقد فيه امكانيه في المستقبل البعيد مز1
احد الاعضاء عنده معلومه عن الامر هذا ياليت يفيدنا

(و)

~رعبوب~
18th March 2012, 04:26 PM
ودي اصير رائد فضاء بس مو مكتوب لي ههههههههه والحين رغبتي صارة بالضروس طيب مايمديني احول الطب ولا احد يقولي اهلية ولا واسطة لا اصفقه

d z e k o
18th March 2012, 06:09 PM
Noway مز1

~رعبوب~
18th March 2012, 08:16 PM
ياخي ماتعرف تشجع وترفع المعنويات ابد هههههه

اهم شي اني بصير دختور وبعد ما اخلص دكترتي ادرس بشري 4 سنوات واصير قمة القمة بالعيون مو بالضروس لاني انسان حساس واجرح الناس باخلاق واحب لغة العيون هههههههه

d z e k o
18th March 2012, 08:36 PM
^
هههههههه
مره عيون ومره اسنان ومره رائد فضاء

ياخي اش تبي انت بالحياة
شعب ماله هدف > كر1

(و) > اهم شئ الوردة ترى ض2قلب2 > وهذي بعد > ض1 > ض3 > برى ويك1 > ض2

Dr.wooow
18th March 2012, 08:47 PM
والله الغباار بقوة مأثر عليييكم ..a020

d z e k o
18th March 2012, 09:19 PM
^

اقول روحي ذاكري ويك1

~رعبوب~
18th March 2012, 10:47 PM
^
هههههههه
مره عيون ومره اسنان ومره رائد فضاء

ياخي اش تبي انت بالحياة
شعب ماله هدف > كر1

(و) > اهم شئ الوردة ترى ض2قلب2 > وهذي بعد > ض1 > ض3 > برى ويك1 > ض2

يارجال والله لاعب الكورة اكثر واحد يكسب ملايين هو وخشته

كنت فنان ايام الثانوي بس مو مكتوب لي المجال الرياضي

عاد جد كنت ابي اخش هندسة نووية بس مو موجودة عندنا بالسعودية


<<<ماسمجها ابد ههههههههههه

d z e k o
19th March 2012, 12:33 AM
الله يعين يا رجال = )

Dr.lola
19th March 2012, 09:49 PM
السلام عليكم

حابه استفسر عن اشياء

الحين الاسنان يقولون نظامها سنوي كيف يعني سنوي
ندرس فصلين والاختبارات اخر السنة ولا المادة فصلين نفس المدرسة يعني ؟؟


فيه تخصص اسمه جراحة اسنان اللي لما يصير حوادث وكذا وهل فيه بنات ؟؟

أهدآب
19th March 2012, 09:55 PM
^
اهلين
نظامها سنوي يعني المعدل مايطلع الا نهاية السنة
وبالنسبه هل فيه مواد اختباراتها اخر السنة اي بس اغلب الدكاتره يحذفون جزئية الترم الاول مايدخلونها بفاينل الترم الثاني بعضهم يدخلون شوي كل واحد وطريقته بس النظام السنوي جميل انا حبيته يعني لان الميه مقسمه على سنة كامله الميد يكون عليه 10 او 15 وكل فقره ربع تقريباً
وفيه مواد فصليه بعد زي المدرسه يعني يخلص الكورس بترم وتطلع نتيجته بس بالنسبة لنا اولى الاغلب سنوي ,,
اي فيه تخصص جراحه واتوقع فيه بنات اظن لان اخذنا محاضره عنه الترم الاول ,,
بعدين تخصصنا اسمه طب أسنان وجراحة يعني الجراحة أساس الاسنان <على كلام الدكتور ,, وانه اقرب تخصص للجراحه هو الاسنان وتراي أولى يعني مدري :p

N.mandela
19th March 2012, 10:07 PM
السلام عليكم

حابه استفسر عن اشياء

الحين الاسنان يقولون نظامها سنوي كيف يعني سنوي
ندرس فصلين والاختبارات اخر السنة ولا المادة فصلين نفس المدرسة يعني ؟؟


فيه تخصص اسمه جراحة اسنان اللي لما يصير حوادث وكذا وهل فيه بنات ؟؟

نعم نظام سنوي وفيه بعض المواد القليلة تكون فصلية

النطام السنوي المادة تستمر طول السنة معك يصير نظام الاختبارات شهري الفصل الاول واختبار نهاية الفصل الاول واختبار شهري ثاني الفصل الثاني واختبار اخير في اخر السنة شامل لكل الي درس خلال السنة داخل مواضيع فصل اول + فصل ثاني

طبعا طبيعة المواد مختلفة عن بعض يعني مثلا بعض المواد تكون سنوية لكن النظري يدرس فصل واحد وتكون السنة كاملة عيادات وهذي المواد تكون اغلبها في سنة رابعة وسنة خامسة.

بالنسبة للتخصص الي تقولين عنه اسمه جراحة وجه وفكين ويدخل تحته قسمين
1- قسم جراحة فم وهذي يتم فيه عمليات بسيطة مثل الخلع الجراحي وغيره
2- قسم جراحة الوجه والفكين وهو الي يدخل تحته علاجات الكسور وعلاجات الاورام الحميدة والخبيثة وعلاجات التقويم الجراحي

ونعم كل القسمين يقدرو يدخلوه الطالبات