المساعد الشخصي الرقمي

مشاهدة النسخة كاملة : مشروع التحكم بالسيارة بدون قائد !!! تم الانتهاء



salem01
3rd May 2009, 02:21 AM
السلام عليكم ورحمة الله وبركاته

حبيت اشارك بالمنتدى بمشروع انتهيت منه قبل فترة بسيطة وهو تحكم بسيارة حقيقية بواسطة الكمبيوتر

بعض المزايا المتاحة :

1- تحكم بواسطة عصا التحكم (Game Pad) تم استخدام وحدة اكس بوكس الشهيرة وايرلس للتحكم بسير السيارة

2- تحكم بواسطة الجوال - فقط اجهزة البوكت بي سي Pocket PC عن طريق WiFi

3- تحكم بواسطة الاوامر الصوتية بلوتوث او غيره

4- تحكم عن طريق اللابتوب بواسطة WiFi

5- تحكم عن بعد بواسطة الانترنت عن طريق VPN او Public IP تم استخدام VPN

6- امكانية تتبع السيارة بالطرقات عبر خريطة قوقل ايرث بشكل اوتوماتيكي


--------------------------------------------------

مزايا اخرى :

التحكم بجميع الوظائف الاساسية بالسيارة مثل تشغيلها واطفائها والتحكم بالاضاءات والمساحات والنوافذ الخ عن بعد او من داخل السيارة بواسطة شاشة لمس

التحكم بالتشغيل عن طريق بصمة الاصبع وايضا لعملية دخول النظام (Log In)

وجود طابعة بداخل السيارة واسكنر يمكن استخدامه كفاكس

كاميرتان امامية وخلفية لمشاهدة الطريق في حالة التحكم عن بعد او حتى من داخل مقصورة السيارة

يوجد عرض DVD قمت بعمله وانتاجه من بداية المشروع للنهاية ومراحل المشروع وكيفية التحكم

---------------------------------

السيارة تم عمل تصوير لها باكثر من فكرة مثل دخول السيارة لمحطة بنزين والتحدث مع العامل بدون سائق الخ ( يتم التوجيه عن بعد بجوار المحطة )

بانتظار ردودكم وشكراااااا


سالم

Xavier
3rd May 2009, 03:03 AM
كلام جميل ولكن اتمنى ان ترفق مشهد فيديو للمشروع وكذلك ان تتحدث عن الامور التقنيه مثل لغات البرمجه المستخدمه ..ألخ

salem01
3rd May 2009, 07:54 AM
راح انتهي باذن الله تعالى من الانتاج قريبا ،،،، انا مصور مراحل عمل البروجكت

وراح انتج ديفيدي خاص للبروجكت وراح ارسل نسخ للمنتدى ورفع مشاهد بالنت

العرض اكثر من ساعتين وجدااا ممتع وفيه اكشن في الانتاج ومشاهد جميلة في التصوير بالذات في مشاهد التحكم

بالنسبة اخوي للغات البرمجة انا عملت 3 برامج للنظام واحد بيكون في كمبيوتر بالسيارة والاخر باللابتوب للتحكم عن بعد بالنت او عن قرب

والثالث خاص للبوكت بي سي تم تطوير نسخ الكمبيوتر بفيجوال بيسك

وتطوير نسخة البوكت بي سي بفيجوال بيسك دوت نت

..solitary..
3rd May 2009, 05:54 PM
ما شاء الله تبارك الله .. مشروع كبير .

ياليت لو نعرف تفاصيل أدق عن المشروع عشان نفهمه أكثر .. ذ1

توته حمراء
3rd May 2009, 06:53 PM
ما شاء الله عليك.....

salem01
3rd May 2009, 09:00 PM
راح تعرفوا التفاصيل باذن الله وتوضح الفكرة من خلال العرض راح ارسل نسخ وقت ما انتهي من عمل النسخ

بالتوفيق ،،،

*نجمه*
3rd May 2009, 09:06 PM
ما شا الله عليك الله يوفقك
شوقتنا نشوف المشروع
ننتظرك لا تتاخر علينا

IT- girl
3rd May 2009, 10:11 PM
مشاءلله شي جميل من تقدم الى اخر

حبيت اسال من صاحب الفكرة

موفق بانتظار التفاصيل

~هيفـاء
3rd May 2009, 11:26 PM
وعليكم السلام ورحمة الله وبركاته

ماشاء الله ~ الله يحفظك ويكثر من امثالك ,,,

ننتظر العرض ~

بالتوفيق (f)

salem01
3rd May 2009, 11:34 PM
شكرا على الرد ،،،،

بالنسبة للعرض انا واثق ان اللي يشوفه راح يستمتع بالذات عشاق التقنية والانظمة الذكية

الفكرة بصراحة من زمان ببالي وكانت حلم انه اتحكم بسيارة بشكل حقيقي اكثر من كونها طموح !!!!
وفعلا طبقتها بسيارة مرسيدس اول سيارة جربت فيها والان طبقتها في مرسيدس ايضا موديل احدث وايضاً سبق وطبقتها بسيارة احد الاقارب وكانت لكزس بالنسبة للتحكم كان خاص بتشغيل واطفاء محرك السيارة والاضاءات والبوري والمساحات الخ لم يتم التحكم بالبداية بالسيارة بحيث تسير عن بعد

الان ولله الحمد تحقق الحلم والسيارة يتم التحكم بها بيد الاكس بوكس او حتى الجوال او اللابتوب بشكل اكثر من بسيط يمكن لاي شخص التحكم بها دون الحاجة لتعلم القيادة وفعلا العرض يوضح ذلك بعدد من المشاهد لطفلة تقوم بتجربة السيارة بكل سهولة






يوجد ميزة رائعة تعتمد على حساس الاكسلوميتر اللي يتحسس الحركة موجود ببعض اللابتوبات من شركة IBM حاليا Lenovo

هذي الميزة موجودة داخل الهاردسك فكرتها انه بحالة اي حركة للهارد (المحمول) يتم ايقاف ذراع القراءة الخاص بالهارد من اجل حماية الهارد من اي هززة من الذراع

بعد كذا خطرت ببالي فكرة انه استفيد من التقنية هذي فقمت ببرمجته كميزة في نظامي

بعدها اقوم بتمييل اللابتوب لجهة اليمين وتلف السيارة يمين والعكس صحيح لجهة اليسار واقوم بتمييله للامام وتبدأ السيارة بالتحرك للامام والخلف يقوم بايقاف السيارة


يمكن ماحد مستوعبها غريبة شويا !!!! لكن تم تطبيقها بنجاح

نفس فكرة الحساس  الموجود بجوالات iPhone اللي سبق تعامل مع تطبيقات مشابهة بحيث يحرك الايفون لاتجاهات بالذات في الالعاب


راح يبين العرض المشاهد كلها

فمان الله ،،،،

البيتوتي
4th May 2009, 12:43 AM
ما شاء الله تبارك الله،
مبدع أخوي،
أسأل الله أن يوفقك لتكون أحد أبرز مخترعي الأمة والمسهمين في نهضتها ورجوع قوتها لإعلاء كلمة "لا إله إلا الله"..
من قلب2 :ورده:
بانتظار العرض..

salem01
4th May 2009, 01:08 AM
تسلم اخوي الله يحفظك يارب كلامك لطيف ودليل على اصالتك

اوعدك يوصلك العرض قريب ان شاء الله وتسمتع بمشاهدته ،،،،

Abdul3ziiz
4th May 2009, 02:12 AM
ماشاء الله تبارك الله .. كأني اتخيل ..

ياليت تعجل بالفديو لاني مندهش صراحة ..

بس عندي استفسار ..

كيف قدرت تسوي كنترول على سستم السياره بمعنى كيف قدرت تتخاطب مع كمبيوتر السياره ؟

يعني هل درست سستم السياره وعرفت وش البروتوكولز وقدرت تتحكم فيها ؟

ياليت لو بعد عندك وصف النظام ترفقه ..

مشكور على هالجهد ماشاء الله والله يوفقك ..

salem01
4th May 2009, 03:51 AM
اخوي عبد العزيز ،،،

لم اخاطب كمبيوتر السيارة على الاطلاق !!!

المنطق اللي انا مسويه انه اتحكم باي شي بشكل مباشر بدون الوصول لبرمجة السيارة نفسها وبشكل نظامي ماياثر باذن الله في تعارض الكهرباء بالسيارة

كمبيوتر السيارة ماراح يكون فيه قابلية اني اتحكم بشي ممكن اقرا منه معلومات مهمة واعدل عليها عن طريق OBD ان كان سمعت عنها

لكن انا اتحكم بدائرة عن طريق يو اس بي او اي منفذ اخر مثل ال بي تي او السريال بورت

وفكرة التحكم مبنية على Relays فتح و اغلاق ON / OFF

بالاضافة لتحسس اشارات من السيارة مثل احد الابواب تم فتحه او غيره مثلا قمت بربط الكام مع رجوع السيارة ويتم حينها فتح الستارة الخلفية بشكل اوتو وعرض مشهد خلفي ايضا بمجرد وضع عصا القير على وضعية R
هذا لوجك بسيط عشان توضح الفكرة

كمبيوتر السيارة ماله علاقة ابداااا بالموضوع

بس في شغلات تعقد وتتعب كثير خاصة بالسيارات الحديثة في تشغيلها كونها مشفرة يعني ماراح تشتغل الا بالمفتاح حق بلدها لانه يحوي الشفرة بتقنية RFID وهذي عشان محد يسرق السيارة بتشبيك الاسلاك زي ماكانوا يسوا زمان

من اهم الافكار عندي اني اتمكن من تشغيل السيارة بدون مفتاح بالكمبيوتر بكذا حتى لو وصلت للاسلاك المسؤلة عن التشغيل ماراح تنجح الفكرة لانه مافي شفرة وصلت راح يدق السلف لكن مايكمل التشغيل !!!!
انا قمت بفتح احد المفاتيح الاحتياطية ولقيت تشيب صغير مسؤل عن ايصال الشفرة ورككبته بطريقة يبقى قريب من سويتش السيارة عشان تشتغل لو جاها امر من الكمبيوتر وفعلا نجحت الحركة وراح توضح بالعرض

لكن في امور اخرى لازم اغيرها مثل ان الدركسون راح يقفل لامحالة في حالة مافي مفتاح بالسويتش بكذا قمت بالغاء القفل الخاص بذلك عشان وقت ما اشغل السيارة بالكمبيوتر اقدر امشي فيها بشكل كامل بدون الحاجة للمفتاح !!! طبعا مو مهم الفكرة هذي لكن انا كانت تهمني كثير بالبداية فحبيت تكون ميزة عشان اقدر اشغل السيارة عن بعد وببصمة الاصبع وبالاوامر الصوتية الخ

يمكن تفهمت الفكرة اكثر الان

السيارة ماقدر اوصف لك قد ايش تعبت لي اكثر من سنة شغال فيها طبعا في اوقات اوقف مو مستمر في اوقات انتظر طلبات من برا توصلني مثل شاشة لمس ، قطعة استقبال جي بي اس ، الخ

قصة السيارة والمشروع طوييييييييييلة وشاقة وممتعة بنفس الوقت يمكن التاخير في انتاج العمل يرجع لـ 3 اسباب /

1- انه اكمل كم شغلة واطبق الديكور زي ماكان بالسيارة عشان استخدم السيارة بالمشاوير اليومية رغم انه في قرابة شهر بصيف العام كانت السيارة بالقراج ماخرجتها
2- من اول يوم وانا مجهز الكاميرات للتصوير في معظم جلسات العمل بالسيارة وبالبيت وترتيب وتسلسل الافكار في العمل ياخذ مجهود مو طبيعي
3- اشتغلت وحدي في العمل بشكل كامل طبعا في حالات اخرج اسوي شغلات بورش بالصناعية مثل تلحيم الحديد وتفصيل ترس بالمخرطة الخ الخ
لكن التوصيل والبرمجة وربط الافكار ببعض الخ كان مجهود شخصي

معاناة طويلة بعد ماتشوفو العرض راح احكي القصة كلها والمواقف اللي مريت فيها شي مضحك شي محزن شي غريب الخ الخ
واللي يشوف العرض كامل بيعرف قد ايش ياخذ جهد في مراحله من افكار وتحليل لوضع الحلول المناسبة و تطوير البرامج والاخراج الفني
فمان الله

سالم المسرحي ،،،،،

the night
4th May 2009, 07:05 AM
واااااااووو
مذهل حقيقة..
الله يوقفك ويبارك فيك..
فعلا مجهود ممتاز..

•«°P®IN©E°»•
4th May 2009, 02:00 PM
مشروع جباار..خصوصاً إنك لوحدك
بس عندي سؤال

لكن انا اتحكم بدائرة عن طريق يو اس بي او اي منفذ اخر

ممكن تشرح النقطة هذي أكثر .. عشان أستوعب بس
إذا انت ما تتعامل مع نظام السيارة .. فكيف تتعامل مباشرة مع كهربا السيارة ؟

وننتظر الـعرض يا هكر :)

salem01
4th May 2009, 06:45 PM
انا اتعامل مباشرة مع الكهرباء كنت اقول ماتعامل مع كمبيوتر السيارة ابدااااا

مثلا /
السيارة القديمة اللي ماكان فيها كمبيوتر برضه نفس المنطق اقدر اطبقه فيها وحتى لو حديثة وموجود فيها كمبيوتر نفس الشي ماله علاقة اقصد

اعطيك مثال تم تطبيقه
انا يوم جيت اتحكم بتشغيل السيارة اللي معروف عنه سويتش وسلف اوكي
وصلت تحت الديكور ولقيت ثلاث اسلاك مسؤلة عن التشغيل 2 لو وصلها كهرباء 12 فولت علطول بتعفتح السويتش ويشتغل معاك كل شي بالسيارة ماغير طبعا المكينة والمحركات يعني زي ثاني دقة بالسويتش

طيب الان عملت لهم ريليز وربطتهم بالكمبيوتر ووقت ماشغل الريليز من السوفت وير تبعي راح يوصل الكهرباء للسلكين وبالتالي يفتح السويتش طبيعي كانه شخص حرك المفتاح لجهة اليمين وفتح السويتش !!!

بعد كذا اخذت السلك الثالث وهو اللي مسؤول عن السلف اللي يشغل السيارة طبعا لازم تكون بوضعية السويتش ON عشان تشتغل بنفس فكرة المفتاح بعد كذا عملت لها تايمر من السوفت وير بحيث تعطي ثانية تقريبا او اقل من ثانية وبعدها تفصل بحيث تكفي لتشغيل السلف لانه مايحتاج وقت طويل نفس منطق المفتاح لكن هنا بشكل الي

اتمنى وضحت

cookes
4th May 2009, 06:55 PM
ماشاء الله شكلة مشروع خطير الله يوفقك

salem01
4th May 2009, 06:57 PM
تعليق مهم

في حالة التوصيل يتم التوصيل لكل وظيفة من قبل الفيوز (Fuse)
لهدف الحماية من الالتماسات لاسمح الله بحيث لو صار شي بينحرق الفيوز علطول بعض الكهربائيين في الورش لو طلب منه مثلا توصيل فاصل او مفتاح تشغيل لنور اضافي او غيره يوصل مباشرة على المفتاح بدون مايحط فيوز او يعمل بروتيكشن للخط وهذا غلط

في حالات عندي كثيرة احتاج احط فيها فيوز وحالات لا

مثلا /

انا طلبت قطعة من الصين تسمى (Actuator) القطعة هذي عبارة عن دينموا يقوم بدفع ذراع للامام وللخلف حسب قطب الطاقة + - او - + ابحث عنها باستخدام عبارة linear actuator
مفيدة في امور كثيرة اكثر ماتستخدم بالمصانع وتستخدم في الكراسي الطبية حسب علمي ،، مالها وظيفة محددة تقدر تتفلسف في الاستفادة منها !!!!

القطعة هذي استفدت منها لوضع حل لدفع فرامل السيارة وللارخاء بحيث تمشي السيارة



القطعة تعتبر شي اضافي على السيارة عشان كذا كان لااااااازم احط لها فيوز بحيث لاسمح الله صار التماس مستقبلا بالسلك اللي موصله راح تحترق الفيوز وتوقف الدائرة عن العمل بدون اي مشكلة اخرى باذن الله

compumaster
4th May 2009, 08:36 PM
سالم

موضوع جيد, مجموعة لابأس فيها من المصطلحات والتقنيات والأفكار....بعضها منطقي وبعضها غير منطقي او غير مقبول...

للاسف, عندي تحفظ على تقبل الموضوع....انا مهتم بتفاصيل جدا low level

بالتوفيق

sub_zero
5th May 2009, 01:15 AM
^
^
ان شاءالله بينزل لنا الفيديو وبتوضح أشياء كثيره : )

-----------------------------

ماشاءالله تبارك الله ,

ان كان مثل ماقلت فهو مجهود جبار
والأهم مفيد في كثير من المجالات .. أهمها القطاع العسكري " بس بدون تفصيل عشان ماتستخدم بطريقة سلبيه :D "

موفق

salem01
5th May 2009, 04:24 AM
اخ كومبوماستر /

شكرا على ردك ،،، اتمنى التوضيح "بعضها منطقي وبعضها غير منطقي او غير مقبول "

بانتظارك وشكرا مرة اخرى

Abstract
5th May 2009, 06:43 PM
حمستنا يا سالم.... ننتظر الفيدو .....

salem01
5th May 2009, 07:04 PM
قريبا جداااا باذن الله تعالى ،،،،،

salem01
7th May 2009, 02:01 PM
العرررض جاهز

Digital Car System (Video Show) on Flickr - Photo Sharing! (http://www.flickr.com/photos/masrahi/3509368445/)

استثنائيه
7th May 2009, 06:55 PM
ماشاء الله تبارك الله !

طيب الرابط صورة ! كيف نشوف العرض ؟

الله يوفقك ..

salem01
8th May 2009, 03:26 AM
انا قلت حرسل نسخ للي يبي في شخص من المنتدى حرسل له وبتفق معاه يترك نسخ اخرى للبقية

واذا لقيت صعوبة طيف يوصل لك بلغيني وانا ارسل لك باي طريقة او تتنتظري ارفعه بالنت وتحمليه بعد فترة لاني مشغول الان بالنسخ وتغليف السيديات الخ انا نفسي الكل يكون عنده نسخة مستقلة افضل من النت وتحميل ووو

JAVA
8th May 2009, 11:12 PM
مبدع بكل ما تعنيه الكلمة من معنى :ق:

الله يوفقك يارب

salem01
8th May 2009, 11:24 PM
تسلم اخوي جافا

الله يوفقك

abdulaziz
9th May 2009, 01:43 AM
جامعة الملك فهد اقوى بالراحه
وهذا معروف عند الشركات واقسام التوظيف فيها

سارونة الرياض
9th May 2009, 02:31 AM
الله يوفقك ويبارك فيك..
مجهود ممتاز..
ماشاء الله تبارك الله ..
عقبال ماتسوى مشروع
للتحكم بأشغال المطبخ بدون طباخ
ل3ل3ل3ل3
والله محتاجينها كثير

salem01
9th May 2009, 11:48 AM
الله يسلمك اختي

سبق وعملت مشروع تحكم ببيتنا القديم ،، برضه ريحني وانا من السرير اتحكم باللابتوب واطفي النور بدون ما اقوم وكمان افتح المكيف واحط تايمر له يقفل قبل اذان الفجر ب 20 دقيقة

والحين جهزت اسس لمشروع بعمله بالبيت الحالي البيت يتم التحكم فيه كليا بالكمبيوتر مع مدخل الصالة في شاشة على الحيط تتش سكررين فيها ممرات الشقة والغرف واتحكم بالاضاءات والتكييف الخ بالاضافة للتحكم من برا البيت بالاتصال بالجوال والدخول على قائمة بالمنزل كاملة والتفاعل مع البيت ومعرفة عدد اجهزة التكييف والاضاءات قيد التشغيل واستقبال رسائل قصيرة او مكالمات في حالة دخول للمنزل دون علمي ،،،

اما مسئلة المطبخ فكرت في تطوير مهم بس مو طباخ روبوت :)
لكن تفاعلي لاحتياجات المطبخ ويرسل السيستم لي مسج علجوال وانا خارج البيت بقائمة الطلبات المطلوبة كل كم يوم مثلا ويكون مرتبط بقاعدة بيانات فيها طبخات مختلفة بايام الاسبوع فمثلا الليلة العشاء حسب النظام بيكون بيتزا علطول السيستم يرسل لي جوال من المغرب مثلا انه اجيب معي خضار وجبن ولحم :) للبيتزا

في اكثر من فكرة حتى لو يكون راندوم يعني محد يعرف ايش الطبق بيكون الكمبيوتر يختار عشوائي من قائمة كلها تكون مفضلة لدى اشخاص المنزل او يتم تخصيص حسب الطلب

زهرة
10th May 2009, 08:47 PM
ماشاء الله تبارك الرحمن..

مجهود رائع..ونادر..ربي يوفقك ويفتح عليك ويزيدك..:)

مررره تحمست للعرض..

عبدالرحمن الدريهم
10th May 2009, 08:50 PM
مبدع قلب2
بصراحة متشوق أشوف تطبيق المشروع
الفكرة قوية وغلاف السيدي جذاب

(f)

A.M.S
10th May 2009, 09:20 PM
كل ماأشوف نماذج زيك أفرح :) ..
واصل ، وبانتظار الفيديو .

salem01
10th May 2009, 11:54 PM
تسلمو والله ،،،،

ابغى شخص بالرياض ارسل عليه النسخ وهو يتركها بمحل للبقية هيا مين يتبرع ؟؟؟

وشكراااا

the night
11th May 2009, 12:06 AM
أضفتك بالايميل..
وياليت نشوفك في أقرب فرصة

عبدالرحمن الدريهم
11th May 2009, 12:19 AM
احنا بالخدمة يا سيدي ض1
مستعد أستلمها واخليها بواحد من محلات خدمات الطالب المعروفة ض1

(f)

salem01
11th May 2009, 01:01 AM
اخي the night
انا جتني اضافة اكيد انت فعلا ،،، اوكي ياسيدي ان شاء الله نشوفك قريب كمان ،،،

اخ عبد الرحمن

ارسلت لك على الخاص عشان نتفاهم على كيفية الارسال

بانتظارك

1000000
11th May 2009, 01:36 PM
ماشاء الله الله يوفقك
وتحقق جميع أفكارك

~ So Elegant
11th May 2009, 07:10 PM
متحمسه للعرض ,

ماشاالله ربي يحرسك جد شي يرفع الرأس !

(f),

salem01
11th May 2009, 08:00 PM
تسلموا والله ،،

انتظرو النسخ بخلص منها قريب وارسلها للرياض وبيتبرع احد الاخوان يستلمهم ويحطهم بمحل خدمة طلاب وتستلموا النسخ من هناك ،،،،

فمان الله

احلى واحد
12th May 2009, 02:38 PM
ماشاء الله عليك مشروع ممتاز وفكرته رائعة جداً لكن انتبه لايسرق احد منك فكرة مشروع العمل as076


أتمنى لك التوفيق






.:.

salem01
12th May 2009, 09:42 PM
تسلم حبيبي احلى واحد ،،،،

دعواتك بس وماينسرق :)

وحتى لو انسرقت الفكرة مو انا اول شخص تحكمت بسيارة بدون سواق ،،، في الخارج قامت شركات كبيرة من ضمنها فولكس واجن وشفروليه بانتاج سيارات بدون سواق روبوكار وفرق عن نظامي :( هم طوروا السيارة بحيث تعتمد على نفسها بالطريق وتتجاوز السيارات وتوقف بانظمة حساسات وتحديد الطريق والمسار عبر الاقمار الصناعية الخ
انا اتحكم فيها بنفسي امشي وراها :) كانها لعبة ،،،
لكن ببالي امور كثيرة ان شاء الله اطورها ابسطها ان السيارة توقف لوحدها بدون تدخل مني بالمواقف >>> جالس احلل بالمنطق في اكثر من طريقة براسي حاليا ،،،


فمان الله ودعواتكم

ALOSAIMI
12th May 2009, 09:50 PM
بصراحه مشروع صغير واي مشروع مثلا edugate قعدوا عليه ثلاث سنوات

مشروع تحكم بسيارة واحد مدري احس فيه لعبة بصراحه مو معقول

م/الجنرال
12th May 2009, 10:04 PM
ما شاء الله عليك اخوي.. مبدع.. وشيء طيب وعمل رااائع..


بصراحه مشروع صغير واي مشروع مثلا edugate قعدوا عليه ثلاث سنوات

مشروع تحكم بسيارة واحد مدري احس فيه لعبة بصراحه مو معقول

!!!!.. أنا ما أبي أقلل من قيمة ما قام به أخوي سالم.. لكنه مو بالأمر الصعب..
وإذا أنت ودك بنفسك تسوي تحكم بالسيارة تقدر وكل ما كانت السيارة حديثة راح
يكون التحكم أسهل بكثير.. يعني كل شي معقول :)
وزارة الدفاع الأمريكي أقامت مسابقة بمليوني دولار لمن يخترع سيارة تسافر عبر طريق
في أمريكا دون تدخل من الإنسان وهناك من فاز بالمسابقة.. هذي صعبة جداً وصارت..
فكيف بالتحكم عن بعد,..


~~~~~~~

بالتوفيق للجميع..

salem01
12th May 2009, 10:49 PM
اخ Xb0_0
لا لعبة ولاشي تبي تتاكد تفضل !!!!

الاخ م جنرال ،،،

الكلام سهل ينقال باي مشروع ينفذ وسبق عملت مشاريع كثيرة تخرج لمتخصصين بالهندسة والحاسب ومااحب اتكلم بالاسلوب هذا لكن انت تجبرني عشان اوضح الفكرة
كل المطورين المبتدئين من يوم تعطيه فكرة نظام ايا كان يقول للاسف الشديد نعم سهل واقدر ويحلل تحليل سريع يوهمك بانه انتهى من النظام وانها بسيطة !!!!

بالنسبة للتحكم بالسيارة لو كانت السيارة احدث كانت اسهل !!!!!! جدا كلام غلط مليون بالمية
انت علبالك السيارات اللي فيها كمبيوتر من بعد موديل 96 حبيبي الكمبيوتر حق السيارة ماله اي دخل بالموضوع ممكن اتحكم ب موديل 75 وممكن باذن الله 2009 مرسيدس بس والله اللي اشتغله في التركيب في سيارة موديل 75 يعتبر 5 بالمية من اللي راح اشتغله ب 2009 اعتقد انت تتصور التقنية بالسيارات الحديثة تساعدك استغرب المنطق هذاا (مافي سيارة بالعالم تصنع عشان تعطيك مجال انك تتحكم فيها) !!!!!
اللي عملته وزارة الدفاع معروف بامريكا وفازت اظن فيها سيارة تاهو من شفروليه هذيك سيارات طورت بشكل مختلف عن اللي انا طورته سيارات روبوكار ذكية بكل ماتعنيه الكلمة للحروب اساسا !!!

الكلام جدا سهل في اي مجال بالحاسب وياما انت وانا سمعنا بالذات من متخصصين نسوي ونسوي لكن وقت التطبيق يختلف ذا كله

اتمنى الان تعطيني تحليل لنظام التحكم بسيارة مرسيدس S class من كل الجوانب من الهاردوير والتوصيل في السيارة بامور الكهرباء والالكترونيات مع تطوير السوفت وير بالجوال والكمبيوتر الخ
بحيث تقدر تمشيها بدون سواق مثل ماتصورت >>> مهما قلت راح افهم اذا كلامك يسير صح او مايسير اتمنى فعلا تعطي الصورة الكاملة :) واسف اخوي والله قصدي طيب واتمنى تتقبل كلامي

اخوك

فوشيـــا
12th May 2009, 11:18 PM
ماشاء الله تبارك الرحمن ..
الله يوفقك اخوي .. ويزييدك من علمه ..
واحنا منتظرين هالمشروع يكبر ويتنفذ ع نطاق واسع باذن الله ..

salem01
12th May 2009, 11:27 PM
تسلمي اختي فوشيا ،،،

قريب ان شاء الرحمن ارسل لكم بالرياض النسخ

CD-ROM
13th May 2009, 04:57 AM
عــمـــل جـــبــــــار
يعكس عقلية احترافية
أسأل الله أن يزيدك من واسع فضله
أتمنى ارسال نسخة من العرض بأسرع وقت ........

ALOSAIMI
13th May 2009, 11:50 AM
الله يوفقك دنيا واخره

بالعكس اتمنى ذلك منك

لكن أنا بالنسبة لي لا اصدق اي شي

إلا وأن اراه بعيني وأنا شاء بإذن الله تفيد الكثير وإلى الأمام


ونشوف التطبيق


وجزاك الله الف خير

salem01
13th May 2009, 01:05 PM
اخ CD-ROM 
راح ارسل قريب جدا بحول الله وراح يتبرع احد الاخوان الطيبين :) باستلامها وبيترك لكم نسخ بمركز خدمات طلابية ،،،،

اخ Xb0_0
راح تشوف العرض ان شاء الله وتقتنع ولو نزلت على مكة خبرني وابشر ،،،

قلم رصاص
16th May 2009, 12:42 AM
ما شاء الله عليك .. ابي اشوف العرض ، واذا فيه مجال انك تحط مبادئ العلم هذا .. ؟ أو مصادر له

salem01
16th May 2009, 02:07 AM
الاثنين ان شاء الله يوصل الرياض يستلمه احد الاخوان

بالنسبة للمبادئ / راح تشوف العرض كيف تم وضع الحلول والافكار بالتحكم وان شاء الله توضح الفكرة معاك اكثر بعد كذا

شكرا لك ،،،

محب الإسلام
22nd June 2014, 09:11 PM
ما شاء الله مشروع رائع هل ممكن أتوصل معك لضرورة لتعاون وفائدة