المساعد الشخصي الرقمي

مشاهدة النسخة كاملة : × × × كل شئ عن المــواد : Software Engineering- DataBase2 -Network 2



..solitary..
22nd February 2009, 11:11 PM
السلام عليكم ورحمة الله وبركاته ..



في هذا الموضوع راح أتكلم عن المواد : software Engineering- DataBase2 -Network 2


من وجهة نظري ..وباذن الله أحاول أوصل شرح موجز لها ونصائح من طالبة اجتازت هذي المواد ..


### مواضيع مشــابهه للأترام الســابقة: ###

http://www.cksu.com/vb/t53849/

http://www.cksu.com/vb/t105365/

http://www.cksu.com/vb/t75327/

هذه المواضيع بالاضافه الى مواضيع اخرى مفيده .. تم وضعها في " دليل القســم " لتسهيل الرجوع اليها .. فأتمنى الاطلاع على دليل القسم للحصول على معلومات أكثر بخصوص بعض المواد..

http://www.cksu.com/vb/uploaded/21104/banner-daleel-7aseb1.gif (http://www.cksu.com/vb/t46968/)



### DataBase 2 ###

المـادة : 364 تال - Advanced Database ..

موقع الماده: [[ CCIS - Information Technology Department ]] (http://ksu-it.com/cap364/)

## المــراجع :

- سلايدات المــادة .
- كتاب :

http://www.ebooknetworking.com/books/032/129/big0321294017.jpg


Database Systems

A Practical Approach to Design, Implementation and Management.

Thomas Connolly, Carolyn Begg

3rd Edition, 2002 or later


- مراجع أخــرى :

Fundamentals of Database Systems.

Ramez Elmasri, Shamkant Navathe. 3rd Edition, 2000

Database systems, Design, Implementation, & Management

Peter Rob, Carlos Coronel. 4th Edition. 2000


-- طبعا أهم شي هو سلايدات المـادة بالاضـافة الى الكتاب الأول .. وهو نفسه الي درسناه في داتابيس 1 .. يجيبون احياناً كم ســؤال من الكتاب .

الكتاب الثاني _ من المراجع _ لونه أخضــر .. رجعنا له في تشابتر واحد .. وعن نفسي ماقريت منه شي كان الكتاب الاول يكفيني مع السلايدات..


## محــتوى المــاده :

في مادة الداتابيس 2 .. راح تدرسون الداتابيس لكن من ناحيـة مختلفه عنها في داتابيس 1 ..

الماد فيها هذي التشــابترات :

1. Object-Oriented Databases

2. Object-Relational Databases

3. Transaction Processing, Concurrency Control, & Recovery management

4. Distributed Databases

5. Query Processing

6. XML and Web Data

7. Enterprise-wide database technology: data warehouse & data mining



أول تشــابترين :

راح تتعرفون في البدايه على أنواع الداتابيس ،ومقارنه بينها ومتى أستخدم هذا النوع ، وأشياء غيرها ..

تعتبر هي التشــابترات النظريــة بشكل كبيــر مقارنة بغيرها من التشابترات .. راح تدخل معاكم بالمد الأول .. احنا بالفاينل حذفوها .. لانها خلاص تصير مالها داعي بعد ماتتعمقون بالماده غ1 ..

بعدها .. تبدا التشــابترات الي عليها الكلام ..


ماده _ عن نفسي _ أشوفها ممتعــة .. ومذاكرتها سهلة .. لكن الاسئلـة عليها تحتاج دقة وتركيز ..


## نصــائح للمــادة :

- الماده تعتمد بشكل كبيــر على الفهم وقت المحاضــرة فلازم لازم تحضرون كل المحاضرات قد ماتقدرون وتركزون مع الدكتوره ..

- شيتات المــادة أسبوعيــة ، الدرجات عليها مو كثيره بشكل عام ، لكن ضروري تحلون.. حتى لو الحل غلط .. حلي الشيت قد ماتقدرين وسلميه ..
لان مايشترط ان يكون حلك صحيح .. المهم يبان محاولتك في الحل ..

- اللاب ضروري .. لان أسئلة الاختبارات تكون مشابهه لطريقة الشيتات .. فحاولو تحضرون كل محاضرات اللاب.. ولو فاتك ..احضري مع شعبه ثانيه غ1 ..المهم لاتفوتينها أشوفها مره ضرورية لفهم الماده.

- في حال كنتوا تدرسون مع د.شـروق ، أي شي تقوله لكم " والله بجيبه لكم " ، " ترى بجيبه" .. غ1 اعرفوا انها ماتستهبل غ1.. د. شروق ملاحظاتها الدقيقه في المحاضرة مهمـة..
تقريبا كل شي قالت " ترى والله يابنات بجيبه لكم ض1 " جابته فعلاً ماكانت تستهبل! .. فانتبهوا لهذي النقطه .. وعلموا بنات الشعب الثانيه طبعا سو1 ..

- أحيانا تجي حالات في الامتحان _ جاتنا حاله وحده في الميد الأول _ تكون فيها فكرة شوي.. هي من المنهج طبعا لكن بطريقه غير.. وعلى كلام الدكتوره شروق .. " ليه محد سألني عنها بالمحاضرة" ؟

بمعنــى .. أي سؤال يخطر على بالك بالمحاضره اسأليه . حتى لو كنتي تحسينه غبي .. لانه مو غبي ..بالعكس يجي كفكره بالامتحان وتتحسفين ليتك سألتي غ1 ..

- الحضور في المحاضره + الحضور في اللاب + حل الشيتات + تدوين الملاحظات مع الدكتوره .. هذي أمور لازم تركزون عليها .. الماده حلوه ومهما سمعتوا من كلام يخوف عنها لاتاخذونه بعين الاعتبار..
نصيحه من مجرب .. وتجيبون فيه قريد ممتاز باذن الله ..

## بروجت المادة :

البروجكت ممكن يكون كل بنت لحالها .. أو بنتين ..

طبعا هو مسمى بروجكت لكن في الحقيقه مو قد البروجكتات .. يعني أسايمنت لكن عليه درجات كبيره ..

احنا كان البروجكت حقنا.. نسوي برنامج ينفذ لنا حاله معينه درسناها بالمنهج .. نزل يوم الاربعاء .. والتسليم يوم السبت .. يعني كأنه اسايمنت مو شي ..

وباذن الله مايكون فيه ذيك الصعوبه..

## توزيع الدرجات في المــادة :

Quizzes----> 10% <<< أخذنا ثلاث كويزات .. الثالث كان اختياري .. وراح يحسب افضل كوزين لكل طالبــة >>>

Assignments----> 10% <<< شيتات أسبوعيه،مهم تسليمها ومحاولة حلها.. وحضور اللاب >>>

Coding Assignments---->10% <<< هو بروجكت الماده ، برنامج أو القورذم ينفذ حاله معينة درستوها بالمادة وممكن تتغير الفكره الله اعلم >>>

Major Exams---->30% <<< كوزين ..كل واحد 30 درجـه بشكل مبدئي ، و ممكن يتغير التوزيع حسب حل البنات وكيف سوو لان على كلام الدكتوره شروق.. دايم المد الأول البنات يزفتون فيه غ1 >>>

Final Exam---->40% <<< الفاينل بشكل عام يكون أقل صعوبـة من الميدات .. المدات فيها أفكار وتحتاج تركيز .. الفاينل يجي بطريقه غير..احنا جانا كله اختياري 9 صفحات اذا ماكنت غلطانه .. شامل لكل جزئية بالمنهج .. >>>


## محتوى الامتحانات : <<اذا اخذتوا الماده راح يهمكم الجزء هذا >>

- المد الأول :
- سؤال نظري اختياري وفيه صح وخطـأ .
- ســؤال تعطي لك فيه حالات .. ويطلب منك توضيح أفضل مودل من الداتابيس في كل حاله ( OODBMS-ORDBMS-..)
- سـؤال عن الــ log File يطلب منك وش الي راح يصير لها undo or redo or..... بتعرفونه قصدي غ1
- سـؤال عن الترانزاكشن مشابهه لطريقة الشيتات.. توضحين وش الي راح يصير لها أبورت وكذا.. بس ركزوا في الجدول لانه ممكن يعطي لك مو مرتب ..
- سـؤال عن الويت فور قراف ..

هذا الي أذكره بصراحـة ذ1 ..

المد الثــاني :
- تعطيك داتابيس وحالات عليها .. وعلى أساس المعطى تسوين Fregmentation و allocationو replication حسب ماتحتاجين.
- ســؤال تعطيك داتابيس معينه ، والcost لحالات معينه .. وعلى اساس المعطي تسوين Tree .
- سـؤال تعطيك فيه داتابيس موزعه وكويري معينه مطلوبه عليها .. وتطلب منك أفضل استراتيجيه لتنفيذ الكويري .
- سـؤال عن الـ WFG القلوبال واللوكال .. مشابهه لطريقة الشيت.
- فكرة الامتحان .. كان كتابة بسودوكود ماكان موجود بالسلايدز لكن موجود بالكتاب.. عن شي معين موجود بتشابتر الـ Query Processing والمعروف بأنه ابثر تشابتر من الناحيه النظريه غ1 ..
اذا اخذتوا الماده قلنا لكم وش جابت ض1 ..
بالاضافه الى اسئله اختاري.. نظريه صح .. لكن مو بنفس اسلوب المد الأول.. لانك تحلينه بالمنطق حتى لو ماذاكرتي ولا شي نظري .. باذن الله طبعا .

هذا الي أذكره في المد ذ1 ..

- الفاينل .. يبقى لكم فيه 3 تشابترات .. تجي الاسئله اختاري كلها .. لكن فيها حقها تبي تركيز وسرعه في الحل عشان يمديكم لان الامتحان طويل ..


## الـ Cheat Sheet
يسمح لك في الماده .. تدخلين ورقة A4 في المد الأول والثاني مكتوبه وجه وظهر ض1 .. و3 ورقات في الفاينل ..

طبعا الورقه حاولوا تحطون فيها الحالات الي اخذتوها كرؤوس أقلام ، بعض الاشياء النظريه .. الاشياء الي تنسينها .. ملاحظات لنفسك " انتبهى ل كذا .. حطي كذا لو جاك كذا .. لاتنسين كذا.. " ض1..

ماراح تنقلين منها شي حرفيا ولا راح يفيدك أبدا لو دحشتيها كلام من اليوم لبكرا ض1 .. لكن تذكرك لو نسيتي مع لخمة الامتحان عشان تقدرين تحلين الاسئله ..

ممكن الاشياء الموجوده في الكتاب اذا قالت لكم الدكتوره ارجعوا لها .. تلخصين اهم النقاط لنفسك .. تحطين طريقه الالقورذم الفلاني عشان لو طلب منك على شكل بسودوكود مثل المد الثاني .. وكذا

يعني ركزي تدخلين الاشياء الي انتي تحسين ممكن تنسينها ، او يطقك الوسواس وتقولين الحين هذا كان تبع الشي الفلاني ولا تبع العلاني فممكن تجيبين العيد << دايم تجيني ض1..

طبعا .. ممكن تدخلين الاختبار وتطلعين منه ماطليتي في الورقه لان الدعوه كلها فهم × فهم ..

## للتحميــــل :

هذي أشياء تبدلناها في القسم الفصل الماضي.. تلاقونها موجوده في تبادل معرفه في دليل القسم.. وراح أحطها هنا بعد :


نموذج امتحان المد الأول :

http://www.cksu.com/vb/uploaded/12442/1227643625.rar

نمــوذج امتحان المد الثاني:

http://www.cksu.com/vb/uploaded/12442/1227121446.rar






لاتنسون الماده هذي مادة المعدل للترم .. 4 ساعات تسوي بلاوي ض1

---------------

### Software Engineering ###


المــادة : 312 تال ..

موقع المادة :edu 2.0: welcome to the future of education (http://www.edu20.org/) << الدخول يكون لطالبات الماده بباسوورد معين >>


المراجع:
-سلايدات الماده.
- كتاب Sommerville, Ian
“Software Engineering”
8th edition, Addison-Wesley

http://pixhost.ws/avaxhome/f8/52/000a52f8_medium.jpeg


محتوى المــادة :

Introduction to software engineering
Software Process Models
Project Management
Requirements Elicitation
Software Design
Validation and Verification
Software Testing
Software Evolution
Version management and Quality Control
Service Oriented Software Engineering

## الماده بشكـل عام :

-الماده تعتبر من المواد النظريه الى حد ما.. لكنها مهمــه .. وممتعه .. وتعرفك على جانب جديد غير الي متعودين عليه في دراستنا لباقي المـواد ..

مافهيم جديده راح تدرسونها ان شاء الله ..

-طريقــة التدريس على وقتنا مختلفه نوعا ما راح أقول عنها بشكل مختصر:

-- فيه محاضرات عديده يكون فيهاClass Activity ، بنهاية المحاضره ، وأحيانا من بداية المحاضره .. بمعنى بدل ماتكون المحاضرة تلقينيه تكون على شكل أسئله وأجوبه..
الشعبه تقسم الي مجموعات ( 5 طالبات أو 4 ) أو أكثر حسب عدد الطالبات .. يشكلون تيم .. يستمر طول التيرم .. طبعا هو تيم خاص بوقت المحاضره ( بمعنى ممكن يكون غير تيم البروجكت)
-- بعض المحاضرات يتطلب فيها الـ self Reading قبل وقتها.. بحيث تعطي على هيئة أسئله وأجوبه ..
يعني اساليب مختلفه عن الي تعودنا عليها .. وبصراحه تكون افضل .. لان وقت الامتحان احيانا يجيبون اسئله من الأكتيفيتي.. تتذكرين كيف كنتو تتشاورون بالمحاضره وايش كان الجواب ذ1 .. عن نفسي فيه كم فقره حليتها كذا ض1

الماده ممتعه .. مافيها صعوبه .. فيها حفظ كثير .. لكن سهل يجي مع الفهم .. مو صم يغثك ض1 ..

أخذتها مع الدكتوره: مها اليحيى (f) .. وأحمد ربي اني اخذت معاها الكورس .. انسانه تحببك في الماده وتحمسك لها ..ومحترمه لابعد الحدود ماشاء الله عليها ..


## مشروع المــاده :

في المشروع .. تتقسمون الي مجموعات فيها عدد من الطالبات يحدد حسب عدد الشعبه ممكن يكون 5 او اقل او اكثر ض1..
المشروع .. مثل طريقة مشروع السيستم .. تمشون فيه من بداية الكورس حسب الي تتعلمونه في المحاضرة وفي التمارين ..
هدفه تسوين برنامج ( البرنامج بسيط مايطلبون شي معقد ابدا لان الهدف مو الكودنق في هذا الكورس.. مثلا برنامج تعليم العد للاطفال- تعليم لغه - لعبه - .. )طبعا تبدأين من الصفر كـSoftware Engineer

وراح يوضح لكم كل فيز باذن الله ..

في موقع الماده.. راح تلاقون مراجع تفيدكم في الماده ككل .. وفي المشروع .. وفيه نموذج لمشروع سابق عشان تشوفون وتعرفون وش المطلوب منكم أو كيف تسوون كل فيز .. بس لاتنسون

ان كل مشروع يختلف عن غيره .. فممكن اشياء انتي تعملينها في مشروعك .. غيرك مايسويها .. ففكروا مشروعكم وش يحتاج في هذا الفيز ..

البروجكت سهل .. بس ركزوا على محتوى كل شي تسلمونه .. يكون مضبوط لانكم راح تحاسبون على كل شي ..

طبعا اي اسايمنت .. او تسليم فيز .. او نقاش بين اعضاء القروب الواحد .. أو أو أو كل هذا بيكون في موقع الماده وراح يشرح لكم بأول اسبوع ان شاء الله ..



## توزيع الدرجات في المادة :

Quizzes (2)==> 10% << الكويزات تكون كلها اختاري وعلى كل واحد 15 درجه >>

Midterm Exam (2)==> 30% << تكون اغلب الاسئله اختاري - مصطلحات - رسمات حسب الي يدخل معاكم في المنهج ..>>

Group Project==> 15%

Assignments==>5%

Final Exam==>40%


##للتحميـــل :

نموذج كويزات :


http://www.cksu.com/vb/uploaded/12442/1227121028.rar

نموذج امتحان الفصل الأول:

http://www.cksu.com/vb/uploaded/12442/1227539099.rar


--- --- --- --- --- --- --- --- --- --- --- --- --- --- --- --- --- --- --- ---

###Network Administration ###

المـاده : 333 تال ..

موقع الماده:[[ CCIS - Information Technology Department ]] (http://ksu-it.com/cap333/)

المراجع :

كتاب المــاده :Hands-On Microsoft Windows Server 2003 Administration

https://www.textbooksnow.com/books/061/918/0619186119.gif

<< الكتاب مو متوفر في السعوديه .. ممكن تطلبونه من برى .. لكن فيه نسخ في ألوان الريشه وهي الي مع البنات غالبا أرخص + أخف من الكتاب الأصلي >>

الماده كلها بنصها من الكتاب فضروري يكون معاك من أول اسبوع ..

محتوى المـادة+ نصائح :

- في المادة تتعرفون على عدة مواضيع جديده مختلفه عن نتوورك 1 .. ماراح يفيد لو أتكلم عنها حاليا لكن بتتعرفون عليها حبه حبه خلال الفصل باذن الله ..

- راح تلاقون صعوبه في أول اسبوع او اول اسبوعين .. بس ترى هذا طبيييييعي وترى أغلبنا ماكان فاهم وش السالفه غ1 .. لكن بعدين تصير أشياء تافهه وتضحكون على أنفسكم ض1

- الماده عباره عن 4 ساعات محاضره .. وساعه تمارين .. لكن تحسب في الجدول 3 ساعات محاضرة ..

- التمارين خصوصا في البدايه مهمه .. أنا اخذتها مع أ. نوره (f).. تفهمين اشياء ماكنتي فاهمتها بالمحاضره .. ولما تقرين الكتاب بعدها راح يبان لك كل شي ان شاء الله ..

- ركزوا على اول المحاضرات في اللاب .. طبعا هذا مو معناته ان الباقي مو مهمه غ1 .. بس عن نفسي اشوف اول المحاضرات في التمارين تفهمك ..


- الماده فيها حفظ كثيييييير.. وبالمقابل فيها تطبيقات عمليه على السيرفر والأجهزه أكثر ..

لما نتكلم عن نتوورك 2 .. لازم نتكلم عن بروجكت الماده م1 .. وأسايمنتات الماده ..



## الاسايمنت :

-الشغل في الاسايمنتات راح تكون على أجهزتكم .. راح تنزلون عليها سيرفر بطريقه معينه راح تشرح لكم..وكل شي راح يكون عملي باذن الله .. وراح تستفيدون منها : ) ..



## بروجكت المادة :

راح تتقسمون في المشروع الى قروبات فيها 5 طالبات تقريبا .. وممكن يتغير حسب عدد الطالبات طبعا ض1 ..

واحد من الأجهزه راح يكون السيرفر .. ممكن تستخدمون نفس السيرفر الي نزلتوه في الاسايمنت ..

وممكن جهاز كامل تخلونه سيرفر وهذا أفضل لان فيه بعض القروبات صارت عندهم مشاكل .. وغيرها لا للأمانه ..يعني انتو وحظكم ض1..

وباقي القروب رح يكونون كلاينتز .. مايسوون شي في أجهزتهم .. فمن الحين اختارو ضحية من القروب ض1 ..

وراح يشرح لكم كل شي باذن الله ذ1 ..


## توزيع الدرجات في المــادة :

((مافيها كويزات لكن فيها 3 مدات ))

- المد الأول : 10 درجات .
- المد الثاني : 15 درجه .
-المد الثالث : 15 درجة.
- البروجكت 15 درجه .
-الاسايمنتات: 5 درجات.
-الفاينل:40 درجه.

الماده فيها شغل كثير.. فراح تتخللها بونسات ان شاء الله .. تحسون بقيمتها بعدين غ1 ..


## للتحميـــل:

-حلول أسئلة الكتاب / http://www.cksu.com/vb/uploaded/12442/1227121578.rar




هـــذا الي عنــدي وأذكره ذ1

---------------- --------------------
-------------------- --------------------
ملاحظــه /

- كتـبت في الموضوع شرح لكل مــادة من ناحيــة المحتـوى ، ونصــائح أو تنبيهات حسيت انها مهمــة من وجهـة نظري ..

- طبعا كل ماذكر في الموضوع بما انه من وجهة نظر شخصيـة يحتمل الصواب ويحتمل الخطـأ .. ولكل انســان طريقته ونظرته فممكن يخالف رأي البعض أو يكون فيه أخطــاء ..

- أتمنى يكون الموضوع مفيــد للي راح تدرس هذي المواد .

- راح أضيف وصف للمواد في قسمها في الخدمات الالكترونيــة باذن الله .

- طبعا الموضوع مفتوح للاضــافة أو التصحيح .. من الطالبات الي درسوا هذي المواد ذ1








بالتوفيـــق للجميـــــــع

~AFNAN~
22nd February 2009, 11:17 PM
سوليتاري .. قلب2 قلب2 قلب2


ربي يسعدك ويوفقك دنيا واخرة .. ويرسل لكم أحد يشرح لكم مواد الترم الجاي غ2


تفرجين علينا دايم .. مز3


شكرا .. شكرا .. شكرا بحجم عطائك (f)

شتات روح
23rd February 2009, 12:01 AM
thnx

(:

العاشقة
23rd February 2009, 12:57 AM
ربي يعطيك العافية
بجد شرح في غاية الروووعه
>>افدتيني كثييييييييير
: )

..< هايدي >..
23rd February 2009, 01:00 AM
الله يوفقك ويسعدك
شكرا
(f)

الأرجوانه
23rd February 2009, 01:20 AM
مشكوووووووره سولي

الله يعطيك العافيه ويوفقك ن1قلب2قلب2

_AMEERA_
23rd February 2009, 03:47 AM
ماشاءالله عليك كفيتي ووفيتي:ورده:

ليتي ما ادرس معك بنفس المستوى
وانتي سابقتني بترم عشان استفيد من مواضيعك كل ترم:مر2:
عم بمزح" الاهم شوفتك معنا عب1 وماقد قصرتي مع احد

بالتوفيق خيتوقلب2

cookes
23rd February 2009, 04:39 AM
شكرااااااا الله يوفقك

!๑≡→ sony ←≡๑
23rd February 2009, 07:59 AM
من جد يا حظنا إنكم قبلنا ^^"

الله يوفقك ويسعدك

مرررره شكرا

Loading
23rd February 2009, 01:53 PM
ما شاء الله عليك :)
ربي يسعدك ويوفقك ولا يحرمك الأجر

ودي أطلب الكتب من ألحين
بس أنا على حظي يغيرون الكتب أو الطبعة

بس يللا لو غيروه تصير عندي كمراجع زيادة<<<<ياما صارت

شكرا مره ثانية ولو إنها شويه عليك
الله يوفقك دنيا وآخره

***Eyes***
23rd February 2009, 05:21 PM
سوليتاري ش1






- الماده فيها حفظ كثيييييير.. وبالمقابل فيها تطبيقات عمليه على السيرفر والأجهزه أكثر ..




يعني مايكفيها في الفاينل يوم واحد ؟..لأني أفكر أنزل علم جش2[/COLOR]

ملاك وبس
23rd February 2009, 08:22 PM
شكراااااااااااااااااااااا اااااا

كنت انتظر موضوعك...عب1


الحمد الله انك سابقتني :)

laylaa
23rd February 2009, 09:21 PM
شكرا سوليتيري الله يوفقك

laylaa
23rd February 2009, 09:25 PM
سوليتاري ش1





يعني مايكفيها في الفاينل يوم واحد ؟..لأني أفكر أنزل علم جش2

توكلي على الله ونزليها اذا ساعاتك قليله انا بنزلها انشاء الله ونشد حيلنا من بدري

***Eyes***
23rd February 2009, 09:45 PM
المشكله قبلها حسب ثمين علم..والمشاريع تاخذ أغلب الوقت.

..solitary..
23rd February 2009, 11:11 PM
شكرا لكم جميــعاً ، وان شاء الله الموضوع يفيدكم ذ1 ..

Ameera
على الخطه الي تفكرون فيها هاليومين سو1 مين يدري يمكن تستفيدين من موضوع الترم الجاي على خير ض1 ..


***Eyes***
شوفي المــاده طويله مره .. فيها 10 تشابترات من الكتاب + تشابترين خارجيه ..
احنا حذفو لنا في الفاينل اول 3 شباتر .. لانها تصير ولا شي بعد مانتعمق بالماده .. يعني مفاهيم اوليه واشياء " كبرنا عليها " ض1 .. لكن تبقى الماده طويييييله ..

فلو بتنزلينها.. ضبطي وضعك انك بتبدين فيها من بدري .. بحيث تراجعين مراجعه سريعه اخر يوم ..مايمديك يوم واحد تبدأين مذاكره ..

الجميل في النتورك 2 لانه 3 ميدات .. راح تدخلون الفاينل كل المنهج مذاكرينه ماعدا اخر تشابتر .. والسلايدات الخارجيه ومو كثيره .. وعلى وقتنا حطوا جزء منها بونس للي تبي تذاكره وتحل اسئلته ..

فان شاء الله مايكون فيه هذيك الصعوبه لو ذاكرتيه قبل موعده ..

بالتوفيق (f) ..

Gravity
23rd February 2009, 11:47 PM
على فكرة بنات,,

النتوورك احتمال كبير يتغير منهجكم عننا , حسب كلام أ.بدور

بيصير ع اللينكس بدل الويندوز ..


ووووبس , سولي كفت ووفت : )

***Eyes***
24th February 2009, 12:31 AM
..


***Eyes***
شوفي المــاده طويله مره .. فيها 10 تشابترات من الكتاب + تشابترين خارجيه ..
احنا حذفو لنا في الفاينل اول 3 شباتر .. لانها تصير ولا شي بعد مانتعمق بالماده .. يعني مفاهيم اوليه واشياء " كبرنا عليها " ض1 .. لكن تبقى الماده طويييييله ..

فلو بتنزلينها.. ضبطي وضعك انك بتبدين فيها من بدري .. بحيث تراجعين مراجعه سريعه اخر يوم ..مايمديك يوم واحد تبدأين مذاكره ..

الجميل في النتورك 2 لانه 3 ميدات .. راح تدخلون الفاينل كل المنهج مذاكرينه ماعدا اخر تشابتر .. والسلايدات الخارجيه ومو كثيره .. وعلى وقتنا حطوا جزء منها بونس للي تبي تذاكره وتحل اسئلته ..

فان شاء الله مايكون فيه هذيك الصعوبه لو ذاكرتيه قبل موعده ..

بالتوفيق (f) ..


تسلمين .. ومليار شكرا

3 اختبارات ورى بعض تخوف ..خاصه ان المشاريع صارت تستمر الى اول اسبوع من اختبارات الفاينل ,
فكرت أخذ بحث بس 111احص متطلب لها ..ومااتوقع بيرضى النظام انزل المادتين مع بعض

والله يكتب الي فيه الخير ..أمين


مره ثانيه شكرا بعددب5

الصيب
24th February 2009, 12:33 AM
شكرا solitary
جزاك الله خير...

حتى أنا أبي أضيف 101علم

بس لو البنات المنزلين المقرر عددهم قليل
راح تكون مشكلة لأني خايفة من
مشاكل التعارض

صدوف
24th February 2009, 12:40 AM
مرحبا بنات

ايش رايكم لو أحط جدولي كذا
104سلم -101علم -241بحث-312تال-333تال-364تال

بليز بنات اللي آخذوا هذي المواد ايش رايكم في الجدول مررره محتاجه رايكم


بس أنا اللي مدوخني ليش البحث مافيه فاينل:6:

العاشقة
24th February 2009, 02:21 AM
صدوف
كذا جدولك راح يكون حلو
مية مية
<<بالنسبة للبحث<<مدري عنه الله يعينك ويعين الجميع
عب1

تَيمِية
25th February 2009, 01:36 AM
× اعع يا رب عديه على خير =/ ، أول مستوى ما أتحمس له =|


سولي يا جعل ربي يجزاك خير !
ما تدرين قد ايش كنت أستنى الموضوع !
مرة شكراً ألوقه3


×××

http://farm4.static.flickr.com/3617/3307795424_6f4c4d9dc1_o.jpg

وش ذا ! أنا احولّيت و إلا احولّيت :0

..solitary..
25th February 2009, 01:53 AM
بالنسبة لنتوورك 2 .. انا الي اعرفه من كلام استاذه عبير انهم راح يغيرون ويندوز سيرفر 2003 الى نسخه حديثة..

بس ماتغير الكتاب في موقع الماده الى الان:what .. فالي ودهم يطلبون من الحين راسلو الاستاذات تأكدو منهم اذا فيه تغيير او شي ..



صدوف ..

انا احس جدولك يمشي كذا ان شاء الله .



تيميــة

هم بالجداول يكتبون معمل .. في الحقيقه محاضرات المعمل هي المحاضرة الصدقيه غ1 ..

ومحاضرة النتوورك ( الي ساعه وحده) هي تمارين المادة.


ترى التيرم حلوه مواده بشكل عام لكــن ضغــط شـــديد as076

s m i l e ~
27th February 2009, 06:05 AM
يوووه كان ودي أرد في الصفحة الأولى غ1
يلا الترم الجاي بإذن الواحد الأحد محجوووز أول رد من الحين ض1
<< هذا اللي يجي متأخر

سولي.. شكراً جزيلاً، والله يجزاك خير ويوفقك في كل شي في الحياة ن2




ترى التيرم حلوه مواده بشكل عام لكــن ضغــط شـــديد as076

يعني أضغط من الترم اللي خلصناه..! :0
الله يعين..

..solitary..
27th February 2009, 02:20 PM
أهلين سمايل ذ1



يعني أضغط من الترم اللي خلصناه..! http://www.cksu.com/vb/../images/smilies/as.gif
الله يعين..


بالنسبه لي أول تيرم يمر علي في حياتي تجيني أيام اطلع من البيت الساعه 7 الصباح وارجع الساعه 10 بالليل غ1

هو يجيك فترات ضغط .. واسبوع يمكن كذا راحه ض1

بس اذا شديتو حيلكم بالمواد صدقوني تجيبون معدلات فيها باذن الله تفرق معكم

Dark Cobra
27th February 2009, 04:28 PM
السلامو عليكم
ممكن اضيف ارائي ونصائحي حول المواد ... توني اتذكر ... ترا مدري هي قالتها سوليتري او لا ..
اولن : الحسب
- دورولكم من اللحين احد عنده حلول اوراق العمل او صوروها من احد ... ترا مهم جدن جدن لان اذا ما قعدتي في الصف الاول ماراح تسمعين ولا تشوفين شي
- جيبي مسطره في الاختبار ... والله من جد سطرو الجداول لا تشخبطين بيدك ... ترا هذا البونس حقه على قوولته "الترتيب"...
- تراه اشين شوي من الحسب الاول ... بس موش بطال مره

ثانين : النتوورك 2 :
يفضل جدن انك تكوني مع الاستاذه بدور ... واذا ما حصلك مو مشكله الكتاب مررررررررره واضح اذا ما غيروه على قولتهم طبعن ..
-البروجكت من ابيخ المشاريع اللي قد مرت على ... يرفففففففع الضغط من اللحين اقولكم ... بس اذا صار نفسه حق الاشاره حاولو تاخذون من البنات حقين الترم اللي فات ترا مو غش a020 ...لانه بصراحه ماله دخل من قريب ولا بعيد باللي درسونا هو.... بس لازم طبعن تفهمونه مو بس تنسخون وتسلمون لانكم بتنسالون على كل كلمه ...
- الكتا حقه ترا من الوان الريشه مره حلو لان النسخه لاصليه ابيض واسود .. وحق الوان الريش اصغر حجما واخف وزنا ...

ثالثن: الداتا بيس 2 :
وععععععع .......a020
انا في رايي ما تفرق رحتي عند شروق ولا عند غيرها ... لاني اعتقد الاختبار عمره ما جا من الشرح (يخترعون اساله ما يقدرون يجيبون شي طبيعي بس النهائي كان نوعن ما طبيعي عشان كذا ما عرفنا نحل فيه :) )... انا عني فهمت من حلول الشيتات اكثر من الشرح ...
- اهتميييييييي بالحضور اذا كنتي عند شروق ...تراها تزيدك درجات اذا لاحظت انك دايمن حاضره وروحي اساليها في مكتبها خليها تعرف وجهك واسمك ورقمك الجامعي ..والله جد a020
- الشيت شيت لزقو فيه كل شي حتى الصور والاشياء اللي ما تتوقعونها تجي ...ترا هي اللي بتجي ... عمومن هو في المدات تسكيته اكثر من انه شيت شيت ... ما عدا في النهائي والله جا منه اشياء كثييره...
- الاشياء اللي ما تفهمونها من السلايدات لا تعدوها .. ارجعو للكتاب واقروا الشرح تراه حلو ... يمكن تجيب الغوريثم عليه (بوسوسو كود)

رابعن : السوفت وير
- مرررررررررره حلوه الماده ... سهله جدن في رايي ... وممتعه كمان
- اهم شي اهم شي ... لازم تصيرون مع دكتوره مها ... تراها خطيررررره ... قاتلو عشان تصيرو معها ....من جد بتفوتك اشياء لو ماكنتي معها ...
- فيها شي اسمه اكليبس :( :( :( ... استغفر الله ياربي .. يانه هبل فينا ....بس انشالله يتطورون ويغيرونه ...(هو عموما التتوريال في هذي الماده مو حلو ... بس يعدي في النهايه)


خامسن السلم :
ما علي تعليقات عليه ... بس انك اذا منتو من الكتور عبدالعزيز ( السوداني )
احفظو التعاااااااريف زيييييييييييييييييييييييي يييييييييييين ...

الاحص الثاني :
حلو ... احس احسن من الاول ... هو الكم تشابتر الاولى تحسونها في الاول صعبه بس الاخير تصير مره سهله الماده ..
وتراهم يحطون بونس محترم لاتنسوا تنشبولهم عشان يزيدونه قد ما يقدرون

وهذي نصايح عامه للترم :
اصحك عينك تشترين لاب توب جديد هالترم .... ياويلك ترا ... لانه اكثر ترم يخرب الجهاز هو هذا ...ترا بتندمين اذا شريتي ...
- عندك عزايم , سفرات , خرابيط ... لا تتاكدي انك بتروحين .. تراغالبن غالبن بتقعدين لحالك في البيت .. والناس مستانسين :( ( اسالي مجرب) ... مشتركه فنادي افصلي ..a020

ترا هو الترم مو خايس لهالدرجه ... بس انا ااهبكم للاسوأ ...
لان قبل الترم البنات قهروني يقولون سهل ومدري ايش .. وبعدين طلع كذا ... لو2.. معليش لازم نواجه الواقع

احسن شي انو في النهايه هو الترم الوحيد اللي اغلب البنات جابو فيه علامات كويسه ... يعني التعب جاب نتيجه ... وممكن جدن انك ترفعين معدلك فيه ...


تحياتي الشديده ... وبالتوفيق لنا ولكم

s m i l e ~
27th February 2009, 05:08 PM
الاحص الثاني :
حلو ... احس احسن من الاول ... هو الكم تشابتر الاولى تحسونها في الاول صعبه بس الاخير تصير مره سهله الماده ..
وتراهم يحطون بونس محترم لاتنسوا تنشبولهم عشان يزيدونه قد ما يقدرون


مررررررة شكراً Dark Cobra ن2

بس سؤال بخصوص الاحص.. هل فيه تمارين ولا يحذفونها ؟
لأني اتذكر الاحص الاول التمارين ماكان عليها درجات!

..solitary..
27th February 2009, 05:12 PM
^

فيه تمارين ( ماعليها درجات ) لكنها مهمه مره .. لانها هي التطبيق على المحاضرة والي يجي منه في الاختبار ..

العنود27
27th February 2009, 05:14 PM
Dark Cobra

لطفا بالقوارير ت1

الرسول يقول تفائلوا بالخير تجدوه :)

الله يوفقنا وياك ويسهل علينا وعليك وبإذن الله سيكون ترمك القادم ممتعا :D



------------------------

solitary

اعجز عن شكرك عزيزتي , وفقك الله :)

أنثى ملائكية
27th February 2009, 05:39 PM
سوووولي
ياحبي لك والله .. مرة شكرا
تفيدينا مرة كثير بمواضيعك هذه

(f)
الله يوفقك

dOw!ra
27th February 2009, 10:48 PM
DARK COBRA

الله يهديك وش ذاا انا اللي مخلصته صكتني أم الركب :0

صح انا معك انه ترم ضغط
لكنه ممتع قلب2
<- أراسيل هوووص ولا كلمتن تنطق ، بكيفي ض2


الضغط عادي زي ضغوطات الأترام اللي فاتت ، تعودنا عليها مو مس3 ؟
خصوصا اخر شهر بيكون كل شي متراكم ، تسليم مشاريع مع اختبارات متأخره وكذا ،شي طبيعي كـ IT students مز1

بس نصيحه
حرصو دكاترة الحسب + السلم انهم يحددون لكم مواعيد اختبارات من اول الترم
ولو قالو نعلمكم اذا قرب الوقت ارفضوووو
خصوصا الحسب مرة مرة توهقنا فيه بالنهايه قام يحط اختبارته باوقات أوم الغلط :(
والسلم كمان .. لكنه رقعها وقال الاختبار اختياري حس1


اما الباقي ماااقصرت سولي كفت ووفت قلب2
- عيني عليها بارده -

مممممم
انبسطو بهالترم
النتوورك ماده ممتعه لو حبيتيها ..
كلها تطبيق .. اي شي تاخذونه طبقي عليه ، الكتاب مرة مهم ، وواضح وسهل اساسا كله اكتفتي ولما تجربينهم بتتقنينه وتعرفين تحلين الاسايمنت + البروجكت : )


مممم
السفتوير بعد
يجنن قلب2
انا درسته مع دكتورة مها اليحيي قلب2
قمه في الأخلاق وتعاملها وووه قلب2
تخليك تحبين الماده غصب

طبيعة الماده ذكرتها سولي .. اختباراتها نظريه
لكن عشان تعملون البروجكت تمام لازم تكونون فاهميييين و تنتبهون بالمحاضرة وتكتبون معها
السفتوير من اكثر المحاضرات اللي كنت أستلذ فيها ، بجد قلب2
مممم البروجكت يجنن
اهم شي بنات لو عملو فيكم مثلنا انهم يعطونكم المجال تختارون السفتوير حقكم
احرصو يكون السكوب حقه صغييير ، لاتاخذون ويب بيس والا حاجه كبيرة تسوون فيها انكم كشخه :D
البروجكت هدفه مو برمجه والا تصميم ؟ لأ هي أمور في الهندسه تتعلمونها وتطبقونها
كثير بنات تفلسفو بالبدايه وأكلوها بالنهايه :D

الداتابيس مارح أقول عنه شي لأنه مو حلو :9:
للأسف ماستمتعت بهالماده لأني كنت من الناس الغرقانين ببحر د.ليلى ض2
ونصيحه لوجه الله
اذا نزلت هالماده مع د.ليلى
دبرولكم وقت تحضرون مع د.شروق ، أيا كانت الطريقه تستأذنون ماتستأذنون تتخبون تحت الطاولات ض2 اللي يجي .. الحقو على اعماركم واحضرو معها ..
لاتصيرون مثاليين زي بعضين الناس:98: وتآكلونها بلأخير :(


..


مممم انبسطو بهالترم ، صحيح أوقات الضغط بتنحرمون من الطلعات والروحات بس عادي قسمنا يتطلب مننا نضحي وننكرف :D

موفقين ان شاءالله
وأي شي تبونه وقصر عليكم .. احنا قريبين قلب2




(f)

الملاك البريء
27th February 2009, 11:15 PM
اهلييين بنات

سولي قلب2
مس كيوتقلب2
ربي يخليكم:ورده:

مومستوعبه ان الدراسه بدت... كنت نايمه بالعسل
يوم دخلت المنتدى حسيت بضيقه

الحين ابحذف ماده من مواد التخصص الثلاث لاني بدرس اوبيريتنق
ايش تنصحوني احذف؟؟؟

الملاك البريء
27th February 2009, 11:21 PM
وهذي نصايح عامه للترم :
اصحك عينك تشترين لاب توب جديد هالترم .... ياويلك ترا ... لانه اكثر ترم يخرب الجهاز هو هذا ...ترا بتندمين اذا شريتي ...
- عندك عزايم , سفرات , خرابيط ... لا تتاكدي انك بتروحين .. تراغالبن غالبن بتقعدين لحالك في البيت .. والناس مستانسين ( اسالي مجرب) ... مشتركه فنادي افصلي ..

ترا هو الترم مو خايس لهالدرجه ... بس انا ااهبكم للاسوأ ...
لان قبل الترم البنات قهروني يقولون سهل ومدري ايش .. وبعدين طلع كذا ... .. معليش لازم نواجه الواقع

:6:
والي وراها زواج واغراض وتجهيز وبروفات بتمشيلو2

***Eyes***
27th February 2009, 11:37 PM
DARK COBRA

الداتابيس مارح أقول عنه شي لأنه مو حلو :9:
للأسف ماستمتعت بهالماده لأني كنت من الناس الغرقانين ببحر د.ليلى ض2
ونصيحه لوجه الله
اذا نزلت هالماده مع د.ليلى
دبرولكم وقت تحضرون مع د.شروق ، أيا كانت الطريقه تستأذنون ماتستأذنون تتخبون تحت الطاولات ض2 اللي يجي .. الحقو على اعماركم واحضرو معها ..
لاتصيرون مثاليين زي بعضين الناس:98: وتآكلونها بلأخير :(



(f)


فيه ناس كلوها مثلي بس مافكرت أكون مثاليه..غصب جدولي مايسمح احضر مع د.شروق
<< والجوع شينa020 فكلتها بالحالي لو2

من جد الماده حلوه بس قدر الله وماشاء فعل.

Nora
27th February 2009, 11:42 PM
الملاك البريء ..

الله يعينك و يوفقك ..

أنا من رايي تحذفين النت وورك .. لأن المتطلبات حقت المادة كثيرةة و داايم تسوي زحمة .. و فيها بروجكت 3 فيزز كل واحد غير عن الثاني و تعرفين بروجكتات النت وورك و مشاكلها << كان أحد الاسباب اللي خلاني اكره ذا المادة بروجكتها ض2
و اذا تقدرين تحذفين من المواد العامة بعد احذفي .. لأنو فعلاً السمستر هذا زحمةةة أزحم شي مر علي في الحياة :6:

الملاك البريء
27th February 2009, 11:50 PM
وش رمز النتوورك
312؟؟؟
الله يعين:6:

***Eyes***
27th February 2009, 11:55 PM
333تال

طوق فوشي
28th February 2009, 04:30 PM
مرحبا بنات

استفسار؟؟؟؟

احس أكثركم مامدح د.ليلى يعني بسب الشرح او الدرجات ماتراعي بالتصيحيح بالنسبة 364cap؟

أعرف شرحها تعيد وتزيد احس تحاول تفهمك >>هاذي أقدر أتحملها بس الدرجات لا

الثاني من أخذت سوفت وير عند أ. سيرين العمران كيف ؟؟

Loading
1st March 2009, 01:03 AM
اصحك عينك تشترين لاب توب جديد هالترم .... ياويلك ترا ... لانه اكثر ترم يخرب الجهاز هو هذا ...ترا بتندمين اذا شريتي ...

لأه ما تقوليش كده لو2
توني شارية واحد جديد ماله شهرين
والمشكلة صرفت القديم

بالنسبة للضغط عااااااادي تعودنا عليه
صار عندي مناعة <<< مضيعة
أجل مؤتمر :6: <<< لين ألحين ما إستوعبت

بنات ترى كتاب النتوورك2 ما غيروه
راسلت أ. عبير قلب2 وقالت ما إتفقوا على التغيير فرح يكون نفس القديم

..solitary..
1st March 2009, 01:18 PM
احس أكثركم مامدح د.ليلى يعني بسب الشرح او الدرجات ماتراعي بالتصيحيح بالنسبة 364cap؟


الشرح .. التصحيح كويس من د.شروق ومن د.ليلى


وحسب ماسمعت ..د.ليلى راح تدرس كل الشعب الترم هذا ذ1




الثاني من أخذت سوفت وير عند أ. سيرين العمران كيف ؟؟ اعرف بنات ماخذينها عند أ.سيرين العمران .. مافي مشاكل ولا شي .. اصلا ماده السوفتوير باذن الله سهله ..

بس الي يفرق عند د.مها حماسها وأفكارها يعني تخليك تتحمسين للماده وتحبينها مو كأنها ماده عاديه تدرسين وتختبرين ..

Ryo0onah
6th March 2009, 07:13 PM
يا لبى تسلوتتس اليمين يا سوليتاري عب1عب1ل3قلب2قلب2قلب2:هي:
شوكرآآآآآآآآآآآآآآآآآن أد الدونياااااااااااااااا قلب2قلب2قلب2قلب2ض1ض1ض1

أروى الحياة
18th May 2009, 08:23 PM
جزاك الله خير

Shikhah Mohammad
11th October 2009, 07:27 PM
for up :)

many thanx 4 solitary

التفــاحه
21st February 2010, 01:28 AM
شكرا مرررة سولي الله يوفقك ويجزاك الجنة يارب على هالمواضيع قلب2

بنات بغيت اسأل هل الكتب للسوفت وير ونتورك 2 وداتابيس 2 راح نحتاجها ولا لا ؟!
لأن كل ترم بس نشتري هالكتب وآخر شي ندرس من السلايد as076

أفيدوني جزاكم الله خير

Candy-IT
26th February 2010, 12:38 AM
^^^

النتوورك بنحتاجه على كلام أ.نوره , لكن الداتابيس و السوفت وير يا ليت تفيدونا ..

~AFNAN~
26th February 2010, 12:51 AM
نتورك 2 مرة مرة مهم ،،
داتا بيس2 ،، والسوفتوير ،،مو مهم ( كنا نرجع لصفحة أو صفحتين بس للكتاب ) ،،

بالتوفيق قلب2

Candy-IT
26th February 2010, 01:37 AM
شكرا أفنان , الله ييسر لك أمورك

قلب2 قلب2