المساعد الشخصي الرقمي

مشاهدة النسخة كاملة : أخطاء في تعلم اللغة .. وأهمية حفظ الكلمات + موقع يحتوي على أهم 3000 كلمة انجليزية



>>>Lab Coat<<<
8th November 2008, 09:05 PM
السلام عليكم
زي ما نعرف ان اكثر التركيز على الانجليزي في التحضيرية

( كلامي في هذا الموضوع من تجربة وأخطاء كثيرة وقعت فيها والحمدلله عدلتها )

فيه ناس عندهم افكار خاطئة في تعلم اللغة
اذا كنت بتبني بيت فخم وجميل من طوب ممتاز وبتزين البيت من الخارج
وكنت تبني هالبيت على ارض غير صالحه للبناء
فكل ما تحاول انك تبني بيتك بينهدم
ليش ؟؟ لأن اساسه غير صالح والبيت الفخم ما عنده شي يوقف عليه

الكلمات اساس اللغة
ما تقدر تمارس المهارات مهما كانت الا لما يكون عندك كلمات حافظها
حافظ معناها بالعربي وفاهم تفسيرها بالإنجليزي
البعض يقولك اقرا انجليزي واسمع الاخبار
كيف تقرا وتسمع وانت ما تدري وش تسمع ووش تقرا ؟؟
فائدة الاستماع هي التقاط الكلمة اللي انت تعرفها وفهمها
فائدة القراءة انك تقرا كلمة انت عارفها وتنطقها صح وتفهمها بسرعه
ادخل عند حلاق كله هنود واقعد معهم يوم كامل اتحداك تطلع بكلمة
اذا بسمعك جملة من 5 كلمات ما تعرف ولا وحده فيهم لو تعيدها على نفسك مليون مره ما بتفهمها
لكن لو تعرف هالكلمات الخمس وتسمع الجملة مرتين وثلاث واربع بتفهمها
والقراءه نفس الشي
بجيب لكم مثال بسيط
I will take this carpet to my house
الاكثرية يعرفون معنى هاذي الجملة
لكن البعض ما يعرف معنى كلمة carpet
يالله عاد ... وش هالشي اللي باخذه لبيتي ؟؟
فكرو




فكرو



ما عرفتم ؟؟



معنى كلمة carpet هي سجادة

ارجع اقرا الجملة
فهمتها الحين ولالا ؟؟
الجملة صارت "سآخذ هذه السجادة إلى منزلي"
لو تسمع هالجملة وانت ما تعرف معنى كلمة carpet ما بتفهما ابدا
لكن الان عرفنا المعنى ويحتاج تسمعها اكثر من مره
لان اكثر متقني اللغة يتكلمون بكلمات متشابكة
فانت لازم تعرف هالكلمات وتفككها في مخك
فيه ناس أعداء حفظ الكلمات ما اعرف ليه
تقول في عمال يجون من برا ما يعرفون ولا كلمة عربي ومع الوقت يعرفون يتكلمون عربي
انا اعلمك الحين وش الفرق بينك وبين الأجنبي اذا تعلمت انجليزي بشكل صحيح وهو تعلم العربي بالممارسة
انت تتعلم اللغة في سنة او حول السنة ..... الأجنبي في سنوات
انت تتكلم وتقرا وتكتب وتفهم ...... الأجنبي يتكلم ويفهم ونادرا جدا تلقاه يكتب أو يقرأ
انت لفتك مضبوطه ... هو لغته مكسرة
حفظك للكلمات راح يسرع تطوير مهاراتك لانك بتبدأ تتوسع في اتقانها
اما الاجنبي بيكون يحفظ كلمات بسيطة عشان كذا صعب انه يتفنن في اللغة
في اجانب صارلهم 10 و 20 سنة في البلد ما يعرفون يتكلمون عربي صح بسبب نقص مفرداتهم
عشان كذا صعب التشبيه

الطريقة الصحيحه لحفظ الكلمات
الطريقة التقليدية هي كتب الكلمات في دفتر وحفظها
طبعا كل واحد عنده أسلوبه في حفظ الكلمة ممكن بالتكرار وممكن بالتشبيه
لكن انا راح اتكلم عن نقطة مهمه
اذا كنت بتحفظ كلمة استخرج مفرداتها
اللي هي "الاسم و "الفعل" و "الصفه" واكثر معانيها
مثلا call تجي اسم بمعنى "اتصال"
وفعل "يتصل" و"يسمي"
ولو نضيف لها ed تصير called وتصير فعل ماضي اللي هو "اتصل" و "سمى"
وتصير صفه بمعنى "مسمى"
مثال اخر
comfort معناها راحه او يريح ( بشد الياء )
و comfortable معناها مرتاح او مريح
apologize يعتذر
apology اعتذار
وهاذي شغلة جدا مهمه لازم ما نغفل عنها
لأنك اذا حفظت مفردة وحده لحالها ما بتعرف كيف تستعملها .. هل انت حفظتها كإسم او فعل او صفه لأنك ما
وتطلع المفردات من القاموس الكتاب واو الجهاز وانا افضل الكتاب في المفردات لانه اسهل في البحث

معلومه مهمه
بتعاني كثيييير في حفظ الكلمات في اول الاسابيع وممكن تصل الى شهرين و3 شهور
لكن تحمل
ابدأ اولا بحفظ 6 و 7 كلمات يوميا خليك في الاسبوع تحفظ من 25 الى 30 كلمة
لا تستعجل ابدا
في خلال شهر حاول ترفعها الى 20 كلمة في اليوم
احفظ يومين او ثلاثه وارتاح يوم
والكلمات اللي تحفظها لازم تراجعها من مرتين الى ثلاث مرات في الايام اللي بعدها مباشره
يعني تحفظ 20 كلمة اليوم
واليوم الثاني تحفظ 20 كلمة وتراجع 20
واليوم الثالث تحفظ 20 وتراجع 40
وتستمر على منوال تحفظ 20 كلمة وتراجع اخر 40 كلمة
وكل اسبوعين خذلك يومين تراجع فيه كل الكلمات
لان الكلمات اللي ما بتراجعها لا تحفظها من الاساس
لانها ما بتثبت في مخك
راح تلقى النتيجه واضحة جدا بعد حفظ أول 1000 كلمة
اي كلمة تحفظها لازم تكتبها عشان تحفظ السبيلنق
وللمعلومه ترا السبيلنق بيتعبك فخلي عندك طولة بال
وبتنسى كلمات حفظتها وراجعتها كثير
عادي جدا تحمل
مع الوقت ( توصل لسنتين وثلاث ) تتعود على الكلمة الصحيحه مع الممارسة
والسبيلينق سوي له نفس المراجعه حقت الحفظ
والكلمات اللي تحفظها لازم تسمع نطقها سواء على جهاز dictionary او برامج الكمبيوتر

وهاذي هديه بسيطة موقع فيه أكثر 3000 كلمة استخدام وشفتها صراحه سهله وواضحه ومهمه في نفس الوقت

Large English Vocabulary Word Lists (ESL/EFL) (http://www.manythings.org/vocabulary/lists/l/)

أحمد الكربي
8th November 2008, 09:16 PM
تسلم أخوي
بصراحة أنا استفدت من موضوعك < < < لكن للأسف بعد ما تخرجت من التحضيرية ؛؛؛؛

DIGITAL KNIGHT
8th November 2008, 09:19 PM
موضوعك رائع

لك تحياتي

:ورده:

Mared
8th November 2008, 09:38 PM
موضوع اكثر من رائع
تسلم اخوي

Dr.yazeed_90
8th November 2008, 10:11 PM
معلومات قيمة ومجهود واضح مشكور اخوي يعطيك كل عافيا
وننتظر جديدك

Dr.Oz
8th November 2008, 11:16 PM
الله يعطيك العافيه

افاده كبيره في هذا الموضوع وفي هذا الموقع

صدى التميز
8th November 2008, 11:41 PM
موضوع رائع و متميز
ونصائح مفيدة

جهد تشكر عليه

تحياتي
أخوك صدى التميز

د.خرباش
8th November 2008, 11:53 PM
الله يجزاك خير ويوفقك..

مجهود تشكر عليه..

شسمه
9th November 2008, 12:52 AM
انا ودي احفظ كلمات الي طرحتها لنا ولكن غير مترجمه
يا ليت احد يعلمنا عن كلمات مترجمه واكوون لهوو مشكوور

قائدهم
9th November 2008, 07:31 AM
الله يوفقك ياربي
بس الموقع ذا مو مترجم الكلمات هل لازم اترجهما

طيب عند كتابة الكلمات في دفتر وحفظها هل يجب استخدامها وهل اكتب معناها بالعربي وشكرا جزيلا

( Dana )
9th November 2008, 06:07 PM
يعطيك العافيه يا رب : )

>>>Lab Coat<<<
9th November 2008, 07:33 PM
الله يعافيكم يا رب

بالنسبة للي يسألون عن الترجمة
فيه برامج ترجمة في الانترنت واحسنها من وجهة نظري هو الوافي
وطبعا الافضل والافضل هو القاموس الإلكتروني ومن تجربة فالأفضل هو أطلس (قيمته تقريبا 600 ريال )




الله يوفقك ياربي
بس الموقع ذا مو مترجم الكلمات هل لازم اترجهما

طيب عند كتابة الكلمات في دفتر وحفظها هل يجب استخدامها وهل اكتب معناها بالعربي وشكرا جزيلا

وإياك اجمعين
اولا اكيد لازم تترجمها مثل ما قلت فوق
وحفظها اكيد يكون بالعربي ويكون افضل لو برضو تفهم معناها بالإنجليزي
واما عن استخدامها
فلو حفظت 200 كلمة من اكثر الكلمات استخداما
لما تبدا تقرا وتسمع راح تمر عليك الكلمات اللي انت حفظتها وبالتالي هذا صار استخدام وممارسة

>>>Lab Coat<<<
9th November 2008, 07:35 PM
لما جبتم طاري الكلمات المترجمة تذكرت ملف قديم كان موجود بالإنترنت وبجهازي
ووجدته الان في الانترنت وهذا رابطة

اكثر 500 كلمة استخداما في اللغة الإنجليزية مع ترجمتها
http://www.saudizoom.com/uploaded/28/500.zip

AL KHALDI
9th November 2008, 07:45 PM
مشكوووووووور اخوي فعلا كلام بمحله


ومشكووووور ع ملف word جدا مفيدا


الله يعطيك العافيه :ورده:

Dr.Melta
9th November 2008, 08:11 PM
جزاك الله كل خير ..

والله يوفقك ..

فخامة الرئيس
9th November 2008, 08:58 PM
كلامك جميل وفي محله ..

بس أحيانا قد لا يكون فهم الجمله من السياق .. قد يكون من التكرار ..!

بعض الأحيان حفظ المعنى لا ينفع ..

يمكن كلامي ما يكون واضح .. بس عندنا مثال " sound " .. المعرف أنها صوت .. ولكن وبكثره أستخدمناها على أن معناها يبدو ..!

فيه طريقه حلوه يسمونها فريزز أو زي كذا .. أنك تحط الكلمات في جمل شائعه دائما تستخدم علشان تعرف بهالوضع معناها كذا وبهالوضع معناها كذا ..

يبقى الوضع للي يبي يتعلم لنفسه .. واللي يبي يتعلم علشان يعدي التحضيريه ..!

موفق يبو .. ومشكور مره ثانيه على المعلومات الحلوه :) ..

هلالي صميم(ابوسلطان)
9th November 2008, 09:27 PM
بيض الله وجهك ياطيب

al-inazy
9th November 2008, 11:06 PM
يا خوي ما شاء الله عليك الله يوفقك موضوع تستحق عليه وسام ذهبي مع مرتبت الشرف الاولى>>>هدء اعصابك a020

sakroub
10th November 2008, 12:56 AM
أشكرك بعنف
صراحة كلام واقعي
أما الـ500 كلمة يبي لها شكر لحالها مع أنها موجودة عندي

الأسير 007
10th November 2008, 06:32 AM
ماشاء الله عليك ما بقيت شي

وانشاء الله اقدر اطبق نصايحك


ومشكووووووووووووووووووووو ووووووووووووور على الموضوع الروعة